ब्रह्मेश्वर की महिमा

श्लोक 1 (skanda.5.136.1)

श्रीहर उवाच। पंचषष्टिकसंख्याकं विद्धि ब्रह्मेश्वरं प्रिये। यस्य दर्शनमात्रेण ब्रह्मलोको ह्यवाप्यते॥

śrīhara uvāca| paṁcaṣaṣṭikasaṁkhyākaṁ viddhi brahmeśvaraṁ priye| yasya darśanamātreṇa brahmaloko hyavāpyate||

श्रीहर ने कहा - हे प्रिये! पैंसठवें लिंग ब्रह्मेश्वर को जानो, जिनके दर्शनमात्र से ब्रह्मलोक प्राप्त हो जाता है।

श्लोक 2 (skanda.5.136.2)

पुलोमानाम दैत्येंद्रो महाबलपराक्रमः। पौलोमानां सहस्रैस्तु पूज्यमानः स तिष्ठति॥

pulomānāma daityeṁdro mahābalaparākramaḥ| paulomānāṁ sahasraistu pūjyamānaḥ sa tiṣṭhati||

पुलोमा नामक एक दैत्येंद्र था, जो महान बल और पराक्रम से युक्त था; वह हजारों पौलोमों द्वारा पूजित होकर वहां रहता था।

श्लोक 3 (skanda.5.136.3)

आनर्चुस्तेऽपि तं दैत्यं सुरेशं त्रिदशा इव। स कदाचित्समक्षं तु दैत्यानामिदमब्रवीत्॥

ānarcuste'pi taṁ daityaṁ sureśaṁ tridaśā iva| sa kadācitsamakṣaṁ tu daityānāmidamabravīt||

वे सब भी उस दैत्य की पूजा वैसे ही करते थे जैसे देवगण अपने स्वामी इंद्र की करते हैं। एक बार उसने दैत्यों के समक्ष यह कहा।

श्लोक 4 (skanda.5.136.4)

अद्यापि लोकपालानामर्केंदुज्वलनांभसाम्। शतक्रतोर्द्धनेशस्य यमस्य वरुणस्य च॥

adyāpi lokapālānāmarkeṁdujvalanāṁbhasām| śatakratorddhaneśasya yamasya varuṇasya ca||

'आज भी लोकपालों की, अर्थात् सूर्य, चंद्र, अग्नि और जल की, शतक्रतु इंद्र की, धनेश कुबेर की, यम की तथा वरुण की -'

श्लोक 5 (skanda.5.136.5)

यदि नाम ततः किं मे तपसा जीवितेन च। सोऽहं विद्रावयिष्यामि सर्वानेव दिवौकसः॥

yadi nāma tataḥ kiṁ me tapasā jīvitena ca| so'haṁ vidrāvayiṣyāmi sarvāneva divaukasaḥ||

'- चाहे वे अब भी हों, तो मुझे क्या! यदि मैं इन सब स्वर्गवासियों को तितर-बितर न कर दूं, तो मेरे तप और जीवन का क्या प्रयोजन!'

श्लोक 6 (skanda.5.136.6)

सर्वैरेतैः परिवृतः पौलोमैर्बलवत्तरैः। इत्युक्त्वा गतवान्देवि सागरं दैत्यसंवृतः। तावच्छयानं सहसा ह्यपश्यन्मधुसूदनम्॥

sarvairetaiḥ parivṛtaḥ paulomairbalavattaraiḥ| ityuktvā gatavāndevi sāgaraṁ daityasaṁvṛtaḥ| tāvacchayānaṁ sahasā hyapaśyanmadhusūdanam||

इन सब अत्यंत बलवान पौलोमों से घिरा हुआ, ऐसा कहकर, हे देवी! वह दैत्यों से घिरा हुआ समुद्र की ओर गया; और वहां उसने अचानक मधुसूदन को शयन करते देखा।

श्लोक 7 (skanda.5.136.7)

शारदाभ्रसमाभासं मध्येकालं यथा घनम्। तमालोक्य ततो दैत्यानब्रवीदनुगांस्तथा॥

śāradābhrasamābhāsaṁ madhyekālaṁ yathā ghanam| tamālokya tato daityānabravīdanugāṁstathā||

शरद ऋतु के मेघ के समान कांतिमान, किंतु वर्षा-काल के मेघ के समान श्याम-वर्ण उस विष्णु को देखकर, उसने अपने अनुगामी दैत्यों से यह कहा।

श्लोक 8 (skanda.5.136.8)

अयं स दानवगिरिवज्रो हि मधुसूदनः। कीर्त्तिकांताकलाकेलिवैधव्यादेशको द्विषाम्॥

ayaṁ sa dānavagirivajro hi madhusūdanaḥ| kīrttikāṁtākalākelivaidhavyādeśako dviṣām||

'यही वह मधुसूदन है, जो दानवरूपी पर्वत के लिए वज्र के समान है, और जो शत्रुओं की कला-केलि में रत प्रिय पत्नियों को वैधव्य प्रदान करने वाला है।'

श्लोक 9 (skanda.5.136.9)

दैत्यसीमंतिनीकांतपत्रवल्लीप्रभंजकः। अयमस्मज्जयवधूवैधव्यादेशकः परः॥

daityasīmaṁtinīkāṁtapatravallīprabhaṁjakaḥ| ayamasmajjayavadhūvaidhavyādeśakaḥ paraḥ||

'यही दैत्य-स्त्रियों के सुंदर सीमंत रूपी लता-पत्रों को नष्ट करने वाला है, और यही हमारी विजय-वधू को भी वैधव्य का आदेश देने वाला है।'

श्लोक 10 (skanda.5.136.10)

गतशंकः स्वपित्येकः सर्वदा कुटिलाशयः। हंतव्यस्त्वरया दुष्टः कांक्षितो दर्शनं गतः॥

gataśaṁkaḥ svapityekaḥ sarvadā kuṭilāśayaḥ| haṁtavyastvarayā duṣṭaḥ kāṁkṣito darśanaṁ gataḥ||

'यह सदा कुटिल हृदय वाला निःशंक होकर अकेला सो रहा है; यह दुष्ट, जिसे हम इतने समय से चाहते थे, अब हमारी दृष्टि में आ गया है, इसे शीघ्र मार डालना चाहिए।'

श्लोक 11 (skanda.5.136.11)

इत्युक्त्वा स हि दैत्येंद्रः पुलोमातिरुषान्वितः। अभिदुद्राव वेगेन तावदग्रे पितामहम्। ददर्श नाभिकमले चिन्तयानं पुनःपुनः॥

ityuktvā sa hi daityeṁdraḥ pulomātiruṣānvitaḥ| abhidudrāva vegena tāvadagre pitāmaham| dadarśa nābhikamale cintayānaṁ punaḥpunaḥ||

यह कहकर वह दैत्येंद्र पुलोमा अत्यंत क्रोध से भरकर वेग से आगे दौड़ा; और वहां नाभिकमल पर उसने पितामह ब्रह्मा को बार-बार चिंतामग्न देखा।

श्लोक 12 (skanda.5.136.12)

अथ व्याकुलतां प्राप्तो ब्रह्मा दृष्ट्वा तदद्भुतम्। आयांतं दैत्यसिंहानां सैन्यं रणसुदुर्जयम्॥

atha vyākulatāṁ prāpto brahmā dṛṣṭvā tadadbhutam| āyāṁtaṁ daityasiṁhānāṁ sainyaṁ raṇasudurjayam||

तब उन दैत्य-सिंहों की युद्ध में दुर्जय सेना को आते देखकर ब्रह्मा उस अद्भुत दृश्य से व्याकुल हो उठे।

श्लोक 13 (skanda.5.136.13)

अथ बोधं गतः क्षिप्रं कैटभारिर्महाबलः। ददर्शाग्रे पुलोमं तु स्वसैन्यपरिवारितम्॥

atha bodhaṁ gataḥ kṣipraṁ kaiṭabhārirmahābalaḥ| dadarśāgre pulomaṁ tu svasainyaparivāritam||

तभी कैटभ के शत्रु महाबली विष्णु शीघ्र जाग गए, और उन्होंने अपनी सेना से घिरे हुए पुलोमा को सामने देखा।

श्लोक 14 (skanda.5.136.14)

अजेयः संगरे धीरो ब्रह्माणमिदम ब्रवीत्॥

ajeyaḥ saṁgare dhīro brahmāṇamidama bravīt||

युद्ध में अजेय और धीर विष्णु ने ब्रह्मा से यह कहा।

श्लोक 15 (skanda.5.136.15)

विष्णुरुवाच। पुलोमस्य विनाशार्थमुद्योगः क्रियतामिति। असौ लब्धवरो दैत्यः सहसा मां विजेष्यति॥

viṣṇuruvāca| pulomasya vināśārthamudyogaḥ kriyatāmiti| asau labdhavaro daityaḥ sahasā māṁ vijeṣyati||

विष्णु ने कहा - पुलोमा के विनाश के लिए प्रयत्न करना चाहिए; यह वरदान-प्राप्त दैत्य सहसा मुझे भी पराजित कर सकता है।

श्लोक 16 (skanda.5.136.16)

तस्माद्गच्छ त्वरायुक्तो महाकालवने शुभे। लिंगं द्रक्ष्यसि तत्रैव सप्तकल्पोद्भवं परम्॥

tasmādgaccha tvarāyukto mahākālavane śubhe| liṁgaṁ drakṣyasi tatraiva saptakalpodbhavaṁ param||

'इसलिए तुम शीघ्रता से शुभ महाकालवन को जाओ; वहीं तुम सात कल्पों से विद्यमान उस परम लिंग के दर्शन करोगे।'

श्लोक 17 (skanda.5.136.17)

उत्तरे च्यवनेशस्य शिवशक्तिसमन्वितम्। तस्य लिंगस्य माहात्म्याद्बलं प्राप्स्यति शाश्वतम्॥

uttare cyavaneśasya śivaśaktisamanvitam| tasya liṁgasya māhātmyādbalaṁ prāpsyati śāśvatam||

'च्यवनेश्वर के उत्तर में स्थित, शिव-शक्ति से युक्त उस लिंग के माहात्म्य से तुम्हें शाश्वत बल प्राप्त होगा।'

श्लोक 18 (skanda.5.136.18)

कुण्डेश्वरकरस्पर्शकारि वारि निरंतरम्। तदानय गृहीत्वा तु तेनायं वध्यतामिति॥

kuṇḍeśvarakarasparśakāri vāri niraṁtaram| tadānaya gṛhītvā tu tenāyaṁ vadhyatāmiti||

'कुण्डेश्वर के हाथ के स्पर्श से निरंतर पवित्र होने वाले उस जल को लेकर लाओ, और उसी से इसे मार डालो।'

श्लोक 19 (skanda.5.136.19)

इति तस्य वचः श्रुत्वा ब्रह्मा लोकपितामहः। आजगाम मुहूर्तेन यत्र तल्लिंगमुत्तमम्॥

iti tasya vacaḥ śrutvā brahmā lokapitāmahaḥ| ājagāma muhūrtena yatra talliṁgamuttamam||

उनके इस वचन को सुनकर लोकपितामह ब्रह्मा उसी क्षण उस उत्तम लिंग के स्थान पर जा पहुंचे।

श्लोक 20 (skanda.5.136.20)

स्तुतिं चकार सहसा दृष्ट्वा भक्त्या पितामहः॥

stutiṁ cakāra sahasā dṛṣṭvā bhaktyā pitāmahaḥ||

उसे देखते ही पितामह ने तुरंत भक्तिपूर्वक स्तुति की।

श्लोक 21 (skanda.5.136.21)

ब्रह्मोवाच। नमस्ते दिव्यरूपाय नमस्ते बहुरूपिणे। नमोऽविषह्यवीर्याय नमो विश्वक्रियात्मने॥

brahmovāca| namaste divyarūpāya namaste bahurūpiṇe| namo'viṣahyavīryāya namo viśvakriyātmane||

ब्रह्मा ने कहा - हे दिव्यरूप! आपको नमस्कार है, हे बहुरूपधारी! आपको नमस्कार है। हे अविषह्य वीर्यशाली! आपको नमस्कार, हे संपूर्ण जगत् की क्रिया के स्वरूप! आपको नमस्कार।

श्लोक 22 (skanda.5.136.22)

नमः पिंगकपर्द्दाय नमः खंडेंदुधारिणे। नमः कनकवर्णाय नमो वननिवासिने॥

namaḥ piṁgakaparddāya namaḥ khaṁḍeṁdudhāriṇe| namaḥ kanakavarṇāya namo vananivāsine||

'हे पिंगल जटाधारी! आपको नमस्कार, हे खण्ड-चंद्र धारण करने वाले! आपको नमस्कार। हे स्वर्णवर्ण! आपको नमस्कार, हे वननिवासी! आपको नमस्कार।'

श्लोक 23 (skanda.5.136.23)

वंदे त्वां भूतभर्त्तारं सदा शत्रुविनाशनम्। रणत्कनककेयूरं धृतपूर्णेंदुमंड लम्॥

vaṁde tvāṁ bhūtabharttāraṁ sadā śatruvināśanam| raṇatkanakakeyūraṁ dhṛtapūrṇeṁdumaṁḍa lam||

'मैं समस्त प्राणियों के पालनकर्ता, सदा शत्रुओं के विनाशक, झंकृत स्वर्ण-केयूर धारण करने वाले, पूर्ण चंद्रमंडल को धारण करने वाले आपकी वंदना करता हूं।'

श्लोक 24 (skanda.5.136.24)

वन्दे त्वां त्रिदशाध्यक्षं विश्वाध्यक्षं महेश्वरम्। क्षीणसंसारदुःखौघं मुनिध्यातपदं सदा॥

vande tvāṁ tridaśādhyakṣaṁ viśvādhyakṣaṁ maheśvaram| kṣīṇasaṁsāraduḥkhaughaṁ munidhyātapadaṁ sadā||

'मैं देवताओं के अधिपति, विश्व के अधिपति, महेश्वर की वंदना करता हूं, जिनके चरण मुनियों द्वारा सदा ध्यान किए जाने पर संसार के दुःख-प्रवाह को क्षीण कर देते हैं।'

श्लोक 25 (skanda.5.136.25)

वंदे त्वां सर्वदा देवं दैत्यसंघातनाशनम्। टंकपट्टिशशूलाग्रधनुःखड्गगदाधरम्॥

vaṁde tvāṁ sarvadā devaṁ daityasaṁghātanāśanam| ṭaṁkapaṭṭiśaśūlāgradhanuḥkhaḍgagadādharam||

'मैं दैत्यसमूहों के नाशक, टंक, पट्टिश, तीक्ष्ण शूल, धनुष, खड्ग और गदा धारण करने वाले देव, आपकी सदा वंदना करता हूं।'

श्लोक 26 (skanda.5.136.26)

एवं स्तुतः स भगवाँल्लिंगरूपी महेश्वरः। किंचित्स्मितमुखः प्राह ब्रह्माणं लोककारणम्॥

evaṁ stutaḥ sa bhagavā~lliṁgarūpī maheśvaraḥ| kiṁcitsmitamukhaḥ prāha brahmāṇaṁ lokakāraṇam||

इस प्रकार स्तुति किए जाने पर, लिंगरूपधारी भगवान महेश्वर ने कुछ मुस्कुराते हुए, लोक के कारणस्वरूप ब्रह्मा से यह कहा।

श्लोक 27 (skanda.5.136.27)

किं तेऽभीष्टं करोम्यद्य किं ददामि पितामह। कस्मात्स्तौषि मुनिश्रेष्ठ कस्मादार्तोऽसि दृश्यसे॥

kiṁ te'bhīṣṭaṁ karomyadya kiṁ dadāmi pitāmaha| kasmātstauṣi muniśreṣṭha kasmādārto'si dṛśyase||

'हे पितामह! आज तुम्हारी क्या अभीष्ट इच्छा है, जिसे मैं पूर्ण करूं? मैं तुम्हें क्या दूं? हे मुनिश्रेष्ठ! तुम मेरी स्तुति क्यों कर रहे हो? तुम व्याकुल क्यों दिखाई देते हो?'

श्लोक 28 (skanda.5.136.28)

इति लिंगवचः श्रुत्वा कथितं ब्रह्मणा तदा। वृत्तांतं विस्तरात्सर्वं लिंगेनोक्तं तदा प्रिये॥

iti liṁgavacaḥ śrutvā kathitaṁ brahmaṇā tadā| vṛttāṁtaṁ vistarātsarvaṁ liṁgenoktaṁ tadā priye||

लिंग के इन वचनों को सुनकर ब्रह्मा ने तब संपूर्ण वृत्तांत विस्तार से कह सुनाया; और हे प्रिये! तब लिंग ने यह कहा।

श्लोक 29 (skanda.5.136.29)

जलं गृहाण वाणीश शस्त्रजं शत्रुवारणम्। हनिष्यसि क्षणेनैव पुलोमं सहसैन्यकम्॥

jalaṁ gṛhāṇa vāṇīśa śastrajaṁ śatruvāraṇam| haniṣyasi kṣaṇenaiva pulomaṁ sahasainyakam||

'हे वाणीश! शत्रुओं का निवारण करने वाला यह अस्त्ररूपी जल ग्रहण करो; तुम इसी क्षण पुलोमा को उसकी समस्त सेना सहित मार डालोगे।'

श्लोक 30 (skanda.5.136.30)

इत्युक्तः सत्वरो ब्रह्मा गतो यत्र जनार्द्दनः। जलेन तेन तान्दै त्यान्पातयामास भूतले॥

ityuktaḥ satvaro brahmā gato yatra janārddanaḥ| jalena tena tāndai tyānpātayāmāsa bhūtale||

यह कहे जाने पर ब्रह्मा शीघ्रता से जनार्दन के पास गए; और उसी जल से उन्होंने उन दैत्यों को धराशायी कर दिया।

श्लोक 31 (skanda.5.136.31)

स पुलोमा महानासीत्स्वारोचिषेंऽतरे मनौ। कृष्णोऽपि ब्रह्मणा सार्द्धमाजगाम कुशस्थलीम्॥

sa pulomā mahānāsītsvārociṣeṁ'tare manau| kṛṣṇo'pi brahmaṇā sārddhamājagāma kuśasthalīm||

वह महान पुलोमा स्वारोचिष मन्वंतर में विद्यमान था; और कृष्ण (विष्णु) भी ब्रह्मा के साथ कुशस्थली को आए।

श्लोक 32 (skanda.5.136.32)

ददर्श तत्र तल्लिंगं नाम चक्रे जनार्द्दनः। ब्रह्मणा संस्तुतो देवो ममानुग्रहकारणात्। तस्माद्ब्रह्मेश्वरोनाम ख्यातिं लोकेषु यास्यति॥

dadarśa tatra talliṁgaṁ nāma cakre janārddanaḥ| brahmaṇā saṁstuto devo mamānugrahakāraṇāt| tasmādbrahmeśvaronāma khyātiṁ lokeṣu yāsyati||

वहां जनार्दन ने उस लिंग का दर्शन किया और उसका नामकरण किया; ब्रह्मा द्वारा मेरी कृपा के कारण स्तुति किए गए वह देव इसी कारण लोकों में ब्रह्मेश्वर नाम से विख्यात होंगे।

श्लोक 33 (skanda.5.136.33)

ये द्रक्ष्यंति नरा भक्त्या देवं ब्रह्मेश्वरं शिवम्। ते ब्रह्मलोकमाक्रम्य समेष्यन्ति ममान्तिकम्॥

ye drakṣyaṁti narā bhaktyā devaṁ brahmeśvaraṁ śivam| te brahmalokamākramya sameṣyanti mamāntikam||

जो मनुष्य भक्तिपूर्वक मंगलमय देव ब्रह्मेश्वर के दर्शन करेंगे, वे ब्रह्मलोक को पार करके मेरे ही समीप आ पहुंचेंगे।

श्लोक 34 (skanda.5.136.34)

यस्तु पश्येत्प्रसंगेन देवं ब्रह्मेश्वरं शिवम्। कृतकृत्यः स पुरुषो न शोचेन्मरणं सदा॥

yastu paśyetprasaṁgena devaṁ brahmeśvaraṁ śivam| kṛtakṛtyaḥ sa puruṣo na śocenmaraṇaṁ sadā||

जो व्यक्ति प्रसंगवश भी मंगलमय देव ब्रह्मेश्वर के दर्शन कर लेता है, वह कृतकृत्य हो जाता है और कभी मृत्यु का शोक नहीं करता।

श्लोक 35 (skanda.5.136.35)

यः पुष्करं नरो गत्वा तपो वर्षशतं चरेत्। अन्यो ब्रह्मेश्वरं पश्येत्तस्य पुण्यं ततोऽधिकम्॥

yaḥ puṣkaraṁ naro gatvā tapo varṣaśataṁ caret| anyo brahmeśvaraṁ paśyettasya puṇyaṁ tato'dhikam||

जो मनुष्य पुष्कर जाकर सौ वर्षों तक तप करे, उससे भी अधिक पुण्य उस दूसरे मनुष्य को प्राप्त होता है जो केवल ब्रह्मेश्वर का दर्शन कर ले।

श्लोक 36 (skanda.5.136.36)

पंचपातकसंयुक्तो यो मर्त्त्यो दुष्टमानसः। सोपि गच्छेच्छिवं स्थानं दृष्ट्वा ब्रह्मेश्वरं शिवम्॥

paṁcapātakasaṁyukto yo marttyo duṣṭamānasaḥ| sopi gacchecchivaṁ sthānaṁ dṛṣṭvā brahmeśvaraṁ śivam||

पांच महापातकों से युक्त, दुष्ट मन वाला मनुष्य भी मंगलमय ब्रह्मेश्वर के दर्शन से शिव के परम स्थान को प्राप्त हो जाता है।

श्लोक 37 (skanda.5.136.37)

चांद्रायणानां विधिवद्दशानामेव यत्फलम्। तत्फलं समवाप्नोति ब्रह्मेश्वरस्य दर्शनात्॥

cāṁdrāyaṇānāṁ vidhivaddaśānāmeva yatphalam| tatphalaṁ samavāpnoti brahmeśvarasya darśanāt||

विधिपूर्वक किए गए दस चांद्रायण व्रतों का जो फल होता है, वही फल ब्रह्मेश्वर के दर्शन से प्राप्त हो जाता है।

श्लोक 38 (skanda.5.136.38)

इत्युक्त्वा गतवान्विष्णुर्वैकुंठं शाश्वतं प्रिये। ब्रह्मलोकं जगामाथ ब्रह्मा लोकपितामहः॥

ityuktvā gatavānviṣṇurvaikuṁṭhaṁ śāśvataṁ priye| brahmalokaṁ jagāmātha brahmā lokapitāmahaḥ||

यह कहकर हे प्रिये! विष्णु शाश्वत वैकुंठ को चले गए; और लोकपितामह ब्रह्मा भी ब्रह्मलोक को चले गए।

श्लोक 39 (skanda.5.136.39)

एष ते कथितो देवि प्रभावः पापनाशनः। ब्रह्मेश्वरस्य देवस्य जल्पेश्वरमथो शृणु॥

eṣa te kathito devi prabhāvaḥ pāpanāśanaḥ| brahmeśvarasya devasya jalpeśvaramatho śṛṇu||

हे देवी! यह मैंने तुम्हें ब्रह्मेश्वर देव का पापनाशक प्रभाव बताया; अब जल्पेश्वर के विषय में सुनो।