पशुपतीश्वर की महिमा

श्लोक 1 (skanda.5.135.1)

ईश्वर उवाच। शृणु त्वं पशुपत्याख्यं चतुःषष्टिकमीश्वरम्। यस्य दर्शनमात्रेण पशुयोनिर्न लभ्यते॥

īśvara uvāca| śṛṇu tvaṁ paśupatyākhyaṁ catuḥṣaṣṭikamīśvaram| yasya darśanamātreṇa paśuyonirna labhyate||

ईश्वर ने कहा - हे प्रिये! चौंसठवें ईश्वर पशुपति नामक लिंग को जानो, जिनके दर्शनमात्र से पशु-योनि प्राप्त नहीं होती।

श्लोक 2 (skanda.5.135.2)

पशुपालो महादेवि बभूव भुवि विश्रुतः। राजा परम धर्मिष्ठः पशूनां पालने रतः॥

paśupālo mahādevi babhūva bhuvi viśrutaḥ| rājā parama dharmiṣṭhaḥ paśūnāṁ pālane rataḥ||

हे महादेवी! पृथ्वी पर पशुपाल नामक एक राजा विख्यात हुआ, जो परम धर्मिष्ठ था और पशुओं के पालन में सदा रत रहता था।

श्लोक 3 (skanda.5.135.3)

दिदृक्षुः स कदाचिच्च गतस्तोयनिधिं प्रति। ददर्श तत्र पुरुषान्पंच प्राधान्यतः स्थितान्। एका स्त्री मुक्तकेशा सा भ्रमन्ती च पुनःपुनः॥

didṛkṣuḥ sa kadācicca gatastoyanidhiṁ prati| dadarśa tatra puruṣānpaṁca prādhānyataḥ sthitān| ekā strī muktakeśā sā bhramantī ca punaḥpunaḥ||

एक बार कुछ देखने की इच्छा से वह समुद्र की ओर गया; वहां उसने पांच पुरुषों को प्रमुखता से खड़े देखा, और एक स्त्री को, जिसके केश बिखरे हुए थे, बार-बार इधर-उधर भटकते देखा।

श्लोक 4 (skanda.5.135.4)

अथ राजा भयाविष्टो विसंज्ञः समपद्यत। संवेष्टितो दस्युभिस्तैस्तया नार्या विशेषतः॥

atha rājā bhayāviṣṭo visaṁjñaḥ samapadyata| saṁveṣṭito dasyubhistaistayā nāryā viśeṣataḥ||

तब राजा भय से आविष्ट होकर बेसुध हो गया, उन डाकुओं से तथा विशेषकर उस स्त्री से घिर जाने के कारण।

श्लोक 5 (skanda.5.135.5)

ततोन्ये समपातं च आगत्य नृपसत्तमम्। संवेष्ट्य संस्थितैः सर्वैस्ततो रुद्धो महीपतिः॥

tatonye samapātaṁ ca āgatya nṛpasattamam| saṁveṣṭya saṁsthitaiḥ sarvaistato ruddho mahīpatiḥ||

फिर अन्य डाकू भी उस श्रेष्ठ राजा पर टूट पड़े; सबने मिलकर उसे चारों ओर से घेर लिया, और इस प्रकार राजा अवरुद्ध हो गया।

श्लोक 6 (skanda.5.135.6)

रुद्धे राजनि ते सर्वे एकीभूतास्तु दस्यवः। घातिताः पशुपालेन न मृताः पुनरुत्थिताः॥

ruddhe rājani te sarve ekībhūtāstu dasyavaḥ| ghātitāḥ paśupālena na mṛtāḥ punarutthitāḥ||

राजा के अवरुद्ध होते ही वे सभी डाकू एक हो गए; पशुपाल द्वारा मारे जाने पर भी वे मरे नहीं, बल्कि पुनः उठ खड़े हुए।

श्लोक 7 (skanda.5.135.7)

तस्य तां धृष्टतां ज्ञात्वा स्थैर्यं च नृपतेर्मृधे। तस्यैव नृपतेर्देहे लीनास्ते दश दस्यवः॥

tasya tāṁ dhṛṣṭatāṁ jñātvā sthairyaṁ ca nṛpatermṛdhe| tasyaiva nṛpaterdehe līnāste daśa dasyavaḥ||

उसका साहस और युद्ध में उसकी स्थिरता जानकर, वे दस डाकू स्वयं उसी राजा के शरीर में लीन हो गए।

श्लोक 8 (skanda.5.135.8)

अमूर्ता इव ते सर्वे एकीभूतास्ततोऽभवन्। तान्दृष्ट्वा दुःखितो राजा पशुपालोऽभवत्क्षणात्॥

amūrtā iva te sarve ekībhūtāstato'bhavan| tāndṛṣṭvā duḥkhito rājā paśupālo'bhavatkṣaṇāt||

मानो निराकार होकर वे सभी एक हो गए; उन्हें देखकर राजा पशुपाल क्षणभर में दुःखी हो गया।

श्लोक 9 (skanda.5.135.9)

अथापश्यत्तदाऽऽयांतं नारदं मुनिपुंगवम्। ब्रह्मपुत्रं तपोयुक्तं पप्रच्छ स नृपस्तदा॥

athāpaśyattadā''yāṁtaṁ nāradaṁ munipuṁgavam| brahmaputraṁ tapoyuktaṁ papraccha sa nṛpastadā||

तभी उसने मुनिश्रेष्ठ, तपस्वी, ब्रह्मपुत्र नारद को आते देखा; राजा ने तब उनसे प्रश्न किया।

श्लोक 10 (skanda.5.135.10)

पशु पाल उवाच। भगवन्ब्रह्मपुत्राद्य मया दृष्टं तु कौतुकम्। अकस्मात्पुरुषाः पंच समायाता भयावहाः॥

paśu pāla uvāca| bhagavanbrahmaputrādya mayā dṛṣṭaṁ tu kautukam| akasmātpuruṣāḥ paṁca samāyātā bhayāvahāḥ||

पशुपाल ने कहा - हे भगवन् ब्रह्मपुत्र! आज मैंने एक अद्भुत बात देखी है। अचानक पांच भयंकर पुरुष आ पहुंचे।

श्लोक 11 (skanda.5.135.11)

तैरहं वेष्टितो दुष्टैर्व्याकुलश्च कृतस्तदा। मुष्टिभिर्हन्यमानोऽहं स्वस्थो जातो द्विज क्षणात्॥

tairahaṁ veṣṭito duṣṭairvyākulaśca kṛtastadā| muṣṭibhirhanyamāno'haṁ svastho jāto dvija kṣaṇāt||

उन दुष्टों ने मुझे घेर लिया और मुझे व्याकुल कर दिया; मुट्ठियों से पीटे जाने पर भी, हे द्विज! मैं क्षणभर में स्वस्थ हो गया।

श्लोक 12 (skanda.5.135.12)

ततोऽन्ये पुरुषाः पञ्च समायाता नियुध्य माम्। हन्यतां हन्यतामेष मुक्तिकामो नृपाधमः॥

tato'nye puruṣāḥ pañca samāyātā niyudhya mām| hanyatāṁ hanyatāmeṣa muktikāmo nṛpādhamaḥ||

फिर अन्य पांच पुरुष आए और मुझसे युद्ध करने लगे, कहते हुए - इस मुक्ति चाहने वाले नीच राजा को मार डालो, मार डालो!

श्लोक 13 (skanda.5.135.13)

एवं तैः पीडितोऽत्यर्थं पुनर्मोहमुपागतः। एतस्मिन्नन्तरे सा स्त्री मामुवाच पुनःपुनः॥

evaṁ taiḥ pīḍito'tyarthaṁ punarmohamupāgataḥ| etasminnantare sā strī māmuvāca punaḥpunaḥ||

इस प्रकार उनके द्वारा अत्यंत पीड़ित होकर मैं पुनः मोह को प्राप्त हुआ; इसी बीच वह स्त्री बार-बार मुझसे कहने लगी।

श्लोक 14 (skanda.5.135.14)

दृढो भव महाराज मा विषादं कुरु प्रभो। हीनवीर्या ह्यमी चोराः समर्थस्त्वं स्थिरो भव॥

dṛḍho bhava mahārāja mā viṣādaṁ kuru prabho| hīnavīryā hyamī corāḥ samarthastvaṁ sthiro bhava||

हे महाराज! दृढ़ रहो, विषाद मत करो, हे प्रभो! ये चोर बलहीन हैं, तुम समर्थ हो, स्थिर रहो।

श्लोक 15 (skanda.5.135.15)

तस्या वाक्येन विप्रेंद्र मया धैर्येण संयुगे। दश प्रधान पुरुषा जितास्ते न मृताः प्रभो॥

tasyā vākyena vipreṁdra mayā dhairyeṇa saṁyuge| daśa pradhāna puruṣā jitāste na mṛtāḥ prabho||

हे विप्रेंद्र! उसके वचन से और अपने धैर्य से मैंने युद्ध में उन दस प्रमुख पुरुषों को जीत लिया, वे मरे नहीं, हे प्रभो।

श्लोक 16 (skanda.5.135.16)

प्रलीना मच्छरीरे तु केप्यते कापि साऽबला। पशुपालवचः श्रुत्वा नारदो वाक्यमब्रवीत्॥

pralīnā maccharīre tu kepyate kāpi sā'balā| paśupālavacaḥ śrutvā nārado vākyamabravīt||

वे मेरे ही शरीर में लीन हो गए, परंतु वह अबला स्त्री कहां चली गई, यह मुझे ज्ञात नहीं। पशुपाल के वचन सुनकर नारद ने यह कहा।

श्लोक 17 (skanda.5.135.17)

ये त्वया पुरुषा दृष्टास्त्वयि लीना जिता मृधे। बुद्धीन्द्रियाणि ते पञ्च पंच कर्मेन्द्रियाणि च। भ्रमन्ती या च नारी सा त्वया दृष्टा नृपोत्तम॥

ye tvayā puruṣā dṛṣṭāstvayi līnā jitā mṛdhe| buddhīndriyāṇi te pañca paṁca karmendriyāṇi ca| bhramantī yā ca nārī sā tvayā dṛṣṭā nṛpottama||

जो पांच पुरुष तुमने देखे, जो तुममें लीन हुए और युद्ध में जीते गए, वे तुम्हारी पांच बुद्धींद्रियां तथा पांच कर्मेंद्रियां हैं; और जो स्त्री भटकती हुई तुमने देखी, हे राजोत्तम -

श्लोक 18 (skanda.5.135.18)

मनोरूपेण सा बुद्धिर्भ्रमत्येव हि न स्थिरा। जितानि तानि पूर्वेण ब्रह्मणा लोककर्तृणा॥

manorūpeṇa sā buddhirbhramatyeva hi na sthirā| jitāni tāni pūrveṇa brahmaṇā lokakartṛṇā||

- वह मन के रूप में बुद्धि है, जो सदा भटकती रहती है और कभी स्थिर नहीं होती। पूर्वकाल में लोकों के रचयिता ब्रह्मा द्वारा भी वे जीती गई थीं।

श्लोक 19 (skanda.5.135.19)

सोऽपि क्रोधवशं नीत इन्द्रियैर्विषयैः प्रियैः। पितामहेन स्वे यज्ञे शम्भोर्भागो न कल्पितः॥

so'pi krodhavaśaṁ nīta indriyairviṣayaiḥ priyaiḥ| pitāmahena sve yajñe śambhorbhāgo na kalpitaḥ||

वे भी प्रिय विषयों और इंद्रियों के वशीभूत होकर क्रोध को प्राप्त हुए, जब पितामह ने अपने यज्ञ में शंभु का भाग नहीं रखा।

श्लोक 20 (skanda.5.135.20)

महादेवो जगन्नाथः सृष्टिसंहारकारकः। इंद्रियैर्मोहितो राजन्क्रोधं चक्रे सुरा न्प्रति॥

mahādevo jagannāthaḥ sṛṣṭisaṁhārakārakaḥ| iṁdriyairmohito rājankrodhaṁ cakre surā nprati||

हे राजन्! सृष्टि और संहार करने वाले, जगत् के स्वामी महादेव, इंद्रियों से मोहित होकर देवताओं के प्रति क्रुद्ध हो उठे।

श्लोक 21 (skanda.5.135.21)

सुरा विभूतयो यस्य क्रीडार्थं भुवनत्रयम्। तेन भागनिमित्तार्थं चक्रे सज्यं धनुस्तदा॥

surā vibhūtayo yasya krīḍārthaṁ bhuvanatrayam| tena bhāganimittārthaṁ cakre sajyaṁ dhanustadā||

जिनके लिए देवता मात्र विभूतियां हैं और तीनों लोक केवल क्रीड़ा हैं, उन्होंने अपने भाग के निमित्त तब धनुष पर प्रत्यंचा चढ़ाई।

श्लोक 22 (skanda.5.135.22)

पूष्णश्च दंताः संभग्ना मोहितश्च दिवाकरः। नेत्रे भग्ने भगस्यापि विद्धो यज्ञो मृगाकृतिः॥

pūṣṇaśca daṁtāḥ saṁbhagnā mohitaśca divākaraḥ| netre bhagne bhagasyāpi viddho yajño mṛgākṛtiḥ||

पूषा के दांत तोड़ दिए गए, सूर्य को मोहित कर दिया गया, भग के नेत्र नष्ट कर दिए गए, और मृग का रूप धारण किए हुए यज्ञ को बींध दिया गया।

श्लोक 23 (skanda.5.135.23)

पशवश्च कृता देवा मुनयो वेदवर्जिताः। ऋषीणां धर्मशास्त्राणि हृतानि विभुना तथा॥

paśavaśca kṛtā devā munayo vedavarjitāḥ| ṛṣīṇāṁ dharmaśāstrāṇi hṛtāni vibhunā tathā||

देवता पशु बना दिए गए, मुनि वेदविहीन कर दिए गए; उस विभु द्वारा ऋषियों के धर्मशास्त्र भी हर लिए गए।

श्लोक 24 (skanda.5.135.24)

दुर्जयानीन्द्रियाण्याहुर्मुनयो वेदपारगाः। मनोरूपेण या बुद्धिः सा चातीव सुदुर्जया॥

durjayānīndriyāṇyāhurmunayo vedapāragāḥ| manorūpeṇa yā buddhiḥ sā cātīva sudurjayā||

वेदपारंगत मुनि इंद्रियों को दुर्जय कहते हैं; परंतु मन के रूप में जो बुद्धि है, वह उससे भी अत्यंत दुर्जय है।

श्लोक 25 (skanda.5.135.25)

तस्माद्राजन्महाबाहो मा विषादं वृथा कृथाः। तस्य तद्वचनं श्रुत्वा नारदस्य महात्मनः। पशुपालो महादेवि वक्तुं समुपचक्रमे॥

tasmādrājanmahābāho mā viṣādaṁ vṛthā kṛthāḥ| tasya tadvacanaṁ śrutvā nāradasya mahātmanaḥ| paśupālo mahādevi vaktuṁ samupacakrame||

इसलिए, हे महाबाहु राजन्! व्यर्थ विषाद मत करो। महात्मा नारद के इन वचनों को सुनकर, हे महादेवी! पशुपाल ने कहना आरंभ किया।

श्लोक 26 (skanda.5.135.26)

पशुपाल उवाच। कथं ते भगवन्मुक्ता देवाः शक्रपुरोगमाः। पशुभावाच्च ब्रह्मापि श्रोतुमिच्छामि कथ्यताम्॥

paśupāla uvāca| kathaṁ te bhagavanmuktā devāḥ śakrapurogamāḥ| paśubhāvācca brahmāpi śrotumicchāmi kathyatām||

पशुपाल ने कहा - हे भगवन्! शक्र आदि देवता तथा ब्रह्मा भी पशु-भाव से किस प्रकार मुक्त हुए, यह मैं सुनना चाहता हूं, कृपया कहिए।

श्लोक 27 (skanda.5.135.27)

तस्य तद्वचनं श्रुत्वा नारदः पुनरब्रवीत्। पशु त्वेऽपि गता देवा ऋषिभिर्मुनिभिः सह॥

tasya tadvacanaṁ śrutvā nāradaḥ punarabravīt| paśu tve'pi gatā devā ṛṣibhirmunibhiḥ saha||

उसके वचन सुनकर नारद ने पुनः कहा - देवता भी ऋषियों और मुनियों सहित पशु-भाव को प्राप्त हो गए थे।

श्लोक 28 (skanda.5.135.28)

ब्रह्माणमग्रतः कृत्वा गताः शरणमीश्वरम्। स्तुतिभिस्तोषितो देवो भक्तानुग्रहकारकः॥

brahmāṇamagrataḥ kṛtvā gatāḥ śaraṇamīśvaram| stutibhistoṣito devo bhaktānugrahakārakaḥ||

ब्रह्मा को आगे करके वे सब ईश्वर की शरण में गए; भक्तों पर अनुग्रह करने वाले देव उनकी स्तुतियों से प्रसन्न हुए।

श्लोक 29 (skanda.5.135.29)

उवाच वचनं राजन्यत्कर्तव्यं तदुच्यताम्॥

uvāca vacanaṁ rājanyatkartavyaṁ taducyatām||

हे राजन्! उन्होंने यह वचन कहा - जो कुछ करना है, वह कहो।

श्लोक 30 (skanda.5.135.30)

देवा ऊचुः। वेदशास्त्राणि विज्ञानं देहि नो भव मा चिरम्। देवस्त्वं पूर्ववद्देव यदि तुष्टो महेश्वरः॥

devā ūcuḥ| vedaśāstrāṇi vijñānaṁ dehi no bhava mā ciram| devastvaṁ pūrvavaddeva yadi tuṣṭo maheśvaraḥ||

देवताओं ने कहा - वेद-शास्त्र और ज्ञान हमें दीजिए, विलंब मत कीजिए; हे देव! यदि महेश्वर प्रसन्न हों, तो आप पूर्ववत् देव हो जाइए।

श्लोक 31 (skanda.5.135.31)

ईश्वर उवाच। भवंतः पशवः सर्वे मया सार्द्धं च गम्यताम्। महाकालवने क्षेत्रे पशुभावविमोक्षके॥

īśvara uvāca| bhavaṁtaḥ paśavaḥ sarve mayā sārddhaṁ ca gamyatām| mahākālavane kṣetre paśubhāvavimokṣake||

ईश्वर ने कहा - तुम सब जो पशु हो, मेरे साथ महाकालवन क्षेत्र को चलो, जो पशु-भाव से मुक्ति देने वाला है।

श्लोक 32 (skanda.5.135.32)

अहं पतिर्वो भविता ततो मोक्षमवाप्स्यथ। भवतामनुकंपार्थं लोकानुग्रहकारणम्। लिंगरूपी भविष्यामि नाम्ना पशुपतीश्वरः॥

ahaṁ patirvo bhavitā tato mokṣamavāpsyatha| bhavatāmanukaṁpārthaṁ lokānugrahakāraṇam| liṁgarūpī bhaviṣyāmi nāmnā paśupatīśvaraḥ||

मैं तुम्हारा स्वामी बनूंगा, तब तुम मोक्ष प्राप्त करोगे। तुम पर करुणा करने और लोक के कल्याण के लिए, मैं लिंगरूप धारण करूंगा और पशुपतीश्वर नाम से जाना जाऊंगा।

श्लोक 33 (skanda.5.135.33)

अथ ते त्रिदशाः सर्वे दृष्ट्वा देवं तमीश्वरम्। पशुभावविनिर्मुक्ता गता हृष्टास्त्रिविष्टपम्। ब्रह्मा पशुपतिं प्राह प्रसन्नेनांतरात्मना॥

atha te tridaśāḥ sarve dṛṣṭvā devaṁ tamīśvaram| paśubhāvavinirmuktā gatā hṛṣṭāstriviṣṭapam| brahmā paśupatiṁ prāha prasannenāṁtarātmanā||

तब वे सभी देवता उस ईश्वर देव को देखकर पशु-भाव से मुक्त हो गए और हर्षित होकर स्वर्ग को गए; और ब्रह्मा ने प्रसन्न अंतरात्मा से पशुपति से कहा।

श्लोक 34 (skanda.5.135.34)

ये त्वां पश्यन्ति देवेश भक्त्या परमया युताः। तेषां कुले पशुत्वं च ये गताः पितरः प्रभो। स्वकैः कर्मविपाकैश्च तेषां मोक्षो भविष्यति॥

ye tvāṁ paśyanti deveśa bhaktyā paramayā yutāḥ| teṣāṁ kule paśutvaṁ ca ye gatāḥ pitaraḥ prabho| svakaiḥ karmavipākaiśca teṣāṁ mokṣo bhaviṣyati||

हे देवेश! जो लोग परम भक्ति से युक्त होकर आपके दर्शन करते हैं, उनके कुल में जो पितर पशुत्व को प्राप्त हुए हैं, हे प्रभो! अपने-अपने कर्मों के फल से भी उनकी मुक्ति हो जाएगी।

श्लोक 35 (skanda.5.135.35)

अज्ञानाज्ज्ञानतो वापि यत्पापं क्रियते नरैः। तत्पापं विलयं यातु तस्य देवस्य पूजनात्॥

ajñānājjñānato vāpi yatpāpaṁ kriyate naraiḥ| tatpāpaṁ vilayaṁ yātu tasya devasya pūjanāt||

मनुष्यों द्वारा अज्ञान से या जानते हुए जो भी पाप किया जाता है, वह पाप उस देव की पूजा से नष्ट हो जाए।

श्लोक 36 (skanda.5.135.36)

ते नराः पशवो लोके किं तेषां जीविते फलम्। यैर्न दृष्टः पशुपतिः पशुयोनिविमोचकः॥

te narāḥ paśavo loke kiṁ teṣāṁ jīvite phalam| yairna dṛṣṭaḥ paśupatiḥ paśuyonivimocakaḥ||

जिन मनुष्यों ने पशु-योनि से मुक्त करने वाले पशुपति के दर्शन नहीं किए, वे इस लोक में पशु ही हैं; उनके जीवन का क्या फल है?

श्लोक 37 (skanda.5.135.37)

कौमारे यौवने बाल्ये वार्द्धके यदुपार्जितम्। तत्पापं विलयं याति दृष्ट्वा पशुपतिं शिवम्॥

kaumāre yauvane bālye vārddhake yadupārjitam| tatpāpaṁ vilayaṁ yāti dṛṣṭvā paśupatiṁ śivam||

बाल्यावस्था, कौमार, यौवन अथवा वृद्धावस्था में जो भी पाप संचित हुआ हो, वह मंगलमय पशुपति के दर्शन से नष्ट हो जाता है।

श्लोक 38 (skanda.5.135.38)

पौषमासे तु संप्राप्ते ये त्वां पश्यंति मानवाः। तेषां त्वं वरदो देव सदाभीष्टकरो भवेत्॥

pauṣamāse tu saṁprāpte ye tvāṁ paśyaṁti mānavāḥ| teṣāṁ tvaṁ varado deva sadābhīṣṭakaro bhavet||

पौष मास आने पर जो मनुष्य आपके दर्शन करते हैं, हे देव! आप उन्हें सदा वरदान देने वाले, उनकी अभिलाषा पूर्ण करने वाले बनें।

श्लोक 39 (skanda.5.135.39)

सूर्यग्रहे यथा दत्तं कुरुक्षेत्रे विशेषतः। पात्रे दानं सुवर्णस्य प्रोक्तमक्षय्यमव्ययम्॥

sūryagrahe yathā dattaṁ kurukṣetre viśeṣataḥ| pātre dānaṁ suvarṇasya proktamakṣayyamavyayam||

जैसे सूर्यग्रहण के समय, विशेषकर कुरुक्षेत्र में, सुपात्र को दिया गया स्वर्ण-दान अक्षय और अविनाशी कहा गया है -

श्लोक 40 (skanda.5.135.40)

पौषमासे दिनैकेन नराणामधिकं तथा। तद्दर्शनेन देवेश भविष्यति न संशयः॥

pauṣamāse dinaikena narāṇāmadhikaṁ tathā| taddarśanena deveśa bhaviṣyati na saṁśayaḥ||

- वैसे ही पौष मास में एक दिन में मनुष्यों को उससे भी अधिक फल प्राप्त होगा, हे देवेश! आपके दर्शन से यह निश्चय ही होगा, इसमें संदेह नहीं।

श्लोक 41 (skanda.5.135.41)

इत्युक्त्वा भगवान्ब्रह्मा ब्रह्मलोकं गतो नृप। कृतकृत्यः प्रहृष्टात्मा मुनिभिः कविभिः सह॥

ityuktvā bhagavānbrahmā brahmalokaṁ gato nṛpa| kṛtakṛtyaḥ prahṛṣṭātmā munibhiḥ kavibhiḥ saha||

यह कहकर भगवान ब्रह्मा, हे राजन्! कृतकृत्य और प्रसन्नचित्त होकर मुनियों और कवियों के साथ ब्रह्मलोक को चले गए।

श्लोक 42 (skanda.5.135.42)

तस्मात्त्वमपि राजेंद्र यदीच्छसि परां गतिम्। समाराधय तल्लिंगं पशुयोनिविमोचनम्। महाकालवनं गत्वा इन्द्रेश्वरस्य दक्षिणे॥

tasmāttvamapi rājeṁdra yadīcchasi parāṁ gatim| samārādhaya talliṁgaṁ paśuyonivimocanam| mahākālavanaṁ gatvā indreśvarasya dakṣiṇe||

इसलिए, हे राजेंद्र! यदि तुम परम गति चाहते हो, तो महाकालवन जाकर, इंद्रेश्वर के दक्षिण में स्थित, पशु-योनि से मुक्ति देने वाले उस लिंग की आराधना करो।

श्लोक 43 (skanda.5.135.43)

तस्य तद्वचनं श्रुत्वा नारदस्य महात्मनः। जगाम पशुपालोऽपि महाकालवनं प्रिये। दर्शनात्तस्य लिंगस्य गतोऽसौ परमां गतिम्॥

tasya tadvacanaṁ śrutvā nāradasya mahātmanaḥ| jagāma paśupālo'pi mahākālavanaṁ priye| darśanāttasya liṁgasya gato'sau paramāṁ gatim||

महात्मा नारद के इन वचनों को सुनकर, हे प्रिये! पशुपाल भी महाकालवन गया; उस लिंग के दर्शन से वह परम गति को प्राप्त हुआ।

श्लोक 44 (skanda.5.135.44)

एष ते कथितो देवि प्रभावः पापनाशनः। पशुपत्याख्यदेवस्य शृणु ब्रह्मेश्वरं शिवम्॥

eṣa te kathito devi prabhāvaḥ pāpanāśanaḥ| paśupatyākhyadevasya śṛṇu brahmeśvaraṁ śivam||

हे देवी! यह मैंने तुम्हें पशुपति नामक देव का पापनाशक प्रभाव बताया; अब मंगलमय ब्रह्मेश्वर के विषय में सुनो।