चतुःसमुद्र-माहात्म्य-वर्णन

श्लोक 1 (skanda.5.14.1)

सनत्कुमार उवाच। स्नात्वा चतुःसमुद्रे तु पश्येद्राजस्थलं शिवम्। यस्य दर्शनमात्रेण पुत्रवाञ्जायते नरः

sanatkumāra uvāca| snātvā catuḥsamudre tu paśyedrājasthalaṁ śivam| yasya darśanamātreṇa putravāñjāyate naraḥ

सनत्कुमार ने कहा—चतुःसमुद्र में स्नान कर मनुष्य शिवस्वरूप राजस्थल का दर्शन करे; जिसके दर्शनमात्र से मनुष्य पुत्रवान् हो जाता है।

श्लोक 2 (skanda.5.14.2)

समुद्राः संति चत्वारः क्षारक्षीरदधीक्षवः। समीपे तस्य देवस्य सुद्युम्नेन प्रतिष्ठिताः

samudrāḥ saṁti catvāraḥ kṣārakṣīradadhīkṣavaḥ| samīpe tasya devasya sudyumnena pratiṣṭhitāḥ

क्षार, क्षीर, दधि तथा इक्षु—ये चार समुद्र हैं; वे उस देव के समीप सुद्युम्न द्वारा प्रतिष्ठित किए गए।

श्लोक 3 (skanda.5.14.3)

व्यास उवाच। राजस्थल समीपे तु समुद्राः केन हेतुना। कथय त्वं मुनिश्रेष्ठ सुद्युम्नेन प्रतिष्ठिताः

vyāsa uvāca| rājasthala samīpe tu samudrāḥ kena hetunā| kathaya tvaṁ muniśreṣṭha sudyumnena pratiṣṭhitāḥ

व्यास ने कहा—हे मुनिश्रेष्ठ, राजस्थल के समीप वे समुद्र किस कारण सुद्युम्न द्वारा प्रतिष्ठित किए गए? यह बताइए।

श्लोक 4 (skanda.5.14.4)

लक्षयोजनपर्यंतं जंबुद्वीपं सुशोभनम्। मर्यादायां स्थापितोऽयं समुद्रः क्षारसंज्ञितः

lakṣayojanaparyaṁtaṁ jaṁbudvīpaṁ suśobhanam| maryādāyāṁ sthāpito'yaṁ samudraḥ kṣārasaṁjñitaḥ

एक लाख योजन तक विस्तृत सुशोभित जम्बूद्वीप की सीमा पर यह क्षार नामक समुद्र स्थापित है।

श्लोक 5 (skanda.5.14.5)

शाकद्वीपे द्विलक्षे तु क्षीराब्धिः संप्रतिष्ठितः। दध्यब्धिस्तु कुशद्वीपे चतुर्लक्षः प्रतिष्ठितः। शाल्मले त्विक्षुजलधिर्ह्यष्टलक्षः प्रतिष्ठितः

śākadvīpe dvilakṣe tu kṣīrābdhiḥ saṁpratiṣṭhitaḥ| dadhyabdhistu kuśadvīpe caturlakṣaḥ pratiṣṭhitaḥ| śālmale tvikṣujaladhirhyaṣṭalakṣaḥ pratiṣṭhitaḥ

शाकद्वीप में दो लाख योजन में क्षीरसागर प्रतिष्ठित है; कुशद्वीप में चार लाख योजन में दध्यब्धि प्रतिष्ठित है; शाल्मलद्वीप में आठ लाख योजन में इक्षुसागर प्रतिष्ठित है।

श्लोक 6 (skanda.5.14.6)

चत्वारस्ते समाख्याताः समुद्रा भूमिमंडले। राजस्थलसमीपे तु कथमेकत्र संगताः

catvāraste samākhyātāḥ samudrā bhūmimaṁḍale| rājasthalasamīpe tu kathamekatra saṁgatāḥ

भूमण्डल में ये चार समुद्र कहे गए हैं; राजस्थल के समीप वे एक ही स्थान पर किस प्रकार एकत्रित हुए?

श्लोक 7 (skanda.5.14.7)

सनत्कुमार उवाच। सुद्युम्नो नाम राजासीत्पुरा कल्पे सुधार्मिकः। तस्य पत्नी वरारोहा नाम्ना ख्याता सुदर्शना

sanatkumāra uvāca| sudyumno nāma rājāsītpurā kalpe sudhārmikaḥ| tasya patnī varārohā nāmnā khyātā sudarśanā

सनत्कुमार ने कहा—पूर्वकाल में किसी कल्प में सुद्युम्न नामक एक अत्यन्त धार्मिक राजा था; उसकी पत्नी वरारोहा, सुदर्शना नाम से विख्यात थी।

श्लोक 8 (skanda.5.14.8)

मुनिं दाल्भ्यं च सा दृष्ट्वा पप्रच्छ सुतकाम्यया। भगवन्केन दानेन स्नानेन विधिनाऽथवा

muniṁ dālbhyaṁ ca sā dṛṣṭvā papraccha sutakāmyayā| bhagavankena dānena snānena vidhinā'thavā

दाल्भ्य मुनि को देखकर उसने पुत्र की कामना से पूछा—'हे भगवन्, किस दान, स्नान अथवा विधि से...'

श्लोक 9 (skanda.5.14.9)

सर्वलक्षणसंपूर्णः पुत्रो लभ्यो मया कथम्। एतदाख्याहि विप्रर्षे याथातथ्यं सविस्तरम्

sarvalakṣaṇasaṁpūrṇaḥ putro labhyo mayā katham| etadākhyāhi viprarṣe yāthātathyaṁ savistaram

'...मैं सर्वलक्षणसम्पन्न पुत्र प्राप्त कर सकती हूँ? हे विप्रर्षे, यह मुझे यथार्थतः विस्तारपूर्वक बताइए।'

श्लोक 10 (skanda.5.14.10)

दाल्भ्य उवाच। विहितास्ते पुरा पुत्र्यब्धयः पुत्रेप्सयोत्तमाः। स्वयंभुवेन देवेन ब्रह्मणा लोककारिणा

dālbhya uvāca| vihitāste purā putryabdhayaḥ putrepsayottamāḥ| svayaṁbhuvena devena brahmaṇā lokakāriṇā

दाल्भ्य ने कहा—पूर्वकाल में लोककर्ता स्वयंभू ब्रह्मा देव द्वारा पुत्रेच्छा से ये उत्तम पुत्रदायक समुद्र रचे गए थे।

श्लोक 11 (skanda.5.14.11)

तेषु राज्ञा कृते स्नाने तव पुत्रो भविष्यति। शंकराराधने पुत्रि तस्मात्प्रेरय वल्लभम्

teṣu rājñā kṛte snāne tava putro bhaviṣyati| śaṁkarārādhane putri tasmātpreraya vallabham

उनमें राजा द्वारा स्नान करने से तुम्हें पुत्र प्राप्त होगा; इसलिए, हे पुत्री, अपने प्रियतम को शंकर की आराधना के लिए प्रेरित करो।

श्लोक 12 (skanda.5.14.12)

दाल्भ्यस्यैव तु वाक्येन विचित्राख्यानकेन च। प्रस्थापयामास पतिं शंकराराधने द्रुतम्

dālbhyasyaiva tu vākyena vicitrākhyānakena ca| prasthāpayāmāsa patiṁ śaṁkarārādhane drutam

दाल्भ्य के इसी वचन और उस विचित्र आख्यान से, उसने अपने पति को शीघ्र शंकर की आराधना के लिए भेज दिया।

श्लोक 13 (skanda.5.14.13)

स गत्वा तोषयामास शंकरं गंधमादने। संतुष्टः शंकरः प्राह शशिसूर्याग्निलोचनः

sa gatvā toṣayāmāsa śaṁkaraṁ gaṁdhamādane| saṁtuṣṭaḥ śaṁkaraḥ prāha śaśisūryāgnilocanaḥ

वह जाकर गन्धमादन पर्वत पर शंकर को संतुष्ट करने लगा; संतुष्ट होकर चन्द्र-सूर्य-अग्निनेत्रधारी शंकर ने कहा।

श्लोक 14 (skanda.5.14.14)

अवंतीं गच्छ राजेद्र पुत्रं प्राप्स्यसि शोभनम्। मच्छासनाज्जलधयो गमिष्यंति कुशस्थलीम्

avaṁtīṁ gaccha rājedra putraṁ prāpsyasi śobhanam| macchāsanājjaladhayo gamiṣyaṁti kuśasthalīm

'हे राजेन्द्र, अवन्ती जाओ; तुम्हें एक सुन्दर पुत्र प्राप्त होगा। मेरी आज्ञा से समुद्र कुशस्थली को जाएँगे।'

श्लोक 15 (skanda.5.14.15)

मेरुरूपे स्थले राजन्समीपे शंकरस्य च। द्रक्ष्यसि त्वं नरश्रेष्ठ जलधींस्तत्र संगतान्। अभ्यर्थितास्त्वया तत्र स्थास्यंति कलया सदा

merurūpe sthale rājansamīpe śaṁkarasya ca| drakṣyasi tvaṁ naraśreṣṭha jaladhīṁstatra saṁgatān| abhyarthitāstvayā tatra sthāsyaṁti kalayā sadā

'हे राजन्, मेरुरूप स्थल में, शंकर के समीप, हे नरश्रेष्ठ, तुम वहाँ एकत्रित समुद्रों को देखोगे; तुम्हारे द्वारा प्रार्थित होकर वे वहाँ सदा अपनी कला सहित स्थित रहेंगे।'

श्लोक 16 (skanda.5.14.16)

एवमुक्त्वा महादेवो जगामादर्शनं विभुः। सुद्युम्नो भार्यया सार्धमाजगाम कुशस्थलीम्

evamuktvā mahādevo jagāmādarśanaṁ vibhuḥ| sudyumno bhāryayā sārdhamājagāma kuśasthalīm

ऐसा कहकर विभु महादेव अदृश्य हो गए; सुद्युम्न अपनी पत्नी सहित कुशस्थली आया।

श्लोक 17 (skanda.5.14.17)

आगतस्तु कुशस्थल्यां समुद्रांश्च ददर्श ह। तांस्तु दृष्ट्वा नमश्चक्रे राजस्थलसमीपतः

āgatastu kuśasthalyāṁ samudrāṁśca dadarśa ha| tāṁstu dṛṣṭvā namaścakre rājasthalasamīpataḥ

कुशस्थली में पहुँचकर उसने समुद्रों को देखा; और उन्हें देखकर राजस्थल के समीप से प्रणाम किया।

श्लोक 18 (skanda.5.14.18)

ते वै दृष्ट्वा च सुद्युम्नं प्रणतं भक्तवत्सलम्। प्रोचुर्वारिधयः सर्वे वरं वरय सुव्रत

te vai dṛṣṭvā ca sudyumnaṁ praṇataṁ bhaktavatsalam| procurvāridhayaḥ sarve varaṁ varaya suvrata

भक्तवत्सल सुद्युम्न को प्रणत देखकर समस्त सागरों ने कहा—'हे सुव्रत, वर माँगो।'

श्लोक 19 (skanda.5.14.19)

स वव्रे मनसा पुत्रं सर्वलक्षणसंयुतम्। उवाच च पुना राजा यावत्तिष्ठति मेदिनी। तावदत्रैव स्थातव्यं राजस्थलसमीपतः

sa vavre manasā putraṁ sarvalakṣaṇasaṁyutam| uvāca ca punā rājā yāvattiṣṭhati medinī| tāvadatraiva sthātavyaṁ rājasthalasamīpataḥ

उसने मन ही मन सर्वलक्षणसम्पन्न पुत्र की कामना की; और राजा ने पुनः कहा—'जब तक यह पृथ्वी स्थिर है, तब तक तुम यहीं राजस्थल के समीप स्थित रहो।'

श्लोक 20 (skanda.5.14.20)

समुद्रा ऊचुः। तावत्स्थास्यामहेऽत्रैव यावत्कल्पावसानकम्

samudrā ūcuḥ| tāvatsthāsyāmahe'traiva yāvatkalpāvasānakam

समुद्रों ने कहा—हम कल्प के अन्त तक यहीं स्थित रहेंगे।

श्लोक 21 (skanda.5.14.21)

भविष्यति च ते पुत्रः सर्वलक्षणसंयुतः। अत्र ते स्नानमात्रेण तस्मात्स्नानं समाचर

bhaviṣyati ca te putraḥ sarvalakṣaṇasaṁyutaḥ| atra te snānamātreṇa tasmātsnānaṁ samācara

'और यहाँ स्नानमात्र से तुम्हें सर्वलक्षणसम्पन्न पुत्र होगा; इसलिए स्नान का आचरण करो।'

श्लोक 22 (skanda.5.14.22)

स्थले चात्र शुभे राजन्स्थास्यामः कलया सह। एवं व्यास समुद्रास्तु सुद्युम्नेनावतारिताः

sthale cātra śubhe rājansthāsyāmaḥ kalayā saha| evaṁ vyāsa samudrāstu sudyumnenāvatāritāḥ

'और हे राजन्, इस शुभ स्थल में हम अपनी कला सहित स्थित रहेंगे।' हे व्यास, इस प्रकार सुद्युम्न द्वारा समुद्र यहाँ अवतरित किए गए।

श्लोक 23 (skanda.5.14.23)

कुरुते तेषु यो यात्रां तस्य पुण्यफलं शृणु। स्नानं कृत्वा महापुण्ये समुद्रे क्षारसंज्ञके

kurute teṣu yo yātrāṁ tasya puṇyaphalaṁ śṛṇu| snānaṁ kṛtvā mahāpuṇye samudre kṣārasaṁjñake

जो उनकी यात्रा करता है, उसका पुण्यफल सुनो: महापुण्य क्षार नामक समुद्र में स्नान करके...

श्लोक 24 (skanda.5.14.24)

कुर्याच्छाद्धं ततो व्यास पितॄणां भक्तितत्परः। पूजयेच्च महादेवं स्थलस्थं पार्वतीपतिम्

kuryācchāddhaṁ tato vyāsa pitṝṇāṁ bhaktitatparaḥ| pūjayecca mahādevaṁ sthalasthaṁ pārvatīpatim

...हे व्यास, तत्पश्चात् भक्तिपरायण होकर पितरों का श्राद्ध करे; और उस स्थल में स्थित पार्वतीपति महादेव की पूजा करे।

श्लोक 25 (skanda.5.14.25)

मंडकांश्च ततो दद्याद्ब्राह्मणे वेदपारगे। पात्रं ताम्रमयं कार्यं लवणेन प्रपूरितम्

maṁḍakāṁśca tato dadyādbrāhmaṇe vedapārage| pātraṁ tāmramayaṁ kāryaṁ lavaṇena prapūritam

तत्पश्चात् वेदपारंगत ब्राह्मण को मंडक [मिष्ठान्न] देना चाहिए; ताम्रपात्र बनाकर उसे लवण से भरना चाहिए।

श्लोक 26 (skanda.5.14.26)

सहिरण्यं च दातव्यं ब्राह्मणे वेदपारगे। सप्तधान्यसमायुक्तं वेणुजं वस्त्रवेष्टितम्

sahiraṇyaṁ ca dātavyaṁ brāhmaṇe vedapārage| saptadhānyasamāyuktaṁ veṇujaṁ vastraveṣṭitam

वेदपारंगत ब्राह्मण को स्वर्ण सहित यह देना चाहिए; सप्तधान्य से युक्त, बाँस से बना, वस्त्र में लिपटा हुआ।

श्लोक 27 (skanda.5.14.27)

सदक्षिणं फलैर्युक्तमर्घ्यं दद्यात्प्रयत्नतः। क्षीराब्धिं च ततो गत्वा स्नानं कुर्याच्च पूर्ववत्

sadakṣiṇaṁ phalairyuktamarghyaṁ dadyātprayatnataḥ| kṣīrābdhiṁ ca tato gatvā snānaṁ kuryācca pūrvavat

दक्षिणा और फलों सहित यत्नपूर्वक अर्घ्य देना चाहिए; तत्पश्चात् क्षीराब्धि जाकर पूर्ववत् स्नान करना चाहिए।

श्लोक 28 (skanda.5.14.28)

क्षीरं तत्र प्रदातव्यं ताम्रपात्रेण पूरितम्। दध्यब्धौ च तथा कृत्वा दद्याद्दध्योदनं शुभम्

kṣīraṁ tatra pradātavyaṁ tāmrapātreṇa pūritam| dadhyabdhau ca tathā kṛtvā dadyāddadhyodanaṁ śubham

वहाँ ताम्रपात्र में भरा हुआ दूध देना चाहिए; और दध्यब्धि में भी वैसा ही करके शुभ दधि-भात देना चाहिए।

श्लोक 29 (skanda.5.14.29)

इक्ष्वब्धौ च तथा कृत्वा दद्याद्विप्रे गुडं शुभम्। यात्रां कृत्वा तु वै व्यास गां च दद्यात्पयस्विनीम्

ikṣvabdhau ca tathā kṛtvā dadyādvipre guḍaṁ śubham| yātrāṁ kṛtvā tu vai vyāsa gāṁ ca dadyātpayasvinīm

और इक्षुसागर में भी वैसा ही करके ब्राह्मण को शुभ गुड़ देना चाहिए; हे व्यास, यात्रा पूर्ण कर दुधारू गाय भी देनी चाहिए।

श्लोक 30 (skanda.5.14.30)

एवं यः कुरुते यात्रां राजस्थलसमीपतः। भव्यां हि लभते लक्ष्मीं पुत्रांश्चापि मनोरमान्

evaṁ yaḥ kurute yātrāṁ rājasthalasamīpataḥ| bhavyāṁ hi labhate lakṣmīṁ putrāṁścāpi manoramān

इस प्रकार जो राजस्थल के समीप यात्रा करता है, वह उत्तम लक्ष्मी तथा मनोहर पुत्रों को भी प्राप्त करता है।

श्लोक 31 (skanda.5.14.31)

मृते स्वर्गमवाप्नोति यावदिंद्राश्चतुर्दश। तावत्स्वर्गफलं भुक्त्वा पश्चान्मोक्षं प्रयास्यति

mṛte svargamavāpnoti yāvadiṁdrāścaturdaśa| tāvatsvargaphalaṁ bhuktvā paścānmokṣaṁ prayāsyati

मृत्यु के पश्चात् वह चौदह इन्द्रों के काल तक स्वर्ग प्राप्त करता है; उतने समय तक स्वर्गफल भोगकर, तत्पश्चात् वह मोक्ष को प्राप्त करता है।