करभेश्वर की महिमा

श्लोक 1 (skanda.5.144.1)

श्रीहर उवाच। त्रिसप्ततीश्वरं विद्धि करभेशं वरानने। यस्य दर्शनमात्रेण कुयोनिर्नैव लभ्यते।

śrīhara uvāca| trisaptatīśvaraṁ viddhi karabheśaṁ varānane| yasya darśanamātreṇa kuyonirnaiva labhyate||

श्रीहर बोले — हे वरानने! तिहत्तरवें ईश्वर को करभेश जानो, जिसके दर्शनमात्र से मनुष्य को नीच योनि प्राप्त नहीं होती।

श्लोक 2 (skanda.5.144.2)

वीरकेतुरभूद्धीमानयोध्याया महीपतिः। विद्याविनयसौभाग्यलावण्यामृतपूरितः।

vīraketurabhūddhīmānayodhyāyā mahīpatiḥ| vidyāvinayasaubhāgyalāvaṇyāmṛtapūritaḥ||

अयोध्या का राजा वीरकेतु बुद्धिमान था, विद्या, विनय, सौभाग्य तथा सौंदर्य के अमृत से परिपूर्ण था।

श्लोक 3 (skanda.5.144.3)

स सम्यक्पालयामास प्रजाः पुत्रानिवौरसान्। अतीतानागतज्ञानपरिनिष्ठितमानसः।

sa samyakpālayāmāsa prajāḥ putrānivaurasān| atītānāgatajñānapariniṣṭhitamānasaḥ||

वह अपनी प्रजा का भलीभांति पालन करता था, मानो वे उसके अपने पुत्र हों। उसका मन भूत और भविष्य के ज्ञान में सुस्थिर था।

श्लोक 4 (skanda.5.144.4)

अथैकस्मिन्दिने राजा जगाम गहनं वनम्। मृगसिंहगजाकीर्णं व्याघ्रसंबरसंकुलम्।

athaikasmindine rājā jagāma gahanaṁ vanam| mṛgasiṁhagajākīrṇaṁ vyāghrasaṁbarasaṁkulam||

एक दिन राजा एक घने वन में गया, जो हिरणों, सिंहों और हाथियों से भरा हुआ था, तथा बाघों और सांबरों से परिपूर्ण था।

श्लोक 5 (skanda.5.144.5)

स तत्र विविधान्वन्यान्विव्याध परवीरहा। मृगांश्च महिषांश्चैव वराहांश्च सहस्रशः।

sa tatra vividhānvanyānvivyādha paravīrahā| mṛgāṁśca mahiṣāṁścaiva varāhāṁśca sahasraśaḥ||

उस शत्रुवीरों के संहारक राजा ने वहां विविध वनचरों को बींध डाला, तथा हजारों की संख्या में हिरणों, भैंसों और सूअरों को भी मार डाला।

श्लोक 6 (skanda.5.144.6)

लोडितं तद्वनं सर्वं पशुपक्षिमृगाकुलम्। रहितं श्वापदैः सर्वैः कृतं तेन महीभृता।

loḍitaṁ tadvanaṁ sarvaṁ paśupakṣimṛgākulam| rahitaṁ śvāpadaiḥ sarvaiḥ kṛtaṁ tena mahībhṛtā||

वह सारा वन, जो पशु-पक्षियों और हिरणों से भरा हुआ था, उस राजा द्वारा उथल-पुथल कर दिया गया, और समस्त हिंसक पशुओं से रहित कर दिया गया।

श्लोक 7 (skanda.5.144.7)

यदा न श्वापदास्तस्मिन्दृश्यते गहने वने। तदा विद्धस्तु करभो बाणेनानतपर्वणा।

yadā na śvāpadāstasmindṛśyate gahane vane| tadā viddhastu karabho bāṇenānataparvaṇā||

जब उस घने वन में और कोई हिंसक पशु दिखाई नहीं दिया, तब एक ऊंट (करभ) उसके सुदृढ़-गांठ वाले बाण से बींध दिया गया।

श्लोक 8 (skanda.5.144.8)

स चापि करभो देवि बाणमादाय सत्वरम्। विद्धोऽपि निःसृतोऽत्यर्थं राज्ञस्तस्यैव पश्यतः। स च राजा बली तूर्णं ससार करभं प्रति।

sa cāpi karabho devi bāṇamādāya satvaram| viddho'pi niḥsṛto'tyarthaṁ rājñastasyaiva paśyataḥ| sa ca rājā balī tūrṇaṁ sasāra karabhaṁ prati||

हे देवी! वह करभ भी उस बाण को धारण किए हुए, घायल होकर भी उसी राजा के देखते-देखते वेगपूर्वक भाग निकला। और वह बलशाली राजा तुरंत उस करभ के पीछे दौड़ पड़ा।

श्लोक 9 (skanda.5.144.9)

ततो निम्नस्थलं चैव स चोष्ट्रोऽद्रवदाशुगः। मुहूर्तेन ततो देवि योजनानि बहून्यपि।

tato nimnasthalaṁ caiva sa coṣṭro'dravadāśugaḥ| muhūrtena tato devi yojanāni bahūnyapi||

फिर वह स्विफ्तगामी ऊंट नीचे-ऊंचे स्थलों में होकर दौड़ता रहा। हे देवी! क्षणभर में ही उसने अनेक योजन की दूरी तय कर ली।

श्लोक 10 (skanda.5.144.10)

ततः स राजा तारुण्या दौरसेन बलेन च। ससार बाणासनधृक्सखड्गः सहयो नृपः।

tataḥ sa rājā tāruṇyā daurasena balena ca| sasāra bāṇāsanadhṛksakhaḍgaḥ sahayo nṛpaḥ||

तब वह राजा अपनी युवावस्था के बल तथा भुजबल से, धनुष धारण किए, तलवार सहित, घोड़े पर सवार होकर उसके पीछे दौड़ता रहा।

श्लोक 11 (skanda.5.144.11)

ततो नदान्नदीश्चैव पल्वलानि वनानि च। अतिक्रम्यानतिक्रम्य ससारैव वनेचरम्।

tato nadānnadīścaiva palvalāni vanāni ca| atikramyānatikramya sasāraiva vanecaram||

फिर वह नदों, नदियों, तालाबों और वनों को पार करते हुए, बिना रुके, उस वनचर पशु के पीछे दौड़ता ही रहा।

श्लोक 12 (skanda.5.144.12)

स चापि करभो देवि आसाद्यासाद्य तं नृपम्। पुनरप्येति जवनो जवेन महता ततः।

sa cāpi karabho devi āsādyāsādya taṁ nṛpam| punarapyeti javano javena mahatā tataḥ||

हे देवी! वह करभ भी उस राजा के पास-पास आकर, फिर उससे दूर हट जाता, अत्यंत वेग से भागते हुए बार-बार ऐसा करता रहा।

श्लोक 13 (skanda.5.144.13)

स तस्य बाणैर्बहुभिः करभो विह्वलीकृतः। पृष्ठतः पार्श्वतश्चैव पुनरभ्येति चांतिकम्। पुनश्च जवमास्याय पार्श्वे चाग्रे च दृश्यते।

sa tasya bāṇairbahubhiḥ karabho vihvalīkṛtaḥ| pṛṣṭhataḥ pārśvataścaiva punarabhyeti cāṁtikam| punaśca javamāsyāya pārśve cāgre ca dṛśyate||

उसके अनेक बाणों से व्याकुल हुआ वह करभ कभी पीछे, कभी बगल से, फिर निकट आता, और फिर वेग पकड़कर कभी बगल में, कभी आगे दिखाई देता।

श्लोक 14 (skanda.5.144.14)

अथारण्यं महारौद्रं प्रविष्टः करभस्तदा। अन्तर्धानं जगामाशु स च राजा वनेऽविशत्।

athāraṇyaṁ mahāraudraṁ praviṣṭaḥ karabhastadā| antardhānaṁ jagāmāśu sa ca rājā vane'viśat||

फिर वह करभ अत्यंत भयंकर वन में प्रवेश कर तुरंत अंतर्धान हो गया। राजा भी उस वन में प्रविष्ट हुआ।

श्लोक 15 (skanda.5.144.15)

प्रविश्य च महारण्यं तापसानामथाश्रमम्। आससाद ततो राजा श्रांताश्वोपाविशत्पुनः।

praviśya ca mahāraṇyaṁ tāpasānāmathāśramam| āsasāda tato rājā śrāṁtāśvopāviśatpunaḥ||

उस महावन में प्रवेश कर वह राजा तपस्वियों के आश्रम में पहुंचा, और अपने थके हुए घोड़े सहित वहां जाकर बैठ गया।

श्लोक 16 (skanda.5.144.16)

तं कार्मुककरं दृष्ट्वा श्रमार्त्तं क्षुधितं तदा। समभ्येत्यर्षयस्तस्मै पूजां चकुर्यथाविधि।

taṁ kārmukakaraṁ dṛṣṭvā śramārttaṁ kṣudhitaṁ tadā| samabhyetyarṣayastasmai pūjāṁ cakuryathāvidhi||

धनुष धारण किए हुए, थकावट और भूख से पीड़ित उस राजा को देखकर, ऋषिगण उसके पास आए और विधिपूर्वक उसका सत्कार किया।

श्लोक 17 (skanda.5.144.17)

स पूजामृषिभिर्दत्तां प्रतिगृह्य यथाविधि। अपृच्छत्तापसान्सर्वांस्तपसो वृद्धिमुत्तमाम्।

sa pūjāmṛṣibhirdattāṁ pratigṛhya yathāvidhi| apṛcchattāpasānsarvāṁstapaso vṛddhimuttamām||

ऋषियों द्वारा दिए गए सत्कार को विधिपूर्वक स्वीकार कर, उसने सभी तपस्वियों से उनकी तपस्या की कुशल-वृद्धि पूछी।

श्लोक 18 (skanda.5.144.18)

ते तस्य राज्ञो वचनं प्रतिगृह्य तपोधनाः। ऋषयो राजशार्दूलं पप्रच्छुस्तत्प्रयोजनम्।

te tasya rājño vacanaṁ pratigṛhya tapodhanāḥ| ṛṣayo rājaśārdūlaṁ papracchustatprayojanam||

उस राजा के वचन को सुनकर, तपोधन ऋषियों ने उस राजश्रेष्ठ से उसके यहां आने का प्रयोजन पूछा।

श्लोक 19 (skanda.5.144.19)

केन भद्र सुखार्थेन संप्राप्तोऽसि तपोवनम्। पदातिर्बद्धनिस्त्रिंशो धन्वी बाणी नरेश्वर।

kena bhadra sukhārthena saṁprāpto'si tapovanam| padātirbaddhanistriṁśo dhanvī bāṇī nareśvara||

हे भद्र! किस प्रयोजन से तुम इस तपोवन में आए हो, वह भी अकेले पैदल, तलवार बांधे, धनुष-बाण धारण किए हुए, हे राजन्?

श्लोक 20 (skanda.5.144.20)

एतदिच्छामहे श्रोतुं कुतः प्राप्तोऽसि मानद। कस्मिन्कुले च जातस्त्वं किं नामा ब्रूहि पार्थिव।

etadicchāmahe śrotuṁ kutaḥ prāpto'si mānada| kasminkule ca jātastvaṁ kiṁ nāmā brūhi pārthiva||

हे मानद! हम यह जानना चाहते हैं कि तुम कहां से आए हो। हे राजन्! किस कुल में तुम्हारा जन्म हुआ है, और तुम्हारा नाम क्या है, यह बताओ।

श्लोक 21 (skanda.5.144.21)

ततः स राजा सर्वेभ्यो द्विजेभ्यः पुरुषर्षभः। आचख्यौ तद्यथान्यायं कुलं गोत्रं च तत्त्वतः।

tataḥ sa rājā sarvebhyo dvijebhyaḥ puruṣarṣabhaḥ| ācakhyau tadyathānyāyaṁ kulaṁ gotraṁ ca tattvataḥ||

तब उस पुरुषश्रेष्ठ राजा ने उन सभी द्विजों को यथावत् नियमपूर्वक अपने कुल और गोत्र का सत्य वृत्तांत बताया।

श्लोक 22 (skanda.5.144.22)

इक्ष्वाकूणां कुले जातो वीरकेतुर्द्विजर्षभाः। चरामि मृगयूथानि निघ्नन्बाणैः सहस्रशः।

ikṣvākūṇāṁ kule jāto vīraketurdvijarṣabhāḥ| carāmi mṛgayūthāni nighnanbāṇaiḥ sahasraśaḥ||

हे द्विजश्रेष्ठों! मैं इक्ष्वाकु कुल में जन्मा वीरकेतु हूं, जो हजारों बाणों से हिरणों के झुंडों का शिकार करता हुआ विचरण करता हूं।

श्लोक 23 (skanda.5.144.23)

बलेन महता युक्तः सामात्यः सपरिच्छदः। यदा न लब्धो गहने मृगो वा सूकरोऽपि वा।

balena mahatā yuktaḥ sāmātyaḥ saparicchadaḥ| yadā na labdho gahane mṛgo vā sūkaro'pi vā||

मंत्रियों और सेवकों सहित बड़ी सेना के साथ, जब उस घने वन में कोई हिरण या सूअर भी नहीं मिला,

श्लोक 24 (skanda.5.144.24)

महिषश्चित्तलो वापि शशो वा शंबरो वने। तदा मे करभो विद्धो बाणेनानतपर्वणा।

mahiṣaścittalo vāpi śaśo vā śaṁbaro vane| tadā me karabho viddho bāṇenānataparvaṇā||

न भैंसा, न चीतल, न खरगोश, न सांबर — तब उस वन में मैंने अपने सुदृढ़-गांठ वाले बाण से एक करभ (ऊंट) को बींध दिया।

श्लोक 25 (skanda.5.144.25)

स प्रणष्टः क्षणेनैव सबाणो मम पश्यतः। तं द्रवंतमनुप्राप्तो वनमेतद्यदृच्छया।

sa praṇaṣṭaḥ kṣaṇenaiva sabāṇo mama paśyataḥ| taṁ dravaṁtamanuprāpto vanametadyadṛcchayā||

वह अपने ऊपर बाण लिए हुए ही मेरे देखते-देखते क्षणभर में लुप्त हो गया। उसका पीछा करते हुए मैं भाग्यवश इस वन में आ पहुंचा।

श्लोक 26 (skanda.5.144.26)

भवत्सकाशं नष्टश्रीर्हताशः श्रमकर्शितः। भवतां विदितं सर्वं सर्वज्ञा हि तपोधनाः। भवंतः सुमहाभागास्तस्मात्पृच्छाभि संशयम्।

bhavatsakāśaṁ naṣṭaśrīrhatāśaḥ śramakarśitaḥ| bhavatāṁ viditaṁ sarvaṁ sarvajñā hi tapodhanāḥ| bhavaṁtaḥ sumahābhāgāstasmātpṛcchāmi saṁśayam||

मैं अपनी शोभा खोकर, निराश और श्रम से थका हुआ आपकी शरण में आया हूं। हे तपोधनों! आप सर्वज्ञ हैं, आपको सब कुछ ज्ञात है। आप महाभाग्यशाली हैं, इसलिए मैं अपना संशय आपसे पूछता हूं।

श्लोक 27 (skanda.5.144.27)

क्व गतः करभो विद्धो मया बाणेन सांप्रतम्। क्व च प्राप्स्यामि सहसा ब्रूत तत्सुसमाहिताः।

kva gataḥ karabho viddho mayā bāṇena sāṁpratam| kva ca prāpsyāmi sahasā brūta tatsusamāhitāḥ||

अभी-अभी मेरे बाण से बींधा गया वह करभ कहां गया? और मैं उसे कहां शीघ्र पा सकूंगा — यह मुझे एकाग्रचित्त होकर बताइए।

श्लोक 28 (skanda.5.144.28)

ततस्तेषां समस्तानामृषीणामृषिसत्तमः। ऋषभो देवि करभं स्मरन्निदमथाब्रवीत्।

tatasteṣāṁ samastānāmṛṣīṇāmṛṣisattamaḥ| ṛṣabho devi karabhaṁ smaranniddamathābravīt||

हे देवी! तब उन सभी ऋषियों में श्रेष्ठ ऋषभ नामक ऋषि ने उस करभ को स्मरण करते हुए यह कहा।

श्लोक 29 (skanda.5.144.29)

गतः स करभो भूप महाकालवने शुभे। गच्छ त्वं च महाराज महाकालवने शुभे।

gataḥ sa karabho bhūpa mahākālavane śubhe| gaccha tvaṁ ca mahārāja mahākālavane śubhe||

हे राजन्! वह करभ शुभ महाकालवन को चला गया है। हे महाराज! तुम भी उसी शुभ महाकालवन को जाओ।

श्लोक 30 (skanda.5.144.30)

यत्र देवो महादेवः कारभं रूपमास्थितः। विनोदार्थं च देवानां लिंगमूर्त्तिरभूत्पुरा।

yatra devo mahādevaḥ kārabhaṁ rūpamāsthitaḥ| vinodārthaṁ ca devānāṁ liṁgamūrttirabhūtpurā||

वहां देव महादेव करभ के रूप में स्थित हुए, और देवताओं के मनोरंजन के लिए वे पूर्वकाल में लिंगमूर्ति के रूप में प्रकट हुए।

श्लोक 31 (skanda.5.144.31)

पश्चिमे क्षेत्रपालस्य कैलासस्य महीपते। समीपे तस्य विघ्नेशो मोदकप्रियसंज्ञकः।

paścime kṣetrapālasya kailāsasya mahīpate| samīpe tasya vighneśo modakapriyasaṁjñakaḥ||

हे राजन्! क्षेत्रपाल कैलासनाथ के पश्चिम में, उसके निकट, मोदकप्रिय नामक विघ्नेश हैं।

श्लोक 32 (skanda.5.144.32)

ब्रह्मणा पूजितो राजन्देवानामर्थसिद्धये। स च धर्मध्वजो राजा हैहयानां कुलोद्वहः।

brahmaṇā pūjito rājandevānāmarthasiddhaye| sa ca dharmadhvajo rājā haihayānāṁ kulodvahaḥ||

हे राजन्! वे ब्रह्मा द्वारा देवताओं के प्रयोजन की सिद्धि के लिए पूजित हुए। (अब सुनो) — धर्मध्वज नामक राजा, हैहय-कुल का उन्नायक था।

श्लोक 33 (skanda.5.144.33)

तुरगेण कदाचित्तु नीतो बदरिकाश्रमम्। प्रसिद्धं त्रिषु लोकेषु नरनारायणाश्रमम्।

turageṇa kadācittu nīto badarikāśramam| prasiddhaṁ triṣu lokeṣu naranārāyaṇāśramam||

एक बार वह अपने घोड़े द्वारा बदरिकाश्रम, जो तीनों लोकों में नर-नारायण के आश्रम के रूप में प्रसिद्ध है, वहां ले जाया गया।

श्लोक 34 (skanda.5.144.34)

तत्र वीराजिनधरं कृशं विप्रं ददर्श ह। शरीरमपि राजेंद्र न केनापि समं तदा। दृष्ट्वा च हसितो विप्रस्तेन राज्ञा प्रमादतः।

tatra vīrājinadharaṁ kṛśaṁ vipraṁ dadarśa ha| śarīramapi rājeṁdra na kenāpi samaṁ tadā| dṛṣṭvā ca hasito viprastena rājñā pramādataḥ||

वहां उसने मृगछाला धारण किए हुए, कृश शरीर वाले एक ब्राह्मण को देखा, हे राजेंद्र! जिसका शरीर उस समय किसी के भी समान नहीं था। उसे देखकर उस राजा ने असावधानीवश उस ब्राह्मण की हंसी उड़ाई।

श्लोक 35 (skanda.5.144.35)

यस्माद्धससि मां दृष्ट्वा तस्मादुष्ट्रो भविष्यसि। लंबोष्ठो लंबदंतश्च विस्वरो विकृताकृतिः।

yasmāddhasasi māṁ dṛṣṭvā tasmāduṣṭro bhaviṣyasi| laṁboṣṭho laṁbadaṁtaśca visvaro vikṛtākṛtiḥ||

(ब्राह्मण ने कहा) — चूंकि तुमने मुझे देखकर हंसी उड़ाई, इसलिए तुम ऊंट बन जाओगे — लटकते होठोंवाला, लटकते दांतोंवाला, बेसुरी आवाज़वाला, विकृत आकृतिवाला।

श्लोक 36 (skanda.5.144.36)

इत्युक्तस्तेन विप्रेण शप्तोपि नृपसत्तमः। तं विप्रं प्रार्थयामास स च तुष्टोब्रवीदिदम्।

ityuktastena vipreṇa śaptopi nṛpasattamaḥ| taṁ vipraṁ prārthayāmāsa sa ca tuṣṭo'bravīdidam||

उस ब्राह्मण द्वारा ऐसा कहे जाने पर, शापित होने पर भी, वह श्रेष्ठ राजा उस ब्राह्मण से क्षमा-याचना करने लगा। तब वह ब्राह्मण प्रसन्न होकर यह बोला।

श्लोक 37 (skanda.5.144.37)

न मे वागनृता भूप कदाचिदपि विद्यते। अवश्यं करभो भूत्वा पश्चान्मुक्तिमवाप्स्यसि।

na me vāganṛtā bhūpa kadācidapi vidyate| avaśyaṁ karabho bhūtvā paścānmuktimavāpsyasi||

हे राजन्! मेरा वचन कभी असत्य नहीं होता। तुम अवश्य ही ऊंट बनोगे, किन्तु उसके पश्चात् मुक्ति भी प्राप्त कर लोगे।

श्लोक 38 (skanda.5.144.38)

यदा त्वं करभो जातो विद्धो वै वीरकेतुना। अयोध्याधिपभूपेन गमिष्यसि शराहतः।

yadā tvaṁ karabho jāto viddho vai vīraketunā| ayodhyādhipabhūpena gamiṣyasi śarāhataḥ||

जब तुम करभ बनकर अयोध्या के राजा वीरकेतु के बाण से बींधे जाओगे, तो घायल होकर तुम,

श्लोक 39 (skanda.5.144.39)

महाकालवनं दिव्यं तत्र त्वं लिंगदर्शनात्। गमिष्यसि परं स्थानं यत्र देवो महेश्वरः।

mahākālavanaṁ divyaṁ tatra tvaṁ liṁgadarśanāt| gamiṣyasi paraṁ sthānaṁ yatra devo maheśvaraḥ||

दिव्य महाकालवन को जाओगे, और वहां लिंग-दर्शन से उस परम स्थान को प्राप्त होगे, जहां देव महेश्वर विराजमान हैं।

श्लोक 40 (skanda.5.144.40)

स चेक्ष्वाकुकुलद्भूतो वीरकेतुर्महाबलः। लिंगदर्शनतो भूप चक्रवर्तित्वमाप्स्यति।

sa cekṣvākukuladbhūto vīraketurmahābalaḥ| liṁgadarśanato bhūpa cakravartitvamāpsyati||

और वह इक्ष्वाकु कुल में उत्पन्न, महाबली वीरकेतु, हे राजन्! उस लिंग के दर्शन से चक्रवर्तित्व को प्राप्त करेगा।

श्लोक 41 (skanda.5.144.41)

इत्युक्तो नृप भूपालः करभत्वं समागतः। स त्वयाभिहतो भूप बाणेनानतपर्वणा। द्रक्ष्यसि त्वं विमानस्थं विमुक्तं लिंगदर्शनात्।

ityukto nṛpa bhūpālaḥ karabhatvaṁ samāgataḥ| sa tvayābhihato bhūpa bāṇenānataparvaṇā| drakṣyasi tvaṁ vimānasthaṁ vimuktaṁ liṁgadarśanāt||

इस प्रकार कहे जाने पर वह राजा करभत्व को प्राप्त हुआ, और हे राजन्! तुम्हारे ही सुदृढ़-गांठ वाले बाण से बींधा गया। अब तुम उसे विमान पर बैठा हुआ, लिंग-दर्शन से मुक्त हुआ देखोगे।

श्लोक 42 (skanda.5.144.42)

इत्युक्तो नृपतिस्तेन ऋषभेण द्विजेन तु। आजगाम त्वरायुक्तो महाकालवनं शुभम्।

ityukto nṛpatistena ṛṣabheṇa dvijena tu| ājagāma tvarāyukto mahākālavanaṁ śubham||

ऋषभ नामक उस ब्राह्मण द्वारा ऐसा कहे जाने पर, राजा त्वरा से शुभ महाकालवन को गया।

श्लोक 43 (skanda.5.144.43)

ददर्श तत्र तल्लिंगं पूजितं त्रिदशैः सदा। एतस्मिन्नंतरे वाणी श्रुता तेन महीभृता।

dadarśa tatra tallliṁgaṁ pūjitaṁ tridaśaiḥ sadā| etasminnaṁtare vāṇī śrutā tena mahībhṛtā||

वहां उसने उस लिंग के दर्शन किए, जो देवताओं द्वारा सदा पूजित था। इसी बीच उस राजा ने एक वाणी सुनी।

श्लोक 44 (skanda.5.144.44)

विमानस्थेन या प्रोक्ता तूष्ट्रेण मधुरस्वरा। भोभो राजेंद्र मां पश्य विमाने चोद्धृते शुभे।

vimānasthena yā proktā tūṣṭreṇa madhurasvarā| bhobho rājeṁdra māṁ paśya vimāne coddhṛte śubhe||

वह मधुर वाणी विमान पर बैठे हुए उस पूर्व करभ (अब मुक्त) द्वारा कही गई — "हे राजेंद्र! मुझे उस शुभ, ऊंचे उठे हुए विमान में देखो।

श्लोक 45 (skanda.5.144.45)

दर्शनादस्य लिंगस्य प्राप्ता मे परमा गतिः। त्वया हतोऽहं बाणेन तेनाहं त्वागतो वने। समीपमस्य लिंगस्य त्वं मे बंधुः परो यतः।

darśanādasya liṁgasya prāptā me paramā gatiḥ| tvayā hato'haṁ bāṇena tenāhaṁ tvāgato vane| samīpamasya liṁgasya tvaṁ me baṁdhuḥ paro yataḥ||

इस लिंग के दर्शन से मुझे परम गति प्राप्त हुई है। तुम्हारे बाण से घायल होकर ही मैं इस वन में, इस लिंग के समीप आ पहुंचा। इसलिए तुम मेरे परम बंधु हो।

श्लोक 46 (skanda.5.144.46)

इत्युक्त्वा स नृपं देवि वचः समधुराक्षरम्। गतस्तु परमं स्थानं नित्यमव्ययमक्षयम्।

ityuktvā sa nṛpaṁ devi vacaḥ samadhurākṣaram| gatastu paramaṁ sthānaṁ nityamavyayamakṣayam||

हे देवी! राजा से इस मधुर वचन को कहकर, वह उस नित्य, अव्यय, अक्षय परम स्थान को चला गया।

श्लोक 47 (skanda.5.144.47)

ततो देवगणा व्योम्नि सकिंनरमहोरगाः। यक्षराक्षसगंधर्वाः सपिशाचाप्सरोगणाः।

tato devagaṇā vyomni sakiṁnaramahoragāḥ| yakṣarākṣasagaṁdharvāḥ sapiśācāpsarogaṇāḥ||

तब आकाश में किन्नरों और महानागों सहित देवगण, यक्ष, राक्षस, गंधर्व तथा पिशाचों और अप्सराओं के समूह,

श्लोक 48 (skanda.5.144.48)

ब्रह्मेंद्रहरिमुख्याश्च विमानैर्देवि संस्थिताः। आजग्मुर्मुदितास्तत्र द्रष्टुं कौतुकमानसाः।

brahmeṁdraharimukhyāśca vimānairdevi saṁsthitāḥ| ājagmurmuditāstatra draṣṭuṁ kautukamānasāḥ||

हे देवी! ब्रह्मा, इंद्र और विष्णु आदि प्रमुख भी विमानों पर सवार होकर, आनंदित और कौतूहलपूर्ण मन से वहां देखने के लिए आ पहुंचे।

श्लोक 49 (skanda.5.144.49)

विलोक्य करभं मुक्तं विमानस्थं विराजितम्। लिंगदर्शनमात्रेण संस्तुतं विविधैः स्तवैः।

vilokya karabhaṁ muktaṁ vimānasthaṁ virājitam| liṁgadarśanamātreṇa saṁstutaṁ vividhaiḥ stavaiḥ||

मुक्त हुए उस करभ को विमान पर बैठा, शोभायमान, और मात्र लिंग-दर्शन से ही विविध स्तवों द्वारा स्तुत होते देखकर,

श्लोक 50 (skanda.5.144.50)

अच्छरत्नसमूहेन मुकुटेनोज्वलत्विषा। भासंतं रविकोटीनां जगदानंदकारकम्।

acchratnasamūhena mukuṭenojvalatviṣā| bhāsaṁtaṁ ravikoṭīnāṁ jagadānaṁdakārakam||

स्वच्छ रत्नों के समूह से बने मुकुट की देदीप्यमान कांति से, करोड़ों सूर्यों के समान प्रकाशित, जगत को आनंद देने वाला —

श्लोक 51 (skanda.5.144.51)

नाम चक्रुस्ततो देवा दृष्ट्वा माहात्म्यमुत्तमम्। दर्शनादस्य लिंगस्य मुक्तोऽयं करभो यतः।

nāma cakrustato devā dṛṣṭvā māhātmyamuttamam| darśanādasya liṁgasya mukto'yaṁ karabho yataḥ||

उस महिमा को देखकर देवताओं ने उसका नामकरण किया — क्योंकि इस लिंग के दर्शन से ही यह करभ मुक्त हुआ है,

श्लोक 52 (skanda.5.144.52)

तस्मात्त्रिष्वपि लोकेषु विख्यातः करभेश्वरः। भविष्यति न संदेहः पशुयोनिविमोचकः।

tasmāttriṣvapi lokeṣu vikhyātaḥ karabheśvaraḥ| bhaviṣyati na saṁdehaḥ paśuyonivimocakaḥ||

इसलिए यह तीनों लोकों में करभेश्वर के नाम से विख्यात होगा, और निःसंदेह पशु-योनि से मुक्ति दिलाने वाला बनेगा।

श्लोक 53 (skanda.5.144.53)

इत्युक्त्वा त्रिदशाः सर्वे गताः स्वं धिष्ण्यमुत्तमम्। अयोध्याधिपतिर्वीरो वीरकेतुः स्वमालयम्। समृद्धं निःसपत्नं च ततो राज्यं चकार सः।

ityuktvā tridaśāḥ sarve gatāḥ svaṁ dhiṣṇyamuttamam| ayodhyādhipatirvīro vīraketuḥ svamālayam| samṛddhaṁ niḥsapatnaṁ ca tato rājyaṁ cakāra saḥ||

ऐसा कहकर सभी देवगण अपने-अपने उत्तम धाम को चले गए। वीर वीरकेतु, अयोध्या का स्वामी, अपने घर लौट गया, और फिर उसने समृद्ध, निष्कंटक राज्य किया।

श्लोक 54 (skanda.5.144.54)

यः पश्यति नरो देवि करभेश्वरसंज्ञकम्। स प्रयात्यक्षयाँल्लोकान्पूज्यमानो गणाधिपः।

yaḥ paśyati naro devi karabheśvarasaṁjñakam| sa prayātyakṣayāṁllokānpūjyamāno gaṇādhipaḥ||

हे देवी! जो मनुष्य करभेश्वर नामक इस देव के दर्शन करता है, वह गणाधिप के रूप में पूजित होकर अक्षय लोकों को प्राप्त होता है।

श्लोक 55 (skanda.5.144.55)

यदा कालादिहायातो राजराजेश्वरो महान्। पृथिव्यामेकराड्भूत्वा क्रमान्मोक्षमवाप्नुयात्।

yadā kālādihāyāto rājarājeśvaro mahān| pṛthivyāmekarāḍbhūtvā kramānmokṣamavāpnuyāt||

जब उसका समय पूर्ण होने पर वह यहां लौटता है, तो वह महान राजाधिराज बनता है, पृथ्वी पर एकच्छत्र सम्राट होकर क्रमशः मोक्ष को प्राप्त करता है।

श्लोक 56 (skanda.5.144.56)

न दुःखं जायते तस्य व्याधिशोकभयं तथा। ये पश्यंति प्रसंगेन तल्लिंगं करभेश्वरम्।

na duḥkhaṁ jāyate tasya vyādhiśokabhayaṁ tathā| ye paśyaṁti prasaṁgena talliṁgaṁ karabheśvaram||

जो लोग किसी अवसर पर भी उस करभेश्वर लिंग के दर्शन करते हैं, उन्हें दुःख, रोग, शोक अथवा भय नहीं होता।

श्लोक 57 (skanda.5.144.57)

सर्वमेधेषु यत्पुण्यं सर्वदानेषु यत्फलम्। तत्फलं त्वधिकं देवि करभेश्वरदर्शनात्।

sarvamedheṣu yatpuṇyaṁ sarvadāneṣu yatphalam| tatphalaṁ tvadhikaṁ devi karabheśvaradarśanāt||

सभी यज्ञों से जो पुण्य और सभी दानों से जो फल प्राप्त होता है, हे देवी! उससे भी अधिक फल करभेश्वर के दर्शन से प्राप्त होता है।

श्लोक 58 (skanda.5.144.58)

व्याधयो नोपजायंते दारिद्र्यं न कदाचन। ऐश्वर्यं चातुलं तेषां जायते दर्शनात्सदा।

vyādhayo nopajāyaṁte dāridryaṁ na kadācana| aiśvaryaṁ cātulaṁ teṣāṁ jāyate darśanātsadā||

न कभी उन्हें रोग होते हैं, न कभी दरिद्रता। दर्शन के प्रभाव से सदा उन्हें अतुल ऐश्वर्य प्राप्त होता है।

श्लोक 59 (skanda.5.144.59)

पशुयोनिगता ये च पितरो दुःखितास्तु ये। तिष्ठंति चांबरे ते तु चिंतयंतः स्वगोत्रजम्।

paśuyonigatā ye ca pitaro duḥkhitāstu ye| tiṣṭhaṁti cāṁbare te tu ciṁtayaṁtaḥ svagotrajam||

जो पितर पशु-योनि को प्राप्त होकर दुःखी हैं, वे आकाश में रहकर अपने कुल में जन्मे किसी वंशज की प्रतीक्षा करते हुए यह सोचते हैं —

श्लोक 60 (skanda.5.144.60)

आगमिष्यति नः पुत्रो नप्ता वा संतताविह। कदा पश्यति देवेशं करभेश्वरमीश्वरम्। तेन दर्शनमात्रेण मुक्तिर्नो भविता ध्रुवम्।

āgamiṣyati naḥ putro naptā vā saṁtatāviha| kadā paśyati deveśaṁ karabheśvaramīśvaram| tena darśanamātreṇa muktirno bhavitā dhruvam||

"कब हमारा पुत्र या पौत्र, इस वंश-परंपरा में, यहां आएगा? वह कब देवेश करभेश्वर ईश्वर के दर्शन करेगा? उसके दर्शन मात्र से ही हमारी मुक्ति निश्चय ही हो जाएगी।"

श्लोक 61 (skanda.5.144.61)

यो यमुद्दिश्य वै कामं दर्शनं तु करिष्यति। तस्य तज्जायते सर्वं मृतस्य परमा गतिः।

yo yamuddiśya vai kāmaṁ darśanaṁ tu kariṣyati| tasya tajjāyate sarvaṁ mṛtasya paramā gatiḥ||

जो कोई किसी अभीष्ट के लिए उसे संकल्पित कर उसके दर्शन करता है, उसकी वह समस्त कामना पूर्ण होती है, तथा मरणोपरांत उसे परम गति प्राप्त होती है।

श्लोक 62 (skanda.5.144.62)

एष ते कथितो देवि प्रभावः पापनाशनः। करभेशस्य देवस्य शृणु राजस्थलेश्वरम्।

eṣa te kathito devi prabhāvaḥ pāpanāśanaḥ| karabheśasya devasya śṛṇu rājasthaleśvaram||

हे देवी! इस प्रकार मैंने तुम्हें देव करभेश की पापनाशक महिमा बताई; अब राजस्थलेश्वर की कथा सुनो।