राजस्थलेश्वर की महिमा

श्लोक 1 (skanda.5.145.1)

श्रीहर उवाच। चतुःसप्ततिकं विद्धि शिवं राजस्थलेश्वरम्। यस्य दर्शनमात्रेण सर्वपापैः प्रमुच्यते।

śrīhara uvāca| catuḥsaptatikaṁ viddhi śivaṁ rājasthaleśvaram| yasya darśanamātreṇa sarvapāpaiḥ pramucyate||

श्रीहर बोले — चौहत्तरवें शिव को राजस्थलेश्वर जानो, जिसके दर्शनमात्र से मनुष्य समस्त पापों से मुक्त हो जाता है।

श्लोक 2 (skanda.5.145.2)

विष्णुकल्पे पुरा वृत्ते मन्वंतरमुखप्रिये। अराजके महीपृष्ठे ब्रह्मा चिंतापरोऽभवत्।

viṣṇukalpe purā vṛtte manvaṁtaramukhapriye| arājake mahīpṛṣṭhe brahmā ciṁtāparo'bhavat||

हे मन्वंतर के आरंभ में प्रिय रहने वाली देवी! प्राचीन विष्णु-कल्प में, जब पृथ्वी राजाविहीन हो गई, तब ब्रह्मा चिंतित हो गए।

श्लोक 3 (skanda.5.145.3)

न मनुष्यैर्विना देवाः समर्था लोकधारणे। दानेज्याजपतोदेवा भजंते पुष्टिमुत्तमाम्।

na manuṣyairvinā devāḥ samarthā lokadhāraṇe| dānejyājapatodevā bhajaṁte puṣṭimuttamām||

मनुष्यों के बिना देवता जगत् को धारण करने में समर्थ नहीं होते; दान, यज्ञ और जप से ही देवता उत्तम पुष्टि को प्राप्त करते हैं।

श्लोक 4 (skanda.5.145.4)

योग्यो राजा प्रजापालः को भवेज्जनवत्सलः। सोऽपश्यदथ राजर्षिस्तपस्यंतं रिपुंजयम्।

yogyo rājā prajāpālaḥ ko bhavejjanavatsalaḥ| so'paśyadatha rājarṣistapasyaṁtaṁ ripuṁjayam||

(ब्रह्मा सोचने लगे) कौन ऐसा योग्य, प्रजाओं का पालक, जनवत्सल राजा हो सकता है? तभी उन्होंने तपस्या करते हुए राजर्षि रिपुंजय को देखा।

श्लोक 5 (skanda.5.145.5)

पृथ्व्यां सर्वगुणाकीर्णं धर्मनिष्ठं महाव्रतम्। तमुवाचाथ देवेशो ब्रह्मा लोकपितामहः।

pṛthvyāṁ sarvaguṇākīrṇaṁ dharmaniṣṭhaṁ mahāvratam| tamuvācātha deveśo brahmā lokapitāmahaḥ||

वह पृथ्वी पर सभी गुणों से संपन्न, धर्मनिष्ठ, महाव्रती था। तब देवेश ब्रह्मा, लोक के पितामह, ने उससे कहा।

श्लोक 6 (skanda.5.145.6)

ब्रह्मोवाच। रिपुंजय निबोधेदं वचनं मम पुत्रक। राज्यं च पाल्यतां वत्स एककल्पेन चेतसा।

brahmovāca| ripuṁjaya nibodhedaṁ vacanaṁ mama putraka| rājyaṁ ca pālyatāṁ vatsa ekakalpena cetasā||

ब्रह्मा बोले — हे पुत्र रिपुंजय! मेरा यह वचन सुनो। हे वत्स! एकाग्रचित्त होकर राज्य का पालन करो।

श्लोक 7 (skanda.5.145.7)

अलं ते तपसा तात कष्टेनानेन सांप्रतम्। धर्मेण विजिताः सर्वे त्वया लोका नरोत्तम।

alaṁ te tapasā tāta kaṣṭenānena sāṁpratam| dharmeṇa vijitāḥ sarve tvayā lokā narottama||

हे तात! अब इस कठिन तपस्या से पर्याप्त हो चुका। हे नरोत्तम! तुमने धर्म द्वारा समस्त लोकों को जीत लिया है।

श्लोक 8 (skanda.5.145.8)

क्रियतामधुना लोकपालनं तु ममाज्ञया। यतः परोपकारो हि फलं देहस्य देहिनः।

kriyatāmadhunā lokapālanaṁ tu mamājñayā| yataḥ paropakāro hi phalaṁ dehasya dehinaḥ||

अब मेरी आज्ञा से लोक का पालन करो; क्योंकि दूसरों की भलाई करना ही देहधारी के शरीर का फल है।

श्लोक 9 (skanda.5.145.9)

न धर्मस्तादृशोऽन्योऽस्ति न चान्योऽर्थस्य साधकः। निरयाप्तिरपि श्रेय उपकृत्य परस्य वै।

na dharmastādṛśo'nyo'sti na cānyo'rthasya sādhakaḥ| nirayāptirapi śreya upakṛtya parasya vai||

ऐसा कोई अन्य धर्म नहीं है, और न ही अन्य कोई अर्थ-साधक है। दूसरे की भलाई करते हुए यदि नरक भी प्राप्त हो, तो वह भी श्रेयस्कर है।

श्लोक 10 (skanda.5.145.10)

नापकारेण भूतानामपि स्याद्भुवनेशता। सततं लोककार्यार्थं मदाज्ञागौरवेण च। पृथ्वीं समुद्रवसनां प्रजाश्चैव प्रपालय।

nāpakāreṇa bhūtānāmapi syādbhuvaneśatā| satataṁ lokakāryārthaṁ madājñāgauraveṇa ca| pṛthvīṁ samudravasanāṁ prajāścaiva prapālaya||

प्राणियों को हानि पहुंचाकर लोकाधिपत्य नहीं प्राप्त होता। इसलिए सदा जगत् के कल्याण के लिए, तथा मेरी आज्ञा के सम्मान में, समुद्र को वस्त्र के समान धारण करने वाली इस पृथ्वी और उसकी प्रजाओं का पालन करो।

श्लोक 11 (skanda.5.145.11)

इत्युक्तः स तु राजर्षिर्ब्रह्मणा पर्वतात्मजे। प्रोवाच प्रांजलिर्भूत्वा ब्रह्माणं तु रिपुंजयः।

ityuktaḥ sa tu rājarṣirbrahmaṇā parvatātmaje| provāca prāṁjalirbhūtvā brahmāṇaṁ tu ripuṁjayaḥ||

हे पर्वतपुत्री! ब्रह्मा द्वारा ऐसा कहे जाने पर, वह राजर्षि रिपुंजय हाथ जोड़कर ब्रह्मा से बोला।

श्लोक 12 (skanda.5.145.12)

स्वभावेनाचला पृध्वी त्वया पूर्वं विनिर्मिता। विनैव पालकं ह्येषा कुत्र यास्यति मेदिनी।

svabhāvenācalā pṛdhvī tvayā pūrvaṁ vinirmitā| vinaiva pālakaṁ hyeṣā kutra yāsyati medinī||

यह पृथ्वी स्वभाव से ही अचल है, और आपके द्वारा पहले से बनाई गई है। पालक के बिना भी यह मेदिनी भला कहां चली जाएगी?

श्लोक 13 (skanda.5.145.13)

यद्यवश्यं मया पृध्वी पालनीया पितामह। देहि मे नगरीं रम्यामवन्तीं सप्तकल्पगाम्।

yadyavaśyaṁ mayā pṛdhvī pālanīyā pitāmaha| dehi me nagarīṁ ramyāmavantīṁ saptakalpagām||

हे पितामह! यदि मुझे अवश्य ही इस पृथ्वी का पालन करना है, तो सात कल्पों से विद्यमान रमणीय अवंती नगरी मुझे दे दीजिए।

श्लोक 14 (skanda.5.145.14)

मनुष्यलोके विख्याता सकले सामरावती। स्वर्गच्युतानां देवानां निवासार्थं प्रतिष्ठिता।

manuṣyaloke vikhyātā sakale sāmarāvatī| svargacyutānāṁ devānāṁ nivāsārthaṁ pratiṣṭhitā||

जो समस्त मनुष्यलोक में अमरावती के समान विख्यात है, और जो स्वर्ग से च्युत देवताओं के निवास के निमित्त स्थापित की गई है।

श्लोक 15 (skanda.5.145.15)

मर्यादामनुवत्तेंयुर्यदि मे नाकवासिनः। अदत्ते च मया स्थाने न वासः कस्यचिद्भवेत्। अनेन विधिना पृथ्वीं पालयिष्याम्यहं प्रभो।

maryādāmanuvattenyuryadi me nākavāsinaḥ| adatte ca mayā sthāne na vāsaḥ kasyacidbhavet| anena vidhinā pṛthvīṁ pālayiṣyāmyahaṁ prabho||

यदि स्वर्गवासी मेरी सीमा का अनुसरण करें, तो ठीक है; जो स्थान मैंने न दिया हो, वहां किसी का भी निवास न हो। इसी विधि से, हे प्रभो! मैं पृथ्वी का पालन करूंगा।

श्लोक 16 (skanda.5.145.16)

ब्रह्मोवाच। भविष्यत्येष ते कामो यस्त्वयोक्तो नरोत्तम। ये केचित्त्रिदशाः संति मद्गौरववशेन ते। तवादेशं करिष्यंति सदा त्वद्वशवर्त्तिनः।

brahmovāca| bhaviṣyatyeṣa te kāmo yastvayokto narottama| ye kecittridaśāḥ saṁti madgauravavaśena te| tavādeśaṁ kariṣyaṁti sadā tvadvaśavarttinaḥ||

ब्रह्मा बोले — हे नरोत्तम! तुमने जो कामना कही है, वह पूर्ण होगी। जो भी देवगण हैं, वे मेरे प्रति सम्मान के वशीभूत होकर तुम्हारी आज्ञा का पालन करेंगे, सदा तुम्हारे अधीन रहते हुए।

श्लोक 17 (skanda.5.145.17)

देवनाथेति वै नाम भविष्यति च सुव्रत। इत्युक्त्वांतर्दधे ब्रह्मा हंसयानं समास्थितः।

devanātheti vai nāma bhaviṣyati ca suvrata| ityuktvāṁtardadhe brahmā haṁsayānaṁ samāsthitaḥ||

हे सुव्रत! तुम्हारा नाम देवनाथ भी होगा। ऐसा कहकर ब्रह्मा अपने हंसयान पर आरूढ़ होकर अंतर्धान हो गए।

श्लोक 18 (skanda.5.145.18)

अथ राजा प्रतिज्ञाय ब्रह्मणा भूमिपालनम्। पृथ्व्यामुद्घोषयामास प्रोवाच त्रिदिवौकसाम्।

atha rājā pratijñāya brahmaṇā bhūmipālanam| pṛthvyāmudghoṣayāmāsa provāca tridivaukasām||

तब वह राजा, ब्रह्मा से पृथ्वी-पालन का वचन लेकर, पृथ्वी पर घोषणा करने लगा और देवताओं से यह कहा।

श्लोक 19 (skanda.5.145.19)

भवतां विहितः स्वर्गो मनुजानां च भूतलम्। ये चात्र कंदरे रताः स्थले वा भूधरेषु च।

bhavatāṁ vihitaḥ svargo manujānāṁ ca bhūtalam| ye cātra kaṁdare ratāḥ sthale vā bhūdhareṣu ca||

तुम्हारे लिए स्वर्ग नियत है, और मनुष्यों के लिए यह भूतल। जो भी यहां गुफाओं में, भूमि पर, अथवा पर्वतों पर रम रहे हैं,

श्लोक 20 (skanda.5.145.20)

ये स्थिता यांतु ते देवा मनुजानामियं धरा। तच्छ्रुत्वा घोषितं तस्य राज्ञो भयनिपीडिताः। त्रिदशा ब्रह्मणो वाक्याद्गौरवात्त्रिदिवं गताः।

ye sthitā yāṁtu te devā manujānāmiyaṁ dharā| tacchrutvā ghoṣitaṁ tasya rājño bhayanipīḍitāḥ| tridaśā brahmaṇo vākyādgauravāttridivaṁ gatāḥ||

वे देवगण चले जाएं; यह भूमि मनुष्यों की है। राजा की इस घोषणा को सुनकर, भय से पीड़ित हुए देवगण, ब्रह्मा के वचन के प्रति आदर के कारण, स्वर्गलोक को चले गए।

श्लोक 21 (skanda.5.145.21)

अथ प्रजाः स नृपतिर्धर्मेणावर्धयत्तदा। पुत्रवत्सेहयुक्तेन हृदयेनातिनिर्वृताः।

atha prajāḥ sa nṛpatirdharmeṇāvardhayattadā| putravatsehayuktena hṛdayenātinirvṛtāḥ||

तब उस राजा ने धर्मपूर्वक अपनी प्रजाओं को समृद्ध किया, पुत्र के समान स्नेहयुक्त हृदय से, और वे अत्यंत सुखी हो गईं।

श्लोक 22 (skanda.5.145.22)

प्रजास्तत्सुखसंवृद्धा जरामृत्युविवर्जिताः। पुत्रिणो धनधान्याढ्याः सर्वकामसमन्विताः।

prajāstatsukhasaṁvṛddhā jarāmṛtyuvivarjitāḥ| putriṇo dhanadhānyāḍhyāḥ sarvakāmasamanvitāḥ||

वे प्रजाएं उस सुख से समृद्ध हुईं, जरा-मृत्यु से रहित, संतानवान, धन-धान्य से समृद्ध, तथा सभी कामनाओं से युक्त रहीं।

श्लोक 23 (skanda.5.145.23)

यौवनस्थाश्च निर्द्वंद्वाः सततं धर्मसंश्रयाः। नासीत्पृथिव्यां शैलस्तु स्थलो वा द्वीप एव च।

yauvanasthāśca nirdvaṁdvāḥ satataṁ dharmasaṁśrayāḥ| nāsītpṛthivyāṁ śailastu sthalo vā dvīpa eva ca||

वे यौवन में स्थित, द्वंद्वों से रहित, सदा धर्म का आश्रय लेने वाली थीं। पृथ्वी पर कोई ऐसा पर्वत, स्थल अथवा द्वीप नहीं था,

श्लोक 24 (skanda.5.145.24)

अकृष्टपच्या पृथिवी स्वादवद्भिः फलैर्युता। देवलोक इवासीद्भूः सर्वकामगुणोज्ज्वला।

akṛṣṭapacyā pṛthivī svādavadbhiḥ phalairyutā| devaloka ivāsīdbhūḥ sarvakāmaguṇojjvalā||

जहां वे न पहुंची हों। पृथ्वी बिना जोते ही फल देने वाली थी, स्वादिष्ट फलों से युक्त। यह भूमि देवलोक के समान, समस्त इच्छित गुणों से उज्ज्वल थी।

श्लोक 25 (skanda.5.145.25)

एवं व्रजति काले वै राज्ञि राज्यं प्रकुर्वति। महामर्षपरा देवा विप्रकार्यार्थमुद्यताः।

evaṁ vrajati kāle vai rājñi rājyaṁ prakurvati| mahāmarṣaparā devā viprakāryārthamudyatāḥ||

इस प्रकार समय बीतता रहा और राजा राज्य करता रहा। किन्तु महाक्रोध से भरे देवगण उसे हानि पहुंचाने के लिए तत्पर हो गए।

श्लोक 26 (skanda.5.145.26)

प्रजानां बहुदुःखानि मुहुः कुर्वंत्यनेकशः। अथानावृष्टिमकरोत्सुदीर्घां पाकशासनः।

prajānāṁ bahuduḥkhāni muhuḥ kurvaṁtyanekaśaḥ| athānāvṛṣṭimakarotsudīrghāṁ pākaśāsanaḥ||

वे बार-बार अनेक प्रकार से प्रजाओं को दुःखी करने लगे। तब इंद्र ने अत्यंत दीर्घकालीन अनावृष्टि उत्पन्न कर दी।

श्लोक 27 (skanda.5.145.27)

तथा संह्रियमाणेषु लोकेषु नृपसत्तमः। मेघो भूत्वा दिवं प्राप्य सुवृष्टिमकरोन्नृपः।

tathā saṁhriyamāṇeṣu lokeṣu nṛpasattamaḥ| megho bhūtvā divaṁ prāpya suvṛṣṭimakaronnṛpaḥ||

जब लोक इस प्रकार पीड़ित हो रहे थे, तब उस श्रेष्ठ राजा ने स्वयं मेघ बनकर आकाश में जाकर उत्तम वर्षा की।

श्लोक 28 (skanda.5.145.28)

तेनैवाप्यायितो लोकः सुखी जातो यशस्विनि। ततः काले तु कस्मिंश्चिद्वर्षत्पाकशासनः। संवर्त्तो वारिदो भूत्वा मेघान्वै विन्यपातयत्।

tenaivāpyāyito lokaḥ sukhī jāto yaśasvini| tataḥ kāle tu kasmiṁścidvarṣatpākaśāsanaḥ| saṁvartto vārido bhūtvā meghānvai vinyapātayat||

उसी से पोषित होकर लोक सुखी हो गया, हे यशस्विनि! फिर किसी समय, जब इंद्र वर्षा करने लगा, तब संवर्तक नामक प्रलयकारी मेघ बनकर उसने (उस राजा के) मेघों को नष्ट कर दिया।

श्लोक 29 (skanda.5.145.29)

ततस्तु मारुतो भूत्वा नृपतिस्तामधारयत्। ततोनलः प्रनष्टोऽभूत्सर्वतः पृथिवीतलात्।

tatastu māruto bhūtvā nṛpatistāmadhārayat| tatonalaḥ pranaṣṭo'bhūtsarvataḥ pṛthivītalāt||

तब राजा ने पवन बनकर उसे (मेघमाला को) संभाल लिया। इसके पश्चात् पृथ्वीतल से सर्वत्र अग्नि लुप्त हो गई।

श्लोक 30 (skanda.5.145.30)

न यज्ञा न जपो होमो न च पक्तिरवर्त्तत। लोकश्च व्याधिसंक्षुब्धस्तदाभूद्विषमे स्थितः।

na yajñā na japo homo na ca paktiravarttata| lokaśca vyādhisaṁkṣubdhastadābhūdviṣame sthitaḥ||

न यज्ञ हो सके, न जप, न होम, न ही भोजन पकाना संभव हुआ। तब लोग रोगों से व्याकुल होकर संकट में पड़ गए।

श्लोक 31 (skanda.5.145.31)

ततः स राजा तं दृष्ट्वा त्वभवद्धव्यवाहनः। सोऽधारयत्प्रजाः सर्वा यज्ञांश्च त्रिदिवौकसः।

tataḥ sa rājā taṁ dṛṣṭvā tvabhavaddhavyavāhanaḥ| so'dhārayatprajāḥ sarvā yajñāṁśca tridivaukasaḥ||

तब यह देखकर वह राजा स्वयं अग्नि बन गया, और उसने समस्त प्रजाओं, यज्ञों तथा देवताओं को धारण किया।

श्लोक 32 (skanda.5.145.32)

एतस्मिन्नंतरे देवि त्वया सार्द्धं समागतः। दर्शनार्थं स्वनगरीमहं भूतगणैर्वृतः।

etasminnaṁtare devi tvayā sārddhaṁ samāgataḥ| darśanārthaṁ svanagarīmahaṁ bhūtagaṇairvṛtaḥ||

हे देवी! इसी बीच, तुम्हारे साथ मैं भी अपने भूतगणों से घिरा हुआ, उसकी नगरी को देखने के लिए वहां आ पहुंचा।

श्लोक 33 (skanda.5.145.33)

ततो देवगणाः सर्वे सकिंनरमहोरगाः। सयक्षरक्षोगन्धर्वाः सिद्धविद्याधरोरगाः।

tato devagaṇāḥ sarve sakiṁnaramahoragāḥ| sayakṣarakṣogandharvāḥ siddhavidyādharoragāḥ||

फिर वहां किन्नरों और महानागों सहित सभी देवगण, यक्ष, राक्षस, गंधर्व, सिद्ध, विद्याधर और नाग,

श्लोक 34 (skanda.5.145.34)

भूताः प्रेताः पिशाचाश्च ये चान्ये गगनेचराः। चत्वारः सागराश्चैव क्षारक्षीरादिसिंधवः।

bhūtāḥ pretāḥ piśācāśca ye cānye gaganecarāḥ| catvāraḥ sāgarāścaiva kṣārakṣīrādisiṁdhavaḥ||

भूत, प्रेत, पिशाच तथा अन्य आकाशचारी, चारों सागर — खारे, क्षीर आदि जलवाले सागर,

श्लोक 35 (skanda.5.145.35)

गंगा च यमुना सिंधुश्चंद्रभागा सरस्वती। चर्मण्वती भीमरथी पुण्या गोदावरी नदी।

gaṁgā ca yamunā siṁdhuścaṁdrabhāgā sarasvatī| carmaṇvatī bhīmarathī puṇyā godāvarī nadī||

गंगा, यमुना, सिंधु, चंद्रभागा, सरस्वती, चर्मण्वती, भीमरथी, तथा पवित्र गोदावरी नदी,

श्लोक 36 (skanda.5.145.36)

विपाशा देविका पुण्या शरयूः कौशिकी तथा। गोमती धूतपापा च बाहुदा च दृषद्वती।

vipāśā devikā puṇyā śarayūḥ kauśikī tathā| gomatī dhūtapāpā ca bāhudā ca dṛṣadvatī||

विपाशा, पवित्र देविका, शरयू, कौशिकी, गोमती, धूतपापा, बाहुदा, तथा दृषद्वती,

श्लोक 37 (skanda.5.145.37)

पारा वेद स्मृतिश्चैव वेत्रघ्नी नर्मदा शिवा। तापी पयोष्णी निर्विन्ध्या सर्वास्तत्र समागताः।

pārā veda smṛtiścaiva vetraghnī narmadā śivā| tāpī payoṣṇī nirviṁdhyā sarvāstatra samāgatāḥ||

पारा, वेदस्मृति, वेत्रघ्नी, नर्मदा, शिवा, तापी, पयोष्णी, तथा निर्विंध्या — ये सभी नदियां वहां आ पहुंचीं।

श्लोक 38 (skanda.5.145.38)

पुष्करश्च प्रयागश्च प्रभासो नैमिषस्तथा। पृथुतीर्थोदकश्चैव तथैवामरकंटकः।

puṣkaraśca prayāgaśca prabhāso naimiṣastathā| pṛthutīrthodakaścaiva tathaivāmarakaṁṭakaḥ||

पुष्कर, प्रयाग, प्रभास, नैमिष, पृथु-तीर्थ का जल, तथा अमरकंटक भी,

श्लोक 39 (skanda.5.145.39)

गंगाद्वारः कुशावर्त्तो बिल्वको नीलपर्वतः। वाराहपर्वतश्चैव तीर्थं कनखलं तथा।

gaṁgādvāraḥ kuśāvartto bilvako nīlaparvataḥ| vārāhaparvataścaiva tīrthaṁ kanakhalaṁ tathā||

गंगाद्वार, कुशावर्त, बिल्वक, नीलपर्वत, वाराहपर्वत, तथा कनखल तीर्थ,

श्लोक 40 (skanda.5.145.40)

भृगुतुंगः सुकुक्षश्चाप्यजगंधश्च पार्वति। कालिंजरः सकेदारो रुद्रकोटिर्महालयः।

bhṛgutuṁgaḥ sukukṣaścāpyajagaṁdhaśca pārvati| kāliṁjaraḥ sakedāro rudrakoṭirmahālayaḥ||

हे पार्वती! भृगुतुंग, सुकुक्ष, अजगंध, केदार सहित कालिंजर, रुद्रकोटि तथा महालय,

श्लोक 41 (skanda.5.145.41)

स्थानानि च समस्तानि पुण्यान्यायतनानि च। मेरुर्महेंद्रो मलयो मंदरो गंधमादनः।

sthānāni ca samastāni puṇyānyāyatanāni ca| merurmaheṁdro malayo maṁdaro gaṁdhamādanaḥ||

तथा समस्त पुण्य स्थान और तीर्थस्थल, मेरु, महेंद्र, मलय, मंदर, गंधमादन पर्वत,

श्लोक 42 (skanda.5.145.42)

मुनयो वालखिल्याश्च वेदाश्चत्वार एव च। एते चान्ये च बहवः समायाता मया सह।

munayo vālakhilyāśca vedāścatvāra eva ca| ete cānye ca bahavaḥ samāyātā mayā saha||

मुनिगण, वालखिल्य ऋषि, और चारों वेद भी — ये सब तथा अन्य अनेक मेरे साथ वहां आए।

श्लोक 43 (skanda.5.145.43)

अनंतरं मया मेरुः स्थलाकारः कृतस्ततः। तस्मिन्स्थले स्थितो देवि उपविष्टः सुरैर्वृतः। नियुक्ताः सागराः पार्श्वे चत्वारो लवणादयः।

anaṁtaraṁ mayā meruḥ sthalākāraḥ kṛtastataḥ| tasminsthale sthito devi upaviṣṭaḥ suraivṛtaḥ| niyuktāḥ sāgarāḥ pārśve catvāro lavaṇādayaḥ||

तत्पश्चात् मैंने मेरु को स्थल के रूप में परिणत किया। हे देवी! उस स्थल पर मैं देवताओं से घिरा हुआ बैठा, और चारों सागर — खारे जल वाले आदि — मेरे पार्श्व में नियुक्त किए गए।

श्लोक 44 (skanda.5.145.44)

अथ व्याकुलतां प्राप्तः स च राजा रिपुंजयः। स्वस्थलस्थं मां दृष्ट्वा समायातस्तु मां प्रति।

atha vyākulatāṁ prāptaḥ sa ca rājā ripuṁjayaḥ| svasthalasthaṁ māṁ dṛṣṭvā samāyātastu māṁ prati||

तब वह राजा रिपुंजय व्याकुल होकर, अपने ही स्थल में मुझे स्थित देखकर, मेरी ओर आया।

श्लोक 45 (skanda.5.145.45)

तेजसा दह्यमानोऽपि मदीयेन वरानने। भीतोऽपि तोषयामास कोऽसि देव नमोऽस्तु ते।

tejasā dahyamāno'pi madīyena varānane| bhīto'pi toṣayāmāsa ko'si deva namo'stu te||

हे वरानने! मेरे तेज से जलता हुआ भी, भयभीत होते हुए भी, उसने मुझे प्रसन्न करने का प्रयास किया — "हे देव! आप कौन हैं? आपको नमस्कार है।"

श्लोक 46 (skanda.5.145.46)

स्थलेस्मिन्नृप राजाहं मयाप्युक्तं विनोदतः। चतुर्वर्गश्चतुर्मूर्त्तिश्चतुर्द्धा संस्थितो नृपः।

sthale'sminnṛpa rājāhaṁ mayāpyuktaṁ vinodataḥ| caturvargaścaturmūrttiścaturddhā saṁsthito nṛpaḥ||

मैंने भी विनोदपूर्वक कहा — "हे राजन्! इस स्थल का राजा मैं ही हूं।" (मैं) चार पुरुषार्थों वाला, चार मूर्तियोंवाला, चतुर्विध रूप से स्थित राजा हूं।

श्लोक 47 (skanda.5.145.47)

तेनाहं सर्वतो दृष्टो वाङ्मये सचराचरे। अनंतरं स्तुतस्तेन भक्त्या परमया प्रिये।

tenāhaṁ sarvato dṛṣṭo vāṅmaye sacarācare| anaṁtaraṁ stutastena bhaktyā paramayā priye||

इस प्रकार वह मुझे इस चराचर, शब्द-रूप जगत् में सर्वत्र देखता रहा। हे प्रिये! उसके बाद उसने परम भक्तिपूर्वक मेरी स्तुति की।

श्लोक 48 (skanda.5.145.48)

प्रभावमतुलं दृष्ट्वा मदीयं व्यापकं परम्। भक्त्या परमया देवि स च मां शरणं गतः। भूयःस्तुतोऽपि तेनाहं तुष्टो वै तस्य भूपतेः। तेनोक्तं यदि मे देव तुष्टस्त्वं परमेश्वर।

prabhāvamatulaṁ dṛṣṭvā madīyaṁ vyāpakaṁ param| bhaktyā paramayā devi sa ca māṁ śaraṇaṁ gataḥ| bhūyaḥstuto'pi tenāhaṁ tuṣṭo vai tasya bhūpateḥ| tenoktaṁ yadi me deva tuṣṭastvaṁ parameśvara||

मेरे अतुल, सर्वव्यापी परम प्रभाव को देखकर, हे देवी! वह परम भक्तिपूर्वक मेरी शरण में आया। उसके द्वारा बार-बार स्तुत होकर मैं उस राजा से संतुष्ट हो गया। उसने कहा — "हे देव! यदि आप मुझ पर प्रसन्न हैं, हे परमेश्वर,

श्लोक 49 (skanda.5.145.49)

भक्तिर्मे सुदृढा भूयात्त्वयि सर्वॆश शाश्वती। तुष्टोहं तेन वाक्येन पुनः प्रोक्तो मया नृप।

bhaktirme sudṛḍhā bhūyāttvayi sarveśa śāśvatī| tuṣṭohaṁ tena vākyena punaḥ prokto mayā nṛpa||

तो हे सर्वेश! आपमें मेरी भक्ति सदा दृढ़ और शाश्वत बनी रहे।" उस वचन से प्रसन्न होकर मैंने राजा को फिर कहा।

श्लोक 50 (skanda.5.145.50)

एवं भविष्यतीत्युक्त्वा पुनर्मां ब्रूहि पार्थिव। हृदि स्थितश्च ते कामः सर्वकालं भविष्यति।

evaṁ bhaviṣyatītyuktvā punarmāṁ brūhi pārthiva| hṛdi sthitaśca te kāmaḥ sarvakālaṁ bhaviṣyati||

"ऐसा ही होगा।" — यह कहकर मैंने कहा — हे राजन्! फिर से मुझसे कहो। तुम्हारे हृदय में स्थित यह कामना सर्वदा पूर्ण होती रहेगी।

श्लोक 51 (skanda.5.145.51)

अधृष्यः सर्वेदेवानां सर्वदा संभविष्यसि। तेनाहं प्रार्थितो देवि भूयो वरमनुत्तमम्।

adhṛṣyaḥ sarvedevānāṁ sarvadā saṁbhaviṣyasi| tenāhaṁ prārthito devi bhūyo varamanuttamam||

तुम सदा सभी देवताओं के लिए अजेय बने रहोगे। हे देवी! उसने फिर मुझसे परम उत्तम वर मांगा।

श्लोक 52 (skanda.5.145.52)

अतीव राजते देव स्थलोऽयं तव सन्निधौ। मेरुरेष न संदेहो वृल्लभः सर्वदा तव।

atīva rājate deva sthalo'yaṁ tava sannidhau| merureṣa na saṁdeho vallabhaḥ sarvadā tava||

(राजा ने कहा) — हे देव! यह स्थल आपकी उपस्थिति से अत्यंत शोभायमान हो गया है। निःसंदेह यह मेरु आपको सदा प्रिय रहे।

श्लोक 53 (skanda.5.145.53)

राजस्थलेश्वरोऽसि त्वं विख्यातो भुवनत्रये। भविष्यसि यथा देव तथा त्वं कर्तुमर्हसि।

rājasthaleśvaro'si tvaṁ vikhyāto bhuvanatraye| bhaviṣyasi yathā deva tathā tvaṁ kartumarhasi||

आप ही राजस्थलेश्वर हैं, तीनों लोकों में विख्यात होंगे। हे देव! जैसा आप बनना चाहते हैं, वैसा ही कीजिए।

श्लोक 54 (skanda.5.145.54)

अत्रागत्य च यो देव भक्त्या परमया युतः। यात्रां करोति भावेन पुराणोक्तविधानतः।

atrāgatya ca yo deva bhaktyā paramayā yutaḥ| yātrāṁ karoti bhāvena purāṇoktavidhānataḥ||

हे देव! जो कोई यहां आकर परम भक्ति से युक्त होकर, भावपूर्वक, पुराणोक्त विधि के अनुसार यात्रा करता है,

श्लोक 55 (skanda.5.145.55)

तस्य त्वया प्रदातव्यं सर्वं मनसि चिंतितम्। अणिमादिगुणाः सर्वे गुटिकासिद्धिरंजनम्।

tasya tvayā pradātavyaṁ sarvaṁ manasi ciṁtitam| aṇimādiguṇāḥ sarve guṭikāsiddhirañjanam||

उसे आप सब कुछ प्रदान करें, जो उसके मन में चिंतित हो — अणिमा आदि सभी सिद्धियां, गुटिका-सिद्धि, तथा अंजन।

श्लोक 56 (skanda.5.145.56)

खड्गं च पादुकां चैव जलवासं रसायनम्। राजस्थलेश्वरं यस्तु भक्त्या पश्यति मानवः।

khaḍgaṁ ca pādukāṁ caiva jalavāsaṁ rasāyanam| rājasthaleśvaraṁ yastu bhaktyā paśyati mānavaḥ||

वह मनुष्य जो भक्तिपूर्वक राजस्थलेश्वर के दर्शन करता है, उसे (दिव्य) खड्ग, पादुका, जलवास तथा रसायन (सिद्धियां) प्राप्त होती हैं।

श्लोक 57 (skanda.5.145.57)

दशम्यां तु विशेषेण कृत्वा नियमपूर्वकम्। देवानामपि देवत्वं संप्राप्नोति महेश्वरः।

daśamyāṁ tu viśeṣeṇa kṛtvā niyamapūrvakam| devānāmapi devatvaṁ saṁprāpnoti maheśvaraḥ||

विशेष रूप से दशमी के दिन नियमपूर्वक ऐसा करके, वह मनुष्य देवताओं के भी देवत्व को प्राप्त करता है, महेश्वर के समान हो जाता है।

श्लोक 58 (skanda.5.145.58)

पूजनीयस्तु त्रिदिवैर्यथा देवः पुरंदरः। दृष्ट्वा राजस्थले देवं योऽत्र यात्रां करिष्यति।

pūjanīyastu tridivairyathā devaḥ puraṁdaraḥ| dṛṣṭvā rājasthale devaṁ yo'tra yātrāṁ kariṣyati||

वह देवताओं द्वारा उसी प्रकार पूज्य होता है, जैसे देव पुरंदर (इंद्र)। जो कोई यहां राजस्थल के देव का दर्शन कर यात्रा करेगा,

श्लोक 59 (skanda.5.145.59)

तस्य श्रीर्विजयश्चैव भवत्येव वरो मम। शत्रवः संक्षयं यांतु संपद्यतां मनोरथाः।

tasya śrīrvijayaścaiva bhavatyeva varo mama| śatravaḥ saṁkṣayaṁ yāṁtu saṁpadyatāṁ manorathāḥ||

उसे श्री और विजय दोनों प्राप्त होंगे — यह मेरा वरदान है। उसके शत्रुओं का नाश हो, और उसकी मनोकामनाएं पूर्ण हों।

श्लोक 60 (skanda.5.145.60)

वृद्धिर्भवतु वंशे च दर्शनात्तव शंकर। सर्वेऽत्र देवास्तिष्ठंतु मेरुरत्रैव तिष्ठतु। तिष्ठंतु सागराः सर्वे तव देव समीपतः।

vṛddhirbhavatu vaṁśe ca darśanāttava śaṁkara| sarve'tra devāstiṣṭhaṁtu meruratraiva tiṣṭhatu| tiṣṭhaṁtu sāgarāḥ sarve tava deva samīpataḥ||

हे शंकर! आपके दर्शन से उसके वंश की वृद्धि हो। यहां सभी देवगण निवास करें, मेरु यहीं स्थित रहे, तथा हे देव! सभी सागर आपके समीप ही स्थित रहें।

श्लोक 61 (skanda.5.145.61)

इत्युक्तोऽहं तदा तेन मया चोक्तं वरानने। सुद्युम्नोनाम भूपालो यदात्रैवागमिष्यति।

ityukto'haṁ tadā tena mayā coktaṁ varānane| sudyumno nāma bhūpālo yadātraivāgamiṣyati||

हे वरानने! उसके द्वारा ऐसा कहे जाने पर, तब मैंने कहा — सुद्युम्न नामक राजा जब यहीं आएगा,

श्लोक 62 (skanda.5.145.62)

पुत्रार्थं भार्यया सार्द्धं तदा दास्यामि वांछितम्। तदा समुद्राश्चत्वारः स्थास्यन्ति सफलाः स्वयम्।

putrārthaṁ bhāryayā sārddhaṁ tadā dāsyāmi vāṁchitam| tadā samudrāścatvāraḥ sthāsyaṁti saphalāḥ svayam||

तब वह अपनी पत्नी के साथ पुत्र-प्राप्ति के लिए आएगा, और मैं उसकी अभीष्ट कामना पूर्ण करूंगा। तब चारों सागर स्वयं ही सफल होकर वहां स्थित रहेंगे।

श्लोक 63 (skanda.5.145.63)

तस्याराधनतो भूप पुत्रं दास्यामि शोभनम्। ये चात्र मानवा राजन्यात्रां कुर्वंति भक्तितः। तेषां मनोरथावाप्तिर्भविष्यति न संशयः।

tasyārādhanato bhūpa putraṁ dāsyāmi śobhanam| ye cātra mānavā rājanyātrāṁ kurvaṁti bhaktitaḥ| teṣāṁ manorathāvāptirbhaviṣyati na saṁśayaḥ||

हे राजन्! उसकी आराधना से मैं उसे सुंदर पुत्र दूंगा। और जो भी मनुष्य यहां भक्तिपूर्वक यात्रा करेंगे, हे राजन्! उनकी मनोकामनाओं की प्राप्ति निःसंदेह होगी।

श्लोक 64 (skanda.5.145.64)

राजा रिपुंजयो भक्त्या गणाधीशः कृतो मया।

rājā ripuṁjayo bhaktyā gaṇādhīśaḥ kṛto mayā||

भक्ति के कारण मैंने राजा रिपुंजय को गणाधीश बना दिया।

श्लोक 65 (skanda.5.145.65)

एष ते कथितो देवि प्रभावः पापनाशनः। राजस्थलेश्वरेशस्य श्रूयतां वडलेश्वरम्।

eṣa te kathito devi prabhāvaḥ pāpanāśanaḥ| rājasthaleśvareśasya śrūyatāṁ vaḍaleśvaram||

हे देवी! इस प्रकार मैंने तुम्हें देव राजस्थलेश्वर की पापनाशक महिमा बताई; अब वडलेश्वर की कथा सुनो।