वडलेश्वर की महिमा

श्लोक 1 (skanda.5.146.1)

ईश्वर उवाच। पञ्चसप्ततिकं देवं वडलेश्वरसंज्ञकम्। विद्धि पापहरं देवि दर्शनात्कामदं नृणाम्।

īśvara uvāca| pañcasaptatikaṁ devaṁ vaḍaleśvarasaṁjñakam| viddhi pāpaharaṁ devi darśanātkāmadaṁ nṛṇām||

ईश्वर बोले — हे देवी! पचहत्तरवें देव को वडलेश्वर नामक जानो, जो पापहारी है और जिसके दर्शन से मनुष्यों की कामनाएं पूर्ण होती हैं।

श्लोक 2 (skanda.5.146.2)

धनदस्य सखा देवि मणिभद्रो बभूव ह। ईर्ष्याप्रभावस्तत्पुत्रो वडलोनाम कोपनः।

dhanadasya sakhā devi maṇibhadro babhūva ha| īrṣyāprabhāvastatputro vaḍalonāma kopanaḥ||

हे देवी! कुबेर का सखा मणिभद्र नामक एक यक्ष था। उसका पुत्र, स्वभाव से ईर्ष्यालु और क्रोधी, वडल नाम से जाना जाता था।

श्लोक 3 (skanda.5.146.3)

रूपवान्सर्वदा कामी सदा मत्तो बलाधिकः। कदाचित्स गतो रम्यां नलिनीं धनदस्य च।

rūpavānsarvadā kāmī sadā matto balādhikaḥ| kadācitsa gato ramyāṁ nalinīṁ dhanadasya ca||

वह रूपवान था, सदा कामातुर, सदा मदमत्त, तथा अत्यंत बलशाली था। एक बार वह कुबेर के रमणीय कमल-सरोवर में जा पहुंचा,

श्लोक 4 (skanda.5.146.4)

रत्यर्थं कामसेवार्थं गुप्तां रहसि निर्मिताम्। ददर्श कुसुमैश्छन्नां वज्रवैडूर्यभूषिताम्।

ratyarthaṁ kāmasevārthaṁ guptāṁ rahasi nirmitām| dadarśa kusumaiśchannāṁ vajravaiḍūryabhūṣitām||

जो प्रेम-क्रीड़ा और काम-सेवा के लिए गुप्त रूप से एकांत में निर्मित की गई थी। उसने उसे पुष्पों से आच्छादित, वज्र और वैडूर्य मणियों से भूषित देखा,

श्लोक 5 (skanda.5.146.5)

तां वै विद्रुमसंछन्नां मुक्तादामविराजिताम्। सुरम्यां विपुलच्छायां स्वर्णपंकजशोभिताम्।

tāṁ vai vidrumasaṁchannāṁ muktādāmavirājitām| suramyāṁ vipulacchāyāṁ svarṇapaṁkajaśobhitām||

वह मूंगों से आच्छादित, मोतियों की मालाओं से सुशोभित, अत्यंत रमणीय, विशाल छायावाली, तथा स्वर्ण-कमलों से शोभित थी।

श्लोक 6 (skanda.5.146.6)

कुबेरभवनाभ्याशे वल्लभां धनदस्य च। आक्रीडं राजराजस्य कुबेरस्य महात्मनः।

kuberabhavanābhyāśe vallabhāṁ dhanadasya ca| ākrīḍaṁ rājarājasya kuberasya mahātmanaḥ||

यह कुबेर के भवन के निकट, कुबेर की प्रिय, राजराज महात्मा कुबेर की क्रीड़ा-स्थली थी।

श्लोक 7 (skanda.5.146.7)

राक्षसैः किंनरैश्चैव गुप्तां खङ्गधरैः सदा। तां दृष्ट्वा परमप्रीतो बभूव वडलस्तदा।

rākṣasaiḥ kiṁnaraiścaiva guptāṁ khaṅgadharaiḥ sadā| tāṁ dṛṣṭvā paramaprīto babhūva vaḍalastadā||

वह सदा राक्षसों, किन्नरों तथा तलवारधारियों द्वारा सुरक्षित थी। उसे देखकर वडल अत्यंत प्रसन्न हो उठा।

श्लोक 8 (skanda.5.146.8)

प्रियया सहितो रेमे स्थाने गुप्ते मनोहरे। रेमे रमणकैर्योगैरनंगेन वशीकृतः।

priyayā sahito reme sthāne gupte manohare| reme ramaṇakairyogairanaṁgena vaśīkṛtaḥ||

अपनी प्रिया के साथ उस गुप्त, मनोहर स्थान में वह रमण करने लगा। कामदेव के वशीभूत होकर वह विविध रमणीय क्रीड़ाओं में रत रहा।

श्लोक 9 (skanda.5.146.9)

तत्र गुप्ता रणे शूरा राक्षसा रणकोविदाः। रक्षंति शतसाहस्रं सर्वायुधपरिच्छदाः।

tatra guptā raṇe śūrā rākṣasā raṇakovidāḥ| rakṣaṁti śatasāhasraṁ sarvāyudhaparicchadāḥ||

वहां रण में शूरवीर, युद्ध-कुशल राक्षस, सभी प्रकार के शस्त्रों से सुसज्जित, लाखों की संख्या में गुप्त रूप से रक्षा करते थे।

श्लोक 10 (skanda.5.146.10)

ते तु दृष्ट्वैव वडलं मणिभद्रसुतं प्रिये। भक्ष्यैः संपूरितमुखं दिव्यचन्दनभूषितम्।

te tu dṛṣṭvaiva vaḍalaṁ maṇibhadrasutaṁ priye| bhakṣyaiḥ saṁpūritamukhaṁ divyacaṁdanabhūṣitam||

हे प्रिये! उन्होंने मणिभद्र के पुत्र वडल को देखा, जिसका मुख भोज्य पदार्थों से भरा हुआ था, तथा जो दिव्य चंदन से भूषित था,

श्लोक 11 (skanda.5.146.11)

केतकीगर्भपत्राभैर्दंतैर्दिव्यतराननम्। युद्धार्थे बद्धनिस्त्रिंशं शक्तियुक्तमरिंदमम्।

ketakīgarbhapatrābhairdaṁtairdivyatarānanam| yuddhārthe baddhanistriṁśaṁ śaktiyuktamariṁdamam||

जिसके दांत केतकी की भीतरी पंखुड़ियों के समान चमकीले थे, जिसका मुख अत्यंत दिव्य था, जो युद्ध के लिए तलवार बांधे हुए था, बलशाली और शत्रुदमन करने वाला था,

श्लोक 12 (skanda.5.146.12)

भार्यासहायमुन्मत्तं पर्यंके च स्थितं सदा। रत्यर्थमागतं ज्ञात्वा अन्योन्यमभिचुक्रुशुः।

bhāryāsahāyamunmattaṁ paryaṁke ca sthitaṁ sadā| ratyarthamāgataṁ jñātvā anyonyamabhicukruśuḥ||

अपनी पत्नी के साथ मदमत्त होकर सदा पलंग पर बैठा हुआ था। उसे रति-क्रीड़ा के लिए वहां आया जानकर, वे एक-दूसरे को पुकारने लगे।

श्लोक 13 (skanda.5.146.13)

मा वीरानेन मार्गेण सभार्यो गन्तुमर्हसि। आक्रीडोऽयं कुबेरस्य धनदस्य महात्मनः।

mā vīrānena mārgeṇa sabhāryo gantumarhasi| ākrīḍo'yaṁ kuberasya dhanadasya mahātmanaḥ||

(वे बोले) — हे वीर! इस मार्ग से अपनी पत्नी सहित मत जाओ। यह महात्मा धनद कुबेर की क्रीड़ा-स्थली है।

श्लोक 14 (skanda.5.146.14)

देवा देवर्षयो यक्षा गन्धर्वाः किंनरास्तथा। आमन्त्र्य यक्षप्रवरं विहरंति रमंति च।

devā devarṣayo yakṣā gandharvāḥ kiṁnarāstathā| āmantrya yakṣapravaraṁ viharaṁti ramaṁti ca||

देवता, देवर्षि, यक्ष, गंधर्व तथा किन्नर भी, यक्षश्रेष्ठ कुबेर से अनुमति लेकर ही यहां विहार और रमण करते हैं।

श्लोक 15 (skanda.5.146.15)

नेह शक्यं विनादेशाद्विहर्तुं क्रीडितुं चिरम्। भ्रात्रामात्येन सुहृदा केनापि च सुतेन च।

neha śakyaṁ vinādeśādvihartuṁ krīḍituṁ ciram| bhrātrāmātyena suhṛdā kenāpi ca sutena ca||

बिना आदेश के यहां किसी के लिए भी — चाहे वह भाई हो, मंत्री हो, मित्र हो, अथवा पुत्र ही क्यों न हो — दीर्घकाल तक विहार या क्रीड़ा करना संभव नहीं है।

श्लोक 16 (skanda.5.146.16)

येनकेनचिदन्यायादवमन्य धनेश्वरम्। विहारः क्रियते दर्पात्स विनश्येदसंशयम्।

yenakenacidanyāyādavamanya dhaneśvaram| vihāraḥ kriyate darpātsa vinaśyedasaṁśayam||

जो भी कोई, अन्यायपूर्वक धनेश्वर का अपमान करते हुए, अहंकारवश यहां विहार करता है, वह निःसंदेह विनष्ट हो जाता है।

श्लोक 17 (skanda.5.146.17)

एवं स राक्षसैर्घोरैर्वडलो विनिवारितः। मा मैवमिति सक्रोधं भर्त्सयद्भिः समंततः।

evaṁ sa rākṣasairghorairvaḍalo vinivāritaḥ| mā maivamiti sakrodhaṁ bhartsayadbhiḥ samaṁtataḥ||

इस प्रकार वह वडल उन भयंकर राक्षसों द्वारा, जो चारों ओर से क्रोधपूर्वक "ऐसा मत करो, ऐसा मत करो" कहते हुए धमका रहे थे, रोका गया।

श्लोक 18 (skanda.5.146.18)

कदर्थीकृत्य तु स तान्राक्षसान्भीमविक्रमः। व्यगाहत महातेजास्ते सर्वे तं न्यवारयन्।

kadarthīkṛtya tu sa tānrākṣasānbhīmavikramaḥ| vyagāhata mahātejāste sarve taṁ nyavārayan||

किन्तु उस भयंकर पराक्रमी, महातेजस्वी ने उन राक्षसों की अवहेलना करके उस स्थान में प्रवेश कर दिया। वे सभी उसे रोकने का प्रयास करते रहे।

श्लोक 19 (skanda.5.146.19)

गृह्णीत बध्नीत निकृन्ततैनं पिबाम खादाम च वृत्तहीनम्। क्रुद्धा ब्रुवंतो ह्यपतन्द्रुतं ते शस्त्राणि चोद्यम्य विवृत्तनेत्राः।

gṛhṇīta baddhnīta nikṛntataitaṁ pibāma khādāma ca vṛttahīnam| kruddhā bruvaṁto hyapatandrutaṁ te śastrāṇi codyamya vivṛttanetrāḥ||

"पकड़ो, बांधो, इस मर्यादाहीन को टुकड़े-टुकड़े कर डालो, हम इसे खा-पी जाएंगे" — इस प्रकार क्रोधित होकर कहते हुए, आंखें घुमाते हुए, शस्त्र उठाकर वे वेगपूर्वक झपटे।

श्लोक 20 (skanda.5.146.20)

ततः स गुर्वीं यमदण्डकल्पां महागदां कांचनपट्टनद्धाम्। प्रगृह्य तामभ्यपतत्तरस्वी ततोऽब्रवीत्तिष्ठत तिष्ठतेति।

tataḥ sa gurvīṁ yamadaṇḍakalpāṁ mahāgadāṁ kāṁcanapaṭṭanaddhām| pragṛhya tāmabhyapatattarasvī tato'bravīttiṣṭhata tiṣṭhateti||

तब उसने यम-दंड के समान भारी, स्वर्ण-पट्टिका से बंधी हुई एक विशाल गदा उठाई, और उसे लेकर वेगपूर्वक झपटा, तथा बोला — "रुक जाओ, रुक जाओ!"

श्लोक 21 (skanda.5.146.21)

ते तस्य वीर्यं च वलं च दृष्ट्वा विद्याबलं बाहुबलं तथैव। न शक्नुवंतः सहितुं समेता हताः प्रवीराः सहसा निवृत्ताः।

te tasya vīryaṁ ca valaṁ ca dṛṣṭvā vidyābalaṁ bāhubalaṁ tathaiva| na śaknuvaṁtaḥ sahituṁ sametā hatāḥ pravīrāḥ sahasā nivṛttāḥ||

उसके वीर्य, बल, विद्या-बल तथा भुजबल को देखकर, वे एकत्रित होकर भी सहन करने में असमर्थ रहे। मारे गए वे शूरवीर सहसा पीछे हट गए।

श्लोक 22 (skanda.5.146.22)

विदार्यमाणास्तत एव तूर्णमाकाशमास्थाय विमूढसंज्ञाः। कैलासशृंगाण्यभि दुद्रुवुस्ते यक्षार्दिता रक्षपालाः प्रभग्नाः।

vidāryamāṇāstata eva tūrṇamākāśamāsthāya vimūḍhasaṁjñāḥ| kailāsaśṛṅgāṇyabhi dudruvuste yakṣārditā rakṣapālāḥ prabhagnāḥ||

वहां से घायल होकर, आकाश में उठकर, चेतनाशून्य से होकर, वे यक्ष से पीड़ित, पराजित रक्षक कैलास के शिखरों की ओर भाग गए।

श्लोक 23 (skanda.5.146.23)

स शक्रवद्दानवदैत्यसंघान्विक्रम्य जित्वा मदनाभितप्तः। विगाह्य तां पुष्करिणीं समर्थः कामं स चिक्रीडति यक्षपुत्रः।

sa śakravaddānavadaityasaṁghānvikramya jitvā madanābhitaptaḥ| vigāhya tāṁ puṣkariṇīṁ samarthaḥ kāmaṁ sa cikrīḍati yakṣaputraḥ||

इंद्र के समान दानव-दैत्यों के समूह को पराजित कर, काम-पीड़ित वह यक्षपुत्र उस सरोवर में उतरकर, समर्थ होकर, यथेच्छ क्रीड़ा करने लगा।

श्लोक 24 (skanda.5.146.24)

ततस्तु ते रक्षपालाः समेत्य धनेश्वरं वै वडलेन नुन्नाः। यक्षस्य धैर्यं सुबलं च संख्ये यथावदाचख्युरतीव भीताः।

tatastu te rakṣapālāḥ sametya dhaneśvaraṁ vai vaḍalena nunnāḥ| yakṣasya dhairyaṁ subalaṁ ca saṁkhye yathāvadācakhyuratīva bhītāḥ||

तब वे रक्षक, वडल द्वारा पराजित होकर, धनेश्वर कुबेर के पास एकत्रित होकर पहुंचे, और अत्यंत भयभीत होकर युद्ध में उस यक्ष के धैर्य और अत्यंत बल का यथावत् वर्णन किया।

श्लोक 25 (skanda.5.146.25)

तेषां तु वचनं श्रुत्वा मणिभद्रो महायशाः। शशाप पुत्रं दयितं वडलं प्रभुकारणात्।

teṣāṁ tu vacanaṁ śrutvā maṇibhadro mahāyaśāḥ| śaśāpa putraṁ dayitaṁ vaḍalaṁ prabhukāraṇāt||

उनके वचन सुनकर, अत्यंत यशस्वी मणिभद्र ने अपने प्रिय पुत्र वडल को अपने स्वामी (कुबेर) के प्रति अपराध के कारण शाप दे दिया।

श्लोक 26 (skanda.5.146.26)

यस्मात्सा नलिनी रम्या सेविता वडलेन तु। दयिता धनदस्यापि यथा माता तथैव सा।

yasmātsā nalinī ramyā sevitā vaḍalena tu| dayitā dhanadasyāpi yathā mātā tathaiva sā||

चूंकि उस रमणीय कमल-सरोवर का, जो कुबेर को माता के समान प्रिय था, वडल ने उपभोग किया,

श्लोक 27 (skanda.5.146.27)

तस्मात्पुत्रो मदीयस्तु सर्वभागविवर्जितः। पंग्वन्धो बधिरो दीनः क्षयरोगमवाप्स्यति।

tasmātputro madīyastu sarvabhāgavivarjitaḥ| paṁgvandho badhiro dīnaḥ kṣayarogamavāpsyati||

इसलिए मेरा यह पुत्र समस्त भोगों से रहित होकर, लंगड़ा, अंधा, बहरा, दीन तथा क्षयरोग से ग्रस्त हो जाएगा।

श्लोक 28 (skanda.5.146.28)

इति शप्तस्तदा जातो वडलो भोगवर्जितः। पतितो भूतले चैव तस्मिन्स्थाने गतोऽपि सन्।

iti śaptastadā jāto vaḍalo bhogavarjitaḥ| patito bhūtale caiva tasminsthāne gato'pi san||

इस प्रकार शापित होकर वडल भोगों से रहित हो गया, और उसी स्थान पर जाते हुए भी वह भूतल पर गिर पड़ा।

श्लोक 29 (skanda.5.146.29)

पीडितः क्षयरोगेण न शशाक विचेष्टितुम्। अन्धोऽथ बधिरो जातो गुरुशापहतस्तदा।

pīḍitaḥ kṣayarogeṇa na śaśāka viceṣṭitum| andho'tha badhiro jāto guruśāpahatastadā||

क्षयरोग से पीड़ित होकर वह हिलने-डुलने में भी असमर्थ हो गया। गुरु (पिता) के शाप से आहत होकर वह अंधा और बहरा हो गया।

श्लोक 30 (skanda.5.146.30)

चिंतयामास सहसा शापमत्यद्भुतं महत्। शप्तोऽहं केन सहसा जीवन्योन्यंतरं गतः।

ciṁtayāmāsa sahasā śāpamatyadbhutaṁ mahat| śapto'haṁ kena sahasā jīvanyonyaṁtaraṁ gataḥ||

वह अचानक उस अत्यंत अद्भुत, महान शाप के विषय में सोचने लगा — "मुझे किसने अचानक शापित किया? जीवित रहते हुए ही मैं दूसरी योनि में जा पहुंचा हूं।

श्लोक 31 (skanda.5.146.31)

कथं शप्तोऽस्मि तातेन मणिभद्रेण वल्लभः। पुत्रो युवा च शूरश्च शत्रुपक्षक्षयंकरः।

kathaṁ śapto'smi tātena maṇibhadreṇa vallabhaḥ| putro yuvā ca śūraśca śatrupakṣakṣayaṁkaraḥ||

मैं, जो अपने पिता मणिभद्र का प्रिय, युवा, शूरवीर और शत्रुपक्ष का संहारक पुत्र था, किस कारण मेरे ही पिता द्वारा शापित हुआ?

श्लोक 32 (skanda.5.146.32)

धन्योऽसौ मणिभद्रोऽपि मत्तातो येन भूतले। प्रभुभक्त्या निजः पुत्रः शप्तस्त्यक्तश्च तत्क्षणात्।

dhanyo'sau maṇibhadro'pi mattāto yena bhūtale| prabhubhaktyā nijaḥ putraḥ śaptastyaktaśca tatkṣaṇāt||

मेरे पिता मणिभद्र भी धन्य हैं, जिन्होंने पृथ्वी पर अपने स्वामी के प्रति भक्ति के कारण अपने ही पुत्र को शापित कर उसी क्षण त्याग दिया।

श्लोक 33 (skanda.5.146.33)

वडलेन पुनः प्रोक्तं धन्योऽहं प्रभुकारणात्। उत्सवो निधनंनाम भर्तृपिण्डोपजीविनाम्।

vaḍalena punaḥ proktaṁ dhanyo'haṁ prabhukāraṇāt| utsavo nidhanaṁnāma bhartṛpiṇḍopajīvinām||

वडल ने फिर कहा — "मैं भी धन्य हूं, जो अपने स्वामी के हेतु दंडित हुआ। स्वामी के अन्न पर जीवन-यापन करने वालों के लिए, स्वामी के हित में मृत्यु भी उत्सव के समान है।

श्लोक 34 (skanda.5.146.34)

अन्यायेन यथाकामं प्रारब्धः संचितश्चिरम्। तेनाहं शापतां प्राप्तो यास्यामि नरकं ध्रुवम्।

anyāyena yathākāmaṁ prārabdhaḥ saṁcitaściram| tenāhaṁ śāpatāṁ prāpto yāsyāmi narakaṁ dhruvam||

अन्यायपूर्वक, यथेच्छ भोग जो दीर्घकाल से मैंने संचित किया, उसी के कारण मैं शापित हुआ हूं, और निश्चय ही नरक को जाऊंगा।"

श्लोक 35 (skanda.5.146.35)

एवं विलपतस्तस्य वडलस्य वरानने। आजगाम तमुद्देशं मणिभद्रो महाबलः। ददर्श पुत्रं पंग्वंधं क्षयरोगप्रपीडितम्।

evaṁ vilapatastasya vaḍalasya varānane| ājagāma tamuddeśaṁ maṇibhadro mahābalaḥ| dadarśa putraṁ paṁgvaṁdhaṁ kṣayarogaprapīḍitam||

हे वरानने! इस प्रकार विलाप करते हुए वडल के पास, महाबली मणिभद्र उस स्थान पर आ पहुंचे। उन्होंने अपने पुत्र को लंगड़ा, अंधा, तथा क्षयरोग से पीड़ित देखा।

श्लोक 36 (skanda.5.146.36)

निःश्वसंतं सुदुःखार्त्तं विलपंतं पुनःपुनः। प्रत्युवाच सुतं यक्षो मणिभद्रोऽतिदुःखितः। मया कुपित्रा हा वत्स शप्तस्त्वं प्रभुकारणात्।

niḥśvasaṁtaṁ suduḥkhārttaṁ vilapaṁtaṁ punaḥpunaḥ| pratyuvāca sutaṁ yakṣo maṇibhadro'tiduḥkhitaḥ| mayā kupitrā hā vatsa śaptastvaṁ prabhukāraṇāt||

गहरी सांसें लेते हुए, अत्यंत दुःखार्त होकर बार-बार विलाप करते उस पुत्र से, अत्यंत दुःखी यक्ष मणिभद्र बोले — "हाय वत्स! मुझ कुपित पिता द्वारा तुम अपने स्वामी के कारण शापित हुए हो।

श्लोक 37 (skanda.5.146.37)

त्वयेयं नलिनी रम्या धनदस्यातिवल्लभा। सेविता कामतप्तेन प्रवरा राक्षसा हताः।

tvayeyaṁ nalinī ramyā dhanadasyātivallabhā| sevitā kāmataptena pravarā rākṣasā hatāḥ||

तुमने काम से पीड़ित होकर कुबेर के अत्यंत प्रिय इस रमणीय कमल-सरोवर का उपभोग किया, तथा श्रेष्ठ राक्षसों को मार डाला।

श्लोक 38 (skanda.5.146.38)

तस्मात्पुत्र मया शप्तो न मिथ्या स भविष्यति। प्रभुर्देवः प्रभुः स्वामी प्रभुर्माता प्रभुः पिता।

tasmātputra mayā śapto na mithyā sa bhaviṣyati| prabhurdevaḥ prabhuḥ svāmī prabhurmātā prabhuḥ pitā||

इसलिए, हे पुत्र, मेरे द्वारा दिया गया वह शाप कभी झूठा नहीं होगा। स्वामी ही देव है, स्वामी ही परमेश्वर है, स्वामी ही माता है, स्वामी ही पिता है।

श्लोक 39 (skanda.5.146.39)

स्वाम्यर्थे यः प्रियान्प्राणान्परित्यजति संगरे। स याति परमं स्थानं ब्रह्मलोकं सनातनम्।

svāmyarthe yaḥ priyānprāṇānparityajati saṁgare| sa yāti paramaṁ sthānaṁ brahmalokaṁ sanātanam||

जो अपने स्वामी के लिए युद्ध में अपने प्रिय प्राणों का त्याग करता है, वह परम स्थान, सनातन ब्रह्मलोक को प्राप्त करता है।

श्लोक 40 (skanda.5.146.40)

न मन्त्रसाध्यः शापोयं नौषधेन व्रतेन च। नियमेन च दानेन तस्मान्मद्वचनं कुरु।

na mantrasādhyaḥ śāpoyaṁ naauṣadhena vratena ca| niyamena ca dānena tasmānmadvacanaṁ kuru||

यह शाप न मंत्र से दूर हो सकता है, न औषधि से, न व्रत से, न नियम से, न दान से। इसलिए मेरा वचन मानो।

श्लोक 41 (skanda.5.146.41)

मया श्रुतं शक्रलोके पुराणं स्कंदकीर्त्तितम्। ब्रुवतो नारदस्यैव देवानां संनिधौ पुरा।

mayā śrutaṁ śakraloke purāṇaṁ skaṁdakīrttitam| bruvato nāradasyaiva devānāṁ saṁnidhau purā||

मैंने पूर्वकाल में इंद्रलोक में, देवताओं की उपस्थिति में, नारद द्वारा कहा गया स्कंद-कीर्तित पुराण सुना था।

श्लोक 42 (skanda.5.146.42)

प्रभावो वर्णितस्तेन महाकालवनस्य च। क्षेत्रे ह्यस्मिन्महालिंगं स्वर्गद्वारस्य दक्षिणे।

prabhāvo varṇitastena mahākālavanasya ca| kṣetre hyasminmahāliṁgaṁ svargadvārasya dakṣiṇe||

उसने महाकालवन की महिमा का वर्णन किया था। इसी क्षेत्र में, स्वर्गद्वार के दक्षिण में, एक महालिंग विद्यमान है,

श्लोक 43 (skanda.5.146.43)

विद्यते व्याधिशमनं रूपसौभाग्यदायकम्। तत्राहं त्वां च नेष्यामि विमानेनाशुगामिना।

vidyate vyādhiśamanaṁ rūpasaubhāgyadāyakam| tatrāhaṁ tvāṁ ca neṣyāmi vimānenāśugāminā||

जो रोगों को शांत करने वाला तथा रूप और सौभाग्य प्रदान करने वाला है। मैं तुम्हें एक शीघ्रगामी विमान से वहां ले चलूंगा।

श्लोक 44 (skanda.5.146.44)

इत्युक्त्वा मणिभद्रेण समानीतः सुतस्तदा। यत्र देवाधिदेवोऽसौ स्वर्गद्वारस्य दक्षिणे।

ityuktvā maṇibhadreṇa samānītaḥ sutastadā| yatra devādhidevo'sau svargadvārasya dakṣiṇe||

ऐसा कहकर मणिभद्र अपने पुत्र को वहां ले गए, जहां वह देवाधिदेव स्वर्गद्वार के दक्षिण में विराजमान थे।

श्लोक 45 (skanda.5.146.45)

स्पर्शनात्तस्य लिंगस्य चक्षुष्मान्रूपवान्बली। सुपादः श्रुतिसंयुक्तस्तत्क्षणादभवत्तदा।

sparśanāttasya liṁgasya cakṣuṣmānrūpavānbalī| supādaḥ śrutisaṁyuktastatkṣaṇādabhavattadā||

उस लिंग के स्पर्श मात्र से वह उसी क्षण नेत्रवान, रूपवान, बलवान, सुदृढ़ पैरोंवाला तथा श्रवण-शक्ति से युक्त हो गया।

श्लोक 46 (skanda.5.146.46)

दृष्ट्वा सुमहदाश्चर्यं मणिभद्रेण पार्वति। कृतं नाम सुहृष्टेन स्वीयपुत्रस्य नामतः। चक्षुष्मान्वडलो जातो लिंगस्यास्य प्रभावतः।

dṛṣṭvā sumahadāścaryaṁ maṇibhadreṇa pārvati| kṛtaṁ nāma suhṛṣṭena svīyaputrasya nāmataḥ| cakṣuṣmānvaḍalo jāto liṁgasyāsya prabhāvataḥ||

हे पार्वती! इस महान आश्चर्य को देखकर, अत्यंत हर्षित हुए मणिभद्र ने अपने पुत्र के ही नाम से इस लिंग का नामकरण किया — क्योंकि इस लिंग के प्रभाव से वडल नेत्रवान हो गया था।

श्लोक 47 (skanda.5.146.47)

अद्यप्रभृति देवोऽयं वडलेश्वरसंज्ञकः। भविष्यति त्रिलोकेषु विख्यातो नेत्रदायकः।

adyaprabhṛti devo'yaṁ vaḍaleśvarasaṁjñakaḥ| bhaviṣyati triloke ṣu vikhyāto netradāyakaḥ||

आज से यह देव वडलेश्वर के नाम से जाना जाएगा, तीनों लोकों में विख्यात होकर नेत्रदायक बनेगा।

श्लोक 48 (skanda.5.146.48)

पूजयिष्यंति ये देवं वडलेश्वरसंज्ञकम्। लिंगं लोकेषु विख्यातं ते प्राप्स्यंति मनोरथम्।

pūjayiṣyaṁti ye devaṁ vaḍaleśvarasaṁjñakam| liṁgaṁ lokeṣu vikhyātaṁ te prāpsyaṁti manoratham||

जो लोग वडलेश्वर नामक इस देव की, जो लोकों में विख्यात लिंग है, पूजा करेंगे, वे अपनी मनोकामना को प्राप्त करेंगे।

श्लोक 49 (skanda.5.146.49)

दृष्टो हरति पापानि स्पृष्टो राज्यं प्रयच्छति। अर्चितो भक्तिभावेन मोक्षं दद्यान्न संशयः।

dṛṣṭo harati pāpāni spṛṣṭo rājyaṁ prayacchati| arcito bhaktibhāvena mokṣaṁ dadyānna saṁśayaḥ||

देखे जाने पर वह पापों को हर लेता है, स्पर्श किए जाने पर राज्य प्रदान करता है, तथा भक्तिभाव से पूजित होने पर निःसंदेह मोक्ष प्रदान करता है।

श्लोक 50 (skanda.5.146.50)

कार्त्तिके शुक्लपक्षस्य तिथिर्वै द्वादशी भवेत्। तस्यां ये पूजयिष्यंति वडलेश्वरसंज्ञकम्।

kārttike śuklapakṣasya tithirvai dvādaśī bhavet| tasyāṁ ye pūjayiṣyaṁti vaḍaleśvarasaṁjñakam||

कार्तिक मास के शुक्लपक्ष की द्वादशी तिथि को जो लोग वडलेश्वर नामक इस देव की पूजा करेंगे,

श्लोक 51 (skanda.5.146.51)

दानं तैः सततं दत्तं ते यांति परमं पदम्। प्रयागे च प्रभासे च गंगासागरसंगमे।

dānaṁ taiḥ satataṁ dattaṁ te yāṁti paramaṁ padam| prayāge ca prabhāse ca gaṁgāsāgarasaṁgame||

उनके द्वारा सदैव दान दिया गया माना जाता है, और वे परम पद को प्राप्त होते हैं। प्रयाग में, प्रभास में, तथा गंगा-सागर संगम में,

श्लोक 52 (skanda.5.146.52)

तपस्तप्तं भवेत्तैस्तु ते मुक्ता नात्र संशयः। गर्भवासे न जायंते सर्वसौख्यसमन्विताः।

tapastaptaṁ bhavettaistu te muktā nātra saṁśayaḥ| garbhavāse na jāyaṁte sarvasaukhyasamanvitāḥ||

वह सब उनके द्वारा किया गया माना जाता है, और वे निःसंदेह मुक्त हो जाते हैं। वे गर्भवास को प्राप्त नहीं होते, तथा समस्त सुखों से युक्त रहते हैं।

श्लोक 53 (skanda.5.146.53)

गाणपत्या भविष्यंति शंकरस्य सदा प्रियाः। सौभाग्यरूपसंपन्नाः पुत्रपौत्रैश्च संयुताः। जायंते मानवा लोके वडलेश्वरदर्शनात्।

gāṇapatyā bhaviṣyaṁti śaṁkarasya sadā priyāḥ| saubhāgyarūpasaṁpannāḥ putrapautraiśca saṁyutāḥ| jāyaṁte mānavā loke vaḍaleśvaradarśanāt||

वे गणपति के अनुयायी बनकर सदा शंकर को प्रिय होते हैं। वडलेश्वर के दर्शन से मनुष्य इस लोक में सौभाग्य और सौंदर्य से संपन्न, तथा पुत्र-पौत्रों से युक्त होकर जन्म लेते हैं।

श्लोक 54 (skanda.5.146.54)

गर्भवासे महाकष्टे यस्य वासो न रोचते। सोऽभ्यर्चयतु भावेन वडलेश्वरमीश्वरम्।

garbhavāse mahākaṣṭe yasya vāso na rocate| so'bhyarcayatu bhāvena vaḍaleśvaramīśvaram||

जिसे उस महाकष्टप्रद गर्भवास में निवास करना पसंद न हो, उसे भावपूर्वक ईश्वर वडलेश्वर की पूजा करनी चाहिए।

श्लोक 55 (skanda.5.146.55)

न लिंगेन विना सिद्धिर्दुर्लभं परमं पदम्। गतिर्न जायते स्वर्गे यावल्लिंगं तु नार्चयेत्।

na liṁgena vinā siddhirdurlabhaṁ paramaṁ padam| gatirna jāyate svarge yāvalliṁgaṁ tu nārcayet||

लिंग के बिना सिद्धि दुर्लभ है, परम पद भी दुर्लभ है। जब तक कोई लिंग की पूजा नहीं करता, तब तक उसे स्वर्ग की गति प्राप्त नहीं होती।

श्लोक 56 (skanda.5.146.56)

लिंगार्चनविहीनानां सिद्धिश्चापि सुदुर्लभा। मम पुत्रेण संप्राप्तमीप्सितं लिंगतो यतः।

liṁgārcanavihīnānāṁ siddhiścāpi sudurlabhā| mama putreṇa saṁprāptamīpsitaṁ liṁgato yataḥ||

जो लिंग की पूजा नहीं करते, उनके लिए सिद्धि भी अत्यंत दुर्लभ है। मेरे पुत्र ने भी इस लिंग से ही अपनी अभीष्ट कामना प्राप्त की है।

श्लोक 57 (skanda.5.146.57)

इत्युक्त्वा मणिभद्रोऽपि सुतेन सहितो ययौ। यत्र देवो धनाध्यक्षः स्थानं स्वं परमं गतः।

ityuktvā maṇibhadro'pi sutena sahito yayau| yatra devo dhanādhyakṣaḥ sthānaṁ svaṁ paramaṁ gataḥ||

ऐसा कहकर मणिभद्र भी अपने पुत्र सहित वहां चले गए, जहां धनाध्यक्ष देव कुबेर अपने परम स्थान को गए हुए थे।

श्लोक 58 (skanda.5.146.58)

एष ते कथितो देवि प्रभावः पापनाशनः। वडलेश्वरदेवस्य श्रूयतामरुणेश्वरम्।

eṣa te kathito devi prabhāvaḥ pāpanāśanaḥ| vaḍaleśvaradevasya śrūyatāmaruṇeśvaram||

हे देवी! इस प्रकार मैंने तुम्हें देव वडलेश्वर की पापनाशक महिमा बताई; अब अरुणेश्वर की कथा सुनो।