पुष्पदंतेश्वर की महिमा

श्लोक 1 (skanda.5.148.1)

श्रीमहादेव उवाच। सप्तसप्ततिकं देवि पुष्पदंतेश्वरं शृणु। यस्य दर्शनमात्रेण गर्भवासो न जायते।

śrīmahādeva uvāca| saptasaptatikaṁ devi puṣpadaṁteśvaraṁ śṛṇu| yasya darśanamātreṇa garbhavāso na jāyate||

श्री महादेव बोले — हे देवी! सतहत्तरवें देव पुष्पदंतेश्वर की कथा सुनो, जिसके दर्शनमात्र से गर्भवास प्राप्त नहीं होता।

श्लोक 2 (skanda.5.148.2)

शिनिर्नाम द्विजो देवि स चापुत्रोऽभवत्पुरा। पुत्रार्थं चिंतयामास स तपांसि बहूनि ह।

śinirnāma dvijo devi sa cāputro'bhavatpurā| putrārthaṁ ciṁtayāmāsa sa tapāṁsi bahūni ha||

हे देवी! शिनि नामक एक ब्राह्मण था, जो प्राचीन काल में पुत्रहीन था। पुत्र-प्राप्ति के लिए उसने अनेक तपस्याएं करने का विचार किया।

श्लोक 3 (skanda.5.148.3)

वायुभक्षोंऽबुभक्षश्च निराहारोर्ध्वबाहुकः। शाकमूलफलाहारः पर्णाश्येकद्विपर्णभुक्।

vāyubhakṣo'mbubhakṣaśca nirāhāror dhvabāhukaḥ| śākamūlaphalāhāraḥ parṇāśyekadviparṇabhuk||

वह वायु-भक्षण, जल-भक्षण, निराहार रहकर बाहु ऊपर उठाए हुए, शाक-मूल-फल का आहार करते हुए, पत्तों का भोजन करते हुए, कभी एक तो कभी दो पत्तों को खाते हुए,

श्लोक 4 (skanda.5.148.4)

एवमादीनि चान्यानि तपांसि श्रेयसे परम्। एतेषां तपसां मध्ये तप एकं समाश्रये।

evamādīni cānyāni tapāṁsi śreyase param| eteṣāṁ tapasāṁ madhye tapa ekaṁ samāśraye||

तथा इसी प्रकार की अन्य अनेक कठोर तपस्याएं परम कल्याण के लिए करता रहा। (उसने सोचा) — इन सभी तपस्याओं में से मैं एक तप का ही आश्रय लूंगा।

श्लोक 5 (skanda.5.148.5)

परं विघ्नोपशांत्यर्थं तोषयिष्येऽहमीश्वरम्। एवं संचिंत्य मनसा ऊर्ध्वबाहूर्ध्वपादकः। आभ्यां न स दुरासाद्यो नापराधो भविष्यति।

paraṁ vighnopaśāṁtyarthaṁ toṣayiṣye'hamīśvaram| evaṁ saṁciṁtya manasā ūrdhvabāhūrdhvapādakaḥ| ābhyāṁ na sa durāsādyo nāparādho bhaviṣyati||

मैं समस्त विघ्नों की शांति के लिए ईश्वर को ही संतुष्ट करूंगा। मन में ऐसा विचार कर, वह ऊपर बांहें उठाए, ऊपर पैर उठाए रहा; इन साधनों से वह देव दुष्प्राप्य नहीं होता, न ही कोई अपराध होता है।

श्लोक 6 (skanda.5.148.6)

तथा चकार स मुनिर्वर्षाणां द्वादशैव हि। तपस्यंतं च तं दृष्ट्वा नियमे परमे स्थितम्।

tathā cakāra sa munirvarṣāṇāṁ dvādaśaiva hi| tapasyaṁtaṁ ca taṁ dṛṣṭvā niyame parame sthitam||

वह मुनि ऐसा ही बारह वर्षों तक करता रहा। तपस्या करते हुए, परम नियम में स्थित उस मुनि को देखकर,

श्लोक 7 (skanda.5.148.7)

विज्ञप्तोहं त्वया देवि मंदरे चारुकंदरे। करोत्येष तपः क्रूरं पुत्रहेतोर्मुनिर्महान्।

vijñapto'haṁ tvayā devi maṁdare cārukaṁdare| karotyeṣa tapaḥ krūraṁ putrahetormunirmahān||

हे देवी! तुमने मंदराचल के सुंदर कंदरा में मुझसे यह निवेदन किया — यह महान मुनि पुत्र के हेतु कठोर तपस्या कर रहा है।

श्लोक 8 (skanda.5.148.8)

तेजसा दीपयच्छैलं शोषयन्सलिलाशयान्। तपसा दुष्करेणैव क्षुभिता नाकवासिनः।

tejasā dīpayacchailaṁ śoṣayansalilāśayān| tapasā duṣkareṇaiva kṣubhitā nākavāsinaḥ||

अपने तेज से पर्वत को प्रज्वलित करते हुए, जलाशयों को सुखाते हुए, उस अत्यंत दुष्कर तपस्या से स्वर्गवासी देवगण भी क्षुब्ध हो उठे हैं।

श्लोक 9 (skanda.5.148.9)

व्यालेंद्रा व्याकुलीभूता लुलिताश्चाचलेश्वराः। मुनयो विस्मृतिं प्राप्ताः कंपेते चापि रोदसी।

vyāleṁdrā vyākulībhūtā lulitāścāceleśvarāḥ| munayo vismṛtiṁ prāptāḥ kaṁpete cāpi rodasī||

सर्पराज व्याकुल हो गए हैं, पर्वतराज हिल उठे हैं, मुनिगण विस्मृति को प्राप्त हो गए हैं, तथा आकाश और पृथ्वी दोनों कांप रहे हैं।

श्लोक 10 (skanda.5.148.10)

अयोनिजः शिनिर्विप्रः पुत्रमिच्छत्ययोनिजम्। त्वं योनिर्गुणसंघानां त्वं योनिस्तपसामपि।

ayonijaḥ śinirvipraḥ putramicchatyayonijam| tvaṁ yoniryguṇasaṁghānāṁ tvaṁ yonistapasāmapi||

वह ब्राह्मण शिनि, स्वयं भी अयोनिज (योनि से नहीं उत्पन्न), एक अयोनिज पुत्र की कामना करता है। तुम गुणों के समूहों के उद्गम हो, तुम ही तपस्याओं के भी उद्गम हो।

श्लोक 11 (skanda.5.148.11)

त्वं तपस्त्वं परं धाम शिखिचंद्रार्कलोचन। सर्वेश्वर सुतोऽभीष्टः किं न विप्राय दीयते।

tvaṁ tapastvaṁ paraṁ dhāma śikhicaṁdrārkalocana| sarveśvara suto'bhīṣṭaḥ kiṁ na viprāya dīyate||

तुम्हीं तप हो, तुम्हीं परम धाम हो, हे अग्नि-चंद्र-सूर्य नेत्रोंवाले! हे सर्वेश्वर! उस ब्राह्मण को अभीष्ट पुत्र क्यों नहीं दिया जाता?

श्लोक 12 (skanda.5.148.12)

सुरासुरगुरो किं न पुत्रमस्मै प्रयच्छसि। तपसा क्षीणदोषस्य ब्रह्मत्वे भावितात्मनः।

surāsuraguro kiṁ na putramasmai prayacchasi| tapasā kṣīṇadoṣasya brahmatve bhāvitātmanaḥ||

हे सुर-असुरों के गुरु! उस ब्राह्मणत्व में एकाग्र, तप से जिसके दोष क्षीण हो चुके हैं, उसे तुम पुत्र क्यों नहीं देते?

श्लोक 13 (skanda.5.148.13)

शिनेः पुत्रप्रदानं त्वं कुरु मद्वचनाच्छिव। तपसा दुष्करेणैव गाढं क्लिष्टो महामुनिः।

śineḥ putrapradānaṁ tvaṁ kuru madvacanācchiva| tapasā duṣkareṇaiva gāḍhaṁ kliṣṭo mahāmuniḥ||

हे शिव! मेरे कहने से शिनि को पुत्र प्रदान करो। यह महामुनि इस अत्यंत दुष्कर तप से बुरी तरह कष्ट पा रहा है।

श्लोक 14 (skanda.5.148.14)

तेजांसि ज्योतिषामेव महतां च विधिस्थितः। अहरत्तेजसा स्वेन तमांसीव दिवाकरः।

tejāṁsi jyotiṣāmeva mahatāṁ ca vidhisthitaḥ| aharattejasā svena tamāṁsīva divākaraḥ||

विधि में स्थित होकर उसने महान ज्योतिष्कों के तेज को भी हर लिया है, जैसे सूर्य अपने तेज से अंधकार को हर लेता है।

श्लोक 15 (skanda.5.148.15)

त्वद्भक्तस्य च देवेश व्यर्थः कस्मात्परिश्रमः। उदितेऽर्के तमांसीह न भवंति कदाचन।

tvadbhaktasya ca deveśa vyarthaḥ kasmātpariśramaḥ| udite'rke tamāṁsīha na bhavaṁti kadācana||

हे देवेश! तुम्हारे भक्त का यह परिश्रम व्यर्थ क्यों हो? सूर्योदय होने पर अंधकार कभी नहीं टिकता।

श्लोक 16 (skanda.5.148.16)

त्वत्परस्य न देवेश युक्ता दुःखविभीषिका। इत्यहं प्रार्थितो देवि त्वया पर्वतपुत्रिके।

tvatparasya na deveśa yuktā duḥkhavibhīṣikā| ityahaṁ prārthito devi tvayā parvataputrike||

हे देवेश! तुम्हारे प्रति समर्पित भक्त के लिए दुःख का यह भय उचित नहीं है। हे पर्वतपुत्री! इस प्रकार तुमने मुझसे प्रार्थना की।

श्लोक 17 (skanda.5.148.17)

विप्रार्थमनुकंपार्थं पुत्रार्थं च विशेषतः। आकारिता मया देवि गणास्त्वद्गौरवेण तु।

viprārthamanukaṁpārthaṁ putrārthaṁ ca viśeṣataḥ| ākāritā mayā devi gaṇāstvadgauraveṇa tu||

उस ब्राह्मण के हेतु, करुणावश, विशेष रूप से पुत्र-प्राप्ति के लिए, हे देवी! तुम्हारे प्रति सम्मान के कारण मैंने अपने गणों को बुलाया।

श्लोक 18 (skanda.5.148.18)

रुद्राश्च हरभक्ताश्च कूष्मांडा गगनेचराः। रोमरौद्रा महानीलाः शिखावंतः सकोकिलाः।

rudrāśca harabhaktāśca kūṣmāṁḍā gaganecarāḥ| romaraudrā mahānīlāḥ śikhāvaṁtaḥ sakokilāḥ||

रुद्रगण, हर-भक्तगण, कूष्मांड, आकाशचारी, रोमरौद्र, महानील, शिखाधारी तथा कोकिल-स्वरूप,

श्लोक 19 (skanda.5.148.19)

अन्ये च विविधाकाराः कालास्या हरिपिंगलाः। जटाजूटधराश्चित्रा वीथिनक्षत्रचारिणः।

anye ca vividhākārāḥ kālāsyā haripiṁgalāḥ| jaṭājūṭadharāścitrā vīthinakṣatracāriṇaḥ||

तथा अन्य विविध रूपोंवाले, काले मुखवाले, तांबई-पीले रंगवाले, जटाजूटधारी, चित्र-विचित्र, नक्षत्र-वीथियों में विचरण करने वाले,

श्लोक 20 (skanda.5.148.20)

नीलग्रीवा कृष्णमुखाः पिंगधौतजटासटाः। ज्वरो डिंडिर्महाकालो लांगुलिश्च महेश्वरः।

nīlagrīvā kṛṣṇamukhāḥ piṁgadhautajaṭāsaṭāḥ| jvaro ḍiṁḍirmahākālo lāṁguliśca maheśvaraḥ||

नीलकंठ, कृष्णमुख, पीली धुली हुई जटाओंवाले — ज्वर, डिंडि, महाकाल, लांगुलि, तथा महेश्वर,

श्लोक 21 (skanda.5.148.21)

घंटाकर्णो विशाखश्च परिशेषा गणाश्च ये। वृषारूढाः कामतुल्याः कामरूपबलास्तथा।

ghaṁṭākarṇo viśākhaśca pariśeṣā gaṇāśca ye| vṛṣārūḍhāḥ kāmatulyāḥ kāmarūpabalāstathā||

घंटाकर्ण, विशाख, तथा शेष अन्य गणगण भी, बैलों पर आरूढ़, कामदेव के समान, इच्छानुसार रूप और बल धारण करने वाले,

श्लोक 22 (skanda.5.148.22)

शूलचंद्रधराः सर्वे सर्वे तुल्यपराक्रमाः। ममादेशात्समायाताः कृतांजलिपुटाः स्थिताः।

śūlacaṁdradharāḥ sarve sarve tulyaparākramāḥ| mamādeśātsamāyātāḥ kṛtāṁjaliputāḥ sthitāḥ||

सभी त्रिशूल और चंद्रमा धारण किए हुए, सभी समान पराक्रमी — मेरी आज्ञा से वे सब वहां आए और हाथ जोड़कर खड़े हो गए।

श्लोक 23 (skanda.5.148.23)

स्तुवंतो विविधैः स्तोत्रैरूचुरेवं समाहिताः। किं कर्त्तव्यमिहास्माभिरादेशो दीयतां प्रभो।

stuvaṁto vividhaiḥ stotrairūcurevaṁ samāhitāḥ| kiṁ karttavyamihāsmābhirādeśo dīyatāṁ prabho||

विविध स्तोत्रों से मेरी स्तुति करते हुए, एकाग्रचित्त होकर वे बोले — हे प्रभो! हमें क्या करना है, वह आदेश दीजिए।

श्लोक 24 (skanda.5.148.24)

गणानां वचनं श्रुत्वा ज्ञात्वा भक्तिं च तादृशीम्। महातपःप्रभावोऽयं शिनिविप्रस्य कीर्त्तितः।

gaṇānāṁ vacanaṁ śrutvā jñātvā bhaktiṁ ca tādṛśīm| mahātapaḥprabhāvo'yaṁ śiniviprasya kīrttitaḥ||

गणों के इस वचन को सुनकर, तथा उनकी ऐसी भक्ति को जानकर, (मैंने) ब्राह्मण शिनि की इस महान तपोमहिमा का वर्णन किया।

श्लोक 25 (skanda.5.148.25)

पुत्रार्थं तप्यति तपः शिनिर्ब्राह्मणसत्तमः। मद्वाक्यात्को नु विप्रस्य पुत्रत्वं संप्रदास्यति।

putrārthaṁ tapyati tapaḥ śinirbrāhmaṇasattamaḥ| madvākyātko nu viprasya putratvaṁ saṁpradāsyati||

उत्तम ब्राह्मण शिनि पुत्र के लिए तप कर रहा है। मेरे वचन से कौन उस ब्राह्मण को पुत्र के रूप में स्वयं को अर्पित करेगा?

श्लोक 26 (skanda.5.148.26)

तस्याहं संप्रदास्यामि सर्वान्कामान्यथेप्सितान्। अमरं चाजरं पुत्रं मुनिर्वांछति सांप्रतम्।

tasyāhaṁ saṁpradāsyāmi sarvānkāmānyathepsitān| amaraṁ cājaraṁ putraṁ munirvāṁchati sāṁpratam||

जो जाएगा, उसे मैं उसकी समस्त इच्छित कामनाएं प्रदान करूंगा। यह मुनि अभी अमर और अजर पुत्र की कामना कर रहा है।

श्लोक 27 (skanda.5.148.27)

मद्वाक्यं क्रियतां सद्यो विप्रः क्लेशाद्विमुच्यताम्। मद्भक्तस्य न संकल्पो मिथ्या भवितुमर्हति।

madvākyaṁ kriyatāṁ sadyo vipraḥ kleśādvimucyatām| madbhaktasya na saṁkalpo mithyā bhavitumarhati||

मेरे वचन का पालन तुरंत किया जाए, और उस ब्राह्मण को उसके कष्ट से मुक्त किया जाए। मेरे भक्त का संकल्प कभी मिथ्या नहीं हो सकता।"

श्लोक 28 (skanda.5.148.28)

मदीयं वचनं श्रुत्वा सर्वे कंपितकंधराः। सर्वे चावाङ्मुखा जाताः सर्वे ध्यानपरायणाः।

madīyaṁ vacanaṁ śrutvā sarve kaṁpitakaṁdharāḥ| sarve cāvāṅmukhā jātāḥ sarve dhyānaparāyaṇāḥ||

मेरे इस वचन को सुनकर वे सभी सिर झुकाए, कांधे कंपित करते हुए, सभी नीचे मुख किए हुए, सभी ध्यानमग्न हो गए।

श्लोक 29 (skanda.5.148.29)

न कश्चिद्भाषते किंचिन्न कश्चिद्वीक्षते तदा। अथोक्तं पुष्पदंतेन रभसान्मानितेन तु।

na kaścidbhāṣate kiṁcinna kaścidvīkṣate tadā| athoktaṁ puṣpadaṁtena rabhasānmānitena tu||

तब कोई कुछ भी नहीं बोला, कोई भी नहीं देख रहा था। तब आवेश में, मान से भरे हुए पुष्पदंत ने यह कहा।

श्लोक 30 (skanda.5.148.30)

मम चित्तमविज्ञाय गणानामनुकंपया। न यास्यंति गणा देव त्वां विहाय महीतलम्।

mama cittamavijñāya gaṇānāmanukaṁpayā| na yāsyaṁti gaṇā deva tvāṁ vihāya mahītalam||

मेरे मन को जाने बिना ही, गणों की करुणा से — हे देव! ये गण तुम्हें छोड़कर पृथ्वीतल पर नहीं जाएंगे।

श्लोक 31 (skanda.5.148.31)

इह स्थास्यंति सततं त्वत्समीपे न संशयः। कथं योनिं प्रयास्यंति संप्राप्य मुदमुत्तमाम्।

iha sthāsyaṁti satataṁ tvatsamīpe na saṁśayaḥ| kathaṁ yoniṁ prayāsyaṁti saṁprāpya mudamuttamām||

वे यहीं सदा तुम्हारे समीप निःसंदेह रहेंगे। परम आनंद प्राप्त कर लेने के बाद वे कैसे किसी योनि में जन्म लेने को जाएंगे?

श्लोक 32 (skanda.5.148.32)

हीनां रजोऽधिकां दीनां तमोबहुलधारिणीम्। कथं स्वर्गं परित्यज्य यास्यामो नरकं परम्।

hīnāṁ rajo'dhikāṁ dīnāṁ tamobahuladhāriṇīm| kathaṁ svargaṁ parityajya yāsyāmo narakaṁ param||

हीन, रजोगुण-प्रधान, दीन तथा अधिकांशतः तमोगुण धारण करने वाली उस योनि में हम स्वर्ग को त्यागकर परम नरक-सदृश स्थान को कैसे जाएंगे?

श्लोक 33 (skanda.5.148.33)

ब्रुवन्नेवं भ्रमेणैव भाव्यर्थेन प्रणोदितः। उक्तो मया विशालाक्षि पुष्पदंतो गणाग्रणीः।

bruvannevaṁ bhrameṇaiva bhāvyarthena praṇoditaḥ| ukto mayā viśālākṣi puṣpadaṁto gaṇāgraṇīḥ||

इस प्रकार भ्रमवश ही कहते हुए, भावी घटना से प्रेरित होकर, हे विशाल नेत्रोंवाली! मैंने गणों में अग्रणी पुष्पदंत से यह कहा।

श्लोक 34 (skanda.5.148.34)

पत त्वं मानुषे लोके यस्मान्मे विप्रियं कृतम्। शप्त्वा तं पुष्पदंतं तु वीरकः प्रेरितो मया।

pata tvaṁ mānuṣe loke yasmānme vipriyaṁ kṛtam| śaptvā taṁ puṣpadaṁtaṁ tu vīrakaḥ preritomayā||

"चूंकि तुमने मुझे अप्रिय किया है, इसलिए तुम मनुष्यलोक में गिरो।" उस पुष्पदंत को इस प्रकार शाप देकर, फिर वीरक को मेरे द्वारा प्रेरित किया गया।

श्लोक 35 (skanda.5.148.35)

विप्रस्य पुत्रतां तूर्णं पुत्र गच्छ ममाज्ञया। ततस्ते संप्रदास्यामि सर्वान्कामान्यथेप्सितान्।

viprasya putratāṁ tūrṇaṁ putra gaccha mamājñayā| tataste saṁpradāsyāmi sarvānkāmānyathepsitān||

"हे पुत्र! मेरी आज्ञा से शीघ्र ही उस ब्राह्मण के पुत्रत्व को प्राप्त होने जाओ। फिर मैं तुम्हें तुम्हारी समस्त इच्छित कामनाएं प्रदान करूंगा।"

श्लोक 36 (skanda.5.148.36)

इत्युक्तो वीरको देवि गतो विप्रस्य पुत्रताम्। पुष्पदंतोऽपि करुणं विललाप सुदुःखितः।

ityukto vīrako devi gato viprasya putratām| puṣpadaṁto'pi karuṇaṁ vilalāpa suduḥkhitaḥ||

हे देवी! ऐसा कहे जाने पर वीरक उस ब्राह्मण के पुत्रत्व को प्राप्त होने चला गया। पुष्पदंत भी अत्यंत दुःखी होकर करुण विलाप करने लगा।

श्लोक 37 (skanda.5.148.37)

पश्चात्तापेन संयुक्तो निश्वस्य च पुनःपुनः। अहो तत्सफलं जन्म यदाज्ञा क्रियते नरैः।

paścāttāpena saṁyukto niśvasya ca punaḥpunaḥ| aho tatsaphalaṁ janma yadājñā kriyate naraiḥ||

पश्चात्ताप से भरकर, बार-बार दीर्घ श्वास लेते हुए, वह बोला — अहो! वही जन्म सफल है, जिसमें मनुष्य आज्ञा का पालन करते हैं।

श्लोक 38 (skanda.5.148.38)

प्रभूणामेकचित्तेन ते भृत्या दुर्लभाः स्मृताः। तेषामर्थश्च धर्मश्च कुलं चैव च तारितम्।

prabhūṇāmekacittena te bhṛtyā durlabhāḥ smṛtāḥ| teṣāmarthaśca dharmaśca kulaṁ caiva ca tāritam||

जो सेवक अपने स्वामियों के प्रति एकाग्रचित्त रहते हैं, वे दुर्लभ माने गए हैं। उनका अर्थ, धर्म, तथा कुल — सब तर जाते हैं।

श्लोक 39 (skanda.5.148.39)

प्रसन्नास्त्रिदशास्तेषां प्रभुभक्ताश्च ये नराः। सेवाधर्मो हि गहनो योगिनामपि दुष्करः।

prasannāstridaśāsteṣāṁ prabhubhaktāśca ye narāḥ| sevādharmo hi gahano yogināmapi duṣkaraḥ||

जो मनुष्य अपने स्वामी के प्रति भक्त रहते हैं, उन पर देवगण प्रसन्न रहते हैं। सेवाधर्म अत्यंत गहन है, योगियों के लिए भी दुष्कर है।

श्लोक 40 (skanda.5.148.40)

न ज्ञेयः केन तत्त्वेन दुराराध्यः प्रभुर्भवेत्। एकेनाप्यपराधेन प्रकोपं कुरुते प्रभुः।

na jñeyaḥ kena tattvena durārādhyaḥ prabhurbhavet| ekenāpyaparādhena prakopaṁ kurute prabhuḥ||

किस तत्व से स्वामी अप्रसन्न हो जाए, यह जाना नहीं जा सकता; स्वामी को प्रसन्न रखना अत्यंत दुष्कर है। एक ही अपराध से स्वामी क्रुद्ध हो जाता है।

श्लोक 41 (skanda.5.148.41)

विनश्यंत्युपकाराणि तस्मात्सेवा सुदुष्करा। स्वामी सर्पश्च वह्निश्च तप्तभावं व्रजंति हि।

vinaśyaṁtyupakārāṇi tasmātsevā suduṣkarā| svāmī sarpaśca vahniśca taptabhāvaṁ vrajaṁti hi||

और सारी सेवा नष्ट हो जाती है; इसलिए सेवा अत्यंत दुष्कर है। स्वामी, सर्प और अग्नि — ये तीनों तत्काल तप्त हो उठते हैं।

श्लोक 42 (skanda.5.148.42)

तस्माद्यत्नेन संसेव्या आत्मरक्षणतत्परैः। सोऽहं भूमौ निपतितः प्रभोरादेशभंजकः।

tasmādyatnena saṁsevyā ātmarakṣaṇatatparaiḥ| so'haṁ bhūmau nipatitaḥ prabhorādeśabhaṁjakaḥ||

इसलिए जो अपनी रक्षा में तत्पर हैं, उन्हें बड़े यत्न से सेवा करनी चाहिए। मैं वही हूं, जो स्वामी की आज्ञा का उल्लंघन करने के कारण भूमि पर गिर पड़ा हूं।

श्लोक 43 (skanda.5.148.43)

कांस्तु लोकान्गमिष्यामि कलुषी भूणहा इव। एवं विलप्य बहुशो मामेव शरणं गतः। उवाच दीनया वाचा प्रणिपत्य पुनःपुनः।

kāṁstu lokāngamiṣyāmi kaluṣī bhūṇahā iva| evaṁ vilapya bahuśo māmeva śaraṇaṁ gataḥ| uvāca dīnayā vācā praṇipatya punaḥpunaḥ||

मैं, पापी और भ्रूणहत्यारे के समान, किन लोकों को जाऊंगा? इस प्रकार बार-बार विलाप करते हुए वह मेरी ही शरण में आया, और बार-बार प्रणाम करते हुए दीन वाणी में बोला।

श्लोक 44 (skanda.5.148.44)

दीनोऽस्मि ज्ञानहीनोऽस्मि प्रणतोऽस्मि च शंकर। कुरु प्रसादं देवेश अपराधं क्षमस्व मे।

dīno'smi jñānahīno'smi praṇato'smi ca śaṁkara| kuru prasādaṁ deveśa aparādhaṁ kṣamasva me||

हे शंकर! मैं दीन हूं, ज्ञानहीन हूं, और आपके सामने नतमस्तक हूं। हे देवेश! मुझ पर प्रसन्न होइए, मेरा अपराध क्षमा कीजिए।

श्लोक 45 (skanda.5.148.45)

न हि निर्वहणं यांति प्रभूणामाश्रिता रुषः। प्रसीद देवदेवेश दीनस्य कृपणस्य च।

na hi nirvahaṇaṁ yāṁti prabhūṇāmāśritā ruṣaḥ| prasīda devadeveśa dīnasya kṛpaṇasya ca||

स्वामियों के आश्रित जन के प्रति क्रोध कभी दीर्घकाल तक नहीं टिकता। हे देवाधिदेव! इस दीन और कृपण पर प्रसन्न होइए।

श्लोक 46 (skanda.5.148.46)

अपि कीटपतंगत्वं गच्छेयं तव शासनात्। भक्तोहं सर्वदा देव पुत्रत्वे हि प्रतिष्ठितः।

api kīṭapataṁgatvaṁ gaccheyaṁ tava śāsanāt| bhaktohaṁ sarvadā deva putratve hi pratiṣṭhitaḥ||

आपकी आज्ञा से मैं कीट-पतंग की योनि में भी जाने को तैयार हूं। हे देव! मैं सदा आपका भक्त हूं, अब पुत्रत्व में प्रतिष्ठित होने जा रहा हूं।"

श्लोक 47 (skanda.5.148.47)

इति तस्य वचः श्रुत्वा पुष्पदंतस्य पार्वति। ममत्वेन तदा देवि प्रोक्तमित्थं त्वया वचः।

iti tasya vacaḥ śrutvā puṣpadaṁtasya pārvati| mamatvena tadā devi proktamitthaṁ tvayā vacaḥ||

हे पार्वती! पुष्पदंत के इन वचनों को सुनकर, हे देवी! तब स्नेहवश तुमने यह वचन कहा।

श्लोक 48 (skanda.5.148.48)

गच्छ पुत्र ममादेशान्महाकालवनं शुभम्। लिंगमाराधय क्षिप्रं तत्त्वन्नाम्ना भविष्यति।

gaccha putra mamādeśānmahākālavanaṁ śubham| liṁgamārādhaya kṣipraṁ tattvannāmnā bhaviṣyati||

"हे पुत्र! मेरी आज्ञा से शुभ महाकालवन को जाओ, और शीघ्र उस लिंग की आराधना करो; वह तुम्हारे ही नाम से प्रसिद्ध होगा।

श्लोक 49 (skanda.5.148.49)

कीर्त्तिस्ते भविता पुत्र यावदाभूतसंप्लवम्। इत्युक्ते तु त्वया देवि मयाप्युक्तं वरानने।

kīrttiste bhavitā putra yāvadābhūtasaṁplavam| ityukte tu tvayā devi mayāpyuktaṁ varānane||

हे पुत्र! तुम्हारी कीर्ति प्रलय-काल तक बनी रहेगी।" हे देवी! तुम्हारे द्वारा ऐसा कहे जाने पर, हे वरानने! मैंने भी यह कहा।

श्लोक 50 (skanda.5.148.50)

न मे मिथ्या वचः पुत्र भविष्यति कथंचन। दर्शनादेव लिंगस्य ममाभीष्टो भविष्यसि।

na me mithyā vacaḥ putra bhaviṣyati kathaṁcana| darśanādeva liṁgasya mamābhīṣṭo bhaviṣyasi||

"मेरा वचन कभी मिथ्या नहीं होगा, हे पुत्र। उस लिंग के दर्शन मात्र से तुम मुझे अत्यंत प्रिय हो जाओगे।

श्लोक 51 (skanda.5.148.51)

विमाने पुष्पपादे तु समारूढो भविष्यसि। पुष्पैः संपूज्यमानस्तु पदं प्राप्स्यसि शाश्वतम्।

vimāne puṣpapāde tu samārūḍho bhaviṣyasi| puṣpaiḥ saṁpūjyamānastu padaṁ prāpsyasi śāśvatam||

तुम पुष्पपाद नामक विमान पर आरूढ़ होगे, और पुष्पों से पूजित होकर शाश्वत पद को प्राप्त करोगे।

श्लोक 52 (skanda.5.148.52)

गणैः सार्द्धं मया चैव मुदितो विचरिष्यसि। ममापि न रतिर्वत्स भविष्यति त्वया विना।

gaṇaiḥ sārddhaṁ mayā caiva muditovicariṣyasi| mamāpi na ratirvatsa bhaviṣyati tvayā vinā||

तुम मेरे तथा गणों के साथ आनंदित होकर विचरण करोगे। हे वत्स! मुझे भी तुम्हारे बिना संतोष नहीं मिलेगा।

श्लोक 53 (skanda.5.148.53)

अहं तत्रागमिष्यामि महाकालवने शुभे। तुष्टोऽहं सर्वदा वत्स गणानामग्रणीः कृतः।

ahaṁ tatrāgamiṣyāmi mahākālavane śubhe| tuṣṭo'haṁ sarvadā vatsa gaṇānāmagraṇīḥ kṛtaḥ||

मैं भी उस शुभ महाकालवन में आऊंगा। मैं सदा तुझसे प्रसन्न हूं, हे वत्स! तुझे गणों में अग्रणी बना दिया है।

श्लोक 54 (skanda.5.148.54)

अनया शुद्धया भक्त्या लोकानामुपकारकः। भविष्यसि न संदेहस्तस्मिन्क्षेत्रे गतो ध्रुवम्।

anayā śuddhayā bhaktyā lokānāmupakārakaḥ| bhaviṣyasi na saṁdehastasminkṣetre gato dhruvam||

इस शुद्ध भक्ति के कारण तू निःसंदेह लोगों का उपकारक बनेगा, जब तू निश्चय ही उस क्षेत्र में जाएगा।

श्लोक 55 (skanda.5.148.55)

इत्युक्तो हि मया देवि पुष्पदंतो गणाग्रणीः। मानी ममाज्ञया मौनी महाकालवने शुभम्।

ityukto hi mayā devi puṣpadaṁto gaṇāgraṇīḥ| mānī mamājñayā maunī mahākālavane śubham||

हे देवी! ऐसा कहे जाने पर, स्वाभिमानी परंतु अब मौन बना पुष्पदंत, मेरी आज्ञा से शुभ महाकालवन को गया।

श्लोक 56 (skanda.5.148.56)

लिंगमाराधयामास दुर्वासेशादथोत्तरे। लिंगेनोक्तस्तु सहसा तुष्टोऽहं गणसत्तम। त्वन्नाम्ना ख्यातिमेष्यामि प्रसादस्ते कृतोऽधुना।

liṁgamārādhayāmāsa durvāseśādathottare| liṁgenoktastu sahasā tuṣṭo'haṁ gaṇasattama| tvannāmnā khyātimeṣyāmi prasādaste kṛto'dhunā||

दुर्वासेश के उत्तर में उसने लिंग की आराधना की। लिंग ने तुरंत उससे कहा — "हे गणश्रेष्ठ! मैं तुझसे प्रसन्न हूं, और अब तेरे ही नाम से मैं प्रसिद्धि पाऊंगा; अभी तुझ पर प्रसाद किया गया है।"

श्लोक 57 (skanda.5.148.57)

एतस्मिन्नन्तरे देवि त्वया सार्द्धमहं गतः। शक्राद्यैस्त्रिदशैः सार्द्धं गणैर्नानाविधैस्तथा।

etasminnantare devi tvayā sārddhamahaṁ gataḥ| śakrādyaistridaśaiḥ sārddhaṁ gaṇairnānāvidhaistathā||

हे देवी! इसी बीच मैं भी तुम्हारे साथ, इंद्र आदि देवताओं तथा नाना प्रकार के गणों के साथ वहां गया।

श्लोक 58 (skanda.5.148.58)

हृष्टस्तु पुष्पदंतोऽपि पुष्पपट्टासने शुभे। पुष्पैः प्रकीर्यमाणोऽपि पुनः प्राप्तो ममांतिकम्।

hṛṣṭastu puṣpadaṁto'pi puṣpapaṭṭāsane śubhe| puṣpaiḥ prakīryamāṇo'pi punaḥ prāpto mamāṁtikam||

प्रसन्न पुष्पदंत, शुभ पुष्प-आसन पर विराजमान, पुष्पों से आच्छादित होते हुए, पुनः मेरे समीप आ पहुंचा।

श्लोक 59 (skanda.5.148.59)

मया संश्लेषितः स्नेहादुत्संगेऽप्यधिरोपितः। स्थानं दत्तं विशालाक्षि इदमुक्तं मया तदा।

mayā saṁśleṣitaḥ snehādutsaṁge'pyadhiropitaḥ| sthānaṁ dattaṁ viśālākṣi idamuktaṁ mayā tadā||

मैंने स्नेहवश उसे गले लगाया, और अपनी गोद में बिठाया। हे विशाल नेत्रोंवाली! मैंने उसे स्थान भी प्रदान किया, और तब यह कहा।

श्लोक 60 (skanda.5.148.60)

ये पश्यंति नरा लिंगं त्वया संपूजितं भुवि। ते यास्यंति पुष्पकेण क्रीडन्तो वै त्रिविष्टपम्।

ye paśyaṁti narā liṁgaṁ tvayā saṁpūjitaṁ bhuvi| te yāsyaṁti puṣpakeṇa krīḍaṁto vai triviṣṭapam||

"जो मनुष्य पृथ्वी पर तुम्हारे द्वारा पूजित इस लिंग के दर्शन करेंगे, वे पुष्पक विमान द्वारा क्रीड़ा करते हुए स्वर्गलोक को जाएंगे।

श्लोक 61 (skanda.5.148.61)

गणाध्यक्षा भविष्यंति सर्वकामैरलंकृताः। मम लोके गणाध्यक्षा यावदिंद्राश्चतुर्दश।

gaṇādhyakṣā bhaviṣyaṁti sarvakāmairalaṁkṛtāḥ| mama loke gaṇādhyakṣā yāvadiṁdrāścaturdaśa||

वे गणाध्यक्ष बनेंगे, समस्त कामनाओं से सुसज्जित होंगे। वे चौदह इंद्रों के काल तक मेरे लोक में गणाध्यक्ष रहेंगे।

श्लोक 62 (skanda.5.148.62)

दर्शनात्क्षीयते पापमैहिकं पूर्वकं तथा। ततः प्रसादान्मे सर्वं ज्ञानं सम्यग्भविष्यति।

darśanātkṣīyate pāpamaihikaṁ pūrvakaṁ tathā| tataḥ prasādānme sarvaṁ jñānaṁ samyagbhaviṣyati||

दर्शन मात्र से यहां के तथा पूर्वजन्मों के पाप क्षीण हो जाते हैं। फिर मेरी कृपा से उसे संपूर्ण ज्ञान की भलीभांति प्राप्ति होगी।

श्लोक 63 (skanda.5.148.63)

यः पूजयेच्चतुर्द्दश्यामष्टम्यां सोमवासरे। अमरैः सह संहृष्टो मोदते दिवि सर्वदा।

yaḥ pūjayecchaturddaśyāmaṣṭamyāṁ somavāsare| amaraiḥ saha saṁhṛṣṭo modate divi sarvadā||

जो चतुर्दशी को, अष्टमी को, अथवा सोमवार को पूजा करता है, वह देवताओं के साथ आनंदित होकर सदा स्वर्ग में रमण करता है।

श्लोक 64 (skanda.5.148.64)

पैतृकैर्मातृकैः सार्द्धं कुलैस्तु सप्तभिर्युतः। न वदेत्केनचित्सार्द्धं नरो यः प्रातरुत्थितः।

paitṛkairmātṛkaiḥ sārddhaṁ kulaistu saptabhiryutaḥ| na vadetkenacitsārddhaṁ naro yaḥ prātarutthitaḥ||

वह अपने सात पीढ़ियों के पैतृक और मातृक कुलों सहित इस फल को प्राप्त करता है। जो मनुष्य प्रातः उठकर किसी से भी बात किए बिना,

श्लोक 65 (skanda.5.148.65)

पुष्पदंतेश्वरं दृष्ट्वा सोऽश्वमेधफलंलभेत्। मुच्यते पातकाद्यैश्च यः शाठ्येनापि पश्यति।

puṣpadaṁteśvaraṁ dṛṣṭvā so'śvamedhaphalaṁ labhet| mucyate pātakādyaiśca yaḥ śāṭhyenāpi paśyati||

पुष्पदंतेश्वर के दर्शन करता है, वह अश्वमेध यज्ञ का फल प्राप्त करता है। जो कपटभाव से भी दर्शन करता है, वह भी पापों से मुक्त हो जाता है।

श्लोक 66 (skanda.5.148.66)

मृतो गांधर्वलोके तु याति विद्याधरैर्वृतः। न तस्य संततिच्छेदो यः पश्यति दिनेदिने। नियमेन गणाध्यक्ष जायते ब्रह्मणो दिनम्।

mṛto gāṁdharvaloke tu yāti vidyādharairvṛtaḥ| na tasya saṁtaticchedo yaḥ paśyati dinedine| niyamena gaṇādhyakṣa jāyate brahmaṇo dinam||

मरणोपरांत वह गंधर्वलोक को, विद्याधरों से घिरा हुआ, जाता है। जो प्रतिदिन नियमपूर्वक दर्शन करता है, उसकी संतति का उच्छेद नहीं होता — हे गणाध्यक्ष! उसे ब्रह्मा के एक दिन के बराबर आयु प्राप्त होती है।

श्लोक 67 (skanda.5.148.67)

ऐश्वर्यं सप्तलोकेषु भुक्त्वा भोगान्यथाक्रमम्। पृथिव्यामेकराड्भूत्वा ममांगे संभविष्यति।

aiśvaryaṁ saptalokeṣu bhuktvā bhogānyathākramam| pṛthivyāmekarāḍbhūtvā mamāṁge saṁbhaviṣyati||

सातों लोकों में ऐश्वर्य और भोगों को क्रमशः भोगकर, पृथ्वी पर एकच्छत्र सम्राट होकर, अंततः वह मेरे ही अंग में लीन हो जाएगा।

श्लोक 68 (skanda.5.148.68)

एष ते कथितो देवि प्रभावः पापनाशनः। पुष्पदन्तेश्वरेशस्य अविमुक्तेश्वरं शृणु।

eṣa te kathito devi prabhāvaḥ pāpanāśanaḥ| puṣpadaṁteśvareśasya avimukteśvaraṁ śṛṇu||

हे देवी! इस प्रकार मैंने तुम्हें देव पुष्पदंतेश्वर की पापनाशक महिमा बताई; अब अविमुक्तेश्वर की कथा सुनो।