अविमुक्तेश्वर की महिमा

श्लोक 1 (skanda.5.149.1)

ईश्वर उवाच। अष्टसप्ततिकं विद्धि अविमुक्तेश्वरं प्रिये। यस्य दर्शनमात्रेण तीर्थयात्राफलं लभेत्।

īśvara uvāca| aṣṭasaptatikaṁ viddhi avimukteśvaraṁ priye| yasya darśanamātreṇa tīrthayātrāphalaṁ labhet||

ईश्वर बोले — हे प्रिये! अठहत्तरवें देव को अविमुक्तेश्वर जानो, जिसके दर्शनमात्र से मनुष्य समस्त तीर्थयात्राओं का फल पाता है।

श्लोक 2 (skanda.5.149.2)

शाकले नगरे देवि चित्रसेनो महीपतिः। बभूव भुवि विख्यातो रूपवान्मन्मथाधिकः।

śākale nagare devi citraseno mahīpatiḥ| babhūva bhuvi vikhyāto rūpavānmanmathādhikaḥ||

हे देवी! शाकल नगर में चित्रसेन नामक एक राजा था, जो पृथ्वी पर विख्यात, रूपवान तथा कामदेव से भी बढ़कर सुंदर था।

श्लोक 3 (skanda.5.149.3)

तस्य चन्द्रप्रभा भार्या प्राणेभ्योऽपि गरीयसी। पतिव्रता धर्मशीला रूपयौवनशालिनी।

tasya caṁdraprabhā bhāryā prāṇebhyo'pi garīyasī| pativratā dharmaśīlā rūpayauvanaśālinī||

उसकी पत्नी चंद्रप्रभा उसे अपने प्राणों से भी अधिक प्रिय थी, वह पतिव्रता, धर्मशील तथा रूप-यौवन से संपन्न थी।

श्लोक 4 (skanda.5.149.4)

अपुत्रस्यापि नृपतेः पुत्री जाता मनोरमा। तस्या नाम तदा चक्रे पिता पार्थिवसत्तमः।

aputrasyāpi nṛpateḥ putrī jātā manoramā| tasyā nāma tadā cakre pitā pārthivasattamaḥ||

पुत्रहीन उस राजा को एक मनोरम पुत्री उत्पन्न हुई। उस श्रेष्ठ राजा पिता ने तब उसका नामकरण किया।

श्लोक 5 (skanda.5.149.5)

सर्वलक्षणसंपन्ना कन्या लावण्यवत्यपि। सापि जातिस्मरा देवी सस्मार च पुरातनम्।

sarvalakṣaṇasaṁpannā kanyā lāvaṇyavatyapi| sāpi jātismarā devī sasmāra ca purātanam||

वह कन्या सभी शुभ लक्षणों से संपन्न, तथा सौंदर्य से युक्त थी। वह देवी जातिस्मरा (पूर्वजन्म-स्मरणशील) भी थी, और अपने पूर्वजन्म को स्मरण करती रही।

श्लोक 6 (skanda.5.149.6)

वैराग्याद्ब्रह्मचर्यं च चचार तनुमध्यमा। कदाचिद्यौवनं प्राप्ता सा च पृष्टा नृपेण वै।

vairāgyādbrahmacaryaṁ ca cacāra tanumadhyamā| kadācidyauvanaṁ prāptā sā ca pṛṣṭā nṛpeṇa vai||

वैराग्य के कारण वह क्षीणकटि कन्या ब्रह्मचर्य का पालन करती रही। एक बार यौवन को प्राप्त होने पर राजा ने उससे पूछा।

श्लोक 7 (skanda.5.149.7)

उत्संगे च निजे कृत्वा मूर्ध्नि चाघ्राय हर्षितः। पुत्रि प्रदानकालस्ते कस्मै देया वराय च।

utsaṁge ca nije kṛtvā mūrdhni cāghrāya harṣitaḥ| putri pradānakālaste kasmai deyā varāya ca||

उसे अपनी गोद में बिठाकर तथा उसके मस्तक को सूंघकर, प्रसन्नतापूर्वक राजा ने कहा — हे पुत्री! तुम्हारे विवाह का समय आ गया है; तुम्हें किस वर को देना उचित होगा?

श्लोक 8 (skanda.5.149.8)

नृपाय नृपपुत्राय संमताय द्विजाय वा। वृद्धाय बहुभार्याय ग्रामीणाय च पुत्रिणे। हर्षेण चावृतो राजा पुनः पप्रच्छ तां सुताम्।

nṛpāya nṛpaputrāya saṁmatāya dvijāya vā| vṛddhāya bahubhāryāya grāmīṇāya ca putriṇe| harṣeṇa cāvṛto rājā punaḥ papraccha tāṁ sutām||

किसी राजा को, राजकुमार को, सम्मानित ब्राह्मण को, अथवा वृद्ध को, बहुपत्नीक को, ग्रामीण को, या पुत्रवान को?" हर्ष से भरकर राजा ने अपनी पुत्री से फिर पूछा।

श्लोक 9 (skanda.5.149.9)

पृष्टा च सा यदा देवी न चोवाच नृपं प्रति। अधोमुखी च संजाता पुनः प्रोक्ता नृपेण तु।

pṛṣṭā ca sā yadā devī na covāca nṛpaṁ prati| adhomukhī ca saṁjātā punaḥ proktā nṛpeṇa tu||

पूछे जाने पर भी जब उस राजकुमारी ने राजा को कुछ उत्तर नहीं दिया, और वह मुख नीचा किए रही, तब राजा ने फिर उससे कहा।

श्लोक 10 (skanda.5.149.10)

यदि मद्वचनं पुत्रि प्रतिभाति न सांप्रतम्। वरणं स्वेच्छया पुत्रि कुरु तर्हि स्वयंवरम्।

yadi madvacanaṁ putri pratibhāti na sāṁpratam| varaṇaṁ svecchayā putri kuru tarhi svayaṁvaram||

"हे पुत्री! यदि मेरा वचन अभी तुम्हें उचित नहीं लगता, तो हे पुत्री! अपनी इच्छा से स्वयंवर द्वारा वरण करो।"

श्लोक 11 (skanda.5.149.11)

इत्युक्ता सा नृपतिना पित्रा प्रोक्ता पुनःपुनः। रुरोद सा वै करुणं श्रुत्वा तां कुत्सितां गतिम्।

ityuktā sā nṛpatinā pitrā proktā punaḥpunaḥ| ruroda sā vai karuṇaṁ śrutvā tāṁ kutsitāṁ gatim||

राजा पिता द्वारा बार-बार ऐसा कहे जाने पर, उस निंदनीय गति (विवाह) को सुनकर, वह करुणापूर्वक रोने लगी।

श्लोक 12 (skanda.5.149.12)

जहास चातिहासेन पुनः श्वासांश्च मुंचति। प्रहर्षं च पुनः क्षिप्रं प्राप्य वाष्पं च मुंचति।

jahāsa cātihāsena punaḥ śvāsāṁśca muṁcati| praharṣaṁ ca punaḥ kṣipraṁ prāpya vāṣpaṁ ca muṁcati||

वह अत्यधिक हंसी हंसने लगी, फिर गहरी सांसें लेने लगी। फिर शीघ्र ही अत्यंत हर्षित होकर आंसू बहाने लगी।

श्लोक 13 (skanda.5.149.13)

तामवस्थां गतां दृष्ट्वा पुत्री मुन्मत्ततां गताम्। किमेतदिति भूपालो ग्रसिता किं ग्रहेण वै।

tāmavasthāṁ gatāṁ dṛṣṭvā putrī munmattatāṁ gatām| kimetaditi bhūpālo grasitā kiṁ graheṇa vai||

अपनी पुत्री को इस उन्मत्त सी अवस्था में देखकर, राजा ने सोचा — यह क्या है? क्या यह किसी ग्रह से ग्रसित हो गई है?

श्लोक 14 (skanda.5.149.14)

भूतेन वा पिशाचेन मत्सुता लक्षणैर्युता। इति चिन्तापरो राजा यदा जातो यशस्विनि।

bhūtena vā piśācena matsutā lakṣaṇairyutā| iti ciṁtāparo rājā yadā jāto yaśasvini||

अथवा भूत या पिशाच से — मेरी पुत्री तो सभी शुभ लक्षणों से युक्त थी।" हे यशस्विनि! जब राजा इस प्रकार चिंतित हो गया,

श्लोक 15 (skanda.5.149.15)

तदा प्रोक्तस्तया पुत्र्या मा तात विमना भव। नाहं ग्रस्ता ग्रहेणेह न भूतेन न रक्षसा।

tadā proktastayā putryā mā tāta vimanā bhava| nāhaṁ grastā graheṇeha na bhūtena na rakṣasā||

तब उसकी पुत्री ने कहा — हे तात! उदास मत होइए। न मैं किसी ग्रह से ग्रस्त हूं, न किसी भूत से, न किसी राक्षस से।

श्लोक 16 (skanda.5.149.16)

न पिशाचेन यक्षेण तव कन्या महीपते। जातिस्मराहमुत्पन्ना श्रूयतां मम जन्म च।

na piśācena yakṣeṇa tava kanyā mahīpate| jātismarāhamutpannā śrūyatāṁ mama janma ca||

न किसी पिशाच से, न यक्ष से, हे राजन्! तुम्हारी यह पुत्री। मैं जातिस्मर होकर उत्पन्न हुई हूं; मेरा जन्म-वृत्तांत सुनिए।

श्लोक 17 (skanda.5.149.17)

प्राग्ज्योतिषे पुरे विप्रो हरस्वामी बभूव ह। भार्याहं दुर्भगा जाता तस्य विप्रस्य पार्थिव।

prāgjyotiṣe pure vipro harasvāmī babhūva ha| bhāryāhaṁ durbhagā jātā tasya viprasya pārthiva||

प्राग्ज्योतिष नगर में हरस्वामी नामक एक ब्राह्मण था। हे राजन्! मैं उस ब्राह्मण की अभागी पत्नी थी।

श्लोक 18 (skanda.5.149.18)

रूपयौवनसंपन्ना तस्य नाहं प्रिया विभो। सदा विद्वेषसंयुक्तो मयि निष्ठुरजल्पकः।

rūpayauvanasaṁpannā tasya nāhaṁ priyā vibho| sadā vidveṣasaṁyukto mayi niṣṭhurajalpakaḥ||

हे प्रभो! रूप और यौवन से संपन्न होकर भी मैं उसे प्रिय नहीं थी। वह सदा मुझसे द्वेष रखता था, और मुझसे कठोर वचन बोलता था।

श्लोक 19 (skanda.5.149.19)

नान्यस्य कस्यचिद्द्वेष्टा मुक्त्वा मां पृथिवीपते। पाणिग्रहणकाले तु ग्रहैः पापैर्विलोकिता।

nānyasya kasyaciddveṣṭā muktvā māṁ pṛthivīpate| pāṇigrahaṇakāle tu grahaiḥ pāpairvilokitā||

हे पृथ्वीपते! वह किसी और से द्वेष नहीं करता था, केवल मुझसे। विवाह के समय मैं अशुभ ग्रहों द्वारा देखी गई थी।

श्लोक 20 (skanda.5.149.20)

अहमूढां कुलीनेन द्विजेनातिगुणेन च। स चावलोकितो विप्रो ग्रहैः पुण्यैर्नराधिप।

ahamūḍhāṁ kulīnena dvijenātiguṇena ca| sa cāvalokito vipro grahaiḥ puṇyairnarādhipa||

मुझ विवाहिता को उस कुलीन, अत्यंत गुणवान ब्राह्मण ने ब्याहा था, हे नराधिप! किन्तु वह ब्राह्मण शुभ ग्रहों द्वारा देखा गया था।

श्लोक 21 (skanda.5.149.21)

तेन मे वल्लभो राजन्न चाहं तस्य वल्लभा। स सदाचारसंयुक्तो वेदाध्ययनतत्परः।

tena me vallabho rājanna cāhaṁ tasya vallabhā| sa sadācārasaṁyukto vedādhyayanatatparaḥ||

इसलिए, हे राजन्! वह मुझे प्रिय था, किन्तु मैं उसे प्रिय नहीं थी। वह सदाचार से युक्त, वेदाध्ययन में तत्पर था।

श्लोक 22 (skanda.5.149.22)

नान्यत्र कुरुते भावं ब्रह्मचर्यव्रते स्थितः। ततोऽहं क्रोधसंयुक्ता वशीकरणलंपटा। अपृच्छं प्रमदास्तात यास्त्यक्ताः पतिभिः किल।

nānyatra kurute bhāvaṁ brahmacaryavrate sthitaḥ| tato'haṁ krodhasaṁyuktā vaśīkaraṇalaṁpaṭā| apṛcchaṁ pramadāstāta yāstyaktāḥ patibhiḥ kila||

और किसी में उसका मन नहीं लगता था, वह ब्रह्मचर्य-व्रत में स्थित था। तब मैं क्रोध से भरकर, उसे वश में करने के लोभ में, हे तात! उन स्त्रियों से पूछने लगी, जो अपने पतियों द्वारा त्यागी गई थीं।

श्लोक 23 (skanda.5.149.23)

ताभिरुक्ता ह्यहं भूप वश्यो भर्त्ता भविष्यति। अस्माकं प्रत्ययो जातस्तस्मात्त्वं कर्तुमर्हसि।

tābhiruktā hyahaṁ bhūpa vaśyo bharttā bhaviṣyati| asmākaṁ pratyayo jātastasmāttvaṁ kartumarhasi||

हे राजन्! उन्होंने मुझसे कहा — तुम्हारा पति अवश्य वश में हो जाएगा; हमें इसका विश्वास है, इसलिए तुम यह अवश्य करो।

श्लोक 24 (skanda.5.149.24)

भेषजैर्विविधैश्चूर्णैर्मंत्रैर्मोहकरैः परैः। तैस्तैस्तु कृतलेपोऽपि भविता दासवत्पतिः।

bheṣajairvividhaiścūrṇairmaṁtrairmohakaraiḥ paraiḥ| taistaistu kṛtalepo'pi bhavitā dāsavatpatiḥ||

विविध औषधियों, चूर्णों, तथा मोहकारी मंत्रों से — इन सबका लेप करने पर पति दास के समान वश में हो जाएगा।"

श्लोक 25 (skanda.5.149.25)

ततोऽहं त्वरिता गत्वा तासां वाक्येन भूपते। चूर्णं मन्त्रं गृहीत्वा च प्राप्ता भर्तृगृहं पुनः।

tato'haṁ tvaritā gatvā tāsāṁ vākyena bhūpate| cūrṇaṁ maṁtraṁ gṛhītvā ca prāptā bhartṛgṛhaṁ punaḥ||

तब हे राजन्! उनकी बात मानकर मैं शीघ्रतापूर्वक गई, और चूर्ण तथा मंत्र प्राप्त कर पुनः अपने पति के घर आ गई।

श्लोक 26 (skanda.5.149.26)

प्रदोषे पयसा युक्तश्चूर्णो भर्त्तरि योजितः। ग्रीवायां च मया मन्त्रो न्यस्तः सर्वांगसंधिषु।

pradoṣe payasā yuktaścūrṇo bharttari yojitaḥ| grīvāyāṁ ca mayā maṁtro nyastaḥ sarvāṁgasaṁdhiṣu||

संध्या के समय दूध में मिलाकर वह चूर्ण मैंने अपने पति को दिया। और उसकी गर्दन पर तथा शरीर के सभी संधि-स्थलों पर मैंने मंत्र का प्रयोग किया।

श्लोक 27 (skanda.5.149.27)

यदा पीतश्च चूर्णस्तु मन्त्रेणातीव गुंठितः। वशगस्तत्क्षणाज्जातो मंत्रचूर्णप्रभावतः।

yadā pītaśca cūrṇastu maṁtreṇātīva guṁṭhitaḥ| vaśagastatkṣaṇājjāto maṁtracūrṇaprabhāvataḥ||

जब वह चूर्ण, मंत्र से पूर्णतः अभिमंत्रित होकर, पिया गया, तब उसी क्षण मंत्र-चूर्ण के प्रभाव से वह वश में हो गया।

श्लोक 28 (skanda.5.149.28)

द्वारदेशे स्थितः क्रंदन्दासोऽस्मि तव शोभने। त्राहि मां शरणं प्राप्तं त्वद्वशोहं च शोभने।

dvāradeśe sthitaḥ kraṁdandāso'smi tava śobhane| trāhi māṁ śaraṇaṁ prāptaṁ tvadvaśohaṁ ca śobhane||

वह द्वार पर खड़ा होकर रोते हुए कहने लगा — "हे शोभने! मैं तुम्हारा दास हूं, मुझे शरणागत जानकर बचा लो; हे शोभने! अब मैं तुम्हारे वश में हूं।"

श्लोक 29 (skanda.5.149.29)

तत्तस्य रुदितं ज्ञात्वा मंत्रमाहात्म्यतो नृप। स्वस्थीकरणयोगेन तदा स्वस्थः कृतः पतिः।

tattasya ruditaṁ jñātvā maṁtramāhātmyato nṛpa| svasthīkaraṇayogena tadā svasthaḥ kṛtaḥ patiḥ||

हे राजन्! उसके इस रुदन को देखकर, मंत्र के प्रभाव से, स्वस्थकारी उपाय द्वारा तब मैंने अपने पति को स्वस्थ किया।

श्लोक 30 (skanda.5.149.30)

ततः प्रभृति कांतो मे वश्योऽभूद्भवने स्थितः। पंचत्वं च गता काले तथा नारकयातनाम्।

tataḥ prabhṛti kāṁto me vaśyo'bhūdbhavane sthitaḥ| paṁcatvaṁ ca gatā kāle tathā nārakayātanām||

तभी से मेरा प्रियतम, मेरे वश में रहकर, घर में ही रहने लगा। समय आने पर मैं मृत्यु को प्राप्त हुई, तथा नरक की यातना को प्राप्त हुई।

श्लोक 31 (skanda.5.149.31)

ताम्रभ्राष्ट्रे च दग्धाहं युगानि दश पंच च। सूक्ष्माणि तिलमात्राणि कृत्वा खंडान्यनेकशः। छेदिता कालसूत्रेण पीडिता घ्राणयंत्रके।

tāmrabhrāṣṭre ca dagdhāhaṁ yugāni daśa paṁca ca| sūkṣmāṇi tilamātrāṇi kṛtvā khaṁḍānyanekaśaḥ| cheditā kālasūtreṇa pīḍitā ghrāṇayaṁtrake||

मैं तांबे की कड़ाही में पंद्रह युगों तक जलाई गई। मुझे तिल के बराबर सूक्ष्म-सूक्ष्म अनेक टुकड़ों में काटा गया, कालसूत्र नामक नरक में छेदी गई, तथा घ्राणयंत्रक में पीड़ित की गई।

श्लोक 32 (skanda.5.149.32)

क्वाथीभूता तप्ततैलैर्घटे दर्व्याथ लोडिता। पिष्टा चैव शिलापृष्ठे कुट्टिता लोहमुद्गरैः।

kvāthībhūtā taptatailairghaṭe darvyātha loḍitā| piṣṭā caiva śilāpṛṣṭhe kuṭṭitā lohamudgaraiḥ||

मैं तपते तेल के घड़े में उबाली गई, कड़छी से हिलाई गई; शिला पर पीसी गई, तथा लोहे के मुद्गरों से कूटी गई।

श्लोक 33 (skanda.5.149.33)

दलिता दंतदलने दग्धाहं रौरवे भृशम्। अधोमुखी विनिक्षिप्ता त्वमेध्ये पूयशोणिते।

dalitā daṁtadalane dagdhāhaṁ raurave bhṛśam| adhomukhī viniṣiptā tvamedhye pūyaśoṇite||

दांतों से चबाने वाली मशीन में चीरी गई, रौरव नरक में अत्यंत जलाई गई; तथा उल्टे मुख से अपवित्र मवाद और रक्त में फेंकी गई।

श्लोक 34 (skanda.5.149.34)

यान्यापि युवती तात भर्तुर्वश्यं समाचरेत्। वृथा धर्मादुराचारा पच्यते नरके भृशम्।

yānyāpi yuvatī tāta bharturvaśyaṁ samācaret| vṛthā dharmādurācārā pacyate narake bhṛśam||

हे तात! जो भी युवती अपने पति को वश में करने का यह उपाय अपनाती है, वह धर्म से विमुख होकर दुराचारिणी बनकर नरक में अत्यंत पकाई जाती है।

श्लोक 35 (skanda.5.149.35)

भर्त्ता नाथो गुरुर्भर्ता भर्त्ता वै दैवतं परम्। भर्त्ता स्वामी सुहृद्भर्त्ता भर्ता च परमं पदम्।

bharttā nātho gururbhartā bharttā vai daivataṁ param| bharttā svāmī suhṛdbhartā bhartā ca paramaṁ padam||

पति ही नाथ है, पति ही गुरु है, पति ही परम देवता है। पति ही स्वामी है, पति ही मित्र है, पति ही परम पद है।

श्लोक 36 (skanda.5.149.36)

तुष्टे भर्त्तरि नारीणां तुष्टाः स्युः सर्वदेवताः। विमुखे विमुखाः सर्वे तस्मात्सेव्यः सदा पतिः। भस्मीभवति सा नारी यया भर्त्ता न तोषितः।

tuṣṭe bharttari nārīṇāṁ tuṣṭāḥ syuḥ sarvadevatāḥ| vimukhe vimukhāḥ sarve tasmātsevyaḥ sadā patiḥ| bhasmībhavati sā nārī yayā bhartā na toṣitaḥ||

जब स्त्री का पति संतुष्ट होता है, तो सभी देवता संतुष्ट होते हैं; जब वह विमुख होता है, तो सभी विमुख हो जाते हैं। इसलिए पति की सेवा सदा करनी चाहिए। जिस स्त्री ने अपने पति को संतुष्ट नहीं किया, वह भस्म हो जाती है।

श्लोक 37 (skanda.5.149.37)

यस्य प्रसादात्प्राप्यंते भोगाश्च विविधाः सदा। तं वश्यं कुरुते या च सा कथं सुखमाप्नुयात्।

yasya prasādātprāpyaṁte bhogāśca vividhāḥ sadā| taṁ vaśyaṁ kurute yā ca sā kathaṁ sukhamāpnuyāt||

जिसकी कृपा से सदा विविध भोग प्राप्त होते हैं, उसी को जो वश में करना चाहती है, वह भला सुख कैसे प्राप्त करेगी?

श्लोक 38 (skanda.5.149.38)

तिर्यग्योनिशतं याति कृमिपक्षिशतानि च। तस्मात्तत्तत्सदा कार्यं स्त्रीभिर्भर्तृवचः किल।

tiryagyoniśataṁ yāti kṛmipakṣiśatāni ca| tasmāttattatsadā kāryaṁ strībhirbhartṛvacaḥ kila||

वह सैकड़ों पशु-योनियों को, तथा सैकड़ों कीट-पक्षी योनियों को प्राप्त होती है। इसीलिए स्त्रियों को सदा अपने पति के वचन का ही पालन करना चाहिए।

श्लोक 39 (skanda.5.149.39)

एवं पुनर्मया भुक्ता नरका भृशदारुणाः। तिर्यग्योनिसहस्रं तु कर्मणा कुत्सितेन च।

evaṁ punarmayā bhuktā narakā bhṛśadāruṇāḥ| tiryagyonisahasraṁ tu karmaṇā kutsitena ca||

इस प्रकार मैंने अत्यंत भयंकर नरकों को भोगा, तथा उस निंदनीय कर्म के कारण हजारों पशु-योनियों को भी भोगा।

श्लोक 40 (skanda.5.149.40)

किंचित्पातकशुद्ध्यर्थं चंडालस्य च वेश्मनि। जाताहमतिरूपेण पीडिता विविधैर्व्रणैः।

kiṁcitpātakaśuddhyarthaṁ caṁḍālasya ca veśmani| jātāhamatirūpeṇa pīḍitā vividhairvraṇaiḥ||

अपने पापों की कुछ शुद्धि के हेतु मैं एक चांडाल के घर में अत्यंत कुरूप होकर, तथा विविध घावों से पीड़ित होकर उत्पन्न हुई।

श्लोक 41 (skanda.5.149.41)

सारमेयैर्वृता दीना भक्ष्यमाणा पुनःपुनः। दुष्टाहं भक्ष्यमाणापि मार्गे रुद्धा वृकैरहम्। तैरहं तुद्यमानापि महाकालवनं गता।

sāramayairvṛtā dīnā bhakṣyamāṇā punaḥpunaḥ| duṣṭāhaṁ bhakṣyamāṇāpi mārge ruddhā vṛkairaham| tairahaṁ tudyamānāpi mahākālavanaṁ gatā||

दीन दशा में मैं कुत्तों से घिरी हुई, बार-बार काटी जाती रही। मुझ दुष्टा को कुत्तों द्वारा नोचे जाते हुए भी, मार्ग में भेड़ियों ने रोक लिया। उनके द्वारा भी पीड़ित होते हुए, मैं महाकालवन में जा पहुंची।

श्लोक 42 (skanda.5.149.42)

दृष्टो मया महादेवो दैवतो मृगमाणया। समीपे देवदेवस्य पिप्पलादेश्वरस्य च।

dṛṣṭo mayā mahādevo daivato mṛgamāṇayā| samīpe devadevasya pippalādeśvarasya ca||

दैवयोग से भागती हुई मैंने महादेव को देखा, देवदेव पिप्पलादेश्वर के समीप।

श्लोक 43 (skanda.5.149.43)

तस्य दर्शनमात्रेण गता शक्रपुरं प्रति। विमानेन सुदीप्तेन किंकिणीजालमालिना। दिव्यांबरधरा दिव्या दिव्यमालाविभूषणा।

tasya darśanamātreṇa gatā śakrapuraṁ prati| vimānena sudīptena kiṁkiṇījālamālinā| divyāṁbaradharā divyā divyamālāvibhūṣaṇā||

उसके दर्शन मात्र से मैं इंद्रपुरी की ओर गई, एक अत्यंत देदीप्यमान विमान द्वारा, जो घंटियों के जाल से मालाओं से सुशोभित था। मैं दिव्य वस्त्र धारण किए, दिव्य होकर, दिव्य मालाओं से विभूषित हो गई।

श्लोक 44 (skanda.5.149.44)

तत्राहं पूजिता देवैः स्तुताहं चारणैस्तथा। दर्शनात्तस्य लिंगस्य जाताहं तव वेश्मनि।

tatrāhaṁ pūjitā devaiḥ stutāhaṁ cāraṇaistathā| darśanāttasya liṁgasya jātāhaṁ tava veśmani||

वहां मैं देवताओं द्वारा पूजित हुई, तथा चारणों द्वारा स्तुत भी हुई। उस लिंग के दर्शन से मैं आपके ही घर में जन्मी हूं,

श्लोक 45 (skanda.5.149.45)

वल्लभा रूपसंपन्ना शाकले नगरे शुभे। स्मृत्वा तु कुत्सितां योनिं विलापश्च कृतो मया।

vallabhā rūpasaṁpannā śākale nagare śubhe| smṛtvā tu kutsitāṁ yoniṁ vilāpaśca kṛto mayā||

हे पिता! शुभ शाकल नगर में, प्रिय तथा रूपसंपन्न होकर। उस निंदनीय योनि को स्मरण करते हुए मैंने विलाप किया,

श्लोक 46 (skanda.5.149.46)

स्मृत्वा लिंगस्य माहात्म्यं हर्षो जातस्तु तत्क्षणात्। तन्मे नैव च वातूल्यं गृहीता न ग्रहेण च।

smṛtvā liṁgasya māhātmyaṁ harṣo jātastu tatkṣaṇāt| tanme naiva ca vātūlyaṁ gṛhītā na graheṇa ca||

और लिंग की महिमा को स्मरण करते ही उसी क्षण मुझे हर्ष हो उठा। यह मेरा उन्माद नहीं था, न ही मैं किसी ग्रह से ग्रस्त हुई थी।

श्लोक 47 (skanda.5.149.47)

जाता जातिस्मरा तात ब्रह्मचर्यव्रते स्थिता। अतो यास्यामि तं देवं दर्शनार्थं पुनः प्रभो। यथा न भूयो मे जन्म स्याच्च संसारसागरे।

jātā jātismarā tāta brahmacaryavrate sthitā| ato yāsyāmi taṁ devaṁ darśanārthaṁ punaḥ prabho| yathā na bhūyo me janma syācca saṁsārasāgare||

हे तात! मैं जातिस्मर होकर जन्मी हूं, और ब्रह्मचर्य-व्रत में स्थित हूं। इसलिए, हे प्रभो! मैं पुनः उस देव के दर्शन के लिए जाऊंगी, जिससे मुझे इस संसार-सागर में फिर जन्म न लेना पड़े।"

श्लोक 48 (skanda.5.149.48)

इति पुत्रीवचः श्रुत्वा चित्रसेनो महीपतिः। सभृत्यमंत्रिसहितो महाकालवनं गतः।

iti putrīvacaḥ śrutvā citraseno mahīpatiḥ| sabhṛtyamaṁtrisahito mahākālavanaṁ gataḥ||

अपनी पुत्री के इन वचनों को सुनकर, राजा चित्रसेन अपने सेवकों और मंत्रियों सहित महाकालवन को गया।

श्लोक 49 (skanda.5.149.49)

ददर्श तत्र तल्लिंगं पूजयामास भक्तितः। सापि दृष्ट्वैव तल्लिंगं तस्मिंल्लिंगे लयं गता।

dadarśa tatra talliṁgaṁ pūjayāmāsa bhaktitaḥ| sāpi dṛṣṭvaiva talliṁgaṁ tasmilliṁge layaṁ gatā||

वहां उसने उस लिंग के दर्शन किए, तथा भक्तिपूर्वक उसकी पूजा की। उस राजकुमारी ने भी उस लिंग को देखते ही उसी लिंग में विलीन हो गई।

श्लोक 50 (skanda.5.149.50)

राजा च पुत्रवाञ्जातो लिंगदर्शनतः प्रिये। बभूव चक्रवर्ती स यथा स्वायंभुवो मनुः।

rājā ca putravāñjāto liṁgadarśanataḥ priye| babhūva cakravartī sa yathā svāyaṁbhuvo manuḥ||

हे प्रिये! उस लिंग-दर्शन से राजा को पुत्र प्राप्त हुआ, और वह स्वायंभुव मनु के समान चक्रवर्ती सम्राट बना।

श्लोक 51 (skanda.5.149.51)

एतस्मिन्नंतरे देवि दृष्ट्वा देवे लयं गताम्। राजपुत्रीं महादेवि कृतं नाम मुदान्वितैः।

etasminnaṁtare devi dṛṣṭvā deve layaṁ gatām| rājaputrīṁ mahādevi kṛtaṁ nāma mudānvitaiḥ||

हे महादेवी! इसी बीच उस देव में विलीन हो चुकी राजकुमारी को देखकर, आनंदित देवताओं ने उस लिंग का नामकरण किया।

श्लोक 52 (skanda.5.149.52)

अविमुक्तस्य लिंगस्य दर्शनादेव तत्क्षणात्। अविमुक्तेश्वरो देव इति ख्यातो भवत्विति।

avimuktasya liṁgasya darśanādeva tatkṣaṇāt| avimukteśvaro deva iti khyāto bhavatviti||

चूंकि इस अविमुक्त (अपरित्यक्त) लिंग के दर्शन मात्र से ही उसी क्षण यह हुआ, इसलिए यह देव अविमुक्तेश्वर के नाम से विख्यात हो, ऐसा उन्होंने कहा।

श्लोक 53 (skanda.5.149.53)

योऽसौ काश्यां प्रसिद्धोऽस्ति देवो विश्वेश्वरः शिवः। स चैवात्र सुविख्यातोऽविमुक्तेश्वरसंज्ञया।

yo'sau kāśyāṁ prasiddho'sti devo viśveśvaraḥ śivaḥ| sa caivātra suvikhyāto'vimukteśvarasaṁjñayā||

जो देव विश्वेश्वर शिव के नाम से काशी में प्रसिद्ध है, वही यहां अविमुक्तेश्वर के नाम से सुविख्यात हुआ है।

श्लोक 54 (skanda.5.149.54)

वाराणसी यथा पुण्या तथावंती च मुक्तिदा। तस्या दशगुणं पुण्यं श्रूयतेऽत्र विशेषतः।

vārāṇasī yathā puṇyā tathāvaṁtī ca muktidā| tasyā daśaguṇaṁ puṇyaṁ śrūyate'tra viśeṣataḥ||

जैसे वाराणसी पुण्यप्रद है, वैसे ही अवंती भी मुक्ति देने वाली है। यहां विशेष रूप से उसका दसगुना पुण्य सुना जाता है।

श्लोक 55 (skanda.5.149.55)

तस्माद्विश्वेश्वरो देवः समायातः कुशस्थलीम्। यत्रागत्य सुविद्वांसो मानवाः शंसितव्रताः।

tasmādviśveśvaro devaḥ samāyātaḥ kuśasthalīm| yatrāgatya suvidvāṁso mānavāḥ śaṁsitavratāḥ||

इसीलिए देव विश्वेश्वर कुशस्थली (उज्जयिनी) में आ पहुंचे हैं। यहां आकर सुविद्वान, दृढ़व्रती मनुष्य,

श्लोक 56 (skanda.5.149.56)

पश्यंति परया भक्त्या ह्यविमुक्तेश्वरं शिवम्। तेषां मुक्तिर्न संदेहो भविष्यति सुनिश्चला।

paśyaṁti parayā bhaktyā hyavimukteśvaraṁ śivam| teṣāṁ muktirna saṁdeho bhaviṣyati suniścalā||

परम भक्तिपूर्वक शिव अविमुक्तेश्वर के दर्शन करते हैं; उनकी मुक्ति निःसंदेह अटल होती है।

श्लोक 57 (skanda.5.149.57)

अमुक्ता नैव पश्यंति मुक्ताः पश्यंति सर्वदा। ब्रह्मचर्यव्रतैः सम्यगिष्टैः सर्वमखैर्भवेत्।

amuktā naiva paśyaṁti muktāḥ paśyaṁti sarvadā| brahmacaryavrataiḥ samyagiṣṭaiḥ sarvamakhairbhavet||

जो अभी मुक्त नहीं हुए हैं, वे दर्शन नहीं कर पाते; जो मुक्त हैं, वे सदा दर्शन करते हैं। जो फल ब्रह्मचर्य-व्रतों से, विधिपूर्वक इच्छित यज्ञों से, तथा समस्त यज्ञों से प्राप्त होता है,

श्लोक 58 (skanda.5.149.58)

तत्फलं प्राप्यते सम्यगविमुक्तेशदर्शनात्। नैःश्रेयसी गतिः पुण्या दर्शनादेव जायते।

tatphalaṁ prāpyate samyagavimukteśadarśanāt| naiḥśreyasī gatiḥ puṇyā darśanādeva jāyate||

वह फल भलीभांति अविमुक्तेश्वर के दर्शन से ही प्राप्त हो जाता है। परम कल्याणकारी, पुण्यमयी गति दर्शन मात्र से ही उत्पन्न होती है।

श्लोक 59 (skanda.5.149.59)

या गतिः प्राप्यते सांख्यैयोगैर्वा या गतिर्भवेत्। सा गतिर्नाप्यते सम्यगविमुक्तेशदर्शनात्।

yā gatiḥ prāpyate sāṁkhyairyogairvā yā gatirbhavet| sā gatirnāpyate samyagavimukteśadarśanāt||

जो गति सांख्य दर्शन से अथवा योग से प्राप्त होती है, वही गति अविमुक्तेश्वर के दर्शन से भी भलीभांति प्राप्त हो जाती है।

श्लोक 60 (skanda.5.149.60)

जन्ममृत्युभयं हित्वा स याति परमां गतिम्। यः पूजयति भावेन ह्यविमुक्तेश्वरं शिवम्।

janmamṛtyubhayaṁ hitvā sa yāti paramāṁ gatim| yaḥ pūjayati bhāvena hyavimukteśvaraṁ śivam||

जो भावपूर्वक शिव अविमुक्तेश्वर की पूजा करता है, वह जन्म-मृत्यु के भय को त्यागकर परम गति को प्राप्त होता है।

श्लोक 61 (skanda.5.149.61)

ब्रह्महापि च यो गच्छेदविमुक्तेश्वरं यजेत्। तस्य लिंगस्य माहात्म्यात्सर्व्वपापान्निवर्त्तते।

brahmahāpi ca yo gacchedavimukteśvaraṁ yajet| tasya liṁgasya māhātmyātsarvapāpānnivarttate||

यहां तक कि ब्रह्महत्यारा भी यदि यहां आकर अविमुक्तेश्वर की पूजा करे, तो इस लिंग की महिमा से उसके समस्त पाप दूर हो जाते हैं।

श्लोक 62 (skanda.5.149.62)

शाठ्येनापि च यः पश्येदविमुक्तेश्वरं शिवम्। स मुंचति जरां मृत्युं जन्म चैतदशाश्वतम्।

śāṭhyenāpi ca yaḥ paśyedavimukteśvaraṁ śivam| sa muṁcati jarāṁ mṛtyuṁ janma caitadaśāśvatam||

जो कपटपूर्वक भी शिव अविमुक्तेश्वर के दर्शन करता है, वह भी बुढ़ापे, मृत्यु, तथा इस अशाश्वत जन्म से मुक्त हो जाता है।

श्लोक 63 (skanda.5.149.63)

स्मृतः संपूजितो भक्त्या स्तुतो वा विविधैः स्तवैः। मुक्तिं ददाति देवेशो ह्यविमुक्तेश्वरः शिवः।

smṛtaḥ saṁpūjito bhaktyā stuto vā vividhaiḥ stavaiḥ| muktiṁ dadāti deveśo hyavimukteśvaraḥ śivaḥ||

स्मरण किए जाने पर, भक्तिपूर्वक पूजित होने पर, अथवा विविध स्तोत्रों से स्तुत होने पर, देवेश शिव अविमुक्तेश्वर मुक्ति प्रदान करते हैं।

श्लोक 64 (skanda.5.149.64)

एष ते कथितो देवि प्रभावः पापनाशनः। अविमुक्तेश्वरेशस्य हनुमत्केश्वरं शृणु।

eṣa te kathito devi prabhāvaḥ pāpanāśanaḥ| avimukteśvareśasya hanumatkeśvaraṁ śṛṇu||

हे देवी! इस प्रकार मैंने तुम्हें देव अविमुक्तेश्वर की पापनाशक महिमा बताई; अब हनुमत्केश्वर की कथा सुनो।