हनुमत्केश्वर की महिमा

श्लोक 1 (skanda.5.150.1)

श्रीमहादेव उवाच। एकोनाशीतिकं विद्धि हनुमत्केश्वरं प्रिये। यस्य दर्शनमात्रेण समीहितफलं लभेत्।

śrīmahādeva uvāca| ekonāśītikaṁ viddhi hanumatkeśvaraṁ priye| yasya darśanamātreṇa samīhitaphalaṁ labhet||

श्री महादेव बोले — हे प्रिये! उन्यासीवें देव को हनुमत्केश्वर जानो, जिसके दर्शनमात्र से इच्छित फल की प्राप्ति होती है।

श्लोक 2 (skanda.5.150.2)

प्राप्तराज्यस्य रामस्य राक्षसानां वधे कृते। आगता मुनयो देवि राघवं प्रतिनंदितुम्।

prāptarājyasya rāmasya rākṣasānāṁ vadhe kṛte| āgatā munayo devi rāghavaṁ pratinaṁditum||

हे देवी! राक्षसों का वध होने पर और राम को राज्य प्राप्त हो जाने पर, मुनिगण राघव का अभिनंदन करने के लिए आए।

श्लोक 3 (skanda.5.150.3)

रामेण पूजिताः सर्वे ह्यगस्तिप्रमुखा द्विजाः। प्रहृष्टमनसो विप्रा रामं वचनमब्रुवन्।

rāmeṇa pūjitāḥ sarve hyagastipramukhā dvijāḥ| prahṛṣṭamanaso viprā rāmaṁ vacanamabruvan||

राम द्वारा सम्मानित वे सभी ब्राह्मण, जिनमें अगस्त्य प्रमुख थे, अत्यंत प्रसन्नचित्त होकर राम से यह वचन बोले।

श्लोक 4 (skanda.5.150.4)

दिष्ट्या तु निहतो राम रावणः पुत्रपौत्रवान्। दिष्ट्या विजयिनं त्वाऽद्य पश्यामः सह भार्यया।

diṣṭyā tu nihato rāma rāvaṇaḥ putrapautravān| diṣṭyā vijayinaṁ tvā'dya paśyāmaḥ saha bhāryayā||

हे राम! सौभाग्य से पुत्र-पौत्रों सहित रावण मारा गया। सौभाग्य से आज हम तुम्हें अपनी पत्नी सहित विजयी देख रहे हैं,

श्लोक 5 (skanda.5.150.5)

हनूमता च सहितं वानरेण महात्मना। दिष्ट्या पवनपुत्रेण राक्षसांतकरेण च।

hanūmatā ca sahitaṁ vānareṇa mahātmanā| diṣṭyā pavanaputreṇa rākṣasāṁtakareṇa ca||

तथा उस महात्मा वानर हनुमान के साथ, जो पवनपुत्र और राक्षसों का संहारक है — यह सब सौभाग्य से हुआ है।

श्लोक 6 (skanda.5.150.6)

चिरं जीवतु दीर्घायुर्वानरो हनुमान्सदा। अंजनीगर्भसंभूतो रुद्रांशो हि धरातले।

ciraṁ jīvatu dīrghāyurvānaro hanumānsadā| aṁjanīgarbhasaṁbhūto rudrāṁśo hi dharātale||

वह वानर हनुमान सदा दीर्घायु होकर चिरकाल तक जीवित रहे; वह अंजनी के गर्भ से उत्पन्न, इस धरातल पर रुद्र का अंश है।

श्लोक 7 (skanda.5.150.7)

आखंडलोऽग्निर्भगवान्यमो वै निऋतिस्तथा। वरुणः पवनश्चैव धनाध्यक्षस्तथा शिवः। ब्रह्मणा सहिताश्चैव दिक्पालाः पातु सर्वदा।

ākhaṁḍalo'gnirbhagavānyamo vai nirṛtistathā| varuṇaḥ pavanaścaiva dhanādhyakṣastathā śivaḥ| brahmaṇā sahitāścaiva dikpālāḥ pātu sarvadā||

इंद्र, भगवान अग्नि, यम, निऋति, वरुण, पवन, धनाध्यक्ष कुबेर, तथा शिव — ब्रह्मा सहित ये सभी दिक्पाल उसकी सदा रक्षा करें।

श्लोक 8 (skanda.5.150.8)

श्रुत्वा तेषां तु वचनं मुनीनां भावितात्मनाम्। विस्मयं परमं गत्वा रामः प्रांजलिरब्रवीत्।

śrutvā teṣāṁ tu vacanaṁ munīnāṁ bhāvitātmanām| vismayaṁ paramaṁ gatvā rāmaḥ prāṁjalirabravīt||

उन भावितात्मा मुनियों के इस वचन को सुनकर, अत्यंत विस्मित होकर, राम ने हाथ जोड़कर कहा।

श्लोक 9 (skanda.5.150.9)

किमर्थं लक्ष्मणं त्यक्त्वा वानरोऽयं प्रशंसितः। कीदृशः किंप्रभावो वा किंवीर्यः किंपराक्रमः।

kimarthaṁ lakṣmaṇaṁ tyaktvā vānaro'yaṁ praśaṁsitaḥ| kīdṛśaḥ kiṁprabhāvo vā kiṁvīryaḥ kiṁparākramaḥ||

किस कारण लक्ष्मण को छोड़कर इस वानर की प्रशंसा की जा रही है? यह कैसा है, इसका क्या प्रभाव है, क्या वीर्य है, क्या पराक्रम है?

श्लोक 10 (skanda.5.150.10)

अथोचुः सत्यमेवैतत्कारणं वानरोत्तमे। न त्वस्य सदृशो वीर्ये विद्यते भुवनत्रये।

athocuḥ satyamevaitatkāraṇaṁ vānarottame| na tvasya sadṛśo vīrye vidyate bhuvanatraye||

तब वे बोले — यह सच है, इस श्रेष्ठ वानर के विषय में यह कारण सत्य है। वीर्य में इसके समान कोई तीनों लोकों में नहीं है।

श्लोक 11 (skanda.5.150.11)

एष देव महाप्राज्ञो योजनानां शतं प्लुतः। धर्षयित्वा पुरीं लंकां रावणांतःपुरं गतः।

eṣa deva mahāprājño yojanānāṁ śataṁ plutaḥ| dharṣayitvā purīṁ laṁkāṁ rāvaṇāṁtaḥpuraṁ gataḥ||

हे देव! इस महाप्राज्ञ ने सौ योजन की छलांग लगाई, लंका नगरी में प्रवेश किया, और रावण के अंतःपुर तक जा पहुंचा।

श्लोक 12 (skanda.5.150.12)

प्रादेशमात्रप्रतिमं कृतं रूपमनेन वै। दृष्टा संभाषिता सीता पृष्टा विश्वासिता तथा।

prādeśamātrapratimaṁ kṛtaṁ rūpamanena vai| dṛṣṭā saṁbhāṣitā sītā pṛṣṭā viśvāsitā tathā||

उसने अपने रूप को एक बालिश्त-भर छोटा बना लिया। सीता को उसने देखा, उनसे वार्तालाप किया, उन्हें प्रश्न पूछा, तथा उन्हें विश्वास दिलाया।

श्लोक 13 (skanda.5.150.13)

सेनाग्रगा मंत्रिपुत्राः किंकरा रावणात्मजाः। हता हनुमता तत्र ताडिता रावणालये।

senāgragā maṁtriputrāḥ kiṁkarā rāvaṇātmajāḥ| hatā hanumatā tatra tāḍitā rāvaṇālaye||

सेनानायक, मंत्रिपुत्र, सेवक, तथा रावण के पुत्र — इन सभी को हनुमान ने वहां मार डाला, रावण के भवन में उन्हें प्रताड़ित किया।

श्लोक 14 (skanda.5.150.14)

भूयो बन्धविमुक्तेन संभाष्य तु दशाननम्। लंका भस्मीकृता तेन पातकेनेव मेदिनी।

bhūyo baṁdhavimuktena saṁbhāṣya tu daśānanam| laṁkā bhasmīkṛtā tena pātakeneva medinī||

फिर बंधन से मुक्त होकर उसने रावण से बातचीत की, तथा उस लंका को उसने भस्म कर दिया, जैसे पाप पृथ्वी को भस्म कर देता है।

श्लोक 15 (skanda.5.150.15)

न कालस्य न शक्रस्य न विष्णोर्वेधसोऽपि वा। श्रूयंते तानि कर्माणि यादृशानि हनूमतः।

na kālasya na śakrasya na viṣṇorvedhaso'pi vā| śrūyaṁte tāni karmāṇi yādṛśāni hanūmataḥ||

न काल के, न शक्र के, न विष्णु के, न ब्रह्मा के भी ऐसे कर्म सुने गए हैं, जैसे हनुमान के हैं।"

श्लोक 16 (skanda.5.150.16)

राम उवाच। एतस्य बाहुवीर्येण लंका सीता च लक्ष्मणः। प्राप्तो मम जयश्चैव राज्यं मित्राणि बान्धवाः।

rāma uvāca| etasya bāhuvīryeṇa laṁkā sītā ca lakṣmaṇaḥ| prāpto mama jayaścaiva rājyaṁ mitrāṇi bāṁdhavāḥ||

राम बोले — इसके भुजबल से ही लंका, सीता तथा लक्ष्मण, और मेरी विजय, राज्य, मित्र तथा बांधव — सब प्राप्त हुए हैं।

श्लोक 17 (skanda.5.150.17)

सखायं वानरपतिर्मुक्त्वैनं हरिपुंगवम्। प्रवृत्तिमपि को वेत्तुं जानक्याः शक्तिमान्भवेत्।

sakhāyaṁ vānarapatirmuktvainaṁ haripuṁgavam| pravṛttimapi ko vettuṁ jānakyāḥ śaktimānbhavet||

वानरराज सुग्रीव को छोड़कर, इस वानरश्रेष्ठ के सिवा और कौन जानकी की खोज-खबर जानने में समर्थ होता?

श्लोक 18 (skanda.5.150.18)

वाली किमर्थमेतेन सुग्रीवप्रियकाम्यया। तदा वैरे समुत्पन्ने न दग्धस्तृणवत्कथम्।

vālī kimarthametena sugrīvapriyakāmyayā| tadā vaire samutpanne na dagdhastṛṇavatkatham||

जब सुग्रीव के प्रिय-हेतु शत्रुता उत्पन्न हुई, तब इसने वाली को तिनके के समान भस्म क्यों नहीं कर दिया?

श्लोक 19 (skanda.5.150.19)

नायं विदितवान्मन्ये हनुमानात्मनो बलम्। उपेक्षितः क्लिश्यिमाने किमर्थं वानराधिपे।

nāyaṁ viditavānmanye hanumānātmano balam| upekṣitaḥ kliśyimāne kimarthaṁ vānarādhipe||

मुझे लगता है इस हनुमान को अपने बल का पता ही नहीं है। जब वानराधिप सुग्रीव क्लेश उठा रहे थे, तब इसने उन्हें उपेक्षित क्यों छोड़ा?

श्लोक 20 (skanda.5.150.20)

एवं ब्रुवाणं रामं तु मुनयो वाक्यमब्रुवन्। सत्यमेतद्रघुश्रेष्ठ यद्ब्रवीषि हनूमतः।

evaṁ bruvāṇaṁ rāmaṁ tu munayo vākyamabruvan| satyametadraghuśreṣṭha yadbravīṣi hanūmataḥ||

इस प्रकार बोलते हुए राम से मुनियों ने कहा — हे रघुश्रेष्ठ! तुम हनुमान के विषय में जो कह रहे हो, वह सत्य है।

श्लोक 21 (skanda.5.150.21)

न बले विद्यते तुल्यो न गतौ न मतावपि। अमोघवाक्यैः शापस्तु दत्तोऽस्य मुनिभिः पुरा।

na bale vidyate tulyo na gatau na matāvapi| amoghavākyaiḥ śāpastu datto'sya munibhiḥ purā||

बल में इसका कोई तुल्य नहीं है, न गति में, न बुद्धि में भी। किन्तु पूर्वकाल में मुनियों ने इसे अमोघ वचनों से शाप दिया था।

श्लोक 22 (skanda.5.150.22)

न ज्ञातं हि बलं येन बलिना वालिमर्दने। बाल्येऽप्यनेन यत्कर्म कृतं नाम महात्मना।

na jñātaṁ hi balaṁ yena balinā vālimardane| bālye'pyanena yatkarma kṛtaṁ nāma mahātmanā||

जिस कारण उस बलशाली ने वाली के मर्दन में अपने बल को नहीं जाना, वह भी इसी शाप का प्रभाव है। बचपन में ही इस महात्मा ने जो कर्म किया,

श्लोक 23 (skanda.5.150.23)

तन्न वर्णयितुं शक्यमेतस्य तु बलं महत्। यदि श्रोतुं तवेच्छास्ति निशामय वदामहे।

tanna varṇayituṁ śakyametasya tu balaṁ mahat| yadi śrotuṁ tavecchāsti niśāmaya vadāmahe||

जो वर्णन किया ही नहीं जा सकता, इतना महान इसका बल है। यदि तुम्हें सुनने की इच्छा है, तो सुनो, हम कहते हैं।

श्लोक 24 (skanda.5.150.24)

असौ हि जातमात्रोऽपि बालार्क इव मूर्त्तिमान्। ग्रहीतुकामो बालार्कं पुप्लावांबरमध्यतः।

asau hi jātamātro'pi bālārka iva mūrttimān| grahītukāmo bālārkaṁ puplāvāṁbaramadhyataḥ||

वह जन्म लेते ही, उदयकालीन बाल-सूर्य के समान मूर्तिमान था। बाल-सूर्य को पकड़ने की इच्छा से वह आकाश के मध्य में उड़ गया।

श्लोक 25 (skanda.5.150.25)

तूर्णमाधावतो राम शक्रेण विदितात्मना। हनुस्तेनास्य सहसा कुलिशेनैव ताडितः।

tūrṇamādhāvato rāma śakreṇa viditātmanā| hanustenāsya sahasā kuliśenaiva tāḍitaḥ||

हे राम! उसे शीघ्रता से बढ़ते हुए देखकर, इस बात को जानने वाले इंद्र ने अचानक उसकी ठुड्डी पर वज्र का प्रहार किया।

श्लोक 26 (skanda.5.150.26)

ततो गिरौ पपातैष शक्रवज्राभिताडितः। पततोस्य महावेगाद्वामो हनुरभज्यत। अस्मिंस्तु पतिते बाले मृतकल्पेऽशनिक्षतात्।

tato girau papātaiṣa śakravajrābhitāḍitaḥ| patatosya mahāvegādvāmo hanurabhajyata| asminstu patite bāle mṛtakalpe'śaniksatāt||

तब इंद्र के वज्र से प्रहारित होकर वह पर्वत पर गिर पड़ा। उसके अत्यंत वेग से गिरने पर उसकी बायीं ठुड्डी टूट गई। और वह बालक, वज्रपात से घायल होकर, मृतक-समान गिर पड़ा।

श्लोक 27 (skanda.5.150.27)

ततो वायुः समादाय महाकालवनं गतः। लिंगमाराधयामास पुत्रार्थं पवनस्तदा।

tato vāyuḥ samādāya mahākālavanaṁ gataḥ| liṁgamārādhayāmāsa putrārthaṁ pavanastadā||

तब वायु उसे उठाकर महाकालवन को गए। पवन देव ने अपने पुत्र के हेतु वहां लिंग की आराधना की।

श्लोक 28 (skanda.5.150.28)

स्पृष्टमात्रस्तु लिंगेन समुत्तस्थौ प्लवंगमः। जलसिक्तं यथा सस्यं पुनर्जीवितमाप्तवान्।

spṛṣṭamātrastu liṁgena samuttasthau plavaṁgamaḥ| jalasiktaṁ yathā sasyaṁ punarjīvitamāptavān||

लिंग के स्पर्श मात्र से वह वानर उठ बैठा, जैसे जल से सिंचित पौधा फिर से जीवित हो उठता है, वैसे ही उसने पुनर्जीवन प्राप्त किया।

श्लोक 29 (skanda.5.150.29)

प्राणवंतमिमं दृष्ट्वा पवनो हर्षितस्तदा। प्रत्युवाच प्रसन्नात्मा पुत्रमादाय सत्वरम्।

prāṇavaṁtamimaṁ dṛṣṭvā pavano harṣitastadā| pratyuvāca prasannātmā putramādāya satvaram||

उसे प्राणवान देखकर पवन देव अत्यंत हर्षित हो गए। प्रसन्नचित्त होकर, तुरंत अपने पुत्र को उठाकर वे बोले।

श्लोक 30 (skanda.5.150.30)

स्पर्शनादस्य लिंगस्य मम पुत्रः समुत्थितः। हनुमत्केश्वरो देवो विख्यातोऽयं भविष्यति।

sparśanādasya liṁgasya mama putraḥ samutthitaḥ| hanumatkeśvaro devo vikhyāto'yaṁ bhaviṣyati||

इस लिंग के स्पर्श से ही मेरा पुत्र उठ बैठा है; अतः यह देव हनुमत्केश्वर के नाम से विख्यात होगा।

श्लोक 31 (skanda.5.150.31)

एतस्मिन्नंतरे शक्रः समायातः सुरैर्वृतः। नीलोत्पलमयीं मालां संप्रगृह्येदमब्रवीत्।

etasminnaṁtare śakraḥ samāyātaḥ surairvṛtaḥ| nīlotpalamayīṁ mālāṁ saṁpragṛhyedamabravīt||

इसी बीच इंद्र, देवताओं से घिरे हुए, वहां आ पहुंचे। नील कमलों की माला लेकर उन्होंने यह कहा।

श्लोक 32 (skanda.5.150.32)

मत्करोत्सृष्टवज्रेण यस्मादस्यहनुर्हतः। तदेष कपिशार्दूलो हनुमांस्तु भविष्यति।

matkarotsṛṣṭavajreṇa yasmādasyahanurhataḥ| tadeṣa kapiśārdūlo hanumāṁstu bhaviṣyati||

चूंकि मेरे हाथ से फेंके गए वज्र से इसकी ठुड्डी (हनु) आहत हुई, इसलिए यह वानरश्रेष्ठ हनुमान के नाम से जाना जाएगा।

श्लोक 33 (skanda.5.150.33)

वरुणोऽस्य वरं प्रादान्नास्य मृत्युर्भविष्यति। यमो दंडादवध्यत्वमारोग्यं धनदो ददौ।

varuṇo'sya varaṁ prādānnāsya mṛtyurbhaviṣyati| yamo daṇḍādavadhyatvamārogyaṁ dhanado dadau||

वरुण ने इसे यह वर दिया कि इसकी मृत्यु न हो। यम ने इसे अपने दंड से अवध्यता का वर दिया, तथा कुबेर ने आरोग्य प्रदान किया।

श्लोक 34 (skanda.5.150.34)

सूर्येण च प्रभा दत्ता पवनेन गतिर्द्रुता। लिंगेन च वरो दत्तो देवानां संनिधौ तदा।

sūryeṇa ca prabhā dattā pavanena gatirdrutā| liṁgena ca varo datto devānāṁ saṁnidhau tadā||

सूर्य ने उसे तेज प्रदान किया, पवन ने वेगवान गति दी। और उस समय देवताओं की उपस्थिति में लिंग ने भी उसे वर दिया।

श्लोक 35 (skanda.5.150.35)

आयुधानां हि सर्वेषामवध्योऽयं भविष्यति। अजरश्चामरश्चैव भविष्यति न संशयः।

āyudhānāṁ hi sarveṣāmavadhyo'yaṁ bhaviṣyati| ajaraścāmaraścaiva bhaviṣyati na saṁśayaḥ||

वह समस्त शस्त्रों से अवध्य होगा, तथा निःसंदेह अजर और अमर होगा।

श्लोक 36 (skanda.5.150.36)

अमित्रभयदो ह्येष मित्राणामभयप्रदः। अजेयो भविता युद्धे लिंगेनोक्तं पुनःपुनः।

amitrabhayado hyeṣa mitrāṇāmabhayapradaḥ| ajeyo bhavitā yuddhe liṁgenoktaṁ punaḥpunaḥ||

वह शत्रुओं को भय देने वाला, और मित्रों को अभय देने वाला होगा; युद्ध में वह अजेय होगा — ऐसा लिंग ने बार-बार कहा।

श्लोक 37 (skanda.5.150.37)

शत्रोर्बलोत्सादनाय राघवप्रीतये सदा। कियत्कालं बलं स्वीयं न स्मरिष्यति शापतः।

śatrorbalotsādanāya rāghavaprītaye sadā| kiyatkālaṁ balaṁ svīyaṁ na smariṣyati śāpataḥ||

शत्रु का बल नष्ट करने के लिए, तथा सदा राघव की प्रीति के लिए, वह कुछ काल तक शाप के कारण अपने ही बल को स्मरण नहीं करेगा।

श्लोक 38 (skanda.5.150.38)

हते तु रावणे भूयो रामस्यानुमते स्थितः। विभीषणं प्रार्थयित्वा मामत्र स्थापयिष्यति।

hate tu rāvaṇe bhūyo rāmasyānumate sthitaḥ| vibhīṣaṇaṁ prārthayitvā māmatra sthāpayiṣyati||

रावण के मारे जाने पर, राम की अनुमति से रहते हुए, वह विभीषण से प्रार्थना कर मुझे यहां स्थापित करेगा।

श्लोक 39 (skanda.5.150.39)

ततो मां त्रिदशाः सर्वे पूजयिष्यंति भाविताः। तेनैव नाम्ना विख्यातिं पुनर्यास्यामि भूतले।

tato māṁ tridaśāḥ sarve pūjayiṣyaṁti bhāvitāḥ| tenaiva nāmnā vikhyātiṁ punaryāsyāmi bhūtale||

तब सभी शुद्धचित्त देवगण मेरी पूजा करेंगे, और उसी के नाम से मैं पुनः पृथ्वी पर विख्यात हो जाऊंगा।"

श्लोक 40 (skanda.5.150.40)

अथ गंधवहः पुत्रं प्रगृह्य गृहमानयत्। अंजनायै तदाचख्यौ वरलब्धिं च लिंगतः।

atha gaṁdhavahaḥ putraṁ pragṛhya gṛhamānayat| aṁjanāyai tadācakhyau varalabdhiṁ ca liṁgataḥ||

तब पवन देव ने अपने पुत्र को लेकर घर लाया, और अंजना को लिंग से प्राप्त उन वरों का वृत्तांत सुनाया।

श्लोक 41 (skanda.5.150.41)

एवं लिंगप्रभावाच्च बलवान्मारुतात्मजः। स जातस्त्रिषुलोकेषु राम तस्मात्प्रशस्यते।

evaṁ liṁgaprabhāvācca balavānmārutātmajaḥ| sa jātastriṣulokeṣu rāma tasmātpraśasyate||

इस प्रकार लिंग के प्रभाव से पवनपुत्र बलवान हुआ, और इसीलिए हे राम! वह तीनों लोकों में प्रशंसित है।

श्लोक 42 (skanda.5.150.42)

पराक्रमोत्साहमति प्रतापैः सौशील्यमाधुर्यनयादिकैश्च। गांभीर्यचातुर्यसुवीर्यधैर्यैर्हनूमतः कोऽभ्यधिकोऽस्ति लोके।

parākramotsāhamati pratāpaiḥ sauśīlyamādhuryanayādikaiśca| gāṁbhīryacāturyasuvīryadhairyairhanūmataḥ ko'bhyadhiko'sti loke||

पराक्रम, उत्साह, बुद्धि, प्रताप, शील, माधुर्य, नीति आदि से, तथा गंभीरता, चातुर्य, उत्तम वीर्य और धैर्य से भी, हनुमान से अधिक इस लोक में कौन है?

श्लोक 43 (skanda.5.150.43)

ममेव विक्षोभितसागरस्य लोकान्दिधक्षोरिव पावकस्य। प्रजा जिहीर्षोरिव चातकस्य हनूमतः स्थास्यति कः पुरस्तात्।

mameva vikṣobhitasāgarasya lokāndidhakṣoriva pāvakasya| prajā jihīrṣoriva cātakasya hanūmataḥ sthāsyati kaḥ purastāt||

क्षुब्ध हुए समुद्र के समान, लोकों को भस्म करने के लिए उद्यत अग्नि के समान, प्रजाओं को हरने की इच्छा रखने वाले (प्रलयकारी) के समान — हनुमान के सम्मुख कौन ठहर सकेगा?

श्लोक 44 (skanda.5.150.44)

एतद्वै कथितं तुभ्यं यन्मां त्वं परिपृच्छसि। हनूमतोऽस्य बालस्य कर्माण्यद्भुतविक्रम।

etadvai kathitaṁ tubhyaṁ yanmāṁ tvaṁ paripṛcchasi| hanūmato'sya bālasya karmāṇyadbhutavikrama||

हे अद्भुत-पराक्रमी राम! यही मैंने तुम्हें बताया है, जो तुमने मुझसे पूछा था — इस बालक हनुमान के कर्मों के विषय में।

श्लोक 45 (skanda.5.150.45)

दृष्टः सभाजितश्चापि राम गच्छामहे वयम्। एवमुक्त्वा गताः सर्वे मुनयोऽवंतिमण्डलम्। पूजयामासुरीशानं हनुमत्केश्वरं शिवम्। समर्चयंति ये भक्त्या लिंगं त्रिदशपूजितम्। हनुमत्केश्वरं देवं ते कृतार्थाः कलौ युगे।

dṛṣṭaḥ sabhājitaścāpi rāma gacchāmahe vayam| evamuktvā gatāḥ sarve munayo'vaṁtimaṁḍalam| pūjayāmāsurīśānaṁ hanumatkeśvaraṁ śivam| samarcayaṁti ye bhaktyā liṁgaṁ tridaśapūjitam| hanumatkeśvaraṁ devaṁ te kṛtārthāḥ kalau yuge||

हे राम! अब हमने तुम्हारे दर्शन और सत्कार दोनों प्राप्त किए हैं, अब हम जाते हैं। ऐसा कहकर सभी मुनि अवंती-मंडल को गए, और वहां ईशान शिव हनुमत्केश्वर की पूजा की। जो लोग भक्तिपूर्वक देवताओं द्वारा पूजित उस लिंग हनुमत्केश्वर देव की अर्चना करते हैं, वे कलियुग में भी कृतार्थ होते हैं।

श्लोक 46 (skanda.5.150.46)

व्रजंत्येव सुदुष्प्राप्यं ब्रह्मसायुज्यमव्ययम्। संप्राप्य तु पुनर्जन्म लभंते मोक्षमव्ययम्।

vrajaṁtyeva suduṣprāpyaṁ brahmasāyujyamavyayam| saṁprāpya tu punarjanma labhaṁte mokṣamavyayam||

वे उस अत्यंत दुष्प्राप्य, अविनाशी ब्रह्म-सायुज्य को प्राप्त करते हैं। एक और जन्म पाकर वे अविनाशी मोक्ष को प्राप्त करते हैं।

श्लोक 47 (skanda.5.150.47)

यः पश्यति नरो लिंगं हनुमत्केश्वरे प्रिय। सोऽधिकं फलमाप्नोति सर्वदुःखविवर्जितः।

yaḥ paśyati naro liṁgaṁ hanumatkeśvare priya| so'dhikaṁ phalamāpnoti sarvaduḥkhavivarjitaḥ||

हे प्रिये! जो मनुष्य हनुमत्केश्वर के इस लिंग के दर्शन करता है, वह अधिक फल प्राप्त करता है, और समस्त दुःखों से रहित हो जाता है।

श्लोक 48 (skanda.5.150.48)

सर्वलोकेषु तस्यैव गतिर्न प्रतिहन्यते। दिव्येनैश्वर्ययोगेन युज्यते नात्र संशयः।

sarvalokeṣu tasyaiva gatirna pratihanyate| divyenaiśvaryayogena yujyate nātra saṁśayaḥ||

उसकी गति सभी लोकों में अबाधित होती है। वह निःसंदेह दिव्य ऐश्वर्य से युक्त हो जाता है।

श्लोक 49 (skanda.5.150.49)

बालसूर्यप्रतीकाशविमानेन सुवर्चसा। वृतः स्त्रीणां सहस्रैस्तु स्वच्छदगमनागमः।

bālasūryapratīkāśavimānena suvarcasā| vṛtaḥ strīṇāṁ sahasraistu svacchadagamanāgamaḥ||

बाल-सूर्य के समान तेजस्वी विमान द्वारा, हजारों स्त्रियों से घिरा हुआ, स्वेच्छापूर्वक आना-जाना करते हुए,

श्लोक 50 (skanda.5.150.50)

विचरत्यविचारेण सर्वलोकान्दिवौकसाम्। स्पृहणीयतमः पुंसां सर्ववर्णोत्तमोधुना।

vicaratyavicāreṇa sarvalokāndivaukasām| spṛhaṇīyatamaḥ puṁsāṁ sarvavarṇottamodhunā||

वह बिना किसी बाधा के देवताओं के समस्त लोकों में विचरण करता है, और अब मनुष्यों में सर्वाधिक इच्छा के योग्य, समस्त वर्णों में उत्तम बन जाता है।

श्लोक 51 (skanda.5.150.51)

स्वर्गाच्च्युतः प्रजायेत कुले महति रूपवान्। धर्मज्ञो रुद्रभक्तश्च सर्वविद्यार्थपारगः।

svargāccyutaḥ prajāyeta kule mahati rūpavān| dharmajño rudrabhaktaśca sarvavidyārthapāragaḥ||

स्वर्ग से च्युत होने पर वह किसी महान कुल में सुंदर रूप में जन्म लेता है, धर्मज्ञ, रुद्र-भक्त, तथा समस्त विद्याओं और अर्थों में पारंगत होता है।

श्लोक 52 (skanda.5.150.52)

राजा वा राजतुल्यो वा दर्शनादस्य जायते। स्पर्शनात्परमं पुण्यं यजनात्परमं पदम्।

rājā vā rājatulyo vā darśanādasya jāyate| sparśanātparamaṁ puṇyaṁ yajanātparamaṁ padam||

इसके दर्शन से वह राजा या राजतुल्य बनता है। स्पर्श से परम पुण्य, तथा पूजा से परम पद प्राप्त होता है।

श्लोक 53 (skanda.5.150.53)

एष ते कथितो देवि प्रभावः पापनाशनः। हनुमत्केश्वरेशस्य स्वप्नेश्वरमथो शृणु।

eṣa te kathito devi prabhāvaḥ pāpanāśanaḥ| hanumatkeśvareśasya svapneśvaramatho śṛṇu||

हे देवी! इस प्रकार मैंने तुम्हें देव हनुमत्केश्वर की पापनाशक महिमा बताई; अब स्वप्नेश्वर की कथा सुनो।