स्वप्नेश्वर की महिमा

श्लोक 1 (skanda.5.151.1)

ईश्वर उवाच। आशीतिकं विजानीहि देवं स्वप्नेश्वरं प्रिये। यस्य दर्शनमात्रेण दुःस्वप्नं नश्यति ध्रुवम्।

īśvara uvāca| āśītikaṁ vijānīhi devaṁ svapneśvaraṁ priye| yasya darśanamātreṇa duḥsvapnaṁ naśyati dhruvam||

ईश्वर बोले — हे प्रिये! अस्सीवें देव को स्वप्नेश्वर जानो, जिसके दर्शनमात्र से दुःस्वप्न निश्चय ही नष्ट हो जाता है।

श्लोक 2 (skanda.5.151.2)

कल्माषपादेति ख्यातो लोके राजा बभूव ह। इक्ष्वाकुवंशजो देवि तेजसा सूर्यवद्भुवि।

kalmāṣapādeti khyāto loke rājā babhūva ha| ikṣvākuvaṁśajo devi tejasā sūryavadbhuvi||

हे देवी! संसार में कल्माषपाद के नाम से विख्यात एक राजा था, जो इक्ष्वाकु वंश में उत्पन्न, तेज में पृथ्वी पर सूर्य के समान था।

श्लोक 3 (skanda.5.151.3)

स कदाचिद्वने राजा वशिष्ठसुतमौरसम्। शक्तिं परमधर्मज्ञं ददर्श विजितेंद्रियम्। मार्गस्थितं तपोनिष्ठमपगच्छेति चाब्रवीत्।

sa kadācidvane rājā vaśiṣṭhasutamaurasam| śaktiṁ paramadharmajñaṁ dadarśa vijiteṁdriyam| mārgasthitaṁ taponiṣṭhamapagaccheti cābravīt||

एक बार वन में उस राजा ने वसिष्ठ के औरस पुत्र शक्ति को देखा, जो परम धर्मज्ञ, जितेंद्रिय, तथा मार्ग में खड़ा तपस्या में लीन था। राजा ने उससे "हट जाओ" कहा।

श्लोक 4 (skanda.5.151.4)

अमुंचंतं तु पंथानं तमृषिं नृपसत्तमः। जघान कशया मोहात्तदा राक्षसवन्मुनिम्।

amuṁcaṁtaṁ tu paṁthānaṁ tamṛṣiṁ nṛpasattamaḥ| jaghāna kaśayā mohāttadā rākṣasavanmunim||

जब उस ऋषि ने मार्ग नहीं छोड़ा, तब उस श्रेष्ठ राजा ने मोहवश उस मुनि पर कोड़े से प्रहार किया, राक्षस के समान।

श्लोक 5 (skanda.5.151.5)

कशाप्रहाराभिहतस्ततः स मुनिपुंगवः। तं शशाप रुषाविष्टो वाशिष्ठः क्रोधमूर्छितः।

kaśāprahārābhihatastataḥ sa munipuṁgavaḥ| taṁ śaśāpa ruṣāviṣṭo vāśiṣṭhaḥ krodhamūrchitaḥ||

कोड़े के प्रहार से आहत होकर, वह श्रेष्ठ मुनि, वसिष्ठ का पुत्र, क्रोध से विक्षिप्त होकर, रोष से भरकर उसे शाप देने लगा।

श्लोक 6 (skanda.5.151.6)

हंसि राक्षसवद्यस्माद्राजापसद तापसम्। तस्मात्त्वमद्यप्रभृति पुरुषादो भविष्यति।

haṁsi rākṣasavadyasmādrājāpasada tāpasam| tasmāttvamadyaprabhṛti puruṣādo bhaviṣyati||

"हे नीच राजा! चूंकि तुम राक्षस के समान एक तपस्वी को मार रहे हो, इसलिए आज से तुम मनुष्य-भक्षक बनोगे।

श्लोक 7 (skanda.5.151.7)

सततं पिशितासक्तश्चरिष्यसि महीमिमाम्। स तु शप्तस्तदा तेन तत्क्षणाद्वै नृपोत्तमः।

satataṁ piśitāsaktaścariṣyasi mahīmimām| sa tu śaptastadā tena tatkṣaṇādvai nṛpottamaḥ||

तथा सदा मांस के लोभ में इस पृथ्वी पर विचरण करोगे।" उसके द्वारा उसी क्षण शाप दिए जाने पर, वह श्रेष्ठ राजा,

श्लोक 8 (skanda.5.151.8)

जगाम शरणं शक्तिं प्रसादयितुमर्हयत्। यदा न तुष्टो विप्रर्षिः शक्तिः परमकोपनः। प्रसाद्यमानो भूपेन तदा तेनापि भक्षितः।

jagāma śaraṇaṁ śaktiṁ prasādayitumarhayat| yadā na tuṣṭo viprarṣiḥ śaktiḥ paramakopanaḥ| prasādyamāno bhūpena tadā tenāpi bhakṣitaḥ||

शक्ति की शरण में गया, और उसे प्रसन्न करने का प्रयत्न करने लगा। जब वह अत्यंत क्रोधी ब्राह्मणर्षि शक्ति, राजा द्वारा प्रसन्न किए जाने पर भी संतुष्ट नहीं हुआ, तब उसी राजा ने उसे भी भक्षण कर लिया।

श्लोक 9 (skanda.5.151.9)

शक्तिं तं भक्षयित्वा तु वशिष्ठस्यापरान्तु तान्। भक्षयामास सहसा सिंहः क्षुद्रमृगानिव।

śaktiṁ taṁ bhakṣayitvā tu vaśiṣṭhasyāparāṁstu tān| bhakṣayāmāsa sahasā siṁhaḥ kṣudramṛgāniva||

शक्ति को खाकर, फिर वसिष्ठ के अन्य पुत्रों को भी उसने भक्षण कर लिया, जैसे सिंह छोटे मृगों को खा जाता है।

श्लोक 10 (skanda.5.151.10)

तदाप्रभृति संजातः पुरुषादो नृपोत्तमः। रात्रौ पश्यति दुःस्वप्नान्पापसंघेन मोहितः।

tadāprabhṛti saṁjātaḥ puruṣādo nṛpottamaḥ| rātrau paśyati duḥsvapnānpāpasaṁghena mohitaḥ||

तभी से वह श्रेष्ठ राजा मनुष्य-भक्षक बन गया। पापों के समूह से मोहित होकर वह रात्रि में दुःस्वप्न देखने लगा।

श्लोक 11 (skanda.5.151.11)

दृष्ट्वा भयानकान्स्वप्नान्स राजा पर्य्यतप्यत। पश्चात्तापेन संयुक्तो विललाप सुदुःखितः।

dṛṣṭvā bhayānakānsvapnānsa rājā paryyatapyata| paścāttāpena saṁyukto vilalāpa suduḥkhitaḥ||

उन भयानक स्वप्नों को देखकर वह राजा संतप्त हो उठा। पश्चात्ताप से भरकर वह अत्यंत दुःखी होकर विलाप करने लगा।

श्लोक 12 (skanda.5.151.12)

अथाप्युक्तममात्यैश्च किं करोषि महीपते। कस्मात्ते निष्प्रभा कांतिर्विवर्णो हरिणः कृशः।

athāpyuktamamātyaiśca kiṁ karoṣi mahīpate| kasmātte niṣprabhā kāṁtirvivarṇo hariṇaḥ kṛśaḥ||

तब मंत्रियों ने भी उससे कहा — हे राजन्! आप क्या कर रहे हैं? आपकी कांति क्यों निस्तेज हो गई है, आपका रंग क्यों उड़ गया है, आप क्यों कृश हो गए हैं?

श्लोक 13 (skanda.5.151.13)

स राजा कथयामास दुःस्वप्नाननुपूर्वशः। स्वप्नेऽहं सागरं शुष्कं चन्द्रं च पतितं भुवि।

sa rājā kathayāmāsa duḥsvapnānanupūrvaśaḥ| svapne'haṁ sāgaraṁ śuṣkaṁ caṁdraṁ ca patitaṁ bhuvi||

तब राजा ने अपने दुःस्वप्नों को क्रमशः बताया — स्वप्न में मैंने सूखे हुए समुद्र को, तथा पृथ्वी पर गिरे हुए चंद्रमा को देखा,

श्लोक 14 (skanda.5.151.14)

उपरुद्धां च जगतीं घनेन तमसा वृताम्। आत्मानं चाहमद्राक्षं मलिनं मुक्तमूर्द्धजम्।

uparuddhāṁ ca jagatīṁ ghanena tamasā vṛtām| ātmānaṁ cāhamadrākṣaṁ malinaṁ muktamūrddhajam||

पृथ्वी को अवरुद्ध होते, घने अंधकार से ढके देखा; और मैंने स्वयं को भी मलिन, बिखरे हुए केशों वाला देखा,

श्लोक 15 (skanda.5.151.15)

पतंतमद्रिशिखरात्कलुषे गोमये ह्रदे। पिबन्नंजलिना तैलं हसन्निव मुहुर्मुहुः।

pataṁtamadriśikharātkaluṣe gomaye hrade| pibannaṁjalinā tailaṁ hasanniva muhurmuhuḥ||

पर्वत-शिखर से गिरते हुए, गोबर के गंदे तालाब में, अंजलि से तेल पीते हुए, तथा बार-बार हंसते हुए,

श्लोक 16 (skanda.5.151.16)

तैलेनाभ्यक्तसर्वांगस्तैलमेवावगाहयन्। पीठे कार्ष्णायसे चैव निषण्णोऽहमधोमुखः।

tailenābhyaktasarvāṁgastailamevāvagāhayan| pīṭhe kārṣṇāyase caiva niṣaṇṇo'hamadhomukhaḥ||

तेल से समस्त अंगों पर लेप किए हुए, तेल में ही डूबते हुए, तथा एक काले लोहे के आसन पर मुख नीचा किए बैठा हुआ मैंने स्वयं को देखा।

श्लोक 17 (skanda.5.151.17)

गायंति प्रमदा रक्ता रक्तमाल्यानुलेपनाः। कृष्णांबरधराश्चान्याः कृष्णमाल्यानुलेपनाः।

gāyaṁti pramadā raktā raktamālyānulepanāḥ| kṛṣṇāṁbaradharāścānyāḥ kṛṣṇamālyānulepanāḥ||

लाल वस्त्रधारिणी, लाल मालाओं और लेप से सज्जित स्त्रियां गा रही थीं; तथा अन्य काले वस्त्रधारिणी, काली मालाओं और लेप से सज्जित स्त्रियां भी।

श्लोक 18 (skanda.5.151.18)

ताभिराकृष्यमाणोऽपि नीतोऽहं दक्षिणां दिशम्। बद्ध्वा रज्ज्वा सुवर्णस्य लोहस्य रजतस्य च।

tābhirākṛṣyamāṇo'pi nīto'haṁ dakṣiṇāṁ diśam| baddhvā rajjvā suvarṇasya lohasya rajatasya ca||

उनके द्वारा खींचा जाकर मुझे दक्षिण दिशा की ओर ले जाया गया; सोने, लोहे तथा चांदी की रस्सियों से मुझे बांधा गया।

श्लोक 19 (skanda.5.151.19)

पांसुकर्दमयोर्मध्ये मग्नोहं लोहयंत्रितः। कपोतैस्तुद्यमानोऽहं गृध्रैः काकैश्च दारुणैः।

pāṁsukardamayormadhye magnohaṁ lohayaṁtritaḥ| kapotaistudyamāno'haṁ gṛdhraiḥ kākaiśca dāruṇaiḥ||

धूल और कीचड़ के बीच लोहे से जकड़ा हुआ मैं डूबा हुआ था, कबूतरों, गिद्धों तथा भयंकर कौओं द्वारा नोचा जाता हुआ।

श्लोक 20 (skanda.5.151.20)

सृगालैर्भक्ष्यमाणश्च स्थितो मद्गुरमस्तके। ऋक्षवानरयानस्थो गतोऽहं दक्षिणां दिशम्।

sṛgālairbhakṣyamāṇaśca sthito madgurumastake| ṛkṣavānarayānastho gato'haṁ dakṣiṇāṁ diśam||

सियारों द्वारा भक्षित होते हुए मैं एक ऊंचे टीले पर खड़ा था। फिर भालू और वानरों की सवारी पर चढ़कर मैं दक्षिण दिशा को गया।

श्लोक 21 (skanda.5.151.21)

नदीं निमग्नो निश्चेष्टो जलहीनां महीसमाम्। दंतैर्विदारितो रात्रौ रासभेनाहमर्द्दितः।

nadīṁ nimagno niśceṣṭo jalahīnāṁ mahīsamām| daṁtairvidārito rātrau rāsabhenāhamardditaḥ||

मैं एक जल-रहित, धरती के समान समतल नदी में निश्चेष्ट होकर डूबा हुआ था। रात्रि में दांतों से मुझे फाड़ा गया, तथा एक गधे ने मुझे रौंद डाला।

श्लोक 22 (skanda.5.151.22)

ताडितो हदयेत्यर्थं चरणैर्वज्रसंनिभैः। दृष्टिश्च हन्यतेऽत्यर्थं वेतालैर्लोहशंकुभिः।

tāḍito hṛdayetyarthaṁ caraṇairvajrasaṁnibhaiḥ| dṛṣṭiśca hanyate'tyarthaṁ vetālairlohaśaṁkubhiḥ||

वज्र के समान पैरों से मेरे हृदय पर भारी प्रहार किया गया। तथा वेतालों द्वारा लोहे की शलाकाओं से मेरी दृष्टि को अत्यंत आहत किया गया।

श्लोक 23 (skanda.5.151.23)

करालैः कंटकैः कृष्णैः पुरुषैरुद्यतायुधैः। स्वप्नेहं ताडितोत्यर्थमप्रमाणैः शितैः शरैः।

karālaiḥ kaṁṭakaiḥ kṛṣṇaiḥ puruṣairudyatāyudhaiḥ| svapne'haṁ tāḍito'tyarthamapramāṇaiḥ śitaiḥ śaraiḥ||

भयंकर, काले, कंटीले, शस्त्र उठाए हुए पुरुषों द्वारा, स्वप्न में मैं अनगिनत तीक्ष्ण बाणों से अत्यंत प्रताड़ित हुआ।

श्लोक 24 (skanda.5.151.24)

एवमेतन्मया दृष्टमिमांरात्रिं भयावहाम्। संख्यां कर्तुं न शक्येत दुःस्वप्नानपरान्बहून्।

evametanmayā dṛṣṭamimāṁrātriṁ bhayāvahām| saṁkhyāṁ kartuṁ na śakyeta duḥsvapnānaparānbahūn||

इस प्रकार इस भयावह रात्रि में मैंने यह सब देखा; ऐसे अनेक अन्य दुःस्वप्नों की तो गिनती करना भी असंभव है।

श्लोक 25 (skanda.5.151.25)

इमां तु दुःस्वप्नगतिं निरीक्ष्य वै ह्यनेकरूपामविचिंतितां पुरा। भयं महन्मे हृदयं न शुद्ध्यति प्रगृह्य बाहू विलपाम्यनाथवत्।

imāṁ tu duḥsvapnagatiṁ nirīkṣya vai hyanekarūpāmaviciṁtitāṁ purā| bhayaṁ mahanme hṛdayaṁ na śuddhyati pragṛhya bāhū vilapāmyanāthavat||

इस अनेक रूपोंवाली, पहले कभी न सोची गई इस दुःस्वप्न-गति को देखकर मुझे महान भय हुआ है; मेरा हृदय शांत नहीं हो रहा है। इसीलिए बांहें उठाकर मैं अनाथ के समान विलाप कर रहा हूं।

श्लोक 26 (skanda.5.151.26)

नृपस्य वचनं श्रुत्वा अमात्या भृशदुःखिताः। पश्यंतो दुर्निमित्ताश्च उल्कापातादिकास्तदा।

nṛpasya vacanaṁ śrutvā amātyā bhṛśaduḥkhitāḥ| paśyaṁto durnimittāśca ulkāpātādikāstadā||

राजा के इस वचन को सुनकर मंत्रीगण अत्यंत दुःखी हो गए। उसी समय उल्कापात आदि अशुभ लक्षण भी देखे जाने लगे।

श्लोक 27 (skanda.5.151.27)

सौरि सूर्यकुजाक्रांतं नगरं दृश्यतेऽधुना। नागं चतुष्पदं विष्टिं किंस्तुघ्नं शकुनिं तथा।

sauri sūryakujākrāṁtaṁ nagaraṁ dṛśyate'dhunā| nāgaṁ catuṣpadaṁ viṣṭiṁ kiṁstughnaṁ śakuniṁ tathā||

अब नगर शनि, सूर्य और मंगल से आक्रांत दिखाई देता है। नाग, चतुष्पद, विष्टि, किंस्तुघ्न तथा शकुनि करण भी अशुभ थे।

श्लोक 28 (skanda.5.151.28)

करणानि न शस्यंते मुहूर्त्ता दारुणाभवन्। विदित्वा नृपभंगं तु देशभंगकुलक्षयम्।

karaṇāni na śasyaṁte muhūrttā dāruṇābhavan| viditvā nṛpabhaṁgaṁ tu deśabhaṁgakulakṣayam||

ये करण अशुभ थे, तथा मुहूर्त भी अत्यंत भयंकर हो गए थे। इससे राजा के पतन, देश के विनाश तथा कुल-क्षय को जानकर,

श्लोक 29 (skanda.5.151.29)

आश्वासयंतो राजानमिदं वचनमब्रुवन्। अलं शोकेन काकुत्स्थ सत्यासत्या हि विभ्रमाः।

āśvāsayaṁto rājānamidaṁ vacanamabruvan| alaṁ śokena kākutstha satyāsatyā hi vibhramāḥ||

मंत्रियों ने राजा को सांत्वना देते हुए यह कहा — हे काकुत्स्थ! शोक करना व्यर्थ है, क्योंकि स्वप्न सत्य और असत्य दोनों प्रकार के भ्रम होते हैं।

श्लोक 30 (skanda.5.151.30)

दृश्यंते भाविताः पुंसि स्वप्ने धातुवशेन हि। तथा पित्रादिदेवांश्च पूजय ब्राह्मणांस्तथा।

dṛśyaṁte bhāvitāḥ puṁsi svapne dhātuvaśena hi| tathā pitrādidevāṁśca pūjaya brāhmaṇāṁstathā||

वे स्वप्न में शारीरिक धातुओं के प्रभाव से मनुष्य में प्रतीत होते हैं। इसलिए पितरों, देवताओं तथा ब्राह्मणों की पूजा कीजिए।

श्लोक 31 (skanda.5.151.31)

एभिस्ततो मोक्ष्यसे त्वं मानसादधिविभ्रमात्। यस्माद्दैवोपघातानां दैवमेव हि रक्षणम्।

ebhistato mokṣyase tvaṁ mānasādadhivibhramāt| yasmāddaivopaghātānāṁ daivameva hi rakṣaṇam||

इससे आप मानसिक व्याकुलता से मुक्त हो जाएंगे, क्योंकि दैवी उपघातों से रक्षा भी दैव द्वारा ही होती है।

श्लोक 32 (skanda.5.151.32)

एवमाश्वासितो भूपो ह्यमात्यैर्धर्मकोविदैः। तत्पापं कथयामास गुरुपुत्रवधादिकम्।

evamāśvāsito bhūpo hyamātyairdharmakovidaiḥ| tatpāpaṁ kathayāmāsa gurupu tra vadhādikam||

धर्मज्ञ मंत्रियों द्वारा इस प्रकार सांत्वना दिए जाने पर, राजा ने गुरु-पुत्र-वध आदि अपने उस पाप का वृत्तांत सुनाया।

श्लोक 33 (skanda.5.151.33)

वशिष्ठस्य सुतो ज्येष्ठः शक्तिर्वै भक्षितो मया। नृशंसेन तथामात्या एकोनं भक्षितं शतम्।

vaśiṣṭhasya suto jyeṣṭhaḥ śaktirvai bhakṣito mayā| nṛśaṁsena tathāmātyā ekonaṁ bhakṣitaṁ śatam||

वसिष्ठ के ज्येष्ठ पुत्र शक्ति को मैंने ही भक्षण किया है। हे मंत्रियों! उस क्रूरता में मैंने निन्यानवे अन्य पुत्रों को भी भक्षण किया है।

श्लोक 34 (skanda.5.151.34)

तेन पापेन संतप्तः कथं स्वस्थो भवामि वै। एकापि ब्रह्महत्याया सापि दैवात्सुदुष्करा।

tena pāpena saṁtaptaḥ kathaṁ svastho bhavāmi vai| ekāpi brahmahatyāyā sāpi daivātsuduṣkarā||

उस पाप से संतप्त मैं भला कैसे स्वस्थ हो सकता हूं? एक भी ब्रह्महत्या दैवयोग से भी अत्यंत दुष्कर अपराध है,

श्लोक 35 (skanda.5.151.35)

मया पुनर्नृशंसेन सा तथा न तु वर्जिता। कांस्तु लोकान्गमिष्यामि कृत्वा कर्म सुदारुणम्। राक्षसोऽहमनेनैव शरीरेण कुलांतकृत्।

mayā punarnṛśaṁsena sā tathā na tu varjitā| kāṁstu lokāngamiṣyāmi kṛtvā karma sudāruṇam| rākṣaso'hamanenaiva śarīreṇa kulāṁtakṛt||

किन्तु मुझ क्रूर ने तो उसे एक बार भी नहीं छोड़ा। ऐसा भयंकर कर्म करके मैं किन लोकों को प्राप्त होऊंगा? मैं इसी शरीर से राक्षस बना हुआ अपने ही कुल का विनाशक हो गया हूं।

श्लोक 36 (skanda.5.151.36)

जातः कुले रघूणां वै पापात्मा पापसंभवः। सोऽहमत्र मरिष्यामि साधयित्वा हुताशनम्।

jātaḥ kule raghūṇāṁ vai pāpātmā pāpasaṁbhavaḥ| so'hamatra mariṣyāmi sādhayitvā hutāśanam||

रघुकुल में जन्मा हुआ मैं ही पापात्मा, पाप से उत्पन्न हुआ हूं। मैं यहीं अग्नि में प्रवेश कर मर जाऊंगा।"

श्लोक 37 (skanda.5.151.37)

इति तस्य वचः श्रुत्वा सौदासस्य सुविस्मिताः। अमात्या वेदतत्त्वज्ञाः सर्वशास्त्रविशारदाः।

iti tasya vacaḥ śrutvā saudāsasya suvismitāḥ| amātyā vedatattvajñāḥ sarvaśāstraviśāradāḥ||

सौदास (कल्माषपाद) के इन वचनों को सुनकर, वेद-तत्व के ज्ञाता और समस्त शास्त्रों में निपुण मंत्रीगण अत्यंत विस्मित हो गए।

श्लोक 38 (skanda.5.151.38)

अहो पापमिदं भूरि कृतं पापेन सर्वथा। प्रायश्चित्तं न जानीमो वशिष्ठेन विनाऽधुना।

aho pāpamidaṁ bhūri kṛtaṁ pāpena sarvathā| prāyaścittaṁ na jānīmo vaśiṣṭhena vinā'dhunā||

(वे बोले) — अहो! यह अत्यंत महान पाप है, जो पूर्णतः पापपूर्वक किया गया है। वसिष्ठ के बिना अब हम इसका प्रायश्चित्त नहीं जानते।

श्लोक 39 (skanda.5.151.39)

तस्मादद्यैव गंतव्यमस्य भूपस्य कारणात्। यत्र तिष्ठति विप्रर्षिर्वशिष्ठो भगवान्मुनिः।

tasmādadyaiva gaṁtavyamasya bhūpasya kāraṇāt| yatra tiṣṭhati viprarṣirvaśiṣṭho bhagavānmuniḥ||

इसलिए इस राजा के हेतु आज ही वहां जाना चाहिए, जहां वह ब्राह्मणर्षि, भगवान मुनि वसिष्ठ निवास करते हैं।

श्लोक 40 (skanda.5.151.40)

इत्युक्त्वा सहितास्तेन तेऽमात्या भृशदुःखिताः। गत्वा यत्राश्रमे विप्रो वशिष्ठो भगवानृषिः।

ityuktvā sahitāstena te'mātyā bhṛśaduḥkhitāḥ| gatvā yatrāśrame vipro vaśiṣṭho bhagavānṛṣiḥ||

ऐसा कहकर, राजा सहित अत्यंत दुःखी वे मंत्री, उस आश्रम में गए, जहां भगवान ऋषि ब्राह्मण वसिष्ठ थे।

श्लोक 41 (skanda.5.151.41)

अदृश्यंतीं वधूं दीनां यत्राश्वासयति प्रभुः। अदृश्यंती तु तं दृष्ट्वा कूरकर्माणमग्रतः। भयसंविग्नया वाचा वशिष्ठमिदमब्रवीत्।

adṛśyaṁtīṁ vadhūṁ dīnāṁ yatrāśvāsayati prabhuḥ| adṛśyaṁtī tu taṁ dṛṣṭvā kūrakarmāṇamagrataḥ| bhayasaṁvignayā vācā vaśiṣṭhamidamabravīt||

वहां स्वामी वसिष्ठ अपनी दुःखी पत्नी अदृश्यंती को सांत्वना दे रहे थे। तभी अदृश्यंती ने सामने उस क्रूरकर्मा को देखकर, भयभीत वाणी में वसिष्ठ से यह कहा।

श्लोक 42 (skanda.5.151.42)

असौ मृत्युरिवोग्रेण दण्डेन वहुगर्वितः। प्रगृहीतेन काष्ठेन राक्षसोऽभ्येति भीषणः।

asau mṛtyurivogreṇa daṇḍena vahugarvitaḥ| pragṛhītena kāṣṭhena rākṣaso'bhyeti bhīṣaṇaḥ||

वह मृत्यु के समान भयंकर, अत्यंत गर्वित, हाथ में उग्र दंड तथा लकड़ी लिए हुए, यह राक्षस भयंकर होकर हमारी ओर आ रहा है।

श्लोक 43 (skanda.5.151.43)

तन्निवारयितुं शक्तो नान्यो वै भुवि कश्चन। त्वामृतेऽद्य महाभाग सर्ववेदविदां वर।

tannivārayituṁ śakto nānyo vai bhuvi kaścana| tvāmṛte'dya mahābhāga sarvavedavidāṁ vara||

आपके सिवा, हे महाभाग! हे समस्त वेदों के ज्ञाताओं में श्रेष्ठ! इस पृथ्वी पर आज कोई और उसे रोकने में समर्थ नहीं है।

श्लोक 44 (skanda.5.151.44)

त्राहि मां भगवन्पापादस्माद्दारुणदर्शनात्। राक्षसोऽयमिहागत्य नूनमावां समीहते।

trāhi māṁ bhagavanpāpādasmāddāruṇadarśanāt| rākṣaso'yamihāgatya nūnamāvāṁ samīhate||

हे भगवन्! इस भयंकर, दारुण दर्शनवाले पाप से मेरी रक्षा कीजिए। यह राक्षस यहां आकर निश्चय ही हम दोनों पर आक्रमण करना चाहता है।

श्लोक 45 (skanda.5.151.45)

वशिष्ठ उवाच। मा भैः पुत्रि न भेतव्यं राक्षसात्ते कथंचन। नैतद्रक्षो भयं यस्मात्पश्यसि त्वमुपस्थितम्। राजा कल्माषपादोऽयममात्यैः सहितो विभुः।

vaśiṣṭha uvāca| mā bhaiḥ putri na bhetavyaṁ rākṣasātte kathaṁcana| naitadrakṣo bhayaṁ yasmātpaśyasi tvamupasthitam| rājā kalmāṣapādo'yamamātyaiḥ sahito vibhuḥ||

वसिष्ठ बोले — हे पुत्री! भयभीत मत हो, तुम्हें इस राक्षस से कोई भय नहीं। यह जो तुम्हें उपस्थित दिखाई दे रहा है, वह राक्षस-भय नहीं है। यह तो मंत्रियों सहित राजा कल्माषपाद स्वयं है।

श्लोक 46 (skanda.5.151.46)

स एषोऽस्मिन्वनोद्देशे समायातो ममांतिकम्। तमायांतमथालक्ष्य वशिष्ठो भगवानृषिः। वारयामास तेजस्वी हुंकारेण नृपोत्तमम्।

sa eṣo'sminvanoddeśe samāyāto mamāṁtikam| tamāyāṁtamathālakṣya vaśiṣṭho bhagavānṛṣiḥ| vārayāmāsa tejasvī huṁkāreṇa nṛpottamam||

वही इस वन-प्रदेश में मेरे निकट आ पहुंचा है।" उसे आते देखकर, भगवान ऋषि वसिष्ठ ने अपने तेज से, हुंकार-मात्र से उस श्रेष्ठ राजा को रोक दिया।

श्लोक 47 (skanda.5.151.47)

मन्त्रपूतेन च ततः समभ्युक्ष्य च वारिणा। मोक्षयामास वै भावाद्राक्षसाद्राजसत्तमम्।

maṁtrapūtena ca tataḥ samabhyukṣya ca vāriṇā| mokṣayāmāsa vai bhāvādrākṣasādrājasattamam||

फिर मंत्र से पवित्र किए हुए जल से उन्हें सींचकर, हार्दिक भावना से उन्होंने उस श्रेष्ठ राजा को राक्षसत्व से मुक्त किया।

श्लोक 48 (skanda.5.151.48)

प्रतिलभ्य ततः संज्ञामभिवाद्य कृतांजलिः। उवाच नृपतिः काले वशिष्ठमृषिसत्तमम्।

pratilabhya tataḥ saṁjñāmabhivādya kṛtāṁjaliḥ| uvāca nṛpatiḥ kāle vaśiṣṭhamṛṣisattamam||

अपनी चेतना पुनः प्राप्त कर, प्रणाम करते हुए हाथ जोड़कर, उस समय राजा ने ऋषिश्रेष्ठ वसिष्ठ से यह कहा।

श्लोक 49 (skanda.5.151.49)

सौदासोऽहं महाभाग दासोऽहं तव सुव्रत। अस्मिन्काले यदिष्टं ते ब्रूहि किं करवाणि ते।

saudāso'haṁ mahābhāga dāso'haṁ tava suvrata| asminkāle yadiṣṭaṁ te brūhi kiṁ karavāṇi te||

हे महाभाग! मैं सौदास हूं, हे सुव्रत! मैं आपका दास हूं। अभी आपकी जो इच्छा हो, वह बताइए — मैं आपके लिए क्या करूं?

श्लोक 50 (skanda.5.151.50)

तस्य तद्वचनं श्रुत्वा नृपस्य द्विजसत्तमः। ज्ञात्वा तपोबलेनैव विश्वामित्रस्य चेष्टितम्। राजानं प्रत्युवाचेदं विनयावनतं तथा।

tasya tadvacanaṁ śrutvā nṛpasya dvijasattamaḥ| jñātvā tapobalenaiva viśvāmitrasya ceṣṭitam| rājānaṁ pratyuvācedaṁ vinayāvanataṁ tathā||

राजा के इस वचन को सुनकर, तथा अपने तप-बल से ही विश्वामित्र की उस चेष्टा (माया) को जानकर, द्विजश्रेष्ठ वसिष्ठ ने विनयपूर्वक झुके हुए राजा को इस प्रकार उत्तर दिया।

श्लोक 51 (skanda.5.151.51)

ज्ञातमेव यथाकालं गच्छ राजन्कुशस्थलीम्। महाकालसमीपे तु लिंगं दुःस्वप्ननाशनम्।

jñātameva yathākālaṁ gaccha rājankuśasthalīm| mahākālasamīpe tu liṁgaṁ duḥsvapnanāśanam||

मैं सब जानता हूं। समय आने पर, हे राजन्! कुशस्थली को जाओ। महाकाल के समीप एक लिंग है, जो दुःस्वप्न का नाश करने वाला है,

श्लोक 52 (skanda.5.151.52)

राजसंपत्करं दिव्यं पुत्रपौत्रविवर्द्धनम्। ब्रह्महत्यासहस्राणां स्फोटनं पापनाशनम्। तस्य दर्शनमात्रेण विपाप्मा च भविष्यसि।

rājasaṁpatkaraṁ divyaṁ putrapautravivarddhanam| brahmahatyāsahasrāṇāṁ sphoṭanaṁ pāpanāśanam| tasya darśanamātreṇa vipāpmā ca bhaviṣyasi||

जो राजसंपत्ति प्रदान करता है, दिव्य है, पुत्र-पौत्रों की वृद्धि करता है, तथा हजारों ब्रह्महत्याओं को नष्ट करने वाला, पापनाशक है। उसके दर्शन मात्र से तुम पापरहित हो जाओगे।

श्लोक 53 (skanda.5.151.53)

दुःस्वप्नजं भयं घोरं विनंक्ष्यति न संशयः। ग्रहाश्च सानुकूलास्ते भविष्यन्ति नृपोत्तम।

duḥsvapnajaṁ bhayaṁ ghoraṁ vinaṁkṣyati na saṁśayaḥ| grahāśca sānukūlāste bhaviṣyaṁti nṛpottama||

दुःस्वप्न से उत्पन्न भयंकर भय निःसंदेह नष्ट हो जाएगा। हे नृपश्रेष्ठ! ग्रह भी तुम्हारे लिए अनुकूल हो जाएंगे।

श्लोक 54 (skanda.5.151.54)

इत्युक्तो गुरुणा भूयो वशिष्ठेन महात्मना। जगाम त्वरितो देवि महाकालवनं शुभम्। ददर्श तत्र तल्लिंगं दुष्टदुःस्वप्ननाशनम्।

ityukto guruṇā bhūyo vaśiṣṭhena mahātmanā| jagāma tvarito devi mahākālavanaṁ śubham| dadarśa tatra talliṁgaṁ duṣṭaduḥsvapnanāśanam||

महात्मा गुरु वसिष्ठ द्वारा फिर से ऐसा कहे जाने पर, हे देवी! वह शीघ्रता से शुभ महाकालवन को गया, और वहां उस दुष्ट-दुःस्वप्न-नाशक लिंग के दर्शन किए।

श्लोक 55 (skanda.5.151.55)

नष्टाः सर्वेपि दुःस्वप्नाः सुस्वप्नाश्चाभवंस्तदा। राजा निष्कल्मषो भूत्वा पुनः प्राप्नोन्निजं पदम्। अयोध्यायां गतो राज्यं चकार मुदितस्तदा।

naṣṭāḥ sarvepi duḥsvapnāḥ susvapnāścābhavaṁstadā| rājā niṣkalmaṣo bhūtvā punaḥ prāpnonnijaṁ padam| ayodhyāyāṁ gato rājyaṁ cakāra muditastadā||

तब समस्त दुःस्वप्न नष्ट हो गए, और वे शुभ स्वप्न बन गए। राजा निष्पाप होकर पुनः अपने पद को प्राप्त हुआ। अयोध्या जाकर उसने प्रसन्नतापूर्वक राज्य किया।

श्लोक 56 (skanda.5.151.56)

तदाप्रभृति देवोऽयं सुस्वप्नेश्वरसंज्ञकः। बभूव भुवने ख्यातः सर्वदुःस्वप्ननाशनः।

tadāprabhṛti devo'yaṁ susvapneśvarasaṁjñakaḥ| babhūva bhuvane khyātaḥ sarvaduḥsvapnanāśanaḥ||

तभी से यह देव सुस्वप्नेश्वर के नाम से जाना जाने लगा, और संसार में सभी दुःस्वप्नों का नाश करने वाला विख्यात हुआ।

श्लोक 57 (skanda.5.151.57)

अष्टम्यां च चतुर्दश्यां देवं स्वप्नेश्वरं शिवम्। दर्शनं ये करिष्यंति स्नात्वा शिप्राजले शुभे। आजन्मप्रभवं तेषां दुःस्वप्नं च विनश्यति।

aṣṭamyāṁ ca caturdaśyāṁ devaṁ svapneśvaraṁ śivam| darśanaṁ ye kariṣyaṁti snātvā śiprājale śubhe| ājanmaprabhavaṁ teṣāṁ duḥsvapnaṁ ca vinaśyati||

जो लोग अष्टमी और चतुर्दशी को शिप्रा के शुभ जल में स्नान कर शिव स्वप्नेश्वर के दर्शन करते हैं, उनका जन्म से लेकर अब तक का समस्त दुःस्वप्न नष्ट हो जाता है।

श्लोक 58 (skanda.5.151.58)

स एव सर्वदा पूज्य इह लोके परत्र च। यः पश्यति नरो भक्त्या देवं स्वप्नेश्वरं शिवम्।

sa eva sarvadā pūjya iha loke paratra ca| yaḥ paśyati naro bhaktyā devaṁ svapneśvaraṁ śivam||

जो मनुष्य भक्तिपूर्वक शिव स्वप्नेश्वर के दर्शन करता है, वह इस लोक में और परलोक में सदा पूज्य होता है।

श्लोक 59 (skanda.5.151.59)

यं यं काममभिध्याय मनसाभिमतं नरः। तं तं दुर्ल्लभमाप्नोति सुस्वप्नेश्वरदर्शनात्।

yaṁ yaṁ kāmamabhidhyāya manasābhimataṁ naraḥ| taṁ taṁ durlabhamāpnoti susvapneśvaradarśanāt||

मनुष्य जिस-जिस कामना का मन से चिंतन करता है, वह-वह दुर्लभ कामना भी सुस्वप्नेश्वर के दर्शन से प्राप्त होती है।

श्लोक 60 (skanda.5.151.60)

नियमेन प्रपश्यंति देवं स्वप्नेश्वरं सदा। ते प्रयांति तनुं त्यक्त्वा मदीयं भवनं प्रिये।

niyamena prapaśyaṁti devaṁ svapneśvaraṁ sadā| te prayāṁti tanuṁ tyaktvā madīyaṁ bhavanaṁ priye||

जो नियमपूर्वक सदा देव स्वप्नेश्वर के दर्शन करते हैं, हे प्रिये! वे शरीर त्यागने पर मेरे ही भवन को प्राप्त होते हैं।

श्लोक 61 (skanda.5.151.61)

भक्तिहीनः क्रियाहीनो यः पश्यति प्रसंगतः। सुपुण्यां गतिमाप्नोति योगिगम्यां यशस्विनि।

bhaktihīnaḥ kriyāhīno yaḥ paśyati prasaṁgataḥ| supuṇyāṁ gatimāpnoti yogigamyāṁ yaśasvini||

हे यशस्विनि! जो भक्ति और क्रिया से रहित होकर भी संयोगवश दर्शन करता है, वह भी उस अत्यंत पुण्यमयी गति को, जो योगियों को ही प्राप्त होती है, प्राप्त कर लेता है।

श्लोक 62 (skanda.5.151.62)

ये च पुष्पैर्विचित्रैश्च पूजयन्ति च पर्वसु। ते सर्वकामसंपन्नाः श्रीबलारोग्यसंयुताः। दीर्घायुषः शुभाचारा जायन्ते देहिनोऽमलाः।

ye ca puṣpairvicitraiśca pūjayaṁti ca parvasu| te sarvakāmasaṁpannāḥ śrībalārogyasaṁyutāḥ| dīrghāyuṣaḥ śubhācārā jāyaṁte dehino'malāḥ||

जो लोग विविध पुष्पों से पर्व-दिनों में पूजा करते हैं, वे समस्त कामनाओं से संपन्न, श्री, बल तथा आरोग्य से युक्त होते हैं। वे दीर्घायु, शुभाचारी, तथा निर्मल देहधारी होकर जन्म लेते हैं।

श्लोक 63 (skanda.5.151.63)

एते च ब्रह्मविष्ण्विंद्रकुबेरदहनादयः। सुस्वप्नं परमं प्राप्ताः श्रीस्वप्नेश्वरदर्शनात्।

ete ca brahmaviṣṇvviṁdrakuberadahanādayaḥ| susvapnaṁ paramaṁ prāptāḥ śrīsvapneśvaradarśanāt||

ब्रह्मा, विष्णु, इंद्र, कुबेर, अग्नि आदि देवताओं ने भी श्री स्वप्नेश्वर के दर्शन से परम शुभ स्वप्नों को प्राप्त किया है।

श्लोक 64 (skanda.5.151.64)

एष ते कथितो देवि प्रभावः पापनाशनः। स्वप्नेश्वरस्य देवस्य शृणु लिंगचतुष्टयम्।

eṣa te kathito devi prabhāvaḥ pāpanāśanaḥ| svapneśvarasya devasya śṛṇu liṁgacatuṣṭayam||

हे देवी! इस प्रकार मैंने तुम्हें देव स्वप्नेश्वर की पापनाशक महिमा बताई; अब चार लिंगों की कथा सुनो।