कायावरोहण की महिमा

श्लोक 1 (skanda.5.153.1)

महादेव उवाच। कायावरोहणस्यापि उत्पत्तिं शृणु पार्वति। यस्याः श्रवणमात्रेण न नरः कायवान्भवेत्।

mahādeva uvāca| kāyāvarohaṇasyāpi utpattiṁ śṛṇu pārvati| yasyāḥ śravaṇamātreṇa na naraḥ kāyavānbhavet||

महादेव बोले — हे पार्वती! कायावरोहण की उत्पत्ति की कथा भी सुनो, जिसके श्रवण मात्र से मनुष्य फिर देहधारी नहीं होता।

श्लोक 2 (skanda.5.153.2)

ब्रह्मणः सृष्टिकामस्य मनोर्वैस्वतेंऽतरे। दक्षस्त्वजायतांगुष्ठाद्दक्षिणात्स प्रजापतिः।

brahmaṇaḥ sṛṣṭikāmasya manorvaisvate'ntare| dakṣastvajāyatāṁguṣṭhāddakṣiṇātsa prajāpatiḥ||

सृष्टि की इच्छा रखने वाले ब्रह्मा से, वैवस्वत मन्वंतर में, दक्षिण अंगूठे से दक्ष प्रजापति उत्पन्न हुए।

श्लोक 3 (skanda.5.153.3)

वामादजायतांगुष्ठाद्भार्या तस्य महात्मनः। तस्यां पञ्चाशतं कन्याः स एवाजनयत्प्रभुः।

vāmādajāyatāṁguṣṭhādbhāryā tasya mahātmanaḥ| tasyāṁ pañcāśataṁ kanyāḥ sa evājanayatprabhuḥ||

बाएं अंगूठे से उस महात्मा की पत्नी उत्पन्न हुई। उसमें उस प्रभु ने पचास कन्याओं को उत्पन्न किया।

श्लोक 4 (skanda.5.153.4)

ताः सर्वाश्चानवद्यांगीः कन्याः कमललोचनाः। पुत्रिकाः स्थापयामास नष्टपुत्रः प्रजापतिः।

tāḥ sarvāścānavadyāṁgīḥ kanyāḥ kamalalocanāḥ| putrikāḥ sthāpayāmāsa naṣṭaputraḥ prajāpatiḥ||

पुत्रहीन प्रजापति ने उन सभी निर्दोष अंगोंवाली, कमल-नेत्री कन्याओं को अपनी पुत्रिकाओं के रूप में स्थापित किया।

श्लोक 5 (skanda.5.153.5)

ददौ स दश धर्माय कश्यपाय त्रयोदश। दिव्येन विधिना देवि सप्तविंशतिमिंदवे।

dadau sa daśa dharmāya kaśyapāya trayodaśa| divyena vidhinā devi saptaviṁśatimiṁdave||

उसने दस कन्याएं धर्म को, तेरह कश्यप को दीं। हे देवी! दिव्य विधि से सत्ताईस कन्याएं चंद्रमा को दीं।

श्लोक 6 (skanda.5.153.6)

रोहिणी वल्लभा जाता तस्य चन्द्रस्य सर्वदा। षड्विंशतिकृते चन्द्रः शप्तो दक्षेण पार्वति।

rohiṇī vallabhā jātā tasya candrasya sarvadā| ṣaḍviṁśatikṛte candraḥ śapto dakṣeṇa pārvati||

रोहिणी उस चंद्रमा की सदा प्रिय बन गई। हे पार्वती! उस चंद्रमा को शेष छब्बीस के हेतु दक्ष ने शाप दे दिया।

श्लोक 7 (skanda.5.153.7)

चंद्रेणापि तथा शप्तो दक्षः प्राचेतसः कृतः। अयजत्सोऽश्वमेधेन भूत्वा प्राचेतसात्मजः।

caṁdreṇāpi tathā śapto dakṣaḥ prācetasaḥ kṛtaḥ| ayajatso'śvamedhena bhūtvā prācetasātmajaḥ||

चंद्रमा द्वारा भी उसी प्रकार शापित होकर, दक्ष प्राचेतस (प्रचेतस के पुत्र) बना दिया गया। प्राचेतस का पुत्र बनकर उसने अश्वमेध यज्ञ किया।

श्लोक 8 (skanda.5.153.8)

नामंत्रितोऽहं मोहेन दक्षेण पर्वतात्मजे। तत्र देवनिकायानां यज्ञभागानशेषतः।

nāmaṁtrito'haṁ mohena dakṣeṇa parvatātmaje| tatra devanikāyānāṁ yajñabhāgānaśeṣataḥ||

हे पर्वतपुत्री! मोहवश दक्ष ने मुझे उस यज्ञ में आमंत्रित नहीं किया। वहां देवगणों के लिए समस्त यज्ञ-भाग,

श्लोक 9 (skanda.5.153.9)

हव्यवाहस्तदा युक्तो वहन्मंत्रैः समीरितः। त्वया दृष्टो विशालाक्षि निरालंबेंऽबरे स्थितः।

havyavāhastadā yukto vahanmaṁtraiḥ samīritaḥ| tvayā dṛṣṭo viśālākṣi nirālaṁbe'ṁbare sthitaḥ||

मंत्रों द्वारा प्रेरित होकर उन्हें ले जाता हुआ अग्निदेव, हे विशाल नेत्रोंवाली! आधाररहित आकाश में स्थित तुमने देखा।

श्लोक 10 (skanda.5.153.10)

स्मरंत्या पूर्ववैरं तु विज्ञप्तोऽहं त्वया प्रिये। त्वं देवः सर्वदेवानां गतिश्च शरणं तथा।

smaraṁtyā pūrvavairaṁ tu vijñapto'haṁ tvayā priye| tvaṁ devaḥ sarvadevānāṁ gatiśca śaraṇaṁ tathā||

पूर्व वैर को स्मरण करते हुए, हे प्रिये! तुमने मुझसे यह निवेदन किया — तुम ही सभी देवताओं के देव हो, तुम ही उनकी गति और शरण हो।

श्लोक 11 (skanda.5.153.11)

त्वं यज्ञस्त्वं वषट्कारो होताऽध्वर्युस्त्वमेव च। त्वया विना कथं यज्ञो वर्त्तते सर्वदेवप।

tvaṁ yajñastvaṁ vaṣaṭkāro hotā'dhvaryustvameva ca| tvayā vinā kathaṁ yajño varttate sarvadevapa||

तुम ही यज्ञ हो, तुम ही वषट्कार हो, तुम ही होता और अध्वर्यु भी हो। हे सर्वदेवपते! तुम्हारे बिना यज्ञ कैसे संपन्न हो सकता है?

श्लोक 12 (skanda.5.153.12)

देवानां भागधेयानि वहत्यग्निरयं भयात्। सगर्वश्चावलिप्तश्च दक्षः प्राचेतसः किल।

devānāṁ bhāgadheyāni vahatyagnirayaṁ bhayāt| sagarvaścāvaliptaśca dakṣaḥ prācetasaḥ kila||

यह अग्नि भय से देवताओं के भागों को ढो रहा है। यह प्राचेतस दक्ष तो अत्यंत गर्वित और अहंकारी है।

श्लोक 13 (skanda.5.153.13)

अनुस्मरन्पूर्ववैरं नैव दास्यत्यशासितः। कायहीनश्च कर्त्तव्यो दक्षो वह्निस्तथैव च।

anusmaranpūrvavairaṁ naiva dāsyatyaśāsitaḥ| kāyahīnaśca karttavyo dakṣo vahnistathaiva ca||

पुराने वैर को स्मरण करते हुए, दंडित हुए बिना, वह कुछ नहीं देगा। दक्ष तथा अग्नि — दोनों को काय-रहित (देहरहित) कर देना चाहिए।

श्लोक 14 (skanda.5.153.14)

ये च यज्ञे समानीता देवा दक्षस्य शंकर। ते सर्वे कायरहिताः कार्या स्त्रिपुरसूदन।

ye ca yajñe samānītā devā dakṣasya śaṁkara| te sarve kāyarahitāḥ kāryā stripurasūdana||

हे शंकर! दक्ष के यज्ञ में जो भी देवगण एकत्रित हुए हैं, हे त्रिपुरसूदन! उन सभी को कायरहित कर दो।"

श्लोक 15 (skanda.5.153.15)

एवमुक्ते त्वया देवि मयाप्युक्तं वरानने। पूर्वजन्मनि दक्षोऽयं पिता तव शुचिस्मिते।

evamukte tvayā devi mayāpyuktaṁ varānane| pūrvajanmani dakṣo'yaṁ pitā tava śucismite||

हे देवी! तुम्हारे ऐसा कहने पर, हे वरानने! मैंने भी कहा — हे शुचिस्मिते! पूर्वजन्म में यह दक्ष तुम्हारा पिता ही है।

श्लोक 16 (skanda.5.153.16)

वह्निश्चादेशकारी च देवाः क्रीडनकाः प्रिये। मदीयं वचनं श्रुत्वा कृतः क्रोधस्त्वया प्रिये।

vahniścādeśakārī ca devāḥ krīḍanakāḥ priye| madīyaṁ vacanaṁ śrutvā kṛtaḥ krodhastvayā priye||

अग्नि तो मात्र आज्ञापालक है, तथा देवगण मात्र क्रीड़ारत हैं, हे प्रिये।" मेरे इस वचन को सुनकर, हे प्रिये! तुम्हें क्रोध आ गया।

श्लोक 17 (skanda.5.153.17)

ललाटे भ्रुकुटीं कृत्वा प्रोच्छ्वसंत्या पुनःपुनः। क्रोधात्करेण नासाग्रं मर्दितं बहुशस्तदा।

lalāṭe bhrukuṭīṁ kṛtvā procchvasaṁtyā punaḥpunaḥ| krodhātkareṇa nāsāgraṁ marditaṁ bahuśastadā||

माथे पर भृकुटी चढ़ाकर, बार-बार गहरी सांसें लेते हुए, क्रोध से तुमने अपने नासाग्र को हाथ से बार-बार मला।

श्लोक 18 (skanda.5.153.18)

तस्मिन्संमर्द्यमाने तु नासाग्रे पर्वतात्मजे। जाता स्त्री भ्रुकुटीवक्रा चतुर्दंष्ट्रा त्रिलोचना।

tasminsaṁmardyamāne tu nāsāgre parvatātmaje| jātā strī bhrukuṭīvakrā caturdaṁṣṭrā trilocanā||

हे पर्वतपुत्री! उस मले जाते हुए नासाग्र से एक स्त्री उत्पन्न हुई, जिसकी भृकुटी टेढ़ी थी, जिसके चार दाढ़ें थीं, तथा जो त्रिनेत्री थी।

श्लोक 19 (skanda.5.153.19)

बद्धगोधांगुलित्रा च कवचाबद्धमेखला। सखड्गा सधनुष्का च सतूणा सपताकिनी।

baddhagodhāṁgulitrā ca kavacābaddhamekhalā| sakhaḍgā sadhanuṣkā ca satūṇā sapatākinī||

वह हाथ-रक्षक दस्ताने बांधे, कवच और करधनी से युक्त, तलवार, धनुष, तरकश तथा पताका से सुसज्जित थी।

श्लोक 20 (skanda.5.153.20)

सहस्रास्या शतभुजा सहस्रचरणोदरी। प्रतिकूलैः पदैर्देवि कंपयंती तथा भुवम्।

sahasrāsyā śatabhujā sahasracaraṇodarī| pratikūlaiḥ padairdevi kaṁpayaṁtī tathā bhuvam||

वह सहस्र मुखोंवाली, सौ भुजाओंवाली, तथा सहस्र चरणों और उदरोंवाली थी। हे देवी! अपने विपरीत पगों से वह पृथ्वी को कंपायमान करती थी।

श्लोक 21 (skanda.5.153.21)

कृतं नाम त्वया देवि तां दृष्ट्वा च तमोमयीम्। भद्रकाली च माया च सर्वलोकनमस्कृते।

kṛtaṁ nāma tvayā devi tāṁ dṛṣṭvā ca tamomayīm| bhadrakālī ca māyā ca sarvalokanamaskṛte||

हे देवी! उस तमोमयी को देखकर तुमने उसका नाम रखा — भद्रकाली, माया, तथा सर्वलोक-नमस्कृता।

श्लोक 22 (skanda.5.153.22)

मया सृष्टस्तु पुरुषस्तादृशो लोमहर्षणः। स चापि प्रांजलिर्भूत्वा मामुवाच पुनःपुनः। आज्ञापय सुरेशान किं करोमि जगत्प्रभो।

mayā sṛṣṭastu puruṣastādṛśo lomaharṣaṇaḥ| sa cāpi prāṁjalirbhūtvā māmuvāca punaḥpunaḥ| ājñāpaya sureśāna kiṁ karomi jagatprabho||

मैंने भी वैसा ही रोंगटे खड़े कर देने वाला एक पुरुष उत्पन्न किया। वह भी हाथ जोड़कर मुझसे बार-बार बोला — हे सुरेशान! हे जगत्प्रभो! आज्ञा दीजिए, मैं क्या करूं?

श्लोक 23 (skanda.5.153.23)

ततो देवि मयाज्ञप्तो भावं ज्ञात्वा त्वदीयकम्। कृत्वा नाम मनोज्ञं तु वीरभद्र इति स्मृतः।

tato devi mayājñapto bhāvaṁ jñātvā tvadīyakam| kṛtvā nāma manojñaṁ tu vīrabhadra iti smṛtaḥ||

हे देवी! तब तुम्हारे भाव को जानकर मैंने उसे आज्ञा दी। मैंने उसका एक मनोज्ञ नाम रखा — वीरभद्र, ऐसा उसका स्मरण किया गया।

श्लोक 24 (skanda.5.153.24)

वीरभद्र ममादेशाद्भद्रकाल्या सहानया। प्राचेतसात्मजं दक्षं सगर्वं सहदैवतम्।

vīrabhadra mamādeśādbhadrakālyā sahānayā| prācetasātmajaṁ dakṣaṁ sagarvaṁ sahadaivatam||

(मैंने कहा) — हे वीरभद्र! मेरी आज्ञा से, इस भद्रकाली के साथ, अभिमानी प्राचेतस-पुत्र दक्ष को, उसके साथ उपस्थित देवताओं सहित,

श्लोक 25 (skanda.5.153.25)

विध्वंसय गणाध्यक्ष सयज्ञं सपरिग्रहम्। दत्तं मया महत्सैन्यमसंख्येयगुणस्य च।

vidhvaṁsaya gaṇādhyakṣa sayajñaṁ saparigraham| dattaṁ mayā mahatsainyamasaṁkhyeyaguṇasya ca||

उसके यज्ञ और उसकी समस्त संपत्ति सहित नष्ट कर दो, हे गणाध्यक्ष!" मैंने उसे अगणनीय गुणों वाली एक विशाल सेना भी दी।

श्लोक 26 (skanda.5.153.26)

त्वयापि भद्रकाल्यास्तु दत्तं सैन्यं भयावहम्। कपालकर्त्रिकाहस्तं मातॄणां गणमक्षयम्।

tvayāpi bhadrakālyāstu dattaṁ sainyaṁ bhayāvaham| kapālakartrikāhastaṁ mātṝṇāṁ gaṇamakṣayam||

तथा तुमने भी भद्रकाली को एक भयावह सेना दी — कपाल और कर्त्रिका हाथों में लिए हुए मातृकाओं की एक अक्षय सेना।

श्लोक 27 (skanda.5.153.27)

ततस्तौ तेन सैन्येन महतातिसमावृतौ। जग्मतुस्तत्र यत्रास्ते दक्षः प्राचेतसो यजन्।

tatastau tena sainyena mahatātisamāvṛtau| jagmatustatra yatrāste dakṣaḥ prācetaso yajan||

तब वे दोनों उस विशाल सेना से घिरे हुए, वहां गए जहां दक्ष प्राचेतस यज्ञ कर रहा था।

श्लोक 28 (skanda.5.153.28)

देवैः परिवृतो देवि सदस्यैर्ब्राह्मणैः सह। ततो देवाः सुरुद्धास्ते तेन सैन्येन पार्वति। विश्रब्धा मंत्रपूतं तु पिबंतः सोममध्वरे।

devaiḥ parivṛto devi sadasyairbrāhmaṇaiḥ saha| tato devāḥ suruddhāste tena sainyena pārvati| viśrabdhā maṁtrapūtaṁ tu pibaṁtaḥ somamadhvare||

हे देवी! वह देवताओं तथा सभासद ब्राह्मणों से घिरा हुआ था। तब निश्चिंत होकर यज्ञ में मंत्रपूत सोमपान करते हुए उन देवताओं को, हे पार्वती! उस सेना द्वारा घेर लिया गया।

श्लोक 29 (skanda.5.153.29)

त्रिनेत्रेण त्रिशूलेन त्रिदशाधिप ईश्वरः। त्रासितः सहसा शक्रो गणेनाध्वरमध्यगः।

trinetreṇa triśūlena tridaśādhipa īśvaraḥ| trāsitaḥ sahasā śakro gaṇenādhvaramadhyagaḥ||

त्रिनेत्रधारी, त्रिशूलधारी ईश्वर के उस गण द्वारा, त्रिदशों के अधिपति इंद्र को सहसा भयभीत कर दिया गया, जो यज्ञ के मध्य में खड़ा था।

श्लोक 30 (skanda.5.153.30)

यमाख्येन गणेनैव यमकल्पप्रभेण च। सोमपाने प्रसक्तश्च यमश्चाकर्षितोऽध्वरे।

yamākhyena gaṇenaiva yamakalpaprabheṇa ca| somapāne prasaktaśca yamaścākarṣito'dhvare||

यम नामक गण द्वारा, जो साक्षात् यम के समान तेजस्वी था, सोमपान में लीन यम को भी यज्ञ से घसीट लिया गया।

श्लोक 31 (skanda.5.153.31)

पाशेन वरुणो बद्धः पाशेन गणपेन तु। पश्चिमाशाधिपो वीरः प्राणेन परमेश्वरि।

pāśena varuṇo baddhaḥ pāśena gaṇapena tu| paścimāśādhipo vīraḥ prāṇena parameśvari||

हे परमेश्वरि! पश्चिम दिशा के स्वामी वरुण को पाश नामक गण ने अपने ही पाश से, तथा प्राण द्वारा बांध दिया।

श्लोक 32 (skanda.5.153.32)

ताडितोऽनिल एवाथ उत्तरे नरवाहनः। उत्तराशाधिपो देवि निधानैः सहितोऽध्वरे। वीरभद्रनियुक्तास्ते चक्रुर्युद्धं सुदारुणम्।

tāḍito'nila evātha uttare naravāhanaḥ| uttarāśādhipo devi nidhānaiḥ sahito'dhvare| vīrabhadraniyuktāste cakruryuddhaṁ sudāruṇam||

वायु को भी ताड़ित किया गया। हे देवी! नरवाहन (कुबेर), उत्तर दिशा का स्वामी, अपने निधानों (कोशों) सहित यज्ञ में था। वीरभद्र द्वारा नियुक्त वे सभी गण अत्यंत भयंकर युद्ध करने लगे।

श्लोक 33 (skanda.5.153.33)

अथ युद्धं चकारोच्चैर्भद्रकाली भयावहा। विकराली महाकाली कालिका कलशोदरी।

atha yuddhaṁ cakāroccairbhadrakālī bhayāvahā| vikarālī mahākālī kālikā kalaśodarī||

तब भयावह भद्रकाली ने भी घनघोर युद्ध किया, तथा विकराली, महाकाली, कालिका, कलशोदरी भी,

श्लोक 34 (skanda.5.153.34)

प्रज्वालज्वलनाकारा शुष्कमांसातिभैरवा। एताश्चान्याश्च शतशो नरमालाविभूषणाः।

prajvālajvalanākārā śuṣkamāṁsātibhairavā| etāścānyāśca śataśo naramālāvibhūṣaṇāḥ||

जो प्रज्वलित अग्नि के समान, सूखे मांसवाली, अत्यंत भयंकर थीं। ये तथा अन्य सैकड़ों देवियां, जो नरमुंडों की माला से विभूषित थीं,

श्लोक 35 (skanda.5.153.35)

कपालकर्त्रिकाहस्ता जघ्नुर्देवगणास्तदा। इति मातृगणं क्रुद्धं मर्दयंतं सुरास्तदा। दृष्ट्वाभ्युपगता देवास्तुषिता युद्धलालसा।

kapālakartrikāhastā jaghnurdevagaṇāstadā| iti mātṛgaṇaṁ kruddhaṁ mardayaṁtaṁ surāstadā| dṛṣṭvābhyupagatā devāstuṣitā yuddhalālasā||

कपाल और कर्त्रिका हाथों में लिए हुए, तब देवगणों का संहार करने लगीं। इस प्रकार क्रुद्ध मातृगण को देवताओं को कुचलते देखकर, तुषित नामक देवगण, युद्ध की लालसा से, वहां आ पहुंचे।

श्लोक 36 (skanda.5.153.36)

केचिच्च चिक्षिपुः शक्तीः केचित्प्रासांस्तथापरे। केचिच्च तोमरैस्तीक्ष्णैः केचित्खङ्गैश्च पट्टिशैः।

kecicca cikṣipuḥ śaktīḥ kecitprāsāṁstathāpare| kecicca tomaraistīkṣṇaiḥ kecitkhaḍgaiśca paṭṭiśaiḥ||

कुछ ने शक्तियां फेंकीं, कुछ ने भाले; कुछ ने तीक्ष्ण तोमरों से, तथा कुछ ने खड्गों और पट्टिशों से प्रहार किया।

श्लोक 37 (skanda.5.153.37)

अर्द्दितो मातृसंघस्तु पीडिताः प्रमथा यदा। भद्रकाली तदा क्रुद्धा गदया शरवृष्टिभिः।

arddito mātṛsaṁghastu pīḍitāḥ pramathā yadā| bhadrakālī tadā kruddhā gadayā śaravṛṣṭibhiḥ||

जब मातृ-संघ पीड़ित हुआ, और प्रमथगण भी पीड़ित हुए, तब भद्रकाली क्रुद्ध होकर गदा और बाणों की वर्षा से,

श्लोक 38 (skanda.5.153.38)

खड्गादिभिः षडर्कांशुः पीडयामास संयुगे। भगस्य नेत्रे पूष्णस्तु दशनाः सूदिता मुखात्।

khaḍgādibhiḥ ṣaḍarkāṁśuḥ pīḍayāmāsa saṁyuge| bhagasya netre pūṣṇastu daśanāḥ sūditā mukhāt||

तथा खड्ग आदि से युद्ध में उग्रता से पीड़ा पहुंचाने लगी। भग के नेत्र, तथा पूषा के मुख से उसके दांत भी उखाड़ दिए गए।

श्लोक 39 (skanda.5.153.39)

करान्दिनकरस्यैव चरणौ भास्करस्य च। मुशलेन हता येऽष्टौ वसवो रणकोविदाः।

karāndinakarasyaiva caraṇau bhāskarasya ca| muśalena hatā ye'ṣṭau vasavo raṇakovidāḥ||

सूर्य के हाथ, और भास्कर के चरण भी काट दिए गए। युद्ध-कुशल आठों वसु मूसल से आहत हुए,

श्लोक 40 (skanda.5.153.40)

वमन्तो रुधिरं तेऽपि नष्टा जर्जरमस्तकाः। विदेहाश्च कृता युद्धे तुषिता रणगर्विताः।

vamaṁto rudhiraṁ te'pi naṣṭā jarjaramastakāḥ| videhāśca kṛtā yuddhe tuṣitā raṇagarvitāḥ||

रक्त वमन करते हुए, मस्तक चूर-चूर होकर वे भी नष्ट हो गए। युद्ध में गर्वित तुषित गण भी विदेह (देहरहित) बना दिए गए।

श्लोक 41 (skanda.5.153.41)

बद्धः प्राचेतसो दक्षः पाशेन सुदृढेन च। शेषाश्च त्रिदशा भीता ब्रह्माणं शरणं गताः।

baddhaḥ prācetaso dakṣaḥ pāśena sudṛḍhena ca| śeṣāśca tridaśā bhītā brahmāṇaṁ śaraṇaṁ gatāḥ||

प्राचेतस दक्ष को अत्यंत सुदृढ़ पाश से बांध दिया गया। शेष भयभीत देवगण ब्रह्मा की शरण में गए।

श्लोक 42 (skanda.5.153.42)

वृत्तांतः कथितः सर्वो विस्तरेण यथा तथा। आद्या ये तुषिता देवा विदेहाश्चैव ते कृताः।

vṛttāṁtaḥ kathitaḥ sarvo vistareṇa yathā tathā| ādyā ye tuṣitā devā videhāścaiva te kṛtāḥ||

उन्होंने पूरा वृत्तांत विस्तार से यथावत् सुनाया — जो पहले के तुषित देवगण थे, वे सब देहरहित कर दिए गए हैं।

श्लोक 43 (skanda.5.153.43)

नष्टाश्च वसवो देवाः पीडिता भास्करा रणे। न ज्ञायते सहस्राक्षो न यमो न धनेश्वरः। वरुणो यादसां नाथः क्व गतः परमेश्वरः।

naṣṭāśca vasavo devāḥ pīḍitā bhāskarā raṇe| na jñāyate sahasrākṣo na yamo na dhaneśvaraḥ| varuṇo yādasāṁ nāthaḥ kva gataḥ parameśvaraḥ||

वसु देवगण नष्ट हो गए हैं, आदित्यगण युद्ध में पीड़ित हुए हैं। सहस्र-नेत्रधारी इंद्र का पता नहीं है, न यम का, न कुबेर का। जलचरों के स्वामी वरुण भी, हे परमेश्वर, कहां गए, यह ज्ञात नहीं है।"

श्लोक 44 (skanda.5.153.44)

भद्रकाल्या हतं सर्वं वीरभद्रगणेन च। भग्नश्च यज्ञयूपो वै विध्वस्तं कलशं तदा।

bhadrakālyā hataṁ sarvaṁ vīrabhadragaṇena ca| bhagnaśca yajñayūpo vai vidhvastaṁ kalaśaṁ tadā||

भद्रकाली द्वारा तथा वीरभद्र के गण द्वारा सब कुछ नष्ट कर दिया गया है। यज्ञ-यूप टूट गया है, और यज्ञ-कलश भी नष्ट हो गया है।

श्लोक 45 (skanda.5.153.45)

प्रदीपिता महाशाला भग्नं वै यज्ञतोरणम्। तेषां तु वचनं श्रुत्वा ब्रह्मा लोकपितामहः। आजगाम कृपाविष्टो यत्राहं मन्दरे स्थितः।

pradīpitā mahāśālā bhagnaṁ vai yajñatoraṇam| teṣāṁ tu vacanaṁ śrutvā brahmā lokapitāmahaḥ| ājagāma kṛpāviṣṭo yatrāhaṁ mandare sthitaḥ||

महाशाला (यज्ञशाला) जल उठी है, तथा यज्ञ-तोरण भी टूट गया है।" उनके इस वचन को सुनकर, लोक के पितामह ब्रह्मा करुणा से भरकर वहां आए, जहां मैं मंदराचल पर स्थित था।

श्लोक 46 (skanda.5.153.46)

स्तुतिं कृत्वा मदीयां तु वाक्यमुक्तमिदं तदा। आद्या ये तुषिता देवा विदेहाश्चैव ते कृताः।

stutiṁ kṛtvā madīyāṁ tu vākyamuktamidaṁ tadā| ādyā ye tuṣitā devā videhāścaiva te kṛtāḥ||

मेरी स्तुति करके, उन्होंने तब यह वचन कहा — जो पहले के तुषित देवगण थे, वे सब देहरहित कर दिए गए हैं।

श्लोक 47 (skanda.5.153.47)

भद्रकाल्या महादेव वसवो जर्जरीकृताः। पीडिता भास्करा युद्धे शेषा नष्टा दिशो गताः।

bhadrakālyā mahādeva vasavo jarjarīkṛtāḥ| pīḍitā bhāskarā yuddhe śeṣā naṣṭā diśo gatāḥ||

हे महादेव! भद्रकाली द्वारा वसुगण चूर-चूर कर दिए गए हैं, आदित्यगण युद्ध में पीड़ित हुए हैं, तथा शेष देवगण नष्ट होकर दिशाओं में भाग गए हैं।

श्लोक 48 (skanda.5.153.48)

कायावरोहणं देव तुषितानां कथं भवेत्। ब्रह्मणो वचनं श्रुत्वा मया प्रोक्तं वरानने।

kāyāvarohaṇaṁ deva tuṣitānāṁ kathaṁ bhavet| brahmaṇo vacanaṁ śrutvā mayā proktaṁ varānane||

हे देव! उन तुषितगणों का देह में पुनः अवतरण कैसे होगा?" ब्रह्मा के इस वचन को सुनकर, हे वरानने! मैंने कहा।

श्लोक 49 (skanda.5.153.49)

महाकालवने क्षेत्रे गच्छन्तु तुषितास्त्वमी। लकुटीशो गतो यत्र कायावरोहणाद्ग्रहम्।

mahākālavane kṣetre gacchaṁtu tuṣitāstvamī| lakuṭīśo gato yatra kāyāvarohaṇādgraham||

"ये तुषितगण महाकालवन क्षेत्र में जाएं, जहां लकुटीश गए, कायावरोहण के ग्रह-स्थल में।

श्लोक 50 (skanda.5.153.50)

ब्राह्मणाश्च ममादेशाच्चतुःशिष्यैः समन्विताः। द्वापरे समतिक्रांते प्राप्ते कलियुगे तथा।

brāhmaṇāśca mamādeśāccatuḥśiṣyaiḥ samanvitāḥ| dvāpare samatikrāṁte prāpte kaliyuge tathā||

मेरी आज्ञा से ब्राह्मण, चार शिष्यों सहित, द्वापर युग के बीत जाने और कलियुग के आने पर,

श्लोक 51 (skanda.5.153.51)

तत्र कायमनुप्राप्ता मम शिष्या ममोपमाः। अवसंत क्षितौ धन्या रक्षणार्थं द्विजन्मनाम्।

tatra kāyamanuprāptā mama śiṣyā mamopamāḥ| avasaṁta kṣitau dhanyā rakṣaṇārthaṁ dvijanmanām||

वहां देह को पुनः प्राप्त कर, मेरे शिष्य, मेरे ही समान, द्विजों की रक्षा के हेतु, धन्य होकर पृथ्वी पर निवास करेंगे।

श्लोक 52 (skanda.5.153.52)

क्षेत्रस्य दक्षिणे तस्य विद्यते लिंगमुत्तमम्। सर्वसंपत्करं दिव्यं सिद्धानां कायदायकम्।

kṣetrasya dakṣiṇe tasya vidyate liṁgamuttamam| sarvasaṁpatkaraṁ divyaṁ siddhānāṁ kāyadāyakam||

उस क्षेत्र के दक्षिण में एक उत्तम लिंग विद्यमान है, जो समस्त संपत्ति देने वाला, दिव्य, तथा सिद्धों को देह प्रदान करने वाला है।

श्लोक 53 (skanda.5.153.53)

प्रसादात्तस्य लिंगस्य कायान्प्राप्स्यंत्यमी सुराः। मदीयं वचनं श्रुत्वा गतास्ते तुषिताः प्रिये।

prasādāttasya liṁgasya kāyānprāpsyaṁtyamī surāḥ| madīyaṁ vacanaṁ śrutvā gatāste tuṣitāḥ priye||

उस लिंग की कृपा से ये देवगण अपने शरीर को पुनः प्राप्त करेंगे।" मेरे इस वचन को सुनकर, हे प्रिये! वे तुषितगण वहां गए।

श्लोक 54 (skanda.5.153.54)

मुदिता ब्रह्मणा सार्द्धं यत्र तल्लिंगमुत्तमम्। प्रसादात्तस्य लिंगस्य प्राप्तं कायमनुत्तमम्।

muditā brahmaṇā sārddhaṁ yatra talliṁgamuttamam| prasādāttasya liṁgasya prāptaṁ kāyamanuttamam||

आनंदित होकर ब्रह्मा के साथ, जहां वह उत्तम लिंग था। उस लिंग की कृपा से उन्होंने अनुपम शरीर पुनः प्राप्त किया।

श्लोक 55 (skanda.5.153.55)

पुनस्ते तादृशा जातास्तुषिता यादृशाऽभवन्। अतो देवैः कृतं नाम कायावरोहणेश्वरः। समीहितप्रदो नित्यं ख्यातो देवो भविष्यति।

punaste tādṛśā jātāstuṣitā yādṛśā'bhavan| ato devaiḥ kṛtaṁ nāma kāyāvarohaṇeśvaraḥ| samīhitaprado nityaṁ khyāto devo bhaviṣyati||

वे तुषितगण फिर उसी रूप में हो गए, जैसे पहले थे। इसीलिए देवताओं ने इस लिंग का नाम रखा — कायावरोहणेश्वर, जो नित्य इच्छित फल देने वाला देव विख्यात होगा।

श्लोक 56 (skanda.5.153.56)

ये गत्वा दक्षिणामाशां देवं कायावरोहणम्। पश्यंति परया भक्त्या यमस्तेषां पिता भवेत्।

ye gatvā dakṣiṇāmāśāṁ devaṁ kāyāvarohaṇam| paśyaṁti parayā bhaktyā yamasteṣāṁ pitā bhavet||

जो लोग दक्षिण दिशा में जाकर परम भक्तिपूर्वक देव कायावरोहण के दर्शन करते हैं, यम स्वयं उनका पिता बन जाता है।

श्लोक 57 (skanda.5.153.57)

जन्मकोटिसहस्रैस्तु यत्पापं समुपार्जितम्। तत्सर्वं नाशमायाति दर्शनादेव नान्यथा।

janmakoṭisahasraistu yatpāpaṁ samupārjitam| tatsarvaṁ nāśamāyāti darśanādeva nānyathā||

हजारों करोड़ जन्मों में जो पाप अर्जित किया गया हो, वह सब दर्शन मात्र से ही नष्ट हो जाता है, अन्यथा नहीं।

श्लोक 58 (skanda.5.153.58)

स्वकर्मणा गता ये च नरके पितरो गणाः। दर्शनात्तस्य लिंगस्य तेषां मुक्तिर्भविष्यति।

svakarmaṇā gatā ye ca narake pitaro gaṇāḥ| darśanāttasya liṁgasya teṣāṁ muktirbhaviṣyati||

जो पितरगण अपने ही कर्म से नरक को प्राप्त हुए हैं, उस लिंग के दर्शन से उनकी भी मुक्ति हो जाती है।

श्लोक 59 (skanda.5.153.59)

ये पश्यंति प्रसंगेन देवं कायारोहणम्। न तेषां पुनरावृत्तिः कल्पकोटिशतैरपि।

ye paśyaṁti prasaṁgena devaṁ kāyārohaṇam| na teṣāṁ punarāvṛttiḥ kalpakoṭiśatairapi||

जो लोग अवसरवश भी देव कायावरोहण के दर्शन करते हैं, उनका सैकड़ों करोड़ कल्पों तक भी पुनरावर्तन नहीं होता।

श्लोक 60 (skanda.5.153.60)

स्पर्शनात्तस्य लिंगस्य पापिनोपि हि ये नराः। ते यास्यंति परं स्थानं सर्वपापविवर्जितम्।

sparśanāttasya liṁgasya pāpino'pi hi ye narāḥ| te yāsyaṁti paraṁ sthānaṁ sarvapāpavivarjitam||

जो मनुष्य पापी भी हैं, वे भी उस लिंग के स्पर्श से समस्त पापों से रहित होकर उस परम स्थान को प्राप्त होते हैं।

श्लोक 61 (skanda.5.153.61)

शाठ्येन पूजितो देवः कायावरोहणेश्वरः। ददाति राज्यं भोगांश्च स्वर्गलोकं सनातनम्।

śāṭhyena pūjito devaḥ kāyāvarohaṇeśvaraḥ| dadāti rājyaṁ bhogāṁśca svargalokaṁ sanātanam||

कपटपूर्वक भी पूजित होने पर देव कायावरोहणेश्वर राज्य, भोग, तथा सनातन स्वर्गलोक प्रदान करते हैं।

श्लोक 62 (skanda.5.153.62)

द्वादश्यां ये प्रपश्यंति स्नात्वा कायावरोहणम्। ते भित्त्वा ब्रह्मसदनं यास्यन्ति परमां गतिम्।

dvādaśyāṁ ye prapaśyaṁti snātvā kāyāvarohaṇam| te bhittvā brahmasadanaṁ yāsyaṁti paramāṁ gatim||

जो द्वादशी के दिन स्नान कर कायावरोहण के दर्शन करते हैं, वे ब्रह्मलोक को भी भेदकर परम गति को प्राप्त होते हैं।

श्लोक 63 (skanda.5.153.63)

एष ते कथितो देवि प्रभावः पापनाशनः। कायावरोहणेशस्य बिल्वेश्वरमथो शृणु।

eṣa te kathito devi prabhāvaḥ pāpanāśanaḥ| kāyāvarohaṇeśasya bilveśvaramatho śṛṇu||

हे देवी! इस प्रकार मैंने तुम्हें देव कायावरोहणेश की पापनाशक महिमा बताई; अब बिल्वेश्वर की कथा सुनो।