पुराण-संहिता वर्णन

श्लोक 1 (skanda.5.156.1)

श्रीगणेशाय नमः॥

śrīgaṇeśāya namaḥ||

श्रीगणेशजी को नमस्कार।

श्लोक 2 (skanda.5.156.2)

ओं नमः श्रीपुरुषोत्तमाय। ओं नमः श्रीनर्मदायै। ओं नमो हरिहरहिरण्यगर्भेभ्यो नमो व्यासवाल्मीकिशुकपराशरेभ्यो नमो गुरुगोब्राह्मणेभ्यः। ओं मज्जन्मातङ्गगण्डच्युतमदमदिरामोदमत्तालिमालं स्नानैः सिद्धाङ्गनानां कुचयुगविगलत्कुङ्कुमासङ्गपिङ्गम्। सायं प्रातर्मुनीनां कुसुमचयसमाच्छन्नतीरस्थवृक्षं पायाद्वो नर्मदाम्भः करिमकरकराक्रान्तरहंस्तरंगम्॥

oṁ namaḥ śrīpuruṣottamāya| oṁ namaḥ śrīnarmadāyai| oṁ namo hariharahiraṇyagarbhebhyo namo vyāsavālmīkiśukaparāśarebhyo namo gurugobrāhmaṇebhyaḥ| oṁ majjanmātaṅgagaṇḍacyutamadamadirāmodamattālimālaṁ snānaiḥ siddhāṅganānāṁ kucayugavigalatkuṅkumāsaṅgapiṅgam| sāyaṁ prātarmunīnāṁ kusumacayasamācchannatīrasthavṛkṣaṁ pāyādvo narmadāmbhaḥ karimakarakarākrāntarahaṁstaraṁgam||

ॐ श्रीपुरुषोत्तम को नमस्कार। ॐ श्रीनर्मदा को नमस्कार। ॐ हरि, हर और हिरण्यगर्भ को नमस्कार, व्यास, वाल्मीकि, शुक और पराशर को नमस्कार, गुरु, गौ और ब्राह्मणों को नमस्कार। हाथियों के गण्डस्थलों से झरते मदजल की सुगन्ध से मतवाली भ्रमर-पंक्तियों से युक्त, सिद्धांगनाओं के स्नान से उनके कुचयुगल से बहते कुंकुम के संसर्ग से पिंगल वर्ण, प्रातः-सायं मुनियों द्वारा चढ़ाए पुष्पसमूहों से आच्छादित तटवृक्षों वाला, हंस-तरंगों को मगरमच्छों की सूँड़ों से आक्रान्त करने वाला नर्मदा का जल तुम्हारी सदा रक्षा करे।

श्लोक 3 (skanda.5.156.3)

उभयतटपुण्यतीर्था प्रक्षालितसकलललोकदुरितौघा। देवमुनिमनुजवन्द्या हरतु सदा नर्मदा दुरितम्॥

ubhayataṭapuṇyatīrthā prakṣālitasakalalalokaduritaughā| devamunimanujavandyā haratu sadā narmadā duritam||

दोनों तटों पर पवित्र तीर्थों वाली, समस्त लोकों के पापसमूह को धो डालने वाली, देवता-मुनि-मनुष्यों से वन्दित नर्मदा सदा पाप का हरण करे।

श्लोक 4 (skanda.5.156.4)

नाशयतु दुरितमखिलं भूतं भव्यं भवच्च भुवि भविनाम्। सकलपवित्रि तव सुधा पुण्यजला नर्मदा भवति॥

nāśayatu duritamakhilaṁ bhūtaṁ bhavyaṁ bhavacca bhuvi bhavinām| sakalapavitri tava sudhā puṇyajalā narmadā bhavati||

वह प्राणियों के भूत, भविष्य और वर्तमान समस्त पाप का नाश करे; हे सर्वपावनि! तुम्हारा अमृततुल्य पुण्यजल ही नर्मदा है।

श्लोक 5 (skanda.5.156.5)

तटपुलिनं शिवदेवा यस्या यतयोऽपि कामयन्ते वा। मुनिनिवहविहितसेवा शिवाय मम जायतां रेवा॥

taṭapulinaṁ śivadevā yasyā yatayo'pi kāmayante vā| muninivahavihitasevā śivāya mama jāyatāṁ revā||

जिसके तटस्थ बालुका-प्रदेश की कामना स्वयं शिव-देवता और यति भी करते हैं, मुनिसमूहों द्वारा सेवित रेवा मेरे कल्याण के लिए प्रकट हो।

श्लोक 6 (skanda.5.156.6)

नारायणं नमस्कृत्वा नरं चैव नरोत्तमम्। देवीं सरस्वतीं व्यासं ततो जयमुदीरयेत्॥

nārāyaṇaṁ namaskṛtvā naraṁ caiva narottamam| devīṁ sarasvatīṁ vyāsaṁ tato jayamudīrayet||

नारायण, नर में श्रेष्ठ नर, देवी सरस्वती और व्यास को नमस्कार करके तत्पश्चात् जय (कथा) का उच्चारण करे।

श्लोक 7 (skanda.5.156.7)

नैमिषे पुण्यनिलये नानाऋषिनिषेविते। शौनकः सत्रमासीनः सूत पप्रच्छ विस्तरात्॥

naimiṣe puṇyanilaye nānāṛṣiniṣevite| śaunakaḥ satramāsīnaḥ sūta papraccha vistarāt||

अनेक ऋषियों से सेवित पवित्र निवासस्थान नैमिषारण्य में सत्र में बैठे शौनक ने सूतजी से विस्तारपूर्वक पूछा।

श्लोक 8 (skanda.5.156.8)

मन्येऽहं धर्मनैपुण्यं त्वयि सूत सदार्चितम्। पुण्यामृतकथावक्ता व्याससशिष्यस्त्वमेव हि॥

manye'haṁ dharmanaipuṇyaṁ tvayi sūta sadārcitam| puṇyāmṛtakathāvaktā vyāsasaśiṣyastvameva hi||

हे सूत! मैं मानता हूँ कि धर्म में निपुणता सदा तुम्हीं में प्रतिष्ठित है; व्यासजी के शिष्य होकर तुम ही पुण्य अमृततुल्य कथाओं के वक्ता हो।

श्लोक 9 (skanda.5.156.9)

अतस्त्वां परिपृच्छामि धर्मतीर्थाश्रयं कवे। बहूनि सन्ति तीर्थानि बहुशो मे श्रुतानि च॥

atastvāṁ paripṛcchāmi dharmatīrthāśrayaṁ kave| bahūni santi tīrthāni bahuśo me śrutāni ca||

इसलिए हे कविश्रेष्ठ! मैं तुमसे धर्म-तीर्थों के आश्रय के विषय में पूछता हूँ। बहुत से तीर्थ हैं, और मैंने बहुत बार उनके विषय में सुना भी है।

श्लोक 10 (skanda.5.156.10)

श्रुता दिव्यनदी ब्राह्मी तथा विष्णुनदी मया। तृतीया न मया क्वापि श्रुता रौद्री सरिद्वरा॥

śrutā divyanadī brāhmī tathā viṣṇunadī mayā| tṛtīyā na mayā kvāpi śrutā raudrī saridvarā||

मैंने ब्रह्मा की दिव्य नदी और विष्णु की नदी के विषय में सुना है, किन्तु तीसरी, रुद्र की श्रेष्ठ नदी के विषय में मैंने कहीं नहीं सुना।

श्लोक 11 (skanda.5.156.11)

तां वेदगर्भां विख्यातां विबुधौघाभिवन्दिताम्। वद मे त्वं महाप्राज्ञ तीर्थपूगपरिष्कृताम्॥

tāṁ vedagarbhāṁ vikhyātāṁ vibudhaughābhivanditām| vada me tvaṁ mahāprājña tīrthapūgapariṣkṛtām||

हे महाप्राज्ञ! वेद की गर्भस्वरूपा, विख्यात, देवसमूहों से वन्दित, तीर्थसमूहों से सुसज्जित उस नदी के विषय में मुझसे कहो।

श्लोक 12 (skanda.5.156.12)

कं देशमाश्रिता रेवा कथं श्रीरुद्रसंभवा। तत्संश्रितानि तीर्थानि यानि तानि वदस्व मे॥

kaṁ deśamāśritā revā kathaṁ śrīrudrasaṁbhavā| tatsaṁśritāni tīrthāni yāni tāni vadasva me||

रेवा किस देश का आश्रय लेकर बहती है, वह श्रीरुद्र से कैसे उत्पन्न हुई, और उसके आश्रित जो तीर्थ हैं वे भी मुझसे कहो।

श्लोक 13 (skanda.5.156.13)

सूत उवाच। साधु पृष्टं कुलपते चरित्रं नर्मदाश्रितम्। चित्रं पवित्रं दोषघ्नं श्रुतमुक्तं च सत्तम॥

sūta uvāca| sādhu pṛṣṭaṁ kulapate caritraṁ narmadāśritam| citraṁ pavitraṁ doṣaghnaṁ śrutamuktaṁ ca sattama||

सूतजी बोले — हे कुलपते! भली-भाँति पूछा गया, नर्मदा से सम्बन्धित यह चरित्र विचित्र, पवित्र, दोषनाशक तथा हे सत्तम! सुनने और कहने योग्य है।

श्लोक 14 (skanda.5.156.14)

वेदोपवेदवेदाङ्गादीन्यभिव्यस्य पूरितः। अष्टादशपुराणानां वक्ता सत्यवतीसुतः॥

vedopavedavedāṅgādīnyabhivyasya pūritaḥ| aṣṭādaśapurāṇānāṁ vaktā satyavatīsutaḥ||

वेद, उपवेद, वेदांग आदि का विस्तार करके पूर्ण हुए सत्यवती-पुत्र व्यासजी अठारह पुराणों के वक्ता हैं।

श्लोक 15 (skanda.5.156.15)

तं नमस्कृत्य वक्ष्यामि पुराणानि यथाक्रमम्। येषामभिव्याहरणादभिवृद्धिर्वृषायुषोः॥

taṁ namaskṛtya vakṣyāmi purāṇāni yathākramam| yeṣāmabhivyāharaṇādabhivṛddhirvṛṣāyuṣoḥ||

उन्हें नमस्कार करके मैं पुराणों को क्रमशः कहूँगा, जिनके उच्चारण से धर्म और आयु की वृद्धि होती है।

श्लोक 16 (skanda.5.156.16)

श्रुतिः स्मृतिश्च विप्राणां चक्षुषी परिकीर्तिते। काणस्तत्रैकया हीनो द्वाभ्यामन्धः प्रकीर्तितः॥

śrutiḥ smṛtiśca viprāṇāṁ cakṣuṣī parikīrtite| kāṇastatraikayā hīno dvābhyāmandhaḥ prakīrtitaḥ||

श्रुति और स्मृति ब्राह्मणों के दो नेत्र कहे गए हैं; इनमें से एक से रहित काना कहा जाता है, दोनों से रहित अंधा कहा जाता है।

श्लोक 17 (skanda.5.156.17)

श्रुतिस्मृतिपुराणानि विदुषां लोचनत्रयम्। यस्त्रिभिर्नयनैः पश्येत्सोऽंशो माहेश्वरो मतः॥

śrutismṛtipurāṇāni viduṣāṁ locanatrayam| yastribhirnayanaiḥ paśyetso'ṁśo māheśvaro mataḥ||

श्रुति, स्मृति और पुराण विद्वानों के तीन नेत्र हैं; जो इन तीनों नेत्रों से देखता है वह माहेश्वर का अंश माना जाता है।

श्लोक 18 (skanda.5.156.18)

आत्मनो वेदविद्या च ईश्वरेण विनिर्मिता। शौनकीया च पौराणी धर्मशास्त्रात्मिका च या॥

ātmano vedavidyā ca īśvareṇa vinirmitā| śaunakīyā ca paurāṇī dharmaśāstrātmikā ca yā||

आत्मा की वेदविद्या ईश्वर द्वारा ही रची गई है, वैसे ही शौनकीय विद्या, पौराणिक विद्या तथा धर्मशास्त्रस्वरूपा विद्या भी।

श्लोक 19 (skanda.5.156.19)

तिस्रो विद्या इमा मुख्याः सर्वशास्त्रविनिर्णये। पुराणं पञ्चमो वेद इति ब्रह्मानुशासनम्॥

tisro vidyā imā mukhyāḥ sarvaśāstravinirṇaye| purāṇaṁ pañcamo veda iti brahmānuśāsanam||

ये तीनों विद्याएँ समस्त शास्त्रों के निर्णय में प्रमुख हैं; 'पुराण पाँचवाँ वेद है' — यह स्वयं ब्रह्मा का अनुशासन है।

श्लोक 20 (skanda.5.156.20)

यो न वेद पुराणं हि न स वेदात्र किंचन। कतमः स हि धर्मोऽस्ति किं वा ज्ञानं तथाविधम्॥

yo na veda purāṇaṁ hi na sa vedātra kiṁcana| katamaḥ sa hi dharmo'sti kiṁ vā jñānaṁ tathāvidham||

जो पुराण को नहीं जानता वह यहाँ कुछ भी नहीं जानता; उसका धर्म ही क्या है, और वैसा ज्ञान ही क्या है?

श्लोक 21 (skanda.5.156.21)

अन्यद्वा तत्किमत्राह पुराणे यन्न दृश्यते। वेदाः प्रतिष्ठिताः पूर्वं पुराणे नात्र संशयः॥

anyadvā tatkimatrāha purāṇe yanna dṛśyate| vedāḥ pratiṣṭhitāḥ pūrvaṁ purāṇe nātra saṁśayaḥ||

और यहाँ ऐसा क्या है जो पुराण में दिखाई नहीं देता? वेद पहले पुराण में ही प्रतिष्ठित थे, इसमें कोई संशय नहीं है।

श्लोक 22 (skanda.5.156.22)

बिभेत्यल्पश्रुताद्वेदो मामयं प्रतरिष्यति। इतिहासपुराणैश्च कृतोऽयं निश्चयः पुरा॥

bibhetyalpaśrutādvedo māmayaṁ pratariṣyati| itihāsapurāṇaiśca kṛto'yaṁ niścayaḥ purā||

अल्पज्ञ पुरुष से वेद डरता है, यह सोचकर कि 'यह मुझे लाँघ जाएगा'; यह निश्चय पूर्वकाल में इतिहास और पुराणों द्वारा ही स्थापित किया गया।

श्लोक 23 (skanda.5.156.23)

आत्मा पुराणं वेदानां पृथगंगानि तानि षट्। यच्च दृष्टं हि वेदेषु तद्दृष्टं स्मृतिभिः किल॥

ātmā purāṇaṁ vedānāṁ pṛthagaṁgāni tāni ṣaṭ| yacca dṛṣṭaṁ hi vedeṣu taddṛṣṭaṁ smṛtibhiḥ kila||

पुराण वेदों की आत्मा है, वे छहों वेदांग उसके पृथक् अंग हैं; और वेदों में जो देखा गया है वह स्मृतियों में भी देखा गया है।

श्लोक 24 (skanda.5.156.24)

उभाभ्यां यत्तु दृष्टं हि तत्पुराणेषु गीयते। पुराणं सर्वशास्त्राणां प्रथमं ब्रह्मणः स्मृतम्॥

ubhābhyāṁ yattu dṛṣṭaṁ hi tatpurāṇeṣu gīyate| purāṇaṁ sarvaśāstrāṇāṁ prathamaṁ brahmaṇaḥ smṛtam||

और जो दोनों में एक साथ देखा गया है, वह पुराणों में गाया जाता है। पुराण को सब शास्त्रों में सबसे पहले ब्रह्मा से उत्पन्न स्मृत किया गया है।

श्लोक 25 (skanda.5.156.25)

अनन्तरं च वक्त्रेभ्यो वेदास्तस्य विनिर्गताः। पुराणमेकमेवासीदस्मिन् कल्पान्तरे मुने॥

anantaraṁ ca vaktrebhyo vedāstasya vinirgatāḥ| purāṇamekamevāsīdasmin kalpāntare mune||

उसके पश्चात् ही उनके मुखों से वेद प्रकट हुए। हे मुने! इस अन्य कल्प में एक ही पुराण था।

श्लोक 26 (skanda.5.156.26)

त्रिवर्गसाधनं पुण्यं शतकोटिप्रविस्तरम्। स्मृत्वा जगाद च मुनीन्प्रति देवश्चतुर्मुखः॥

trivargasādhanaṁ puṇyaṁ śatakoṭipravistaram| smṛtvā jagāda ca munīnprati devaścaturmukhaḥ||

त्रिवर्ग (धर्म, अर्थ, काम) का साधक, पुण्य, शतकोटि विस्तार वाले उस पुराण का स्मरण करके चतुर्मुख ब्रह्मा ने मुनियों से कहा।

श्लोक 27 (skanda.5.156.27)

प्रवृत्तिः सर्वशास्त्राणां पुराणस्याभवत्ततः। कालेनाग्रहणं दृष्ट्वा पुराणस्य ततो मुनिः॥

pravṛttiḥ sarvaśāstrāṇāṁ purāṇasyābhavattataḥ| kālenāgrahaṇaṁ dṛṣṭvā purāṇasya tato muniḥ||

तभी से समस्त शास्त्रों की प्रवृत्ति उस पुराण से हुई। कालक्रम में उसके ग्रहण न हो सकने की सम्भावना देखकर मुनि (व्यास) ने...

श्लोक 28 (skanda.5.156.28)

व्यासरूपं विभुः कृत्वा संहरेत्स युगे युगे। अष्टलक्षप्रमाणे तु द्वापरे द्वापरे सदा॥

vyāsarūpaṁ vibhuḥ kṛtvā saṁharetsa yuge yuge| aṣṭalakṣapramāṇe tu dvāpare dvāpare sadā||

...व्यास का रूप धारण कर वे विभु प्रत्येक युग में उसका संहरण (संक्षेपण) करते हैं; प्रत्येक द्वापर में सदा आठ लाख की संख्या में।

श्लोक 29 (skanda.5.156.29)

तदष्टादशधा कृत्वा भूलोकेऽस्मिन् प्रभाष्यते। अद्यापि देवलोके तच्छतकोटिप्रविस्तरम्॥

tadaṣṭādaśadhā kṛtvā bhūloke'smin prabhāṣyate| adyāpi devaloke tacchatakoṭipravistaram||

उसे अठारह भागों में करके इस भूलोक में कहा जाता है; आज भी देवलोक में वह शतकोटि विस्तार वाला ही है।

श्लोक 30 (skanda.5.156.30)

तथात्र चतुर्लक्षं संक्षेपेण निवेशितम्। पुराणानि दशाष्टौ च साम्प्रतं तदिहोच्यते। नामतस्तानि वक्ष्यामि शृणु त्वमृषिसत्तम॥

tathātra caturlakṣaṁ saṁkṣepeṇa niveśitam| purāṇāni daśāṣṭau ca sāmprataṁ tadihocyate| nāmatastāni vakṣyāmi śṛṇu tvamṛṣisattama||

यहाँ संक्षेप में चार लाख श्लोक स्थापित किए गए हैं; अठारह पुराण अब यहाँ कहे जाते हैं। हे ऋषिसत्तम! सुनो, मैं उन्हें नाम से कहूँगा।

श्लोक 31 (skanda.5.156.31)

सर्गश्च प्रतिसर्गश्च वंशो मन्वन्तराणि च। वंशानुचरितं चैव पुराणं पञ्चलक्षणम्॥

sargaśca pratisargaśca vaṁśo manvantarāṇi ca| vaṁśānucaritaṁ caiva purāṇaṁ pañcalakṣaṇam||

सर्ग, प्रतिसर्ग, वंश, मन्वन्तर और वंशानुचरित — ये पाँच लक्षण पुराण के हैं।

श्लोक 32 (skanda.5.156.32)

ब्राह्मं पुराणं तत्राद्यं संहितायां विभूषितम्। श्लोकानां दशसाहस्रं नानापुण्यकथायुतम्॥

brāhmaṁ purāṇaṁ tatrādyaṁ saṁhitāyāṁ vibhūṣitam| ślokānāṁ daśasāhasraṁ nānāpuṇyakathāyutam||

उनमें प्रथम ब्रह्म पुराण है, जो अपनी संहिता में विभूषित है, दस हज़ार श्लोकों वाला, नाना पुण्यकथाओं से युक्त।

श्लोक 33 (skanda.5.156.33)

पाद्मं च पञ्चपञ्चाशत्सहस्राणि निगद्यते। तृतीयं वैष्णवंनाम त्रयोविंशतिसंख्यया॥

pādmaṁ ca pañcapañcāśatsahasrāṇi nigadyate| tṛtīyaṁ vaiṣṇavaṁnāma trayoviṁśatisaṁkhyayā||

पद्म पुराण पचपन हज़ार श्लोकों का कहा जाता है; तीसरा वैष्णव नामक तेईस हज़ार की संख्या वाला है।

श्लोक 34 (skanda.5.156.34)

चतुर्थं वायुना प्रोक्तं वायवीयमिति स्मृतम्। शिवभक्तिसमायोगाच्छैवं तच्चापराख्यया॥

caturthaṁ vāyunā proktaṁ vāyavīyamiti smṛtam| śivabhaktisamāyogācchaivaṁ taccāparākhyayā||

चौथा वायु द्वारा कहा गया वायवीय नाम से स्मृत है; शिवभक्ति से युक्त होने के कारण वह शैव नाम से भी जाना जाता है।

श्लोक 35 (skanda.5.156.35)

चतुर्विंशतिसंख्यातं सहस्राणि तु शौनक। चतुर्भिः पर्वभिः प्रोक्तं भविष्यं पञ्चमं तथा॥

caturviṁśatisaṁkhyātaṁ sahasrāṇi tu śaunaka| caturbhiḥ parvabhiḥ proktaṁ bhaviṣyaṁ pañcamaṁ tathā||

हे शौनक! वह चौबीस हज़ार की संख्या वाला है; और पाँचवाँ भविष्य पुराण चार पर्वों में कहा गया है।

श्लोक 36 (skanda.5.156.36)

चतुर्दशसहस्राणि तथा पञ्च शतानि तत्। मार्कण्डं नवसाहस्रं षष्ठं तत्परिकीर्तितम्॥

caturdaśasahasrāṇi tathā pañca śatāni tat| mārkaṇḍaṁ navasāhasraṁ ṣaṣṭhaṁ tatparikīrtitam||

वह चौदह हज़ार पाँच सौ श्लोकों का है; छठा मार्कण्डेय पुराण नौ हज़ार श्लोकों का कहा गया है।

श्लोक 37 (skanda.5.156.37)

आग्नेयं सप्तमं प्रोक्तं सहस्राणि तु षोडश। अष्टमं नारदीयं तु प्रोक्तं वै पञ्चविंशतिः॥

āgneyaṁ saptamaṁ proktaṁ sahasrāṇi tu ṣoḍaśa| aṣṭamaṁ nāradīyaṁ tu proktaṁ vai pañcaviṁśatiḥ||

सातवाँ आग्नेय पुराण सोलह हज़ार श्लोकों का कहा गया है; आठवाँ नारदीय पच्चीस हज़ार का कहा गया है।

श्लोक 38 (skanda.5.156.38)

नवमं भगवन्नाम भागद्वयविभूषितम्। तदष्टादशसाहस्रं प्रोच्यते ग्रन्थसंख्यया॥

navamaṁ bhagavannāma bhāgadvayavibhūṣitam| tadaṣṭādaśasāhasraṁ procyate granthasaṁkhyayā||

नौवाँ भागवत नामक दो भागों से विभूषित है; वह ग्रन्थ-संख्या में अठारह हज़ार का कहा जाता है।

श्लोक 39 (skanda.5.156.39)

दशमं ब्रह्मवैवर्तं तावत्संख्यमिहोच्यते। लैङ्गमेकादशं ज्ञेयं तथैकादशसंख्यया॥

daśamaṁ brahmavaivartaṁ tāvatsaṁkhyamihocyate| laiṅgamekādaśaṁ jñeyaṁ tathaikādaśasaṁkhyayā||

दसवाँ ब्रह्मवैवर्त भी उतनी ही संख्या का यहाँ कहा गया है; ग्यारहवाँ लिंग पुराण भी ग्यारह हज़ार की संख्या वाला जानना चाहिए।

श्लोक 40 (skanda.5.156.40)

भागद्वयं विरचितं तल्लिङ्गमृषिपुंगव। चतुर्विंशतिसाहस्रं वाराहं द्वादशं विदुः॥

bhāgadvayaṁ viracitaṁ talliṅgamṛṣipuṁgava| caturviṁśatisāhasraṁ vārāhaṁ dvādaśaṁ viduḥ||

हे ऋषिपुंगव! वह लिंग पुराण दो भागों में रचा गया है; बारहवाँ वाराह पुराण चौबीस हज़ार का जाना जाता है।

श्लोक 41 (skanda.5.156.41)

विभक्तं सप्तभिः खण्डैः स्कान्दं भाग्यवतां वर। तदेकाशीतिसाहस्रं संख्यया वै निरूपितम्॥

vibhaktaṁ saptabhiḥ khaṇḍaiḥ skāndaṁ bhāgyavatāṁ vara| tadekāśītisāhasraṁ saṁkhyayā vai nirūpitam||

हे भाग्यवानों में श्रेष्ठ! सात खण्डों में विभक्त स्कन्द पुराण संख्या में इक्यासी हज़ार श्लोकों का निरूपित है।

श्लोक 42 (skanda.5.156.42)

ततस्तु वामनं नाम चतुर्दशतमं स्मृतम्। संख्यया दशसाहस्रं प्रोक्तं कुलपते पुरा॥

tatastu vāmanaṁ nāma caturdaśatamaṁ smṛtam| saṁkhyayā daśasāhasraṁ proktaṁ kulapate purā||

तत्पश्चात् चौदहवाँ वामन नामक पुराण स्मृत है; हे कुलपते! वह पूर्वकाल में दस हज़ार की संख्या का कहा गया है।

श्लोक 43 (skanda.5.156.43)

कौर्मं पञ्चदशं प्राहुर्भागद्वयविभूषितम्। दशसप्तसहस्राणि पुरा सांख्यपते कलौ॥

kaurmaṁ pañcadaśaṁ prāhurbhāgadvayavibhūṣitam| daśasaptasahasrāṇi purā sāṁkhyapate kalau||

पन्द्रहवें कौर्म पुराण को दो भागों से विभूषित कहते हैं; हे कलियुग में गणना के स्वामी! वह पूर्वकाल में सत्रह हज़ार का था।

श्लोक 44 (skanda.5.156.44)

मात्स्यं मत्स्येन यत्प्रोक्तं मनवे षोडशं क्रमात्। तच्चतुर्दशसाहस्रं संख्यया वदतां वर॥

mātsyaṁ matsyena yatproktaṁ manave ṣoḍaśaṁ kramāt| taccaturdaśasāhasraṁ saṁkhyayā vadatāṁ vara||

मत्स्य द्वारा मनु से कहा गया मात्स्य पुराण क्रम से सोलहवाँ है; हे वक्ताओं में श्रेष्ठ! वह संख्या में चौदह हज़ार का है।

श्लोक 45 (skanda.5.156.45)

गारुडं सप्तदशमं स्मृतं चैकोनविंशतिः। अष्टादशं तु ब्रह्माण्डं भागद्वयविभूषितम्॥

gāruḍaṁ saptadaśamaṁ smṛtaṁ caikonaviṁśatiḥ| aṣṭādaśaṁ tu brahmāṇḍaṁ bhāgadvayavibhūṣitam||

सत्रहवाँ गारुड़ पुराण उन्नीस हज़ार का स्मृत है; अठारहवाँ ब्रह्माण्ड पुराण दो भागों से विभूषित है।

श्लोक 46 (skanda.5.156.46)

तच्च द्वादशसाहस्रं शतमष्टसमन्वितम्। तथैवोपपुराणानि यानि चोक्तानि वेधसा॥

tacca dvādaśasāhasraṁ śatamaṣṭasamanvitam| tathaivopapurāṇāni yāni coktāni vedhasā||

वह बारह हज़ार एक सौ आठ श्लोकों का है; इसी प्रकार उपपुराण भी हैं, जो विधाता द्वारा कहे गए हैं।

श्लोक 47 (skanda.5.156.47)

इदं ब्रह्मपुराणस्य सुलभं सौरमुत्तमम्। संहिताद्वयसंयुक्तं पुण्यं शिवकथाश्रयम्॥

idaṁ brahmapurāṇasya sulabhaṁ sauramuttamam| saṁhitādvayasaṁyuktaṁ puṇyaṁ śivakathāśrayam||

यह ब्रह्म पुराण से सम्बद्ध सुलभ और उत्तम सौर उपपुराण है, दो संहिताओं से संयुक्त, पुण्य, शिव-कथाओं का आश्रय।

श्लोक 48 (skanda.5.156.48)

आद्या सनत्कुमारोक्ता द्वितीया सूर्यभाषिता। सनत्कुमारनाम्ना हि तद्विख्यातं महामुने॥

ādyā sanatkumāroktā dvitīyā sūryabhāṣitā| sanatkumāranāmnā hi tadvikhyātaṁ mahāmune||

पहला सनत्कुमार द्वारा कहा गया, दूसरा सूर्य द्वारा भाषित है; हे महामुने! वह सनत्कुमार के नाम से ही विख्यात है।

श्लोक 49 (skanda.5.156.49)

द्वितीयं नारसिंहं च पुराणे पाद्मसंज्ञिते। शौकेयं हि तृतीयं तु पुराणे वैष्णवे मतम्॥

dvitīyaṁ nārasiṁhaṁ ca purāṇe pādmasaṁjñite| śaukeyaṁ hi tṛtīyaṁ tu purāṇe vaiṣṇave matam||

दूसरा नारसिंह उपपुराण पद्म पुराण से सम्बद्ध है; तीसरा शौकेय वैष्णव पुराण से सम्बद्ध माना गया है।

श्लोक 50 (skanda.5.156.50)

बार्हस्पत्यं चतुर्थं च वायव्यं संमतं सदा। दौर्वाससं पञ्चमं च स्मृतं भागवते सदा॥

bārhaspatyaṁ caturthaṁ ca vāyavyaṁ saṁmataṁ sadā| daurvāsasaṁ pañcamaṁ ca smṛtaṁ bhāgavate sadā||

चौथा बार्हस्पत्य सदा वायवीय से सम्मत है; पाँचवाँ दौर्वास सदा भागवत से सम्बद्ध स्मृत है।

श्लोक 51 (skanda.5.156.51)

भविष्ये नारदोक्तं च सूरिभिः कथितं पुरा। कापिलं मानवं चैव तथैवोशनसेरितम्॥

bhaviṣye nāradoktaṁ ca sūribhiḥ kathitaṁ purā| kāpilaṁ mānavaṁ caiva tathaivośanaseritam||

भविष्य से सम्बद्ध नारद द्वारा कहा गया उपपुराण विद्वानों द्वारा पूर्वकाल में कथित है; वैसे ही कपिल, मानव, और उशना द्वारा कहा गया।

श्लोक 52 (skanda.5.156.52)

ब्रह्माण्डं वारुणं चाथ कालिकाद्वयमेव च। माहेश्वरं तथा साम्बं सौरं सर्वार्थसंचयम्॥

brahmāṇḍaṁ vāruṇaṁ cātha kālikādvayameva ca| māheśvaraṁ tathā sāmbaṁ sauraṁ sarvārthasaṁcayam||

ब्रह्माण्ड, वारुण, तथा दोनों कालिका उपपुराण; वैसे ही माहेश्वर, साम्ब, सौर और सर्वार्थसंचय।

श्लोक 53 (skanda.5.156.53)

पाराशरं भागवतं कौर्मं चाष्टादशं क्रमात्। एतान्युपपुराणानि मयोक्तानि यथाक्रमम्॥

pārāśaraṁ bhāgavataṁ kaurmaṁ cāṣṭādaśaṁ kramāt| etānyupapurāṇāni mayoktāni yathākramam||

पाराशर, भागवत और कौर्म — इस प्रकार क्रम से अठारह। ये उपपुराण मैंने क्रमशः कह दिए।

श्लोक 54 (skanda.5.156.54)

पुराणसंहितामेतां यः पठेद्वा शृणोति च। सोऽनन्तपुण्यभागी स्यान्मृतो ब्रह्मपुरं व्रजेत्॥

purāṇasaṁhitāmetāṁ yaḥ paṭhedvā śṛṇoti ca| so'nantapuṇyabhāgī syānmṛto brahmapuraṁ vrajet||

जो इस पुराण-संहिता को पढ़ता या सुनता है, वह अनन्त पुण्य का भागी होता है और मरने पर ब्रह्मलोक को जाता है।