मेघनाद तीर्थ की महिमा

श्लोक 1 (skanda.5.190.1)

युधिष्ठिर उवाच। जलमध्ये महादेवः केन तिष्ठति हेतुना। उत्तरं दक्षिणं कूलं वर्जयित्वा द्विजोत्तम

yudhiṣṭhira uvāca| jalamadhye mahādevaḥ kena tiṣṭhati hetunā| uttaraṁ dakṣiṇaṁ kūlaṁ varjayitvā dvijottama

युधिष्ठिर ने कहा — हे द्विजोत्तम! महादेव उत्तर और दक्षिण दोनों तटों को छोड़कर किस कारण से जल के मध्य में स्थित हैं?

श्लोक 2 (skanda.5.190.2)

श्रीमार्कण्डेय उवाच। एतदाख्यानमतुलं पुण्यं श्रुतिमुखावहम्। पुराणे यच्छ्रुतं तात तत्ते वक्ष्याम्यशेषतः

śrīmārkaṇḍeya uvāca| etadākhyānamatulaṁ puṇyaṁ śrutimukhāvaham| purāṇe yacchrutaṁ tāta tatte vakṣyāmyaśeṣataḥ

श्री मार्कण्डेय ने कहा — यह अनुपम एवं पुण्यमय आख्यान श्रवणीय है; हे तात! पुराण में जो मैंने सुना है, वह सब मैं तुम्हें सम्पूर्ण रूप से कहूँगा।

श्लोक 3 (skanda.5.190.3)

त्रेतायुगे महाभाग रावणो देवकण्टकः। त्रैलोक्यविजयी रौद्रः सुरासुरभयंकरः

tretāyuge mahābhāga rāvaṇo devakaṇṭakaḥ| trailokyavijayī raudraḥ surāsurabhayaṁkaraḥ

हे महाभाग! त्रेतायुग में रावण देवताओं के लिए कण्टकस्वरूप, तीनों लोकों का विजेता, रौद्र स्वभाव वाला तथा सुर-असुरों के लिए भयंकर था।

श्लोक 4 (skanda.5.190.4)

देवदानवगन्धर्वैरृषिभिश्च तपोधनैः। अवध्योऽथ विमानेन यावत्पर्यटते महीम्

devadānavagandharvairṛṣibhiśca tapodhanaiḥ| avadhyo'tha vimānena yāvatparyaṭate mahīm

देवों, दानवों, गन्धर्वों तथा तपोधन ऋषियों द्वारा भी अवध्य वह रावण जब विमान द्वारा पृथ्वी पर विचरण करता था।

श्लोक 5 (skanda.5.190.5)

तावद्विन्ध्यगिरेर्मध्ये दानवो बलदर्पितः। मयो नामेति विख्यातो गुहावासी तपश्चरन्

tāvadvindhyagirermadhye dānavo baladarpitaḥ| mayo nāmeti vikhyāto guhāvāsī tapaścaran

उसी समय विन्ध्य पर्वत के मध्य में बल के मद से उन्मत्त मय नामक विख्यात दानव गुफा में निवास करते हुए तपस्या कर रहा था।

श्लोक 6 (skanda.5.190.6)

तस्य पार्श्वगतो रक्षो विनयादवनिं गतः। पूजितो दानसन्मानैरिदं वचनमब्रवीत्

tasya pārśvagato rakṣo vinayādavaniṁ gataḥ| pūjito dānasanmānairidaṁ vacanamabravīt

उसके पास पहुँचकर वह राक्षस विनयपूर्वक भूमि पर झुका, और दान-सम्मान से पूजित होकर उसने यह वचन कहा।

श्लोक 7 (skanda.5.190.7)

कस्येयं पद्मपत्राक्षी पूर्णचन्द्रनिभानना। किंनामधेया तपति तप उग्रं कथं विभो

kasyeyaṁ padmapatrākṣī pūrṇacandranibhānanā| kiṁnāmadheyā tapati tapa ugraṁ kathaṁ vibho

हे प्रभो! यह कमलदल के समान नेत्रों वाली, पूर्णचन्द्र के समान मुखवाली कन्या किसकी है? इसका नाम क्या है, और यह इतनी उग्र तपस्या क्यों कर रही है?

श्लोक 8 (skanda.5.190.8)

मय उवाच। दानवानां पतिः श्रेष्ठो मयोऽहं नाम नामतः। भार्या तेजोवती नाम तस्यास्तु तनया शुभा

maya uvāca| dānavānāṁ patiḥ śreṣṭho mayo'haṁ nāma nāmataḥ| bhāryā tejovatī nāma tasyāstu tanayā śubhā

मय ने कहा — मैं दानवों में श्रेष्ठ, मय नाम से जाना जाता हूँ; मेरी पत्नी का नाम तेजोवती है, और यह उसकी शुभ पुत्री है।

श्लोक 9 (skanda.5.190.9)

मन्दोदरीति विख्याता तपते भर्तृकारणात्। आराधयन्ती भर्तारमुमाया दयितं शुभम्

mandodarīti vikhyātā tapate bhartṛkāraṇāt| ārādhayantī bhartāramumāyā dayitaṁ śubham

यह मन्दोदरी नाम से विख्यात है और पति की प्राप्ति हेतु तप कर रही है, उमा के प्रिय शुभ शिव की आराधना करते हुए।

श्लोक 10 (skanda.5.190.10)

तच्छ्रुत्वा वचनं तस्य रावणो मदमोहितः। प्रसृतः प्रणतो भूत्वा मयं वचनमब्रवीत्

tacchrutvā vacanaṁ tasya rāvaṇo madamohitaḥ| prasṛtaḥ praṇato bhūtvā mayaṁ vacanamabravīt

उसका यह वचन सुनकर मद से मोहित रावण आगे बढ़ा और विनम्र होकर मय से यह वचन बोला।

श्लोक 11 (skanda.5.190.11)

पौलस्त्यान्वयसंजातो देवदानवदर्पहा। प्रार्थयामि महाभाग सुतां त्वं दातुमर्हसि

paulastyānvayasañjāto devadānavadarpahā| prārthayāmi mahābhāga sutāṁ tvaṁ dātumarhasi

मैं पुलस्त्य के कुल में उत्पन्न, देवों और दानवों के दर्प का नाशक हूँ; हे महाभाग! मैं प्रार्थना करता हूँ कि आप अपनी पुत्री मुझे देने योग्य हैं।

श्लोक 12 (skanda.5.190.12)

ज्ञात्वा पैतामहं वृत्तं मयेनापि महात्मना। रावणाय सुता दत्ता पूजयित्वा विधानतः

jñātvā paitāmahaṁ vṛttaṁ mayenāpi mahātmanā| rāvaṇāya sutā dattā pūjayitvā vidhānataḥ

पितामह ब्रह्मा से सम्बद्ध इस वृत्तान्त को जानकर महात्मा मय ने भी विधिपूर्वक पूजा करके अपनी पुत्री रावण को दे दी।

श्लोक 13 (skanda.5.190.13)

गृहीत्वा तां तदा रक्षोऽभ्यर्च्यमानो निशाचरैः। देवोद्याने विमानैश्च क्रीडते स तया सह

gṛhītvā tāṁ tadā rakṣo'bhyarcyamāno niśācaraiḥ| devodyāne vimānaiśca krīḍate sa tayā saha

उसे प्राप्त कर वह राक्षस निशाचरों द्वारा पूजित होते हुए देवोद्यानों तथा विमानों में उसके साथ क्रीड़ा करने लगा।

श्लोक 14 (skanda.5.190.14)

केनचित्त्वथ कालेन रावणो लोकरावणः। पुत्रं पुत्रवतां श्रेष्ठो जनयामास भारत

kenacittvatha kālena rāvaṇo lokarāvaṇaḥ| putraṁ putravatāṁ śreṣṭho janayāmāsa bhārata

हे भारत! कुछ काल पश्चात् लोकों को रुलाने वाला रावण, पुत्रवानों में श्रेष्ठ होकर, एक पुत्र उत्पन्न हुआ।

श्लोक 15 (skanda.5.190.15)

तेनैव जातमात्रेण रावो मुक्तो महात्मना। संवर्तकस्य मेघस्य तेन लोका जडीकृताः

tenaiva jātamātreṇa rāvo mukto mahātmanā| saṁvartakasya meghasya tena lokā jaḍīkṛtāḥ

जन्म लेते ही उस महात्मा शिशु ने संवर्तक मेघ के समान गर्जन किया, जिससे सभी लोक स्तब्ध हो गये।

श्लोक 16 (skanda.5.190.16)

श्रुत्वा तन्नर्दितं घोरं ब्रह्मा लोकपितामहः। नाम चक्रे तदा तस्य मेघनादो भविष्यति

śrutvā tannarditaṁ ghoraṁ brahmā lokapitāmahaḥ| nāma cakre tadā tasya meghanādo bhaviṣyati

उस भयंकर गर्जना को सुनकर लोकपितामह ब्रह्मा ने उसका नाम रखा — यह मेघनाद कहलाएगा।

श्लोक 17 (skanda.5.190.17)

एवंनामा कृतः सोऽपि परमं व्रतमास्थितः। तोषयामास देवेशमुमया सह शङ्करम्

evaṁnāmā kṛtaḥ so'pi paramaṁ vratamāsthitaḥ| toṣayāmāsa deveśamumayā saha śaṅkaram

इस नाम को धारण कर उसने भी परम व्रत का पालन करते हुए उमा सहित देवेश शंकर को संतुष्ट किया।

श्लोक 18 (skanda.5.190.18)

व्रतैर्नियमदानैश्च होमजाप्यविधानतः। कृच्छ्रचान्द्रायणैर्नित्यं कृशं कुर्वन्कलेवरम्

vratairniyamadānaiśca homajāpyavidhānataḥ| kṛcchracāndrāyaṇairnityaṁ kṛśaṁ kurvankalevaram

व्रतों, नियमों, दानों तथा होम-जप की विधि से, तथा कृच्छ्र और चान्द्रायण व्रतों से वह प्रतिदिन अपने शरीर को कृश करता रहा।

श्लोक 19 (skanda.5.190.19)

एवमन्यद्दिने तात कैलासं धरणीधरम्। गत्वा लिङ्गद्वयं गृह्य प्रस्थितो दक्षिणामुखः

evamanyaddine tāta kailāsaṁ dharaṇīdharam| gatvā liṅgadvayaṁ gṛhya prasthito dakṣiṇāmukhaḥ

हे तात! इसी प्रकार एक दिन वह पर्वतराज कैलास पर जाकर दो लिंग लेकर दक्षिण दिशा की ओर मुख करके चल पड़ा।

श्लोक 20 (skanda.5.190.20)

नर्मदातटमाश्रित्य स्नातुकामो महाबलः। निक्षिप्य पूजयन् देवं कृतजाप्यो नरेश्वर

narmadātaṭamāśritya snātukāmo mahābalaḥ| nikṣipya pūjayan devaṁ kṛtajāpyo nareśvara

हे नरेश्वर! नर्मदा के तट पर पहुँचकर वह महाबली स्नान करने की इच्छा से लिंगों को रखकर देव की पूजा और जप करने लगा।

श्लोक 21 (skanda.5.190.21)

तत्रायतनावासेन स्नातो हुतहुताशनः। कृतकृत्यमिवात्मानं मानयित्वा निशाचरः

tatrāyatanāvāsena snāto hutahutāśanaḥ| kṛtakṛtyamivātmānaṁ mānayitvā niśācaraḥ

वहाँ शिविर बनाकर स्नान करके, अग्नि में हवन करके, उस निशाचर ने अपने को कृतकृत्य-सा मानते हुए,

श्लोक 22 (skanda.5.190.22)

गन्तुकामः परं मार्गं लङ्कायां नृपसत्तम। एकमुद्धरतो लिङ्गं प्रणतः सव्यपाणिना

gantukāmaḥ paraṁ mārgaṁ laṅkāyāṁ nṛpasattama| ekamuddharato liṅgaṁ praṇataḥ savyapāṇinā

हे नृपसत्तम! फिर लंका के मार्ग पर आगे जाने की इच्छा से, बाएँ हाथ से प्रणामपूर्वक एक लिंग को उठाया।

श्लोक 23 (skanda.5.190.23)

द्वितीयं तु द्वितीयेन भक्त्या पौलस्त्यनन्दनः। तावदेव महालिङ्गं पतितं नर्मदांभसि

dvitīyaṁ tu dvitīyena bhaktyā paulastyanandanaḥ| tāvadeva mahāliṅgaṁ patitaṁ narmadāmbhasi

और दूसरे हाथ से भक्तिपूर्वक दूसरा लिंग उठाया — किन्तु तभी वह महान् लिंग पौलस्त्यनन्दन (मेघनाद) के हाथ से नर्मदा के जल में गिर पड़ा।

श्लोक 24 (skanda.5.190.24)

याहि याहीति चेत्युक्त्वा जलमध्ये प्रतिष्ठितः। नमित्वा रावणिस्तस्य देवस्य परमेष्ठिनः

yāhi yāhīti cetyuktvā jalamadhye pratiṣṭhitaḥ| namitvā rāvaṇistasya devasya parameṣṭhinaḥ

जाओ, जाओ ऐसा कहते हुए वह लिंग जल के मध्य में स्थिर हो गया; रावणि (मेघनाद) ने उस परमेष्ठी देव को नमन किया।

श्लोक 25 (skanda.5.190.25)

जगामाकाशमाविश्य पूज्यमानो निशाचरैः। तदा प्रभृति तत्तीर्थं मेघनादेति विश्रुतम्

jagāmākāśamāviśya pūjyamāno niśācaraiḥ| tadā prabhṛti tattīrthaṁ meghanādeti viśrutam

वह आकाश में विचरता हुआ चला गया, निशाचरों द्वारा पूजित होते हुए; और तभी से वह तीर्थ मेघनाद के नाम से विख्यात हुआ।

श्लोक 26 (skanda.5.190.26)

पूर्वं तु गर्जनं नाम सर्वपापक्षयंकरम्। तस्मिंस्तीर्थे तु राजेन्द्र यस्तु स्नानं समाचरेत्

pūrvaṁ tu garjanaṁ nāma sarvapāpakṣayaṁkaram| tasmiṁstīrthe tu rājendra yastu snānaṁ samācaret

पहले इसका नाम गर्जन था, जो समस्त पापों का नाश करने वाला था। हे राजेन्द्र! जो कोई उस तीर्थ में स्नान करता है,

श्लोक 27 (skanda.5.190.27)

अहोरात्रोषितो भूत्वा अश्वमेधफलं लभेत्। पिण्डदानं तु यः कुर्यात्तस्मिंस्तीर्थे नराधिप

ahorātroṣito bhūtvā aśvamedhaphalaṁ labhet| piṇḍadānaṁ tu yaḥ kuryāttasmiṁstīrthe narādhipa

और रात-दिन उपवास करके वहाँ रहता है, वह अश्वमेध यज्ञ का फल प्राप्त करता है; और हे नराधिप! जो वहाँ पिण्डदान करता है,

श्लोक 28 (skanda.5.190.28)

यत्फलं सत्त्रयज्ञेन तद्भवेन्नात्र संशयः। तेन द्वादशवर्षाणि पितरः संप्रतर्पिताः

yatphalaṁ sattrayajñena tadbhavennātra saṁśayaḥ| tena dvādaśavarṣāṇi pitaraḥ saṁpratarpitāḥ

उसे सत्त्रयज्ञ का फल प्राप्त होता है, इसमें कोई संशय नहीं; उससे उसके पितर बारह वर्षों तक तृप्त रहते हैं।

श्लोक 29 (skanda.5.190.29)

यस्तु भोजयते विप्रं षड्रसात्रेन भारत। अक्षयपुण्यमाप्नोति तत्र तीर्थे नरोत्तम

yastu bhojayate vipraṁ ṣaḍrasātrena bhārata| akṣayapuṇyamāpnoti tatra tīrthe narottama

हे भारत! जो कोई वहाँ षड्रस युक्त भोजन से ब्राह्मण को भोजन कराता है, हे नरोत्तम! वह उस तीर्थ में अक्षय पुण्य प्राप्त करता है।

श्लोक 30 (skanda.5.190.30)

प्राणत्यागं तु यः कुर्याद्भावितो भावितात्मना। स वसेच्छाङ्करे लोके यावदा भूतसम्प्लवम्

prāṇatyāgaṁ tu yaḥ kuryādbhāvito bhāvitātmanā| sa vasecchāṅkare loke yāvadā bhūtasamplavam

जो पवित्र भाव से युक्त होकर वहाँ प्राणत्याग करता है, वह प्रलयकाल तक शंकर के लोक में निवास करता है।

श्लोक 31 (skanda.5.190.31)

एषा ते नरशार्दूल गर्जनोत्पत्तिरुत्तमा। कथिता स्नेहबन्धेन सर्वपापक्षयकरी

eṣā te naraśārdūla garjanotpattiruttamā| kathitā snehabandhena sarvapāpakṣayakarī

हे नरशार्दूल! यह गर्जन तीर्थ की उत्तम उत्पत्ति-कथा, जो सभी पापों का नाश करने वाली है, स्नेहवश तुम्हें सुनाई गई है।