करोडीश्वर तीर्थ का माहात्म्य

श्लोक 1 (skanda.5.217.1)

श्रीमार्कण्डेय उवाच। ततो गच्छेत्तु राजेन्द्र करोडीश्वरमुत्तमम्। यत्र वै निहतास्तात दानवाः सपदानुगाः॥

śrīmārkaṇḍeya uvāca| tato gacchettu rājendra karoḍīśvaramuttamam| yatra vai nihatāstāta dānavāḥ sapadānugāḥ||

श्रीमार्कण्डेय ने कहा—हे राजेन्द्र! इसके पश्चात् उत्तम करोडीश्वर को जाना चाहिए, जहाँ हे तात! दानव अपने अनुयायियों सहित मारे गए थे,

श्लोक 2 (skanda.5.217.2)

इन्द्रादिदेवैः संहृष्टैः सततं जयबुद्धिभिः। तेषां ये पुत्रपौत्राश्च पूर्ववैरमनुस्मरम्॥

indrādidevaiḥ saṁhṛṣṭaiḥ satataṁ jayabuddhibhiḥ| teṣāṁ ye putrapautrāśca pūrvavairamanusmaram||

इन्द्र आदि देवों द्वारा, जो अत्यन्त हर्षित तथा सदा विजय की भावना से युक्त थे। उनके जो पुत्र-पौत्र थे, वे पूर्ववैर का स्मरण करते हुए [उठ खड़े हुए],

श्लोक 3 (skanda.5.217.3)

क्रुद्धैर्देवसमूहैश्च दानवा निहता रणे। तेषां शिरांसि संगृह्य सर्वे देवाः सवासवाः॥

kruddhairdevasamūhaiśca dānavā nihatā raṇe| teṣāṁ śirāṁsi saṁgṛhya sarve devāḥ savāsavāḥ||

और क्रुद्ध देवसमूहों द्वारा दानव युद्ध में मारे गए। उनके शिरों को एकत्र करके इन्द्र सहित सभी देवों ने,

श्लोक 4 (skanda.5.217.4)

निक्षिप्य नर्मदातोये बन्धुभावमनुस्मरम्। तत्र स्नात्वा सुराः सर्वे स्थापयित्वा उमापतिम्॥

nikṣipya narmadātoye bandhubhāvamanusmaram| tatra snātvā surāḥ sarve sthāpayitvā umāpatim||

अपने ही बन्धुभाव का स्मरण करते हुए उन्हें नर्मदा के जल में डाल दिया। वहाँ स्नान करके सभी देवों ने उमापति को स्थापित करके,

श्लोक 5 (skanda.5.217.5)

इन्द्रेण सहिताः सर्वेऽपूजयंल्लोकसिद्धये। हृष्टचित्ताः सुराः सर्वे जग्मुराकाशमण्डलम्॥

indreṇa sahitāḥ sarve'pūjayaṁllokasiddhaye| hṛṣṭacittāḥ surāḥ sarve jagmurākāśamaṇḍalam||

इन्द्र सहित सभी ने लोक-कल्याण की सिद्धि के लिए उनकी पूजा की; हर्षित चित्त से सभी देवगण आकाशमण्डल को चले गए।

श्लोक 6 (skanda.5.217.6)

दानवानां महाभाग सूदिता कोटिरुत्तमा। तदा प्रभृति तत्तीर्थं करोडीति महीतले॥

dānavānāṁ mahābhāga sūditā koṭiruttamā| tadā prabhṛti tattīrthaṁ karoḍīti mahītale||

हे महाभाग! दानवों की एक श्रेष्ठ करोड़ [संख्या] वहाँ संहारित हुई; तभी से वह तीर्थ पृथ्वीतल पर करोडी नाम से,

श्लोक 7 (skanda.5.217.7)

विख्यातं तु तदा लोके पापघ्नं पाण्डुनन्दन। अष्टम्यां च चतुर्दश्यामुभौ पक्षौ च भक्तितः। उपोष्य शूलिनश्चाग्रे रात्रौ कुर्वीत जागरम्॥

vikhyātaṁ tu tadā loke pāpaghnaṁ pāṇḍunandana| aṣṭamyāṁ ca caturdaśyāmubhau pakṣau ca bhaktitaḥ| upoṣya śūlinaścāgre rātrau kurvīta jāgaram||

हे पाण्डुनन्दन! पापनाशक के रूप में लोक में विख्यात हुआ। अष्टमी और चतुर्दशी को, दोनों पक्षों में भक्तिपूर्वक शूलिन के सम्मुख उपवास करके रात्रि में जागरण करना चाहिए,

श्लोक 8 (skanda.5.217.8)

सत्कथापाठसंयुक्तो वेदाध्ययनसंयुतः। प्रभाते विमले प्राप्ते पूजयेत्त्रिदशेश्वरम्॥

satkathāpāṭhasaṁyukto vedādhyayanasaṁyutaḥ| prabhāte vimale prāpte pūjayettridaśeśvaram||

सत्कथा-पाठ से युक्त, वेदाध्ययन से संयुक्त होकर; निर्मल प्रातःकाल आने पर त्रिदशेश्वर की पूजा करनी चाहिए।

श्लोक 9 (skanda.5.217.9)

पञ्चामृतेन संस्नाप्य श्रीखण्डेन च गुण्ठयेत्। शस्तैः पल्लवपुष्पैश्च पूजयेत्तु प्रयत्नतः॥

pañcāmṛtena saṁsnāpya śrīkhaṇḍena ca guṇṭhayet| śastaiḥ pallavapuṣpaiśca pūjayettu prayatnataḥ||

पंचामृत से स्नान कराकर श्रीखण्ड (चन्दन) से लेपन करना चाहिए; उत्तम पल्लव और पुष्पों से यत्नपूर्वक पूजा करनी चाहिए।

श्लोक 10 (skanda.5.217.10)

बहुरूपं जपन्मन्त्रं दक्षिणाशां व्यवस्थितः। यथोक्तेन विधानेन नाभिमात्रे जले क्षिपेत्॥

bahurūpaṁ japanmantraṁ dakṣiṇāśāṁ vyavasthitaḥ| yathoktena vidhānena nābhimātre jale kṣipet||

दक्षिण दिशा की ओर मुख करके बहुरूप मन्त्र का जप करते हुए, यथोक्त विधि से नाभि-प्रमाण जल में [अर्घ्य] अर्पित करना चाहिए।

श्लोक 11 (skanda.5.217.11)

तिलाञ्जलिं तु प्रेताय दक्षिणाशामुपस्थितः। श्राद्धं तत्रैव विप्राय कारयेद्विजितेन्द्रियः॥

tilāñjaliṁ tu pretāya dakṣiṇāśāmupasthitaḥ| śrāddhaṁ tatraiva viprāya kārayedvijitendriyaḥ||

दक्षिण दिशा की ओर स्थित होकर जितेन्द्रिय पुरुष को प्रेत के लिए तिलांजलि देनी चाहिए, तथा वहीं ब्राह्मण के लिए श्राद्ध कराना चाहिए।

श्लोक 12 (skanda.5.217.12)

विषमैरग्रजातैश्च वेदाभ्यसनतत्परैः। गोहिरण्येन सम्पूज्य ताम्बूलैर्भोजनैस्तथा॥

viṣamairagrajātaiśca vedābhyasanatatparaiḥ| gohiraṇyena sampūjya tāmbūlairbhojanaistathā||

वेदाभ्यास में तत्पर, उच्च-नीच कुलों में जन्मे ब्राह्मणों की गौ और स्वर्ण से, तथा ताम्बूल और भोजन से भी पूजा करके,

श्लोक 13 (skanda.5.217.13)

भूषणैः पादुकाभिश्च ब्राह्मणान्पाण्डुनन्दन। भवेत्कोटिगुणं तस्य नात्र कार्या विचारणा॥

bhūṣaṇaiḥ pādukābhiśca brāhmaṇānpāṇḍunandana| bhavetkoṭiguṇaṁ tasya nātra kāryā vicāraṇā||

हे पाण्डुनन्दन! आभूषणों और खड़ाऊँ से [उन्हें अलंकृत करके]—इसका फल करोड़गुना हो जाता है, इसमें कोई विचार नहीं करना चाहिए।

श्लोक 14 (skanda.5.217.14)

तस्मिंस्तीर्थे तु यः कश्चित्त्यजेद्देहं विधानतः। तस्य भवति यत्पुण्यं तच्छृणुष्व नराधिप॥

tasmiṁstīrthe tu yaḥ kaścittyajeddehaṁ vidhānataḥ| tasya bhavati yatpuṇyaṁ tacchṛṇuṣva narādhipa||

उस तीर्थ में जो कोई विधिपूर्वक देह त्याग करता है, उसे जो पुण्य प्राप्त होता है, हे नराधिप! वह सुनो।

श्लोक 15 (skanda.5.217.15)

यावदस्थीनि तिष्ठन्ति मर्त्यस्य नर्मदाजले। तावद्वसति धर्मात्मा शिवलोके सुदुर्लभे॥

yāvadasthīni tiṣṭhanti martyasya narmadājale| tāvadvasati dharmātmā śivaloke sudurlabhe||

जब तक उस मरणशील के अस्थि नर्मदा के जल में रहते हैं, तब तक वह धर्मात्मा अत्यन्त दुर्लभ शिवलोक में निवास करता है।

श्लोक 16 (skanda.5.217.16)

ततः कालाच्च्युतस्तस्मादिह मानुषतां गतः। कोटिधनपतिः श्रीमाञ्जायते राजपूजितः॥

tataḥ kālāccyutastasmādiha mānuṣatāṁ gataḥ| koṭidhanapatiḥ śrīmāñjāyate rājapūjitaḥ||

तत्पश्चात् उस काल से च्युत होकर, यहाँ मनुष्य-जन्म को प्राप्त करके, वह करोड़ों धन का स्वामी, श्रीमान, राजाओं द्वारा पूजित होता है,

श्लोक 17 (skanda.5.217.17)

सर्वधर्मसमायुक्तो मेधावी बीजपुत्रकः। विख्यातो वसुधापृष्ठे दीर्घायुर्मानवो भवेत्॥

sarvadharmasamāyukto medhāvī bījaputrakaḥ| vikhyāto vasudhāpṛṣṭhe dīrghāyurmānavo bhavet||

सभी धर्मों से युक्त, मेधावी, उत्तम सन्तान वाला, पृथ्वीतल पर विख्यात, तथा दीर्घायु मनुष्य होता है।

श्लोक 18 (skanda.5.217.18)

पुनः स्मरति तत्तीर्थं तत्र गत्वा नृपोत्तम। करोडेश्वरमभ्यर्च्य प्राप्नोति परमां गतिम्॥

punaḥ smarati tattīrthaṁ tatra gatvā nṛpottama| karoḍeśvaramabhyarcya prāpnoti paramāṁ gatim||

हे नृपोत्तम! वह पुनः उस तीर्थ का स्मरण करता है, वहाँ जाकर करोडेश्वर की अर्चना करके परम गति को प्राप्त करता है।

श्लोक 19 (skanda.5.217.19)

इन्द्रचन्द्रयमैर्रुद्रैरादित्यैर्वसुभिस्तथा। विश्वेदेवैस्तथा सर्वैः स्थापितस्त्रिदशेश्वरः॥

indracandrayamairrudrairādityairvasubhistathā| viśvedevaistathā sarvaiḥ sthāpitastridaśeśvaraḥ||

इन्द्र, चन्द्र, यम, रुद्रों, आदित्यों, वसुओं, तथा सभी विश्वेदेवों द्वारा वहाँ त्रिदशेश्वर स्थापित किए गए थे।

श्लोक 20 (skanda.5.217.20)

रेवाया उत्तरे कूले लोकानां हितकाम्यया। मानवो भक्तिसंयुक्तः प्रासादं कारयेत्तु यः॥

revāyā uttare kūle lokānāṁ hitakāmyayā| mānavo bhaktisaṁyuktaḥ prāsādaṁ kārayettu yaḥ||

रेवा के उत्तर तट पर, लोकों के हित की कामना से, जो भक्तियुक्त मनुष्य वहाँ प्रासाद (मन्दिर) बनवाता है,

श्लोक 21 (skanda.5.217.21)

तस्मिंस्तीर्थे नरश्रेष्ठ सद्गतिं समवाप्नुयात्। न्यायोपात्तधनेनैव दारुपाषाणकेष्टकैः॥

tasmiṁstīrthe naraśreṣṭha sadgatiṁ samavāpnuyāt| nyāyopāttadhanenaiva dārupāṣāṇakeṣṭakaiḥ||

हे नरश्रेष्ठ! वह उस तीर्थ में सद्गति प्राप्त करता है—चाहे न्यायपूर्वक अर्जित धन से लकड़ी, पत्थर अथवा ईंटों से [मन्दिर बनवाए],

श्लोक 22 (skanda.5.217.22)

ब्राह्मणः क्षत्रियैर्वैश्यैः शूद्रैः स्त्रीभिश्च शक्तितः। तेऽपि यान्ति नरा लोके शांकरे सुरपूजिते॥

brāhmaṇaḥ kṣatriyairvaiśyaiḥ śūdraiḥ strībhiśca śaktitaḥ| te'pi yānti narā loke śāṁkare surapūjite||

चाहे ब्राह्मण हो, अथवा क्षत्रिय, वैश्य, शूद्र या स्त्रियाँ अपनी शक्ति के अनुसार [बनवाएँ]—वे मनुष्य भी देवपूजित शांकर लोक को जाते हैं।

श्लोक 23 (skanda.5.217.23)

यः शृणोति सदा भक्त्या माहात्म्यं तीर्थजं नृप। तस्य पापं प्रणश्येत षण्मासाभ्यन्तरं च यत्॥

yaḥ śṛṇoti sadā bhaktyā māhātmyaṁ tīrthajaṁ nṛpa| tasya pāpaṁ praṇaśyeta ṣaṇmāsābhyantaraṁ ca yat||

हे नृप! जो सदा भक्तिपूर्वक उस तीर्थ से उत्पन्न माहात्म्य को सुनता है, उसका पाप छह मास के भीतर ही नष्ट हो जाता है।