मातृतीर्थ का माहात्म्य

श्लोक 1 (skanda.5.221.1)

श्रीमार्कण्डेय उवाच। ततो गच्छेत्तु राजेन्द्र मातृतीर्थमनुत्तमम्। सङ्गमस्य समीपस्थं नर्मदादक्षिणे तटे॥

śrīmārkaṇḍeya uvāca| tato gacchettu rājendra mātṛtīrthamanuttamam| saṅgamasya samīpasthaṁ narmadādakṣiṇe taṭe||

श्रीमार्कण्डेय ने कहा—हे राजेन्द्र! इसके पश्चात् नर्मदा के दक्षिण तट पर, संगम के समीप स्थित अनुपम मातृतीर्थ को जाना चाहिए।

श्लोक 2 (skanda.5.221.2)

मातरस्तत्र राजेन्द्र संजाता नर्मदातटे। उमार्धनारिर्देवेशो व्यालयज्ञोपवीतधृक्॥

mātarastatra rājendra saṁjātā narmadātaṭe| umārdhanārirdeveśo vyālayajñopavītadhṛk||

हे राजेन्द्र! वहाँ नर्मदा के तट पर मातृगण उत्पन्न हुए थे। उमा के अर्धांग वाले, सर्पों को यज्ञोपवीत की तरह धारण करने वाले देवेश ने,

श्लोक 3 (skanda.5.221.3)

उवाच योगिनीवृन्दं कष्टंकष्टमहो हर। अजेयाः सर्वदेवानां त्वत्प्रसादान्महेश्वर॥

uvāca yoginīvṛndaṁ kaṣṭaṁkaṣṭamaho hara| ajeyāḥ sarvadevānāṁ tvatprasādānmaheśvara||

योगिनियों के समूह से कहा—"हाय, हाय, हे हर! तुम्हारी कृपा से ये सभी देवों के लिए भी अजेय हैं, हे महेश्वर।"

श्लोक 4 (skanda.5.221.4)

तीर्थमत्र विधानेन प्रख्यातं वसुधातले। एवं भवतु योगिन्य इत्युक्त्वान्तरधाच्छिवः॥

tīrthamatra vidhānena prakhyātaṁ vasudhātale| evaṁ bhavatu yoginya ityuktvāntaradhācchivaḥ||

[शिव ने कहा—] "यहाँ विधानपूर्वक यह तीर्थ पृथ्वीतल पर विख्यात होगा। हे योगिनियो! ऐसा ही हो।" ऐसा कहकर शिव अन्तर्धान हो गए।

श्लोक 5 (skanda.5.221.5)

श्रीमार्कण्डेय उवाच। तत्र तीर्थे तु यो भक्त्या नवम्यां नियतः शुचिः। उपोष्य परया भक्त्या पूजयेन्मातृगोचरम्॥

śrīmārkaṇḍeya uvāca| tatra tīrthe tu yo bhaktyā navamyāṁ niyataḥ śuciḥ| upoṣya parayā bhaktyā pūjayenmātṛgocaram||

श्रीमार्कण्डेय ने कहा—उस तीर्थ में जो कोई भक्तिपूर्वक, नियमित और शुद्ध होकर, नवमी को परम भक्ति से उपवास करके मातृगणों की पूजा करता है,

श्लोक 6 (skanda.5.221.6)

तस्य स्युर्मातरः प्रीताः प्रीतोऽयं वृषवाहनः। वन्ध्याया मृतवत्साया अपुत्राया युधिष्ठिर॥

tasya syurmātaraḥ prītāḥ prīto'yaṁ vṛṣavāhanaḥ| vandhyāyā mṛtavatsāyā aputrāyā yudhiṣṭhira||

हे युधिष्ठिर! उससे मातृगण प्रसन्न होते हैं, और यह वृषभवाहन (शिव) भी प्रसन्न होता है। बाँझ, मृतवत्सा, अथवा अपुत्रा स्त्री के लिए,

श्लोक 7 (skanda.5.221.7)

स्नापनं चारभेत्तत्र मन्त्रशास्त्रविदुत्तमः। सहिरण्येन कुम्भेन पञ्चरत्नफलान्वितः॥

snāpanaṁ cārabhettatra mantraśāstraviduttamaḥ| sahiraṇyena kumbhena pañcaratnaphalānvitaḥ||

मन्त्रशास्त्र के उत्तम ज्ञाता को वहाँ स्वर्ण-कलश से, पंच रत्नों और फलों सहित, स्नपन आरम्भ करना चाहिए;

श्लोक 8 (skanda.5.221.8)

स्नापयेत्पुत्रकामायाः कांस्यपात्रेण देशिकः। पुत्रं सा लभते नारी वीर्यवन्तं गुणान्वितम्॥

snāpayetputrakāmāyāḥ kāṁsyapātreṇa deśikaḥ| putraṁ sā labhate nārī vīryavantaṁ guṇānvitam||

पुत्रकामिनी स्त्री को आचार्य कांस्य पात्र से स्नान कराए; वह स्त्री वीर्यवान, गुणवान पुत्र प्राप्त करती है।

श्लोक 9 (skanda.5.221.9)

यो यं काममभिध्यायेत्ततः स लभते नृप। मातृतीर्थात्परं तीर्थं न भूतं न भविष्यति॥

yo yaṁ kāmamabhidhyāyettataḥ sa labhate nṛpa| mātṛtīrthātparaṁ tīrthaṁ na bhūtaṁ na bhaviṣyati||

हे नृप! जो जिस कामना का चिन्तन करता है, वह उसे प्राप्त हो जाता है। मातृतीर्थ से बढ़कर कोई तीर्थ न कभी हुआ है, न होगा।