गोप्रेक्षेश्वर की महिमा

श्लोक 1 (skanda.5.228.1)

श्रीमार्कण्डेय उवाच। काशीगङ्गातटे कूले तीर्थं परमशोभनम्। सर्वपापहरं पार्थ गोप्रेक्षेश्वरमुत्तमम्। गोदेहान्निःसृतं लिङ्गं पुण्यं भूमितले नृप

śrīmārkaṇḍeya uvāca| kāśīgaṅgātaṭe kūle tīrthaṁ paramaśobhanam| sarvapāpaharaṁ pārtha gopreksheśvaramuttamam| godehānniḥsṛtaṁ liṅgaṁ puṇyaṁ bhūmitale nṛpa

श्री मार्कण्डेय ने कहा — काशी-गंगा के तट पर एक अत्यन्त शोभन तीर्थ है; हे पार्थ! सब पापों को हरने वाला, उत्तम गोप्रेक्षेश्वर; हे राजन्! एक गाय के शरीर से निकला हुआ पुण्य लिंग भूतल पर प्रकट हुआ।

श्लोक 2 (skanda.5.228.2)

युधिष्ठिर उवाच। गोदेहान्निःसृतं कस्माल्लिङ्गं पापक्षयंकरम्। काशीगङ्गातटे कूले मणिनागसमीपतः। संक्षेपात्कथ्यतां विप्र गोप्रेक्षेश्वरसम्भवम्

yudhiṣṭhira uvāca| godehānniḥsṛtaṁ kasmālliṅgaṁ pāpakṣayaṁkaram| kāśīgaṅgātaṭe kūle maṇināgasamīpataḥ| saṁkṣepātkathyatāṁ vipra gopreksheśvarasambhavam

युधिष्ठिर ने कहा — काशी-गंगा के तट पर, मणिनाग के समीप, गोप्रेक्षेश्वर का जो लिंग गाय के शरीर से निकला और पापों का नाश करने वाला है, हे विप्र! वह संक्षेप में मुझे बताइए।

श्लोक 3 (skanda.5.228.3)

श्रीमार्कण्डेय उवाच। कामधेनुस्तपस्तत्र पुरा पार्थ चकार ह। ध्यायते परया भक्त्या देवदेवं महेश्वरम्

śrīmārkaṇḍeya uvāca| kāmadhenustapastatra purā pārtha cakāra ha| dhyāyate parayā bhaktyā devadevaṁ maheśvaram

श्री मार्कण्डेय ने कहा — हे पार्थ! प्राचीन काल में कामधेनु ने वहाँ तपस्या की, परम भक्ति से देवाधिदेव महेश्वर का ध्यान करती हुई।

श्लोक 4 (skanda.5.228.4)

तुष्टस्तस्या जगन्नाथ कपिलाय महेश्वरः। निःसृतो देहमध्यात्तु अच्छेद्यः परमेश्वरः

tuṣṭastasyā jagannātha kapilāya maheśvaraḥ| niḥsṛto dehamadhyāttu acchedyaḥ parameśvaraḥ

उससे संतुष्ट होकर, हे जगन्नाथ! महेश्वर कपिला के शरीर के मध्य से प्रकट हुए — अच्छेद्य परमेश्वर।

श्लोक 5 (skanda.5.228.5)

तुष्टो देवि जगन्मातः कपिले परमेश्वरि। आराधनं कृतं यस्मात्तद्वदाशु शुभानने

tuṣṭo devi jaganmātaḥ kapile parameśvari| ārādhanaṁ kṛtaṁ yasmāttadvadāśu śubhānane

(शिव ने कहा —) "हे देवि! हे जगन्माता कपिले! हे परमेश्वरि! मैं संतुष्ट हूँ; तुमने जिस उद्देश्य से मेरी आराधना की है, हे शुभानने! वह शीघ्र कहो।"

श्लोक 6 (skanda.5.228.6)

सुरभ्युवाच। लोकानामुपकाराय सृष्टाहं परमेष्ठिना। लोककार्याणि सर्वाणि सिध्यन्ति मत्प्रसादतः

surabhyuvāca| lokānāmupakārāya sṛṣṭāhaṁ parameṣṭhinā| lokakāryāṇi sarvāṇi sidhyanti matprasādataḥ

सुरभि ने कहा — "मैं परमेष्ठी (ब्रह्मा) द्वारा लोकों के उपकार के लिए सृजित हुई हूँ; मेरी कृपा से लोकों के सभी कार्य सिद्ध होते हैं।"

श्लोक 7 (skanda.5.228.7)

लोकाः स्वर्गं प्रयास्यन्ति मत्प्रसादेन शङ्कर। तीर्थे त्वं भव मे शम्भो लोकानां हितकाम्यया

lokāḥ svargaṁ prayāsyanti matprasādena śaṅkara| tīrthe tvaṁ bhava me śambho lokānāṁ hitakāmyayā

"हे शंकर! मेरी कृपा से लोग स्वर्ग को जाएंगे। हे शम्भो! लोकों के हित की कामना से तुम मेरे इस तीर्थ में निवास करो।"

श्लोक 8 (skanda.5.228.8)

तथेति भगवानुक्त्वा तीर्थे तत्रावसन्मुदा। तदाप्रभृति तत्तीर्थं विख्यातं वसुधातले। स्नानेनैकेन राजेन्द्र पापसङ्घं व्यपोहति

tatheti bhagavānuktvā tīrthe tatrāvasanmudā| tadāprabhṛti tattīrthaṁ vikhyātaṁ vasudhātale| snānenaikena rājendra pāpasaṅghaṁ vyapohati

"तथास्तु" कहकर भगवान् शिव प्रसन्नतापूर्वक उस तीर्थ में निवास करने लगे। तभी से वह तीर्थ पृथ्वी पर विख्यात हुआ; हे राजेन्द्र! एक ही स्नान से यह पापों के समूह को नष्ट कर देता है।

श्लोक 9 (skanda.5.228.9)

गोप्रेक्षेश्वरगोदानं यस्तु भक्त्या च कारयेत्। योग्ये द्विजोत्तमे देया योग्या धेनुः सकाञ्चना

gopreksheśvaragodānaṁ yastu bhaktyā ca kārayet| yogye dvijottame deyā yogyā dhenuḥ sakāñcanā

जो भक्तिपूर्वक गोप्रेक्षेश्वर में गोदान करवाता है — योग्य श्रेष्ठ ब्राह्मण को सोने सहित योग्य गाय देनी चाहिए,

श्लोक 10 (skanda.5.228.10)

सवत्सा तरुणी शुभ्रा बहुक्षीरा सवस्त्रका। कृष्णपक्षे चतुर्दश्यामष्टम्यां वा प्रदापयेत्

savatsā taruṇī śubhrā bahukṣīrā savastrakā| kṛṣṇapakṣe caturdaśyāmaṣṭamyāṁ vā pradāpayet

गाय बछड़े सहित, तरुण, श्वेत, प्रचुर दूध वाली, वस्त्र सहित हो; कृष्ण पक्ष की चतुर्दशी अथवा अष्टमी को दान करे।

श्लोक 11 (skanda.5.228.11)

सर्वेषु चैव मासेषु कार्त्तिके च विशेषतः। दापयेत्परया भक्त्या द्विजे स्वाध्यायतत्परे

sarveṣu caiva māseṣu kārttike ca viśeṣataḥ| dāpayetparayā bhaktyā dvije svādhyāyatatpare

सभी महीनों में, और विशेषतः कार्तिक में, स्वाध्याय में तत्पर ब्राह्मण को परम भक्ति से दान देना चाहिए।

श्लोक 12 (skanda.5.228.12)

विधिना च प्रदद्याद्यो विधिना यस्तु गृह्णते। तावुभौ पुण्यकर्माणौ प्रेक्षकः पुण्यभाजनम्

vidhinā ca pradadyādyo vidhinā yastu gṛhṇate| tāvubhau puṇyakarmāṇau prekṣakaḥ puṇyabhājanam

जो विधिपूर्वक देता है, और जो विधिपूर्वक ग्रहण करता है, वे दोनों ही पुण्यकर्मा होते हैं; और देखने वाला भी पुण्य का भागी होता है।

श्लोक 13 (skanda.5.228.13)

पिण्डदानं प्रकुर्याद्यः प्रेतानां भक्तिसंयुतः। पिण्डेनैकेन राजेन्द्र प्रेता यान्ति परां गतिम्

piṇḍadānaṁ prakuryādyaḥ pretānāṁ bhaktisaṁyutaḥ| piṇḍenaikena rājendra pretā yānti parāṁ gatim

जो भक्तियुक्त होकर प्रेतों को पिण्डदान करता है, हे राजेन्द्र! एक ही पिण्ड से प्रेत परम गति को प्राप्त हो जाते हैं।

श्लोक 14 (skanda.5.228.14)

भक्त्या प्रणामं रुद्रस्य ये कुर्वन्ति दिने दिने। तेषां पापं प्रलीयेत भिन्नपात्रे जलं यथा

bhaktyā praṇāmaṁ rudrasya ye kurvanti dine dine| teṣāṁ pāpaṁ pralīyeta bhinnapātre jalaṁ yathā

जो प्रतिदिन भक्तिपूर्वक रुद्र को प्रणाम करते हैं, उनका पाप उसी प्रकार नष्ट हो जाता है, जैसे टूटे पात्र में जल।

श्लोक 15 (skanda.5.228.15)

तत्र तीर्थे तु यो राजन्वृषभं च समुत्सृजेत्। पितरश्चोद्धृतास्तेन शिवलोके महीयते

tatra tīrthe tu yo rājanvṛṣabhaṁ ca samutsṛjet| pitaraścoddhṛtāstena śivaloke mahīyate

हे राजन्! उस तीर्थ में जो बैल को मुक्त छोड़ता है, उसके द्वारा पितर उद्धारित हो जाते हैं, और वह शिवलोक में प्रतिष्ठित होता है।

श्लोक 16 (skanda.5.228.16)

युधिष्ठिर उवाच। वृषोत्सर्गे कृते तात फलं यज्जायते नृणाम्। तत्सर्वं कथयस्वाशु प्रयत्नेन द्विजोत्तम

yudhiṣṭhira uvāca| vṛṣotsarge kṛte tāta phalaṁ yajjāyate nṛṇām| tatsarvaṁ kathayasvāśu prayatnena dvijottama

युधिष्ठिर ने कहा — हे तात! वृषोत्सर्ग करने से मनुष्यों को जो फल प्राप्त होता है, हे द्विजोत्तम! वह सब मुझे शीघ्र, प्रयत्नपूर्वक बताइए।

श्लोक 17 (skanda.5.228.17)

श्रीमार्कण्डेय उवाच। सर्वलक्षणसम्पूर्णे वृषे चैव तु यत्फलम्। तदहं सम्प्रवक्ष्यामि शृणुष्व धर्मनन्दन

śrīmārkaṇḍeya uvāca| sarvalakṣaṇasampūrṇe vṛṣe caiva tu yatphalam| tadahaṁ sampravakṣyāmi śṛṇuṣva dharmanandana

श्री मार्कण्डेय ने कहा — सर्वलक्षणों से सम्पूर्ण बैल का जो फल होता है, वह मैं भली-भांति कहूँगा; हे धर्मनन्दन! सुनो।

श्लोक 18 (skanda.5.228.18)

कार्त्तिके चैव वैशाखे पूर्णिमायां नराधिप। रुद्रस्य सन्निधौ भूत्वा शुचिः स्नातो जितेन्द्रियः

kārttike caiva vaiśākhe pūrṇimāyāṁ narādhipa| rudrasya sannidhau bhūtvā śuciḥ snāto jitendriyaḥ

हे नराधिप! कार्तिक अथवा वैशाख की पूर्णिमा को, रुद्र के समीप, शुद्ध, स्नात, जितेन्द्रिय होकर,

श्लोक 19 (skanda.5.228.19)

वृषस्यैव समुत्सर्गं कारयेत्प्रीयतां हरः। सांनिध्ये कारयेत्पुत्र चतस्रो वत्सिकाः शुभाः

vṛṣasyaiva samutsargaṁ kārayetprīyatāṁ haraḥ| sānnidhye kārayetputra catasro vatsikāḥ śubhāḥ

बैल का उत्सर्ग कराए — "हर प्रसन्न हों।" हे पुत्र! उसकी उपस्थिति में चार शुभ बछियाँ भी दिलवाए,

श्लोक 20 (skanda.5.228.20)

दत्त्वा तु विप्रमुख्याय सर्वलक्षणसंयुताः। प्रीयतां च महादेवो ब्रह्मा विष्णुर्महेश्वरः

dattvā tu vipramukhyāya sarvalakṣaṇasaṁyutāḥ| prīyatāṁ ca mahādevo brahmā viṣṇurmaheśvaraḥ

सर्वलक्षणों से सम्पन्न वे बछियाँ श्रेष्ठ ब्राह्मण को देकर — "महादेव, ब्रह्मा, विष्णु, महेश्वर प्रसन्न हों।"

श्लोक 21 (skanda.5.228.21)

वृषभे रोमसंख्या या सर्वाङ्गेषु नराधिप। तावद्वर्षप्रमाणं तु शिवलोके महीयते

vṛṣabhe romasaṅkhyā yā sarvāṅgeṣu narādhipa| tāvadvarṣapramāṇaṁ tu śivaloke mahīyate

हे नराधिप! बैल के समस्त अंगों में जितने रोम होते हैं, उतने ही वर्षों तक वह शिवलोक में प्रतिष्ठित रहता है।

श्लोक 22 (skanda.5.228.22)

शिवलोके वसित्वा तु यदा मर्त्येषु जायते। कुले महति सम्भूतिर्धनधान्यसमाकुले

śivaloke vasitvā tu yadā martyeṣu jāyate| kule mahati sambhūtirdhanadhānyasamākule

शिवलोक में निवास कर लेने के पश्चात् जब वह मनुष्यों में जन्म लेता है, तो उसका जन्म धन-धान्य से परिपूर्ण महान् कुल में होता है,

श्लोक 23 (skanda.5.228.23)

नीरोगो रूपवांश्चैव विद्याढ्यः सत्यवाक्शुचिः। गोप्रेक्षेश्वरमाहात्म्यं मया ख्यातं युधिष्ठिर। गोदेहान्निःसृतं लिङ्गं काशीगङ्गातटे

nīrogo rūpavāṁścaiva vidyāḍhyaḥ satyavākśuciḥ| gopreksheśvaramāhātmyaṁ mayā khyātaṁ yudhiṣṭhira| godehānniḥsṛtaṁ liṅgaṁ kāśīgaṅgātaṭe

वह रोगरहित, रूपवान्, विद्यायुक्त, सत्यवादी और पवित्र होता है। हे युधिष्ठिर! मैंने तुम्हें गोप्रेक्षेश्वर की महिमा बता दी — काशी-गंगा के तट पर गाय के शरीर से निकला हुआ यह लिंग।