नारदेश्वर तीर्थ की महिमा

श्लोक 1 (skanda.5.233.1)

श्रीमार्कण्डेय उवाच। ततो गच्छेत्तु राजेन्द्र नरदेश्वरमुत्तमम्। तीर्थानां परमं तीर्थं निर्मितं नारदेन तु

śrīmārkaṇḍeya uvāca| tato gacchettu rājendra naradeśvaramuttamam| tīrthānāṁ paramaṁ tīrthaṁ nirmitaṁ nāradena tu

श्री मार्कण्डेय ने कहा — तत्पश्चात् हे राजेन्द्र! उत्तम नारदेश्वर तीर्थ को जाओ; यह तीर्थों में परम तीर्थ है, जो नारद द्वारा निर्मित है।

श्लोक 2 (skanda.5.233.2)

युधिष्ठिर उवाच। नारदेन मुनिश्रेष्ठ कस्मात्तीर्थं विनिर्मितम्। एतदाख्याहि मे सर्वं प्रसन्नो यदि सत्तम

yudhiṣṭhira uvāca| nāradena muniśreṣṭha kasmāttīrthaṁ vinirmitam| etadākhyāhi me sarvaṁ prasanno yadi sattama

युधिष्ठिर ने कहा — हे मुनिश्रेष्ठ! नारद ने यह तीर्थ किस कारण से निर्मित किया? हे सत्तम! यदि आप प्रसन्न हों, तो यह सब मुझे बताइए।

श्लोक 3 (skanda.5.233.3)

श्रीमार्कण्डेय उवाच। परमेष्ठिसुतः पार्थ नारदो मुनिसत्तमः। रेवायाश्चोत्तरे कूले तपस्तेन पुरा कृतम्

śrīmārkaṇḍeya uvāca| parameṣṭhisutaḥ pārtha nārado munisattamaḥ| revāyāścottare kūle tapastena purā kṛtam

श्री मार्कण्डेय ने कहा — हे पार्थ! परमेष्ठी के पुत्र, मुनिसत्तम नारद ने रेवा के उत्तरी तट पर प्राचीन काल में तपस्या की।

श्लोक 4 (skanda.5.233.4)

नवनाडीनिरोधेन काष्ठावत्यां गतेन च। तोषितः पशुभर्ता वै नारदेन युधिष्ठिर

navanāḍīnirodhena kāṣṭhāvatyāṁ gatena ca| toṣitaḥ paśubhartā vai nāradena yudhiṣṭhira

हे युधिष्ठिर! नौ नाड़ियों के निरोध द्वारा तथा काष्ठ के समान स्थिर होकर, नारद ने पशुपति शिव को संतुष्ट किया।

श्लोक 5 (skanda.5.233.5)

ईश्वर उवाच। तुष्टोऽहं तव विप्रेन्द्र योगिनाथ अयोनिज। वरं प्रार्थय मे वत्स यस्ते मनसि वर्तते

īśvara uvāca| tuṣṭo'haṁ tava viprendra yoginātha ayonija| varaṁ prārthaya me vatsa yaste manasi vartate

ईश्वर ने कहा — "हे विप्रेन्द्र! हे योगिनाथ! हे अयोनिज! मैं तुमसे संतुष्ट हूँ। हे वत्स! तुम्हारे मन में जो हो, वह वर मुझसे मांगो।"

श्लोक 6 (skanda.5.233.6)

नारद उवाच। त्वत्प्रसादेन मे शम्भो योगश्चैव प्रसिध्यतु। अचला ते भवेद्भक्तिः सर्वकालं ममैव तु

nārada uvāca| tvatprasādena me śambho yogaścaiva prasidhyatu| acalā te bhavedbhaktiḥ sarvakālaṁ mamaiva tu

नारद ने कहा — "हे शम्भो! तुम्हारी कृपा से मेरा योग सिद्ध हो; तुम्हारे प्रति मेरी भक्ति सदा अचल रहे।"

श्लोक 7 (skanda.5.233.7)

स्वेच्छाचारी भवे देव वेदवेदाङ्गपारगः। त्रिकालज्ञो जगन्नाथ गीतज्ञोऽहं सदा भवे

svecchācārī bhave deva vedavedāṅgapāragaḥ| trikālajño jagannātha gītajño'haṁ sadā bhave

"हे देव! मैं स्वेच्छाचारी बनूँ, वेद-वेदांगों का पारगामी बनूँ; हे जगन्नाथ! त्रिकालज्ञ बनूँ, तथा सदा संगीत का ज्ञाता बना रहूँ।"

श्लोक 8 (skanda.5.233.8)

दिने दिने यथा युद्धं देवदानवमानुषैः। पाताले मर्त्यलोके वा स्वर्गे वापि महेश्वर

dine dine yathā yuddhaṁ devadānavamānuṣaiḥ| pātāle martyaloke vā svarge vāpi maheśvara

"हे महेश्वर! प्रतिदिन देवों, दानवों और मनुष्यों के बीच जो युद्ध होता हो, चाहे पाताल में, मृत्युलोक में अथवा स्वर्ग में,"

श्लोक 9 (skanda.5.233.9)

पश्येयं त्वत्प्रसादेन भवन्तं पार्वतीं तथा। तीर्थं लोकेषु विख्यातं सर्वपापक्षयंकरम्

paśyeyaṁ tvatprasādena bhavantaṁ pārvatīṁ tathā| tīrthaṁ lokeṣu vikhyātaṁ sarvapāpakṣayaṁkaram

"उसे मैं तुम्हारी कृपा से देख सकूँ, तथा तुम्हें और पार्वती को भी। और यह तीर्थ लोकों में विख्यात हो, सब पापों का क्षय करने वाला।"

श्लोक 10 (skanda.5.233.10)

ईश्वर उवाच। एवं नारद सर्वं तु भविष्यति न संशयः। चिन्तितं मत्प्रसादेन सिध्यते नात्र संशयः

īśvara uvāca| evaṁ nārada sarvaṁ tu bhaviṣyati na saṁśayaḥ| cintitaṁ matprasādena sidhyate nātra saṁśayaḥ

ईश्वर ने कहा — "हे नारद! ऐसा ही, यह सब निःसंदेह होगा। मेरी कृपा से चिन्तित हुआ कार्य निःसंदेह सिद्ध होता है।"

श्लोक 11 (skanda.5.233.11)

स्वेच्छाचारो भवेर्वत्स स्वर्गे पातालगोचरे। मर्त्ये वा भ्रम वै योगिन्न केनापि निवार्यसे

svecchācāro bhaverbatsa svarge pātālagocare| martye vā bhrama vai yoginna kenāpi nivāryase

"हे वत्स! तुम स्वर्ग में, पाताल में अथवा मृत्युलोक में स्वेच्छाचारी बनो; हे योगिन्! विचरण करो, तुम्हें कोई नहीं रोक सकेगा।"

श्लोक 12 (skanda.5.233.12)

सप्त स्वरास्त्रयो ग्रामा मूर्च्छनाश्चैकविंशतिः। ताना एकोनपञ्चाशत्प्रसादान्मे तव ध्रुवम्

sapta svarāstrayo grāmā mūrcchanāścaikaviṁśatiḥ| tānā ekonapañcāśatprasādānme tava dhruvam

"सात स्वर, तीन ग्राम, तथा इक्कीस मूर्च्छनाएं — इन उनचास स्वर-भेदों को मेरी कृपा से तुम निश्चित रूप से प्राप्त करोगे।"

श्लोक 13 (skanda.5.233.13)

मम प्रियंकरं दिव्यं नृत्यगीतं भविष्यति। कलिं च पश्यसे नित्यं देवदानवकिन्नरैः

mama priyaṁkaraṁ divyaṁ nṛtyagītaṁ bhaviṣyati| kaliṁ ca paśyase nityaṁ devadānavakinnaraiḥ

"मुझे प्रिय करने वाला दिव्य नृत्य-गीत तुम्हें प्राप्त होगा; और तुम देवों, दानवों तथा किन्नरों के साथ नित्य कलह को देखोगे।"

श्लोक 14 (skanda.5.233.14)

त्वत्तीर्थं भूतले पुण्यं मत्प्रसादाद्भविष्यति। वेदवेदाङ्गतत्त्वज्ञो ह्यशेषज्ञानकोविदः। एकस्त्वमसि निःसङ्गो मत्प्रसादेन नारद

tvattīrthaṁ bhūtale puṇyaṁ matprasādādbhaviṣyati| vedavedāṅgatattvajño hyaśeṣajñānakovidaḥ| ekastvamasi niḥsaṅgo matprasādena nārada

"तुम्हारा तीर्थ मेरी कृपा से पृथ्वी पर पवित्र होगा; तुम वेद-वेदांगों के तत्त्वज्ञ, समस्त ज्ञान में निपुण होगे। हे नारद! मेरी कृपा से तुम अकेले ही असंग होगे।"

श्लोक 15 (skanda.5.233.15)

इत्युक्त्वान्तर्दधे देवो नारदस्तत्र शूलिनम्। स्थापयामास राजेन्द्र सर्वसत्त्वोपकारकम्

ityuktvāntardadhe devo nāradastatra śūlinam| sthāpayāmāsa rājendra sarvasattvopakārakam

यह कहकर देव अन्तर्धान हो गए। हे राजेन्द्र! वहाँ नारद ने त्रिशूलधारी शिव की स्थापना की, जो सब प्राणियों का उपकार करने वाले हैं।

श्लोक 16 (skanda.5.233.16)

पृथिव्यामुत्तमं तीर्थं निर्मितं नारदेन तु। तत्र तीर्थे नृपश्रेष्ठ यो गच्छेद्विजितेन्द्रियः

pṛthivyāmuttamaṁ tīrthaṁ nirmitaṁ nāradena tu| tatra tīrthe nṛpaśreṣṭha yo gacchedvijitendriyaḥ

पृथ्वी पर एक उत्तम तीर्थ नारद द्वारा निर्मित हुआ; हे नृपश्रेष्ठ! उस तीर्थ में जो जितेन्द्रिय होकर जाता है,

श्लोक 17 (skanda.5.233.17)

मासि भाद्रपदे पार्थ कृष्णपक्षे चतुर्दशी। उपोष्य परया भक्त्या रात्रौ कुर्वीत जागरम्

māsi bhādrapade pārtha kṛṣṇapakṣe caturdaśī| upoṣya parayā bhaktyā rātrau kurvīta jāgaram

हे पार्थ! भाद्रपद मास की कृष्णपक्ष चतुर्दशी को, परम भक्ति से उपवास करके, रात्रि में जागरण करे,

श्लोक 18 (skanda.5.233.18)

छत्रं तत्र प्रदातव्यं ब्राह्मणे शुभलक्षणे। शस्त्रेण तु हता ये वै तेषां श्राद्धं प्रदापयेत्। ते यान्ति परमं लोकं पिण्डदानप्रभावतः

chatraṁ tatra pradātavyaṁ brāhmaṇe śubhalakṣaṇe| śastreṇa tu hatā ye vai teṣāṁ śrāddhaṁ pradāpayet| te yānti paramaṁ lokaṁ piṇḍadānaprabhāvataḥ

वहाँ शुभ-लक्षणयुक्त ब्राह्मण को छत्र-दान करे; जो शस्त्र से मारे गए हों, उनका श्राद्ध कराए — वे पिण्डदान के प्रभाव से परम लोक को प्राप्त होते हैं।

श्लोक 19 (skanda.5.233.19)

कपिला तत्र दातव्या पितॄनुद्दिश्य भारत। इत्युच्चार्य द्विजे देया यान्तु ते परमां गतिम्

kapilā tatra dātavyā pitṝnuddiśya bhārata| ityuccārya dvije deyā yāntu te paramāṁ gatim

हे भारत! वहाँ पितरों के उद्देश्य से कपिला गाय देनी चाहिए; "वे परम गति को प्राप्त हों," ऐसा उच्चारण करके ब्राह्मण को दान देना चाहिए।

श्लोक 20 (skanda.5.233.20)

अस्य श्राद्धस्य भावेन ब्राह्मणस्य प्रसादतः। नर्मदातोयभावेन न्यायार्जितधनस्य च। तेषां चैव प्रभावेन प्रेता यान्तु परां गतिम्

asya śrāddhasya bhāvena brāhmaṇasya prasādataḥ| narmadātoyabhāvena nyāyārjitadhanasya ca| teṣāṁ caiva prabhāvena pretā yāntu parāṁ gatim

इस श्राद्ध के प्रभाव से, ब्राह्मण के प्रसाद से, नर्मदा-जल के प्रभाव से, तथा न्यायपूर्वक अर्जित धन के प्रभाव से — इन सबके प्रभाव से प्रेतगण परम गति को प्राप्त हों।

श्लोक 21 (skanda.5.233.21)

इत्युच्चार्य द्विजे देया दक्षिणा च स्वशक्तितः। हविष्यान्नं विशालाक्ष द्विजानां चैव दापयेत्

ityuccārya dvije deyā dakṣiṇā ca svaśaktitaḥ| haviṣyānnaṁ viśālākṣa dvijānāṁ caiva dāpayet

ऐसा उच्चारण करके, ब्राह्मण को यथाशक्ति दक्षिणा देनी चाहिए; हे विशालाक्ष! ब्राह्मणों को हविष्यान्न भी देना चाहिए।

श्लोक 22 (skanda.5.233.22)

दीपं भक्त्या प्रदातव्यं नृत्यं गीतं च कारयेत्। अवाप्तं तेन वै सर्वं यः करोतीश्वरालये

dīpaṁ bhaktyā pradātavyaṁ nṛtyaṁ gītaṁ ca kārayet| avāptaṁ tena vai sarvaṁ yaḥ karotīśvarālaye

भक्तिपूर्वक दीपदान करना चाहिए, और नृत्य-गीत भी कराना चाहिए; जो ईश्वर के मन्दिर में यह सब करता है, उसे सब कुछ प्राप्त हो जाता है।

श्लोक 23 (skanda.5.233.23)

स याति रुद्रसांनिध्यमिति रुद्रः स्वयं जगौ। विद्यादानेन चैकेन अक्षयां गतिमाप्नुयात्

sa yāti rudrasānnidhyamiti rudraḥ svayaṁ jagau| vidyādānena caikena akṣayāṁ gatimāpnuyāt

वह रुद्र के सामीप्य को प्राप्त होता है — यह रुद्र ने स्वयं कहा। एक ही विद्यादान से अक्षय गति प्राप्त होती है।

श्लोक 24 (skanda.5.233.24)

धूर्वहास्तत्र दातव्या भूमिः सस्यवती नृप। चित्रभानुं शुभैर्मन्त्रैः प्रीणयेत्तत्र भक्तितः

dhūrvahāstatra dātavyā bhūmiḥ sasyavatī nṛpa| citrabhānuṁ śubhairmantraiḥ prīṇayettatra bhaktitaḥ

हे राजन्! वहाँ भार वहन करने वाले बैल तथा सस्ययुक्त भूमि देनी चाहिए; वहाँ शुभ मन्त्रों से भक्तिपूर्वक अग्नि को प्रसन्न करे।

श्लोक 25 (skanda.5.233.25)

आज्येन सुप्रभूतेन होमद्रव्येण भारत। ये यजन्ति सदा भक्त्या त्रिकालं नृत्यमेव च

ājyena suprabhūtena homadravyeṇa bhārata| ye yajanti sadā bhaktyā trikālaṁ nṛtyameva ca

हे भारत! जो लोग प्रचुर घृत और होम-सामग्री से, तथा त्रिकाल नृत्य से, सदा भक्तिपूर्वक यजन करते हैं,

श्लोक 26 (skanda.5.233.26)

तीर्थे नारदनामाख्ये रेवायाश्चोत्तरे तटे। चित्रभानुमुखा देवाः सर्वदेवमय ऋषिः

tīrthe nāradanāmākhye revāyāścottare taṭe| citrabhānumukhā devāḥ sarvadevamaya ṛṣiḥ

रेवा के उत्तरी तट पर स्थित उस नारद-नामक तीर्थ में — अग्नि आदि देवगण, तथा सर्वदेवमय ऋषि नारद स्वयं वहाँ उपस्थित रहते हैं।

श्लोक 27 (skanda.5.233.27)

ऋषिणा प्रीणिताः सर्वे तस्मात्प्रीत्यो हुताशनः। पूजिते हव्यवाहे तु दारिद्र्यं नैव जायते

ṛṣiṇā prīṇitāḥ sarve tasmātprītyo hutāśanaḥ| pūjite havyavāhe tu dāridryaṁ naiva jāyate

उस ऋषि द्वारा सभी देव प्रसन्न किए गए, इसीलिए अग्नि भी प्रसन्न रहते हैं; अग्नि की पूजा करने से दरिद्रता कभी उत्पन्न नहीं होती।

श्लोक 28 (skanda.5.233.28)

धनेन विपुला प्रीतिर्जायते प्रतिजन्मनि। कुलीनाश्च सुवेषाश्च सर्वकालं धनेन तु

dhanena vipulā prītirjāyate pratijanmani| kulīnāśca suveṣāśca sarvakālaṁ dhanena tu

धन से जन्म-जन्म में विपुल प्रीति उत्पन्न होती है; धन के द्वारा ही सदा कुलीनता और सुन्दर वेश प्राप्त होते हैं।

श्लोक 29 (skanda.5.233.29)

प्लवो नदीनां पतिरङ्गनानां राजा च सद्वृत्तरतः प्रजानाम्। धनं नराणामृतवस्तरूणां गतं गतं यौवनमानयन्ति

plavo nadīnāṁ patiraṅganānāṁ rājā ca sadvṛttarataḥ prajānām| dhanaṁ narāṇāmṛtavastarūṇāṁ gataṁ gataṁ yauvanamānayanti

नदियों के लिए नाव, स्त्रियों के लिए पति, प्रजा के लिए सदाचारी राजा — तथा मनुष्यों के लिए धन, वृक्षों के लिए ऋतुएं, ये सब बीता हुआ यौवन भी बार-बार लौटा लाते हैं।

श्लोक 30 (skanda.5.233.30)

धनदत्वं धनेशेन तस्मिंस्तीर्थे ह्युपार्जितम्। यमेन च यमत्वं हि इन्द्रत्वं चैव वज्रिणा

dhanadatvaṁ dhaneśena tasmiṁstīrthe hyupārjitam| yamena ca yamatvaṁ hi indratvaṁ caiva vajriṇā

उस तीर्थ में ही धनेश (कुबेर) ने धनाधिपत्य अर्जित किया; यम ने यमत्व, तथा वज्रधारी इन्द्र ने इन्द्रत्व अर्जित किया।

श्लोक 31 (skanda.5.233.31)

अन्यैरपि महीपालैः पार्थिवत्वमुपार्जितम्। नारदेश्वरमाहात्म्याद्ध्रुवो निश्चलतां गतः

anyairapi mahīpālaiḥ pārthivatvamupārjitam| nāradeśvaramāhātmyāddhruvo niścalatāṁ gataḥ

अन्य राजाओं ने भी वहीं राजत्व अर्जित किया; नारदेश्वर की महिमा से ही ध्रुव अचलता को प्राप्त हुआ।

श्लोक 32 (skanda.5.233.32)

सर्वतीर्थवरं तीर्थं निर्मितं नारदेन तु। पृथिव्यां सागरान्तायां रेवायाश्चोत्तरे तटे। तद्वरं सर्वतीर्थानां महापातकनाशनम्

sarvatīrthavaraṁ tīrthaṁ nirmitaṁ nāradena tu| pṛthivyāṁ sāgarāntāyāṁ revāyāścottare taṭe| tadvaraṁ sarvatīrthānāṁ mahāpātakanāśanam

यह तीर्थ, सब तीर्थों में श्रेष्ठ, नारद द्वारा निर्मित है; समुद्रपर्यन्त इस पृथ्वी पर, रेवा के उत्तरी तट पर स्थित यह तीर्थ, सब तीर्थों में श्रेष्ठ तथा महापातकों का नाश करने वाला है।