नन्दिकेश्वर तीर्थ की महिमा

श्लोक 1 (skanda.5.235.1)

श्रीमार्कण्डेय उवाच। ततो गच्छेत्तु राजेन्द्र नन्दिकेश्वरमुत्तमम्। यत्र सिद्धो महानन्दी तत्ते सर्वं वदाम्यहम्

śrīmārkaṇḍeya uvāca| tato gacchettu rājendra nandikeśvaramuttamam| yatra siddho mahānandī tatte sarvaṁ vadāmyaham

श्री मार्कण्डेय ने कहा — तत्पश्चात् हे राजेन्द्र! उत्तम नन्दिकेश्वर तीर्थ को जाओ, जहाँ महानन्दी सिद्ध हुए थे; वह सब मैं तुम्हें बताता हूँ।

श्लोक 2 (skanda.5.235.2)

रेवायां पुरतः कृत्वा पुरा नन्दी गणेश्वरः। तपस्तपञ्जयं कुर्वंस्तीर्थात्तीर्थं जगाम ह

revāyāṁ purataḥ kṛtvā purā nandī gaṇeśvaraḥ| tapastapañjayaṁ kurvaṁstīrthāttīrthaṁ jagāma ha

प्राचीन काल में गणेश्वर नन्दी ने रेवा को आगे रखकर, विजयी तप करते हुए, एक तीर्थ से दूसरे तीर्थ में भ्रमण किया।

श्लोक 3 (skanda.5.235.3)

दधिस्कन्दं मधुस्कन्दं यावत्त्यक्त्वा तु गच्छति। तावत्तुष्टो महादेवो नन्दिनाथमुवाच ह

dadhiskandaṁ madhuskandaṁ yāvattyaktvā tu gacchati| tāvattuṣṭo mahādevo nandināthamuvāca ha

ज्यों ही वह दधिस्कन्द और मधुस्कन्द को छोड़कर आगे बढ़ा, त्यों ही संतुष्ट महादेव ने नन्दिनाथ से कहा —

श्लोक 4 (skanda.5.235.4)

ईश्वर उवाच। भोभोः प्रसन्नो नन्दीश वरं वृणु यथेप्सितम्। तपसा तेन तुष्टोऽहं तीर्थयात्राकृतेन ते

īśvara uvāca| bhobhoḥ prasanno nandīśa varaṁ vṛṇu yathepsitam| tapasā tena tuṣṭo'haṁ tīrthayātrākṛtena te

ईश्वर ने कहा — "हे नन्दीश! मैं प्रसन्न हूँ; इच्छानुसार वर मांगो। तुम्हारी तीर्थयात्रा में की गई तपस्या से मैं संतुष्ट हूँ।"

श्लोक 5 (skanda.5.235.5)

नन्दीश्वर उवाच। न चाहं कामये वित्तं न चाहं कुलसन्ततिम्। मुक्त्वा न कामये कामं तव पादाम्बुजात्परम्

nandīśvara uvāca| na cāhaṁ kāmaye vittaṁ na cāhaṁ kulasantatim| muktvā na kāmaye kāmaṁ tava pādāmbujātparam

नन्दीश्वर ने कहा — "मैं न धन चाहता हूँ, न वंश-वृद्धि। तुम्हारे चरणकमल के अतिरिक्त मैं और कोई कामना नहीं चाहता।"

श्लोक 6 (skanda.5.235.6)

कृमिकीटपतङ्गेषु तिर्यग्योनिं गतस्य वा। जन्म जन्मान्तरेऽप्यस्तु भक्तिस्त्वयि ममाचला

kṛmikīṭapataṅgeṣu tiryagyoniṁ gatasya vā| janma janmāntare'pyastu bhaktistvayi mamācalā

"चाहे कृमि, कीट अथवा पतंग के रूप में, अथवा पशुयोनि को प्राप्त होकर भी, जन्म-जन्मांतर में तुम्हारे प्रति मेरी भक्ति अचल बनी रहे।"

श्लोक 7 (skanda.5.235.7)

तथेत्युक्त्वा महादेवः परया कृपया नृप। गृहीत्वा तं करे सिद्धं जगाम निलयं हरः

tathetyuktvā mahādevaḥ parayā kṛpayā nṛpa| gṛhītvā taṁ kare siddhaṁ jagāma nilayaṁ haraḥ

"तथास्तु" कहकर, हे राजन्! महादेव ने परम कृपा से, उस सिद्ध नन्दी को हाथ से पकड़कर अपने निवास को ले गए।

श्लोक 8 (skanda.5.235.8)

तस्मिंस्तीर्थे तु यः स्नात्वा भक्त्या त्र्यक्षं प्रपूजयेत्। अग्निष्टोमस्य यज्ञस्य फलं प्राप्नोति मानवः

tasmiṁstīrthe tu yaḥ snātvā bhaktyā tryakṣaṁ prapūjayet| agniṣṭomasya yajñasya phalaṁ prāpnoti mānavaḥ

उस तीर्थ में जो स्नान करके भक्तिपूर्वक त्रिनेत्र शिव की पूजा करता है, वह मनुष्य अग्निष्टोम यज्ञ का फल प्राप्त करता है।

श्लोक 9 (skanda.5.235.9)

तत्र तीर्थे तु यः स्नात्वा प्राणत्यागं करोति चेत्। शिवस्यानुचरो भूत्वा मोदते कल्पमक्षयम्

tatra tīrthe tu yaḥ snātvā prāṇatyāgaṁ karoti cet| śivasyānucaro bhūtvā modate kalpamakṣayam

उस तीर्थ में जो स्नान करके प्राणत्याग करता है, वह शिव का अनुचर बनकर एक कल्प तक अक्षय आनन्द भोगता है।

श्लोक 10 (skanda.5.235.10)

ततः कालेन महता जायते विमले कुले। वेदवेदाङ्गतत्त्वज्ञो जीवेच्च शरदां शतम्

tataḥ kālena mahatā jāyate vimale kule| vedavedāṅgatattvajño jīvecca śaradāṁ śatam

फिर दीर्घ काल के पश्चात् वह निर्मल कुल में जन्म लेता है — वेद-वेदांगों के तत्त्वज्ञ के रूप में, तथा सौ शरद ऋतुओं तक जीवित रहता है।

श्लोक 11 (skanda.5.235.11)

एतत्ते कथितं तात तीर्थमाहात्म्यमुत्तमम्। दुर्लभं मर्त्यसंज्ञस्य सर्वपापक्षयंकरम्

etatte kathitaṁ tāta tīrthamāhātmyamuttamam| durlabhaṁ martyasaṁjñasya sarvapāpakṣayaṁkaram

हे तात! यह मैंने तुम्हें उत्तम तीर्थ-माहात्म्य बताया, जो मनुष्यों को दुर्लभ है, और सब पापों का क्षय करने वाला है।