नारायणी तीर्थ (बदरिकाश्रम) माहात्म्य

श्लोक 1 (skanda.5.250.1)

श्रीमार्कण्डेय उवाच - ततो गच्छेत्तु राजेन्द्र बदर्याश्रममुत्तमम्। सर्वतीर्थवरं पुण्यं कथितं शंभुना पुरा

śrīmārkaṇḍeya uvāca - tato gacchettu rājendra badaryāśramamuttamam| sarvatīrthavaraṁ puṇyaṁ kathitaṁ śaṁbhunā purā

श्रीमार्कण्डेय बोले — हे राजेन्द्र, तदनन्तर उत्तम बदर्याश्रम को जाना चाहिए, जो समस्त तीर्थों में श्रेष्ठ और पुण्यमय है, जिसे पूर्वकाल में शम्भु ने कहा था।

श्लोक 2 (skanda.5.250.2)

यश्चैष भारतस्यार्थे तत्र सिद्धः किरीटभृत्। भ्राता ते फाल्गुनो नाम विद्ध्येनं नरदैवतम्

yaścaiṣa bhāratasyārthe tatra siddhaḥ kirīṭabhṛt| bhrātā te phālguno nāma viddhyenaṁ naradaivatam

और जो भारत के हित के लिए वहाँ सिद्ध हुआ, वह किरीटधारी — उसे तुम्हारा भ्राता फाल्गुन नाम से जानो, जो नरदेवता है।

श्लोक 3 (skanda.5.250.3)

नरनारायणौ द्वौ तावागतौ नर्मदातटे। ज्ञानं तस्यैव यो राजन्भक्तिमान्वै जनार्दने

naranārāyaṇau dvau tāvāgatau narmadātaṭe| jñānaṁ tasyaiva yo rājanbhaktimānvai janārdane

नर और नारायण दोनों नर्मदा के तट पर आए। हे राजन्, जिसे उन्हीं का ज्ञान हो और जो जनार्दन के प्रति भक्तिमान् हो,

श्लोक 4 (skanda.5.250.4)

समं पश्यति सर्वेषु स्थावरेषु चरेषु च। ब्राह्मणं श्वपचं चैव तत्र प्रीतो जनार्दनः

samaṁ paśyati sarveṣu sthāvareṣu careṣu ca| brāhmaṇaṁ śvapacaṁ caiva tatra prīto janārdanaḥ

...वह समस्त स्थावर-जंगम प्राणियों को समान दृष्टि से देखता है — ब्राह्मण और चाण्डाल को भी समान; उससे जनार्दन प्रसन्न होते हैं।

श्लोक 5 (skanda.5.250.5)

ऐकात्म्यं पश्य कौन्तेय मयि चात्मनि नान्तरम्। नरनारायणाभ्यां हि कृतं बदरिकाश्रमम्

aikātmyaṁ paśya kaunteya mayi cātmani nāntaram| naranārāyaṇābhyāṁ hi kṛtaṁ badarikāśramam

'हे कौन्तेय, ऐकात्म्य देखो, कि मुझमें और आत्मा में कोई अन्तर नहीं है।' नर और नारायण द्वारा ही बदरिकाश्रम बनाया गया।

श्लोक 6 (skanda.5.250.6)

स्थापितः शङ्करस्तत्र लोकानुग्रहकारणात्। त्रिमूर्तिस्थापितं लिङ्गं स्वर्गमार्गानुमुक्तिदम्

sthāpitaḥ śaṅkarastatra lokānugrahakāraṇāt| trimūrtisthāpitaṁ liṅgaṁ svargamārgānumuktidam

लोकों के अनुग्रह के कारण वहाँ शंकर की स्थापना हुई; त्रिमूर्ति रूप में स्थापित वह लिंग स्वर्गमार्ग से मुक्ति देने वाला है।

श्लोक 7 (skanda.5.250.7)

तत्र गत्वा शुचिर्भूत्वा ह्येकरात्रोपवासकृत्। रजस्तमस्तथा त्यक्त्वा सात्त्विकं भावमाश्रयेत्

tatra gatvā śucirbhūtvā hyekarātropavāsakṛt| rajastamastathā tyaktvā sāttvikaṁ bhāvamāśrayet

वहाँ जाकर, पवित्र होकर, एकरात्रि उपवास करते हुए, रजस् और तमस् का त्याग करके सात्त्विक भाव का आश्रय लेना चाहिए।

श्लोक 8 (skanda.5.250.8)

रात्रौ जागरणं कृत्वा मधुमासाष्टमीदिने। अथवा च चतुर्दश्यामुभौ पक्षौ च कारयेत्

rātrau jāgaraṇaṁ kṛtvā madhumāsāṣṭamīdine| athavā ca caturdaśyāmubhau pakṣau ca kārayet

मधुमास की अष्टमी को अथवा चतुर्दशी को रात्रि में जागरण करके, दोनों पक्षों में यह व्रत करना चाहिए।

श्लोक 9 (skanda.5.250.9)

आश्विनस्य विशेषेण कथितं तव पाण्डव। स्नापयेत्परया भक्त्या क्षीरेण मधुना सह

āśvinasya viśeṣeṇa kathitaṁ tava pāṇḍava| snāpayetparayā bhaktyā kṣīreṇa madhunā saha

हे पाण्डव, विशेषतः आश्विन मास में यह तुम्हें बताया गया; परम भक्ति के साथ दूध और मधु से स्नान कराना चाहिए,

श्लोक 10 (skanda.5.250.10)

दध्ना शर्करया युक्तं घृतेन समलंकृतम्। पञ्चामृतमिदं पुण्यं स्नापयेद्वृषभध्वजम्

dadhnā śarkarayā yuktaṁ ghṛtena samalaṁkṛtam| pañcāmṛtamidaṁ puṇyaṁ snāpayedvṛṣabhadhvajam

...शर्करा मिश्रित दधि से, घृत से सुसज्जित करके — इस पुण्य पंचामृत से वृषभध्वज (शिव) का स्नान कराना चाहिए।

श्लोक 11 (skanda.5.250.11)

स्नाप्यमानं शिवं भक्त्या वीक्षते यो विमत्सरः। तस्य वासः शिवोपान्ते शक्रलोके न संशयः

snāpyamānaṁ śivaṁ bhaktyā vīkṣate yo vimatsaraḥ| tasya vāsaḥ śivopānte śakraloke na saṁśayaḥ

जो ईर्ष्यारहित होकर भक्तिपूर्वक शिव को स्नान कराते हुए देखता है — उसका निवास शिव के समीप, इन्द्रलोक में होता है; इसमें संशय नहीं।

श्लोक 12 (skanda.5.250.12)

शाठ्येनापि नमस्कारः प्रयुक्तः शूलपाणिने। संसारमूलबद्धानामुद्वेष्टनकरो हि यः

śāṭhyenāpi namaskāraḥ prayuktaḥ śūlapāṇine| saṁsāramūlabaddhānāmudveṣṭanakaro hi yaḥ

शूलपाणि को कपटपूर्वक किया गया नमस्कार भी [फलदायी है] — वे ही संसार की जड़ में बँधे हुओं को खोलने वाले हैं।

श्लोक 13 (skanda.5.250.13)

तेनाधीतं श्रुतं तेन तेन सर्वमनुष्ठितम्। येनौं नमः शिवायेति मन्त्राभ्यासः स्थिरीकृतः

tenādhītaṁ śrutaṁ tena tena sarvamanuṣṭhitam| yenauṁ namaḥ śivāyeti mantrābhyāsaḥ sthirīkṛtaḥ

जिसने 'ॐ नमः शिवाय' मन्त्र के अभ्यास को स्थिर कर लिया है, उसके द्वारा सब कुछ पढ़ा गया, सब कुछ सुना गया, और सब कुछ किया गया माना जाता है।

श्लोक 14 (skanda.5.250.14)

यः पुनः स्नापयेद्भक्त्या एकभक्तो जितेन्द्रियः। तस्यापि यत्फलं पार्थ वक्ष्ये तल्लेशतस्तव

yaḥ punaḥ snāpayedbhaktyā ekabhakto jitendriyaḥ| tasyāpi yatphalaṁ pārtha vakṣye talleśatastava

और जो पुनः भक्तिपूर्वक एकभक्त होकर, जितेन्द्रिय होकर स्नान कराता है — हे पार्थ, उसका भी जो फल है, वह मैं तुम्हें संक्षेप में बताऊँगा।

श्लोक 15 (skanda.5.250.15)

पीडितो वृद्धभावेन तव भक्त्या वदाम्यहम्। ते यान्ति परमं स्थानं भित्त्वा भास्करमण्डलम्

pīḍito vṛddhabhāvena tava bhaktyā vadāmyaham| te yānti paramaṁ sthānaṁ bhittvā bhāskaramaṇḍalam

वृद्धावस्था से पीड़ित होकर मैं तुम्हारे प्रति भक्ति से कहता हूँ: वे सूर्यमण्डल को भेदकर परम स्थान को जाते हैं।

श्लोक 16 (skanda.5.250.16)

संसारे सर्वसौख्यानां निलयास्ते भवन्ति च। आश्चर्यं ज्ञातिवर्गाणां धर्माणां निलयास्तु ते

saṁsāre sarvasaukhyānāṁ nilayāste bhavanti ca| āścaryaṁ jñātivargāṇāṁ dharmāṇāṁ nilayāstu te

वे संसार में समस्त सुखों के निलय बन जाते हैं; और आश्चर्य यह कि वे अपने ज्ञातिवर्ग के धर्मों के भी निलय बन जाते हैं।

श्लोक 17 (skanda.5.250.17)

सम्पन्नाः सर्वकामैस्ते पृथिव्यां पृथिवीपते। श्राद्धं तत्रैव यः कुर्यान्नर्मदोदकमिश्रितम्

sampannāḥ sarvakāmaiste pṛthivyāṁ pṛthivīpate| śrāddhaṁ tatraiva yaḥ kuryānnarmadodakamiśritam

हे पृथिवीपते, वे इस पृथ्वी पर समस्त कामनाओं से सम्पन्न होते हैं। जो वहाँ नर्मदा के जल से मिश्रित श्राद्ध करता है,

श्लोक 18 (skanda.5.250.18)

योग्यैश्च ब्राह्मणैर्राजन्कुलीनैर्वेदपारगैः। सुरूपैश्च सुशीलैश्च स्वदारनिरतैः शुभैः

yogyaiśca brāhmaṇairrājankulīnairvedapāragaiḥ| surūpaiśca suśīlaiśca svadāranirataiḥ śubhaiḥ

...योग्य ब्राह्मणों के साथ, हे राजन्, जो कुलीन, वेदपारंगत, सुरूप, सुशील और अपनी पत्नी में रत तथा शुभ हों,

श्लोक 19 (skanda.5.250.19)

आर्यदेशप्रसूतैश्च श्लक्ष्णैश्चैव सुरूपिभिः। कारयेत्पिण्डदानं वै भास्करे कुतपस्थिते

āryadeśaprasūtaiśca ślakṣṇaiścaiva surūpibhiḥ| kārayetpiṇḍadānaṁ vai bhāskare kutapasthite

...आर्यदेश में जन्मे, सौम्य और सुरूप हों — कुतप बेला (मध्याह्न के आठवें मुहूर्त) में पिण्डदान कराना चाहिए।

श्लोक 20 (skanda.5.250.20)

पितॄणां परमं लोकं यदीच्छेद्धर्मनन्दन। वर्जयेत्तान्प्रयत्नेन काणान्दुष्टांश्च दाम्भिकान्

pitṝṇāṁ paramaṁ lokaṁ yadīccheddharmanandana| varjayettānprayatnena kāṇānduṣṭāṁśca dāmbhikān

हे धर्मनन्दन, यदि पितरों के लिए परम लोक की इच्छा हो, तो प्रयत्नपूर्वक काने, दुष्ट और दाम्भिक ब्राह्मणों का वर्जन करना चाहिए।

श्लोक 21 (skanda.5.250.21)

तस्मात्सर्वप्रयत्नेन योग्यं विप्रं समाश्रयेत्। नरकान्मोचयेत्प्रेतान्कुम्भीपाकपुरोगमान्

tasmātsarvaprayatnena yogyaṁ vipraṁ samāśrayet| narakānmocayetpretānkumbhīpākapurogamān

इसलिए सब प्रयत्नों से योग्य ब्राह्मण का आश्रय लेना चाहिए; इससे कुम्भीपाक आदि नरकों से प्रेत पितरों को मुक्त किया जा सकता है।

श्लोक 22 (skanda.5.250.22)

मोक्षो भवति सर्वेषां पितॄणां नृपनन्दन। विप्रेभ्यः काञ्चनं दद्यात्प्रीयतां मे पितामहः

mokṣo bhavati sarveṣāṁ pitṝṇāṁ nṛpanandana| viprebhyaḥ kāñcanaṁ dadyātprīyatāṁ me pitāmahaḥ

हे नृपनन्दन, समस्त पितरों को मोक्ष प्राप्त होता है। ब्राह्मणों को स्वर्ण देना चाहिए, यह कहते हुए कि 'मेरे पितामह प्रसन्न हों।'

श्लोक 23 (skanda.5.250.23)

अन्नं च दापयेत्तत्र भक्त्या वस्त्रं च भारत। गां वृषं मेदिनीं दद्याच्छत्रं शस्तं नृपोत्तम

annaṁ ca dāpayettatra bhaktyā vastraṁ ca bhārata| gāṁ vṛṣaṁ medinīṁ dadyācchatraṁ śastaṁ nṛpottama

हे भारत, वहाँ भक्तिपूर्वक अन्न दिलाना चाहिए, तथा वस्त्र भी; हे नृपोत्तम, गौ, वृषभ, भूमि और उत्तम छत्र देना चाहिए।

श्लोक 24 (skanda.5.250.24)

स पुमान्स्वर्गमाप्नोति इत्येवं शङ्करोऽब्रवीत्। प्राणत्यागं तु यः कुर्याच्छिखिना सलिलेन वा

sa pumānsvargamāpnoti ityevaṁ śaṅkaro'bravīt| prāṇatyāgaṁ tu yaḥ kuryācchikhinā salilena vā

वह पुरुष स्वर्ग को प्राप्त होता है — ऐसा शंकर ने कहा। और जो वहाँ अग्नि से अथवा जल से प्राणत्याग करता है,

श्लोक 25 (skanda.5.250.25)

अनाशकेन वा भूयः स गच्छेच्छिवमन्दिरम्। नरनारायणीतीरे देवद्रोण्यां च यो नृप

anāśakena vā bhūyaḥ sa gacchecchivamandiram| naranārāyaṇītīre devadroṇyāṁ ca yo nṛpa

...अथवा अनशन से — वह शिव के धाम को जाता है। और हे राजन्, जो नरनारायणी के तट पर, अथवा देवद्रोणी में शरीर त्यागता है,

श्लोक 26 (skanda.5.250.26)

स वसेदीश्वरस्याग्रे यावदिन्द्राश्चतुर्दश। पुनः स्वर्गाच्च्युतः सोऽपि राजा भवति वीर्यवान्

sa vasedīśvarasyāgre yāvadindrāścaturdaśa| punaḥ svargāccyutaḥ so'pi rājā bhavati vīryavān

...वह चौदह इन्द्रों के काल तक ईश्वर के समीप निवास करता है; स्वर्ग से पुनः च्युत होकर भी वह वीर्यवान् राजा बनता है।

श्लोक 27 (skanda.5.250.27)

सर्वैश्वर्यगुणैर्युक्तः प्रजापालनतत्परः। ततः स्मरति तत्तीर्थं पुनरेवागमिष्यति

sarvaiśvaryaguṇairyuktaḥ prajāpālanatatparaḥ| tataḥ smarati tattīrthaṁ punarevāgamiṣyati

समस्त ऐश्वर्य-गुणों से युक्त, प्रजापालन में तत्पर होकर — तब उस तीर्थ का स्मरण करके वह पुनः वहीं आता है।