कोटीश्वर तीर्थ माहात्म्य

श्लोक 1 (skanda.5.251.1)

श्रीमार्कण्डेय उवाच - ततो गच्छेत्तु राजेन्द्र तीर्थं कोटीश्वरं परम्। ऋषिकोटिः समायाता यत्र वै कुरुनन्दन

śrīmārkaṇḍeya uvāca - tato gacchettu rājendra tīrthaṁ koṭīśvaraṁ param| ṛṣikoṭiḥ samāyātā yatra vai kurunandana

श्रीमार्कण्डेय बोले — हे राजेन्द्र, तदनन्तर परम कोटीश्वर तीर्थ को जाना चाहिए, हे कुरुनन्दन, जहाँ ऋषियों का एक कोटि समूह एकत्र हुआ था।

श्लोक 2 (skanda.5.251.2)

कृष्णद्वैपायनस्यैव क्षेमार्थं मुनिपुंगवाः। मन्त्रयित्वा द्विजैः सर्वैर्वेदमङ्गलपाठकैः

kṛṣṇadvaipāyanasyaiva kṣemārthaṁ munipuṁgavāḥ| mantrayitvā dvijaiḥ sarvairvedamaṅgalapāṭhakaiḥ

स्वयं कृष्ण द्वैपायन के कल्याण के लिए, मुनिपुंगवों ने विचार-विमर्श करके, वेद-मंगल पाठ करने वाले समस्त द्विजों के साथ,

श्लोक 3 (skanda.5.251.3)

स्थापितः शङ्करस्तत्र कारणं बन्धनाशनम्। संसारच्छेदकरणं प्राणिनामार्तिनाशनम्

sthāpitaḥ śaṅkarastatra kāraṇaṁ bandhanāśanam| saṁsāracchedakaraṇaṁ prāṇināmārtināśanam

...वहाँ शंकर की स्थापना की गई — जो बन्धन का नाश करने वाला कारण है, संसार-श्रृंखला को छेदने वाला और प्राणियों की पीड़ा का नाश करने वाला है।

श्लोक 4 (skanda.5.251.4)

कोटीश्वरमिति प्रोक्तं पृथिव्यां नृपनन्दन। स्नापयेत्तं तु यो भक्त्या पूर्णिमायां नृपोत्तम

koṭīśvaramiti proktaṁ pṛthivyāṁ nṛpanandana| snāpayettaṁ tu yo bhaktyā pūrṇimāyāṁ nṛpottama

हे नृपनन्दन, वह पृथ्वी पर कोटीश्वर के नाम से कहा गया है; हे नृपोत्तम, जो उन्हें भक्तिपूर्वक पूर्णिमा को स्नान कराता है,

श्लोक 5 (skanda.5.251.5)

पितॄणां तर्पणं कृत्वा पिण्डदानं यथाविधि। श्रावणस्य विशेषेण पूर्णिमायां युधिष्ठिर

pitṝṇāṁ tarpaṇaṁ kṛtvā piṇḍadānaṁ yathāvidhi| śrāvaṇasya viśeṣeṇa pūrṇimāyāṁ yudhiṣṭhira

...पितरों का तर्पण करके, तथा विधिपूर्वक पिण्डदान करके — विशेषतः श्रावण की पूर्णिमा को, हे युधिष्ठिर —

श्लोक 6 (skanda.5.251.6)

पितॄणामक्षया तृप्तिर्यावदाभूतसम्प्लवम्। पितॄणां परमं गुह्यं रेवातटसमाश्रितम्। मोक्षदं सर्वजन्तूनां निर्मितं मुनिसत्तमैः

pitṝṇāmakṣayā tṛptiryāvadābhūtasamplavam| pitṝṇāṁ paramaṁ guhyaṁ revātaṭasamāśritam| mokṣadaṁ sarvajantūnāṁ nirmitaṁ munisattamaiḥ

...पितरों को अक्षय तृप्ति प्राप्त होती है, प्राणियों के प्रलय पर्यन्त। यह पितरों का परम गुह्य स्थान है, रेवा के तट पर स्थित, समस्त प्राणियों को मोक्ष देने वाला, श्रेष्ठ मुनियों द्वारा निर्मित।