व्यासतीर्थ माहात्म्य

श्लोक 1 (skanda.5.252.1)

श्रीमार्कण्डेय उवाच - ततो गच्छेन्महीपाल व्यासतीर्थमनुत्तमम्। दुर्लभं मनुजैः पुण्यमन्तरिक्षे व्यवस्थितम्

śrīmārkaṇḍeya uvāca - tato gacchenmahīpāla vyāsatīrthamanuttamam| durlabhaṁ manujaiḥ puṇyamantarikṣe vyavasthitam

श्रीमार्कण्डेय बोले — हे महीपाल, तदनन्तर अनुपम व्यासतीर्थ को जाना चाहिए, जो मनुष्यों के लिए दुर्लभ और पुण्यमय है, आकाश में स्थित है।

श्लोक 2 (skanda.5.252.2)

युधिष्ठिर उवाच - कस्माद्वै व्यासतीर्थं तदन्तरिक्षे व्यवस्थितम्। एतदाख्याहि संक्षेपात्त्यज ग्रन्थस्य विस्तरम्

yudhiṣṭhira uvāca - kasmādvai vyāsatīrthaṁ tadantarikṣe vyavasthitam| etadākhyāhi saṁkṣepāttyaja granthasya vistaram

युधिष्ठिर बोले — व्यासतीर्थ आकाश में क्यों स्थित है? यह मुझे संक्षेप में बताइए; ग्रन्थ के विस्तार को छोड़ दीजिए।

श्लोक 3 (skanda.5.252.3)

श्रीमार्कण्डेय उवाच - साधु साधु महाबाहो धर्मवान्साधुवत्सल। स्वकर्मनिरतः पार्थ तीर्थयात्राकृतादरः

śrīmārkaṇḍeya uvāca - sādhu sādhu mahābāho dharmavānsādhuvatsala| svakarmanirataḥ pārtha tīrthayātrākṛtādaraḥ

श्रीमार्कण्डेय बोले — साधु, साधु, हे महाबाहो, हे धर्मवान्, साधुओं के प्रति वत्सल, हे पार्थ, अपने कर्म में निरत और तीर्थयात्रा में आदर रखने वाले।

श्लोक 4 (skanda.5.252.4)

दुर्लभं सर्वजन्तूनां व्यासतीर्थं नरेश्वर। पीडितो वृद्धभावेन अकल्पोऽहं नृपात्मज

durlabhaṁ sarvajantūnāṁ vyāsatīrthaṁ nareśvara| pīḍito vṛddhabhāvena akalpo'haṁ nṛpātmaja

हे नरेश्वर, व्यासतीर्थ समस्त प्राणियों के लिए दुर्लभ है। वृद्धावस्था से पीड़ित होकर मैं असमर्थ हो गया हूँ, हे नृपात्मज।

श्लोक 5 (skanda.5.252.5)

विसंज्ञो गतवित्तस्तु संजातः स्मृतिवर्जितः। गुह्याद्गुह्यतरं तीर्थं नाख्यातं कस्यचिन्मया

visaṁjño gatavittastu saṁjātaḥ smṛtivarjitaḥ| guhyādguhyataraṁ tīrthaṁ nākhyātaṁ kasyacinmayā

मैं विसंज्ञ हो गया हूँ, स्मृतिविहीन हो गया हूँ, अपनी शक्ति खो चुका हूँ; यह गुह्य से भी अधिक गुह्य तीर्थ मैंने किसी को नहीं बताया।

श्लोक 6 (skanda.5.252.6)

कलिस्तत्रैव राजेन्द्र न विशेद्व्याससंश्रयात्। अन्तरिक्षे तु संजातं रेवायाश्चेष्टितेन तु

kalistatraiva rājendra na viśedvyāsasaṁśrayāt| antarikṣe tu saṁjātaṁ revāyāśceṣṭitena tu

हे राजेन्द्र, व्यास के आश्रय के कारण वहाँ कलि प्रवेश नहीं कर पाता; और रेवा की ही चेष्टा से यह आकाश में स्थित हो गया।

श्लोक 7 (skanda.5.252.7)

विरिञ्चिर्नैव शक्नोति रेवाया गुणकीर्तनम्। कथं ज्ञास्याम्यहं तात रेवामाहात्म्यमुत्तमम्

viriñcirnaiva śaknoti revāyā guṇakīrtanam| kathaṁ jñāsyāmyahaṁ tāta revāmāhātmyamuttamam

विरिञ्चि (ब्रह्मा) भी रेवा के गुणों का पूर्ण कीर्तन नहीं कर सकते; तो हे तात, मैं रेवा के उत्तम माहात्म्य को कैसे जान सकूँगा?

श्लोक 8 (skanda.5.252.8)

व्यासतीर्थं विशेषेण लवमात्रं ब्रवीम्यतः। प्रत्यक्षः प्रत्ययो यत्र दृश्यतेऽद्य कलौ युगे

vyāsatīrthaṁ viśeṣeṇa lavamātraṁ bravīmyataḥ| pratyakṣaḥ pratyayo yatra dṛśyate'dya kalau yuge

इसलिए मैं विशेषरूप से व्यासतीर्थ का केवल एक अंश मात्र बताता हूँ; जहाँ आज भी, इस कलियुग में, प्रत्यक्ष प्रमाण देखा जाता है —

श्लोक 9 (skanda.5.252.9)

विहङ्गो गच्छते नैव भित्त्वा शूलं सुदारुणम्। तस्योत्पत्तिं समासेन कथयामि नृपात्मज

vihaṅgo gacchate naiva bhittvā śūlaṁ sudāruṇam| tasyotpattiṁ samāsena kathayāmi nṛpātmaja

...पक्षी भी उस भयंकर त्रिशूल को भेदकर नहीं जा पाता। हे नृपात्मज, मैं संक्षेप में इसकी उत्पत्ति बताता हूँ।

श्लोक 10 (skanda.5.252.10)

आसीत्पूर्वं महीपाल मुनिर्मान्यः पराशरः। तेनात्युग्रं तपश्चीर्णं गङ्गाम्भसि महाफलम्

āsītpūrvaṁ mahīpāla munirmānyaḥ parāśaraḥ| tenātyugraṁ tapaścīrṇaṁ gaṅgāmbhasi mahāphalam

हे महीपाल, पूर्वकाल में पराशर नामक एक पूजनीय मुनि थे; उन्होंने गंगा के जल में महाफलदायी अत्युग्र तप किया था।

श्लोक 11 (skanda.5.252.11)

प्राणायामेन संतस्थौ प्रविष्टो जाह्नवीजले। पूर्णे द्वादशमे वर्षे निष्क्रान्तो जलमध्यतः

prāṇāyāmena saṁtasthau praviṣṭo jāhnavījale| pūrṇe dvādaśame varṣe niṣkrānto jalamadhyataḥ

वे प्राणायाम द्वारा स्थित रहे, जाह्नवी के जल में प्रविष्ट होकर; जब बारह वर्ष पूर्ण हो गए, तब वे जल के मध्य से निकले।

श्लोक 12 (skanda.5.252.12)

भिक्षार्थी संचरेद्ग्रामं नावा यत्रैव तिष्ठति। तत्र तेन परा दृष्टा बाला चैव मनोहरा

bhikṣārthī saṁcaredgrāmaṁ nāvā yatraiva tiṣṭhati| tatra tena parā dṛṣṭā bālā caiva manoharā

भिक्षा चाहते हुए वे उस गाँव में घूमे जहाँ उनकी नौका खड़ी थी; वहाँ उन्होंने एक अत्यन्त सुन्दर और मनोहर बाला को देखा।

श्लोक 13 (skanda.5.252.13)

तां दृष्ट्वा स च कामार्त उवाच मधुरं तदा। मां नयस्व परं पारं कासि त्वं मृगलोचने

tāṁ dṛṣṭvā sa ca kāmārta uvāca madhuraṁ tadā| māṁ nayasva paraṁ pāraṁ kāsi tvaṁ mṛgalocane

उसे देखकर, कामार्त होकर, उन्होंने तब मधुरता से कहा: 'मुझे उस पार ले चलो — तुम कौन हो, हे मृगलोचने,'

श्लोक 14 (skanda.5.252.14)

नावारूढे नदीतीरे मम चित्तप्रमाथिनि। एवमुक्ता तु सा तेन प्रणम्य ऋषिपुंगवम्

nāvārūḍhe nadītīre mama cittapramāthini| evamuktā tu sā tena praṇamya ṛṣipuṁgavam

'...जो नदी तट पर नौका पर चढ़ी हो, जो मेरे चित्त को व्याकुल कर रही हो।' इस प्रकार उनके द्वारा कहे जाने पर, वह उस ऋषिश्रेष्ठ को प्रणाम करके,

श्लोक 15 (skanda.5.252.15)

कथयामास चात्मानं दृष्ट्वा तं काममोहितम्। कैवर्तानां गृहे दासी कन्याहं द्विजसत्तम

kathayāmāsa cātmānaṁ dṛṣṭvā taṁ kāmamohitam| kaivartānāṁ gṛhe dāsī kanyāhaṁ dvijasattama

...अपने विषय में बताने लगी, उन्हें कामविह्वल देखकर: 'हे द्विजसत्तम, मैं मछुआरों के घर की दासी की पुत्री हूँ,'

श्लोक 16 (skanda.5.252.16)

नावासंरक्षणार्थाय आदिष्टा स्वामिना विभो। मया विज्ञापितं वृत्तमशेषं ज्ञातुमर्हसि

nāvāsaṁrakṣaṇārthāya ādiṣṭā svāminā vibho| mayā vijñāpitaṁ vṛttamaśeṣaṁ jñātumarhasi

'...अपने स्वामी द्वारा नौका की रक्षा के लिए नियुक्त की गई हूँ, हे विभो। आपको यह सम्पूर्ण वृत्तान्त जान लेना चाहिए, जैसा मैंने आपको बताया।'

श्लोक 17 (skanda.5.252.17)

एवमुक्तस्तया सोऽथ क्षणं ध्यात्वाब्रवीदिदम्

evamuktastayā so'tha kṣaṇaṁ dhyātvābravīdidam

इस प्रकार उसके द्वारा कहे जाने पर, वे क्षणभर ध्यान करके यह बोले —

श्लोक 18 (skanda.5.252.18)

पराशर उवाच - अहं ज्ञानबलाद्भद्रे तव जानामि सम्भवम्। कैवर्तपुत्रिका न त्वं राजकन्यासि सुन्दरि

parāśara uvāca - ahaṁ jñānabalādbhadre tava jānāmi sambhavam| kaivartaputrikā na tvaṁ rājakanyāsi sundari

पराशर बोले — हे भद्रे, मैं अपने ज्ञानबल से तुम्हारा वास्तविक जन्म जानता हूँ। तुम मछुआरे की पुत्री नहीं हो — हे सुन्दरी, तुम राजकन्या हो।

श्लोक 19 (skanda.5.252.19)

कन्योवाच - कः पिता कथ्यतां ब्रह्मन्कस्या वा ह्युदरोद्भवा। कस्मिन्वंशे प्रसूताहं कैवर्ततनया कथम्

kanyovāca - kaḥ pitā kathyatāṁ brahmankasyā vā hyudarodbhavā| kasminvaṁśe prasūtāhaṁ kaivartatanayā katham

कन्या बोली — हे ब्रह्मन्, मेरा पिता कौन है, यह बताइए? मैं किसके गर्भ से उत्पन्न हुई? किस वंश में मेरा जन्म हुआ — फिर मैं मछुआरे की पुत्री कैसे हूँ?

श्लोक 20 (skanda.5.252.20)

पराशर उवाच - कथयामि समस्तं यत्त्वया पृष्टमशेषतः। वसुर्नामेति भूपालः सोमवंशविभूषणः

parāśara uvāca - kathayāmi samastaṁ yattvayā pṛṣṭamaśeṣataḥ| vasurnāmeti bhūpālaḥ somavaṁśavibhūṣaṇaḥ

पराशर बोले — जो कुछ तुमने पूछा, वह सब मैं पूर्णतः बताता हूँ। वसु नामक एक राजा थे, जो सोमवंश के भूषण थे,

श्लोक 21 (skanda.5.252.21)

जम्बूद्वीपाधिपो भद्रे शत्रूणां भयवर्धनः। शतानि सप्त भार्याणां पुत्राणां च दशैव तु

jambūdvīpādhipo bhadre śatrūṇāṁ bhayavardhanaḥ| śatāni sapta bhāryāṇāṁ putrāṇāṁ ca daśaiva tu

...हे भद्रे, जम्बूद्वीप के अधिपति, शत्रुओं में भय बढ़ाने वाले; उनकी सात सौ पत्नियाँ थीं और दस ही पुत्र थे।

श्लोक 22 (skanda.5.252.22)

धर्मेण पालयेल्लोकानीशवत्पूज्यते सदा। म्लेच्छास्तस्याविधेयाश्च क्षीरद्वीपनिवासिनः

dharmeṇa pālayellokānīśavatpūjyate sadā| mlecchāstasyāvidheyāśca kṣīradvīpanivāsinaḥ

वे धर्म से लोकों का पालन करते थे और सदैव ईश्वर के समान पूजित थे; क्षीरद्वीप के निवासी म्लेच्छ उनके प्रति अविनीत थे।

श्लोक 23 (skanda.5.252.23)

तेषामुत्सादनार्थाय ययावुल्लङ्घ्य सागरम्। संयुक्तः पुत्रभृत्यैश्च पौरुषे महति स्थितैः

teṣāmutsādanārthāya yayāvullaṅghya sāgaram| saṁyuktaḥ putrabhṛtyaiśca pauruṣe mahati sthitaiḥ

उनके उन्मूलन के लिए वे सागर लांघकर गए, पुत्रों और भृत्यों के साथ, जो महान् पौरुष में स्थित थे।

श्लोक 24 (skanda.5.252.24)

समरं तैः समारब्धं म्लेच्छैश्च वसुना सह। जिता म्लेच्छाः समस्तास्ते वसुना मृगलोचने

samaraṁ taiḥ samārabdhaṁ mlecchaiśca vasunā saha| jitā mlecchāḥ samastāste vasunā mṛgalocane

उन म्लेच्छों के साथ वसु का युद्ध आरम्भ हुआ; हे मृगलोचने, वसु द्वारा समस्त म्लेच्छ पराजित कर दिए गए।

श्लोक 25 (skanda.5.252.25)

करदास्ते कृतास्तेन सपुत्रबलवाहनाः। प्रधाना तस्य सा राज्ञी तव माता मृगेक्षणे

karadāste kṛtāstena saputrabalavāhanāḥ| pradhānā tasya sā rājñī tava mātā mṛgekṣaṇe

उनके पुत्रों, सेना और वाहनों सहित उन्हें करदाता बना दिया गया; उनकी प्रधान रानी — हे मृगेक्षणे, वही तुम्हारी माता थीं।

श्लोक 26 (skanda.5.252.26)

प्रवासस्थे महीपाले संजाता सा रजस्वला। नारीणां तु सदाकालं मन्मथो ह्यधिको भवेत्

pravāsasthe mahīpāle saṁjātā sā rajasvalā| nārīṇāṁ tu sadākālaṁ manmatho hyadhiko bhavet

जब राजा यात्रा पर थे, तब वह ऋतुमती हुईं; स्त्रियों में कामवासना सदैव कुछ अधिक होती है,

श्लोक 27 (skanda.5.252.27)

विशेषेण ऋतोः काले भिद्यन्ते कामसायकैः। मन्मथेन तु संतप्ताचिन्तयत्सा शुभेक्षणा

viśeṣeṇa ṛtoḥ kāle bhidyante kāmasāyakaiḥ| manmathena tu saṁtaptācintayatsā śubhekṣaṇā

...विशेषतः ऋतुकाल में वे काम के बाणों से बिंध जाती हैं। काम से संतप्त होकर उस शुभनयना ने सोचा —

श्लोक 28 (skanda.5.252.28)

दूतं वै प्रेषयाम्यद्य वसुराज्ञः समीपतः। आहूतः सत्वरं दूत गच्छ त्वं नृपसन्निधौ

dūtaṁ vai preṣayāmyadya vasurājñaḥ samīpataḥ| āhūtaḥ satvaraṁ dūta gaccha tvaṁ nṛpasannidhau

'मैं आज वसु राजा के पास एक दूत भेजती हूँ।' 'हे दूत, तुझे शीघ्र बुलाया गया है, राजा के समीप जा।'

श्लोक 29 (skanda.5.252.29)

दूत उवाच - परतीरं गतो देवि वसुराजारिशासनः। तत्र गन्तुमशक्येत जलयानैर्विना शुभे

dūta uvāca - paratīraṁ gato devi vasurājāriśāsanaḥ| tatra gantumaśakyeta jalayānairvinā śubhe

दूत बोला — हे देवि, वसुराज के शत्रुओं पर शासन करने वाले राजा दूसरे तट पर गए हैं; हे शुभे, बिना जलयानों के वहाँ जाना सम्भव नहीं है।

श्लोक 30 (skanda.5.252.30)

तानि यानानि सर्वाणि गृहीतानि परे तटे। दूतवाक्येन सा राज्ञी विषण्णा कामपीडिता

tāni yānāni sarvāṇi gṛhītāni pare taṭe| dūtavākyena sā rājñī viṣaṇṇā kāmapīḍitā

वे सभी यान दूसरे तट पर ले जाए गए हैं। दूत के इस वचन से वह रानी विषण्ण हो गई, काम से पीड़ित होकर।

श्लोक 31 (skanda.5.252.31)

तत्सखी तामुवाचाथ कस्मात्त्वं परितप्यसे। स्वलेखः प्रेष्यतां देवि शुकहस्ते यथार्थतः

tatsakhī tāmuvācātha kasmāttvaṁ paritapyase| svalekhaḥ preṣyatāṁ devi śukahaste yathārthataḥ

तब उसकी सखी ने उससे कहा: 'तुम क्यों संतप्त हो रही हो? हे देवि, अपना पत्र यथार्थ रूप से तोते के मुख में भेज दो;

श्लोक 32 (skanda.5.252.32)

समुद्रं लङ्घयित्वा तु शकुन्ता यान्ति सुन्दरि। सखिवाक्येन सा राज्ञी स्वस्था जाता नराधिप

samudraṁ laṅghayitvā tu śakuntā yānti sundari| sakhivākyena sā rājñī svasthā jātā narādhipa

...क्योंकि हे सुन्दरी, तोते समुद्र को लांघकर जाते हैं।' सखी के वचन से, हे नराधिप, वह रानी स्वस्थ हो गई।

श्लोक 33 (skanda.5.252.33)

व्याहृतो लेखकस्तत्र लिख लेखं ममाज्ञया। त्वद्धीना सत्यभामाद्य वसो राजन्न जीवति

vyāhṛto lekhakastatra likha lekhaṁ mamājñayā| tvaddhīnā satyabhāmādya vaso rājanna jīvati

वहाँ एक लेखक को बुलाया गया: 'मेरी आज्ञा से एक पत्र लिखो: "हे राजन्, आपके बिना सत्यभामा आज जीवित नहीं है।" '

श्लोक 34 (skanda.5.252.34)

ऋतुकालोऽद्य संजातो लिख लेखं तु लेखकं। लिखिते भूर्जपत्रे तु लेखे वै लेखकेन तु

ṛtukālo'dya saṁjāto likha lekhaṁ tu lekhakaṁ| likhite bhūrjapatre tu lekhe vai lekhakena tu

'मेरा ऋतुकाल आज उपस्थित हुआ है' — यह पत्र लिखो, हे लेखक।' जब लेखक द्वारा भोजपत्र पर वह पत्र लिखा गया,

श्लोक 35 (skanda.5.252.35)

शुकः पञ्जरमध्यस्थ आनीतोद्धैव सन्निधौ

śukaḥ pañjaramadhyastha ānītoddhaiva sannidhau

...तब पिंजरे में रखा गया एक तोता तुरन्त वहाँ उसके समीप लाया गया।

श्लोक 36 (skanda.5.252.36)

सत्यभामोवाच - नीत्वा लेखं गच्छ शीघ्रं वसुराज्ञः समीपतः। शकुनिः प्रणतो भूत्वा गृहीत्वा लेखमुत्तमम्

satyabhāmovāca - nītvā lekhaṁ gaccha śīghraṁ vasurājñaḥ samīpataḥ| śakuniḥ praṇato bhūtvā gṛhītvā lekhamuttamam

सत्यभामा बोली — 'यह पत्र लेकर शीघ्र वसु राजा के समीप जाओ।' पक्षी ने प्रणाम करके वह उत्तम पत्र ग्रहण किया,

श्लोक 37 (skanda.5.252.37)

उत्पत्य सहसा राजञ्जगामाकाशमण्डलम्। ततः पक्षी गतः शीघ्रं वसुराजसमीपतः

utpatya sahasā rājañjagāmākāśamaṇḍalam| tataḥ pakṣī gataḥ śīghraṁ vasurājasamīpataḥ

...और सहसा उड़कर, हे राजन्, आकाशमण्डल में चला गया; तब वह पक्षी शीघ्र ही वसु राजा के समीप पहुँचा।

श्लोक 38 (skanda.5.252.38)

क्षिप्ते लेखे शुकेनैव सत्यभामाविसर्जिते। वसुराज्ञा ततो लेखो गृह्य हस्तेऽवधारितः

kṣipte lekhe śukenaiva satyabhāmāvisarjite| vasurājñā tato lekho gṛhya haste'vadhāritaḥ

जब सत्यभामा द्वारा भेजा गया वह पत्र तोते द्वारा गिराया गया, तब वसु राजा ने उसे हाथ में लेकर धारण किया।

श्लोक 39 (skanda.5.252.39)

लेखार्थं चिन्तयित्वा तु गृह्य वीर्यं नरेश्वरः। अमोघं पुटिकां कृत्वा प्रतिलेखेन मिश्रितम्

lekhārthaṁ cintayitvā tu gṛhya vīryaṁ nareśvaraḥ| amoghaṁ puṭikāṁ kṛtvā pratilekhena miśritam

पत्र के अर्थ पर विचार करके, नरेश्वर ने अपना वीर्य लेकर, प्रतिलेख के साथ मिश्रित करके एक अमोघ पुटिका (पुड़िया) बनाई,

श्लोक 40 (skanda.5.252.40)

शुकस्य सोऽपयामास गच्छ राज्ञीसमीपतः। प्रणम्य वसुराजानं बीजं गृह्योत्पपात ह

śukasya so'payāmāsa gaccha rājñīsamīpataḥ| praṇamya vasurājānaṁ bījaṁ gṛhyotpapāta ha

...और उसे तोते द्वारा भेजा: 'रानी के समीप जाओ।' वसु राजा को प्रणाम करके, वह बीज (पुटिका) लेकर उड़ गया।

श्लोक 41 (skanda.5.252.41)

समुद्रोपरि सम्प्राप्तः शुकः श्येनेन वीक्षितः। सामिषं तं शुकं ज्ञात्वा श्येनस्तमभ्यधावत

samudropari samprāptaḥ śukaḥ śyenena vīkṣitaḥ| sāmiṣaṁ taṁ śukaṁ jñātvā śyenastamabhyadhāvata

समुद्र के ऊपर पहुँचने पर तोता एक बाज़ द्वारा देखा गया; उस तोते को मांस समझकर बाज़ उस पर झपटा।

श्लोक 42 (skanda.5.252.42)

हतश्चञ्चुप्रहारेण शुकः श्येनेन भारत। मूर्च्छया तस्य तद्बीजं पतितं सागराम्भसि

hataścañcuprahāreṇa śukaḥ śyenena bhārata| mūrcchayā tasya tadbījaṁ patitaṁ sāgarāmbhasi

हे भारत, चोंच के प्रहार से आहत तोते का वह वीर्य-पुटक, उसकी मूर्च्छा के कारण, समुद्र के जल में गिर पड़ा।

श्लोक 43 (skanda.5.252.43)

मत्स्येन गिलितं तच्च बीजं वसुमहीपतेः। कन्या मत्स्योदरे जाता तेन बीजेन सुन्दरि

matsyena gilitaṁ tacca bījaṁ vasumahīpateḥ| kanyā matsyodare jātā tena bījena sundari

वसु राजा का वह वीर्य एक मत्स्य द्वारा निगल लिया गया; हे सुन्दरी, उस वीर्य से मत्स्य के उदर में एक कन्या उत्पन्न हुई।

श्लोक 44 (skanda.5.252.44)

प्राप्तोऽसौ लुब्धकैर्मत्स्य आनीतः स्वगृहं ततः। यावद्विदारितो मत्स्यस्तावद्दृष्टा त्वमुत्तमे

prāpto'sau lubdhakairmatsya ānītaḥ svagṛhaṁ tataḥ| yāvadvidārito matsyastāvaddṛṣṭā tvamuttame

वह मत्स्य मछुआरों द्वारा पकड़ा गया और तब अपने घर लाया गया; जब मत्स्य को चीरा गया, तब हे उत्तमे, तुम दिखाई दीं —

श्लोक 45 (skanda.5.252.45)

शशिमण्डलसङ्काशा सूर्यतेजःसमप्रभा। दृष्ट्वा त्वां हर्षिताः सर्वे कैवर्ता जाह्नवीतटे

śaśimaṇḍalasaṅkāśā sūryatejaḥsamaprabhā| dṛṣṭvā tvāṁ harṣitāḥ sarve kaivartā jāhnavītaṭe

...चन्द्रमण्डल के समान, सूर्य के तेज के समान कान्तिमती। तुम्हें देखकर जाह्नवी के तट पर सभी मछुआरे प्रसन्न हो गए।

श्लोक 46 (skanda.5.252.46)

हर्षितास्ते गताः सर्वे प्रधानस्य च मन्दिरम्। स्त्रीरत्नं कथयामासुर्गृहाण त्वं महाप्रभम्

harṣitāste gatāḥ sarve pradhānasya ca mandiram| strīratnaṁ kathayāmāsurgṛhāṇa tvaṁ mahāprabham

प्रसन्न होकर वे सब अपने प्रधान के घर गए; उन्होंने कहा: 'इस अत्यन्त तेजस्वी स्त्रीरत्न को ग्रहण कीजिए।'

श्लोक 47 (skanda.5.252.47)

गृहीता तेन तन्वङ्गी ह्यपुत्रेण मृगेक्षणा। भार्यां स्वामाह तन्वङ्गि पालयस्व मृगेक्षणे

gṛhītā tena tanvaṅgī hyaputreṇa mṛgekṣaṇā| bhāryāṁ svāmāha tanvaṅgi pālayasva mṛgekṣaṇe

उस तन्वंगी मृगेक्षणा को उस अपुत्र व्यक्ति ने ग्रहण किया; उसने अपनी पत्नी से कहा: 'हे तन्वंगि, हे मृगेक्षणे, इसका पालन करो।'

श्लोक 48 (skanda.5.252.48)

ततः सा चिन्तयामास पराशरवचस्तदा। एवमुक्त्वा तु सा तेन दत्तात्मानं नरेश्वर

tataḥ sā cintayāmāsa parāśaravacastadā| evamuktvā tu sā tena dattātmānaṁ nareśvara

तब उसने पराशर के वचन पर विचार किया; ऐसा कहकर, हे नरेश्वर, उसने स्वयं को उन्हें समर्पित कर दिया।

श्लोक 49 (skanda.5.252.49)

उवाच साधु मे ब्रह्मन्मत्स्यगन्धोऽनु वर्तते। ततस्तेन तु सा बाला दिव्यगन्धाधिवासिता

uvāca sādhu me brahmanmatsyagandho'nu vartate| tatastena tu sā bālā divyagandhādhivāsitā

उसने कहा: 'हे ब्रह्मन्, ठीक है — किन्तु मुझमें मत्स्य की गन्ध लगी हुई है।' तब उस बाला को उनके द्वारा दिव्य सुगन्ध से सुवासित किया गया,

श्लोक 50 (skanda.5.252.50)

कृता योगबलेनैव ज्वालयित्वा विभावसुम्। कृत्वा प्रदक्षिणं वह्निमूढा तेन रसात्तदा

kṛtā yogabalenaiva jvālayitvā vibhāvasum| kṛtvā pradakṣiṇaṁ vahnimūḍhā tena rasāttadā

...योगबल से ही सिद्ध करके, अग्नि प्रज्वलित करके और अग्नि की प्रदक्षिणा करके — उस रस से मोहित होकर उसने,

श्लोक 51 (skanda.5.252.51)

जलयानस्य मध्ये तु कामस्थानान्यसंस्पृशत्। ज्ञात्वा कामोत्सुकं विप्रं भीता सा धर्मनन्दन

jalayānasya madhye tu kāmasthānānyasaṁspṛśat| jñātvā kāmotsukaṁ vipraṁ bhītā sā dharmanandana

...नौका के मध्य में अपने गुप्त अंगों का स्पर्श होने दिया। उस विप्र को कामोत्सुक जानकर, हे धर्मनन्दन, वह भयभीत होकर,

श्लोक 52 (skanda.5.252.52)

हसन्ती तमुवाचाथ देव त्वं लोकसन्निधौ। न लज्जसे कथं धीमन्कुर्वाणः पामरोचितम्

hasantī tamuvācātha deva tvaṁ lokasannidhau| na lajjase kathaṁ dhīmankurvāṇaḥ pāmarocitam

...हँसते हुए उनसे बोली: 'हे देव, लोगों के समक्ष, हे धीमन्, आपको लज्जा क्यों नहीं आती, जो नीच पुरुषों के योग्य कर्म कर रहे हैं?'

श्लोक 53 (skanda.5.252.53)

ततस्तेन क्षणं ध्यात्वा संस्मृता हृदि तामसी। आगता तामसी माया यया व्याप्तं चराचरम्

tatastena kṣaṇaṁ dhyātvā saṁsmṛtā hṛdi tāmasī| āgatā tāmasī māyā yayā vyāptaṁ carācaram

तब उन्होंने क्षणभर ध्यान करके हृदय में तामसी शक्ति का स्मरण किया; वह तामसी माया आ गई, जिससे चराचर जगत् व्याप्त है।

श्लोक 54 (skanda.5.252.54)

ततः सा विस्मिता तेन कर्मणैव तु रञ्जिता। ब्रह्मचर्याभितप्तेन स्त्रीसौख्यं क्रीडितं तदा

tataḥ sā vismitā tena karmaṇaiva tu rañjitā| brahmacaryābhitaptena strīsaukhyaṁ krīḍitaṁ tadā

तब वह विस्मित होकर उसी कर्म से अनुरक्त हो गई; ब्रह्मचर्य से संतप्त उन (पराशर) के द्वारा तब स्त्री-सुख का उपभोग किया गया।

श्लोक 55 (skanda.5.252.55)

ततः सा तत्क्षणादेव गर्भभारेण पीडिता। प्रसूता बालकं तत्र जटिलं दण्डधारिणम्

tataḥ sā tatkṣaṇādeva garbhabhāreṇa pīḍitā| prasūtā bālakaṁ tatra jaṭilaṁ daṇḍadhāriṇam

तब उसी क्षण, गर्भभार से पीड़ित होकर, उसने वहाँ एक बालक को जन्म दिया — जटाधारी, दण्डधारी,

श्लोक 56 (skanda.5.252.56)

कमण्डलुधरं शान्तं मेखलाकटिभूषितम्। उत्तरीयकृतस्कन्धं विष्णुमायाविवर्जितम्

kamaṇḍaludharaṁ śāntaṁ mekhalākaṭibhūṣitam| uttarīyakṛtaskandhaṁ viṣṇumāyāvivarjitam

...कमण्डलुधारी, शान्त, कटि में मेखला से अलंकृत, कन्धे पर उत्तरीय धारण किए हुए, विष्णुमाया से रहित (अर्थात् जन्म से ही ज्ञानी)।

श्लोक 57 (skanda.5.252.57)

ततोऽपि शङ्किता पार्थ दृष्ट्वा तं कलबालकम्। वेपमाना ततो बाला जगाम शरणं मुनेः

tato'pi śaṅkitā pārtha dṛṣṭvā taṁ kalabālakam| vepamānā tato bālā jagāma śaraṇaṁ muneḥ

तब हे पार्थ, उस सुन्दर बालक को देखकर वह भयभीत हो गई; काँपती हुई वह बाला मुनि की शरण में गई।

श्लोक 58 (skanda.5.252.58)

रक्ष रक्ष मुनिश्रेष्ठ पराशर महामते। जातं मेऽत्यद्भुतं पुत्रं कौपीनवरमेखलम्। दण्डहस्तं जटायुक्तमुत्तरीयविभूषितम्

rakṣa rakṣa muniśreṣṭha parāśara mahāmate| jātaṁ me'tyadbhutaṁ putraṁ kaupīnavaramekhalam| daṇḍahastaṁ jaṭāyuktamuttarīyavibhūṣitam

'रक्षा कीजिए, रक्षा कीजिए, हे मुनिश्रेष्ठ पराशर, हे महामते; मुझे एक अत्यन्त अद्भुत पुत्र उत्पन्न हुआ है, उत्तम कौपीन-मेखला पहने हुए,'

श्लोक 59 (skanda.5.252.59)

पराशर उवाच - मा भैषीः स्वसुते जाते कुमारी त्वं भविष्यसि। नाम्ना योजनगन्धेति द्वितीयं सत्यवत्यपि

parāśara uvāca - mā bhaiṣīḥ svasute jāte kumārī tvaṁ bhaviṣyasi| nāmnā yojanagandheti dvitīyaṁ satyavatyapi

'...हाथ में दण्ड लिए, जटाधारी, उत्तरीय से अलंकृत।' पराशर बोले — 'मत डरो, हे प्रिये; पुत्र उत्पन्न होने पर भी तुम पुनः कुमारी हो जाओगी।'

श्लोक 60 (skanda.5.252.60)

शंतनुर्नाम राजा यः स ते भर्ता भविष्यति। प्रथमा महिषी तस्य सोमवंशविभूषणा

śaṁtanurnāma rājā yaḥ sa te bhartā bhaviṣyati| prathamā mahiṣī tasya somavaṁśavibhūṣaṇā

'तुम्हारा नाम योजनगन्धा होगा, तथा दूसरा नाम सत्यवती भी; शन्तनु नामक राजा — वही तुम्हारा पति होगा,'

श्लोक 61 (skanda.5.252.61)

गच्छ त्वं स्वाश्रयं शुभ्रे पूर्वरूपेण संस्थिता। मा विषादं कुरुष्वात्र दृष्टं ज्ञानस्य मे बलम्

gaccha tvaṁ svāśrayaṁ śubhre pūrvarūpeṇa saṁsthitā| mā viṣādaṁ kuruṣvātra dṛṣṭaṁ jñānasya me balam

'...उनकी प्रधान महिषी, सोमवंश की भूषण। हे शुभ्रे, अब अपने आश्रय को जाओ, पूर्वरूप में स्थित होकर; इस विषय में शोक मत करो — तुमने मेरे ज्ञान का बल देख लिया है।'

श्लोक 62 (skanda.5.252.62)

इत्युक्त्वा प्रययौ विप्रः सा बाला पुत्रमाश्रिता। नत्वोचे मातरं भक्त्या साष्टाङ्गं विनयानतः

ityuktvā prayayau vipraḥ sā bālā putramāśritā| natvoce mātaraṁ bhaktyā sāṣṭāṅgaṁ vinayānataḥ

यह कहकर वह विप्र चले गए; वह बाला अपने पुत्र के साथ, भक्तिपूर्वक साष्टांग प्रणाम करके, विनम्रतापूर्वक अपनी माता से बोली —

श्लोक 63 (skanda.5.252.63)

क्षम्यतां मातरुक्तं मे प्रसादः क्रियतामपि। ईश्वराराधने यत्नं करिष्याम्यहमम्बिके

kṣamyatāṁ mātaruktaṁ me prasādaḥ kriyatāmapi| īśvarārādhane yatnaṁ kariṣyāmyahamambike

'हे माता, मेरा कहा हुआ क्षमा किया जाए; मुझ पर भी कृपा की जाए। हे अम्बिके, मैं ईश्वर की आराधना में यत्न करूँगी।'

श्लोक 64 (skanda.5.252.64)

ततः सा पुत्रवाक्येन विषण्णा वाक्यमब्रवीत्

tataḥ sā putravākyena viṣaṇṇā vākyamabravīt

तब वह, पुत्र (सन्तान) के वचन से विषण्ण होकर, यह वचन बोली —

श्लोक 65 (skanda.5.252.65)

योजनगन्धोवाच - मा त्यक्त्वा गच्छ वत्साद्य मातरं मामनागसम्। त्वद्वियोगेन मे पुत्र पञ्चत्वं भाव्यसंशयम्

yojanagandhovāca - mā tyaktvā gaccha vatsādya mātaraṁ māmanāgasam| tvadviyogena me putra pañcatvaṁ bhāvyasaṁśayam

योजनगन्धा बोलीं — 'हे वत्स, आज मुझ निरपराध माता को छोड़कर मत जाओ; हे पुत्र, तुमसे वियोग होने पर मेरी मृत्यु निश्चित है।'

श्लोक 66 (skanda.5.252.66)

नास्ति पुत्रसमः स्नेहो नास्ति भ्रातृसमं कुलम्। नास्ति सत्यपरो धर्मो नानृतात्पातकं परम्

nāsti putrasamaḥ sneho nāsti bhrātṛsamaṁ kulam| nāsti satyaparo dharmo nānṛtātpātakaṁ param

'पुत्र के समान कोई स्नेह नहीं है, भाई के समान कोई कुल नहीं है; सत्य से बढ़कर कोई धर्म नहीं है, असत्य से बढ़कर कोई पाप नहीं है।'

श्लोक 67 (skanda.5.252.67)

बालभावे मया जात आधारः किल जायसे। न मे भर्ता न मे पुत्रः पश्य कर्मविडम्बनम्

bālabhāve mayā jāta ādhāraḥ kila jāyase| na me bhartā na me putraḥ paśya karmaviḍambanam

'बाल्यावस्था में मुझसे उत्पन्न होकर तुम ही मेरा आधार बने हो; न मेरा पति है, न मेरा पुत्र है — देखो कर्म की यह विडम्बना!'

श्लोक 68 (skanda.5.252.68)

व्यास उवाच - मा विषादं कुरुष्वान्तः सत्यमेतन्मयोरितम्। आपत्कालेऽस्मि ते देवि स्मर्तव्यः कार्यसिद्धये

vyāsa uvāca - mā viṣādaṁ kuruṣvāntaḥ satyametanmayoritam| āpatkāle'smi te devi smartavyaḥ kāryasiddhaye

व्यास बोले — मन में शोक मत करो; मैं जो कह रहा हूँ, यह सत्य है — हे देवि, आपत्तिकाल में अपने कार्य की सिद्धि के लिए मुझे स्मरण करना।

श्लोक 69 (skanda.5.252.69)

आपदस्तारयिष्यामि क्षम्यतां मे दुरुत्तरम्। इत्युक्त्वा प्रययौ व्यासः कन्या सापि गता गृहम्

āpadastārayiṣyāmi kṣamyatāṁ me duruttaram| ityuktvā prayayau vyāsaḥ kanyā sāpi gatā gṛham

'मैं आपकी आपदाओं से पार कराऊँगा; मेरी कठोर बात को क्षमा करें।' यह कहकर व्यास चले गए; वह कन्या भी अपने घर गई।

श्लोक 70 (skanda.5.252.70)

पराशरसुतस्तत्र विषष्णो वनमध्यतः। त्रेतायुगावसाने तु द्वापरादौ नरेश्वर

parāśarasutastatra viṣaṣṇo vanamadhyataḥ| tretāyugāvasāne tu dvāparādau nareśvara

पराशरपुत्र (व्यास) खिन्न होकर वन के मध्य में गए, हे नरेश्वर, त्रेतायुग के अन्त में, द्वापर के आरम्भ में।

श्लोक 71 (skanda.5.252.71)

व्यासार्थं चिन्तयामासुर्देवाः शक्रपुरोगमाः। आख्यातो नारदेनैव पुत्रः पराशरस्य सः

vyāsārthaṁ cintayāmāsurdevāḥ śakrapurogamāḥ| ākhyāto nāradenaiva putraḥ parāśarasya saḥ

शक्र प्रमुख देवताओं ने व्यास के विषय में विचार किया; वे, पराशर के पुत्र, स्वयं नारद द्वारा बताए गए,

श्लोक 72 (skanda.5.252.72)

कैवर्तपुत्रिकाजातो ज्ञानी जह्नुसुतातटे। ततो नारदवाक्येन आगताः सुरसत्तमाः

kaivartaputrikājāto jñānī jahnusutātaṭe| tato nāradavākyena āgatāḥ surasattamāḥ

...मछुआरे की पुत्री से उत्पन्न, ज्ञानी, जाह्नवी के तट पर। तब नारद के वचन से देवश्रेष्ठ आए,

श्लोक 73 (skanda.5.252.73)

रामः पितामहः शक्रो मुनिसङ्घैः समावृताः। आस्यादिकं पृथग्दत्त्वा साधु साध्वित्युदीरयन्

rāmaḥ pitāmahaḥ śakro munisaṅghaiḥ samāvṛtāḥ| āsyādikaṁ pṛthagdattvā sādhu sādhvityudīrayan

राम, पितामह, शक्र, मुनिसंघों से घिरे हुए; प्रत्येक ने पृथक्-पृथक् आशीर्वाद देकर 'साधु, साधु' कहा,

श्लोक 74 (skanda.5.252.74)

पितामहेन वै बालो गर्भाधानादिसंस्कृतः। द्वीपायनो द्वीपजन्मा पाराशर्यः पराशरात्

pitāmahena vai bālo garbhādhānādisaṁskṛtaḥ| dvīpāyano dvīpajanmā pārāśaryaḥ parāśarāt

पितामह द्वारा ही उस बालक के गर्भाधान आदि संस्कार किए गए; द्वीप में जन्म होने से 'द्वीपायन', पराशर से 'पाराशर्य',

श्लोक 75 (skanda.5.252.75)

कृष्णांशात्कृष्णनामायं व्यासो वेदान्व्यसिष्यति। विरञ्चिनाभिषिक्तोऽसौ मुनिसङ्घैः पुनःपुनः

kṛṣṇāṁśātkṛṣṇanāmāyaṁ vyāso vedānvyasiṣyati| virañcinābhiṣikto'sau munisaṅghaiḥ punaḥpunaḥ

अपने श्याम अंश से 'कृष्ण' नामक — यह व्यास वेदों का विभाजन करेगा; विरञ्चि द्वारा मुनिसंघों सहित बार-बार उनका अभिषेक किया गया —

श्लोक 76 (skanda.5.252.76)

व्यासस्त्वं सर्वलोकेषु इत्युक्त्वा प्रययुः सुराः। तीर्थयात्रा समारब्धा कृष्णद्वैपायनेन तु

vyāsastvaṁ sarvalokeṣu ityuktvā prayayuḥ surāḥ| tīrthayātrā samārabdhā kṛṣṇadvaipāyanena tu

'तुम समस्त लोकों में व्यास हो' — यह कहकर देवगण चले गए। तब कृष्ण द्वैपायन द्वारा तीर्थयात्रा आरम्भ की गई।

श्लोक 77 (skanda.5.252.77)

गङ्गावगाहिता तेन केदारश्च सपुष्करः। गया च नैमिषं तीर्थं कुरुक्षेत्रं सरस्वती

gaṅgāvagāhitā tena kedāraśca sapuṣkaraḥ| gayā ca naimiṣaṁ tīrthaṁ kurukṣetraṁ sarasvatī

उनके द्वारा गंगा में स्नान किया गया, तथा पुष्कर सहित केदार, गया, नैमिष तीर्थ, कुरुक्षेत्र, सरस्वती,

श्लोक 78 (skanda.5.252.78)

उज्जयिन्यां महाकालं सोमनाथं प्रभासके। पृथिव्यां सागरान्तायां स्नात्वा यातो महामुनिः

ujjayinyāṁ mahākālaṁ somanāthaṁ prabhāsake| pṛthivyāṁ sāgarāntāyāṁ snātvā yāto mahāmuniḥ

उज्जयिनी में महाकाल, प्रभास में सोमनाथ; समुद्रपर्यन्त पृथ्वी पर स्नान करते हुए वह महामुनि आगे बढ़े।

श्लोक 79 (skanda.5.252.79)

अमृतां नर्मदां प्राप्तो रुद्रदेहोद्भवां शुभाम्। साह्लादो नर्मदां दृष्ट्वा चित्तविश्रान्तिमाप च

amṛtāṁ narmadāṁ prāpto rudradehodbhavāṁ śubhām| sāhlādo narmadāṁ dṛṣṭvā cittaviśrāntimāpa ca

वे अमृतमयी नर्मदा तक पहुँचे, जो शुभ है और रुद्र के शरीर से उत्पन्न हुई है; नर्मदा को देखकर आह्लादित होकर उन्हें चित्त की शान्ति प्राप्त हुई।

श्लोक 80 (skanda.5.252.80)

तपश्चचार विपुलं नर्मदातटमाश्रितः। ग्रीष्मे पञ्चाग्निमध्यस्थो वर्षासु स्थण्डिलेशयः

tapaścacāra vipulaṁ narmadātaṭamāśritaḥ| grīṣme pañcāgnimadhyastho varṣāsu sthaṇḍileśayaḥ

नर्मदा के तट का आश्रय लेकर उन्होंने विपुल तप किया — ग्रीष्म में पंचाग्नि के मध्य स्थित रहकर; वर्षा में स्थण्डिल (नंगी भूमि) पर शयन करके;

श्लोक 81 (skanda.5.252.81)

सार्द्रवासाश्च हेमन्ते तिष्ठन्दध्यौ महेश्वरम्। स्वान्तर्हृत्कमले स्थाप्य ध्यायते परमेश्वरम्

sārdravāsāśca hemante tiṣṭhandadhyau maheśvaram| svāntarhṛtkamale sthāpya dhyāyate parameśvaram

...और हेमन्त में गीले वस्त्र पहनकर, खड़े होकर महेश्वर का ध्यान करते हुए; अपने हृदय-कमल में परमेश्वर को स्थापित करके ध्यान करते हुए,

श्लोक 82 (skanda.5.252.82)

सृष्टिसंहारकर्तारमछेद्यं वरदं शुभम्। नित्यं सिद्धेश्वरं लिङ्गं पूजयेद्ध्यानतत्परः

sṛṣṭisaṁhārakartāramachedyaṁ varadaṁ śubham| nityaṁ siddheśvaraṁ liṅgaṁ pūjayeddhyānatatparaḥ

...जो सृष्टि और संहार के कर्ता हैं, अच्छेद्य, वरदायक, शुभ; ध्यान में तत्पर होकर उन्होंने नित्य सिद्धेश्वर लिंग की पूजा की,

श्लोक 83 (skanda.5.252.83)

अर्चनात्सिद्धलिङ्गस्य ध्यानयोगप्रभावतः। प्रत्यक्षः शङ्करो जातः कृष्णद्वैपायनस्य सः

arcanātsiddhaliṅgasya dhyānayogaprabhāvataḥ| pratyakṣaḥ śaṅkaro jātaḥ kṛṣṇadvaipāyanasya saḥ

सिद्धलिंग की पूजा से, ध्यान-योग के प्रभाव से, उन कृष्णद्वैपायन के सम्मुख शंकर प्रत्यक्ष हो गए।

श्लोक 84 (skanda.5.252.84)

ईश्वर उवाच - तोषितोऽहं त्वया वत्स वरं वरय शोभनम्

īśvara uvāca - toṣito'haṁ tvayā vatsa varaṁ varaya śobhanam

ईश्वर बोले — हे वत्स, मैं तुमसे प्रसन्न हूँ; उत्तम वर माँगो।

श्लोक 85 (skanda.5.252.85)

व्यास उवाच - यदि तुष्टोऽसि मे देव यदि देयो वरो मम। प्रत्यक्षो नर्मदातीरे स्वयमेव भविष्यसि। अतीतानागतज्ञोऽहं त्वत्प्रसादादुमापते

vyāsa uvāca - yadi tuṣṭo'si me deva yadi deyo varo mama| pratyakṣo narmadātīre svayameva bhaviṣyasi| atītānāgatajño'haṁ tvatprasādādumāpate

व्यास बोले — हे देव, यदि आप मुझसे प्रसन्न हैं, यदि मुझे वर देना चाहते हैं — तो नर्मदा के तट पर स्वयं प्रत्यक्ष होइए; हे उमापते, आपकी कृपा से मैं भूत और भविष्य का ज्ञाता बनूँ।

श्लोक 86 (skanda.5.252.86)

ईश्वर उवाच - एवं भवतु ते पुत्र मत्प्रसादादसंशयम्। त्वयि भक्तिगृहीतोऽहं प्रत्यक्षो नर्मदातटे

īśvara uvāca - evaṁ bhavatu te putra matprasādādasaṁśayam| tvayi bhaktigṛhīto'haṁ pratyakṣo narmadātaṭe

ईश्वर बोले — हे पुत्र, ऐसा ही हो, मेरी कृपा से निःसंशय; तुम्हारी भक्ति से वशीभूत होकर मैं नर्मदा के तट पर प्रत्यक्ष रहूँगा,

श्लोक 87 (skanda.5.252.87)

सहस्रांशार्धभावेन प्रत्यक्षोऽहं त्वदाश्रमे। इत्युक्त्वा प्रययौ देवः कैलासं नगमुत्तमम्

sahasrāṁśārdhabhāvena pratyakṣo'haṁ tvadāśrame| ityuktvā prayayau devaḥ kailāsaṁ nagamuttamam

...तुम्हारे आश्रम में सहस्रांश के आधे भाव से प्रत्यक्ष रहूँगा।' यह कहकर देव कैलास पर्वत को चले गए।

श्लोक 88 (skanda.5.252.88)

पत्नीसंग्रहणं जातं कृष्णद्वैपायनस्य तु। शास्त्रोक्तेन विधानेन पत्नी पालयतस्तथा

patnīsaṁgrahaṇaṁ jātaṁ kṛṣṇadvaipāyanasya tu| śāstroktena vidhānena patnī pālayatastathā

कृष्णद्वैपायन का विवाह हुआ; शास्त्रोक्त विधि से अपनी पत्नी का पालन करते हुए,

श्लोक 89 (skanda.5.252.89)

पुत्रो जातो ह्यपुत्रस्य पराशरसुतस्य च। देवैर्वर्धापितः सर्वैरिञ्चेन्द्रपुरोगमैः

putro jāto hyaputrasya parāśarasutasya ca| devairvardhāpitaḥ sarvairiñcendrapurogamaiḥ

...पराशरपुत्र, जो अपुत्र थे, उन्हें एक पुत्र उत्पन्न हुआ; ब्रह्मा और इन्द्र प्रमुख समस्त देवताओं द्वारा उनका अभिनन्दन किया गया।

श्लोक 90 (skanda.5.252.90)

पुत्रजन्मन्यथाजग्मुर्वशिष्ठाद्या मुनीश्वराः। तीर्थयात्राप्रसङ्गेन पराशरपुरोगमाः

putrajanmanyathājagmurvaśiṣṭhādyā munīśvarāḥ| tīrthayātrāprasaṅgena parāśarapurogamāḥ

पुत्र-जन्म के अवसर पर तब वशिष्ठ आदि मुनीश्वर आए, तीर्थयात्रा के प्रसंग में, पराशर प्रमुख —

श्लोक 91 (skanda.5.252.91)

मन्वत्रिविष्णुहारीतयाज्ञवल्क्योशनोऽङ्गिराः। यमापस्तम्बसंवर्ताः कात्यायनबृहस्पती

manvatriviṣṇuhārītayājñavalkyośano'ṅgirāḥ| yamāpastambasaṁvartāḥ kātyāyanabṛhaspatī

मनु, अत्रि, विष्णु, हारीत, याज्ञवल्क्य, उशना, अंगिरा, यम, आपस्तम्ब, संवर्त, कात्यायन, बृहस्पति,

श्लोक 92 (skanda.5.252.92)

एवमादिसहस्राणि लक्षकोटिशतानि च। सशिष्याश्च महाभागा नर्मदातटमाश्रिताः

evamādisahasrāṇi lakṣakoṭiśatāni ca| saśiṣyāśca mahābhāgā narmadātaṭamāśritāḥ

...और इनके समान हजारों, तथा सैकड़ों करोड़, महाभाग्यशाली, अपने शिष्यों सहित, नर्मदा के तट का आश्रय लेकर —

श्लोक 93 (skanda.5.252.93)

व्यासाश्रमे शुभे रम्ये संतुष्टा आययुर्नृप। दृष्ट्वा तान्सोऽपि विप्रेन्द्रानभ्युत्थानकृतोद्यमः

vyāsāśrame śubhe ramye saṁtuṣṭā āyayurnṛpa| dṛṣṭvā tānso'pi viprendrānabhyutthānakṛtodyamaḥ

...हे राजन्, वे प्रसन्न होकर व्यास के शुभ और रमणीय आश्रम में आए। उन्हें देखकर व्यास ने भी उठकर स्वागत करने का प्रयत्न किया,

श्लोक 94 (skanda.5.252.94)

पितुः पूर्वं प्रणम्यादौ सर्वेषां च यथाविधि। आसनानि ददौ भक्त्या पाद्यमर्घं न्यवेदयत्

pituḥ pūrvaṁ praṇamyādau sarveṣāṁ ca yathāvidhi| āsanāni dadau bhaktyā pādyamarghaṁ nyavedayat

...पहले अपने पिता को प्रणाम करके, फिर सबको यथाविधि प्रणाम करके, उन्होंने भक्तिपूर्वक आसन दिए और पाद्य तथा अर्घ्य निवेदित किया।

श्लोक 95 (skanda.5.252.95)

कृताञ्जलिपुटो भूत्वा वाक्यमेतदुवाच ह। उद्धृतोऽहं न सन्देहो युष्मत्सम्भाषणार्चनात्

kṛtāñjalipuṭo bhūtvā vākyametaduvāca ha| uddhṛto'haṁ na sandeho yuṣmatsambhāṣaṇārcanāt

हाथ जोड़कर उन्होंने यह वचन कहा: 'आपके संभाषण और पूजा से मैं निश्चय ही उद्धृत हो गया हूँ —

श्लोक 96 (skanda.5.252.96)

आरण्यानि च शाकानि फलान्यारण्यजानि च। तानि दास्यामि युष्माकं सर्वेषां प्रीतिपूर्वकम्

āraṇyāni ca śākāni phalānyāraṇyajāni ca| tāni dāsyāmi yuṣmākaṁ sarveṣāṁ prītipūrvakam

'...वन के साग-सब्ज़ी, और वन में उत्पन्न फल — ये सब मैं आप सबको स्नेहपूर्वक दूँगा।'

श्लोक 97 (skanda.5.252.97)

न्यमन्त्रयत तान्सर्वान्प्रत्येकं प्रणिपत्य च। ततस्ते प्रणतं दृष्ट्वा कृष्णद्वैपायनं मुनिम्

nyamantrayata tānsarvānpratyekaṁ praṇipatya ca| tataste praṇataṁ dṛṣṭvā kṛṣṇadvaipāyanaṁ munim

उन्होंने सबको आमंत्रित किया, प्रत्येक को प्रणाम करके; तब उन्होंने कृष्णद्वैपायन मुनि को प्रणत देखकर,

श्लोक 98 (skanda.5.252.98)

वर्धयित्वा जयाशीर्भिरवलोक्य परस्परम्। पराशरः समस्तैश्च वीक्षितो मुनिपुंगवैः

vardhayitvā jayāśīrbhiravalokya parasparam| parāśaraḥ samastaiśca vīkṣito munipuṁgavaiḥ

...विजय की आशीषों से उन्हें अभिनन्दित करके, और परस्पर देखकर, समस्त मुनिपुंगवों ने पराशर की ओर देखा —

श्लोक 99 (skanda.5.252.99)

उत्तरं दीयतां तात कृष्णद्वैपायनस्य च। एवमुक्तस्तु तैः सर्वैर्भगवान्स पराशरः। प्रोवाच स्वात्मजं व्यासमृषीणां यच्चिकीर्षितम्

uttaraṁ dīyatāṁ tāta kṛṣṇadvaipāyanasya ca| evamuktastu taiḥ sarvairbhagavānsa parāśaraḥ| provāca svātmajaṁ vyāsamṛṣīṇāṁ yaccikīrṣitam

'हे तात, कृष्णद्वैपायन को उत्तर दिया जाए।' इस प्रकार उन सबके द्वारा कहे जाने पर, भगवान् पराशर ने अपने पुत्र व्यास को ऋषियों की इच्छा बता दी।

श्लोक 100 (skanda.5.252.100)

श्रीपराशर उवाच - नेच्छन्ति दक्षिणे कूले व्रतभङ्गभयादथ। भोजनं भोक्तुकामास्ते श्राद्धे चैव विशेषतः

śrīparāśara uvāca - necchanti dakṣiṇe kūle vratabhaṅgabhayādatha| bhojanaṁ bhoktukāmāste śrāddhe caiva viśeṣataḥ

श्रीपराशर बोले — वे दक्षिण तट पर व्रतभंग के भय से भोजन नहीं चाहते, विशेषतः श्राद्ध में भोजन करने की इच्छा रखते हुए।

श्लोक 101 (skanda.5.252.101)

व्यास उवाच - करोमि भवतामुक्तमत्रैव स्थीयतां क्षणम्। यावत्प्रसाद्य सरितं करोमि विधिमुत्तमम्

vyāsa uvāca - karomi bhavatāmuktamatraiva sthīyatāṁ kṣaṇam| yāvatprasādya saritaṁ karomi vidhimuttamam

व्यास बोले — मैं आपका कहा हुआ करता हूँ; यहीं क्षणभर ठहरिए, जब तक मैं नदी को प्रसन्न करके उत्तम विधि सम्पन्न कर लूँ।

श्लोक 102 (skanda.5.252.102)

एवमुक्त्वा शुचिर्भूत्वा नर्मदातटमास्थितः। स्तोत्रं जगाद सहसा तन्निबोध नरेश्वर

evamuktvā śucirbhūtvā narmadātaṭamāsthitaḥ| stotraṁ jagāda sahasā tannibodha nareśvara

यह कहकर, पवित्र होकर, वे नर्मदा के तट पर खड़े हो गए; उन्होंने सहसा एक स्तोत्र कहा — हे नरेश्वर, उसे सुनिए।

श्लोक 103 (skanda.5.252.103)

जय भगवति देवि नमो वरदे जय पापविनाशिनी बहुफलदे। जय शुम्भनिशुम्भकपालधरे प्रणमामि तु देवनरार्तिहरे

jaya bhagavati devi namo varade jaya pāpavināśinī bahuphalade| jaya śumbhaniśumbhakapāladhare praṇamāmi tu devanarārtihare

जय हो, हे भगवती देवी! हे वरदे, नमस्कार है! जय हो, हे पापनाशिनी, बहुफलदे! जय हो, हे शुम्भ-निशुम्भ के कपाल धारण करने वाली! मैं आपको प्रणाम करता हूँ, हे देव-नर की पीड़ा हरने वाली!

श्लोक 104 (skanda.5.252.104)

जय चन्द्रदिवाकरनेत्रधरे जय पावकभूषितवक्त्रवरे। जय भैरवदेहनिलीनपरे जय अन्धकरक्तविशोषकरे

jaya candradivākaranetradhare jaya pāvakabhūṣitavaktravare| jaya bhairavadehanilīnapare jaya andhakaraktaviśoṣakare

जय हो, हे चन्द्र और सूर्य को नेत्रों के रूप में धारण करने वाली! जय हो, हे अग्नि से सुशोभित उत्तम मुखवाली! जय हो, हे भैरव के शरीर में लीन परा शक्ति! जय हो, हे अन्धक के रक्त को सुखा देने वाली!

श्लोक 105 (skanda.5.252.105)

जय महिषविमर्दिनि शूलकरे जय लोकसमस्तकपापहरे। जय देवि पितामहरामनते जय भास्करशक्रशिरोऽवनते

jaya mahiṣavimardini śūlakare jaya lokasamastakapāpahare| jaya devi pitāmaharāmanate jaya bhāskaraśakraśiro'vanate

जय हो, हे महिषासुरमर्दिनी, त्रिशूलधारिणी! जय हो, हे समस्त लोकों के पाप हरने वाली! जय हो, हे देवी, जिन्हें पितामह और राम नमन करते हैं! जय हो, हे वह जिनके समक्ष भास्कर और शक्र का मस्तक झुकता है!

श्लोक 106 (skanda.5.252.106)

जय षण्मुखसायुध ईशनुते जय सागरगामिनि शम्भुनुते। जय दुःखदरिद्रविनाशकरे जय पुत्रकलत्रविवृद्धिकरे

jaya ṣaṇmukhasāyudha īśanute jaya sāgaragāmini śambhunute| jaya duḥkhadaridravināśakare jaya putrakalatravivṛddhikare

जय हो, हे शस्त्रधारी षण्मुख और ईश (शिव) द्वारा स्तुत! जय हो, हे सागरगामिनी, शम्भु द्वारा स्तुत! जय हो, हे दुःख-दरिद्रता की नाशक! जय हो, हे पुत्र-कलत्र की वृद्धि करने वाली!

श्लोक 107 (skanda.5.252.107)

जय देवि समस्तशरीरधरे जय नाकविदर्शिनि दुःखहरे। जय व्याधिविनाशिनि मोक्षकरे जय वाञ्छितदायिनि सिद्धवरे

jaya devi samastaśarīradhare jaya nākavidarśini duḥkhahare| jaya vyādhivināśini mokṣakare jaya vāñchitadāyini siddhavare

जय हो, हे देवी, समस्त शरीरों की धारिणी! जय हो, हे स्वर्ग की दर्शिका, दुःखहारिणी! जय हो, हे व्याधिविनाशिनी, मोक्षदायिनी! जय हो, हे वांछित को देने वाली, सिद्धवरा!

श्लोक 108 (skanda.5.252.108)

एतद्व्यासकृतं स्तोत्रं यः पठेच्छिवसन्निधौ। गृहे वा शुद्धभावेन कामक्रोधविवर्जितः

etadvyāsakṛtaṁ stotraṁ yaḥ paṭhecchivasannidhau| gṛhe vā śuddhabhāvena kāmakrodhavivarjitaḥ

जो कोई इस व्यासकृत स्तोत्र को शिव के समक्ष, अथवा घर में, शुद्धभाव से, काम-क्रोध से रहित होकर पढ़ता है,

श्लोक 109 (skanda.5.252.109)

तस्य व्यासो भवेत्प्रीतः प्रीतश्च वृषवाहनः। प्रीता स्यान्नर्मदा देवी सर्वपापक्षयंकरी

tasya vyāso bhavetprītaḥ prītaśca vṛṣavāhanaḥ| prītā syānnarmadā devī sarvapāpakṣayaṁkarī

...उससे व्यास प्रसन्न होते हैं, और वृषवाहन (शिव) भी प्रसन्न होते हैं; समस्त पापों का नाश करने वाली देवी नर्मदा भी प्रसन्न होती हैं।

श्लोक 110 (skanda.5.252.110)

न ते यान्ति यमालोकं यैः स्तुता भुवि नर्मदा। पितामहोऽपि मुह्येत देवि त्वद्गुणकीर्तनात्

na te yānti yamālokaṁ yaiḥ stutā bhuvi narmadā| pitāmaho'pi muhyeta devi tvadguṇakīrtanāt

जिनके द्वारा पृथ्वी पर नर्मदा की स्तुति की जाती है, वे यमलोक को नहीं जाते; हे देवी, आपके गुणों का कीर्तन करते हुए पितामह भी मोहित हो जाएँ।

श्लोक 111 (skanda.5.252.111)

वाक्पतिर्नैव ते वक्तुं स्वरूपं वेद नर्मदे। कथं गुणानहं देवि त्वदीयाञ्ज्ञातुमुत्सहे

vākpatirnaiva te vaktuṁ svarūpaṁ veda narmade| kathaṁ guṇānahaṁ devi tvadīyāñjñātumutsahe

हे नर्मदे, वाचस्पति भी आपके वास्तविक स्वरूप को कहने में समर्थ नहीं हैं; तो हे देवी, मैं आपके गुणों को जानने का साहस कैसे करूँ?

श्लोक 112 (skanda.5.252.112)

इति ज्ञात्वा शुचिं भावं वाङ्मनःकायकर्मभिः। प्रसन्ना नर्मदादेवी ततो वचनमब्रवीत्

iti jñātvā śuciṁ bhāvaṁ vāṅmanaḥkāyakarmabhiḥ| prasannā narmadādevī tato vacanamabravīt

इस प्रकार वाणी, मन और कर्म से उनके शुद्ध भाव को जानकर, देवी नर्मदा प्रसन्न होकर तब यह वचन बोलीं —

श्लोक 113 (skanda.5.252.113)

सत्यवादेन तुष्टाहं भोभो व्यास महामुने। यदीच्छसि वरं किंचित्तं ते सर्वं ददाम्यहम्

satyavādena tuṣṭāhaṁ bhobho vyāsa mahāmune| yadīcchasi varaṁ kiṁcittaṁ te sarvaṁ dadāmyaham

'हे व्यास महामुने, आपकी सत्यवाणी से मैं प्रसन्न हूँ; जो भी वर आप चाहें, वह सब मैं आपको देती हूँ।'

श्लोक 114 (skanda.5.252.114)

व्यास उवाच - यदि तुष्टासि मे देवि यदि देयो वरो मम। आतिथ्यमुत्तरे कूले ऋषीणां दातुमर्हसि

vyāsa uvāca - yadi tuṣṭāsi me devi yadi deyo varo mama| ātithyamuttare kūle ṛṣīṇāṁ dātumarhasi

व्यास बोले — 'हे देवि, यदि आप मुझसे प्रसन्न हैं, यदि मुझे वर देना चाहती हैं — तो उत्तरी तट पर ऋषियों को आतिथ्य प्रदान कीजिए।'

श्लोक 115 (skanda.5.252.115)

नर्मदोवाच - अयुक्तं याचितं व्यास विमार्गे यत्प्रवर्तनम्। इन्द्रचन्द्रयमैः शक्यमुन्मार्गे न प्रवर्तितुम्

narmadovāca - ayuktaṁ yācitaṁ vyāsa vimārge yatpravartanam| indracandrayamaiḥ śakyamunmārge na pravartitum

नर्मदा बोलीं — 'हे व्यास, तुमने जो माँगा है, वह अनुचित है — यह उन्मार्ग में प्रवृत्ति है; इन्द्र, चन्द्र और यम भी मुझे उन्मार्ग में प्रवृत्त नहीं कर सकते।'

श्लोक 116 (skanda.5.252.116)

याचस्वान्यं वरं पुत्र यत्किंचिद्भुवि दुर्लभम्। एतच्छ्रुत्वा वचो देव्या व्यासो मूर्च्छां यतस्तदा

yācasvānyaṁ varaṁ putra yatkiṁcidbhuvi durlabham| etacchrutvā vaco devyā vyāso mūrcchāṁ yatastadā

'हे पुत्र, पृथ्वी पर जो कुछ और दुर्लभ हो, वह दूसरा वर माँगो।' देवी का यह वचन सुनकर व्यास तब मूर्च्छित हो गए —

श्लोक 117 (skanda.5.252.117)

वृथा क्लेशोऽद्य मे जात इति मत्वा पपात ह। धरणी चलिता सर्वा सशैलवनकानना

vṛthā kleśo'dya me jāta iti matvā papāta ha| dharaṇī calitā sarvā saśailavanakānanā

...यह सोचकर कि 'आज मेरा प्रयास व्यर्थ हो गया,' वे गिर पड़े; पर्वतों, वनों और उपवनों सहित सम्पूर्ण पृथ्वी काँप उठी।

श्लोक 118 (skanda.5.252.118)

मूर्च्छापन्नं ततो व्यासं दृष्ट्वा देवाः सवासवाः। हाहाकारमुखाः सर्वे तत्राजग्मुः सहस्रशः

mūrcchāpannaṁ tato vyāsaṁ dṛṣṭvā devāḥ savāsavāḥ| hāhākāramukhāḥ sarve tatrājagmuḥ sahasraśaḥ

तब व्यास को मूर्च्छित पड़ा देखकर, वासव सहित देवगण, हाहाकार करते हुए मुख वाले, वहाँ सहस्रों की संख्या में आए।

श्लोक 119 (skanda.5.252.119)

व्यासमुत्थापयामासुर्वेदव्यसनतत्परम्। ब्राह्मणार्थे च संक्लिष्टो नात्महेतोः सरिद्वरे

vyāsamutthāpayāmāsurvedavyasanatatparam| brāhmaṇārthe ca saṁkliṣṭo nātmahetoḥ saridvare

उन्होंने वेदव्यसन में तत्पर व्यास को उठाया: 'हे सरिद्वरे, यह ब्राह्मणों के लिए संक्लिष्ट हुए हैं, अपने लिए नहीं —

श्लोक 120 (skanda.5.252.120)

गवार्थे ब्राह्मणार्थे च सद्यः प्राणान्परित्यजेत्। एवं सा नर्मदा प्रोक्ता ब्रह्माद्यैः सुरसत्तमैः

gavārthe brāhmaṇārthe ca sadyaḥ prāṇānparityajet| evaṁ sā narmadā proktā brahmādyaiḥ surasattamaiḥ

'...गौ अथवा ब्राह्मण के लिए तत्काल प्राण त्याग देना चाहिए।' इस प्रकार वह नर्मदा ब्रह्मा आदि श्रेष्ठ देवताओं द्वारा कही गईं,

श्लोक 121 (skanda.5.252.121)

सुशीतलैस्तं बहुभिश्च वातैर्रेवाभ्यषिञ्चत्स्वजलेन भीता। सचेतनः सत्यवतीसुतोऽपि प्रणम्य देवान्सरितं जगाद

suśītalaistaṁ bahubhiśca vātairrevābhyaṣiñcatsvajalena bhītā| sacetanaḥ satyavatīsuto'pi praṇamya devānsaritaṁ jagāda

...भयभीत होकर उन्होंने अपने ही जल से, अनेक शीतल वायुओं सहित, उन्हें सींचा; सत्यवतीपुत्र (व्यास) चेतना पाकर, देवताओं को प्रणाम करके नदी से बोले —

श्लोक 122 (skanda.5.252.122)

व्यास उवाच - तीर्थैः समस्तैः किल सेवनाय फलं प्रदिष्टं मम मन्दभाग्यात्। यद्देवि पुण्या विफला ममाशा आरण्यपुष्पाणि यथा जनानाम्

vyāsa uvāca - tīrthaiḥ samastaiḥ kila sevanāya phalaṁ pradiṣṭaṁ mama mandabhāgyāt| yaddevi puṇyā viphalā mamāśā āraṇyapuṣpāṇi yathā janānām

व्यास बोले — 'हे देवि, समस्त तीर्थों की सेवा के लिए जो फल निर्धारित था, वह मेरे मन्दभाग्य से — मनुष्यों के लिए वन के पुष्पों के समान — व्यर्थ हो गई मेरी पुण्य आशा।'

श्लोक 123 (skanda.5.252.123)

नर्मदोवाच - यतो यतो मां हि महानुभाव निनीषते चित्तमिलातलेऽत्र। विन्ध्येन सार्द्धं तव मार्गमद्य यास्याम्यहं दण्डधरस्य पृष्ठे

narmadovāca - yato yato māṁ hi mahānubhāva ninīṣate cittamilātale'tra| vindhyena sārddhaṁ tava mārgamadya yāsyāmyahaṁ daṇḍadharasya pṛṣṭhe

नर्मदा बोलीं — 'हे महानुभाव, जिस-जिस ओर आपका चित्त मुझे इस भूतल पर ले जाना चाहता है, विन्ध्य के साथ मैं आज दण्डधर की पीठ पर आपके मार्ग से चलूँगी।'

श्लोक 124 (skanda.5.252.124)

एवमुक्तो महातेजा व्यासः सत्यवतीसुतः। दक्षिणे चालयामास स्वाश्रमस्य सरिद्वराम्

evamukto mahātejā vyāsaḥ satyavatīsutaḥ| dakṣiṇe cālayāmāsa svāśramasya saridvarām

इस प्रकार कहे जाने पर, महातेजस्वी सत्यवतीपुत्र व्यास ने उस श्रेष्ठ नदी को अपने आश्रम के दक्षिण की ओर प्रवाहित किया।

श्लोक 125 (skanda.5.252.125)

दण्डहस्तो महातेजा हुङ्कारमकरोन्मुनिः। व्यासहुङ्कारभीता सा चलिता रुद्रनन्दिनी

daṇḍahasto mahātejā huṅkāramakaronmuniḥ| vyāsahuṅkārabhītā sā calitā rudranandinī

दण्डहस्त महातेजस्वी मुनि ने हुंकार किया; व्यास की हुंकार से भयभीत होकर वह रुद्रनन्दिनी (नर्मदा) चल पड़ीं।

श्लोक 126 (skanda.5.252.126)

दण्डेन दर्शयन्मार्गं देवी तत्र प्रवर्तिता। व्यासमार्गं गता देवी दृष्टा शक्रपुरोगमैः

daṇḍena darśayanmārgaṁ devī tatra pravartitā| vyāsamārgaṁ gatā devī dṛṣṭā śakrapurogamaiḥ

दण्ड से मार्ग दिखाते हुए, देवी वहाँ प्रवर्तित हुईं; व्यास के मार्ग पर गई हुई देवी को शक्र आदि श्रेष्ठ देवताओं ने देखा।

श्लोक 127 (skanda.5.252.127)

पुष्पवृष्टिं ततो देवा व्यमुञ्चन् सह किंकरैः। किं कुर्मो ब्रूहि मे पुत्र कर्मणा ते स्म रञ्जिताः

puṣpavṛṣṭiṁ tato devā vyamuñcan saha kiṁkaraiḥ| kiṁ kurmo brūhi me putra karmaṇā te sma rañjitāḥ

तब देवगण अपने सेवकों सहित पुष्पवृष्टि करने लगे: 'हे पुत्र, बताओ, हम क्या करें — हम तुम्हारे कर्म से प्रसन्न हो गए हैं।'

श्लोक 128 (skanda.5.252.128)

व्यास उवाच - तपश्च विपुलं कृत्वा दानं दत्त्वा महाफलम्। एतदेव नरैः कार्यं साधूनां यत्सुखावहम्

vyāsa uvāca - tapaśca vipulaṁ kṛtvā dānaṁ dattvā mahāphalam| etadeva naraiḥ kāryaṁ sādhūnāṁ yatsukhāvaham

व्यास बोले — 'विपुल तप करके तथा महाफलदायी दान देकर — मनुष्यों को यही करना चाहिए, जो साधुओं के लिए सुखकर हो।'

श्लोक 129 (skanda.5.252.129)

यदि तुष्टा महाभागा अनुग्राह्यो ह्यहं यदि। तस्मान्ममाश्रमे सर्वैः स्थीयतां नात्र संशयः

yadi tuṣṭā mahābhāgā anugrāhyo hyahaṁ yadi| tasmānmamāśrame sarvaiḥ sthīyatāṁ nātra saṁśayaḥ

'हे महाभागो, यदि आप प्रसन्न हैं, यदि मैं अनुग्रह के योग्य हूँ — तो आप सब मेरे आश्रम में ठहरें; इसमें संशय नहीं।'

श्लोक 130 (skanda.5.252.130)

आतिथ्यं शाकपर्णेन रेवामृतविमिश्रितम्। प्रतिपन्नं समस्तैर्वः पराशरमुखैर्मम। स्थातव्यं स्वाश्रमे सर्वैर्रेवाया उत्तरे तटे

ātithyaṁ śākaparṇena revāmṛtavimiśritam| pratipannaṁ samastairvaḥ parāśaramukhairmama| sthātavyaṁ svāśrame sarvairrevāyā uttare taṭe

'साग-पत्तों से आतिथ्य, जो रेवा के अमृत से मिश्रित है, यह पराशर प्रमुख आप सबने मुझसे स्वीकार किया है; आप सब मेरे आश्रम में, रेवा के उत्तरी तट पर ठहरें।'

श्लोक 131 (skanda.5.252.131)

मार्कण्डेय उवाच - स्नानतर्पणनित्यानि कृतानि द्विजसत्तमैः। व्यासकुण्डे ततो गत्वा होमः सर्वैः प्रकल्पितः

mārkaṇḍeya uvāca - snānatarpaṇanityāni kṛtāni dvijasattamaiḥ| vyāsakuṇḍe tato gatvā homaḥ sarvaiḥ prakalpitaḥ

मार्कण्डेय बोले — श्रेष्ठ द्विजों द्वारा नित्य स्नान-तर्पण किए गए; तब व्यासकुण्ड में जाकर सबने होम की व्यवस्था की।

श्लोक 132 (skanda.5.252.132)

श्रीफलैर्बिल्वपत्रैश्च जुहुवुर्जातवेदसम्। गौतमो भृगुर्माण्डव्यो नारदो लोमशस्तथा

śrīphalairbilvapatraiśca juhuvurjātavedasam| gautamo bhṛgurmāṇḍavyo nārado lomaśastathā

बिल्वफलों और बिल्वपत्रों से उन्होंने जातवेदा (अग्नि) को आहुति दी — गौतम, भृगु, माण्डव्य, नारद, तथा लोमश भी,

श्लोक 133 (skanda.5.252.133)

पराशरस्तथा शङ्खः कौशिकश्च्यवनो मुनिः। पिप्पलादो वसिष्ठश्च नाचिकेतो महातपाः

parāśarastathā śaṅkhaḥ kauśikaścyavano muniḥ| pippalādo vasiṣṭhaśca nāciketo mahātapāḥ

...पराशर, तथा शंख, कौशिक, च्यवन मुनि, पिप्पलाद, वशिष्ठ, तथा महातपस्वी नाचिकेत,

श्लोक 134 (skanda.5.252.134)

विश्वामित्रोऽप्यगस्त्यश्च उद्दालकयमौ तथा। शाण्डिल्यो जैमिनिः कण्वो याज्ञवल्क्योशनोऽङ्गिराः

viśvāmitro'pyagastyaśca uddālakayamau tathā| śāṇḍilyo jaiminiḥ kaṇvo yājñavalkyośano'ṅgirāḥ

...विश्वामित्र, तथा अगस्त्य, उद्दालक और यम, शाण्डिल्य, जैमिनि, कण्व, याज्ञवल्क्य, उशना, अंगिरा,

श्लोक 135 (skanda.5.252.135)

शातातपो दधीचिश्च कपिलो गालवस्तथा। जैगीषव्यस्तथा दक्षो भरतो मुद्गलस्तथा

śātātapo dadhīciśca kapilo gālavastathā| jaigīṣavyastathā dakṣo bharato mudgalastathā

...शातातप, दधीचि, कपिल, गालव भी, जैगीषव्य, दक्ष, भरत, तथा मुद्गल भी,

श्लोक 136 (skanda.5.252.136)

वात्स्यायनो महातेजाः संवर्तः शक्तिरेव च। जातूकर्ण्यो भरद्वाजो वालखिल्यारुणिस्तथा

vātsyāyano mahātejāḥ saṁvartaḥ śaktireva ca| jātūkarṇyo bharadvājo vālakhilyāruṇistathā

...महातेजस्वी वात्स्यायन, संवर्त, तथा शक्ति भी, जातूकर्ण्य, भरद्वाज, तथा वालखिल्यगण अरुणि सहित,

श्लोक 137 (skanda.5.252.137)

एवमादिसहस्राणि जुह्वते जातवेदसम्। अक्षमालाकरोत्कीर्णा ध्यानयोगपरायणाः

evamādisahasrāṇi juhvate jātavedasam| akṣamālākarotkīrṇā dhyānayogaparāyaṇāḥ

...और इनके समान हजारों ने जातवेदा को आहुति दी — हाथों में जपमाला लिए, ध्यान-योग में पूर्णतः तत्पर होकर,

श्लोक 138 (skanda.5.252.138)

एकचित्ता द्विजाः सर्वे चक्रुर्होमक्रियां तदा। ततः समुत्थितं लिङ्गं मोक्षदं व्याधिनाशनम्

ekacittā dvijāḥ sarve cakrurhomakriyāṁ tadā| tataḥ samutthitaṁ liṅgaṁ mokṣadaṁ vyādhināśanam

...एकचित्त होकर समस्त द्विजों ने तब होमक्रिया की; उससे मोक्षदायक, व्याधिनाशक एक लिंग प्रकट हुआ,

श्लोक 139 (skanda.5.252.139)

अच्छेद्यं परमं देवं दृष्ट्वा व्यासस्तुतोष च। पुष्पवृष्टिं ददुर्देवा आशीर्वादान्द्विजोत्तमाः

acchedyaṁ paramaṁ devaṁ dṛṣṭvā vyāsastutoṣa ca| puṣpavṛṣṭiṁ dadurdevā āśīrvādāndvijottamāḥ

...अच्छेद्य, परम देव; उसे देखकर व्यास संतुष्ट हुए; देवताओं ने पुष्पवृष्टि की, और श्रेष्ठ द्विजों ने आशीर्वाद दिए।

श्लोक 140 (skanda.5.252.140)

साष्टाङ्गं प्रणतो व्यासो देवं दृष्ट्वा त्रिलोचनम्। ब्राह्मणान्पूजयामास शाकमूलफलेन च

sāṣṭāṅgaṁ praṇato vyāso devaṁ dṛṣṭvā trilocanam| brāhmaṇānpūjayāmāsa śākamūlaphalena ca

व्यास ने साष्टांग प्रणाम करके, त्रिलोचन देव का दर्शन करके, साग-मूल-फल से ब्राह्मणों की पूजा की।

श्लोक 141 (skanda.5.252.141)

पितृपूर्वं द्विजाः सर्वे भोजिताः पाण्डुनन्दन। आशीर्वादांस्ततः पुण्यान् दत्त्वा विप्रा ययुः पुनः

pitṛpūrvaṁ dvijāḥ sarve bhojitāḥ pāṇḍunandana| āśīrvādāṁstataḥ puṇyān dattvā viprā yayuḥ punaḥ

हे पाण्डुनन्दन, पितरों को पहले [अर्पण करके] सभी द्विजों को भोजन कराया गया; तब पुण्य आशीर्वाद देकर विप्र पुनः चले गए।

श्लोक 142 (skanda.5.252.142)

तदा प्रभृति तत्तीर्थं व्यासाख्यं प्रोच्यते बुधैः

tadā prabhṛti tattīrthaṁ vyāsākhyaṁ procyate budhaiḥ

तभी से वह तीर्थ विद्वानों द्वारा 'व्यास' नाम से कहा जाता है।

श्लोक 143 (skanda.5.252.143)

युधिष्ठिर उवाच - व्यासतीर्थस्य यत्पुण्यं तत्सर्वं कथयस्व मे। स्नानदानविधानं च यस्मिन्काले महाफलम्

yudhiṣṭhira uvāca - vyāsatīrthasya yatpuṇyaṁ tatsarvaṁ kathayasva me| snānadānavidhānaṁ ca yasminkāle mahāphalam

युधिष्ठिर बोले — व्यासतीर्थ का जो पुण्य है, वह सब मुझे बताइए, तथा स्नान-दान की विधि, और वह समय जिसमें महाफल प्राप्त होता है।

श्लोक 144 (skanda.5.252.144)

श्रीमार्कण्डेय उवाच - कथयामि समस्तं ते भ्रातृभिः सह पाण्डव। कार्त्तिकस्य सिते पक्षे चतुर्दश्यां जितेन्द्रियः

śrīmārkaṇḍeya uvāca - kathayāmi samastaṁ te bhrātṛbhiḥ saha pāṇḍava| kārttikasya site pakṣe caturdaśyāṁ jitendriyaḥ

श्रीमार्कण्डेय बोले — हे पाण्डव, मैं आपको अपने भाइयों सहित सब कुछ बताता हूँ। कार्तिक के शुक्ल पक्ष की चतुर्दशी को, जितेन्द्रिय होकर,

श्लोक 145 (skanda.5.252.145)

उपोष्य यो नरो भक्त्या रात्रौ कुर्वीत जागरम्। स्नापयेदीश्वरं भक्त्या क्षौद्रक्षीरेण सर्पिषा

upoṣya yo naro bhaktyā rātrau kurvīta jāgaram| snāpayedīśvaraṁ bhaktyā kṣaudrakṣīreṇa sarpiṣā

...जो भक्तिपूर्वक उपवास करके रात्रि में जागरण करता है, उसे भक्तिपूर्वक मधु, दूध और घृत से ईश्वर को स्नान कराना चाहिए,

श्लोक 146 (skanda.5.252.146)

दध्ना च खण्डयुक्तेन कुशतोयेन वै पुनः। श्रीखण्डेन सुगन्धेन गुण्ठयेत्परमेश्वरम्

dadhnā ca khaṇḍayuktena kuśatoyena vai punaḥ| śrīkhaṇḍena sugandhena guṇṭhayetparameśvaram

...और पुनः शर्करा मिश्रित दधि से, तथा कुशजल से; सुगन्धित चन्दन से परमेश्वर का लेपन करना चाहिए,

श्लोक 147 (skanda.5.252.147)

ततः सुगन्धकुसुमैर्बिल्वपत्रैश्च पूजयेत्। मुचुकुन्देन कुन्देन कुशजातीप्रसूनकैः

tataḥ sugandhakusumairbilvapatraiśca pūjayet| mucukundena kundena kuśajātīprasūnakaiḥ

...तत्पश्चात् सुगन्धित पुष्पों और बिल्वपत्रों से पूजा करनी चाहिए — मुचुकुन्द, कुन्द, कुशजाति के फूलों से,

श्लोक 148 (skanda.5.252.148)

उन्मत्तमुनिपुष्पैश्च तथान्यैः कालसम्भवैः। अर्चयेत्परया भक्त्या द्वीपेश्वरमनुत्तमम्

unmattamunipuṣpaiśca tathānyaiḥ kālasambhavaiḥ| arcayetparayā bhaktyā dvīpeśvaramanuttamam

...तथा उन्मत्त (धतूरा) और मुनि-पुष्पों से, तथा ऋतु में उत्पन्न अन्य फूलों से; परम भक्ति के साथ अनुपम द्वीपेश्वर की पूजा करनी चाहिए।

श्लोक 149 (skanda.5.252.149)

इक्षुगडुकदानेन तुष्यते परमेश्वरः। गडुकाष्टकदानेन पातकं यात्यहोर्जितम्

ikṣugaḍukadānena tuṣyate parameśvaraḥ| gaḍukāṣṭakadānena pātakaṁ yātyahorjitam

गन्ना और गुड़ की ढेली (गडुक) के दान से परमेश्वर प्रसन्न होते हैं; आठ गडुक के दान से एक दिन का पाप नष्ट होता है।

श्लोक 150 (skanda.5.252.150)

मासर्जितं च नश्येत गडुकाष्टशतेन च। षाण्मासिकं सहस्रेण द्विगुणैरब्दिकं तथा

māsarjitaṁ ca naśyeta gaḍukāṣṭaśatena ca| ṣāṇmāsikaṁ sahasreṇa dviguṇairabdikaṁ tathā

एक सौ आठ गडुक से एक मास का पाप नष्ट हो जाता है; छह मास का पाप सहस्र से, तथा एक वर्ष का पाप उससे दुगुने से,

श्लोक 151 (skanda.5.252.151)

आजन्मजनितं पापमयुतेन प्रणश्यति। द्विगुणैर्नश्यते व्याधिस्त्रिगुणैः स्याद्धनागमः

ājanmajanitaṁ pāpamayutena praṇaśyati| dviguṇairnaśyate vyādhistriguṇaiḥ syāddhanāgamaḥ

जन्म से संचित पाप दस हजार से नष्ट होता है; व्याधि दुगुने से नष्ट होती है, और तिगुने से धनागम होता है,

श्लोक 152 (skanda.5.252.152)

षड्गुणैर्जायते वाग्मी सिद्धस्तद्द्विगुणैस्तथा। रुद्रत्वं दशलक्षैश्च जायते नात्र संशयः

ṣaḍguṇairjāyate vāgmī siddhastaddviguṇaistathā| rudratvaṁ daśalakṣaiśca jāyate nātra saṁśayaḥ

छह गुने से वाग्मी (वाक्पटु) बनता है; उससे दुगुने (बारह गुने) से सिद्ध बनता है; दस लाख से रुद्रत्व प्राप्त होता है — इसमें संशय नहीं।

श्लोक 153 (skanda.5.252.153)

पौर्णमास्यां नृपश्रेष्ठ स्नानं कुर्वीत भक्तितः। मन्त्रोक्तेन विधानेन सर्वपापक्षयंकरम्

paurṇamāsyāṁ nṛpaśreṣṭha snānaṁ kurvīta bhaktitaḥ| mantroktena vidhānena sarvapāpakṣayaṁkaram

पूर्णिमा को, हे नृपश्रेष्ठ, मन्त्रोक्त विधि से भक्तिपूर्वक स्नान करना चाहिए, जो समस्त पापों का नाश करने वाला है,

श्लोक 154 (skanda.5.252.154)

वारुणं च तथाग्नेयं ब्राह्मयं चैवाक्षयंकरम्। देवान्पितॄन्मनुष्यांश्च विधिवत्तर्पयेद्बुधः

vāruṇaṁ ca tathāgneyaṁ brāhmayaṁ caivākṣayaṁkaram| devānpitṝnmanuṣyāṁśca vidhivattarpayedbudhaḥ

...वारुण, आग्नेय, तथा ब्राह्म [तर्पण], जो अक्षय फल देने वाले हैं; बुद्धिमान् को विधिवत् देवताओं, पितरों और मनुष्यों को तृप्त करना चाहिए।

श्लोक 155 (skanda.5.252.155)

ऋचा ऋग्वेदजं पुण्यं साम्ना सामफलं लभेत्। यजुर्वेदस्य यजुषा गायत्र्या सर्वमाप्नुयात्

ṛcā ṛgvedajaṁ puṇyaṁ sāmnā sāmaphalaṁ labhet| yajurvedasya yajuṣā gāyatryā sarvamāpnuyāt

ऋचा से ऋग्वेदज पुण्य, सामवेद से सामफल प्राप्त होता है; यजुर्वेद के यजुष् से, तथा गायत्री से सब कुछ प्राप्त होता है।

श्लोक 156 (skanda.5.252.156)

अक्षरं च जपेन्मन्त्रं सौरं वा शिवदैवतम्। अथवा वैष्णवं मन्त्रं द्वादशाक्षरसंज्ञितम्

akṣaraṁ ca japenmantraṁ sauraṁ vā śivadaivatam| athavā vaiṣṇavaṁ mantraṁ dvādaśākṣarasaṁjñitam

एकाक्षर मन्त्र, अथवा सौर मन्त्र, अथवा शिवदैवत मन्त्र, अथवा द्वादशाक्षर नामक वैष्णव मन्त्र का जप करना चाहिए,

श्लोक 157 (skanda.5.252.157)

पूजयेद्ब्राह्मणान्भक्त्या सर्वलक्षणलक्षितान्। स्वदारनिरतान्विप्रान्दम्भलोभविवर्जितान्

pūjayedbrāhmaṇānbhaktyā sarvalakṣaṇalakṣitān| svadāraniratānviprāndambhalobhavivarjitān

समस्त शुभ लक्षणों से युक्त, अपनी पत्नी में रत, दम्भ-लोभ से रहित ब्राह्मणों की भक्तिपूर्वक पूजा करनी चाहिए,

श्लोक 158 (skanda.5.252.158)

भिन्नवृत्तिकरान् पापान् पतिताञ्छूद्रसेवनान्। शूद्रीग्रहणसंयुक्तान्वृषली यस्य मन्दिरे

bhinnavṛttikarān pāpān patitāñchūdrasevanān| śūdrīgrahaṇasaṁyuktānvṛṣalī yasya mandire

...तथा भिन्नवृत्ति करने वाले, पापी, पतित, शूद्रसेवी, शूद्री-सहवासी, अथवा जिनके घर में वृषली (नीच स्त्री) हो — इनका वर्जन करना चाहिए,

श्लोक 159 (skanda.5.252.159)

परोक्षवादिनो दुष्टान्गुरुनिन्दापरायणान्। वेदद्वेषणशीलांश्च हैतुकान् बकवृत्तिकान्

parokṣavādino duṣṭāngurunindāparāyaṇān| vedadveṣaṇaśīlāṁśca haitukān bakavṛttikān

...परोक्षवादी, दुष्ट, गुरुनिन्दा में तत्पर, वेदद्वेषी, हैतुक (कुतर्की), तथा बकवृत्ति (बगुले की भांति पाखण्डी) — इनका भी वर्जन करना चाहिए,

श्लोक 160 (skanda.5.252.160)

ईदृशान्वर्जयेच्छ्राद्धे दाने सर्वव्रतेषु च। गायत्रीसारमात्रोऽपि वरं विप्रः सुयन्त्रितः

īdṛśānvarjayecchrāddhe dāne sarvavrateṣu ca| gāyatrīsāramātro'pi varaṁ vipraḥ suyantritaḥ

ऐसों का श्राद्ध में, दान में, तथा समस्त व्रतों में वर्जन करना चाहिए; गायत्री-सारमात्र भी सुसंयमित ब्राह्मण उत्तम है,

श्लोक 161 (skanda.5.252.161)

नायन्त्रितश्चतुर्वेदी सर्वाशी सर्वविक्रयी। ईदृशान्पूजयेद्विप्रानन्नदानहिरण्यतः

nāyantritaścaturvedī sarvāśī sarvavikrayī| īdṛśānpūjayedviprānannadānahiraṇyataḥ

...बजाय एक असंयमित चतुर्वेदी के, जो सब कुछ खाता और सब कुछ बेचता हो; ऐसे [योग्य] ब्राह्मणों को अन्नदान और स्वर्णदान से पूजना चाहिए।

श्लोक 162 (skanda.5.252.162)

उपानहौ च वस्त्राणि शय्यां छत्रमथासनम्। यो दद्याद्ब्राह्मणे भक्त्या सोऽपि स्वर्गे महीयते

upānahau ca vastrāṇi śayyāṁ chatramathāsanam| yo dadyādbrāhmaṇe bhaktyā so'pi svarge mahīyate

जूते, वस्त्र, शय्या, छत्र, तथा आसन — जो इन्हें भक्तिपूर्वक ब्राह्मण को देता है, वह भी स्वर्ग में सम्मानित होता है।

श्लोक 163 (skanda.5.252.163)

प्रत्यक्षा सुरभी तत्र जलधेनुस्तथाघृता। तिलधेनुः प्रदातव्या महिष्यश्च तथैव च

pratyakṣā surabhī tatra jaladhenustathāghṛtā| tiladhenuḥ pradātavyā mahiṣyaśca tathaiva ca

वहाँ प्रत्यक्ष सुरभि गौ, तथा जलधेनु और घृतधेनु भी देनी चाहिए; तिलधेनु देनी चाहिए, तथा भैंसें भी,

श्लोक 164 (skanda.5.252.164)

कृष्णाजिनप्रदाता यो दाता यस्तिलसर्पिषोः। कन्यापुस्तकयोर्दाता सोऽक्षयं लोकमाप्नुयात्

kṛṣṇājinapradātā yo dātā yastilasarpiṣoḥ| kanyāpustakayordātā so'kṣayaṁ lokamāpnuyāt

जो कृष्णाजिन का दाता है, जो तिल और घृत का दाता है, जो कन्या और पुस्तक का दाता है — वह अक्षय लोक को प्राप्त करता है।

श्लोक 165 (skanda.5.252.165)

धूर्वाहौ खुरसंयुक्तौ धान्योपस्करसंयुतौ। दापयेत्स्वर्गकामस्तु इति मे सत्यभाषितम्

dhūrvāhau khurasaṁyuktau dhānyopaskarasaṁyutau| dāpayetsvargakāmastu iti me satyabhāṣitam

स्वर्गकाम व्यक्ति को खुरों से युक्त धूर्वाह (जुए में जुते बैलों) की जोड़ी, अनाज और गृहोपकरणों सहित देनी चाहिए — यह मेरा सत्य कथन है।

श्लोक 166 (skanda.5.252.166)

सूत्रेण वेष्टयेद्द्वीपमथवा जगतीं शुभम्। मन्दिरं परया भक्त्या परमेशमथापि वा

sūtreṇa veṣṭayeddvīpamathavā jagatīṁ śubham| mandiraṁ parayā bhaktyā parameśamathāpi vā

सूत्र से द्वीप को, अथवा शुभ जगती (पृथ्वी) को, अथवा मन्दिर को परम भक्ति के साथ घेरना चाहिए, अथवा परमेश को भी —

श्लोक 167 (skanda.5.252.167)

प्रदक्षिणां विधानेन यः करोत्यत्र मानवः। जम्बूप्लाक्षाह्वयौ द्वीपौ शाल्मलिश्चापरो नृप

pradakṣiṇāṁ vidhānena yaḥ karotyatra mānavaḥ| jambūplākṣāhvayau dvīpau śālmaliścāparo nṛpa

जो मनुष्य यहाँ विधिपूर्वक प्रदक्षिणा करता है — जम्बू और प्लक्ष नामक दो द्वीप, तथा शाल्मलि, एक और, हे राजन्,

श्लोक 168 (skanda.5.252.168)

कुशः क्रौञ्चस्तथा काशः पुष्करश्चैव सप्तमः। सप्तसागरपर्यन्ता वेष्टिता तेन भारत

kuśaḥ krauñcastathā kāśaḥ puṣkaraścaiva saptamaḥ| saptasāgaraparyantā veṣṭitā tena bhārata

...कुश, क्रौंच, तथा काश, और सातवाँ पुष्कर — हे भारत, सातों समुद्रों तक फैले हुए ये सब उसके द्वारा प्रदक्षिणा किए हुए हो जाते हैं।

श्लोक 169 (skanda.5.252.169)

द्वीपेश्वरे महाराज वृषोत्सर्गं च कारयेत्। वृषेणारुणवर्णेन माहेशं लोकमाप्नुयात्

dvīpeśvare mahārāja vṛṣotsargaṁ ca kārayet| vṛṣeṇāruṇavarṇena māheśaṁ lokamāpnuyāt

हे महाराज, द्वीपेश्वर में वृषोत्सर्ग करना चाहिए; अरुण वर्ण के वृषभ से माहेश्वर लोक को प्राप्त होता है।

श्लोक 170 (skanda.5.252.170)

यस्तु वै पाण्डुरो वक्त्रे ललाटे पादयोस्तथा। लाङ्गूले यस्तु वै शुभ्रः स वै नाकस्य दर्शकः

yastu vai pāṇḍuro vaktre lalāṭe pādayostathā| lāṅgūle yastu vai śubhraḥ sa vai nākasya darśakaḥ

जो मुख में, ललाट में, तथा दोनों पैरों में श्वेत हो, और जो पूँछ में भी उज्ज्वल श्वेत हो — वही स्वर्ग का दर्शक (प्राप्तिदाता) है।

श्लोक 171 (skanda.5.252.171)

नीलोऽयमीदृशः प्रोक्तो यस्तु द्वीपेश्वरे त्यजेत्। स समाः रोमसंख्याता नाके वसति भारत

nīlo'yamīdṛśaḥ prokto yastu dvīpeśvare tyajet| sa samāḥ romasaṁkhyātā nāke vasati bhārata

इस प्रकार का नीलवर्ण जो हो, उसे जो द्वीपेश्वर में छोड़ता है, वह हे भारत, उस वृषभ के रोमों की संख्या के बराबर वर्षों तक स्वर्ग में निवास करता है।

श्लोक 172 (skanda.5.252.172)

सौरं च शांकरं लोकं वैरञ्चं वैष्णवं क्रमात्। भुनक्ति स्वेच्छया राजन्व्यासतीर्थप्रभावतः

sauraṁ ca śāṁkaraṁ lokaṁ vairañcaṁ vaiṣṇavaṁ kramāt| bhunakti svecchayā rājanvyāsatīrthaprabhāvataḥ

हे राजन्, व्यासतीर्थ के प्रभाव से वह इच्छानुसार सूर्यलोक, शंकरलोक, विरञ्चिलोक, और वैष्णवलोक को क्रमशः भोगता है।

श्लोक 173 (skanda.5.252.173)

सपत्नीकं ततो विप्रं पूजयेत्तत्र भक्तितः। सितरक्तानि वस्त्राणि यो दद्यादग्रजन्मने

sapatnīkaṁ tato vipraṁ pūjayettatra bhaktitaḥ| sitaraktāni vastrāṇi yo dadyādagrajanmane

तत्पश्चात् वहाँ भक्तिपूर्वक सपत्नीक ब्राह्मण की पूजा करनी चाहिए; जो द्विज को श्वेत और रक्त वस्त्र देता है,

श्लोक 174 (skanda.5.252.174)

कृत्वा प्रदक्षिणं युग्मं प्रीयतां मे जगद्गुरुः। नास्ति विप्रसमो बन्धुरिह लोके परत्र च

kṛtvā pradakṣiṇaṁ yugmaṁ prīyatāṁ me jagadguruḥ| nāsti viprasamo bandhuriha loke paratra ca

...दो प्रदक्षिणाएँ करके — यह सोचते हुए कि 'जगद्गुरु मुझ पर प्रसन्न हों' — इस लोक और परलोक में ब्राह्मण के समान कोई बन्धु नहीं है।

श्लोक 175 (skanda.5.252.175)

यमलोके महाघोरे पतन्तं योऽभिरक्षति। इतिहासपुराणज्ञं विष्णुभक्तं जितेन्द्रियम्

yamaloke mahāghore patantaṁ yo'bhirakṣati| itihāsapurāṇajñaṁ viṣṇubhaktaṁ jitendriyam

जो महाघोर यमलोक में गिरते हुए की रक्षा करता है — इतिहास-पुराणज्ञ, विष्णुभक्त, जितेन्द्रिय ब्राह्मण को,

श्लोक 176 (skanda.5.252.176)

पूजयेत्परया भक्त्या सामगं वा विशेषतः। द्वीपेश्वरं च ये भक्त्या संस्मरन्ति गृहे स्थिताः

pūjayetparayā bhaktyā sāmagaṁ vā viśeṣataḥ| dvīpeśvaraṁ ca ye bhaktyā saṁsmaranti gṛhe sthitāḥ

...परम भक्ति से पूजना चाहिए, विशेषतः सामगायक को; और जो घर में रहते हुए भी भक्तिपूर्वक द्वीपेश्वर का स्मरण करते हैं —

श्लोक 177 (skanda.5.252.177)

न तेषां जायते शोको न हानिर्न च दुष्कृतम्। प्रथमं पूजयेत्तत्र लिङ्गं सिद्धेश्वरं ततः

na teṣāṁ jāyate śoko na hānirna ca duṣkṛtam| prathamaṁ pūjayettatra liṅgaṁ siddheśvaraṁ tataḥ

...उनके लिए न शोक उत्पन्न होता है, न हानि, न दुष्कृत्य। पहले वहाँ सिद्धेश्वर लिंग की पूजा करनी चाहिए,

श्लोक 178 (skanda.5.252.178)

यत्र सिद्धो महाभागो व्यासः सत्यवतीसुतः। अस्यैव पूजनात्सिद्धो धारासर्पो महामतिः

yatra siddho mahābhāgo vyāsaḥ satyavatīsutaḥ| asyaiva pūjanātsiddho dhārāsarpo mahāmatiḥ

...जहाँ महाभाग्यशाली सत्यवतीपुत्र व्यास ने सिद्धि प्राप्त की; इसी की पूजा से महामति धारासर्प नामक सर्प ने सिद्धि प्राप्त की।

श्लोक 179 (skanda.5.252.179)

तत्र तीर्थे तु यो राजन्प्राणत्यागं करोति च। सूर्यलोकमसौ भित्त्वा प्रयाति शिवसन्निधौ

tatra tīrthe tu yo rājanprāṇatyāgaṁ karoti ca| sūryalokamasau bhittvā prayāti śivasannidhau

हे राजन्, जो उस तीर्थ में प्राणत्याग करता है, वह सूर्यलोक को भेदकर शिव के समीप जाता है।

श्लोक 180 (skanda.5.252.180)

समाः सहस्राणि च सप्त वै जले दशैकमग्नौ पतने च षोडश। महाहवे षष्टिरशीति गोग्रहे ह्यनाशके भारत चाक्षया गतिः

samāḥ sahasrāṇi ca sapta vai jale daśaikamagnau patane ca ṣoḍaśa| mahāhave ṣaṣṭiraśīti gograhe hyanāśake bhārata cākṣayā gatiḥ

जल में मृत्यु से सात सहस्र वर्ष, अग्नि में ग्यारह सहस्र, गिरने से सोलह सहस्र; महासंग्राम में साठ सहस्र, गोरक्षा में अस्सी सहस्र, तथा हे भारत, अनशन से अक्षय गति प्राप्त होती है।

श्लोक 181 (skanda.5.252.181)

पिता पितामहश्चैव तथैव प्रपितामहः। वायुभूतं निरीक्षन्ते ह्यागच्छन्तं स्वगोत्रजम्

pitā pitāmahaścaiva tathaiva prapitāmahaḥ| vāyubhūtaṁ nirīkṣante hyāgacchantaṁ svagotrajam

पिता, पितामह, तथा प्रपितामह भी — वायुरूप होकर अपने ही गोत्र में उत्पन्न आने वाले वंशज को देखते हैं।

श्लोक 182 (skanda.5.252.182)

अस्मद्गोत्रेऽस्ति कः पुत्रो यो नो दद्यात्तिलोदकम्। कार्त्तिक्यां च विशेषेण वेशाख्यां वा तथैव च

asmadgotre'sti kaḥ putro yo no dadyāttilodakam| kārttikyāṁ ca viśeṣeṇa veśākhyāṁ vā tathaiva ca

'क्या हमारे गोत्र में कोई ऐसा पुत्र है जो हमें तिल-मिश्रित जल देगा? विशेषतः कार्तिकी को, अथवा वैशाखी को भी —'

श्लोक 183 (skanda.5.252.183)

स्वर्गतिं च प्रयास्यामस्तत्र तीर्थोपसेवनात्। एतत्ते कथितं सर्वं द्वीपेश्वरमनुत्तमम्

svargatiṁ ca prayāsyāmastatra tīrthopasevanāt| etatte kathitaṁ sarvaṁ dvīpeśvaramanuttamam

'...उस तीर्थ के सेवन से हम स्वर्ग-मार्ग को प्राप्त होंगे।' यह सब तुम्हें बताया गया — अनुपम द्वीपेश्वर।

श्लोक 184 (skanda.5.252.184)

यः पठेत्परया भक्त्या शृणुयात्तद्गतो नृप। सोऽपि पापविनिर्मुक्तो मोदते शिवमन्दिरे

yaḥ paṭhetparayā bhaktyā śṛṇuyāttadgato nṛpa| so'pi pāpavinirmukto modate śivamandire

जो इसे परम भक्ति से पढ़ता है, अथवा वहाँ जाकर सुनता है, हे राजन् — वह भी पापमुक्त होकर शिवधाम में आनन्दित होता है।

श्लोक 185 (skanda.5.252.185)

ऊषरं सर्वतीर्थानां निर्मितं मुनिपुंगवैः। कामप्रदं नृपश्रेष्ठ व्यासतीर्थं न संशयः

ūṣaraṁ sarvatīrthānāṁ nirmitaṁ munipuṁgavaiḥ| kāmapradaṁ nṛpaśreṣṭha vyāsatīrthaṁ na saṁśayaḥ

श्रेष्ठ मुनियों द्वारा निर्मित समस्त तीर्थों में ऊषर [तीर्थ] — हे नृपश्रेष्ठ, व्यासतीर्थ कामनाओं को पूर्ण करने वाला है; इसमें संशय नहीं।