मार्कण्डेश्वर तीर्थ माहात्म्य

श्लोक 1 (skanda.5.255.1)

श्रीमार्कण्डेय उवाच - ततो गच्छेन्महीपाल तीर्थं परमरोचनम्। मार्कण्डेशमिति ख्यातं नर्मदादक्षिणे तटे

śrīmārkaṇḍeya uvāca - tato gacchenmahīpāla tīrthaṁ paramarocanam| mārkaṇḍeśamiti khyātaṁ narmadādakṣiṇe taṭe

श्रीमार्कण्डेय बोले — हे महीपाल, तदनन्तर एक परम रुचिकर तीर्थ को जाना चाहिए, जो नर्मदा के दक्षिणी तट पर मार्कण्डेश नाम से प्रसिद्ध है।

श्लोक 2 (skanda.5.255.2)

उत्तमं सर्वतीर्थानां गीर्वाणैर्वन्दितं शिवम्। गुह्याद्गुह्यतरं पुत्र नाख्यातं कस्यचिन्मया

uttamaṁ sarvatīrthānāṁ gīrvāṇairvanditaṁ śivam| guhyādguhyataraṁ putra nākhyātaṁ kasyacinmayā

यह समस्त तीर्थों में उत्तम है, देवताओं द्वारा वन्दित, शिवस्वरूप है; यह गुह्य से भी अधिक गुह्य है, हे पुत्र, यह मैंने किसी को नहीं बताया।

श्लोक 3 (skanda.5.255.3)

स्थापितं तु मया पूर्वं स्वर्गसोपानसंनिभम्। ज्ञानं तत्रैव मे जातं प्रसादाच्छङ्करस्य च

sthāpitaṁ tu mayā pūrvaṁ svargasopānasaṁnibham| jñānaṁ tatraiva me jātaṁ prasādācchaṅkarasya ca

इसकी स्थापना मैंने पूर्वकाल में की थी, जो स्वर्ग की सीढ़ी के समान है; वहीं मुझे शंकर की कृपा से ज्ञान प्राप्त हुआ था।

श्लोक 4 (skanda.5.255.4)

अन्यस्तत्रैव यो गत्वा द्रुपदामन्तर्जले जपेत्। स पातकैरशेषश्च मुच्यते पाण्डुनन्दन

anyastatraiva yo gatvā drupadāmantarjale japet| sa pātakairaśeṣaśca mucyate pāṇḍunandana

हे पाण्डुनन्दन, दूसरा कोई भी वहाँ जाकर जल के भीतर द्रुपदा मन्त्र का जप करे, तो वह समस्त पापों से पूर्णतः मुक्त हो जाता है।

श्लोक 5 (skanda.5.255.5)

वाचिकैर्मानसैश्च वा कर्मजैरपि पातकैः। पिण्डिकां चाप्यवष्टभ्य याम्यामाशां च संस्थितः

vācikairmānasaiśca vā karmajairapi pātakaiḥ| piṇḍikāṁ cāpyavaṣṭabhya yāmyāmāśāṁ ca saṁsthitaḥ

वाणी या मन से किए गए, अथवा कर्म से उत्पन्न पापों से — पिण्डिका (लिंग) को पकड़कर और दक्षिण दिशा की ओर मुख करके स्थित होकर,

श्लोक 6 (skanda.5.255.6)

योजयेच्छूलिनं भक्त्या द्वात्रिंशद्बहुरूपिणम्। देहपाते शिवं गच्छेदिति मे निश्चयो नृप

yojayecchūlinaṁ bhaktyā dvātriṁśadbahurūpiṇam| dehapāte śivaṁ gacchediti me niścayo nṛpa

...भक्तिपूर्वक बत्तीस बहुरूपी शूलिन् (शिव) की पूजा करनी चाहिए; देहपात होने पर वह शिव को प्राप्त होता है — यह मेरा निश्चित मत है, हे राजन्।

श्लोक 7 (skanda.5.255.7)

आज्येन बोधयेद्दीपमष्टम्यां निशि भारत। स्वर्गलोकमवाप्नोति इत्येवं शङ्करोऽब्रवीत्

ājyena bodhayeddīpamaṣṭamyāṁ niśi bhārata| svargalokamavāpnoti ityevaṁ śaṅkaro'bravīt

हे भारत, अष्टमी की रात्रि में घृत से दीपक जलाना चाहिए; इस प्रकार स्वर्गलोक की प्राप्ति होती है — ऐसा शंकर ने कहा।

श्लोक 8 (skanda.5.255.8)

श्राद्धं तत्रैव यो भक्त्या कुर्वीत नृपनन्दन। पितरस्तस्य तृप्यन्ति यावदाभूतसम्प्लवम्

śrāddhaṁ tatraiva yo bhaktyā kurvīta nṛpanandana| pitarastasya tṛpyanti yāvadābhūtasamplavam

हे नृपनन्दन, जो वहाँ भक्तिपूर्वक श्राद्ध करता है — उसके पितर प्राणियों के प्रलय पर्यन्त तृप्त रहते हैं।

श्लोक 9 (skanda.5.255.9)

इङ्गुदैर्बदरैर्बिल्वैरक्षतेन जलेन वा। तर्पयेत्तत्र यो वंश्यानाप्नुयाज्जन्मनः फलम्

iṅgudairbadarairbilvairakṣatena jalena vā| tarpayettatra yo vaṁśyānāpnuyājjanmanaḥ phalam

इंगुदी फल, बेर, बिल्वपत्र, अक्षत अथवा जल से — जो वहाँ अपने वंशजों का तर्पण करता है, वह जन्म का फल प्राप्त करता है।