संकर्षण तीर्थ माहात्म्य

श्लोक 1 (skanda.5.256.1)

श्रीमार्कण्डेय उवाच - ततो गच्छेत्तु राजेन्द्र तीर्थं परमशोभनम्। उत्तरे नर्मदाकूले यज्ञवाटस्य मध्यतः

śrīmārkaṇḍeya uvāca - tato gacchettu rājendra tīrthaṁ paramaśobhanam| uttare narmadākūle yajñavāṭasya madhyataḥ

श्रीमार्कण्डेय बोले — हे राजेन्द्र, तदनन्तर एक परम शोभन तीर्थ को जाना चाहिए, जो नर्मदा के उत्तरी तट पर, यज्ञवाट के मध्य में स्थित है।

श्लोक 2 (skanda.5.256.2)

संकर्षणमिति ख्यातं पृथिव्यां पापनाशनम्। तपश्चीर्णं पुरा राजन्बलभद्रेण तत्र वै

saṁkarṣaṇamiti khyātaṁ pṛthivyāṁ pāpanāśanam| tapaścīrṇaṁ purā rājanbalabhadreṇa tatra vai

यह पृथ्वी पर संकर्षण नाम से प्रसिद्ध है, पाप का नाशक है; हे राजन्, पूर्वकाल में वहाँ स्वयं बलभद्र ने तप किया था।

श्लोक 3 (skanda.5.256.3)

गीर्वाणा अपि तत्रैव संनिधौ नृपनन्दन। उमया सहितः शम्भुः स्थितस्तत्रैव केशवः

gīrvāṇā api tatraiva saṁnidhau nṛpanandana| umayā sahitaḥ śambhuḥ sthitastatraiva keśavaḥ

हे नृपनन्दन, देवगण भी वहीं समीप रहते हैं; उमा सहित शम्भु वहीं स्थित हैं, और केशव भी वहीं निवास करते हैं।

श्लोक 4 (skanda.5.256.4)

बलभद्रेण राजेन्द्र प्राणिनामुपकारतः। स्थापितः परया भक्त्या शङ्करः पापनाशनः

balabhadreṇa rājendra prāṇināmupakārataḥ| sthāpitaḥ parayā bhaktyā śaṅkaraḥ pāpanāśanaḥ

हे राजेन्द्र, बलभद्र द्वारा प्राणियों के उपकार हेतु, पापनाशक शंकर की वहाँ परम भक्ति के साथ स्थापना की गई।

श्लोक 5 (skanda.5.256.5)

यस्तत्र स्नाति वै भक्त्या जितक्रोधो जितेन्द्रियः। एकादश्यां सिते पक्षे मधुना स्नापयेच्छिवम्

yastatra snāti vai bhaktyā jitakrodho jitendriyaḥ| ekādaśyāṁ site pakṣe madhunā snāpayecchivam

जो वहाँ भक्तिपूर्वक स्नान करता है, क्रोध और इन्द्रियों को जीतकर, शुक्ल पक्ष की एकादशी को मधु से शिव का स्नान कराए।

श्लोक 6 (skanda.5.256.6)

श्राद्धं तत्रैव यो भक्त्या पितॄणामथ दापयेत्। स याति परमं स्थानं बलभद्रवचो यथा

śrāddhaṁ tatraiva yo bhaktyā pitṝṇāmatha dāpayet| sa yāti paramaṁ sthānaṁ balabhadravaco yathā

जो वहाँ भक्तिपूर्वक पितरों के लिए श्राद्ध कराता है — वह परम स्थान को जाता है, जैसा बलभद्र के वचन में कहा गया है।