मन्मथेश्वर तीर्थ माहात्म्य

श्लोक 1 (skanda.5.257.1)

मार्कण्डेय उवाच - मन्मथेशं ततो गच्छेत्सर्वदेवनमस्कृतम्। स्नानमात्रान्नरो राजन्यमलोकं न पश्यति

mārkaṇḍeya uvāca - manmatheśaṁ tato gacchetsarvadevanamaskṛtam| snānamātrānnaro rājanyamalokaṁ na paśyati

मार्कण्डेय बोले — तदनन्तर सर्वदेवनमस्कृत मन्मथेश तीर्थ को जाना चाहिए; हे राजन्, केवल स्नान करने मात्र से मनुष्य यमलोक को नहीं देखता।

श्लोक 2 (skanda.5.257.2)

अनपत्या या च नारी स्नायाद्वै पाण्डुनन्दन। पुत्रं सा लभते पार्थ सत्यसङ्घं दृढव्रतम्

anapatyā yā ca nārī snāyādvai pāṇḍunandana| putraṁ sā labhate pārtha satyasaṅghaṁ dṛḍhavratam

और जो निःसन्तान स्त्री, हे पाण्डुनन्दन, वहाँ स्नान करती है — वह हे पार्थ, सत्यसन्ध और दृढ़व्रत पुत्र प्राप्त करती है।

श्लोक 3 (skanda.5.257.3)

तत्र स्नात्वा नरो राजञ्छुचिः प्रयतमानसः। उपोष्य रजनीमेकां गोसहस्रफलं लभेत्

tatra snātvā naro rājañchuciḥ prayatamānasaḥ| upoṣya rajanīmekāṁ gosahasraphalaṁ labhet

हे राजन्, वहाँ स्नान करके मनुष्य, शुद्ध और संयतमन होकर, एक रात्रि उपवास करके, सहस्र गौओं के दान का फल प्राप्त करता है।

श्लोक 4 (skanda.5.257.4)

कामिकं तीर्थराजं तु तादृशं न भविष्यति। त्रिरात्रं कुरुते राजन्स गोलक्षफलं लभेत्

kāmikaṁ tīrtharājaṁ tu tādṛśaṁ na bhaviṣyati| trirātraṁ kurute rājansa golakṣaphalaṁ labhet

इसके समान अन्य कोई कामिक तीर्थराज नहीं होगा; हे राजन्, जो वहाँ त्रिरात्र व्रत करता है, वह लाख गौओं के दान का फल प्राप्त करता है।

श्लोक 5 (skanda.5.257.5)

तत्र नृत्यं प्रकर्तव्यं तुष्यते परमेश्वरः। गीतवादित्रनिर्घोषै रात्रौ जागरणेन च

tatra nṛtyaṁ prakartavyaṁ tuṣyate parameśvaraḥ| gītavāditranirghoṣai rātrau jāgaraṇena ca

वहाँ नृत्य करना चाहिए; गीत-वाद्य की ध्वनियों से तथा रात्रि जागरण से परमेश्वर प्रसन्न होते हैं।

श्लोक 6 (skanda.5.257.6)

एरण्ड्यां च महादेवो दृष्टो मे मन्मथेश्वरः। किं समर्थो यमो रुष्टो भद्रो भद्राणि पश्यति

eraṇḍyāṁ ca mahādevo dṛṣṭo me manmatheśvaraḥ| kiṁ samartho yamo ruṣṭo bhadro bhadrāṇi paśyati

एरण्ड वृक्ष पर मैंने महादेव मन्मथेश्वर का दर्शन किया। क्या रुष्ट यम भी कुछ कर सकता है? भद्र (शिव-भक्त) तो भद्र वस्तुओं को ही देखता है।

श्लोक 7 (skanda.5.257.7)

कामेन स्थापितः शम्भुरेतस्मात्कामदो नृप। सोपानः स्वर्गमार्गस्य पृथिव्यां मन्मथेश्वरः

kāmena sthāpitaḥ śambhuretasmātkāmado nṛpa| sopānaḥ svargamārgasya pṛthivyāṁ manmatheśvaraḥ

काम (मन्मथ) द्वारा शम्भु की स्थापना की गई; इसीलिए वह कामदाता है, हे राजन्; पृथ्वी पर मन्मथेश्वर स्वर्गमार्ग की सीढ़ी है।

श्लोक 8 (skanda.5.257.8)

विशेषश्चात्र सन्ध्यायां श्राद्धदाने च भारत। अन्नदानेन राजेन्द्र कीर्तितं फलमुत्तमम्

viśeṣaścātra sandhyāyāṁ śrāddhadāne ca bhārata| annadānena rājendra kīrtitaṁ phalamuttamam

हे भारत, यहाँ संध्या-पूजा और श्राद्धदान में विशेष महत्व है; हे राजेन्द्र, अन्नदान से उत्तम फल कहा गया है।

श्लोक 9 (skanda.5.257.9)

एतत्ते सर्वमाख्यातं तव भक्त्या तु भारत। पृथिव्यां सागरान्तायां प्रख्यातो मन्मथेश्वरः

etatte sarvamākhyātaṁ tava bhaktyā tu bhārata| pṛthivyāṁ sāgarāntāyāṁ prakhyāto manmatheśvaraḥ

हे भारत, यह सब तुम्हें तुम्हारे प्रति भक्ति के कारण बताया गया; समुद्रपर्यन्त इस पृथ्वी पर मन्मथेश्वर विख्यात है।

श्लोक 10 (skanda.5.257.10)

गोदानं पाण्डवश्रेष्ठ त्रयोदश्यां प्रकारयेत्। चैत्रे मासि सिते पक्षे तत्र गत्वा जितेन्द्रियः

godānaṁ pāṇḍavaśreṣṭha trayodaśyāṁ prakārayet| caitre māsi site pakṣe tatra gatvā jitendriyaḥ

हे पाण्डवश्रेष्ठ, त्रयोदशी को गोदान करना चाहिए; चैत्र मास में, शुक्ल पक्ष में, वहाँ जाकर जितेन्द्रिय होकर,

श्लोक 11 (skanda.5.257.11)

रात्रौ जागरणं कृत्वा देवस्याग्रे नृपोत्तम। दीपं भक्त्या घृतेनैव देवस्याग्रे निवेदयेत्

rātrau jāgaraṇaṁ kṛtvā devasyāgre nṛpottama| dīpaṁ bhaktyā ghṛtenaiva devasyāgre nivedayet

...हे नृपोत्तम, रात्रि में देव के समक्ष जागरण करके, भक्तिपूर्वक घृत से दीपक देव के समक्ष निवेदित करना चाहिए।

श्लोक 12 (skanda.5.257.12)

स्त्र्यथ वा पुरुषो वापि सममेतत्फलं स्मृतम्

stryatha vā puruṣo vāpi samametatphalaṁ smṛtam

स्त्री हो अथवा पुरुष, इसका फल समान ही कहा गया है।