एरण्डी संगम तीर्थ की महिमा

श्लोक 1 (skanda.5.258.1)

श्रीमार्कण्डेय उवाच। ततो गच्छेन्महीपाल एरण्डीसङ्गमं परम्। यच्छ्रुतं वै मया राजञ्छिवस्य वदतः पुरा।

śrīmārkaṇḍeya uvāca| tato gacchenmahīpāla eraṇḍīsaṅgamaṁ param| yacchrutaṁ vai mayā rājañchivasya vadataḥ purā||

श्री मार्कण्डेय बोले - हे राजन्! इसके पश्चात राजा को परम श्रेष्ठ एरण्डी संगम में जाना चाहिए, जिसके विषय में मैंने पूर्वकाल में भगवान शिव के मुख से सुना था।

श्लोक 2 (skanda.5.258.2)

एतदेव पुरा प्रश्नं गौर्या पृष्टस्तु शङ्करः। प्रोवाच नृपशार्दूल गुह्याद्गुह्यतरं शुभम्।

etadeva purā praśnaṁ gauryā pṛṣṭastu śaṅkaraḥ| provāca nṛpaśārdūla guhyādguhyataraṁ śubham||

पूर्वकाल में यही प्रश्न गौरी ने पूछा था, और हे नृपश्रेष्ठ! शंकर ने गुह्य से भी अधिक गुह्य इस शुभ रहस्य को कहा था।

श्लोक 3 (skanda.5.258.3)

ईश्वर उवाच। शृणु देवि परं गुह्यं नाख्यातं कस्यचिन्मया। रेवायाश्चोत्तरे कूले तीर्थं परमशोभनम्। भ्रूणहत्याहरं देवि कामदं पुत्रवर्धनम्।

īśvara uvāca| śṛṇu devi paraṁ guhyaṁ nākhyātaṁ kasyacinmayā| revāyāścottare kūle tīrthaṁ paramaśobhanam| bhrūṇahatyāharaṁ devi kāmadaṁ putravardhanam||

ईश्वर बोले - हे देवी! सुनो, यह परम गुह्य रहस्य है जो मैंने किसी को नहीं बताया। रेवा के उत्तरी तट पर एक परम सुंदर तीर्थ है, हे देवी, जो भ्रूणहत्या के पाप को हरने वाला, इच्छाओं को पूर्ण करने वाला और पुत्रों की वृद्धि करने वाला है।

श्लोक 4 (skanda.5.258.4)

पार्वत्युवाच। कथयस्व महादेव तीर्थं परमशोभनम्। भ्रूणहत्याहरं कस्मात्कामदं स्वर्गदर्शनम्।

pārvatyuvāca| kathayasva mahādeva tīrthaṁ paramaśobhanam| bhrūṇahatyāharaṁ kasmātkāmadaṁ svargadarśanam||

पार्वती बोलीं - हे महादेव! उस परम सुंदर तीर्थ के विषय में बताइए, वह किस कारण भ्रूणहत्या का नाश करने वाला, इच्छाओं को देने वाला और स्वर्ग-दर्शन कराने वाला है?

श्लोक 5 (skanda.5.258.5)

ईश्वर उवाच। अत्रिर्नाम महादेवि मानसो ब्रह्मणः सुतः। अग्निहोत्ररतो नित्यं देवतातिथिपूजकः।

īśvara uvāca| atrirnāma mahādevi mānaso brahmaṇaḥ sutaḥ| agnihotrarato nityaṁ devatātithipūjakaḥ||

ईश्वर बोले - हे महादेवी! अत्रि नामक ब्रह्मा के मानस पुत्र थे, जो सदैव अग्निहोत्र में रत रहते थे तथा देवताओं और अतिथियों की पूजा करते थे।

श्लोक 6 (skanda.5.258.6)

सोमसंस्थाश्च सप्तैव कृता विप्रेण पार्वति। अनसूयेति विख्याता भार्या तस्य गुणान्विता।

somasaṁsthāśca saptaiva kṛtā vipreṇa pārvati| anasūyeti vikhyātā bhāryā tasya guṇānvitā||

हे पार्वती! उस ब्राह्मण ने सातों सोमसंस्था यज्ञ किए थे। उनकी गुणवती पत्नी अनसूया नाम से विख्यात थी।

श्लोक 7 (skanda.5.258.7)

पतिव्रता पतिप्राणा पत्युः कार्यहिते रता। एवं याति ततः काले न पुत्रा न च पुत्रिका।

pativratā patiprāṇā patyuḥ kāryahite ratā| evaṁ yāti tataḥ kāle na putrā na ca putrikā||

वह पतिव्रता, पति ही जिनका प्राण था, तथा पति के हित-कार्य में सदा तत्पर रहती थी। इस प्रकार समय बीतता गया, परंतु न पुत्र हुआ, न पुत्री।

श्लोक 8 (skanda.5.258.8)

अपराह्णे महादेवि सुखासीनौ तु सुन्दरि। वदन्तौ सुखदुःखानि पूर्ववृत्तानि यानि च।

aparāhṇe mahādevi sukhāsīnau tu sundari| vadantau sukhaduḥkhāni pūrvavṛttāni yāni ca||

हे महादेवी, हे सुन्दरी! एक दिन अपराह्न के समय वे दोनों सुखपूर्वक बैठे हुए अपने सुख-दुःख की तथा पूर्व की बातें कर रहे थे।

श्लोक 9 (skanda.5.258.9)

अत्रिरुवाच। सौम्ये शुभे प्रिये कान्ते चारुसर्वाङ्गसुन्दरि। विद्याविनयसम्पन्ने पद्मपत्रनिभेक्षणे।

atriruvāca| saumye śubhe priye kānte cārusarvāṅgasundari| vidyāvinayasampanne padmapatranibhekṣaṇe||

अत्रि बोले - हे सौम्य, शुभ, प्रिय, कमनीय, सर्वांग-सुंदरी, विद्या और विनय से संपन्न, कमल-पत्र के समान नेत्रों वाली!

श्लोक 10 (skanda.5.258.10)

पूर्णचन्द्रनिभाकारे पृथुश्रोणिभरालसे। न त्वया सदृशी नारी त्रैलोक्ये सचराचरे।

pūrṇacandranibhākāre pṛthuśroṇibharālase| na tvayā sadṛśī nārī trailokye sacarācare||

पूर्ण चंद्रमा के समान मुखाकृति वाली, विशाल नितंबों से सुशोभित! चराचर सहित तीनों लोकों में तुम्हारे समान कोई नारी नहीं है।

श्लोक 11 (skanda.5.258.11)

रतिपुत्रफला नारी पठ्यते वेदवादिभिः। पुत्रहीनस्य यत्सौख्यं तत्सौख्यं मम सुन्दरि।

ratiputraphalā nārī paṭhyate vedavādibhiḥ| putrahīnasya yatsaukhyaṁ tatsaukhyaṁ mama sundari||

वेदवेत्ता कहते हैं कि रति (दांपत्य-मिलन) का फल पुत्र है। हे सुंदरी! पुत्रहीन पुरुष को जो सुख प्राप्त है, वही सुख मुझे भी प्राप्त है (अर्थात मुझे कोई सुख नहीं)।

श्लोक 12 (skanda.5.258.12)

यथाहं न तथा पुत्रः समर्थः सर्वकर्मसु। पुन्नामनरकाद्भद्रे जातमात्रेण सुन्दरि।

yathāhaṁ na tathā putraḥ samarthaḥ sarvakarmasu| punnāmanarakādbhadre jātamātreṇa sundari||

हे भद्रे, हे सुंदरी! मैं जितना समर्थ हूँ, पुत्र सभी कर्मों में उससे भी अधिक समर्थ होता है। जन्म लेते ही वह "पुत्" नामक नरक से पिता की रक्षा करता है।

श्लोक 13 (skanda.5.258.13)

पतन्तं रक्षयेद्देवि महापातकिनं यदि। महाघोरे गता वापि दुष्टकर्मपितामहाः।

patantaṁ rakṣayeddevi mahāpātakinaṁ yadi| mahāghore gatā vāpi duṣṭakarmapitāmahāḥ||

हे देवी! पिता चाहे महापातकी होकर पतन की ओर हो, पुत्र उसकी रक्षा करता है; तथा दुष्कर्मों के कारण महाघोर नरक में गए हुए पितर भी -

श्लोक 14 (skanda.5.258.14)

तद्धरन्ति सुपुत्राश्च वैतरण्यां गतानपि। पुत्रेण लोकाञ्जयति पौत्रेण परमा गतिः।

taddharanti suputrāśca vaitaraṇyāṁ gatānapi| putreṇa lokāñjayati pautreṇa paramā gatiḥ||

-सुपुत्रों द्वारा वैतरणी नदी में गए हुए पितरों का भी उद्धार होता है। पुत्र से लोकों पर विजय प्राप्त होती है, पौत्र से परम गति मिलती है।

श्लोक 15 (skanda.5.258.15)

अथ पुत्रस्य पौत्रेण प्रगच्छेद्ब्रह्म शाश्वतम्। नास्ति पुत्रसमो बन्धुरिह लोके परत्र च।

atha putrasya pautreṇa pragacchedbrahma śāśvatam| nāsti putrasamo bandhuriha loke paratra ca||

और पुत्र के पौत्र (प्रपौत्र) से शाश्वत ब्रह्म की प्राप्ति होती है। इस लोक और परलोक में पुत्र के समान कोई बंधु नहीं है।

श्लोक 16 (skanda.5.258.16)

अहश्च मध्यरात्रे च चिन्तयानस्य सर्वदा। शुष्यन्ति मम गात्राणि ग्रीष्मे नद्युदकं यथा।

ahaśca madhyarātre ca cintayānasya sarvadā| śuṣyanti mama gātrāṇi grīṣme nadyudakaṁ yathā||

दिन और आधी रात में सदा इसी चिंता में रहते हुए मेरे अंग सूखते जा रहे हैं, जैसे ग्रीष्म ऋतु में नदी का जल सूख जाता है।

श्लोक 17 (skanda.5.258.17)

अनसूयोवाच। यत्त्वया शोचितं विप्र तत्सर्वं शोचयाम्यहम्। तवोद्वेगकरं यच्च तन्मे दहति चेतसि।

anasūyovāca| yattvayā śocitaṁ vipra tatsarvaṁ śocayāmyaham| tavodvegakaraṁ yacca tanme dahati cetasi||

अनसूया बोलीं - हे विप्र! जिस बात का आपको शोक है, उसी का शोक मुझे भी है। जो बात आपको उद्वेलित करती है, वह मेरे चित्त को भी जला रही है।

श्लोक 18 (skanda.5.258.18)

येन पुत्रा भविष्यन्ति आयुष्मन्तो गुणान्विताः। तत्कार्यं च समीक्षस्व येन तुष्येत्प्रजापतिः।

yena putrā bhaviṣyanti āyuṣmanto guṇānvitāḥ| tatkāryaṁ ca samīkṣasva yena tuṣyetprajāpatiḥ||

जिस उपाय से दीर्घायु और गुणवान पुत्र प्राप्त हों, उस कार्य पर विचार कीजिए, जिससे प्रजापति प्रसन्न हों।

श्लोक 19 (skanda.5.258.19)

अत्रिरुवाच। तपस्तप्तं मया भद्रे जातमात्रेण दुष्करम्। व्रतोपवासनियमैः शाकाहारेण सुन्दरि।

atriruvāca| tapastaptaṁ mayā bhadre jātamātreṇa duṣkaram| vratopavāsaniyamaiḥ śākāhāreṇa sundari||

अत्रि बोले - हे भद्रे, हे सुंदरी! जन्म से ही मैंने व्रत, उपवास, नियम और शाकाहार द्वारा दुष्कर तप किया है।

श्लोक 20 (skanda.5.258.20)

क्षीणदेहस्तु तिष्ठामि ह्यशक्तोऽहं महाव्रते। तेन शोचामि चात्मानं रहस्यं कथितं मया।

kṣīṇadehastu tiṣṭhāmi hyaśakto'haṁ mahāvrate| tena śocāmi cātmānaṁ rahasyaṁ kathitaṁ mayā||

अब मेरा शरीर क्षीण हो गया है और मैं महाव्रत के लिए असमर्थ हूँ। इसी कारण मैं स्वयं के लिए शोक करता हूँ - यह रहस्य मैंने तुम्हें बता दिया।

श्लोक 21 (skanda.5.258.21)

अनसूयोवाच। भर्तुः पतिव्रता नारी रतिपुत्रविवर्धिनी। त्रिवर्गसाधना सा च श्लाघ्या च विदुषां जने।

anasūyovāca| bhartuḥ pativratā nārī ratiputravivardhinī| trivargasādhanā sā ca ślāghyā ca viduṣāṁ jane||

अनसूया बोलीं - पतिव्रता स्त्री अपने पति के रति और पुत्र दोनों को बढ़ाने वाली होती है। वह त्रिवर्ग (धर्म, अर्थ, काम) की साधिका होती है और विद्वानों में प्रशंसनीय होती है।

श्लोक 22 (skanda.5.258.22)

जपस्तपस्तीर्थयात्रा मृडेज्यामन्त्रसाधनम्। देवताराधनं चैव स्त्रीशूद्रपतनानि षट्।

japastapastīrthayātrā mṛḍejyāmantrasādhanam| devatārādhanaṁ caiva strīśūdrapatanāni ṣaṭ||

जप, तप, तीर्थयात्रा, शिव-पूजा, मंत्र-साधना तथा देवता-आराधना - ये छह (पति की अनुमति के बिना करने पर) स्त्री और शूद्र के लिए पतनकारी माने गए हैं।

श्लोक 23 (skanda.5.258.23)

ईदृशं तु महादोषं स्त्रीणां तु व्रतसाधने। वदन्ति मुनयः सर्वे यथोक्तं वेदभाषितम्।

īdṛśaṁ tu mahādoṣaṁ strīṇāṁ tu vratasādhane| vadanti munayaḥ sarve yathoktaṁ vedabhāṣitam||

स्त्रियों के व्रत-साधन में ऐसे महादोष के विषय में सभी मुनिजन वेदवाणी के अनुसार कहते हैं।

श्लोक 24 (skanda.5.258.24)

अनुज्ञाता त्वया ब्रह्मंस्तपस्तप्स्यामि दुष्करम्। पुत्रार्थित्वं समुद्दिश्य तोषयामि सुरोत्तमान्।

anujñātā tvayā brahmaṁstapastapsyāmi duṣkaram| putrārthitvaṁ samuddiśya toṣayāmi surottamān||

हे ब्रह्मन्! आपकी अनुमति से मैं दुष्कर तप करूंगी। पुत्र-प्राप्ति की कामना से मैं श्रेष्ठ देवताओं को प्रसन्न करूंगी।

श्लोक 25 (skanda.5.258.25)

अत्रिरुवाच। साधु साधु महाप्राज्ञे मम संतोषकारिणि। आज्ञाता त्वं मया भद्रे पुत्रार्थं तप आश्रय।

atriruvāca| sādhu sādhu mahāprājñe mama saṁtoṣakāriṇi| ājñātā tvaṁ mayā bhadre putrārthaṁ tapa āśraya||

अत्रि बोले - साधु, साधु! हे महाप्राज्ञे, तुम मुझे संतोष देने वाली हो। हे भद्रे! मैं तुम्हें आज्ञा देता हूँ, पुत्र के लिए तप का आश्रय लो।

श्लोक 26 (skanda.5.258.26)

देवतानां मनुष्याणां पितॄणामनृणो भवे। न भार्यासदृशो बन्धुस्त्रिषु लोकेषु विद्यते।

devatānāṁ manuṣyāṇāṁ pitḥṇāmanṛṇo bhave| na bhāryāsadṛśo bandhustriṣu lokeṣu vidyate||

हे देवी! (हमारा पुत्र) देवताओं, मनुष्यों और पितरों के ऋण से मुक्त करे। तीनों लोकों में पत्नी के समान कोई बंधु नहीं है।

श्लोक 27 (skanda.5.258.27)

तेन देवाः प्रशंसन्ति न भार्यासदृशं सुखम्। सन्मुखे मन्मुखाः पुत्राः विलोमे तु पराङ्मुखाः।

tena devāḥ praśaṁsanti na bhāryāsadṛśaṁ sukham| sanmukhe manmukhāḥ putrāḥ vilome tu parāṅmukhāḥ||

इसीलिए देवता भी पत्नी की प्रशंसा करते हैं - पत्नी के समान कोई सुख नहीं। जब वह अनुकूल होती है तो पुत्र भी अनुकूल होते हैं, प्रतिकूल होने पर वे भी विमुख हो जाते हैं।

श्लोक 28 (skanda.5.258.28)

तेन भार्यां प्रशंसन्ति सदेवासुरमानुषाः। महाव्रते महाप्राज्ञे सत्त्ववति शुभेक्षणे।

tena bhāryāṁ praśaṁsanti sadevāsuramānuṣāḥ| mahāvrate mahāprājñe sattvavati śubhekṣaṇe||

इसीलिए देवता, असुर और मनुष्य सभी पत्नी की प्रशंसा करते हैं। हे महाव्रते, हे महाप्राज्ञे, हे सत्त्वयुक्ते, हे शुभदृष्टि वाली!

श्लोक 29 (skanda.5.258.29)

तपस्तपस्व शीघ्रं त्वं पुत्रार्थं तु ममाज्ञया। एतद्वाक्यावसाने तु साष्टाङ्गं प्रणताब्रवीत्।

tapastapasva śīghraṁ tvaṁ putrārthaṁ tu mamājñayā| etadvākyāvasāne tu sāṣṭāṅgaṁ praṇatābravīt||

-मेरी आज्ञा से शीघ्र ही पुत्र-प्राप्ति हेतु तप करो। इन वचनों के अंत में अनसूया ने साष्टांग प्रणाम कर कहा।

श्लोक 30 (skanda.5.258.30)

त्वत्प्रसादेन विप्रेन्द्र सर्वान्कामानवाप्नुयाम्। हंसलीलागतिः सा च मृगाक्षी वरवर्णिनी।

tvatprasādena viprendra sarvānkāmānavāpnuyām| haṁsalīlāgatiḥ sā ca mṛgākṣī varavarṇinī||

हे विप्रेन्द्र! आपकी कृपा से मुझे सभी कामनाएं प्राप्त हों। हंस के समान लीलापूर्ण गति वाली, मृगनयनी, सुंदर वर्ण वाली वह अनसूया-

श्लोक 31 (skanda.5.258.31)

नियमस्था ततो भूत्वा सम्प्राप्ता नर्मदां नदीम्। शिवस्वेदोद्भवां देवीं सर्वपापप्रणाशनीम्।

niyamasthā tato bhūtvā samprāptā narmadāṁ nadīm| śivasvedodbhavāṁ devīṁ sarvapāpapraṇāśanīm||

-तत्पश्चात नियमपूर्वक वे नर्मदा नदी में पहुँचीं, जो शिव के स्वेद से उत्पन्न, सभी पापों का नाश करने वाली देवी हैं।

श्लोक 32 (skanda.5.258.32)

यस्या दर्शनमात्रेण नश्यते पापसञ्चयः। स्नानमात्रेण वै यस्या अश्वमेधफलं लभेत्।

yasyā darśanamātreṇa naśyate pāpasañcayaḥ| snānamātreṇa vai yasyā aśvamedhaphalaṁ labhet||

जिनके दर्शनमात्र से संचित पाप नष्ट हो जाता है, जिनमें स्नान करने मात्र से अश्वमेध यज्ञ का फल प्राप्त होता है।

श्लोक 33 (skanda.5.258.33)

ये पिबन्ति महादेवि श्रद्दधानाः पयः शुभम्। सोमपानेन तत्तुल्यं नात्र कार्या विचारणा।

ye pibanti mahādevi śraddadhānāḥ payaḥ śubham| somapānena tattulyaṁ nātra kāryā vicāraṇā||

हे महादेवी! जो श्रद्धापूर्वक उनके शुभ जल का पान करते हैं, वह सोमपान के समान ही फलदायी है, इसमें कोई संदेह नहीं।

श्लोक 34 (skanda.5.258.34)

ये स्मरन्ति दिवा रात्रौ योजनानां शतैरपि। मुच्यन्ते सर्वपापेभ्यो रुद्रलोकं प्रयान्ति ते।

ye smaranti divā rātrau yojanānāṁ śatairapi| mucyante sarvapāpebhyo rudralokaṁ prayānti te||

जो सैकड़ों योजन दूर से भी दिन-रात उनका स्मरण करते हैं, वे सभी पापों से मुक्त होकर रुद्रलोक को प्राप्त करते हैं।

श्लोक 35 (skanda.5.258.35)

नर्मदायाः समीपे तु तावुभौ योजनद्वये। न पश्यन्ति यमं तत्र ये मृता वरवर्णिनि।

narmadāyāḥ samīpe tu tāvubhau yojanadvaye| na paśyanti yamaṁ tatra ye mṛtā varavarṇini||

हे वरवर्णिनी! नर्मदा के समीप, दोनों ओर दो-दो योजन के भीतर जो मरते हैं, वे यमराज को नहीं देखते।

श्लोक 36 (skanda.5.258.36)

ततस्तदुत्तरे कूले एरण्ड्याः सङ्गमे शुभे। नियमस्था विशालाक्षी शाकाहारेण सुन्दरि।

tatastaduttare kūle eraṇḍyāḥ saṅgame śubhe| niyamasthā viśālākṣī śākāhāreṇa sundari||

फिर उस उत्तरी तट पर, एरण्डी के शुभ संगम पर, वह विशालाक्षी सुंदरी नियमपूर्वक शाकाहार करते हुए स्थित हुईं।

श्लोक 37 (skanda.5.258.37)

तोषयन्ती त्रींश्च देवाञ्छुभैः स्तोत्रैर्व्रतैस्तथा। ग्रीष्मेषु च महादेवि पञ्चाग्निं साधयेत्ततः।

toṣayantī trīṁśca devāñchubhaiḥ stotrairvrataistathā| grīṣmeṣu ca mahādevi pañcāgniṁ sādhayettataḥ||

शुभ स्तोत्रों और व्रतों द्वारा तीनों देवों को प्रसन्न करती हुईं, तथा हे महादेवी, ग्रीष्म ऋतु में उन्होंने पंचाग्नि तप किया।

श्लोक 38 (skanda.5.258.38)

वर्षाकाले चार्द्रवासाश्चरेच्चान्द्रायणानि च। हेमन्ते तु ततः प्राप्ते तोयमध्ये वसेत्सदा।

varṣākāle cārdravāsāścareccāndrāyaṇāni ca| hemante tu tataḥ prāpte toyamadhye vasetsadā||

वर्षा ऋतु में वे भीगे वस्त्र पहनकर चान्द्रायण व्रत करतीं, और हेमंत ऋतु आने पर सदैव जल में निवास करतीं।

श्लोक 39 (skanda.5.258.39)

प्रातःस्नानं ततः सन्ध्यां कुर्याद्देवर्षितर्पणम्। देवानामर्चनं कृत्वा होमं कुर्याद्यथाविधि।

prātaḥsnānaṁ tataḥ sandhyāṁ kuryāddevarṣitarpaṇam| devānāmarcanaṁ kṛtvā homaṁ kuryādyathāvidhi||

प्रातः स्नान के पश्चात संध्या करतीं, देव-ऋषियों का तर्पण करतीं। देवताओं की पूजा कर विधिपूर्वक हवन करतीं।

श्लोक 40 (skanda.5.258.40)

यजते वैष्णवांल्लोकान् स्नानजाप्यहुतेन च। एवं वर्षशते प्राप्ते रुद्रविष्णुपितामहाः।

yajate vaiṣṇavāṁllokān snānajāpyahutena ca| evaṁ varṣaśate prāpte rudraviṣṇupitāmahāḥ||

स्नान, जप और हवन द्वारा वे वैष्णव लोकों की आराधना करती रहीं। इस प्रकार सौ वर्ष बीत जाने पर रुद्र, विष्णु और पितामह -

श्लोक 41 (skanda.5.258.41)

सम्प्राप्ता द्विजरूपैस्तु एरण्ड्याः सङ्गमे प्रिये। पुरतः संस्थितास्तस्या वेदमभ्युद्धरन्ति च।

samprāptā dvijarūpaistu eraṇḍyāḥ saṅgame priye| purataḥ saṁsthitāstasyā vedamabhyuddharanti ca||

-ब्राह्मणों के रूप में उस प्रिय एरण्डी-संगम पर पधारे। उनके समक्ष खड़े होकर वे वेद का उच्चारण करने लगे।

श्लोक 42 (skanda.5.258.42)

अनसूया जपं त्यक्त्वा निरीक्ष्य तान्मुहुर्मुहुः। उत्थिता सा विशालाक्षी अर्घं दत्त्वा यथाविधि।

anasūyā japaṁ tyaktvā nirīkṣya tānmuhurmuhuḥ| utthitā sā viśālākṣī arghaṁ dattvā yathāvidhi||

अनसूया जप छोड़कर बार-बार उन्हें निहारने लगीं। वह विशालाक्षी उठ खड़ी हुईं और विधिपूर्वक अर्घ्य दिया।

श्लोक 43 (skanda.5.258.43)

अद्य मे सफलं जन्म अद्य मे सफलं तपः। दर्शनेन तु विप्राणां सर्वपापैः प्रमुच्यते।

adya me saphalaṁ janma adya me saphalaṁ tapaḥ| darśanena tu viprāṇāṁ sarvapāpaiḥ pramucyate||

(वे बोलीं) आज मेरा जन्म सफल हुआ, आज मेरा तप सफल हुआ। ब्राह्मणों के दर्शन मात्र से सभी पापों से मुक्ति मिलती है।

श्लोक 44 (skanda.5.258.44)

प्रदक्षिणं ततः कृत्वा साष्टाङ्गं प्रणताब्रवीत्। कन्दमूलफलं शाकं नीवारानपि पावनान्। प्रयच्छाम्यहमद्यैव मुनीनां भावितात्मनाम्।

pradakṣiṇaṁ tataḥ kṛtvā sāṣṭāṅgaṁ praṇatābravīt| kandamūlaphalaṁ śākaṁ nīvārānapi pāvanān| prayacchāmyahamadyaiva munīnāṁ bhāvitātmanām||

फिर प्रदक्षिणा कर साष्टांग प्रणाम करते हुए उन्होंने कहा - मैं आज ही आप शुद्धात्मा मुनियों को कंद, मूल, फल, शाक तथा पवित्र नीवार अर्पित करती हूँ।

श्लोक 45 (skanda.5.258.45)

विप्रा ऊचुः। तपसा तु विचित्रेण तपःसत्येन सुव्रते। तृप्ताः स्म सर्वकामैस्तु सुव्रते तव दर्शनात्।

viprā ūcuḥ| tapasā tu vicitreṇa tapaḥsatyena suvrate| tṛptāḥ sma sarvakāmaistu suvrate tava darśanāt||

ब्राह्मण बोले - हे सुव्रते! तुम्हारे अद्भुत तप और सत्यमय तपस्या से, तथा तुम्हारे दर्शन मात्र से हम सभी कामनाओं में तृप्त हो गए हैं।

श्लोक 46 (skanda.5.258.46)

अस्माकं कौतुकं जातं तापसेन व्रतेन यत्। स्वर्गमोक्षसुतस्यार्थे तपस्तपसि दुष्करम्।

asmākaṁ kautukaṁ jātaṁ tāpasena vratena yat| svargamokṣasutasyārthe tapastapasi duṣkaram||

हमें यह जिज्ञासा हुई है कि तुमने स्वर्ग, मोक्ष अथवा पुत्र में से किस प्रयोजन के लिए यह दुष्कर तप किया है।

श्लोक 47 (skanda.5.258.47)

अनसूयोवाच। तपसा सिध्यते स्वर्गस्तपसा परमा गतिः। तपसा चार्थकामौ च तपसा गुणवान्सुतः। तप एव च मे विप्राः सर्वकामफलप्रदम्।

anasūyovāca| tapasā sidhyate svargastapasā paramā gatiḥ| tapasā cārthakāmau ca tapasā guṇavānsutaḥ| tapa eva ca me viprāḥ sarvakāmaphalapradam||

अनसूया बोलीं - तप से स्वर्ग सिद्ध होता है, तप से परम गति मिलती है। तप से अर्थ और काम प्राप्त होते हैं, तप से गुणवान पुत्र मिलता है। हे विप्रो! तप ही मेरे लिए सभी कामनाओं का फल देने वाला है।

श्लोक 48 (skanda.5.258.48)

विप्रा ऊचुः। तन्वी श्यामा विशालाक्षी स्निग्धाङ्गी रूपसंयुता। हंसलीलागतिगमा त्वं च सर्वाङ्गसुन्दरी।

viprā ūcuḥ| tanvī śyāmā viśālākṣī snigdhāṅgī rūpasaṁyutā| haṁsalīlāgatigamā tvaṁ ca sarvāṅgasundarī||

ब्राह्मण बोले - तुम तन्वंगी, श्यामा, विशालाक्षी, स्निग्धांगी, रूपवती, हंस के समान गति वाली, सर्वांगसुंदरी हो।

श्लोक 49 (skanda.5.258.49)

किं च ते तपसा कार्यमात्मानं शोच्यसे कथम्।

kiṁ ca te tapasā kāryamātmānaṁ śocyase katham||

तुम्हें तप से क्या प्रयोजन है? तुम स्वयं के लिए शोक क्यों करती हो?

श्लोक 50 (skanda.5.258.50)

अनसूयोवाच। यदि रुद्रश्च विष्णुश्च स्वयं साक्षात्पितामहः। गूढरूपधराः सर्वे तच्चिह्नमुपलक्षये।

anasūyovāca| yadi rudraśca viṣṇuśca svayaṁ sākṣātpitāmahaḥ| gūḍharūpadharāḥ sarve taccihnamupalakṣaye||

अनसूया बोलीं - यदि रुद्र, विष्णु और साक्षात् पितामह ब्रह्मा, ये सभी गुप्त रूप धारण किए हुए हैं, तो मैं उनके चिह्नों को पहचान रही हूँ।

श्लोक 51 (skanda.5.258.51)

तस्या वाक्यावसाने तु स्वरूपं दर्शयन्ति ते। स्वस्वरूपैः स्थिता देवाः सूर्यकोटिसमप्रभाः।

tasyā vākyāvasāne tu svarūpaṁ darśayanti te| svasvarūpaiḥ sthitā devāḥ sūryakoṭisamaprabhāḥ||

उनकी बात समाप्त होते ही उन्होंने अपने वास्तविक स्वरूप प्रकट किए। वे देवता अपने-अपने स्वरूप में, करोड़ों सूर्यों के समान तेजस्वी, प्रकट हो गए।

श्लोक 52 (skanda.5.258.52)

चतुर्भुजो महादेवि शङ्खचक्रगदाधरः। अतसीपुष्पवर्णस्तु पीतवासा जनार्दनः।

caturbhujo mahādevi śaṅkhacakragadādharaḥ| atasīpuṣpavarṇastu pītavāsā janārdanaḥ||

हे महादेवी! शंख, चक्र और गदा धारण किए चतुर्भुज, अलसी के फूल के समान वर्ण वाले, पीतवस्त्रधारी जनार्दन (विष्णु) प्रकट हुए।

श्लोक 53 (skanda.5.258.53)

गरुत्मान्वाहनं यस्य श्रिया च सहितो हरिः। प्रसन्नवदनः श्रीमान्स्वयंरूपो व्यवस्थितः।

garutmānvāhanaṁ yasya śriyā ca sahito hariḥ| prasannavadanaḥ śrīmānsvayaṁrūpo vyavasthitaḥ||

जिनका वाहन गरुड़ है, वे श्री (लक्ष्मी) सहित हरि, प्रसन्न मुख वाले, श्रीमान, अपने स्वरूप में स्थित थे।

श्लोक 54 (skanda.5.258.54)

पीतवासा महादेवि चतुर्वदनपङ्कजः। हंसोपरि समारूढो ह्यक्षमालाकरोद्यतः।

pītavāsā mahādevi caturvadanapaṅkajaḥ| haṁsopari samārūḍho hyakṣamālākarodyataḥ||

हे महादेवी! पीतवस्त्रधारी, चार कमल-मुखों वाले, हंस पर आरूढ़, हाथ में अक्षमाला धारण किए हुए ब्रह्मा प्रकट हुए।

श्लोक 55 (skanda.5.258.55)

आगतो नर्मदातीरे ब्रह्मा लोकपितामहः। योऽसौ सर्वजगद्व्यापी स्वयं साक्षान्महेश्वरः।

āgato narmadātīre brahmā lokapitāmahaḥ| yo'sau sarvajagadvyāpī svayaṁ sākṣānmaheśvaraḥ||

लोकपितामह ब्रह्मा नर्मदा के तट पर आए। और जो संपूर्ण जगत में व्याप्त हैं, वे साक्षात् महेश्वर स्वयं -

श्लोक 56 (skanda.5.258.56)

वृषभं तु समारूढो दशबाहुसमन्वितः। भस्माङ्गरागशोभाढ्यः पञ्चवक्त्रस्त्रिलोचनः।

vṛṣabhaṁ tu samārūḍho daśabāhusamanvitaḥ| bhasmāṅgarāgaśobhāḍhyaḥ pañcavaktrastrilocanaḥ||

-वृषभ पर आरूढ़, दस भुजाओं से युक्त, भस्म से अंगराग की शोभा से सुशोभित, पंचमुखी, त्रिनेत्रधारी थे।

श्लोक 57 (skanda.5.258.57)

जटामुकुटसंयुक्तः कृतचन्द्रार्द्धशेखरः। एवंरूपधरो देवः सर्वव्यापी महेश्वरः।

jaṭāmukuṭasaṁyuktaḥ kṛtacandrārddhaśekharaḥ| evaṁrūpadharo devaḥ sarvavyāpī maheśvaraḥ||

जटाओं का मुकुट धारण किए, मस्तक पर अर्धचंद्र शोभित - इस रूप में सर्वव्यापी महेश्वर देव प्रकट हुए।

श्लोक 58 (skanda.5.258.58)

अनसूया निरीक्ष्यैतद्देवानां दर्शनं परम्। वेपमाना ततः साध्वी सुरान्दृष्ट्वा मुहुर्मुहुः।

anasūyā nirīkṣyaitaddevānāṁ darśanaṁ param| vepamānā tataḥ sādhvī surāndṛṣṭvā muhurmuhuḥ||

देवताओं के इस परम दर्शन को देखकर अनसूया कांपने लगीं। बार-बार देवताओं को देखती हुई वह साध्वी -

श्लोक 59 (skanda.5.258.59)

अनसूयोवाच। किं व्यापारस्वरूपास्तु विष्णुरुद्रपितामहाः। एतद्वै श्रोतुमिच्छामि ह्यशेषं कथयन्तु मे।

anasūyovāca| kiṁ vyāpārasvarūpāstu viṣṇurudrapitāmahāḥ| etadvai śrotumicchāmi hyaśeṣaṁ kathayantu me||

अनसूया बोलीं - विष्णु, रुद्र और पितामह के कार्यों का स्वरूप क्या है? मैं यह पूर्णतः सुनना चाहती हूँ, कृपया मुझे बताइए।

श्लोक 60 (skanda.5.258.60)

ब्रह्मोवाच। प्रावृट्कालो ह्यहं ब्रह्मा आपश्चैव प्रकीर्तिताः। मेघरूपो ह्यहं प्रोक्तो वर्षयामि च भूतले।

brahmovāca| prāvṛṭkālo hyahaṁ brahmā āpaścaiva prakīrtitāḥ| megharūpo hyahaṁ prokto varṣayāmi ca bhūtale||

ब्रह्मा बोले - मैं ब्रह्मा वर्षाकाल और जल कहा जाता हूँ। मुझे मेघरूप कहा गया है, और मैं पृथ्वी पर वर्षा करता हूँ।

श्लोक 61 (skanda.5.258.61)

अहं सर्वाणि बीजानि प्राक्सन्ध्यासूदिते रवौ। एतद्वै कारणं सर्वं रहस्यं कथितं परम्।

ahaṁ sarvāṇi bījāni prāksandhyāsūdite ravau| etadvai kāraṇaṁ sarvaṁ rahasyaṁ kathitaṁ param||

सूर्योदय से पूर्व की संध्या में मैं ही समस्त बीज हूँ। यही संपूर्ण कारण है - यह परम रहस्य कह दिया गया।

श्लोक 62 (skanda.5.258.62)

विष्णुरुवाच। हेमन्तश्च भवेद्विष्णुर्विश्वरूपं चराचरम्। पालनाय जगत्सर्वं विष्णोर्माहात्म्यमुत्तमम्।

viṣṇuruvāca| hemantaśca bhavedviṣṇurviśvarūpaṁ carācaram| pālanāya jagatsarvaṁ viṣṇormāhātmyamuttamam||

विष्णु बोले - मैं विष्णु हेमंत ऋतु हूँ, चराचर विश्वरूप हूँ। संपूर्ण जगत के पालन हेतु - यही विष्णु की उत्तम महिमा है।

श्लोक 63 (skanda.5.258.63)

रुद्र उवाच। ग्रीष्मकालो ह्यहं प्रोक्तः सर्वभूतक्षयंकरः। कर्षयामि जगत्सर्वं रुद्ररूपस्तपस्विनि।

rudra uvāca| grīṣmakālo hyahaṁ proktaḥ sarvabhūtakṣayaṁkaraḥ| karṣayāmi jagatsarvaṁ rudrarūpastapasvini||

रुद्र बोले - मैं ग्रीष्म ऋतु कहा गया हूँ, समस्त प्राणियों का क्षयकारक हूँ। हे तपस्विनी! मैं रुद्ररूप में संपूर्ण जगत को कृश करता हूँ।

श्लोक 64 (skanda.5.258.64)

एवं ब्रह्मा च विष्णुश्च रुद्रश्चैव महाव्रते। त्रयो देवास्त्रयः सन्ध्यास्त्रयः कालास्त्रयोऽग्नयः।

evaṁ brahmā ca viṣṇuśca rudraścaiva mahāvrate| trayo devāstrayaḥ sandhyāstrayaḥ kālāstrayo'gnayaḥ||

इस प्रकार, हे महाव्रते! ब्रह्मा, विष्णु और रुद्र - ये तीन देवता, तीन संध्याएं, तीन काल और तीन अग्नियां हैं।

श्लोक 65 (skanda.5.258.65)

तथा ब्रह्मा च विष्णुश्च रुद्रश्चैकात्मतां गतः। वरं दद्युश्च ते भद्रे यस्त्वया मनसीप्सितम्।

tathā brahmā ca viṣṇuśca rudraścaikātmatāṁ gataḥ| varaṁ dadyuśca te bhadre yastvayā manasīpsitam||

इस प्रकार ब्रह्मा, विष्णु और रुद्र एकात्मता को प्राप्त हो बोले - हे भद्रे! तुम्हारे मन में जो अभीष्ट है, वह वर हम तुम्हें देंगे।

श्लोक 66 (skanda.5.258.66)

अनसूयोवाच। धन्या पुण्या ह्यहं लोके श्लाघ्या वन्द्या च सर्वदा। ब्रह्मा विष्णुश्च रुद्रश्च प्रसन्नवदनाः शुभाः।

anasūyovāca| dhanyā puṇyā hyahaṁ loke ślāghyā vandyā ca sarvadā| brahmā viṣṇuśca rudraśca prasannavadanāḥ śubhāḥ||

अनसूया बोलीं - मैं संसार में धन्य और पुण्यवती हूँ, सदा प्रशंसनीय और वंदनीय हूँ, कि ब्रह्मा, विष्णु और रुद्र प्रसन्न मुख से शुभरूप में मेरे समक्ष हैं।

श्लोक 67 (skanda.5.258.67)

यदि तुष्टास्त्रयो देवा दयां कृत्वा ममोपरि। अस्मिंस्तीर्थे तु सांनिध्याद्वरदाः सन्तु मे सदा।

yadi tuṣṭāstrayo devā dayāṁ kṛtvā mamopari| asmiṁstīrthe tu sāṁnidhyādvaradāḥ santu me sadā||

यदि तीनों देव मुझ पर दया कर प्रसन्न हुए हैं, तो इस तीर्थ में अपनी उपस्थिति से वे सदैव मुझे वर देने वाले बनें।

श्लोक 68 (skanda.5.258.68)

रुद्र उवाच। एवं भवतु ते वाक्यं यत्त्वया प्रार्थितं शुभे। प्रत्यक्षा वैष्णवी माया एरण्डीनाम नामतः।

rudra uvāca| evaṁ bhavatu te vākyaṁ yattvayā prārthitaṁ śubhe| pratyakṣā vaiṣṇavī māyā eraṇḍīnāma nāmataḥ||

रुद्र बोले - हे शुभे! जैसा तुमने प्रार्थना की है, वैसा ही हो। वैष्णवी माया यहां एरण्डी नाम से साक्षात् प्रकट होगी।

श्लोक 69 (skanda.5.258.69)

यस्या दर्शनमात्रेण नश्यते पापसञ्चयः। चैत्रमासे तु सम्प्राप्ते अहोरात्रोषितो भवेत्।

yasyā darśanamātreṇa naśyate pāpasañcayaḥ| caitramāse tu samprāpte ahorātroṣito bhavet||

जिनके दर्शनमात्र से संचित पाप नष्ट होता है। चैत्र मास आने पर यहां अहोरात्र उपवास करना चाहिए।

श्लोक 70 (skanda.5.258.70)

एरण्ड्याः सङ्गमे स्नात्वा ब्रह्महत्यां व्यपोहति। रात्रौ जागरणं कुर्यात्प्रभाते भोजयेद्द्विजान्।

eraṇḍyāḥ saṅgame snātvā brahmahatyāṁ vyapohati| rātrau jāgaraṇaṁ kuryātprabhāte bhojayeddvijān||

एरण्डी के संगम में स्नान करने से ब्रह्महत्या का भी नाश हो जाता है। रात्रि में जागरण करना चाहिए और प्रातःकाल ब्राह्मणों को भोजन कराना चाहिए।

श्लोक 71 (skanda.5.258.71)

यथोक्तेन विधानेन पिण्डं दद्याद्यथाविधि। प्रदक्षिणां ततो दद्याद्धिरण्यं वस्त्रमेव च।

yathoktena vidhānena piṇḍaṁ dadyādyathāvidhi| pradakṣiṇāṁ tato dadyāddhiraṇyaṁ vastrameva ca||

यथोक्त विधि के अनुसार विधिपूर्वक पिंडदान करना चाहिए, फिर प्रदक्षिणा कर स्वर्ण और वस्त्र का दान देना चाहिए।

श्लोक 72 (skanda.5.258.72)

रजतं च तथा गावो भूमिदानमथापि वा। सर्वं कोटिगुणं प्रोक्तमिति स्वायम्भुवोऽब्रवीत्।

rajataṁ ca tathā gāvo bhūmidānamathāpi vā| sarvaṁ koṭiguṇaṁ proktamiti svāyambhuvo'bravīt||

रजत, गौ तथा भूमिदान - यह सब कोटि गुना फलदायी कहा गया है, ऐसा स्वयंभू ब्रह्मा ने कहा।

श्लोक 73 (skanda.5.258.73)

ये म्रियन्ति नरा देवि एरण्ड्याः सङ्गमे शुभे। यावद्युगसहस्रं तु रुद्रलोके वसन्ति ते।

ye mriyanti narā devi eraṇḍyāḥ saṅgame śubhe| yāvadyugasahasraṁ tu rudraloke vasanti te||

हे देवी! जो मनुष्य एरण्डी के शुभ संगम में मृत्यु को प्राप्त होते हैं, वे सहस्र युगों तक रुद्रलोक में निवास करते हैं।

श्लोक 74 (skanda.5.258.74)

अहोरात्रोषितो भूत्वा जपेद्रुद्रांश्च वैदिकान्। एकादशैकसंज्ञांश्च स याति परमां गतिम्।

ahorātroṣito bhūtvā japedrudrāṁśca vaidikān| ekādaśaikasaṁjñāṁśca sa yāti paramāṁ gatim||

अहोरात्र उपवास करके वैदिक रुद्रों का, ग्यारह एकादश रुद्रों का जप करना चाहिए, इससे मनुष्य परम गति को प्राप्त होता है।

श्लोक 75 (skanda.5.258.75)

विद्यार्थी लभते विद्यां धनार्थी लभते धनम्। पुत्रार्थी लभते पुत्रांल्लभेत्कामान् यथेप्सितान्।

vidyārthī labhate vidyāṁ dhanārthī labhate dhanam| putrārthī labhate putrāṁllabhetkāmān yathepsitān||

विद्यार्थी विद्या पाता है, धनार्थी धन पाता है, पुत्रार्थी पुत्र पाता है - मनुष्य यथेच्छ कामनाओं को प्राप्त करता है।

श्लोक 76 (skanda.5.258.76)

एरण्ड्याः सङ्गमे स्नात्वा रेवाया विमले जले। महापातकिनो वापि ते यान्ति परमां गतिम्।

eraṇḍyāḥ saṅgame snātvā revāyā vimale jale| mahāpātakino vāpi te yānti paramāṁ gatim||

एरण्डी के संगम में, रेवा के निर्मल जल में स्नान करके, महापातकी भी परम गति को प्राप्त होते हैं।

श्लोक 77 (skanda.5.258.77)

अनसूयोवाच। यदि तुष्टास्त्रयो देवा मम भक्तिप्रचोदिताः। मम पुत्रा भवन्त्वेव हरिरुद्रपितामहाः।

anasūyovāca| yadi tuṣṭāstrayo devā mama bhaktipracoditāḥ| mama putrā bhavantveva harirudrapitāmahāḥ||

अनसूया बोलीं - यदि मेरी भक्ति से प्रेरित होकर तीनों देव प्रसन्न हुए हैं, तो हरि, रुद्र और पितामह स्वयं मेरे पुत्र बनें।

श्लोक 78 (skanda.5.258.78)

विष्णुरुवाच। पूज्या यत्पुत्रतां यान्ति न कदाचिच्छ्रुतं मया। शुभे ददामि पुत्रांस्ते देवतुल्यपराक्रमान्। रूपवन्तो गुणोपेतान्यज्विनश्च बहुश्रुतान्।

viṣṇuruvāca| pūjyā yatputratāṁ yānti na kadācicchrutaṁ mayā| śubhe dadāmi putrāṁste devatulyaparākramān| rūpavanto guṇopetānyajvinaśca bahuśrutān||

विष्णु बोले - पूज्य देवताओं का किसी का पुत्र बनना, ऐसा मैंने कभी नहीं सुना। हे शुभे! मैं तुम्हें देवतुल्य पराक्रमी, रूपवान, गुणवान, यज्ञपरायण और बहुश्रुत पुत्र देता हूँ।

श्लोक 79 (skanda.5.258.79)

अनसूयोवाच। ईप्सितं तच्च दातव्यं यन्मया प्रार्थितं हरे। नान्यथा चैव कर्तव्या मम पुत्रैषणा तु या।

anasūyovāca| īpsitaṁ tacca dātavyaṁ yanmayā prārthitaṁ hare| nānyathā caiva kartavyā mama putraiṣaṇā tu yā||

अनसूया बोलीं - हे हरे! मैंने जो चाहा और प्रार्थना की है, वही देना चाहिए। मेरी पुत्र-कामना अन्यथा पूर्ण न की जाए।

श्लोक 80 (skanda.5.258.80)

विष्णुरुवाच। पूर्वं तु भृगुसंवादे गर्भवास उपार्जितः। तस्याहं चैव पारं तु नैव पश्यामि शोभने।

viṣṇuruvāca| pūrvaṁ tu bhṛgusaṁvāde garbhavāsa upārjitaḥ| tasyāhaṁ caiva pāraṁ tu naiva paśyāmi śobhane||

विष्णु बोले - पूर्वकाल में भृगु के साथ हुए संवाद में गर्भवास (का शाप) प्राप्त हुआ था। हे शोभने! मुझे उससे पार पाने का कोई उपाय नहीं दिखता।

श्लोक 81 (skanda.5.258.81)

स्मरमाणः पुरावृत्तं चिन्तयामि पुनःपुनः। एवं संचिन्त्य ते देवाः पितामहमहेश्वराः।

smaramāṇaḥ purāvṛttaṁ cintayāmi punaḥpunaḥ| evaṁ saṁcintya te devāḥ pitāmahamaheśvarāḥ||

उस पूर्व घटना का स्मरण करते हुए मैं बार-बार विचार करता हूँ। इस प्रकार विचार करते हुए वे देवगण - पितामह और महेश्वर -

श्लोक 82 (skanda.5.258.82)

अयोनिजा भविष्यामस्तव पुत्रा वरानने। योनिवासे महाप्राज्ञि देवा नैव व्रजन्ति च।

ayonijā bhaviṣyāmastava putrā varānane| yonivāse mahāprājñi devā naiva vrajanti ca||

-हे वरानने! हम बिना योनि (गर्भ) से जन्म लिए तुम्हारे पुत्र बनेंगे। हे महाप्राज्ञे! देवता गर्भवास में कदापि नहीं जाते।

श्लोक 83 (skanda.5.258.83)

सांनिध्यात्सङ्गमे देवि लोकानां तु वरप्रदाः। एरण्डी वैष्णवी माया प्रत्यक्षा त्वं भविष्यसि।

sāṁnidhyātsaṅgame devi lokānāṁ tu varapradāḥ| eraṇḍī vaiṣṇavī māyā pratyakṣā tvaṁ bhaviṣyasi||

हे देवी! इस संगम में हमारी उपस्थिति से हम लोकों को वर देने वाले बनेंगे। तुम स्वयं साक्षात् वैष्णवी माया एरण्डी बनोगी।

श्लोक 84 (skanda.5.258.84)

त्रयो देवाः स्थिताः पाथ रेवाया उत्तरे तटे। वरप्राप्ता तु सा देवी गता माहेन्द्रपर्वतम्।

trayo devāḥ sthitāḥ pātha revāyā uttare taṭe| varaprāptā tu sā devī gatā māhendraparvatam||

हे पार्थ! तीनों देव रेवा के उत्तरी तट पर स्थित रहे। वर प्राप्त कर वह देवी अनसूया माहेन्द्र पर्वत को गईं।

श्लोक 85 (skanda.5.258.85)

क्षीणाङ्गी शुक्लदेहा च रूक्षकेशी सुदारुणा। कृतयज्ञोपवीता सा तपोनिष्ठा शुभेक्षणा।

kṣīṇāṅgī śukladehā ca rūkṣakeśī sudāruṇā| kṛtayajñopavītā sā taponiṣṭhā śubhekṣaṇā||

क्षीण अंगों वाली, श्वेतवर्ण शरीर वाली, रूखे केशों वाली, अत्यंत कठोर तप में लीन, यज्ञोपवीत धारण किए, तपोनिष्ठ, शुभदृष्टि वाली अनसूया -

श्लोक 86 (skanda.5.258.86)

शिलातलनिविष्टोऽसौ दृष्टः कान्तो महायशाः। हृष्टचित्तोऽभवद्देवि उत्तिष्ठोत्तिष्ठ साब्रवीत्।

śilātalaniviṣṭo'sau dṛṣṭaḥ kānto mahāyaśāḥ| hṛṣṭacitto'bhavaddevi uttiṣṭhottiṣṭha sābravīt||

-वहां शिला पर बैठे हुए महायशस्वी अपने प्रियतम (अत्रि) को देखा। हे देवी! प्रसन्नचित्त होकर उन्होंने कहा - उठो, उठो!

श्लोक 87 (skanda.5.258.87)

अत्रिरुवाच। साधु साधु महाप्राज्ञे ह्यनसूये महाव्रते। अचिन्त्यं गालवादीनां वरं प्राप्तासि दुर्लभम्।

atriruvāca| sādhu sādhu mahāprājñe hyanasūye mahāvrate| acintyaṁ gālavādīnāṁ varaṁ prāptāsi durlabham||

अत्रि बोले - साधु, साधु! हे महाप्राज्ञे अनसूये, हे महाव्रते! तुमने गालव आदि ऋषियों के लिए भी अचिंत्य और दुर्लभ वर प्राप्त कर लिया है।

श्लोक 88 (skanda.5.258.88)

अनसूयोवाच। त्वत्प्रसादेन देवर्षे वरं प्राप्तास्मि दुर्लभम्। तेन देवाः प्रशंसन्ति सिद्धाश्च ऋषयोऽमलाः।

anasūyovāca| tvatprasādena devarṣe varaṁ prāptāsmi durlabham| tena devāḥ praśaṁsanti siddhāśca ṛṣayo'malāḥ||

अनसूया बोलीं - हे देवर्षे! आपकी कृपा से मैंने दुर्लभ वर प्राप्त किया है। इसी कारण देवता, सिद्ध और निर्मल ऋषिगण मेरी प्रशंसा करते हैं।

श्लोक 89 (skanda.5.258.89)

एवमुक्ता तु सा देवी हर्षेण महता युता। आलोकयेत्ततः कान्तं तेनापि शुभदर्शना।

evamuktā tu sā devī harṣeṇa mahatā yutā| ālokayettataḥ kāntaṁ tenāpi śubhadarśanā||

इस प्रकार कहे जाने पर वह देवी अत्यंत हर्ष से युक्त हो अपने प्रियतम को देखने लगीं, और उन शुभदर्शना को भी अत्रि ने देखा।

श्लोक 90 (skanda.5.258.90)

ईक्षणाच्चैव संजातं ललाटे मण्डलं शुभम्। नवयोजनसाहस्रं मण्डलं रश्मिभिर्वृतम्।

īkṣaṇāccaiva saṁjātaṁ lalāṭe maṇḍalaṁ śubham| navayojanasāhasraṁ maṇḍalaṁ raśmibhirvṛtam||

उस परस्पर दृष्टिपात से ही उनके ललाट पर एक शुभ मंडल उत्पन्न हुआ - नौ हजार योजन का यह मंडल किरणों से घिरा हुआ था।

श्लोक 91 (skanda.5.258.91)

कदम्बगोलकाकारं त्रिगुणं परिमण्डलम्। तस्य मध्ये तु देवेशि पुरुषो दिव्यरूपधृक्।

kadambagolakākāraṁ triguṇaṁ parimaṇḍalam| tasya madhye tu deveśi puruṣo divyarūpadhṛk||

कदंब के फूल के गोले के समान, त्रिगुणित गोलाकार वाला वह मंडल था। हे देवेशी! उसके मध्य में एक दिव्य रूपधारी पुरुष था।

श्लोक 92 (skanda.5.258.92)

हेमवर्णोऽमृतमयः सूर्यकोटिसमप्रभः। आद्यः पुत्रोऽनसूयायाः स्वयं साक्षात्पितामहः।

hemavarṇo'mṛtamayaḥ sūryakoṭisamaprabhaḥ| ādyaḥ putro'nasūyāyāḥ svayaṁ sākṣātpitāmahaḥ||

स्वर्णवर्ण, अमृतमय, करोड़ों सूर्यों के समान तेजस्वी - यह अनसूया का प्रथम पुत्र, साक्षात् पितामह ब्रह्मा स्वयं था।

श्लोक 93 (skanda.5.258.93)

चन्द्रमा इति विख्यातः सोमरूपो नृपात्मज। इष्टापूर्ते च संपाति कलाषोडशकेन तु।

candramā iti vikhyātaḥ somarūpo nṛpātmaja| iṣṭāpūrte ca saṁpāti kalāṣoḍaśakena tu||

हे राजकुमार! चंद्रमा नाम से विख्यात, सोमरूप यह पुत्र, अपनी सोलह कलाओं द्वारा इष्ट (यज्ञ) और पूर्त (कुआं-तालाब आदि) कर्मों में व्याप्त रहता है।

श्लोक 94 (skanda.5.258.94)

प्रतिपच्च द्वितीया च तृतीया च महेश्वरि। चतुर्थी पञ्चमी चैव अव्यया षोडशी कला।

pratipacca dvitīyā ca tṛtīyā ca maheśvari| caturthī pañcamī caiva avyayā ṣoḍaśī kalā||

हे महेश्वरी! प्रतिपदा, द्वितीया, तृतीया, चतुर्थी, पंचमी (आदि तिथियां उसकी कलाएं हैं) - और सोलहवीं कला अव्यय (अक्षय) है।

श्लोक 95 (skanda.5.258.95)

चतुर्विधस्य लोकस्य सूक्ष्मो भूत्वा वरानने। आप्रीणाति जगत्सर्वं त्रैलोक्यं सचराचरम्।

caturvidhasya lokasya sūkṣmo bhūtvā varānane| āprīṇāti jagatsarvaṁ trailokyaṁ sacarācaram||

हे वरानने! सूक्ष्म रूप धारण कर वह चारों प्रकार के प्राणियों को, चराचर सहित संपूर्ण त्रैलोक्य को तृप्त करता है।

श्लोक 96 (skanda.5.258.96)

सर्वे ते ह्युपजीवन्ति हुतं दत्तं शशिस्थितम्। वनस्पतिगते सोमे धनवांश्च वरानने।

sarve te hyupajīvanti hutaṁ dattaṁ śaśisthitam| vanaspatigate some dhanavāṁśca varānane||

हे वरानने! सभी प्राणी उस हवि और दान पर जीवित रहते हैं जो चंद्रमा में स्थित रहता है। जब सोम वनस्पतियों में प्रविष्ट होता है, तब मनुष्य धनवान होता है।

श्लोक 97 (skanda.5.258.97)

भुञ्जन् परगृहे मूढो ददेदब्दकृतं शुभम्। वनस्पतिगते सोमे यस्तु छिन्द्याद्वनस्पतीन्। तेन पापेन देवेशि नरा यान्ति यमालयम्।

bhuñjan paragṛhe mūḍho dadedabdakṛtaṁ śubham| vanaspatigate some yastu chindyādvanaspatīn| tena pāpena deveśi narā yānti yamālayam||

दूसरे के घर भोजन करने वाला मूर्ख वर्षभर का शुभ प्रतिदान करे। जब सोम वनस्पतियों में स्थित हो, उस समय जो वृक्षों को काटता है, हे देवेशी! उस पाप से मनुष्य यमलोक को जाते हैं।

श्लोक 98 (skanda.5.258.98)

वनस्पतिगते सोमे मैथुनं यो निषेवते। ब्रह्महत्यासमं पापं लभते नात्र संशयः।

vanaspatigate some maithunaṁ yo niṣevate| brahmahatyāsamaṁ pāpaṁ labhate nātra saṁśayaḥ||

जब सोम वनस्पतियों में स्थित हो, उस समय जो मैथुन करता है, वह ब्रह्महत्या के समान पाप प्राप्त करता है, इसमें संदेह नहीं।

श्लोक 99 (skanda.5.258.99)

वनस्पतिगते सोमे मन्थानं योऽधिवाहयेत्। गावस्तस्य प्रणश्यन्ति याश्च वै पूर्वसंचिताः।

vanaspatigate some manthānaṁ yo'dhivāhayet| gāvastasya praṇaśyanti yāśca vai pūrvasaṁcitāḥ||

जब सोम वनस्पतियों में स्थित हो, उस समय जो मंथन करता है, उसकी पूर्व-संचित गौएं भी नष्ट हो जाती हैं।

श्लोक 100 (skanda.5.258.100)

वनस्पतिगते सोमे ह्यध्वानं योऽधिगच्छति। भवन्ति पितरस्तस्य तं मासं रेणुभोजनाः।

vanaspatigate some hyadhvānaṁ yo'dhigacchati| bhavanti pitarastasya taṁ māsaṁ reṇubhojanāḥ||

जब सोम वनस्पतियों में स्थित हो, उस समय जो यात्रा करता है, उसके पितर उस माह धूल भोजन करने वाले हो जाते हैं।

श्लोक 101 (skanda.5.258.101)

अमावस्यां महादेवि यस्तु श्राद्धप्रदो भवेत्। अब्दमेकं विशालाक्षि तृप्तास्तत्पितरो ध्रुवम्।

amāvasyāṁ mahādevi yastu śrāddhaprado bhavet| abdamekaṁ viśālākṣi tṛptāstatpitaro dhruvam||

हे महादेवी! जो अमावस्या को श्राद्ध करता है, हे विशालाक्षी! उसके पितर निश्चय ही एक वर्ष तक तृप्त रहते हैं।

श्लोक 102 (skanda.5.258.102)

हिरण्यं रजतं वस्त्रं यो ददाति द्विजातिषु। सर्वं लक्षगुणं देवि लभते नात्र संशयः।

hiraṇyaṁ rajataṁ vastraṁ yo dadāti dvijātiṣu| sarvaṁ lakṣaguṇaṁ devi labhate nātra saṁśayaḥ||

जो द्विजों को स्वर्ण, रजत या वस्त्र दान करता है, हे देवी! वह सब लाखगुना फल पाता है, इसमें संदेह नहीं।

श्लोक 103 (skanda.5.258.103)

एवं गुणविशिष्टोऽसौ सोमरूपः प्रजापतिः। संजातः प्रथमः पुत्रो ह्यनसूयासुनन्दनः।

evaṁ guṇaviśiṣṭo'sau somarūpaḥ prajāpatiḥ| saṁjātaḥ prathamaḥ putro hyanasūyāsunandanaḥ||

इस प्रकार इन गुणों से युक्त यह सोमरूप प्रजापति अनसूया के प्रथम पुत्र और आनंददायक पुत्र के रूप में उत्पन्न हुए।

श्लोक 104 (skanda.5.258.104)

द्वितीयस्तु महादेवि दुर्वासा नाम नामतः। सृष्टिसंहारकर्ता च स्वयं साक्षान्महेश्वरः।

dvitīyastu mahādevi durvāsā nāma nāmataḥ| sṛṣṭisaṁhārakartā ca svayaṁ sākṣānmaheśvaraḥ||

हे महादेवी! दूसरा पुत्र, नाम से दुर्वासा, सृष्टि और संहार करने वाले साक्षात् महेश्वर स्वयं थे।

श्लोक 105 (skanda.5.258.105)

ऋषिमध्यगतो देवि तपस्तपति दुष्करम्। सोऽपि रुद्रत्वमायाति सम्प्राप्ते भूतविप्लवे।

ṛṣimadhyagato devi tapastapati duṣkaram| so'pi rudratvamāyāti samprāpte bhūtaviplave||

हे देवी! ऋषियों के मध्य रहकर वे दुष्कर तप करते हैं। प्रलयकाल आने पर वे भी रुद्रत्व को प्राप्त होते हैं।

श्लोक 106 (skanda.5.258.106)

इन्द्रोऽपि शप्तस्तेनैव दुर्वाससा वरानने। द्वितीयस्य तु पुत्रस्य सम्भवः कथितो मया।

indro'pi śaptastenaiva durvāsasā varānane| dvitīyasya tu putrasya sambhavaḥ kathito mayā||

हे वरानने! उन्हीं दुर्वासा द्वारा इंद्र को भी शाप दिया गया था। इस प्रकार मैंने दूसरे पुत्र की उत्पत्ति कह दी।

श्लोक 107 (skanda.5.258.107)

दत्तात्रेयस्वरूपेण भगवान्मधुसूदनः। जगद्व्यापी जगन्नाथः स्वयं साक्षाज्जनार्दनः।

dattātreyasvarūpeṇa bhagavānmadhusūdanaḥ| jagadvyāpī jagannāthaḥ svayaṁ sākṣājjanārdanaḥ||

दत्तात्रेय के रूप में भगवान मधुसूदन, जगद्व्यापी, जगन्नाथ, साक्षात् जनार्दन स्वयं थे।

श्लोक 108 (skanda.5.258.108)

एते देवास्त्रयः पुत्रा अनसूयाया महेश्वरि। वरदानेन ते देवा ह्यवतीर्णा महीतले।

ete devāstrayaḥ putrā anasūyāyā maheśvari| varadānena te devā hyavatīrṇā mahītale||

हे महेश्वरी! ये तीनों देव अनसूया के पुत्र बने। वरदान के फलस्वरूप वे देवगण पृथ्वी पर अवतरित हुए।

श्लोक 109 (skanda.5.258.109)

पुत्रप्राप्तिकरं तीर्थं रेवायाश्चोत्तरे तटे। अनसूयाकृतं पार्थ सर्वपापक्षयं परम्।

putraprāptikaraṁ tīrthaṁ revāyāścottare taṭe| anasūyākṛtaṁ pārtha sarvapāpakṣayaṁ param||

हे पार्थ! यह पुत्र-प्राप्ति कराने वाला तीर्थ रेवा के उत्तरी तट पर स्थित है, जो अनसूया द्वारा सिद्ध किया गया तथा समस्त पापों का परम नाशक है।

श्लोक 110 (skanda.5.258.110)

श्रीमार्कण्डेय उवाच। आश्चर्यभूतं लोकेऽस्मिन्नर्मदायां पुरातनम्। भ्रूणहत्या गता तत्र ब्राह्मणस्य नराधिप।

śrīmārkaṇḍeya uvāca| āścaryabhūtaṁ loke'sminnarmadāyāṁ purātanam| bhrūṇahatyā gatā tatra brāhmaṇasya narādhipa||

श्री मार्कण्डेय बोले - हे नराधिप! इस संसार में नर्मदा के तट पर एक और आश्चर्यजनक प्राचीन घटना घटी, जिसमें एक ब्राह्मण की भ्रूणहत्या का पाप वहां नष्ट हो गया।

श्लोक 111 (skanda.5.258.111)

युधिष्ठिर उवाच। इतिहासं द्विजश्रेष्ठ कथयस्व ममानघ। सर्वपापहरं लोके दुःखार्तस्य च कथ्यताम्।

yudhiṣṭhira uvāca| itihāsaṁ dvijaśreṣṭha kathayasva mamānagha| sarvapāpaharaṁ loke duḥkhārtasya ca kathyatām||

युधिष्ठिर बोले - हे निष्पाप द्विजश्रेष्ठ! मुझे वह इतिहास सुनाइए, जो संसार में समस्त पापों को हरने वाला है और दुःखी व्यक्ति के लिए भी कहा जाता है।

श्लोक 112 (skanda.5.258.112)

श्रीमार्कण्डेय उवाच। सुवर्णशिलके ग्रामे गौतमान्वयसम्भवः। कृषीवलो महादेवि भार्यापुत्रसमन्वितः।

śrīmārkaṇḍeya uvāca| suvarṇaśilake grāme gautamānvayasambhavaḥ| kṛṣīvalo mahādevi bhāryāputrasamanvitaḥ||

श्री मार्कण्डेय बोले - सुवर्णशिलक नामक ग्राम में गौतम वंश में उत्पन्न एक किसान अपनी पत्नी और पुत्र सहित निवास करता था।

श्लोक 113 (skanda.5.258.113)

वसते तत्र गोविन्दः संजातो विपुले कुले। पुत्रदारसमोपेतो गृहक्षेत्ररतः सदा।

vasate tatra govindaḥ saṁjāto vipule kule| putradārasamopeto gṛhakṣetrarataḥ sadā||

वहां गोविन्द नामक व्यक्ति, विशाल कुल में उत्पन्न, पत्नी-पुत्र सहित, सदा घर और खेत में रत रहते हुए निवास करता था।

श्लोक 114 (skanda.5.258.114)

शकटं पूरयित्वा तु काष्ठानामगमद्गुहम्। प्रक्षिप्तानि च काष्ठानि ह्येकाकी क्षुधयान्वितः।

śakaṭaṁ pūrayitvā tu kāṣṭhānāmagamadguham| prakṣiptāni ca kāṣṭhāni hyekākī kṣudhayānvitaḥ||

लकड़ियों से बैलगाड़ी भरकर वह वन को गया। लकड़ियां लाद दी गईं, और वह अकेला, भूख से पीड़ित -

श्लोक 115 (skanda.5.258.115)

रिङ्गमाणस्तदा पुत्रः पितुः शब्दात्समागतः। न दृष्टस्तेन वै पुत्रः काष्ठैः संछादितोऽवशः।

riṅgamāṇastadā putraḥ pituḥ śabdātsamāgataḥ| na dṛṣṭastena vai putraḥ kāṣṭhaiḥ saṁchādito'vaśaḥ||

-उस समय रेंगता हुआ बालक पिता की आवाज़ सुनकर वहां आ गया। परंतु पिता ने उस बालक को नहीं देखा, जो लकड़ियों से ढका हुआ असहाय पड़ा था।

श्लोक 116 (skanda.5.258.116)

आगतस्त्वरितो गेहे पिपासार्तो नराधिप। शकटं मोच्य तद्द्वारि सवृषं रज्जुसंयुतम्।

āgatastvarito gehe pipāsārto narādhipa| śakaṭaṁ mocya taddvāri savṛṣaṁ rajjusaṁyutam||

हे नराधिप! प्यास से व्याकुल होकर वह शीघ्रता से घर आया और द्वार पर बैलों तथा रस्सियों सहित गाड़ी खोल दी।

श्लोक 117 (skanda.5.258.117)

भार्या तस्यैव या दृष्टा चित्तज्ञा वशवर्तिनी। दृष्ट्वा निपातितं पुत्रं काष्ठैर्निर्भिन्नमस्तकम्।

bhāryā tasyaiva yā dṛṣṭā cittajñā vaśavartinī| dṛṣṭvā nipātitaṁ putraṁ kāṣṭhairnirbhinnamastakam||

उसकी पत्नी, जो उसके मन को समझने वाली और उसकी अनुगामिनी थी, - उसने पुत्र को लकड़ियों के नीचे गिरा हुआ, सिर फटा हुआ देखा।

श्लोक 118 (skanda.5.258.118)

अजल्पमानाकरुणं निक्षिप्तं ज्ञोलिकां शिशुम्। शुश्रूषणे रता साध्वी प्रियस्य च नराधिप।

ajalpamānākaruṇaṁ nikṣiptaṁ jñolikāṁ śiśum| śuśrūṣaṇe ratā sādhvī priyasya ca narādhipa||

वह साध्वी बिना कुछ कहे, बिना करुणा दिखाए, बालक को झोली में रखकर, हे नराधिप, अपने प्रियतम की सेवा में लगी रही, मानो कुछ हुआ ही न हो।

श्लोक 119 (skanda.5.258.119)

ततः स्नानादिकं कृत्वा भोजनाच्छयनं शुभम्। पुत्रं पुत्रवतां श्रेष्ठा ह्युत्थापयति शासनैः।

tataḥ snānādikaṁ kṛtvā bhojanācchayanaṁ śubham| putraṁ putravatāṁ śreṣṭhā hyutthāpayati śāsanaiḥ||

तत्पश्चात स्नानादि और भोजन कर शुभ शयन-वेला में, पुत्रवती स्त्रियों में श्रेष्ठ होने के भाव से, वह अपने आदेशों से पुत्र को जगाने लगी।

श्लोक 120 (skanda.5.258.120)

यदा च नोत्थितः सुप्तः पुत्रः पञ्चत्वमागतः। तदा सा दीनवदना रुरोद च मुमोह च।

yadā ca notthitaḥ suptaḥ putraḥ pañcatvamāgataḥ| tadā sā dīnavadanā ruroda ca mumoha ca||

परंतु जब सोया हुआ पुत्र नहीं उठा - वह पंचत्व को प्राप्त हो चुका था - तब वह दीन मुख से रोने लगी और मूर्च्छित हो गई।

श्लोक 121 (skanda.5.258.121)

तच्छ्रुत्वा रुदितं शब्दं गोविन्दस्त्रस्तमानसः। किमेतदिति चोक्त्वा तु पतितो धरणीतले।

tacchrutvā ruditaṁ śabdaṁ govindastrastamānasaḥ| kimetaditi coktvā tu patito dharaṇītale||

उस रुदन का शब्द सुनकर गोविन्द भयभीत हृदय से "यह क्या हुआ?" कहते हुए धरती पर गिर पड़ा।

श्लोक 122 (skanda.5.258.122)

द्वावेतौ मुक्तकेशौ तु भूमौ निपतितौ नृप। विलेपाते च राजेन्द्र निःश्वासोच्छ्वासितेन च।

dvāvetau muktakeśau tu bhūmau nipatitau nṛpa| vilepāte ca rājendra niḥśvāsocchvāsitena ca||

हे नृप! केश खुले हुए वे दोनों भूमि पर गिर पड़े। हे राजेन्द्र! वे दीर्घ श्वास लेते हुए विलाप करने लगे।

श्लोक 123 (skanda.5.258.123)

कं पश्ये प्राङ्गणे पुत्रं दृष्ट्वा क्रीडन्तमातुरम्। संधारयिष्ये हृदयं स्फुटितं तव कारणे।

kaṁ paśye prāṅgaṇe putraṁ dṛṣṭvā krīḍantamāturam| saṁdhārayiṣye hṛdayaṁ sphuṭitaṁ tava kāraṇe||

(गोविन्द विलाप करते हुए बोला) अब मैं आंगन में किस पुत्र को खेलता देखूंगा? तुम्हारे कारण फटे हुए इस हृदय को मैं कैसे संभालूं?

श्लोक 124 (skanda.5.258.124)

त्वज्जन्मान्तं यशो नित्यमक्षयां कुलसन्ततिम्। दृष्ट्वा किमनृणीभूतो यास्यामि परमां गतिम्।

tvajjanmāntaṁ yaśo nityamakṣayāṁ kulasantatim| dṛṣṭvā kimanṛṇībhūto yāsyāmi paramāṁ gatim||

तुम्हारे जन्म से मुझे नित्य यश और अक्षय कुल-परंपरा की आशा थी - अब यह देखकर मैं ऋणमुक्त होकर परम गति को कैसे प्राप्त करूंगा?

श्लोक 125 (skanda.5.258.125)

मम वृद्धस्य दीनस्य गतिस्त्वं किल पुत्रक। एते मनोरथाः सर्वे चिन्तिता विफला गताः।

mama vṛddhasya dīnasya gatistvaṁ kila putraka| ete manorathāḥ sarve cintitā viphalā gatāḥ||

हे पुत्र! वृद्ध और दीन मेरा एकमात्र सहारा तुम ही थे। ये सारी मनोकामनाएं जो मैंने संजोई थीं, व्यर्थ हो गईं।

श्लोक 126 (skanda.5.258.126)

इमां तु विकलां दीनां विहीनां सुतबान्धवैः। रुदन्तीं पतितां पाहि मातरं धरणीतले।

imāṁ tu vikalāṁ dīnāṁ vihīnāṁ sutabāndhavaiḥ| rudantīṁ patitāṁ pāhi mātaraṁ dharaṇītale||

पुत्र और बंधुओं से रहित, विकल, दीन, रोती हुई, धरती पर गिरी हुई अपनी इस माता की रक्षा करो।

श्लोक 127 (skanda.5.258.127)

पुन्नाम्नो नरकाद्यस्मात्पितरं त्रायते सुतः। तेन पुत्र इति प्रोक्तः स्वयमेव स्वयम्भुवा।

punnāmno narakādyasmātpitaraṁ trāyate sutaḥ| tena putra iti proktaḥ svayameva svayambhuvā||

क्योंकि पुत्र अपने पिता को "पुत्" नामक नरक से बचाता है, इसीलिए स्वयं ब्रह्मा ने उसे "पुत्र" कहा है।

श्लोक 128 (skanda.5.258.128)

अपुत्रस्य गृहं शून्यं दिशः शून्या ह्यबान्धवाः। मूर्खस्य हृदयं शून्यं सर्वशून्यं दरिद्रता।

aputrasya gṛhaṁ śūnyaṁ diśaḥ śūnyā hyabāndhavāḥ| mūrkhasya hṛdayaṁ śūnyaṁ sarvaśūnyaṁ daridratā||

पुत्रहीन का घर सूना है, बंधुहीन के लिए दिशाएं सूनी हैं, मूर्ख का हृदय सूना है, और दरिद्रता में सब कुछ सूना है।

श्लोक 129 (skanda.5.258.129)

मृषायं वदते लोकश्चन्दनं किल शीतलम्। पुत्रगात्रपरिष्वङ्गश्चन्दनादपि शीतलः।

mṛṣāyaṁ vadate lokaścandanaṁ kila śītalam| putragātrapariṣvaṅgaścandanādapi śītalaḥ||

संसार झूठ कहता है कि चंदन शीतल होता है - पुत्र के शरीर का आलिंगन चंदन से भी अधिक शीतल है।

श्लोक 130 (skanda.5.258.130)

श्मश्रुग्रहणक्रीडन्तं धूलिधूसरिताननम्। पुण्यहीना न पश्यन्ति निजोत्सङ्गसमास्थितम्।

śmaśrugrahaṇakrīḍantaṁ dhūlidhūsaritānanam| puṇyahīnā na paśyanti nijotsaṅgasamāsthitam||

दाढ़ी पकड़ कर खेलता, धूल से धूसरित मुख वाला बालक अपनी गोद में बैठा - यह दृश्य पुण्यहीन कभी नहीं देख पाते।

श्लोक 131 (skanda.5.258.131)

दिगम्बरं गतव्रीडं जटिलं धूलिधूसरम्। पुण्यहीना न पश्यन्ति गङ्गाधरमिवात्मजम्।

digambaraṁ gatavrīḍaṁ jaṭilaṁ dhūlidhūsaram| puṇyahīnā na paśyanti gaṅgādharamivātmajam||

नग्न, निर्लज्ज, उलझे बालों वाला, धूल से सना हुआ बालक - मानो गंगाधर शिव के समान - पुण्यहीन कभी नहीं देख पाते।

श्लोक 132 (skanda.5.258.132)

वीणावाद्यस्वरो लोके सुस्वरः श्रूयते किल। रुदितं बालकस्यैव तस्मादाह्लादकारकम्।

vīṇāvādyasvaro loke susvaraḥ śrūyate kila| ruditaṁ bālakasyaiva tasmādāhlādakārakam||

संसार में वीणा-वादन का स्वर मधुर सुना जाता है - परंतु बालक का रुदन भी उससे अधिक आह्लादकारी होता है।

श्लोक 133 (skanda.5.258.133)

मृगपक्षिषु काकेषु पशूनां स्वरयोनिषु। पुत्रं तेषु समस्तेषु वल्लभं ब्रुवते बुधाः।

mṛgapakṣiṣu kākeṣu paśūnāṁ svarayoniṣu| putraṁ teṣu samasteṣu vallabhaṁ bruvate budhāḥ||

मृग, पक्षी, कौवे और स्वाभाविक वृत्ति वाले पशुओं में भी - इन सभी में संतान ही सबसे प्रिय होती है, ऐसा विद्वान कहते हैं।

श्लोक 134 (skanda.5.258.134)

मत्स्याश्वप्रकराश्चैव कूर्मग्राहादयोऽपि वा। पुत्रोत्पत्तौ च हृष्यन्ति विपत्तौ यान्ति दुःखिताम्।

matsyāśvaprakarāścaiva kūrmagrāhādayo'pi vā| putrotpattau ca hṛṣyanti vipattau yānti duḥkhitām||

मत्स्य, अश्व, कछुए, ग्राह आदि भी संतान के जन्म पर हर्षित होते हैं और उसके नाश पर दुःखी होते हैं।

श्लोक 135 (skanda.5.258.135)

देवगन्धर्वयक्षाश्च हृष्यन्ते पुत्रजन्मनि। पञ्चत्वे तेऽपि शोचन्ति मन्दभाग्योऽस्मि पुत्रक।

devagandharvayakṣāśca hṛṣyante putrajanmani| pañcatve te'pi śocanti mandabhāgyo'smi putraka||

देवता, गंधर्व और यक्ष भी पुत्र जन्म पर हर्षित होते हैं और उसकी मृत्यु पर शोक करते हैं। हे पुत्र! मैं अभागा हूं।

श्लोक 136 (skanda.5.258.136)

ऋषिमेलापकं चक्रे पुत्रार्थे राघवो नृप। इन्द्रस्थाने स्थितस्तस्य प्रोक्षते ह्यासनं यतः।

ṛṣimelāpakaṁ cakre putrārthe rāghavo nṛpa| indrasthāne sthitastasya prokṣate hyāsanaṁ yataḥ||

हे राजन्! पुत्र-प्राप्ति के लिए राघव (दशरथ) ने ऋषियों की सभा बुलाई थी, जिसमें इंद्र के स्थान पर बैठे हुए ने आसन का अभिषेक किया था।

श्लोक 137 (skanda.5.258.137)

स्वर्गवासं सुताद्बाह्यं विद्यते न तु पाण्डव। चक्रे दशरथस्तस्मात्पुत्रार्थं यज्ञमुत्तमम्।

svargavāsaṁ sutādbāhyaṁ vidyate na tu pāṇḍava| cakre daśarathastasmātputrārthaṁ yajñamuttamam||

हे पाण्डव! पुत्र के बिना स्वर्गवास संभव नहीं होता, इसीलिए दशरथ ने पुत्र-प्राप्ति के लिए उत्तम यज्ञ किया।

श्लोक 138 (skanda.5.258.138)

रामो लक्ष्मणशत्रुघ्नौ भरतस्तत्र सम्भवात्। कार्तवीर्यो जितो येन रामेणामिततेजसा।

rāmo lakṣmaṇaśatrughnau bharatastatra sambhavāt| kārtavīryo jito yena rāmeṇāmitatejasā||

उस यज्ञ से राम, लक्ष्मण, शत्रुघ्न और भरत उत्पन्न हुए। उन्हीं अमित तेजस्वी राम ने कार्तवीर्य को पराजित किया।

श्लोक 139 (skanda.5.258.139)

स रामो रामचन्द्रेण अष्टवर्षेण निर्जितः। एकाकिना हतो वाली प्लवगः शत्रुदुर्जयः।

sa rāmo rāmacandreṇa aṣṭavarṣeṇa nirjitaḥ| ekākinā hato vālī plavagaḥ śatrudurjayaḥ||

उस (परशु)राम को रामचंद्र ने आठ वर्ष की आयु में ही पराजित किया, और अकेले ही शत्रुओं के लिए दुर्जय वानरराज वाली का वध किया।

श्लोक 140 (skanda.5.258.140)

रावणो ब्रह्मपुत्रो यस्त्रैलोक्यं यस्य शङ्कते। हतः स रामचन्द्रेण सपुत्रः सहबान्धवः।

rāvaṇo brahmaputro yastrailokyaṁ yasya śaṅkate| hataḥ sa rāmacandreṇa saputraḥ sahabāndhavaḥ||

ब्रह्मा के वंशज रावण, जिससे तीनों लोक भयभीत रहते थे, उसे रामचंद्र ने अपने पुत्रों और बंधुओं सहित मार डाला।

श्लोक 141 (skanda.5.258.141)

एवं पुत्रं विना सौख्यं मर्त्यलोके न विद्यते। वंशार्थे मैथुनं यस्य स्वर्गार्थे यस्य भारती।

evaṁ putraṁ vinā saukhyaṁ martyaloke na vidyate| vaṁśārthe maithunaṁ yasya svargārthe yasya bhāratī||

इस प्रकार पुत्र के बिना मृत्युलोक में कोई सुख नहीं है। मैथुन वंश के लिए है, और विद्या (भारती) स्वर्ग के लिए है।

श्लोक 142 (skanda.5.258.142)

मृष्टान्नं ब्राह्मणस्यार्थे स्वर्गे वासं तु यान्ति ते। ब्रह्महत्याश्वमेधाभ्यां न परं पापपुण्ययोः।

mṛṣṭānnaṁ brāhmaṇasyārthe svarge vāsaṁ tu yānti te| brahmahatyāśvamedhābhyāṁ na paraṁ pāpapuṇyayoḥ||

स्वादिष्ट अन्न ब्राह्मणों के लिए है, इससे स्वर्गवास प्राप्त होता है। पाप और पुण्य में ब्रह्महत्या और अश्वमेध से बढ़कर कुछ नहीं है।

श्लोक 143 (skanda.5.258.143)

पुत्रोत्पत्तिविपत्तिभ्यां न परं सुखदुःखयोः। किं ब्रवीमीति भो वत्स न तु सौख्यं सुतं विना।

putrotpattivipattibhyāṁ na paraṁ sukhaduḥkhayoḥ| kiṁ bravīmīti bho vatsa na tu saukhyaṁ sutaṁ vinā||

पुत्र के जन्म और उसकी मृत्यु से बढ़कर सुख और दुःख कुछ नहीं है। हे वत्स! और क्या कहूं, पुत्र के बिना सुख है ही नहीं।

श्लोक 144 (skanda.5.258.144)

एवं बहुविधं दुःखं प्रलपित्वा पुनःपुनः। जनैश्चाश्वासितो विप्रो बालं गृह्य बहिर्गतः।

evaṁ bahuvidhaṁ duḥkhaṁ pralapitvā punaḥpunaḥ| janaiścāśvāsito vipro bālaṁ gṛhya bahirgataḥ||

इस प्रकार बार-बार अनेक प्रकार से विलाप करते हुए, लोगों द्वारा सांत्वना दिए जाने पर वह ब्राह्मण बालक को लेकर बाहर गया।

श्लोक 145 (skanda.5.258.145)

ततः संस्कृत्य तं बालं विधिदृष्टेन कर्मणा। समवेतौ तु दुःखार्तावागतौ स्वगृहं पुनः।

tataḥ saṁskṛtya taṁ bālaṁ vidhidṛṣṭena karmaṇā| samavetau tu duḥkhārtāvāgatau svagṛhaṁ punaḥ||

तत्पश्चात विधिवत कर्म से बालक का संस्कार कर, वे दोनों दुःखार्त होकर पुनः अपने घर लौट आए।

श्लोक 146 (skanda.5.258.146)

एवं गृहागते विप्रे रात्रिर्जाता युधिष्ठिर। भूमौ प्रसुप्तो गोविन्दः पुत्रशोकेन पीडितः।

evaṁ gṛhāgate vipre rātrirjātā yudhiṣṭhira| bhūmau prasupto govindaḥ putraśokena pīḍitaḥ||

हे युधिष्ठिर! इस प्रकार जब ब्राह्मण घर लौटा, रात्रि हो गई। पुत्रशोक से पीड़ित गोविन्द भूमि पर ही सो गया।

श्लोक 147 (skanda.5.258.147)

यावन्निरीक्षते भार्या भर्तारं दुःखपीडितम्। कृमिराशिगतं सर्वं गोविन्दं समपश्यत।

yāvannirīkṣate bhāryā bhartāraṁ duḥkhapīḍitam| kṛmirāśigataṁ sarvaṁ govindaṁ samapaśyata||

जब उसकी पत्नी अपने दुःखपीड़ित पति को देखने लगी, तो उसने गोविन्द के संपूर्ण शरीर को कीड़ों के समूह से भरा हुआ पाया।

श्लोक 148 (skanda.5.258.148)

दुःखाद्दुःखतरे मग्ना दृष्ट्वा तं पातकान्वितम्। एवं दुःखनिमग्नायाः शर्वरी विगता तदा।

duḥkhādduḥkhatare magnā dṛṣṭvā taṁ pātakānvitam| evaṁ duḥkhanimagnāyāḥ śarvarī vigatā tadā||

पाप से आक्रांत उस दृश्य को देखकर वह दुःख से भी अधिक गहरे दुःख में डूब गई। इस प्रकार दुःख में डूबी हुई उसकी वह रात्रि बीत गई।

श्लोक 149 (skanda.5.258.149)

पशुपालस्तु महिषीमुक्त्वारण्येऽगमद्गृहात्। अरण्ये महिषीः सर्वा रक्षयित्वा गृहागतः।

paśupālastu mahiṣīmuktvāraṇye'gamadgṛhāt| araṇye mahiṣīḥ sarvā rakṣayitvā gṛhāgataḥ||

चरवाहा भैंसों को छोड़कर घर से वन में गया। वन में सब भैंसों की रखवाली करके वह पुनः घर लौट आया।

श्लोक 150 (skanda.5.258.150)

विज्ञप्तः पशुपालेन गोविन्दो ब्राह्मणोत्तमः। यावद्भोक्ष्याम्यहं स्वामिन्महिषीस्त्वं च रक्षसे।

vijñaptaḥ paśupālena govindo brāhmaṇottamaḥ| yāvadbhokṣyāmyahaṁ svāminmahiṣīstvaṁ ca rakṣase||

चरवाहे ने श्रेष्ठ ब्राह्मण गोविन्द से निवेदन किया - हे स्वामी! जब तक मैं भोजन कर लूं, तब तक आप भैंसों की रखवाली कर लीजिए।

श्लोक 151 (skanda.5.258.151)

ततः स त्वरितो विप्रो जगाम महिषीः प्रति। न तत्र महिषीः पश्येत्पश्चात्क्षेत्राभिसम्मुखम्।

tataḥ sa tvarito vipro jagāma mahiṣīḥ prati| na tatra mahiṣīḥ paśyetpaścātkṣetrābhisammukham||

तब वह ब्राह्मण शीघ्र ही भैंसों की ओर गया। वहां भैंसों को न देखकर वह फिर खेत की ओर मुड़ा।

श्लोक 152 (skanda.5.258.152)

धावमानश्च विप्रस्तु एरण्डीसङ्गमे गतः। ततः प्रविष्टस्तु जले रेवैरण्ड्योस्तु सङ्गमे।

dhāvamānaśca viprastu eraṇḍīsaṅgame gataḥ| tataḥ praviṣṭastu jale revairaṇḍyostu saṅgame||

दौड़ता हुआ ब्राह्मण एरण्डी के संगम पर पहुंचा। फिर वह रेवा और एरण्डी के संगम के जल में प्रविष्ट हुआ।

श्लोक 153 (skanda.5.258.153)

तज्जलं पीतमात्रं तु त्वरया चातितर्षितः। अकामात्सलिलं पीत्वा प्रक्षाल्य नयने शुभे।

tajjalaṁ pītamātraṁ tu tvarayā cātitarṣitaḥ| akāmātsalilaṁ pītvā prakṣālya nayane śubhe||

अत्यंत प्यास और शीघ्रता के कारण उसने अनजाने में ही (बिना किसी संकल्प के) वह जल पी लिया, और अपने शुभ नेत्र धो लिए।

श्लोक 154 (skanda.5.258.154)

आजगाम ततः पश्चाद्भवनं दिवसक्षये। भुक्त्वा दुःखान्वितो रात्रौ गोविन्दः शयनं ययौ।

ājagāma tataḥ paścādbhavanaṁ divasakṣaye| bhuktvā duḥkhānvito rātrau govindaḥ śayanaṁ yayau||

फिर दिन ढलने पर वह घर लौटा। भोजन कर, दुःखयुक्त गोविन्द रात्रि में शयन करने चला गया।

श्लोक 155 (skanda.5.258.155)

निद्राभिभूतः शोकेन श्रमेणैव तु खेदितः। पुनस्तच्चार्धरात्रे तु तस्य भार्या युधिष्ठिर।

nidrābhibhūtaḥ śokena śrameṇaiva tu kheditaḥ| punastaccārdharātre tu tasya bhāryā yudhiṣṭhira||

नींद से अभिभूत, शोक और श्रम से थका हुआ वह सो गया। फिर आधी रात में, हे युधिष्ठिर, उसकी पत्नी -

श्लोक 156 (skanda.5.258.156)

कृमिभिर्वेष्टितं गान्त्रं क्वचित्पश्यत्यवेष्टितम्। पुनः सा विस्मयाविष्टा तस्य भार्या गुणान्विता। उवाच दुष्कृतं तस्य साध्वसाविष्टचेतसा।

kṛmibhirveṣṭitaṁ gāntraṁ kvacitpaśyatyaveṣṭitam| punaḥ sā vismayāviṣṭā tasya bhāryā guṇānvitā| uvāca duṣkṛtaṁ tasya sādhvasāviṣṭacetasā||

-ने देखा कि उसका शरीर कहीं कीड़ों से ढका है, कहीं मुक्त है। आश्चर्यचकित होकर वह गुणवती पत्नी भयभीत हृदय से उसके दुष्कृत्य के विषय में बोली।

श्लोक 157 (skanda.5.258.157)

भार्योवाच। अतीते पञ्चमे चाह्नि त्विन्धनं क्षिपतस्तु ते। गृहपश्चाद्गतो बालो ह्यज्ञानाद्घातितस्त्वया।

bhāryovāca| atīte pañcame cāhni tvindhanaṁ kṣipatastu te| gṛhapaścādgato bālo hyajñānādghātitastvayā||

पत्नी बोली - पांच दिन पूर्व जब तुम ईंधन उतार रहे थे, तब बालक घर के पीछे चला गया था और अनजाने में तुम्हारे द्वारा ही उसकी मृत्यु हो गई थी।

श्लोक 158 (skanda.5.258.158)

मया तत्पातकं घोरं रहस्यं न प्रकाशितम्। तेन प्रच्छन्नपापेन दह्यमाना दिवानिशम्।

mayā tatpātakaṁ ghoraṁ rahasyaṁ na prakāśitam| tena pracchannapāpena dahyamānā divāniśam||

मैंने उस भयंकर पाप को रहस्य के रूप में प्रकट नहीं किया। उस छिपे हुए पाप से मैं दिन-रात जलती रही हूं।

श्लोक 159 (skanda.5.258.159)

न सुखं तव गात्रस्य पश्यामि न हि चात्मनः। निद्रा मम शमं याता रतिश्चैव त्वया सह।

na sukhaṁ tava gātrasya paśyāmi na hi cātmanaḥ| nidrā mama śamaṁ yātā ratiścaiva tvayā saha||

न तुम्हारे शरीर को और न स्वयं को मैंने सुखी देखा है। मेरी नींद जाती रही और तुम्हारे साथ रति-सुख भी समाप्त हो गया।

श्लोक 160 (skanda.5.258.160)

श्रूयते मानवे शास्त्रे श्लोको गीतो महर्षिभिः। स्मृत्वा स्मृत्वा तु तं चित्ते परितापो न शाम्यति।

śrūyate mānave śāstre śloko gīto maharṣibhiḥ| smṛtvā smṛtvā tu taṁ citte paritāpo na śāmyati||

मानव-शास्त्र में महर्षियों द्वारा गाया गया एक श्लोक सुना जाता है - उसे बार-बार स्मरण करने पर भी हृदय का संताप शांत नहीं होता।

श्लोक 161 (skanda.5.258.161)

कीर्तनान्नश्यते धर्मो वर्धतेऽसौ निगूहनात्। इह लोके परे चैव पापस्याप्येवमेव च।

kīrtanānnaśyate dharmo vardhate'sau nigūhanāt| iha loke pare caiva pāpasyāpyevameva ca||

कीर्तन (प्रकट करने) से धर्म (पुण्य) क्षीण होता है, और छिपाने से वह बढ़ता है - इस लोक और परलोक में पाप के विषय में भी यही नियम है।

श्लोक 162 (skanda.5.258.162)

एवं संचित्यमानाहं स्थिता रात्रौ भयातुरा। कृमिराशिगतं त्वां हि कस्याहं कथयामि किम्।

evaṁ saṁcityamānāhaṁ sthitā rātrau bhayāturā| kṛmirāśigataṁ tvāṁ hi kasyāhaṁ kathayāmi kim||

इस प्रकार विचार करते हुए मैं रात्रि में भय से व्याकुल रहती आई हूं। कीड़ों से आच्छादित तुम्हें मैं किससे और क्या कहूं?

श्लोक 163 (skanda.5.258.163)

पुनस्त्वं चाद्य मे दृष्टो भ्रूणहत्याकृमिश्रितः। क्वचिद्भिन्दन्ति ते गात्रं क्वचिन्नष्टाः समन्ततः।

punastvaṁ cādya me dṛṣṭo bhrūṇahatyākṛmiśritaḥ| kvacidbhindanti te gātraṁ kvacinnaṣṭāḥ samantataḥ||

आज पुनः मैंने तुम्हें भ्रूणहत्या के कीड़ों से युक्त देखा - कहीं वे तुम्हारे शरीर को कुरेद रहे हैं, कहीं सर्वथा लुप्त हो गए हैं।

श्लोक 164 (skanda.5.258.164)

एतत्संस्मृत्य संस्मृत्य विमृशामि पुनःपुनः। न जाने कारणं किंचित्पृच्छन्त्याः कथयस्व मे।

etatsaṁsmṛtya saṁsmṛtya vimṛśāmi punaḥpunaḥ| na jāne kāraṇaṁ kiṁcitpṛcchantyāḥ kathayasva me||

इसका बार-बार स्मरण करते हुए मैं सोचती रहती हूं। मुझे इसका कोई कारण नहीं पता - पूछती हूं, मुझे बताइए।

श्लोक 165 (skanda.5.258.165)

तडागं वा सरिद्वापि तीर्थं वा देवतार्चनम्। यं गतोऽसि प्रभावोऽयं तस्य नान्यस्य मे स्थितम्।

taḍāgaṁ vā saridvāpi tīrthaṁ vā devatārcanam| yaṁ gato'si prabhāvo'yaṁ tasya nānyasya me sthitam||

कोई तालाब, नदी, तीर्थ अथवा देव-पूजन - जहां भी तुम गए हो, यह उसी का प्रभाव है, मुझे निश्चित है कि इसका अन्य कोई कारण नहीं है।

श्लोक 166 (skanda.5.258.166)

एवमुक्तस्तु विप्रोऽसौ कथयामास भारत। भार्याया यद्दिवा वृत्तं शङ्कमानो नृपोत्तम।

evamuktastu vipro'sau kathayāmāsa bhārata| bhāryāyā yaddivā vṛttaṁ śaṅkamāno nṛpottama||

हे भारत! हे नृपोत्तम! इस प्रकार पूछे जाने पर वह ब्राह्मण स्वयं संशयग्रस्त होते हुए भी अपनी पत्नी को उस दिन घटी बात बताने लगा।

श्लोक 167 (skanda.5.258.167)

अद्याहं महिषीसार्थं एरण्डीसङ्गमं गतः। नाभिमात्रे जले गत्वा पीतवान्सलिलं बहु।

adyāhaṁ mahiṣīsārthaṁ eraṇḍīsaṅgamaṁ gataḥ| nābhimātre jale gatvā pītavānsalilaṁ bahu||

आज मैं भैंसों की खोज में एरण्डी संगम गया था। नाभि तक जल में जाकर मैंने वहां का बहुत सा जल पी लिया।

श्लोक 168 (skanda.5.258.168)

नान्यत्तीर्थं विजानामि सरितं सर एव वा। सत्यं सत्यं पुनः सत्यं कथितं तव भामिनि।

nānyattīrthaṁ vijānāmi saritaṁ sara eva vā| satyaṁ satyaṁ punaḥ satyaṁ kathitaṁ tava bhāmini||

इसके अतिरिक्त मैं किसी अन्य तीर्थ, नदी या सरोवर को नहीं जानता। हे भामिनी! सत्य, सत्य, पुनः सत्य ही मैंने तुम्हें बताया है।

श्लोक 169 (skanda.5.258.169)

एवं ज्ञात्वा तु सा सर्वमुपवासकृतक्षणा। सपत्नीको गतस्तत्र सङ्गमे वरवर्णिनि।

evaṁ jñātvā tu sā sarvamupavāsakṛtakṣaṇā| sapatnīko gatastatra saṅgame varavarṇini||

यह सब जानकर वह उपवास का संकल्प लेकर, हे वरवर्णिनी, अपने पति सहित उस संगम पर गई।

श्लोक 170 (skanda.5.258.170)

स्नात्वा तत्र जले रम्ये नत्वा देवं तु भास्करम्। स्नापयामास देवेशं शङ्करं चोमया सह।

snātvā tatra jale ramye natvā devaṁ tu bhāskaram| snāpayāmāsa deveśaṁ śaṅkaraṁ comayā saha||

वहां के रमणीय जल में स्नान कर, सूर्यदेव को प्रणाम कर, उन्होंने उमा सहित देवेश शंकर को स्नान कराया।

श्लोक 171 (skanda.5.258.171)

पञ्चगव्यघृतक्षीरैर्दधिक्षौद्रघृतैर्जलैः। गन्धमाल्यादिधूपैश्च नैवेद्यैश्च सुशोभनैः।

pañcagavyaghṛtakṣīrairdadhikṣaudraghṛtairjalaiḥ| gandhamālyādidhūpaiśca naivedyaiśca suśobhanaiḥ||

पंचगव्य, घृत, दुग्ध, दधि, मधु, जल से, तथा गंध, माल्य, धूप और सुंदर नैवेद्यों से -

श्लोक 172 (skanda.5.258.172)

पूज्य त्रयीमयं लिङ्गं देवीं कात्यायनीं शुभाम्। रात्रौ जागरणं कृत्वा पत्यासि पतिव्रता।

pūjya trayīmayaṁ liṅgaṁ devīṁ kātyāyanīṁ śubhām| rātrau jāgaraṇaṁ kṛtvā patyāsi pativratā||

-वेदत्रयी-स्वरूप शिवलिंग तथा शुभ देवी कात्यायनी की पूजा कर, वह पतिव्रता स्त्री अपने पति के साथ रात्रि में जागरण करती रही।

श्लोक 173 (skanda.5.258.173)

ततः प्रभाते विमले द्विजान्सम्पूज्य यत्नतः। गोदानेन हिरण्येन वस्त्रेणान्नेन भारत।

tataḥ prabhāte vimale dvijānsampūjya yatnataḥ| godānena hiraṇyena vastreṇānnena bhārata||

हे भारत! तत्पश्चात स्वच्छ प्रातःकाल में यत्नपूर्वक ब्राह्मणों की पूजा कर, गौ, स्वर्ण, वस्त्र और अन्न के दान से -

श्लोक 174 (skanda.5.258.174)

गोविन्दः पूजयामास स्वशक्त्या ब्राह्मणाञ्छुभान्। मुक्तपापो गृहायातः स्वभार्यासहितो नृप।

govindaḥ pūjayāmāsa svaśaktyā brāhmaṇāñchubhān| muktapāpo gṛhāyātaḥ svabhāryāsahito nṛpa||

-गोविन्द ने अपनी शक्ति के अनुसार शुभ ब्राह्मणों की पूजा की। हे नृप! पापमुक्त होकर वह अपनी पत्नी सहित घर लौट आया।

श्लोक 175 (skanda.5.258.175)

एवं यः शृणुते भक्त्या गोविन्दाख्यानमुत्तमम्। पठते परया भक्त्या भ्रूणहत्या प्रणश्यति।

evaṁ yaḥ śṛṇute bhaktyā govindākhyānamuttamam| paṭhate parayā bhaktyā bhrūṇahatyā praṇaśyati||

जो कोई भक्तिपूर्वक गोविन्द की इस उत्तम कथा को सुनता है, अथवा परम भक्ति से इसे पढ़ता है, उसकी भ्रूणहत्या नष्ट हो जाती है।

श्लोक 176 (skanda.5.258.176)

क्रीडते शांकरे लोके यावदाभूतसम्प्लवम्। यश्चैवाश्वयुजे मासि चैत्रे वा नृपसत्तम।

krīḍate śāṁkare loke yāvadābhūtasamplavam| yaścaivāśvayuje māsi caitre vā nṛpasattama||

वह प्रलयकाल तक शंकर के लोक में क्रीड़ा करता है। और हे नृपसत्तम! जो कोई आश्विन अथवा चैत्र मास में -

श्लोक 177 (skanda.5.258.177)

सप्तम्यां च सिते पक्षे सोपवासो जितेन्द्रियः। सात्त्विकीं वासनां कृत्वा यो वसेच्छिवमन्दिरे।

saptamyāṁ ca site pakṣe sopavāso jitendriyaḥ| sāttvikīṁ vāsanāṁ kṛtvā yo vasecchivamandire||

-शुक्ल पक्ष की सप्तमी को उपवास कर, जितेन्द्रिय होकर, सात्त्विक भाव धारण कर शिवमंदिर में निवास करता है -

श्लोक 178 (skanda.5.258.178)

ध्यायमानो विरूपाक्षं त्रिशूलकरसंस्थितम्। कंसासुरनिहन्तारं शङ्खचक्रगदाधरम्।

dhyāyamāno virūpākṣaṁ triśūlakarasaṁsthitam| kaṁsāsuranihantāraṁ śaṅkhacakragadādharam||

-त्रिशूलधारी विरूपाक्ष (शिव) का, तथा शंख-चक्र-गदाधारी कंसासुर-निहन्ता (विष्णु) का ध्यान करते हुए -

श्लोक 179 (skanda.5.258.179)

पक्षिराजसमारूढं त्रैलोक्यवरदायकम्। पितामहं ततो ध्यायेद्धंसस्थं चतुराननम्।

pakṣirājasamārūḍhaṁ trailokyavaradāyakam| pitāmahaṁ tato dhyāyeddhaṁsasthaṁ caturānanam||

-गरुड़ पर आरूढ़, त्रैलोक्य को वरदान देने वाले विष्णु का, फिर हंसारूढ़, चतुर्मुख पितामह ब्रह्मा का ध्यान करना चाहिए।

श्लोक 180 (skanda.5.258.180)

सर्गप्रदं समस्तस्य कमलाकरशोभितम्। यो ह्येवं वसते तत्र त्रियमे स्थान उत्तमे।

sargapradaṁ samastasya kamalākaraśobhitam| yo hyevaṁ vasate tatra triyame sthāna uttame||

समस्त सृष्टि के प्रदाता, कमलधारी ब्रह्मा का ध्यान करते हुए जो इस प्रकार उस उत्तम स्थान में रात्रि के तृतीय प्रहर में निवास करता है -

श्लोक 181 (skanda.5.258.181)

ततः प्रभाते विमले ह्यष्टम्यां च नराधिप। ब्राह्मणान् पूजयेद्भक्त्या सर्वदोषविवर्जितान्।

tataḥ prabhāte vimale hyaṣṭamyāṁ ca narādhipa| brāhmaṇān pūjayedbhaktyā sarvadoṣavivarjitān||

-हे नराधिप! फिर स्वच्छ प्रातःकाल अष्टमी तिथि को समस्त दोषों से रहित ब्राह्मणों की भक्तिपूर्वक पूजा करे -

श्लोक 182 (skanda.5.258.182)

सर्वावयवसम्पूर्णान्सर्वशास्त्रविशारदान्। वेदाभ्यासरतान्नित्यं स्वदारनिरतान्सदा।

sarvāvayavasampūrṇānsarvaśāstraviśāradān| vedābhyāsaratānnityaṁ svadāraniratānsadā||

-सर्वांग-संपूर्ण, समस्त शास्त्रों में निपुण, सदैव वेदाभ्यास में रत तथा अपनी पत्नी के प्रति सदा निष्ठावान ब्राह्मणों की -

श्लोक 183 (skanda.5.258.183)

श्राद्धे दाने व्रते योग्यान् ब्राह्मणान् पाण्डुनन्दन। प्रेतानां पूजनं तत्र देवपूर्वं समारभेत्।

śrāddhe dāne vrate yogyān brāhmaṇān pāṇḍunandana| pretānāṁ pūjanaṁ tatra devapūrvaṁ samārabhet||

हे पाण्डुनन्दन! श्राद्ध, दान और व्रत के योग्य ब्राह्मणों की पूजा करके, वहां देव-पूजन के पश्चात प्रेतों (पितरों) का पूजन आरंभ करना चाहिए।

श्लोक 184 (skanda.5.258.184)

प्रेतत्वान्मुच्यते शीघ्रमेरण्ड्यां पिण्डतर्पणैः। दानानि तत्र देयानि ह्यन्नमुख्यानि सर्वदा।

pretatvānmucyate śīghrameraṇḍyāṁ piṇḍatarpaṇaiḥ| dānāni tatra deyāni hyannamukhyāni sarvadā||

एरण्डी में पिंडदान और तर्पण करने से प्रेतत्व से शीघ्र मुक्ति मिलती है। वहां सदैव अन्न-प्रधान दान देने चाहिए।

श्लोक 185 (skanda.5.258.185)

हिरण्यभूमिकन्याश्च धूर्वाहौ शुभलक्षणौ। सीरेण सहितौ पार्थ धान्यं द्रोणकसंख्यया।

hiraṇyabhūmikanyāśca dhūrvāhau śubhalakṣaṇau| sīreṇa sahitau pārtha dhānyaṁ droṇakasaṁkhyayā||

स्वर्ण, भूमि, कन्या, शुभ लक्षणों वाले जुए के दो बैल हल सहित, हे पार्थ! तथा द्रोण-परिमाण से धान्य दान करना चाहिए।

श्लोक 186 (skanda.5.258.186)

अलंकृतां सवत्सां च क्षीरिणीं तरुणीं सिताम्। रक्तां वा कृष्णवर्णां वा पाटलां कपिलां तथा।

alaṁkṛtāṁ savatsāṁ ca kṣīriṇīṁ taruṇīṁ sitām| raktāṁ vā kṛṣṇavarṇāṁ vā pāṭalāṁ kapilāṁ tathā||

तथा बछड़े सहित अलंकृत, दूध देने वाली, तरुण, श्वेत अथवा लाल, काली, गुलाबी अथवा भूरे रंग की गाय -

श्लोक 187 (skanda.5.258.187)

कांस्यदोहनसंयुक्तां रुक्मखुरविभूषणाम्। स्वर्णशृङ्गीं सवत्सां च ब्राह्मणायोपपादयेत्।

kāṁsyadohanasaṁyuktāṁ rukmakhuravibhūṣaṇām| svarṇaśṛṅgīṁ savatsāṁ ca brāhmaṇāyopapādayet||

-कांसे के दोहन-पात्र सहित, स्वर्णिम खुरों से विभूषित, सुवर्ण-सींगों वाली, बछड़े सहित उस गाय को ब्राह्मण को अर्पित करना चाहिए।

श्लोक 188 (skanda.5.258.188)

प्रीयतां मे जगन्नाथा हरकृष्णपितामहाः। संसाररक्षणी देवी सुरभी मां समुद्धरेत्।

prīyatāṁ me jagannāthā harakṛṣṇapitāmahāḥ| saṁsārarakṣaṇī devī surabhī māṁ samuddharet||

(संकल्प-वाक्य) हर, कृष्ण और पितामह, ये जगन्नाथ मुझ पर प्रसन्न हों। संसार की रक्षक देवी सुरभि मेरा उद्धार करें।

श्लोक 189 (skanda.5.258.189)

पुत्रार्थं याः स्त्रियः पार्थ ह्येरण्डीसङ्गमे नृप। स्नाप्यन्ते रुद्रसूक्तैश्च चतुर्वेदोद्भवैस्तथा।

putrārthaṁ yāḥ striyaḥ pārtha hyeraṇḍīsaṅgame nṛpa| snāpyante rudrasūktaiśca caturvedodbhavaistathā||

हे पार्थ! हे नृप! पुत्र-कामना वाली जिन स्त्रियों को एरण्डी संगम में चारों वेदों से उद्भूत रुद्र-सूक्तों से स्नान कराया जाता है -

श्लोक 190 (skanda.5.258.190)

चतुर्भिर्ब्राह्मणैः शस्तं द्वाभ्यां योग्यैश्च कारयेत्। एकेन सार्द्रकुम्भेन दाम्पत्यमभिषेचयेत्।

caturbhirbrāhmaṇaiḥ śastaṁ dvābhyāṁ yogyaiśca kārayet| ekena sārdrakumbhena dāmpatyamabhiṣecayet||

-यह विधि चार ब्राह्मणों द्वारा प्रशस्त मानी गई है, अथवा दो योग्य ब्राह्मणों से भी करा सकते हैं। एक जलपूर्ण कलश से दंपति का अभिषेक करना चाहिए।

श्लोक 191 (skanda.5.258.191)

दैवज्ञेनैव चैकेन अथवा सामगेन वा। पञ्चरत्नसमायुक्तं कुम्भे तत्रैव कारयेत्।

daivajñenaiva caikena athavā sāmagena vā| pañcaratnasamāyuktaṁ kumbhe tatraiva kārayet||

किसी दैवज्ञ (ज्योतिषी) अथवा सामवेदी ब्राह्मण से पंचरत्नयुक्त कलश वहीं तैयार कराना चाहिए।

श्लोक 192 (skanda.5.258.192)

गन्धतोयसमायुक्तं सर्वौषधिविमिश्रितम्। आम्रपल्लवसंयुक्तमश्वत्थमधुकं तथा।

gandhatoyasamāyuktaṁ sarvauṣadhivimiśritam| āmrapallavasaṁyuktamaśvatthamadhukaṁ tathā||

वह गंधयुक्त जल और समस्त औषधियों से मिश्रित हो, आम्र-पल्लव, पीपल और महुए की टहनियों सहित हो -

श्लोक 193 (skanda.5.258.193)

गुण्ठितं सितवस्त्रेण सितचन्दनचर्चितम्। सितपुष्पैस्तु संछन्नं सिद्धार्थकृतमध्यमम्।

guṇṭhitaṁ sitavastreṇa sitacandanacarcitam| sitapuṣpaistu saṁchannaṁ siddhārthakṛtamadhyamam||

-श्वेत वस्त्र से आवृत, श्वेत चंदन से लिप्त, श्वेत पुष्पों से आच्छादित और मध्य में सरसों रखी हो।

श्लोक 194 (skanda.5.258.194)

कांस्यपात्रे तु संस्थाप्य पुत्रार्थी देशिकोत्तमः। अङ्गलग्नं तु यद्वस्त्रं कटकाभरणं तथा।

kāṁsyapātre tu saṁsthāpya putrārthī deśikottamaḥ| aṅgalagnaṁ tu yadvastraṁ kaṭakābharaṇaṁ tathā||

कांस्यपात्र में उसे स्थापित कर, पुत्रार्थी को श्रेष्ठ आचार्य के निर्देशन में - शरीर से लगे वस्त्र, कंगन और आभूषण -

श्लोक 195 (skanda.5.258.195)

तत्सर्वं मण्डले त्याज्यं सिद्ध्यर्थं चात्मनस्तदा। प्रणम्य भास्करं पश्चादाचार्यं रुद्ररूपिणम्।

tatsarvaṁ maṇḍale tyājyaṁ siddhyarthaṁ cātmanastadā| praṇamya bhāskaraṁ paścādācāryaṁ rudrarūpiṇam||

-वह सब मंडल में सिद्धि की प्राप्ति हेतु त्याग देना चाहिए। तत्पश्चात सूर्य को तथा रुद्ररूपधारी आचार्य को प्रणाम कर -

श्लोक 196 (skanda.5.258.196)

मधुरं च ततोऽश्नीयाद्देव्या भुवन उत्तमे। फलदानं च विप्राय छत्रं ताम्बूलमेव च।

madhuraṁ ca tato'śnīyāddevyā bhuvana uttame| phaladānaṁ ca viprāya chatraṁ tāmbūlameva ca||

-देवी के उत्तम भुवन में कुछ मधुर पदार्थ ग्रहण करे। ब्राह्मण को फल, छत्र और ताम्बूल का दान दे -

श्लोक 197 (skanda.5.258.197)

उपानहौ च यानं च स भवेद्दुःखवर्जितः। भास्करे क्रीडते लोके यावदाभूतसम्प्लवम्।

upānahau ca yānaṁ ca sa bhavedduḥkhavarjitaḥ| bhāskare krīḍate loke yāvadābhūtasamplavam||

-तथा उपानह (जूते) और यान (सवारी) का दान देने वाला व्यक्ति दुःखरहित होकर सूर्यलोक में प्रलयकाल तक क्रीड़ा करता है।

श्लोक 198 (skanda.5.258.198)

दानं कोटिगुणं सर्वं शुभं वा यदि वाशुभम्। यथा नदीनदाः सर्वे सागरे यान्ति संक्षयम्।

dānaṁ koṭiguṇaṁ sarvaṁ śubhaṁ vā yadi vāśubham| yathā nadīnadāḥ sarve sāgare yānti saṁkṣayam||

वहां किया गया प्रत्येक दान, चाहे शुभ हो या अशुभ, कोटिगुणित फलदायी होता है - जैसे सभी नदी-नद सागर में जाकर विलीन हो जाते हैं।

श्लोक 199 (skanda.5.258.199)

एवं पापानि नश्यन्ति ह्येरण्डीसङ्गमे नृणाम्। समन्ताच्छस्त्रपातेन ह्येरण्डीसङ्गमे नृप।

evaṁ pāpāni naśyanti hyeraṇḍīsaṅgame nṛṇām| samantācchastrapātena hyeraṇḍīsaṅgame nṛpa||

इस प्रकार एरण्डी संगम में मनुष्यों के पाप नष्ट हो जाते हैं। हे नृप! एरण्डी संगम में सब ओर से शस्त्र-पतन के समान फल भी प्राप्त होता है।

श्लोक 200 (skanda.5.258.200)

भ्रूणहत्यासमं पापं नश्यते शङ्करोऽब्रवीत्। प्राणत्यागं च यो भक्त्या जातवेदसि कारयेत्।

bhrūṇahatyāsamaṁ pāpaṁ naśyate śaṅkaro'bravīt| prāṇatyāgaṁ ca yo bhaktyā jātavedasi kārayet||

भ्रूणहत्या के समान पाप भी नष्ट हो जाता है - ऐसा शंकर ने कहा। और जो भक्तिपूर्वक अग्नि में प्राणत्याग करता है -

श्लोक 201 (skanda.5.258.201)

अनाशकं नृपश्रेष्ठ जले वा तदनन्तरम्। पञ्चसाहस्रिकं मानं वर्षाणां जातवेदसि।

anāśakaṁ nṛpaśreṣṭha jale vā tadanantaram| pañcasāhasrikaṁ mānaṁ varṣāṇāṁ jātavedasi||

-अथवा अनशन से, अथवा जल में प्राणत्याग करता है, हे नृपश्रेष्ठ! अग्नि में प्राणत्याग का फल पांच सहस्र वर्ष कहा गया है।

श्लोक 202 (skanda.5.258.202)

जले त्रीणि सहस्राण्यनाशके षष्टिं भुञ्जते। काका बकाः कपोताश्च ह्युलूकाः पशवस्तथा।

jale trīṇi sahasrāṇyanāśake ṣaṣṭiṁ bhuñjate| kākā bakāḥ kapotāśca hyulūkāḥ paśavastathā||

जल में मृत्यु का फल तीन सहस्र वर्ष है, अनशन से मृत्यु का साठ (सहस्र वर्ष) कहा गया है। कौवे, बगुले, कबूतर, उल्लू तथा पशु भी -

श्लोक 203 (skanda.5.258.203)

संगमोदकसंस्पृष्टास्ते यान्ति परमां गतिम्। वृक्षाश्च तत्पदं ज्ञात्वा यां गतिं यान्ति योगिनः।

saṁgamodakasaṁspṛṣṭāste yānti paramāṁ gatim| vṛkṣāśca tatpadaṁ jñātvā yāṁ gatiṁ yānti yoginaḥ||

-उस संगम के जल से स्पर्श मात्र होने पर परम गति को प्राप्त करते हैं। वृक्ष भी उस स्थान को जानकर वही गति पाते हैं, जो योगीजन प्राप्त करते हैं।

श्लोक 204 (skanda.5.258.204)

एरण्डिका मया देवी दृष्टो मे मन्मथेश्वरः। किं समर्थो यमो रुष्टो भद्रो भद्राणि पश्यति।

eraṇḍikā mayā devī dṛṣṭo me manmatheśvaraḥ| kiṁ samartho yamo ruṣṭo bhadro bhadrāṇi paśyati||

(जो कहता है) मैंने एरण्डिका देवी के दर्शन किए हैं और मैंने मन्मथेश्वर (शिव) को देखा है - उसके लिए क्रुद्ध यम भी क्या कर सकता है? भद्र पुरुष सदैव भद्र ही देखता है।

श्लोक 205 (skanda.5.258.205)

मृत्तिकां सङ्गमोद्भूतां ये च गुण्ठन्ति नित्यशः। भ्रूणहत्यादिपापानि नश्यन्ते नात्र संशयः।

mṛttikāṁ saṅgamodbhūtāṁ ye ca guṇṭhanti nityaśaḥ| bhrūṇahatyādipāpāni naśyante nātra saṁśayaḥ||

जो संगम की मिट्टी को नित्य अपने शरीर पर लगाते हैं, उनके भ्रूणहत्या आदि पाप नष्ट हो जाते हैं, इसमें संदेह नहीं।

श्लोक 206 (skanda.5.258.206)

एरण्डीसङ्गमे मर्त्यो लुण्ठ्यमानो नराधिप। सर्वपापैर्विनिर्मुक्तः पदं गच्छत्यनामयम्।

eraṇḍīsaṅgame martyo luṇṭhyamāno narādhipa| sarvapāpairvinirmuktaḥ padaṁ gacchatyanāmayam||

हे नराधिप! एरण्डी संगम में भूमि पर लोटने वाला मनुष्य समस्त पापों से मुक्त होकर उस निरामय पद को प्राप्त करता है।

श्लोक 207 (skanda.5.258.207)

एरण्ड्याः सङ्गमं मर्त्याः कीर्तयन्त्याश्रमस्थिताः। विमुक्तपापा जायन्ते सत्यं शङ्करभाषितम्।

eraṇḍyāḥ saṅgamaṁ martyāḥ kīrtayantyāśramasthitāḥ| vimuktapāpā jāyante satyaṁ śaṅkarabhāṣitam||

आश्रमों में स्थित मनुष्य जो एरण्डी के संगम का कीर्तन करते हैं, वे पापमुक्त हो जाते हैं - यह शंकर का कहा हुआ सत्य वचन है।

श्लोक 208 (skanda.5.258.208)

एरण्डीपादपाग्रैस्तु दृष्टैः पापं व्यपोहति।

eraṇḍīpādapāgraistu dṛṣṭaiḥ pāpaṁ vyapohati||

एरण्डी वृक्ष की शाखाओं के अग्रभाग को देखने मात्र से भी पाप दूर हो जाता है।

श्लोक 209 (skanda.5.258.209)

तीर्थाख्यानमिदं पुण्यं ये पठिष्यन्ति मानवाः। शृण्वन्ति चापरे भक्त्या मुक्तपापा भवन्ति ते।

tīrthākhyānamidaṁ puṇyaṁ ye paṭhiṣyanti mānavāḥ| śṛṇvanti cāpare bhaktyā muktapāpā bhavanti te||

जो मनुष्य इस पुण्य तीर्थ-कथा को पढ़ेंगे, और अन्य जो भक्तिपूर्वक सुनेंगे, वे सभी पापमुक्त हो जाएंगे।

श्लोक 210 (skanda.5.258.210)

एतत्ते सर्वमाख्यातमेरण्डीसङ्गमं नृप। भूयश्चान्यत्प्रवक्ष्यामि सर्वपापक्षयंकरम्।

etatte sarvamākhyātameraṇḍīsaṅgamaṁ nṛpa| bhūyaścānyatpravakṣyāmi sarvapāpakṣayaṁkaram||

हे नृप! इस प्रकार मैंने तुम्हें एरण्डी संगम का संपूर्ण वृत्तांत बताया। अब मैं आगे एक अन्य ऐसे तीर्थ का वर्णन करूंगा, जो समस्त पापों का नाशक है।