सर्पतीर्थ माहात्म्य वर्णन

श्लोक 1 (skanda.5.316.1)

ततो गच्छेन्महाराज सर्पतीर्थमनुत्तमम्। यत्र सिद्धा महासर्पास्तपस्तप्त्वा युधिष्ठिर॥

tato gacchenmahārāja sarpatīrthamanuttamam| yatra siddhā mahāsarpāstapastaptvā yudhiṣṭhira||

श्रीमार्कण्डेय बोले - हे महाराज युधिष्ठिर! तत्पश्चात् सर्वश्रेष्ठ सर्पतीर्थ में जाना चाहिए, जहाँ महासर्पों ने तप करके सिद्धि प्राप्त की।

श्लोक 2 (skanda.5.316.2)

वासुकिस्तक्षको घोरः सार्प ऐरावतस्तथा। कालियश्च महाभागः कर्कोटकधनंजयौ॥

vāsukistakṣako ghoraḥ sārpa airāvatastathā| kāliyaśca mahābhāgaḥ karkoṭakadhanaṁjayau||

वासुकि, भयंकर तक्षक, सर्पराज ऐरावत, महाभाग्यशाली कालिय, कर्कोटक और धनंजय -

श्लोक 3 (skanda.5.316.3)

शङ्खचूडो महातेजा धृतराष्ट्रो वृकोदरः। कुलिको वामनश्चैव तेषां ये पुत्रपौत्रिणः॥

śaṅkhacūḍo mahātejā dhṛtarāṣṭro vṛkodaraḥ| kuliko vāmanaścaiva teṣāṁ ye putrapautriṇaḥ||

- महातेजस्वी शंखचूड़, धृतराष्ट्र, वृकोदर, कुलिक तथा वामन, और उनके पुत्र-पौत्र भी,

श्लोक 4 (skanda.5.316.4)

तत्र तीर्थे महापुण्ये तपस्तप्त्वा सुदुष्करम्। भुञ्जन्ति विविधान्भोगान्क्रीडन्ति च यथासुखम्॥

tatra tīrthe mahāpuṇye tapastaptvā suduṣkaram| bhuñjanti vividhānbhogānkrīḍanti ca yathāsukham||

- उस महापुण्यमय तीर्थ में अत्यन्त दुष्कर तप करके, विविध भोगों को भोगते हैं और यथेच्छ क्रीड़ा करते हैं।

श्लोक 5 (skanda.5.316.5)

तत्र तीर्थे तु यः स्नात्वा तर्पयेत्पितृदेवताः। वाजपेयफलं तस्य पुरा प्रोवाच शङ्करः॥

tatra tīrthe tu yaḥ snātvā tarpayetpitṛdevatāḥ| vājapeyaphalaṁ tasya purā provāca śaṅkaraḥ||

उस तीर्थ में स्नान करके जो पितरों और देवताओं को तर्पण देता है, उसे वाजपेय यज्ञ का फल प्राप्त होता है - ऐसा पूर्वकाल में शंकर ने कहा था।

श्लोक 6 (skanda.5.316.6)

स्नातानां सर्पतीर्थे तु नराणां भुवि भारत। सर्पवृश्चिकजातिभ्यो न भयं विद्यते क्वचित्॥

snātānāṁ sarpatīrthe tu narāṇāṁ bhuvi bhārata| sarpavṛścikajātibhyo na bhayaṁ vidyate kvacit||

हे भारत! सर्पतीर्थ में स्नान करने वाले मनुष्यों को पृथ्वी पर सर्प और बिच्छू की जाति से कभी भी भय नहीं होता।

श्लोक 7 (skanda.5.316.7)

मृतो भोगवतीं गत्वा पूज्यमानो महोरगैः। नागकन्यापरिवृतो महाभोगपतिर्भवेत्॥

mṛto bhogavatīṁ gatvā pūjyamāno mahoragaiḥ| nāgakanyāparivṛto mahābhogapatirbhavet||

मरने पर वह भोगवती पुरी को जाकर, महानागों द्वारा पूजित तथा नागकन्याओं से घिरा हुआ, महान् भोग-सम्पन्न स्वामी बनता है।

श्लोक 8 (skanda.5.316.8)

मार्गशीर्षस्य मासस्य कृष्णपक्षे च याष्टमी। सोपवासः शुचिर्भूत्वा लिङ्गं सम्पूरयेत्तिलैः। यथाविभवसारेण गन्धपुष्पैः समर्चयेत्॥

mārgaśīrṣasya māsasya kṛṣṇapakṣe ca yāṣṭamī| sopavāsaḥ śucirbhūtvā liṅgaṁ sampūrayettilaiḥ| yathāvibhavasāreṇa gandhapuṣpaiḥ samarcayet||

मार्गशीर्ष मास के कृष्णपक्ष की जो अष्टमी है, उस दिन उपवासपूर्वक, पवित्र होकर, लिंग को तिलों से पूरित करे, तथा अपनी सामर्थ्य के अनुसार गन्ध-पुष्पों से पूजा करे।

श्लोक 9 (skanda.5.316.9)

एवं विधाय विधिवत्प्रणिपत्य क्षमापयेत्। तस्य यत्फलमुद्दिष्टं तच्छृणुष्व नरेश्वर॥

evaṁ vidhāya vidhivatpraṇipatya kṣamāpayet| tasya yatphalamuddiṣṭaṁ tacchṛṇuṣva nareśvara||

इस प्रकार विधिपूर्वक करके, प्रणाम करके क्षमा माँगे। उसका जो फल कहा गया है, हे नरेश्वर! उसे सुनो।

श्लोक 10 (skanda.5.316.10)

तिलास्तत्र च यत्संख्याः पत्रपुष्पफलानि च। तावत्स्वर्गपुरे राजन्मोदते कालमीप्सितम्॥

tilāstatra ca yatsaṁkhyāḥ patrapuṣpaphalāni ca| tāvatsvargapure rājanmodate kālamīpsitam||

उस लिंगपूरण में जितने तिल, पत्र, पुष्प और फल होते हैं, हे राजन्! उतने ही समय तक वह स्वर्गपुरी में इच्छानुसार आनन्द भोगता है।

श्लोक 11 (skanda.5.316.11)

ततः स्वर्गात्परिभ्रष्टो जायते विमले कुले। सुरूपः सुभगश्चैव धनकोटिपतिर्भवेत्॥

tataḥ svargātparibhraṣṭo jāyate vimale kule| surūpaḥ subhagaścaiva dhanakoṭipatirbhavet||

तत्पश्चात् स्वर्ग से च्युत होकर वह निर्मल कुल में जन्म लेता है, सुन्दर रूप वाला, सौभाग्यशाली तथा करोड़ों धन का स्वामी बनता है।