गोपेश्वर तीर्थ माहात्म्य वर्णन

श्लोक 1 (skanda.5.317.1)

गोपेश्वरं ततो गच्छेत्सर्पक्षेत्रादनन्तरम्। यत्र स्नानेन चैकेन मुच्यन्ते पातकैर्नराः॥

gopeśvaraṁ tato gacchetsarpakṣetrādanantaram| yatra snānena caikena mucyante pātakairnarāḥ||

श्रीमार्कण्डेय बोले - सर्पक्षेत्र के अनन्तर गोपेश्वर में जाना चाहिए, जहाँ एक ही स्नान से मनुष्य पापों से मुक्त हो जाते हैं।

श्लोक 2 (skanda.5.317.2)

तत्र तीर्थे तु यः स्नात्वा कुरुते प्राणसंक्षयम्। स गच्छेद्यदि युक्तोऽपि पापेन शिवमन्दिरम्॥

tatra tīrthe tu yaḥ snātvā kurute prāṇasaṁkṣayam| sa gacchedyadi yukto'pi pāpena śivamandiram||

उस तीर्थ में स्नान करके जो प्राणत्याग करता है, वह पाप से युक्त होते हुए भी शिवमन्दिर को जाता है।

श्लोक 3 (skanda.5.317.3)

तत्र तीर्थे तु यः स्नात्वा पूजयेद्देवमीश्वरम्। मुच्यते सर्वपापैश्च रुद्रलोकं स गच्छति॥

tatra tīrthe tu yaḥ snātvā pūjayeddevamīśvaram| mucyate sarvapāpaiśca rudralokaṁ sa gacchati||

उस तीर्थ में स्नान करके जो ईश्वर देव की पूजा करता है, वह समस्त पापों से मुक्त होकर रुद्रलोक को जाता है।

श्लोक 4 (skanda.5.317.4)

क्रीडित्वा च यथाकामं रुद्रलोके महातपाः। इह मानुष्यतां प्राप्य राजा भवति धार्मिकः॥

krīḍitvā ca yathākāmaṁ rudraloke mahātapāḥ| iha mānuṣyatāṁ prāpya rājā bhavati dhārmikaḥ||

रुद्रलोक में यथेच्छ क्रीड़ा करके, महान् तपस्वी होकर, यहाँ मनुष्य-योनि को प्राप्त कर वह धार्मिक राजा बनता है।

श्लोक 5 (skanda.5.317.5)

हस्त्यश्वरथसम्पन्नो दासीदाससमन्वितः। पूज्यमानो नरेन्द्रैश्च जीवेद्वर्षशतं सुखी॥

hastyaśvarathasampanno dāsīdāsasamanvitaḥ| pūjyamāno narendraiśca jīvedvarṣaśataṁ sukhī||

हाथी, घोड़े और रथों से सम्पन्न, दासी-दासों से युक्त, अन्य राजाओं द्वारा सम्मानित, वह सौ वर्षों तक सुखपूर्वक जीवित रहता है।