सिद्धेश्वरी देवी माहात्म्य वर्णन

श्लोक 1 (skanda.5.321.1)

मार्कण्डेय उवाच। ततः सिद्धेश्वरी देवी वैष्णवी पापनाशिनी। आनन्दं परमं प्राप्ता दृष्ट्वा स्थानं सुशोभनम्॥

mārkaṇḍeya uvāca| tataḥ siddheśvarī devī vaiṣṇavī pāpanāśinī| ānandaṁ paramaṁ prāptā dṛṣṭvā sthānaṁ suśobhanam||

मार्कण्डेय बोले - तत्पश्चात् वैष्णवी, पाप-नाशिनी सिद्धेश्वरी देवी हैं, जिन्होंने उस सुशोभन स्थान को देखकर परम आनन्द प्राप्त किया।

श्लोक 2 (skanda.5.321.2)

तत्र तीर्थे नरः स्नात्वा पूजयेत्पितृदेवताः। देवीं पश्यति यो भक्त्या मुच्यते सर्वपातकैः॥

tatra tīrthe naraḥ snātvā pūjayetpitṛdevatāḥ| devīṁ paśyati yo bhaktyā mucyate sarvapātakaiḥ||

उस तीर्थ में स्नान करके मनुष्य पितरों और देवताओं की पूजा करे। जो भक्तिपूर्वक देवी का दर्शन करता है, वह समस्त पापों से मुक्त हो जाता है।

श्लोक 3 (skanda.5.321.3)

मृतवत्सा तु या नारी वन्ध्या स्त्रीजननी तथा। पुत्रं सा लभते नारी शीलवन्तं गुणान्वितम्॥

mṛtavatsā tu yā nārī vandhyā strījananī tathā| putraṁ sā labhate nārī śīlavantaṁ guṇānvitam||

जिस स्त्री की सन्तान मर जाती हो, या जो बाँझ हो, अथवा केवल पुत्रियों को जन्म देती हो, वह स्त्री देवी की कृपा से शीलवान् और गुणसम्पन्न पुत्र प्राप्त करती है।

श्लोक 4 (skanda.5.321.4)

तत्र तीर्थे तु यः स्नात्वा पश्येद्देवीं सुभक्तितः। अष्टम्यां वा चतुर्दश्यां सर्वकालेऽथवा नृप॥

tatra tīrthe tu yaḥ snātvā paśyeddevīṁ subhaktitaḥ| aṣṭamyāṁ vā caturdaśyāṁ sarvakāle'thavā nṛpa||

हे राजन्! अष्टमी अथवा चतुर्दशी को, अथवा किसी भी समय, जो उस तीर्थ में स्नान करके सुभक्तिपूर्वक देवी का दर्शन करता है,

श्लोक 5 (skanda.5.321.5)

सङ्गमे तु ततः स्नाता नारी वा पुरुषोऽपि वा। पुत्रं धनं तथा देवी ददाति परितोषिता॥

saṅgame tu tataḥ snātā nārī vā puruṣo'pi vā| putraṁ dhanaṁ tathā devī dadāti paritoṣitā||

- उस संगम में स्नान करके स्त्री हो या पुरुष, प्रसन्न हुई देवी उसे पुत्र और धन प्रदान करती हैं।

श्लोक 6 (skanda.5.321.6)

गोत्ररक्षां प्रकुरुते दृष्टा देवी सुपूजिता। प्रजां च पाति सततं पूज्यमाना न संशयः॥

gotrarakṣāṁ prakurute dṛṣṭā devī supūjitā| prajāṁ ca pāti satataṁ pūjyamānā na saṁśayaḥ||

सुपूजित होकर दर्शन दी गई देवी कुल की रक्षा करती हैं; निरन्तर पूजित होकर वे निःसन्देह सन्तान की रक्षा करती हैं।

श्लोक 7 (skanda.5.321.7)

नवम्यां च महाराज स्नात्वा देवीमुपोषितः। पूजयेत्परया भक्त्या श्रद्धापूतेन चेतसा॥

navamyāṁ ca mahārāja snātvā devīmupoṣitaḥ| pūjayetparayā bhaktyā śraddhāpūtena cetasā||

हे महाराज! नवमी को स्नान करके, उपवासपूर्वक, श्रद्धा से पवित्र चित्त के साथ परम भक्ति से देवी की पूजा करे -

श्लोक 8 (skanda.5.321.8)

स गच्छेत्परमं लोकं यः सुरैरपि दुर्लभः॥

sa gacchetparamaṁ lokaṁ yaḥ surairapi durlabhaḥ||

- वह उस परम लोक को प्राप्त होता है, जो देवताओं के लिए भी दुर्लभ है।