मार्कण्डेश्वर तीर्थ माहात्म्य वर्णन

श्लोक 1 (skanda.5.322.1)

युधिष्ठिर उवाच। नर्मदादक्षिणे कूले त्वच्चिह्नेनोपलक्षितम्। तीर्थमेतन्ममाख्याहि सम्भवं च महामुने॥

yudhiṣṭhira uvāca| narmadādakṣiṇe kūle tvaccihnenopalakṣitam| tīrthametanmamākhyāhi sambhavaṁ ca mahāmune||

युधिष्ठिर बोले - हे महामुने! नर्मदा के दक्षिण तट पर आपके ही चिह्न से युक्त इस तीर्थ को, तथा इसकी उत्पत्ति को मुझे बताइए।

श्लोक 2 (skanda.5.322.2)

मार्कण्डेय उवाच। पुरा कृतयुगस्यादौ दक्षिणे गिरिमुत्तमम्। विन्ध्यं सर्वगुणोपेतं नियतो नियताशनः॥

mārkaṇḍeya uvāca| purā kṛtayugasyādau dakṣiṇe girimuttamam| vindhyaṁ sarvaguṇopetaṁ niyato niyatāśanaḥ||

मार्कण्डेय बोले - पूर्वकाल में कृतयुग के आरम्भ में, दक्षिण दिशा के समस्त गुणों से युक्त उत्तम विन्ध्य पर्वत पर, संयमपूर्वक, नियमित आहार लेते हुए मैं -

श्लोक 3 (skanda.5.322.3)

ऋषिसङ्घैः कृतातिथ्यो दण्डके न्यवसं चिरम्। उषित्वा सुचिरं कालं वर्षाणामयुतं सुखी॥

ṛṣisaṅghaiḥ kṛtātithyo daṇḍake nyavasaṁ ciram| uṣitvā sucira kālaṁ varṣāṇāmayutaṁ sukhī||

- ऋषिसमूहों द्वारा आतिथ्य पाकर, दीर्घकाल तक दण्डकारण्य में निवास किया; दस हज़ार वर्षों तक सुखपूर्वक वहाँ रहा।

श्लोक 4 (skanda.5.322.4)

तानृषीन् समनुज्ञाप्य शिष्यैरनुगतस्ततः। निवृत्तः सुमहाभाग नर्मदाकूलमागतः॥

tānṛṣīn samanujñāpya śiṣyairanugatastataḥ| nivṛttaḥ sumahābhāga narmadākūlamāgataḥ||

उन ऋषियों से अनुमति लेकर, शिष्यों के साथ, हे सुमहाभाग! मैं वहाँ से लौटकर नर्मदा के तट पर आया।

श्लोक 5 (skanda.5.322.5)

पुण्यं च रमणीयं च सर्वपापविनाशनम्। कृत्वाहमास्पदं तत्र द्विजसंघसमायुतः॥

puṇyaṁ ca ramaṇīyaṁ ca sarvapāpavināśanam| kṛtvāhamāspadaṁ tatra dvijasaṁghasamāyutaḥ||

उस पुण्य, रमणीय, समस्त पापों को नष्ट करने वाले स्थान को अपना आश्रय बनाकर, ब्राह्मणों के समूह के साथ,

श्लोक 6 (skanda.5.322.6)

ब्रह्मचारिभिराकीर्णं गार्हस्थ्ये सुप्रतिष्ठितैः। वानप्रस्थैश्च यतिभिर्यताहारैर्यतात्मभिः॥

brahmacāribhirākīrṇaṁ gārhasthye supratiṣṭhitaiḥ| vānaprasthaiśca yatibhiryatāhārairyatātmabhiḥ||

- ब्रह्मचारियों से भरा हुआ, गृहस्थाश्रम में सुप्रतिष्ठित लोगों से, वानप्रस्थियों तथा संयमित आहार वाले, संयमी यतियों से युक्त,

श्लोक 7 (skanda.5.322.7)

तपस्विभिर्महाभागैः कामक्रोधविवर्जितैः। तत्राहं वर्षमयुतं तपः कृत्वा सुदारुणम्॥

tapasvibhirmahābhāgaiḥ kāmakrodhavivarjitaiḥ| tatrāhaṁ varṣamayutaṁ tapaḥ kṛtvā sudāruṇam||

- तथा काम-क्रोध से रहित महाभाग्यशाली तपस्वियों से युक्त उस स्थान पर, मैंने दस हज़ार वर्ष तक अत्यन्त कठोर तप किया,

श्लोक 8 (skanda.5.322.8)

आराधयं वासुदेवं प्रभुं कर्तारमीश्वरम्। जपंस्तपोभिर्नियमैर्नर्मदाकूलमाश्रितः॥

ārādhayaṁ vāsudevaṁ prabhuṁ kartāramīśvaram| japaṁstapobhirniyamairnarmadākūlamāśritaḥ||

तपस्याओं, जप और नियमों के द्वारा, नर्मदा के तट पर आश्रित होकर, मैंने प्रभु, कर्ता, ईश्वर वासुदेव की आराधना की।

श्लोक 9 (skanda.5.322.9)

ततस्तौ वरदौ देवौ समायातौ युधिष्ठिर। प्रत्यक्षौ भास्करौ राजन्नुमाश्रीभ्यां विभूषितौ॥

tatastau varadau devau samāyātau yudhiṣṭhira| pratyakṣau bhāskarau rājannumāśrībhyāṁ vibhūṣitau||

हे युधिष्ठिर! तब वे दोनों वरदायक देव, सूर्य के समान तेजस्वी, हे राजन्! उमा और श्री से विभूषित होकर साक्षात् आए।

श्लोक 10 (skanda.5.322.10)

प्रणम्याहं ततो देवौ भक्तियुक्तो वचोऽब्रुवम्। भवन्तौ प्रार्थयामि स्म वरार्हौ वरदौ शिवौ॥

praṇamyāhaṁ tato devau bhaktiyukto vaco'bruvam| bhavantau prārthayāmi sma varārhau varadau śivau||

तब मैंने उन देवों को प्रणाम करके, भक्तियुक्त होकर यह वचन कहा - "मैं आप दोनों वरदान के योग्य, वरदायक, कल्याणकारी देवों से प्रार्थना करता हूँ -

श्लोक 11 (skanda.5.322.11)

धर्मस्थितिं महाभागौ भक्तिं वानुत्तमां युवाम्। अजरो व्याधिरहितः पञ्चविंशतिवर्षवत्। अस्मिन्स्थाने सदा स्थेयं सह देवैरसंशयम्॥

dharmasthitiṁ mahābhāgau bhaktiṁ vānuttamāṁ yuvām| ajaro vyādhirahitaḥ pañcaviṁśativarṣavat| asminsthāne sadā stheyaṁ saha devairasaṁśayam||

- हे महाभागो! तुम दोनों के प्रति धर्म-स्थिति और सर्वोत्तम भक्ति चाहता हूँ। अजर, रोगरहित, पच्चीस वर्ष के युवक के समान होकर, इस स्थान पर देवताओं सहित मुझे निःसन्देह सदा वास करना चाहिए।"

श्लोक 12 (skanda.5.322.12)

एवमुक्तौ मया पार्थ तौ देवौ कृष्णशङ्करौ। मामूचतुः प्रहृष्टौ तौ निवासार्थं युधिष्ठिर॥

evamuktau mayā pārtha tau devau kṛṣṇaśaṅkarau| māmūcatuḥ prahṛṣṭau tau nivāsārthaṁ yudhiṣṭhira||

हे पार्थ! ऐसा कहे जाने पर वे दोनों देव, कृष्ण और शंकर, हर्षित होकर मुझसे निवास के विषय में बोले, हे युधिष्ठिर!

श्लोक 13 (skanda.5.322.13)

देवावूचतुः। अस्मिन्स्थाने स्थितौ विद्धि सह देवैः सवासवैः। एवमुक्त्वा ततो देवौ तत्रैवान्तरधीयताम्॥

devāvūcatuḥ| asminsthāne sthitau viddhi saha devaiḥ savāsavaiḥ| evamuktvā tato devau tatraivāntaradhīyatām||

दोनों देव बोले - "जान लो कि हम इन्द्र सहित देवताओं के साथ इसी स्थान पर स्थित हैं।" ऐसा कहकर तत्पश्चात् वे दोनों देव वहीं अन्तर्धान हो गए।

श्लोक 14 (skanda.5.322.14)

अहं च स्थापयित्वा तौ शङ्करं कृष्णमव्ययम्। कृतकृत्यस्ततो जातः सम्पूज्य सुसमाहितः॥

ahaṁ ca sthāpayitvā tau śaṅkaraṁ kṛṣṇamavyayam| kṛtakṛtyastato jātaḥ sampūjya susamāhitaḥ||

और मैंने उन अविनाशी शंकर और कृष्ण को स्थापित करके, भलीभाँति समाहितचित्त से पूजा करके, तत्पश्चात् कृतकृत्य हो गया।

श्लोक 15 (skanda.5.322.15)

तस्मिंस्तीर्थे नरः स्नात्वा पूजयेत्परमेश्वरम्। मार्कण्डेश्वरनाम्ना वै विष्णुं त्रिभुवनेश्वरम्॥

tasmiṁstīrthe naraḥ snātvā pūjayetparameśvaram| mārkaṇḍeśvaranāmnā vai viṣṇuṁ tribhuvaneśvaram||

उस तीर्थ में स्नान करके मनुष्य परमेश्वर की तथा मार्कण्डेश्वर नाम से त्रिभुवनेश्वर विष्णु की पूजा करे।

श्लोक 16 (skanda.5.322.16)

स गच्छेत्परमं स्थानं वैष्णवं शैवमेव च। घृतेन पयसा वाथ दध्ना च मधुना तथा॥

sa gacchetparamaṁ sthānaṁ vaiṣṇavaṁ śaivameva ca| ghṛtena payasā vātha dadhnā ca madhunā tathā||

वह वैष्णव और शैव, दोनों प्रकार के परम स्थान को प्राप्त होता है। घी से, दूध से, अथवा दही और मधु से -

श्लोक 17 (skanda.5.322.17)

नार्मदेनोदकेनाथ गन्धधूपैः सुशोभनैः। पुष्पोपहारैश्च तथा नैवेद्यैर्नियतात्मवान्॥

nārmadenodakenātha gandhadhūpaiḥ suśobhanaiḥ| puṣpopahāraiśca tathā naivedyairniyatātmavān||

- नर्मदा के जल से, सुन्दर गन्ध-धूप से, तथा पुष्प-उपहारों और नैवेद्यों से, संयमी होकर -

श्लोक 18 (skanda.5.322.18)

एवं विष्णोः प्रकुर्वीत जागरं भक्तितत्परः। स्नानादीनि तथा राजन्प्रयतः शुचिमानसः॥

evaṁ viṣṇoḥ prakurvīta jāgaraṁ bhaktitatparaḥ| snānādīni tathā rājanprayataḥ śucimānasaḥ||

इस प्रकार विष्णु के लिए भक्तिपरायण होकर जागरण करे, तथा हे राजन्! संयमी, पवित्र मन वाला होकर स्नान आदि करे।

श्लोक 19 (skanda.5.322.19)

ज्येष्ठे मासि सिते पक्षे चतुर्दश्यामुपोषितः। द्वादश्यां कारयेद्देवपूजनं वैष्णवो नरः॥

jyeṣṭhe māsi site pakṣe caturdaśyāmupoṣitaḥ| dvādaśyāṁ kārayeddevapūjanaṁ vaiṣṇavo naraḥ||

ज्येष्ठ मास के शुक्लपक्ष की चतुर्दशी को उपवास करके, द्वादशी को वैष्णव मनुष्य देव-पूजन कराए।

श्लोक 20 (skanda.5.322.20)

एवं कृत्वा चतुर्दश्यामेकादश्यां नरोत्तम। वैष्णवं लोकमाप्नोति विष्णुतुल्यो भवेन्नरः॥

evaṁ kṛtvā caturdaśyāmekādaśyāṁ narottama| vaiṣṇavaṁ lokamāpnoti viṣṇutulyo bhavennaraḥ||

हे नरोत्तम! इस प्रकार चतुर्दशी और एकादशी को करके, मनुष्य वैष्णव लोक को प्राप्त होता है, विष्णु के समान बन जाता है।

श्लोक 21 (skanda.5.322.21)

माहेश्वरे च राजेन्द्र गणवन्मोदते पुरे। श्राद्धं च कुरुते तत्र पितॄनुद्दिश्य सुस्थिरः॥

māheśvare ca rājendra gaṇavanmodate pure| śrāddhaṁ ca kurute tatra pitṝnuddiśya susthiraḥ||

हे राजेन्द्र! शैव पुरी में भी वह गणों के समान आनन्द भोगता है। जो वहाँ स्थिरचित्त होकर पितरों को उद्दिष्ट करके श्राद्ध करता है,

श्लोक 22 (skanda.5.322.22)

तस्य ते ह्यक्षयां तृप्तिं प्राप्नुवन्ति न संशयः। नर्मदायां द्विजः स्नात्वा मौनी नियतमानसः॥

tasya te hyakṣayāṁ tṛptiṁ prāpnuvanti na saṁśayaḥ| narmadāyāṁ dvijaḥ snātvā maunī niyatamānasaḥ||

- उसके पितर निःसन्देह अक्षय तृप्ति को प्राप्त होते हैं। नर्मदा में स्नान करके, मौन रहकर, नियतचित्त द्विज,

श्लोक 23 (skanda.5.322.23)

उपास्य सन्ध्यां तत्रस्थो जपं कृत्वा सुशोभनम्। तर्पयित्वा पितॄन्देवान्मनुष्यांश्च यथाविधि॥

upāsya sandhyāṁ tatrastho japaṁ kṛtvā suśobhanam| tarpayitvā pitṝndevānmanuṣyāṁśca yathāvidhi||

वहाँ स्थित होकर संध्या-उपासना करे, सुन्दर जप करे, तथा विधिपूर्वक पितरों, देवताओं और मनुष्यों को तर्पण दे।

श्लोक 24 (skanda.5.322.24)

कृष्णस्य पुरतः स्थित्वा मार्कण्डेशस्य वा पुनः। ऋग्यजुःसाममन्त्रांश्च जपेदत्र प्रयत्नतः॥

kṛṣṇasya purataḥ sthitvā mārkaṇḍeśasya vā punaḥ| ṛgyajuḥsāmamantrāṁśca japedatra prayatnataḥ||

कृष्ण के सम्मुख अथवा मार्कण्डेश्वर के सम्मुख खड़े होकर, वहाँ प्रयत्नपूर्वक ऋक्, यजुः और साम के मंत्रों का जप करे।

श्लोक 25 (skanda.5.322.25)

ऋचमेकां जपेद्यस्तु ऋग्वेदस्य फलं लभेत्। यजुर्वेदस्य यजुषा साम्ना सामफलं लभेत्॥

ṛcamekāṁ japedyastu ṛgvedasya phalaṁ labhet| yajurvedasya yajuṣā sāmnā sāmaphalaṁ labhet||

जो एक ऋचा का जप करता है, वह ऋग्वेद का फल प्राप्त करता है; यजुष से यजुर्वेद का, साम से साम का फल प्राप्त करता है।

श्लोक 26 (skanda.5.322.26)

एकस्मिन्भोजिते विप्रे कोटिर्भवति भोजिता। मृतप्रजा तु या नारी वन्ध्या स्त्रीजननी तथा॥

ekasminbhojite vipre koṭirbhavati bhojitā| mṛtaprajā tu yā nārī vandhyā strījananī tathā||

एक ब्राह्मण को भोजन कराने पर करोड़ों ब्राह्मणों को भोजन कराने का फल प्राप्त होता है। जिस स्त्री की सन्तान मर जाती हो, जो बाँझ हो, अथवा केवल पुत्रियों को जन्म देती हो -

श्लोक 27 (skanda.5.322.27)

रुद्रांस्तु विधिवज्जप्त्वा ब्राह्मणो वेदतत्त्ववित्। लिङ्गस्य दक्षिणे पार्श्वे स्थापयेत्कलशं शिवम्॥

rudrāṁstu vidhivajjaptvā brāhmaṇo vedatattvavit| liṅgasya dakṣiṇe pārśve sthāpayetkalaśaṁ śivam||

- वेदतत्त्ववेत्ता ब्राह्मण विधिपूर्वक रुद्र-मंत्रों का जप करके लिंग के दक्षिण पार्श्व में शुभ कलश स्थापित करे।

श्लोक 28 (skanda.5.322.28)

रुद्रैकादशभिर्मन्त्रैः स्नापयेत्कलशाम्भसा। पुत्रमाप्नोति राजेन्द्र दीर्घायुषमकल्मषम्॥

rudraikādaśabhirmantraiḥ snāpayetkalaśāmbhasā| putramāpnoti rājendra dīrghāyuṣamakalmaṣam||

ग्यारह रुद्र-मंत्रों से कलश के जल से अभिषेक करे। हे राजेन्द्र! ऐसी स्त्री दीर्घायु, निष्कलंक पुत्र प्राप्त करती है।

श्लोक 29 (skanda.5.322.29)

मार्कण्डेश्वरवृक्षान्यो दूरस्थानपि पश्यति। ब्रह्महत्यादिपापेभ्यो मुच्यते शङ्करोऽब्रवीत्॥

mārkaṇḍeśvaravṛkṣānyo dūrasthānapi paśyati| brahmahatyādipāpebhyo mucyate śaṅkaro'bravīt||

जो मार्कण्डेश्वर के आश्रम के वृक्षों को दूर से भी देखता है, वह ब्रह्महत्या आदि पापों से मुक्त हो जाता है - ऐसा शंकर ने कहा था।

श्लोक 30 (skanda.5.322.30)

य इदं शृणुयाद्भक्त्या पठेद्वा नृपसत्तम। सर्वपापविशुद्धात्मा जायते नात्र संशयः॥

ya idaṁ śṛṇuyādbhaktyā paṭhedvā nṛpasattama| sarvapāpaviśuddhātmā jāyate nātra saṁśayaḥ||

हे नृपसत्तम! जो इसे भक्तिपूर्वक सुनता या पढ़ता है, वह निःसन्देह समस्त पापों से विशुद्ध आत्मा वाला हो जाता है।

श्लोक 31 (skanda.5.322.31)

इदं यशस्यमायुष्यं धन्यं दुःखप्रणाशनम्। पठतां शृण्वतां वापि सर्वपापप्रमोचनम्॥

idaṁ yaśasyamāyuṣyaṁ dhanyaṁ duḥkhapraṇāśanam| paṭhatāṁ śṛṇvatāṁ vāpi sarvapāpapramocanam||

यह कथा यशदायिनी, आयुवर्धक, धन्य तथा दुःख का नाश करने वाली है; इसे पढ़ने और सुनने वालों को यह समस्त पापों से मुक्ति देती है।