अंकुरेश्वर तीर्थ माहात्म्य वर्णन

श्लोक 1 (skanda.5.323.1)

नर्मदादक्षिणे रोधस्यङ्कूरेश्वरमुत्तमम्। तीर्थं सर्वगुणोपेतं त्रिषु लोकेषु विश्रुतम्॥

narmadādakṣiṇe rodhasyaṅkūreśvaramuttamam| tīrthaṁ sarvaguṇopetaṁ triṣu lokeṣu viśrutam||

श्रीमार्कण्डेय बोले - नर्मदा के दक्षिणी तट पर श्रेष्ठ अंकुरेश्वर तीर्थ है, जो समस्त गुणों से सम्पन्न तथा तीनों लोकों में विख्यात है।

श्लोक 2 (skanda.5.323.2)

यत्र सिद्धं महारक्ष आराध्य तु महेश्वरम्। शङ्करं जगतः प्राणं स्मृतिमात्रावहारिणम्॥

yatra siddhaṁ mahārakṣa ārādhya tu maheśvaram| śaṅkaraṁ jagataḥ prāṇaṁ smṛtimātrāvahāriṇam||

जहाँ एक महान् राक्षस ने महेश्वर की आराधना करके सिद्धि प्राप्त की - उस शंकर की, जो जगत् के प्राण हैं और स्मरणमात्र से पापों को हर लेते हैं।

श्लोक 3 (skanda.5.323.3)

युधिष्ठिर उवाच। किं तद्रक्षो द्विजश्रेष्ठ किंनाम कस्य वान्वये। एतद्विस्तरतः सर्वं कथयस्व ममानघ॥

yudhiṣṭhira uvāca| kiṁ tadrakṣo dvijaśreṣṭha kiṁnāma kasya vānvaye| etadvistarataḥ sarvaṁ kathayasva mamānagha||

युधिष्ठिर बोले - हे द्विजश्रेष्ठ! वह राक्षस कौन था, उसका नाम क्या था, तथा वह किसके वंश में उत्पन्न हुआ था? हे निष्पाप! यह सब मुझे विस्तार से बताइए।

श्लोक 4 (skanda.5.323.4)

अज्ञानतिमिरान्धा ये पुमांसः पापकारिणः। युष्मद्विधैर्दीपभूतैः पश्यन्ति सचराचरम्॥

ajñānatimirāndhā ye pumāṁsaḥ pāpakāriṇaḥ| yuṣmadvidhairdīpabhūtaiḥ paśyanti sacarācaram||

जो मनुष्य अज्ञान-अन्धकार से अन्धे तथा पापकर्मी हैं, वे आप जैसे दीपकस्वरूप महापुरुषों के द्वारा ही चराचर जगत् को देख पाते हैं।

श्लोक 5 (skanda.5.323.5)

धर्मपुत्रवचः श्रुत्वा मार्कण्डेयो मुनीश्वरः। स्मितं कृत्वा बभाषे तां कथां पापप्रणाशनीम्॥

dharmaputravacaḥ śrutvā mārkaṇḍeyo munīśvaraḥ| smitaṁ kṛtvā babhāṣe tāṁ kathāṁ pāpapraṇāśanīm||

धर्मपुत्र का वचन सुनकर मुनीश्वर मार्कण्डेय ने मुस्कुराते हुए उस पाप-नाशक कथा को कहना आरम्भ किया।

श्लोक 6 (skanda.5.323.6)

मार्कण्डेय उवाच। मानसो ब्रह्मणः पुत्रः पुलस्त्यो नाम पार्थिव। वेदशास्त्रप्रवक्ता च साक्षाद्वेधा इवापरः॥

mārkaṇḍeya uvāca| mānaso brahmaṇaḥ putraḥ pulastyo nāma pārthiva| vedaśāstrapravaktā ca sākṣādvedhā ivāparaḥ||

मार्कण्डेय बोले - हे राजन्! ब्रह्मा के मानस पुत्र पुलस्त्य नामक थे, जो वेद-शास्त्रों के प्रवक्ता तथा मानो साक्षात् दूसरे ब्रह्मा ही थे।

श्लोक 7 (skanda.5.323.7)

तृणबिन्दुसुता तस्य भार्यासीत्परमेष्ठिनः। तस्य धर्मप्रसङ्गेन पुत्रो जातो महामनाः॥

tṛṇabindusutā tasya bhāryāsītparameṣṭhinaḥ| tasya dharmaprasaṅgena putro jāto mahāmanāḥ||

उस परमेष्ठी की पत्नी तृणबिन्दु की पुत्री थी। उनके धर्मपूर्ण संयोग से एक महामनस्वी पुत्र उत्पन्न हुआ,

श्लोक 8 (skanda.5.323.8)

यस्माद्वेदेतिहासैश्च सषडङ्गपदक्रमाः। विश्रान्ता ब्रह्मणा दत्ता नाम विश्रवसेति च॥

yasmādvedetihāsaiśca saṣaḍaṅgapadakramāḥ| viśrāntā brahmaṇā dattā nāma viśravaseti ca||

- जिससे वेद, इतिहास तथा षडंग-पदक्रम आदि विश्रान्त हुए; इसीलिए ब्रह्मा ने उसे 'विश्रवा' नाम दिया।

श्लोक 9 (skanda.5.323.9)

कस्मिंश्चिदथ काले च भरद्वाजो महामुनिः। स्वसुतां प्रददौ राजन्मुदा विश्रवसे नृप॥

kasmiṁścidatha kāle ca bharadvājo mahāmuniḥ| svasutāṁ pradadau rājanmudā viśravase nṛpa||

किसी समय महामुनि भरद्वाज ने, हे राजन्! प्रसन्नतापूर्वक अपनी पुत्री विश्रवा को दे दी।

श्लोक 10 (skanda.5.323.10)

स तया रमते सार्धं पौलोम्या मघवा इव। मुदा परमया राजन्ब्राह्मणो वेदवित्तमः॥

sa tayā ramate sārdhaṁ paulomyā maghavā iva| mudā paramayā rājanbrāhmaṇo vedavittamaḥ||

हे राजन्! वह वेदज्ञों में श्रेष्ठ ब्राह्मण उस पत्नी के साथ, इन्द्र के पौलोमी के साथ रमण करने के समान, परम आनन्द से रमण करने लगा।

श्लोक 11 (skanda.5.323.11)

केनचित्त्वथ कालेन पुत्रः पुत्रगुणैर्युतः। जज्ञे विश्रवसो राजन्नाम्ना वैश्रवणः श्रुतः॥

kenacittvatha kālena putraḥ putraguṇairyutaḥ| jajñe viśravaso rājannāmnā vaiśravaṇaḥ śrutaḥ||

कुछ समय बीतने पर विश्रवा को पुत्रोचित गुणों से युक्त एक पुत्र उत्पन्न हुआ, हे राजन्! जो वैश्रवण नाम से विख्यात हुआ।

श्लोक 12 (skanda.5.323.12)

सोऽपि मौनव्रतं कृत्वा बालभावाद्युधिष्ठिर। सर्वभूताभयं दत्त्वा चचार परमं व्रतम्॥

so'pi maunavrataṁ kṛtvā bālabhāvādyudhiṣṭhira| sarvabhūtābhayaṁ dattvā cacāra paramaṁ vratam||

हे युधिष्ठिर! वह भी बचपन से ही मौनव्रत धारण करके, समस्त प्राणियों को अभयदान देकर, परम व्रत का पालन करने लगा।

श्लोक 13 (skanda.5.323.13)

तस्य तुष्टो महादेवो ब्रह्मा ब्रह्मर्षिभिः सह। सखित्वं चेश्वरो दत्त्वा धनदत्वं जगाम ह॥

tasya tuṣṭo mahādevo brahmā brahmarṣibhiḥ saha| sakhitvaṁ ceśvaro dattvā dhanadatvaṁ jagāma ha||

उससे प्रसन्न होकर महादेव, ब्रह्मा, तथा ब्रह्मर्षियों के साथ उसे वर देने आए; ईश्वर ने उसे मित्रता तथा धनद-पद प्रदान किया।

श्लोक 14 (skanda.5.323.14)

यमेन्द्रवरुणानां च चतुर्थस्त्वं भविष्यसि। ब्रह्माप्युक्त्वा जगामाशु लोकपालत्वमीप्सितम्॥

yamendravaruṇānāṁ ca caturthastvaṁ bhaviṣyasi| brahmāpyuktvā jagāmāśu lokapālatvamīpsitam||

"तुम यम, इन्द्र और वरुण के साथ चौथे लोकपाल बनोगे" - ऐसा कहकर ब्रह्मा भी शीघ्र चले गए, और उसने वांछित लोकपालत्व प्राप्त किया।

श्लोक 15 (skanda.5.323.15)

ततस्त्वनन्तरे काले कैकसी नाम राक्षसी। पातालं भूतलं त्यक्त्वा विश्रवं चकमे पतिम्॥

tatastvanantare kāle kaikasī nāma rākṣasī| pātālaṁ bhūtalaṁ tyaktvā viśravaṁ cakame patim||

तत्पश्चात् कुछ समय बाद कैकसी नामक राक्षसी ने, पाताल और भूतल को त्यागकर, विश्रवा को अपने पति रूप में चाहा।

श्लोक 16 (skanda.5.323.16)

पुत्रोऽथ रावणो जातस्तस्या भरतसत्तम। कुम्भकर्णो महारक्षो धर्मात्मा च विभीषणः॥

putro'tha rāvaṇo jātastasyā bharatasattama| kumbhakarṇo mahārakṣo dharmātmā ca vibhīṣaṇaḥ||

हे भरतसत्तम! उससे रावण नामक पुत्र उत्पन्न हुआ, महाराक्षस कुम्भकर्ण, तथा धर्मात्मा विभीषण भी।

श्लोक 17 (skanda.5.323.17)

कुम्भश्चैव विकुम्भश्च कुम्भकर्णसुतावुभौ। महाबलौ महावीर्यौ महान्तौ पुरुषोत्तम॥

kumbhaścaiva vikumbhaśca kumbhakarṇasutāvubhau| mahābalau mahāvīryau mahāntau puruṣottama||

हे पुरुषोत्तम! कुम्भकर्ण के कुम्भ और विकुम्भ नामक दोनों पुत्र थे, जो महाबली, महापराक्रमी तथा महान् थे।

श्लोक 18 (skanda.5.323.18)

अङ्कूरो राक्षसश्रेष्ठः कुम्भस्य तनयो महान्। विभीषणं च गुणवद्दृष्ट्वैवं राक्षसोत्तमः॥

aṅkūro rākṣasaśreṣṭhaḥ kumbhasya tanayo mahān| vibhīṣaṇaṁ ca guṇavaddṛṣṭvaivaṁ rākṣasottamaḥ||

अंकुर नामक राक्षसश्रेष्ठ, कुम्भ का महान् पुत्र था। विभीषण के गुणों को इस प्रकार देखकर वह राक्षसोत्तम -

श्लोक 19 (skanda.5.323.19)

ततः स यौवनं प्राप्य ज्ञात्वा रक्षः पितामहम्। परं निर्वेदमापन्नश्चचार सुमहत्तपः॥

tataḥ sa yauvanaṁ prāpya jñātvā rakṣaḥ pitāmaham| paraṁ nirvedamāpannaścacāra sumahattapaḥ||

- तत्पश्चात् यौवन को प्राप्त होकर, अपने राक्षस-पितामह के कर्मों को जानकर, परम वैराग्य को प्राप्त हुआ और अत्यन्त महान् तप करने लगा।

श्लोक 20 (skanda.5.323.20)

दक्षिणं पश्चिमं गत्वा सागरं पूर्वमुत्तरम्। नर्मदायां प्रसङ्गेन ह्यङ्कूरो राक्षसेश्वरः॥

dakṣiṇaṁ paścimaṁ gatvā sāgaraṁ pūrvamuttaram| narmadāyāṁ prasaṅgena hyaṅkūro rākṣaseśvaraḥ||

दक्षिण, पश्चिम, पूर्व और उत्तर के सागरों में जाकर, अंकुर राक्षसेश्वर संयोगवश नर्मदा में आ पहुँचा।

श्लोक 21 (skanda.5.323.21)

तपश्चचार सुमहद्दिव्यं वर्षशतं किल। ततस्तुष्टो महादेवः साक्षात्परपुरंजयः॥

tapaścacāra sumahaddivyaṁ varṣaśataṁ kila| tatastuṣṭo mahādevaḥ sākṣātparapuraṁjayaḥ||

उसने वहाँ सौ वर्षों तक अत्यन्त महान् दिव्य तप किया। तब साक्षात् त्रिपुरजयी महादेव उससे प्रसन्न हुए।

श्लोक 22 (skanda.5.323.22)

वरेण छन्दयामास राक्षसं वृषकेतनः। वरं वृणीष्व भद्रं ते तव दास्यामि सुव्रत॥

vareṇa chandayāmāsa rākṣasaṁ vṛṣaketanaḥ| varaṁ vṛṇīṣva bhadraṁ te tava dāsyāmi suvrata||

वृषभध्वज शिव ने उस राक्षस को वर देने की इच्छा प्रकट की - "हे सुव्रत! वर माँगो, तुम्हारा कल्याण हो, मैं तुम्हें दूँगा।"

श्लोक 23 (skanda.5.323.23)

प्रोवाच राक्षसो वाक्यं देवदेवं महेश्वरम्। वरदं सोऽग्रतो दृष्ट्वा प्रणम्य च पुनःपुनः॥

provāca rākṣaso vākyaṁ devadevaṁ maheśvaram| varadaṁ so'grato dṛṣṭvā praṇamya ca punaḥpunaḥ||

वरदायक देवाधिदेव महेश्वर को अपने सामने देखकर तथा बार-बार प्रणाम करके, उस राक्षस ने यह वचन कहा -

श्लोक 24 (skanda.5.323.24)

यदि तुष्टो महादेव वरदोऽसि सुरेश्वर। दुर्लभं सर्वभूतानाममरत्वं प्रयच्छ मे॥

yadi tuṣṭo mahādeva varado'si sureśvara| durlabhaṁ sarvabhūtānāmamaratvaṁ prayaccha me||

"हे महादेव! हे सुरेश्वर! यदि आप प्रसन्न हों और वर देने वाले हों, तो समस्त प्राणियों के लिए दुर्लभ अमरत्व मुझे प्रदान कीजिए।

श्लोक 25 (skanda.5.323.25)

मम नाम्ना स्थितोऽनेन वरेण त्रिपुरान्तक। सदा संनिहितोऽप्यत्र तीर्थे भवितुमर्हसि॥

mama nāmnā sthito'nena vareṇa tripurāntaka| sadā saṁnihito'pyatra tīrthe bhavitumarhasi||

हे त्रिपुरान्तक! मेरे ही नाम से यहाँ स्थापित होकर, इस वर के द्वारा, आप सदा इस तीर्थ में सन्निहित रहने के योग्य हैं।"

श्लोक 26 (skanda.5.323.26)

ईश्वर उवाच। यावद्विभीषणमतं यावद्धर्मनिषेवणम्। करिष्यसि दृढात्मा त्वं तावदेतद्भविष्यति॥

īśvara uvāca| yāvadvibhīṣaṇamataṁ yāvaddharmaniṣevaṇam| kariṣyasi dṛḍhātmā tvaṁ tāvadetadbhaviṣyati||

ईश्वर बोले - "जब तक तुम दृढ़चित्त होकर विभीषण के मत का तथा धर्म-निषेवण का पालन करोगे, तब तक यह वर फलित होता रहेगा।"

श्लोक 27 (skanda.5.323.27)

एवमुक्त्वा ययौ देवः सर्वदैवतपूजितः। विमानेनार्कवर्णेन कैलासं धरणीधरम्॥

evamuktvā yayau devaḥ sarvadaivatapūjitaḥ| vimānenārkavarṇena kailāsaṁ dharaṇīdharam||

ऐसा कहकर, समस्त देवताओं द्वारा पूजित वह देव, सूर्य के समान वर्ण वाले विमान से पर्वतराज कैलास को चले गए।

श्लोक 28 (skanda.5.323.28)

गते चादर्शनं देवे स्नात्वाचम्य विधानतः। स्थापयामास राजेन्द्र ह्यङ्कूरेश्वरमुत्तमम्॥

gate cādarśanaṁ deve snātvācamya vidhānataḥ| sthāpayāmāsa rājendra hyaṅkūreśvaramuttamam||

हे राजेन्द्र! देव के अदृश्य हो जाने पर, स्नान और आचमन करके, विधिपूर्वक उसने श्रेष्ठ अंकुरेश्वर की स्थापना की।

श्लोक 29 (skanda.5.323.29)

गन्धपुष्पैस्तथा धूपैर्वस्त्रालङ्कारभूषणैः। पताकैश्चामरैश्छत्रैर्जयशब्दादिमंगलैः॥

gandhapuṣpaistathā dhūpairvastrālaṅkārabhūṣaṇaiḥ| patākaiścāmaraiśchatrairjayaśabdādimaṁgalaiḥ||

गन्ध-पुष्पों से, धूप से, वस्त्र-अलंकार-आभूषणों से, पताकाओं, चामरों, छत्रों तथा जय-जयकार आदि मंगल शब्दों से,

श्लोक 30 (skanda.5.323.30)

पूजयित्वा सुरेशानं स्तोत्रैर्हृद्यैः सुपुष्कलैः। जगाम भवनं रक्षो यत्र राजा विभीषणः॥

pūjayitvā sureśānaṁ stotrairhṛdyaiḥ supuṣkalaiḥ| jagāma bhavanaṁ rakṣo yatra rājā vibhīṣaṇaḥ||

- देवेश की पूजा करके, हृदयग्राही तथा पूर्ण स्तोत्रों से, वह राक्षस उस भवन को गया जहाँ राजा विभीषण थे।

श्लोक 31 (skanda.5.323.31)

पूजितः स यथान्यायं दानसन्मानगौरवैः। सौदर्ये स्थापितो भावे सोऽवात्सीत्परयामुदा॥

pūjitaḥ sa yathānyāyaṁ dānasanmānagauravaiḥ| saudarye sthāpito bhāve so'vātsītparayāmudā||

उचित रीति से दान, सम्मान तथा गौरव से पूजित होकर, बन्धुत्व के भाव में स्थापित होकर, वह परम आनन्द से वहाँ रहने लगा।

श्लोक 32 (skanda.5.323.32)

तत्र तीर्थे तु यः स्नात्वा पूजयेत्परमेश्वरम्। अङ्कूरेश्वरनामानं सोऽश्वमेधफलं लभेत्॥

tatra tīrthe tu yaḥ snātvā pūjayetparameśvaram| aṅkūreśvaranāmānaṁ so'śvamedhaphalaṁ labhet||

उस तीर्थ में स्नान करके जो अंकुरेश्वर नाम के परमेश्वर की पूजा करता है, वह अश्वमेध यज्ञ का फल प्राप्त करता है।

श्लोक 33 (skanda.5.323.33)

माण्डव्यखातमारभ्य सङ्गमं वापि यच्छुभम्। रेवाया आमलक्याश्च देवक्षेत्रं महेश्वरम्॥

māṇḍavyakhātamārabhya saṅgamaṁ vāpi yacchubham| revāyā āmalakyāśca devakṣetraṁ maheśvaram||

माण्डव्यखात से आरम्भ करके, रेवा और आमलका के शुभ संगम तक, यह महेश्वर का देवक्षेत्र है।

श्लोक 34 (skanda.5.323.34)

माण्डव्यखातात्पश्चिमतस्तीर्थं तदङ्कूरेश्वरम्। तत्र तीर्थे नरः स्नात्वा शुचिः प्रयतमानसः॥

māṇḍavyakhātātpaścimatastīrthaṁ tadaṅkūreśvaram| tatra tīrthe naraḥ snātvā śuciḥ prayatamānasaḥ||

माण्डव्यखात से पश्चिम दिशा में वह अंकुरेश्वर तीर्थ है। उस तीर्थ में स्नान करके पवित्र, संयमित मन वाला मनुष्य -

श्लोक 35 (skanda.5.323.35)

सन्ध्यामाचम्य यत्नेन जपं कृत्वाथ भारत। तर्पयित्वा पितॄन्देवान्मनुष्यान् भरतर्षभ॥

sandhyāmācamya yatnena japaṁ kṛtvātha bhārata| tarpayitvā pitṝndevānmanuṣyān bharatarṣabha||

- यत्नपूर्वक आचमन करके संध्योपासना करे, हे भारत! जप करे, तथा हे भरतर्षभ! पितरों, देवताओं और मनुष्यों को तर्पण दे,

श्लोक 36 (skanda.5.323.36)

सचैलः क्लिन्नवसनो मौनमास्थाय संयतः। अष्टम्यां वा चतुर्दश्यामुपोष्य विधिवन्नरः॥

sacailaḥ klinnavasano maunamāsthāya saṁyataḥ| aṣṭamyāṁ vā caturdaśyāmupoṣya vidhivannaraḥ||

- गीले वस्त्र सहित, मौन धारण करके, संयमी होकर, अष्टमी अथवा चतुर्दशी को विधिपूर्वक उपवास करके -

श्लोक 37 (skanda.5.323.37)

पूजां यः कुरुते राजंस्तस्य पुण्यफलं शृणु। साग्रं तु योजनशतं तीर्थान्यायतनानि च॥

pūjāṁ yaḥ kurute rājaṁstasya puṇyaphalaṁ śṛṇu| sāgraṁ tu yojanaśataṁ tīrthānyāyatanāni ca||

- हे राजन्! जो पूजा करता है, उसका पुण्यफल सुनो। सौ योजन से अधिक क्षेत्र में स्थित जितने तीर्थ और देवालय हैं,

श्लोक 38 (skanda.5.323.38)

भवन्ति तानि दृष्टानि ततः पापैः प्रमुच्यते। तत्र तीर्थे तु यद्दानं देवमुद्दिश्य दीयते॥

bhavanti tāni dṛṣṭāni tataḥ pāpaiḥ pramucyate| tatra tīrthe tu yaddānaṁ devamuddiśya dīyate||

वे सब मानो दृष्ट हो जाते हैं, तथा वह मनुष्य पापों से मुक्त हो जाता है। उस तीर्थ में देव को उद्दिष्ट करके जो दान दिया जाता है,

श्लोक 39 (skanda.5.323.39)

स्नात्वा तु विधिवत्पात्रे तदक्षयमुदाहृतम्। होमाद्दशगुणं प्रोक्तं फलं जाप्ये ततोऽधिकम्॥

snātvā tu vidhivatpātre tadakṣayamudāhṛtam| homāddaśaguṇaṁ proktaṁ phalaṁ jāpye tato'dhikam||

- स्नान करके विधिपूर्वक सुपात्र को दिया जाए तो वह अक्षय कहा गया है। होम से दस गुना फल कहा गया है, जप से उससे भी अधिक।

श्लोक 40 (skanda.5.323.40)

त्रिगुणं चोपवासेन स्नानेन च चतुर्गुणम्। संन्यासं कुरुते यस्तु प्राणत्यागं करोति वा॥

triguṇaṁ copavāsena snānena ca caturguṇam| saṁnyāsaṁ kurute yastu prāṇatyāgaṁ karoti vā||

उपवास से तीन गुना, स्नान से चार गुना फल होता है। जो वहाँ संन्यास लेता है, अथवा प्राणत्याग करता है,

श्लोक 41 (skanda.5.323.41)

अनिवर्तिका गतिस्तस्य रुद्रलोकादसंशयम्। कृमिकीटपतङ्गानां तत्र तीर्थे युधिष्ठिर। अङ्कूरेश्वरनामाख्ये मृतानां सुगतिर्भवेत्॥

anivartikā gatistasya rudralokādasaṁśayam| kṛmikīṭapataṅgānāṁ tatra tīrthe yudhiṣṭhira| aṅkūreśvaranāmākhye mṛtānāṁ sugatirbhavet||

- उसकी गति रुद्रलोक से निःसन्देह अनिवर्तनीय होती है। हे युधिष्ठिर! अंकुरेश्वर नामक उस तीर्थ में मरने वाले कीड़े-मकोड़ों और पतंगों की भी सद्गति होती है।

श्लोक 42 (skanda.5.323.42)

एतत्ते कथितं राजन्नङ्कूरेश्वरसम्भवम्। तीर्थं सर्वगुणोपेतं परमं पापनाशनम्॥

etatte kathitaṁ rājannaṅkūreśvarasambhavam| tīrthaṁ sarvaguṇopetaṁ paramaṁ pāpanāśanam||

हे राजन्! अंकुरेश्वर की उत्पत्ति और यह समस्त गुणों से सम्पन्न, परम पाप-नाशक तीर्थ, यह सब मैंने तुम्हें बताया।

श्लोक 43 (skanda.5.323.43)

येऽपि शृण्वन्ति भक्त्येदं कीर्त्यमानं महाफलम्। लभन्ते नात्र सन्देहः शिवस्य भुवनं हि ते॥

ye'pi śṛṇvanti bhaktyedaṁ kīrtyamānaṁ mahāphalam| labhante nātra sandehaḥ śivasya bhuvanaṁ hi te||

जो इस महाफलदायी कथा को कीर्तन किए जाने पर भक्तिपूर्वक सुनते हैं, वे निःसन्देह शिव के भुवन को प्राप्त करते हैं।