शालग्राम तीर्थ की महिमा

श्लोक 1 (skanda.5.343.1)

श्रीमार्कण्डेय उवाच। ततः परं महाराज चत्वारिंशत्क्रमान्तरे। शालग्रामं ततो गच्छेत्सर्वदैवतपूजितम्

śrīmārkaṇḍeya uvāca| tataḥ paraṁ mahārāja catvāriṁśatkramāntare| śālagrāmaṁ tato gacchetsarvadaivatapūjitam

श्री मार्कण्डेय ने कहा — हे महाराज! उससे आगे चालीस कदम की दूरी पर सर्वदेव-पूजित शालग्राम तीर्थ को जाना चाहिए।

श्लोक 2 (skanda.5.343.2)

यत्रादिदेवो भगवान्वासुदेवस्त्रिविक्रमः। स्वयं तिष्ठति लोकात्मा सर्वेषां हितकाम्यया

yatrādidevo bhagavānvāsudevastrivikramaḥ| svayaṁ tiṣṭhati lokātmā sarveṣāṁ hitakāmyayā

जहाँ आदिदेव भगवान् वासुदेव त्रिविक्रम, जगत् के आत्मा, सबके हित की कामना से स्वयं विराजमान हैं।

श्लोक 3 (skanda.5.343.3)

नारदेन तपस्तप्त्वा कृता शाला द्विजन्मनाम्। सिद्धिक्षेत्रं भृगुक्षेत्रं ज्ञात्वा रेवातटे स्वयम्

nāradena tapastaptvā kṛtā śālā dvijanmanām| siddhikṣetraṁ bhṛgukṣetraṁ jñātvā revātaṭe svayam

नारद ने तपस्या करके, रेवा के तट पर इस स्थान को सिद्धिक्षेत्र भृगुक्षेत्र जानकर, स्वयं द्विजों के लिए एक शाला (आश्रम) बनवाई।

श्लोक 4 (skanda.5.343.4)

शालग्रामाभिधो देवो विप्राणां त्वधिवासितः। साधूनां चोपकाराय वासुदेवः प्रतिष्ठितः

śālagrāmābhidho devo viprāṇāṁ tvadhivāsitaḥ| sādhūnāṁ copakārāya vāsudevaḥ pratiṣṭhitaḥ

शालग्राम नामक देव विप्रों द्वारा वहाँ अधिष्ठित किए गए; साधुओं के उपकार के लिए वासुदेव वहाँ प्रतिष्ठित हुए।

श्लोक 5 (skanda.5.343.5)

योगिनामुपकाराय योगिध्येयो जनार्दनः। शालग्रामेति तेनैव नर्मदातटमाश्रितः

yogināmupakārāya yogidhyeyo janārdanaḥ| śālagrāmeti tenaiva narmadātaṭamāśritaḥ

योगियों के उपकार के लिए, योगियों द्वारा ध्यान किए जाने योग्य जनार्दन, उसी कारण शालग्राम नाम से नर्मदा के तट का आश्रय लिए हुए हैं।

श्लोक 6 (skanda.5.343.6)

मासि मार्गशिरे शुक्ला भवत्येकादशी यदा। स्नात्वा रेवाजले पुण्ये तद्दिनं समुपोषयेत्

māsi mārgaśire śuklā bhavatyekādaśī yadā| snātvā revājale puṇye taddinaṁ samupoṣayet

मार्गशीर्ष मास के शुक्ल पक्ष में जब एकादशी हो, तब पुण्यमयी रेवा के जल में स्नान करके उस दिन उपवास करना चाहिए।

श्लोक 7 (skanda.5.343.7)

रात्रौ जागरणं कुर्यात्सम्पूज्य च जनार्दनम्। पुनः प्रभातसमये द्वादश्यां नर्मदाजले

rātrau jāgaraṇaṁ kuryātsampūjya ca janārdanam| punaḥ prabhātasamaye dvādaśyāṁ narmadājale

जनार्दन की भलीभाँति पूजा करके रात्रि में जागरण करना चाहिए; फिर द्वादशी के प्रभातकाल में नर्मदा के जल में स्नान करे।

श्लोक 8 (skanda.5.343.8)

स्नात्वा संतर्प्य देवांश्च पितॄन्मातॄंस्तथैव च। श्राद्धं कृत्वा ततः पश्चात्पितृभ्यो विधिपूर्वकम्

snātvā santarpya devāṁśca pitṝnmātṝṁstathaiva ca| śrāddhaṁ kṛtvā tataḥ paścātpitṛbhyo vidhipūrvakam

स्नान करके देवताओं, पितरों तथा मातृगण का तर्पण करना चाहिए, और उसके बाद पितरों के लिए विधिपूर्वक श्राद्ध करना चाहिए।

श्लोक 9 (skanda.5.343.9)

शक्तितो ब्राह्मणान्पूज्य स्वर्णवस्त्रान्नदानतः। क्षमापयित्वा तान्विप्रांस्तथा देवं खगध्वजम्

śaktito brāhmaṇānpūjya svarṇavastrānnadānataḥ| kṣamāpayitvā tānviprāṁstathā devaṁ khagadhvajam

अपनी सामर्थ्य के अनुसार स्वर्ण, वस्त्र और अन्न का दान देकर ब्राह्मणों की पूजा करनी चाहिए, फिर उन विप्रों से तथा गरुड़ध्वज देव से क्षमा माँगनी चाहिए।

श्लोक 10 (skanda.5.343.10)

एवं कृते महाराज यत्पुण्यं च भवेन्नॄणाम्। शृणुष्वावहितो भूत्वा तत्पुण्यं नृपसत्तम

evaṁ kṛte mahārāja yatpuṇyaṁ ca bhavennṝṇām| śṛṇuṣvāvahito bhūtvā tatpuṇyaṁ nṛpasattama

हे महाराज! ऐसा करने से मनुष्यों को जो पुण्य प्राप्त होता है, हे नृपश्रेष्ठ! सावधान होकर उस पुण्य को सुनो।

श्लोक 11 (skanda.5.343.11)

न शोकदुःखे प्रतिपत्स्यतीह जीवन्मृतो याति मुरारिसाम्यम्। महान्ति पापानि विसृज्य दुग्धं पुनर्न मातुः पिबते स्तनोद्यत्

na śokaduḥkhe pratipatsyatīha jīvanmṛto yāti murārisāmyam| mahānti pāpāni visṛjya dugdhaṁ punarna mātuḥ pibate stanodyat

वह इस लोक में शोक और दुःख को प्राप्त नहीं होता; जीवित रहते हुए ही वह मुरारि के सामीप्य को प्राप्त कर लेता है। महान पापों को त्यागकर वह पुनः माता के उभरे हुए स्तन का दूध नहीं पीता, अर्थात् पुनः जन्म नहीं लेता।

श्लोक 12 (skanda.5.343.12)

शालग्रामं पश्यते यो हि नित्यं स्नात्वा जले नार्मदेऽघौघहारे। स मुच्यते ब्रह्महत्यादिपापैर्नारायणानुस्मरणेन तेन

śālagrāmaṁ paśyate yo hi nityaṁ snātvā jale nārmade'ghaughahāre| sa mucyate brahmahatyādipāpairnārāyaṇānusmaraṇena tena

जो व्यक्ति प्रतिदिन पापसमूह का हरण करने वाले नर्मदा के जल में स्नान कर शालग्राम का दर्शन करता है, वह उस नारायण-स्मरण के प्रभाव से ब्रह्महत्या आदि पापों से मुक्त हो जाता है।

श्लोक 13 (skanda.5.343.13)

वसन्ति ये संन्यसित्वा च तत्र निगृह्य दुःखानि विमुक्तसङ्घाः। ध्यायन्तो वै सांख्यवृत्त्या तुरीयं पदं मुरारेस्तेऽपि तत्रैव यान्ति

vasanti ye saṁnyasitvā ca tatra nigṛhya duḥkhāni vimuktasaṅghāḥ| dhyāyanto vai sāṅkhyavṛttyā turīyaṁ padaṁ murārestepi tatraiva yānti

जो लोग वहाँ संन्यास लेकर, दुःखों का दमन करके, समस्त बन्धनों से मुक्त होकर सांख्य-वृत्ति से मुरारि के तुरीय पद का ध्यान करते हुए निवास करते हैं, वे भी उसी परम पद को प्राप्त होते हैं।