कुर्कुरी तीर्थ की महिमा

श्लोक 1 (skanda.5.360.1)

श्रीमार्कण्डेय उवाच। गच्छेत्ततः क्षोणिनाथ तीर्थं परमशोभनम्। कुर्कुरीनाम विख्यातं सर्वपापप्रणाशनम्।

śrīmārkaṇḍeya uvāca| gacchettataḥ kṣoṇinātha tīrthaṁ paramaśobhanam| kurkurīnāma vikhyātaṁ sarvapāpapraṇāśanam||

श्री मार्कण्डेय बोले - हे राजन्! इसके पश्चात परम शोभन तीर्थ में जाना चाहिए, जो कुर्कुरी नाम से विख्यात है और समस्त पापों का नाश करने वाला है।

श्लोक 2 (skanda.5.360.2)

यं यं प्रार्थयते कामं पशुपुत्रधनादिकम्। तं तं ददाति देवेशी कुर्कुरी तीर्थदेवता।

yaṁ yaṁ prārthayate kāmaṁ paśuputradhanādikam| taṁ taṁ dadāti deveśī kurkurī tīrthadevatā||

वहां जो-जो कामना की जाती है - पशु, पुत्र, धन आदि - उसे-उसे तीर्थ की देवी कुर्कुरी देती हैं।

श्लोक 3 (skanda.5.360.3)

क्षेत्रपालो वसेत्तत्र ढौण्ढेशो नाम नामतः। तस्य चाराधनं कृत्वा नारी वा पुरुषोऽपि वा।

kṣetrapālo vasettatra ḍhauṇḍheśo nāma nāmataḥ| tasya cārādhanaṁ kṛtvā nārī vā puruṣo'pi vā||

वहां ढौण्ढेश नामक क्षेत्रपाल निवास करते हैं। उनकी आराधना करके, चाहे वह स्त्री हो या पुरुष,

श्लोक 4 (skanda.5.360.4)

वन्दनादपि राजेन्द्र दौर्भाग्यं नाशमाप्नुयात्। अपुत्रो लभते पुत्रमधनो धनमुत्तमम्।

vandanādapi rājendra daurbhāgyaṁ nāśamāpnuyāt| aputro labhate putramadhano dhanamuttamam||

हे राजेन्द्र! केवल वंदन मात्र से भी दुर्भाग्य का नाश हो जाता है। पुत्रहीन पुत्र को प्राप्त करता है, धनहीन उत्तम धन को प्राप्त करता है।

श्लोक 5 (skanda.5.360.5)

नारी नरस्तथाप्येवं लभते काममुत्तमम्। स्पर्शनाद्दर्शनात्तस्य तीर्थस्य विधिपूर्वकम्।

nārī narastathāpyevaṁ labhate kāmamuttamam| sparśanāddarśanāttasya tīrthasya vidhipūrvakam||

इसी प्रकार स्त्री और पुरुष दोनों ही उस तीर्थ के विधिपूर्वक स्पर्श और दर्शन से उत्तम इच्छा को प्राप्त करते हैं।