जामदग्न्य तीर्थ की महिमा

श्लोक 1 (skanda.5.373.1)

श्रीमार्कण्डेय उवाच। ततो गच्छेद्धराधीश तीर्थं परमशोभनम्। जमदग्निरिति ख्यातं यत्र सिद्धो जनार्दनः।

śrīmārkaṇḍeya uvāca| tato gacchedharādhīśa tīrthaṁ paramaśobhanam| jamadagniriti khyātaṁ yatra siddho janārdanaḥ|||

श्री मार्कण्डेय बोले - हे धराधीश! तत्पश्चात परम शोभन तीर्थ में जाना चाहिए, जो जमदग्नि नाम से विख्यात है, जहां जनार्दन सिद्ध हुए थे।

श्लोक 2 (skanda.5.373.2)

युधिष्ठिर उवाच। कथं सिद्धो द्विजश्रेष्ठ वासुदेवो जगद्गुरुः। मानुषं रूपमास्थाय लोकानां हितकाम्यया।

yudhiṣṭhira uvāca| kathaṁ siddho dvijaśreṣṭha vāsudevo jagadguruḥ| mānuṣaṁ rūpamāsthāya lokānāṁ hitakāmyayā|||

युधिष्ठिर ने कहा - हे द्विजश्रेष्ठ! जगद्गुरु वासुदेव, मनुष्य रूप धारण करके, लोकों के हित की कामना से किस प्रकार सिद्ध हुए?

श्लोक 3 (skanda.5.373.3)

एतत्सर्वं यथान्यायं देवदेवस्य चक्रिणः। चरितं श्रोतुमिच्छामि कथ्यमानं त्वयानघ।

etatsarvaṁ yathānyāyaṁ devadevasya cakriṇaḥ| caritaṁ śrotumicchāmi kathyamānaṁ tvayānagha|||

हे निष्पाप! चक्रधारी देवाधिदेव का यह समस्त चरित्र, यथाविधि आपके द्वारा कहा जाता हुआ, मैं सुनना चाहता हूं।

श्लोक 4 (skanda.5.373.4)

श्रीमार्कण्डेय उवाच। आसीत्पूर्वं महाराज हैहयाधिपतिर्महान्। कार्तवीर्य इति ख्यातो राजा बाहुसहस्रवान्।

śrīmārkaṇḍeya uvāca| āsītpūrvaṁ mahārāja haihayādhipatirmahān| kārtavīrya iti khyāto rājā bāhusahasravān|||

श्री मार्कण्डेय बोले - हे महाराज! पूर्वकाल में हैहयों का एक महान अधिपति था, जो कार्तवीर्य नाम से विख्यात था, हजार भुजाओं वाला राजा।

श्लोक 5 (skanda.5.373.5)

हस्त्यश्वरथसम्पन्नः सर्वशस्त्रभृतां वरः। वेदविद्याव्रतस्नातः सर्वभूताभयप्रदः।

hastyaśvarathasampannaḥ sarvaśastrabhṛtāṁ varaḥ| vedavidyāvratasnātaḥ sarvabhūtābhayapradaḥ|||

वह हाथी, घोड़े और रथों से संपन्न, समस्त शस्त्रधारियों में श्रेष्ठ, वेद-विद्या और व्रतों में स्नातक, और समस्त प्राणियों को अभय देने वाला था।

श्लोक 6 (skanda.5.373.6)

माहिष्मत्याः पतिः श्रीमान्राजा ह्यक्षौहिणीपतिः। स कदाचिन्मृगान्हन्तुं निर्जगाम महाबलः।

māhiṣmatyāḥ patiḥ śrīmānrājā hyakṣauhiṇīpatiḥ| sa kadācinmṛgānhantuṁ nirjagāma mahābalaḥ|||

वह माहिष्मती नगरी का श्रीमान स्वामी था, एक अक्षौहिणी सेना का पति। एक बार वह महाबली मृगों का शिकार करने के लिए निकला।

श्लोक 7 (skanda.5.373.7)

बहुभिर्दिवसैः प्राप्तो भृगुकच्छमनुत्तमम्। जमदग्निर्महातेजा यत्र तिष्ठति तापसः।

bahubhirdivasaiḥ prāpto bhṛgukacchamanuttamam| jamadagnirmahātejā yatra tiṣṭhati tāpasaḥ|||

अनेक दिनों के पश्चात वह अनुपम भृगुकच्छ में पहुंचा, जहां महातेजस्वी तपस्वी जमदग्नि निवास करते थे।

श्लोक 8 (skanda.5.373.8)

रेणुकासहितः श्रीमान्सर्वभूताभयप्रदः। तस्य पुत्रोऽभवद्रामः साक्षान्नारायणः प्रभुः।

reṇukāsahitaḥ śrīmānsarvabhūtābhayapradaḥ| tasya putro'bhavadrāmaḥ sākṣānnārāyaṇaḥ prabhuḥ|||

वे रेणुका सहित, श्रीमान, समस्त प्राणियों को अभय देने वाले थे। उनका पुत्र राम था, जो साक्षात नारायण प्रभु ही था।

श्लोक 9 (skanda.5.373.9)

सर्वक्षत्रगुणैर्युक्तो ब्रह्मविद्ब्राह्मणोत्तमः। तोषयन्परया भक्त्या पितरौ परमार्थवत्।

sarvakṣatraguṇairyukto brahmavidbrāhmaṇottamaḥ| toṣayanparayā bhaktyā pitarau paramārthavat|||

वह समस्त क्षत्रिय-गुणों से युक्त, ब्रह्म को जानने वाला श्रेष्ठ ब्राह्मण था, जो परम भक्ति से अपने माता-पिता दोनों को यथार्थ रूप से संतुष्ट रखता था।

श्लोक 10 (skanda.5.373.10)

तं तदा चार्जुनं दृष्ट्वा जमदग्निः प्रतापवान्। चरन्तं मृगयां गत्वा ह्यातिथ्येन न्यमन्त्रयत्।

taṁ tadā cārjunaṁ dṛṣṭvā jamadagniḥ pratāpavān| carantaṁ mṛgayāṁ gatvā hyātithyena nyamantrayat|||

तब उस अर्जुन (कार्तवीर्य) को शिकार करते हुए देखकर, प्रतापी जमदग्नि ने जाकर उसे आतिथ्य के लिए आमंत्रित किया।

श्लोक 11 (skanda.5.373.11)

तथेति चोक्त्वा स नृपः सभृत्यबलवाहनः। जगाम चाश्रमं पुण्यमृषेस्तस्य महात्मनः।

tatheti coktvā sa nṛpaḥ sabhṛtyabalavāhanaḥ| jagāma cāśramaṁ puṇyamṛṣestasya mahātmanaḥ|||

"ऐसा ही हो" कहकर वह राजा अपने सेवकों, सेना और वाहनों सहित उस महात्मा ऋषि के पवित्र आश्रम में गया।

श्लोक 12 (skanda.5.373.12)

तत्क्षणादेव सम्पन्नं श्रिया परमया वृतम्। विस्मयं परमं तत्र दृष्ट्वा राजा जगाम ह।

tatkṣaṇādeva sampannaṁ śriyā paramayā vṛtam| vismayaṁ paramaṁ tatra dṛṣṭvā rājā jagāma ha|||

उसी क्षण वहां परम समृद्धि से युक्त सब कुछ सम्पन्न हो गया। वहां परम विस्मय को प्राप्त होकर राजा (आश्रम में) गया।

श्लोक 13 (skanda.5.373.13)

गतमात्रस्तु सिद्धेन परमान्नेन भोजितः। सभृत्यबलवान्राजा ब्राह्मणेन यदृच्छया। किमेतदिति पप्रच्छ कारणं शक्तिमेव च।

gatamātrastu siddhena paramānnena bhojitaḥ| sabhṛtyabalavānrājā brāhmaṇena yadṛcchayā| kimetaditi papraccha kāraṇaṁ śaktimeva ca|||

वहां पहुंचते ही उस ब्राह्मण ने राजा को उसकी सेना और सेवकों सहित सिद्ध किए गए परम अन्न से यथेच्छ भोजन कराया। राजा ने पूछा, "यह क्या है?" और इसका कारण तथा शक्ति (के स्रोत) के विषय में जिज्ञासा की।

श्लोक 14 (skanda.5.373.14)

कामधेनोः प्रभावं तं ज्ञात्वा प्राह ततो द्विजम्। दक्षिणां देहि मे विप्र कल्मषां धेनुमुत्तमाम्।

kāmadhenoḥ prabhāvaṁ taṁ jñātvā prāha tato dvijam| dakṣiṇāṁ dehi me vipra kalmaṣāṁ dhenumuttamām|||

कामधेनु के उस प्रभाव को जानकर उसने उस द्विज से कहा - "हे विप्र! मुझे दक्षिणा के रूप में यह उत्तम कल्मषा (धूसर वर्ण की) धेनु दे दो।"

श्लोक 15 (skanda.5.373.15)

शतं शतसहस्राणामयुतं नियुतं परम्। भूषितानां च धेनूनां ददामि तव चार्बुदम्।

śataṁ śataśahasrāṇāmayutaṁ niyutaṁ param| bhūṣitānāṁ ca dhenūnāṁ dadāmi tava cārbudam|||

"मैं तुम्हें सौ, लाख, दस हजार, दस लाख, तथा सुसज्जित गौओं में से एक अर्बुद (करोड़) तक भी दूंगा (इसके बदले में)।"

श्लोक 16 (skanda.5.373.16)

जमदग्निरुवाच। अयुतैः प्रयुतैर्नाहं शतकोटिभिरुत्तमाम्। कामधेनुमिमां तात न दद्मि प्रतिगम्यताम्।

jamadagniruvāca| ayutaiḥ prayutairnāhaṁ śatakoṭibhiruttamām| kāmadhenumimāṁ tāta na dadmi pratigamyatām|||

जमदग्नि ने कहा - हे तात! दस हजार, दस लाख अथवा सौ करोड़ (गौओं के बदले में) भी मैं इस उत्तम कामधेनु को नहीं दूंगा। तुम लौट जाओ।

श्लोक 17 (skanda.5.373.17)

एवमुक्तः स राजेन्द्रस्तेन विप्रेण भारत। क्रोधसंरक्तनयन इदं वचनमब्रवीत्।

evamuktaḥ sa rājendrastena vipreṇa bhārata| krodhasaṁraktanayana idaṁ vacanamabravīt|||

हे भारत! उस ब्राह्मण द्वारा ऐसा कहे जाने पर, क्रोध से लाल हुए नेत्रों वाले उस राजेन्द्र ने यह वचन कहा।

श्लोक 18 (skanda.5.373.18)

यस्येदृशः कामचारो मय्यपि द्विजपांसन। अहं ते पश्यतस्तस्मान्नयामि सुरभिं गृहात्।

yasyedṛśaḥ kāmacāro mayyapi dvijapāṁsana| ahaṁ te paśyatastasmānnayāmi surabhiṁ gṛhāt|||

"हे नीच द्विज! तुझे मुझ पर भी इस प्रकार मनमानी करने का साहस है? इसलिए मैं तेरे ही देखते हुए तेरे घर से इस कामधेनु को ले जाता हूं।"

श्लोक 19 (skanda.5.373.19)

द्विज उवाच। कः क्रीडति सरोषेण निर्भयो हि महाहिना। मृत्युदृष्टोतरेणापि मम धेनुं नयेत यः।

dvija uvāca| kaḥ krīḍati saroṣeṇa nirbhayo hi mahāhinā| mṛtyudṛṣṭottareṇāpi mama dhenuṁ nayeta yaḥ|||

उस द्विज ने कहा - क्रोधित महासर्प के साथ निर्भय होकर कौन खेलता है? जो मेरी धेनु को ले जाना चाहे, वह मानो मृत्यु को देखकर भी उसके पार जाने की इच्छा करता है।

श्लोक 20 (skanda.5.373.20)

एवमुक्त्वा महादण्डं ब्रह्मदण्डमिवापरम्। गृहीत्वा परमक्रुद्धो जमदग्निरुवाच ह।

evamuktvā mahādaṇḍaṁ brahmadaṇḍamivāparam| gṛhītvā paramakruddho jamadagniruvāca ha|||

ऐसा कहकर, मानो एक दूसरा ब्रह्मदण्ड हो ऐसा महादण्ड (शस्त्र) हाथ में लेकर, अत्यंत क्रुद्ध हुए जमदग्नि बोले।

श्लोक 21 (skanda.5.373.21)

यस्यास्ति शक्तिस्तेजो वा क्षत्रियस्य कुलाधमः। धेनुं नयतु मे सद्यः क्षीणायुः सपरिच्छदः।

yasyāsti śaktistejo vā kṣatriyasya kulādhamaḥ| dhenuṁ nayatu me sadyaḥ kṣīṇāyuḥ saparicchadaḥ|||

"जिस किसी क्षत्रिय-अधम में शक्ति या तेज हो, वह अपने आयु के क्षीण होने पर, अपने परिवार सहित, अभी मेरी इस धेनु को ले जाए।"

श्लोक 22 (skanda.5.373.22)

एतच्छ्रुत्वा वचः क्रूरं हैहयः शतशो वृतः। धावमानः क्षितितले ब्रह्मदण्डहतोऽपतत्।

etacchrutvā vacaḥ krūraṁ haihayaḥ śataśo vṛtaḥ| dhāvamānaḥ kṣititale brahmadaṇḍahato'patat|||

यह कठोर वचन सुनकर, सैकड़ों लोगों से घिरा हुआ वह हैहय राजा (उसकी ओर) दौड़ा, किंतु ब्रह्मदण्ड से आहत होकर पृथ्वी पर गिर पड़ा।

श्लोक 23 (skanda.5.373.23)

हुंकृतेन ततो धेन्वाः खड्गपाशासिपाणयः। निर्गच्छन्तः प्रदृश्यन्ते कल्मषायाः सहस्रशः।

huṁkṛtena tato dhenvāḥ khaḍgapāśāsipāṇayaḥ| nirgacchantaḥ pradṛśyante kalmaṣāyāḥ sahasraśaḥ|||

तत्पश्चात उस कल्मषा धेनु के हुंकार-मात्र से, तलवार, पाश और खड्ग हाथों में लिए हुए हजारों (योद्धा) निकलते हुए दिखाई दिए।

श्लोक 24 (skanda.5.373.24)

नासापुटाग्राद्रोमाग्रात्किराता मागधा गुदात्। रन्ध्रान्तरेषु चोत्पन्नाः शतशोऽथ सहस्रशः।

nāsāpuṭāgrādromāgrātkirātā māgadhā gudāt| randhrāntareṣu cotpannāḥ śataśo'tha sahasraśaḥ|||

उसके नथुनों के अग्रभाग से, रोम-कूपों से किरात, तथा गुदा से मागध - इस प्रकार शरीर के अन्य छिद्रों से भी सैकड़ों और हजारों योद्धा उत्पन्न हुए।

श्लोक 25 (skanda.5.373.25)

एवमन्योऽन्यमाहत्य हैहयष्टङ्कणान्दहन्। विनाशं सह विप्रेण गता ह्यर्जुनतेजसा।

evamanyo'nyamāhatya haihayaṣṭaṅkaṇāndahan| vināśaṁ saha vipreṇa gatā hyarjunatejasā|||

इस प्रकार परस्पर एक-दूसरे पर प्रहार करते हुए, हैहयों और टंकणों को जलाते हुए, वे अर्जुन के तेज सहित (उसकी सेना के साथ) विनाश को प्राप्त हुए।

श्लोक 26 (skanda.5.373.26)

कार्तवीर्यो जयं लब्ध्वा संख्ये हत्वा द्विजोत्तमम्। जगाम स्वां पुरीं हृष्टः कृतान्तवशमोहितः।

kārtavīryo jayaṁ labdhvā saṅkhye hatvā dvijottamam| jagāma svāṁ purīṁ hṛṣṭaḥ kṛtāntavaśamohitaḥ|||

कार्तवीर्य ने युद्ध में विजय प्राप्त कर उस श्रेष्ठ द्विज (जमदग्नि) का वध कर दिया, और काल के वशीभूत होकर, मोहित होकर हर्षित मन से अपनी नगरी को लौट गया।

श्लोक 27 (skanda.5.373.27)

ततस्त्वरान्वितः प्राप्तः पश्चाद्रामो गते रिपौ। आक्रन्दमानां जननीं ददर्श पितुरन्तिके।

tatastvarānvitaḥ prāptaḥ paścādrāmo gate ripau| ākrandamānāṁ jananīṁ dadarśa piturantike|||

तत्पश्चात शत्रु के चले जाने पर, शीघ्रता से लौटे हुए राम ने अपनी माता को अपने पिता के समीप विलाप करते हुए देखा।

श्लोक 28 (skanda.5.373.28)

राम उवाच। केनेदमात्मनाशाय ह्यज्ञानात्साहसं कृतम्। मम तातं जिघांसुर्यो द्रष्टुं मृत्युमिहेच्छति।

rāma uvāca| kenedamātmanāśāya hyajñānātsāhasaṁ kṛtam| mama tātaṁ jighāṁsuryo draṣṭuṁ mṛtyumihecchati|||

राम ने कहा - किसने अज्ञानतावश अपने ही विनाश के लिए यह दुस्साहस किया है? जो मेरे पिता का वध करना चाहता है, वह मानो यहीं मृत्यु को देखने की इच्छा करता है।

श्लोक 29 (skanda.5.373.29)

ततः सा रामवाक्येन गतसत्त्वेव विह्वला। उदरं करयुग्मेन ताडयन्ती ह्युवाच तम्।

tataḥ sā rāmavākyena gatasattveva vihvalā| udaraṁ karayugmena tāḍayantī hyuvāca tam|||

तब राम के इस वचन को सुनकर, मानो चेतना खोई हुई विह्वल वह माता, अपने दोनों हाथों से अपना उदर पीटते हुए, उससे बोली।

श्लोक 30 (skanda.5.373.30)

अर्जुनेन नृशंसेन क्षत्रियैरपरैः सह। इहागत्य पिता तेन निहतो बाहुशालिना।

arjunena nṛśaṁsena kṣatriyairaparaiḥ saha| ihāgatya pitā tena nihato bāhuśālinā|||

"क्रूर अर्जुन (कार्तवीर्य) ने अन्य क्षत्रियों सहित यहां आकर, उस बाहुबली ने तुम्हारे पिता का वध कर दिया है।"

श्लोक 31 (skanda.5.373.31)

तं पश्य निहतं तातं गतासुं गतचेतसम्। संस्कृत्य विधिवत्पुत्र तर्पयस्व यथातथम्।

taṁ paśya nihataṁ tātaṁ gatāsuṁ gatacetasam| saṁskṛtya vidhivatputra tarpayasva yathātatham|||

"देखो, वह तुम्हारे पिता मारे गए, प्राणरहित और चेतनारहित पड़े हैं। हे पुत्र! विधिपूर्वक उनका संस्कार करके, यथोचित रूप से उन्हें तर्पण दो।"

श्लोक 32 (skanda.5.373.32)

एतच्छ्रुत्वा स वचनं जननीमभिवाद्य ताम्। प्रतिज्ञामकरोद्यां तां शृणुष्व च नराधिप।

etacchrutvā sa vacanaṁ jananīmabhivādya tām| pratijñāmakarodyāṁ tāṁ śṛṇuṣva ca narādhipa|||

यह वचन सुनकर, उस माता को प्रणाम करके, उसने जो प्रतिज्ञा की, हे नराधिप! उसे सुनिए।

श्लोक 33 (skanda.5.373.33)

त्रिःसप्तकृत्वः पृथिवीं निःक्षत्रियकुलान्वयाम्। स्नात्वा च तेषामसृजा तर्पयिष्यामि ते पतिम्।

triḥsaptakṛtvaḥ pṛthivīṁ niḥkṣatriyakulānvayām| snātvā ca teṣāmasṛjā tarpayiṣyāmi te patim|||

"मैं इक्कीस बार पृथ्वी को क्षत्रिय-कुलों के वंश से रहित कर दूंगा, और उनके ही रक्त से स्नान करके तुम्हारे पति (मेरे पिता) को तर्पण दूंगा।"

श्लोक 34 (skanda.5.373.34)

तस्यापि परशुना बाहून् कार्तवीर्यस्य दुर्मतेः। छित्त्वा पास्यामि रुधिरमिति सत्यं शृणुष्व मे।

tasyāpi paraśunā bāhūn kārtavīryasya durmateḥ| chittvā pāsyāmi rudhiramiti satyaṁ śṛṇuṣva me|||

"और उस दुर्बुद्धि कार्तवीर्य की भुजाओं को भी अपने परशु से काटकर, मैं उसका रक्त पीऊंगा - मेरी यह सत्य प्रतिज्ञा सुनो।"

श्लोक 35 (skanda.5.373.35)

एवं प्रतिज्ञां कृत्वासौ जामदग्न्यः प्रतापवान्। क्रोधेन महताविष्टः संस्कृत्य पितरं ततः।

evaṁ pratijñāṁ kṛtvāsau jāmadagnyaḥ pratāpavān| krodhena mahatāviṣṭaḥ saṁskṛtya pitaraṁ tataḥ|||

इस प्रकार प्रतिज्ञा करके, महान क्रोध से आविष्ट, प्रतापी जामदग्न्य (परशुराम) ने अपने पिता का संस्कार करके,

श्लोक 36 (skanda.5.373.36)

माहिष्मतीं पुरीं रामो जगाम क्रोधमूर्छितः। छित्त्वा बाहुवनं तस्य हत्वा तं क्षत्रियाधमम्।

māhiṣmatīṁ purīṁ rāmo jagāma krodhamūrchitaḥ| chittvā bāhuvanaṁ tasya hatvā taṁ kṣatriyādhamam|||

क्रोध से उन्मत्त होकर राम माहिष्मती नगरी को गए, और उस वन के समान (सहस्र) भुजाओं वाले नीच क्षत्रिय को काटकर उसका वध कर दिया।

श्लोक 37 (skanda.5.373.37)

जगाम क्षत्रियान्ताय पृथिवीमवलोकयन्। सप्तद्वीपार्णवयुतां सशैलवनकाननाम्।

jagāma kṣatriyāntāya pṛthivīmavalokayan| saptadvīpārṇavayutāṁ saśailavanakānanām|||

तत्पश्चात क्षत्रियों का अंत करने के लिए, सातों द्वीपों और समुद्रों सहित, पर्वतों और वनों सहित पृथ्वी का अवलोकन करते हुए वे चले।

श्लोक 38 (skanda.5.373.38)

पूर्वतः पश्चिमामाशां दक्षिणोत्तरतः कुरून्। समन्तपञ्चके पञ्च चकार रुधिरह्रदान्।

pūrvataḥ paścimāmāśāṁ dakṣiṇottarataḥ kurūn| samantapañcake pañca cakāra rudhirahradān|||

पूर्व से पश्चिम दिशा तक, दक्षिण से उत्तर में कुरु देश तक (क्षत्रियों का वध करते हुए), समन्तपंचक में उन्होंने पांच रक्त के ह्रद (सरोवर) बना दिए।

श्लोक 39 (skanda.5.373.39)

स तेषु रुधिराम्भस्तु ह्रदेषु क्रोधमूर्छितः। पितॄन् संतर्पयामास रुधिरेणेति नः श्रुतम्।

sa teṣu rudhirāmbhastu hradeṣu krodhamūrchitaḥ| pitṝn saṁtarpayāmāsa rudhireṇeti naḥ śrutam|||

क्रोध से उन्मत्त होकर उसने उन रक्त-जल वाले ह्रदों में अपने पितरों को रक्त से ही तर्पण दिया - ऐसा हमने सुना है।

श्लोक 40 (skanda.5.373.40)

अथर्चीकादय उपेत्य पितरो ब्राह्मणर्षभम्। तं क्षमस्वेति जगदुस्ततः स विरराम ह।

atharcīkādaya upetya pitaro brāhmaṇarṣabham| taṁ kṣamasveti jagadustataḥ sa virarāma ha|||

तब ऋचीक आदि पितरगण उस श्रेष्ठ ब्राह्मण के पास आकर उससे "अब क्षमा करो" ऐसा बोले, तत्पश्चात वह शांत हो गया।

श्लोक 41 (skanda.5.373.41)

तेषां समीपे यो देशो ह्रदानां रुधिराम्भसाम्। समं तपं चक्रमिति पुण्यं तत्परिकीर्तितम्।

teṣāṁ samīpe yo deśo hradānāṁ rudhirāmbhasām| samaṁ tapaṁ cakramiti puṇyaṁ tatparikīrtitam|||

उन रक्त-जल वाले ह्रदों के समीप जो प्रदेश है, वह "समन्तपंचक" - यह पुण्यमय (क्षेत्र) इसी नाम से कीर्तित हुआ।

श्लोक 42 (skanda.5.373.42)

निवर्त्य कर्मणस्तस्मात्पितॄन् प्रोवाच पाण्डव। रामः परमधर्मात्मा यदिदं रुधिरं मया।

nivartya karmaṇastasmātpitṝn provāca pāṇḍava| rāmaḥ paramadharmātmā yadidaṁ rudhiraṁ mayā|||

हे पाण्डव! उस कर्म से निवृत्त होकर, परम धर्मात्मा राम ने पितरों से कहा - "यह जो रक्त मैंने,"

श्लोक 43 (skanda.5.373.43)

क्षिप्तं पञ्चसु तीर्थेषु तद्भूयात्तीर्थमुत्तमम्। तथेत्युक्त्वा तु ते सर्वे पितरोऽदृश्यतां गताः।

kṣiptaṁ pañcasu tīrtheṣu tadbhūyāttīrthamuttamam| tathetyuktvā tu te sarve pitaro'dṛśyatāṁ gatāḥ|||

"पांचों तीर्थों में प्रवाहित किया है, वह उत्तम तीर्थ बन जाए।" "ऐसा ही हो" ऐसा कहकर वे समस्त पितर अदृश्य हो गए।

श्लोक 44 (skanda.5.373.44)

एवं रामस्य संसर्गो देवमार्गे युधिष्ठिर। सर्वपापक्षयकरो दर्शनात्स्पर्शनान्नृणाम्।

evaṁ rāmasya saṁsargo devamārge yudhiṣṭhira| sarvapāpakṣayakaro darśanātsparśanānnṛṇām|||

हे युधिष्ठिर! इस प्रकार देवमार्ग में राम का यह संबंध, मनुष्यों के दर्शन और स्पर्श मात्र से ही समस्त पापों का क्षय करने वाला है।

श्लोक 45 (skanda.5.373.45)

रेणुकाप्रत्ययार्थाय अद्यापि पितृदेवताः। दृश्यन्ते देवमार्गस्थाः सर्वपापक्षयंकराः।

reṇukāpratyayārthāya adyāpi pitṛdevatāḥ| dṛśyante devamārgasthāḥ sarvapāpakṣayaṁkarāḥ|||

रेणुका की श्रद्धा को दृढ़ करने के लिए, आज भी पितृ-देवता देवमार्ग में स्थित दिखाई देते हैं, जो समस्त पापों का क्षय करने वाले हैं।

श्लोक 46 (skanda.5.373.46)

तत्र तीर्थे तु राजेन्द्र नर्मदोदधिसङ्गमे। स्थानं कृत्वा विधानेन मुच्यन्ते पातकैर्नराः।

tatra tīrthe tu rājendra narmadodadhisaṅgame| sthānaṁ kṛtvā vidhānena mucyante pātakairnarāḥ|||

हे राजेन्द्र! वहां नर्मदा और समुद्र के संगम-तीर्थ में विधिपूर्वक स्नान करके मनुष्य पापों से मुक्त हो जाते हैं।

श्लोक 47 (skanda.5.373.47)

कुशाग्रेणापि कौन्तेय न स्पृष्टव्यो महोदधिः। अनेन तत्र मन्त्रेण स्नातव्यं नृपसत्तम।

kuśāgreṇāpi kaunteya na spṛṣṭavyo mahodadhiḥ| anena tatra mantreṇa snātavyaṁ nṛpasattama|||

हे कौन्तेय! कुश के अग्रभाग से भी महासागर को नहीं छूना चाहिए। हे नृपसत्तम! वहां इस मंत्र के साथ ही स्नान करना चाहिए।

श्लोक 48 (skanda.5.373.48)

नमस्ते विष्णुरूपाय नमस्तुभ्यमपां पते। सान्निध्यं कुरु देवेश सागरे लवणाम्भसि। इति स्पर्शनमन्त्रः।

namaste viṣṇurūpāya namastubhyamapāṁ pate| sānnidhyaṁ kuru deveśa sāgare lavaṇāmbhasi| iti sparśanamantraḥ|||

"हे विष्णु-रूप को नमस्कार! हे जलों के स्वामी! आपको नमस्कार हो। हे देवेश! खारे जल वाले इस सागर में सान्निध्य प्रदान करें।" - यह स्पर्श-मंत्र है।

श्लोक 49 (skanda.5.373.49)

अग्निश्च तेजो मृडया च देहे रेतोऽथ विष्णुरमृतस्य नाभिः। एतद्ब्रुवन् पाण्डव सत्यवाक्यं ततोऽवगाहेत पतिं नदीनाम्।

agniśca tejo mṛḍayā ca dehe reto'tha viṣṇuramṛtasya nābhiḥ| etadbruvan pāṇḍava satyavākyaṁ tato'vagāhet patiṁ nadīnām|||

"अग्नि ही तेज है, शिव के शरीर में जो रेत है वह भी वही है, और विष्णु अमृत की नाभि हैं" - हे पाण्डव! यह सत्य वचन बोलते हुए तत्पश्चात नदियों के पति (समुद्र) में अवगाहन करे।

श्लोक 50 (skanda.5.373.50)

पञ्चरत्नसमायुक्तं फलपुष्पाक्षतैर्युतम्। मन्त्रेणानेन राजेन्द्र दद्यादर्घं महोदधेः।

pañcaratnasamāyuktaṁ phalapuṣpākṣatairyutam| mantreṇānena rājendra dadyādarghaṁ mahodadheḥ|||

पांच रत्नों से युक्त, फल, पुष्प और अक्षतों से युक्त अर्घ्य, हे राजेन्द्र! इस मंत्र के साथ महासागर को अर्पित करना चाहिए।

श्लोक 51 (skanda.5.373.51)

सर्वरत्ननिधानस्त्वं सर्वरत्नाकराकरः। सर्वामरप्रधानेश गृहाणार्घं नमोऽस्तु ते। इत्यर्घमन्त्रः।

sarvaratnanidhānastvaṁ sarvaratnākarākaraḥ| sarvāmarapradhāneśa gṛhāṇārghaṁ namo'stu te| ityarghamantraḥ|||

"आप समस्त रत्नों के भंडार हैं, समस्त रत्नाकरों के भी आकर (स्रोत) हैं। हे समस्त देवताओं के प्रधान स्वामी! इस अर्घ्य को ग्रहण कीजिए, आपको नमस्कार हो।" - यह अर्घ्य-मंत्र है।

श्लोक 52 (skanda.5.373.52)

आ जन्मजनितात्पापान्मामुद्धर महोदधे। याह्यर्चितो रत्ननिधे पर्वतान् पार्वणोत्तम। इति विसर्जनमन्त्रः।

ā janmajanitātpāpānmāmuddhara mahodadhe| yāhyarcito ratnanidhe parvatān pārvaṇottama| iti visarjanamantraḥ|||

"हे महासागर! जन्म से लेकर अब तक उत्पन्न हुए पापों से मुझे उद्धारो। हे रत्नों के भंडार! हे पर्वों में श्रेष्ठ! पूजित होकर अब आप पर्वतों की ओर जाइए।" - यह विसर्जन-मंत्र है।

श्लोक 53 (skanda.5.373.53)

कोऽपरः सागराद्देवात्स्वर्गद्वारविपाटन। तत्र सागरपर्यन्तं महातीर्थमनुत्तमम्।

ko'paraḥ sāgarāddevātsvargadvāravipāṭana| tatra sāgaraparyantaṁ mahātīrthamanuttamam|||

हे स्वर्ग के द्वार को खोलने वाले! इस सागर देवता से बढ़कर और कौन है? वहां सागर तक फैला हुआ यह अनुपम महातीर्थ है।

श्लोक 54 (skanda.5.373.54)

जामदग्न्येन रामेण तत्र देवः प्रतिष्ठितः। यत्र देवाः सगन्धर्वा मुनयः सिद्धचारणाः।

jāmadagnyena rāmeṇa tatra devaḥ pratiṣṭhitaḥ| yatra devāḥ sagandharvā munayaḥ siddhacāraṇāḥ|||

वहां जामदग्न्य राम द्वारा देव प्रतिष्ठित किए गए, जहां गन्धर्वों सहित देवता, मुनि, सिद्ध और चारण,

श्लोक 55 (skanda.5.373.55)

उपासते विरूपाक्षं जमदग्निमनुत्तमम्। रेणुकां चैव ये देवीं पश्यन्ति भुवि मानवाः।

upāsate virūpākṣaṁ jamadagnimanuttamam| reṇukāṁ caiva ye devīṁ paśyanti bhuvi mānavāḥ|||

विरूपाक्ष तथा अनुपम जमदग्नि की उपासना करते हैं। और पृथ्वी पर जो मनुष्य देवी रेणुका के दर्शन करते हैं,

श्लोक 56 (skanda.5.373.56)

प्रियवासे शिवे लोके वसन्ति कालमीप्सितम्। तत्र स्नात्वा नरो राजंस्तर्पयन्पितृदेवताः।

priyavāse śive loke vasanti kālamīpsitam| tatra snātvā naro rājaṁstarpayanpitṛdevatāḥ|||

वे शिव के प्रिय निवास-स्थान में मनोवांछित काल तक निवास करते हैं। हे राजन्! वहां स्नान करके, पितृ-देवताओं को तर्पण देकर, मनुष्य,

श्लोक 57 (skanda.5.373.57)

तारयेन्नरकाद्घोरात्कुलानां शतमुत्तरम्। स्नात्वा दत्त्वात्र सहिताः श्रुत्वा वै भक्तिपूर्वकम्।

tārayennarakādghorātkulānāṁ śatamuttaram| snātvā dattvātra sahitāḥ śrutvā vai bhaktipūrvakam|||

एक सौ से अधिक कुलों को घोर नरक से पार कर देता है। यहां स्नान करके, दान देकर, तथा भक्तिपूर्वक (इस कथा को) सुनकर सब मनुष्य (मुक्त हो जाते हैं)।