कपालमोक्षण-वर्णन

श्लोक 1 (skanda.5.6.1)

सनत्कुमार उवाच। प्रविश्याथ वनं देवाः सर्वपुष्पोपशोभितम्। इह देवो ऽत्र देवोऽत्र विविशुस्ते दिदृक्षवः

sanatkumāra uvāca| praviśyātha vanaṁ devāḥ sarvapuṣpopaśobhitam| iha devo 'tra devo'tra viviśuste didṛkṣavaḥ

सनत्कुमार ने कहा—सर्वपुष्पों से सुशोभित उस वन में प्रवेश कर, दर्शन के अभिलाषी देवता 'यहाँ देव हैं, वहाँ देव हैं' कहते हुए इधर-उधर घूमने लगे।

श्लोक 2 (skanda.5.6.2)

अद्भुतस्य वनस्यांते न ते ददृशिरे सुराः। विचिन्वंतो महादेवं देवैर्बहुविलोकितः

adbhutasya vanasyāṁte na te dadṛśire surāḥ| vicinvaṁto mahādevaṁ devairbahuvilokitaḥ

उस अद्भुत वन के छोर तक महादेव को खोजते हुए वे देवता, चारों ओर से देखने पर भी, उन्हें नहीं देख सके।

श्लोक 3 (skanda.5.6.3)

तमुवाच स भद्रं वै द्रक्ष्यध्वं न तपो विना। विचिन्वन्तो विरूपाक्षं नैनं पश्यत शंकरम्

tamuvāca sa bhadraṁ vai drakṣyadhvaṁ na tapo vinā| vicinvanto virūpākṣaṁ nainaṁ paśyata śaṁkaram

ब्रह्मा ने उनसे कहा—'तुम्हारा कल्याण हो; तपस्या के बिना तुम उन्हें नहीं देख सकोगे। विरूपाक्ष को खोजते हुए भी तुम इस शंकर को नहीं देख पा रहे हो।'

श्लोक 4 (skanda.5.6.4)

स युक्तं हृदये स्मृत्वा ब्रह्मा देवांस्ततोऽब्रवीत्। त्रिविधो दर्शनोपायस्तस्य देवस्य सर्वदा

sa yuktaṁ hṛdaye smṛtvā brahmā devāṁstato'bravīt| trividho darśanopāyastasya devasya sarvadā

हृदय में उचित बात का स्मरण कर ब्रह्मा ने तब देवताओं से कहा—'उस देव के दर्शन का उपाय सदा त्रिविध कहा गया है।'

श्लोक 5 (skanda.5.6.5)

श्रद्धाज्ञानेन तपसा योगेनैव निगद्यते। सकलं निष्कलं चापि देवाः पश्यंति योगिनः

śraddhājñānena tapasā yogenaiva nigadyate| sakalaṁ niṣkalaṁ cāpi devāḥ paśyaṁti yoginaḥ

'श्रद्धा-ज्ञान से, तपस्या से, तथा योग से ही यह कहा गया है। योगीजन उन्हें सकल और निष्कल दोनों रूपों में देखते हैं।'

श्लोक 6 (skanda.5.6.6)

तपस्विनस्तु सकलं ज्ञानिनो निष्कलं परम्। समुत्पन्नेऽपि विज्ञाने मंदश्रद्धो न पश्यति

tapasvinastu sakalaṁ jñānino niṣkalaṁ param| samutpanne'pi vijñāne maṁdaśraddho na paśyati

'तपस्वी उन्हें सकल रूप में देखता है, ज्ञानी परम निष्कल रूप में; ज्ञान उत्पन्न होने पर भी मन्दश्रद्ध व्यक्ति उन्हें नहीं देख पाता।'

श्लोक 7 (skanda.5.6.7)

भक्त्या परमयोपेताः परं पश्यंति योगिनः। द्रष्टव्यो निर्विकारोऽसौ प्रधानपुरुषेश्वरः

bhaktyā paramayopetāḥ paraṁ paśyaṁti yoginaḥ| draṣṭavyo nirvikāro'sau pradhānapuruṣeśvaraḥ

'परम भक्ति से युक्त योगी ही परम तत्त्व को देखते हैं; वह निर्विकार प्रधान-पुरुषेश्वर इसी प्रकार दर्शनीय हैं।'

श्लोक 8 (skanda.5.6.8)

नादीक्षितैरतो देवाः शैवीं दीक्षां प्रपद्यत। कर्मणा मनसा वाचा नित्ययुक्ता महेश्वरे

nādīkṣitairato devāḥ śaivīṁ dīkṣāṁ prapadyata| karmaṇā manasā vācā nityayuktā maheśvare

'इसलिए, हे देवो, अदीक्षित होने के कारण, शैवी दीक्षा ग्रहण करो; कर्म, मन और वाणी से नित्य महेश्वर में युक्त रहो।'

श्लोक 9 (skanda.5.6.9)

तपश्चरत भद्रं वो रुद्राराध नतत्पराः। शिवदीक्षां प्रपन्नानां भक्तानां च तपस्विनाम्

tapaścarata bhadraṁ vo rudrārādha natatparāḥ| śivadīkṣāṁ prapannānāṁ bhaktānāṁ ca tapasvinām

'तपस्या करो—तुम्हारा कल्याण हो—रुद्राराधन में तत्पर होकर; जो भक्त और तपस्वी शिवदीक्षा ग्रहण कर चुके हैं...'

श्लोक 10 (skanda.5.6.10)

सर्वकालं विजानाति दातव्यं दर्शनं मया। ब्रह्मणो वचनं श्रुत्वा हितमेव यदुक्तवान्

sarvakālaṁ vijānāti dātavyaṁ darśanaṁ mayā| brahmaṇo vacanaṁ śrutvā hitameva yaduktavān

'...वे सर्वकाल जानते हैं कि उन्हें मेरे द्वारा दर्शन दिया जाना है।' ब्रह्मा के इस हितकारी वचन को सुनकर...

श्लोक 11 (skanda.5.6.11)

शिवेक्षाविष्टमतयो ब्रह्माणमिदमबुवन्। मार्गेण विधिना चैव शिवदीक्षासु तत्पराः। प्रयच्छ ब्रह्मन्सर्वेषां दीक्षां नः शिवतोषदाम्। श्रुत्वेति वचनं ब्रह्मा प्रत्युवाच विचारितम्

śivekṣāviṣṭamatayo brahmāṇamidamabuvan| mārgeṇa vidhinā caiva śivadīkṣāsu tatparāḥ| prayaccha brahmansarveṣāṁ dīkṣāṁ naḥ śivatoṣadām| śrutveti vacanaṁ brahmā pratyuvāca vicāritam

शिवदर्शन में तल्लीनचित्त होकर, शिवदीक्षा के मार्ग और विधि में तत्पर होकर, उन्होंने ब्रह्मा से कहा—'हे ब्रह्मन्, हम सबको शिव को संतुष्ट करने वाली दीक्षा प्रदान कीजिए।' यह वचन सुनकर ब्रह्मा ने विचारपूर्वक उत्तर दिया।

श्लोक 12 (skanda.5.6.12)

संदिदीक्षयिषुः क्षिप्रममराञ्छिवदीक्षया। शिवयज्ञार्थसंभारानानयध्वमलं सुराः

saṁdidīkṣayiṣuḥ kṣipramamarāñchivadīkṣayā| śivayajñārthasaṁbhārānānayadhvamalaṁ surāḥ

देवताओं को शीघ्र शिवदीक्षा प्रदान करने की इच्छा से उन्होंने कहा—'हे सुरो, शिवयज्ञ के लिए आवश्यक सामग्री बिना विलम्ब लाओ।'

श्लोक 13 (skanda.5.6.13)

वेदी प्रकल्प्यतामत्र यष्टव्योऽष्टतनुः शिवः। पद्मयोनेर्वचः श्रुत्वा चक्रुः सर्वमतः सुराः

vedī prakalpyatāmatra yaṣṭavyo'ṣṭatanuḥ śivaḥ| padmayonervacaḥ śrutvā cakruḥ sarvamataḥ surāḥ

'यहाँ वेदी तैयार की जाए; अष्टमूर्ति शिव का यज्ञ द्वारा पूजन किया जाए।' कमलयोनि ब्रह्मा के वचन सुनकर देवताओं ने वैसा ही सब कुछ किया।

श्लोक 14 (skanda.5.6.14)

विनीतवेषाः प्रणता अनेन सस्तमन्वगुः। शिवप्रसादसंप्राप्त्यै पुष्करज्ञानमीरितम्

vinītaveṣāḥ praṇatā anena sastamanvaguḥ| śivaprasādasaṁprāptyai puṣkarajñānamīritam

विनम्र वेष धारण कर, प्रणत होकर, वे उनके अनुसार चले; शिवप्रसाद की प्राप्ति के लिए पुष्करज्ञान का उपदेश दिया गया।

श्लोक 15 (skanda.5.6.15)

यज्ञं चकार विधिना वेधाश्चन्द्रार्धधारिणः। पद्मयोनिः पुरस्कृत्य तदा दीक्षां प्र योगतः

yajñaṁ cakāra vidhinā vedhāścandrārdhadhāriṇaḥ| padmayoniḥ puraskṛtya tadā dīkṣāṁ pra yogataḥ

विधाता ब्रह्मा ने अर्धचन्द्रधारी शिव का यज्ञ विधिपूर्वक सम्पन्न किया; कमलयोनि ने उस विधि को आगे रखकर तब यथाविधि दीक्षा प्रदान की।

श्लोक 16 (skanda.5.6.16)

अनुग्रहेण देवांस्तानकारयत भावतः। ततो व्रतानां प्रवरं व्रतं दिव्यं महाप्रभुः

anugraheṇa devāṁstānakārayata bhāvataḥ| tato vratānāṁ pravaraṁ vrataṁ divyaṁ mahāprabhuḥ

अपनी कृपा से उन्होंने उन देवताओं से भावपूर्वक वह कार्य कराया; तत्पश्चात् महाप्रभु ने व्रतों में श्रेष्ठ, दिव्य व्रत प्रदान किया।

श्लोक 17 (skanda.5.6.17)

तेभ्यो ददौ देवताभ्यः स तदप्यविरोधवित्। पठ्यते शिवशालायां महापाशुपतं व्रतम्

tebhyo dadau devatābhyaḥ sa tadapyavirodhavit| paṭhyate śivaśālāyāṁ mahāpāśupataṁ vratam

अविरोध को जानते हुए उन्होंने वह व्रत उन देवताओं को दिया; महापाशुपत व्रत शिवशाला में पठित होता है।

श्लोक 18 (skanda.5.6.18)

शैवं यथोदितं यच्च आगमाचारचेष्टितम्। शिवाराधनमुख्यानां मुनीनां तीव्रतेजसाम्

śaivaṁ yathoditaṁ yacca āgamācāraceṣṭitam| śivārādhanamukhyānāṁ munīnāṁ tīvratejasām

जो शैव सिद्धांत यथोक्त है, आगम के आचार और चेष्टा से युक्त, शिवाराधन में तत्पर तीव्रतेजस्वी मुनियों का...

श्लोक 19 (skanda.5.6.19)

सर्वानुग्राहकः शंभुः सर्वदेवैः प्रकल्पितम्। तदेवं प्रार्थितं बुद्ध्या व्रतं रौद्रं शिवं समम्

sarvānugrāhakaḥ śaṁbhuḥ sarvadevaiḥ prakalpitam| tadevaṁ prārthitaṁ buddhyā vrataṁ raudraṁ śivaṁ samam

सर्वानुग्राहक शम्भु ने समस्त देवताओं द्वारा रचित उस रौद्र-शिव-सम व्रत को इस प्रकार बुद्धिपूर्वक प्रार्थित पाकर...

श्लोक 20 (skanda.5.6.20)

तत्तेभ्यो विस्मयं त्यक्त्वा प्रायच्छत्कनकांडजः। कामिकं भस्मनामाढ्यं सर्वदा कीर्तितं शुभम्

tattebhyo vismayaṁ tyaktvā prāyacchatkanakāṁḍajaḥ| kāmikaṁ bhasmanāmāḍhyaṁ sarvadā kīrtitaṁ śubham

उस पर विस्मय त्यागकर स्वर्णाण्डज ब्रह्मा ने उन्हें भस्म से समृद्ध, सदा कीर्तित, शुभ कामिक व्रत प्रदान किया।

श्लोक 21 (skanda.5.6.21)

पापघ्रं दुःखशमनं पुष्टिश्रीबलवर्धनम्। सिद्धिदं कीर्तिकृत्कांतं कलिकल्मषमोक्षणम्

pāpaghraṁ duḥkhaśamanaṁ puṣṭiśrībalavardhanam| siddhidaṁ kīrtikṛtkāṁtaṁ kalikalmaṣamokṣaṇam

यह पापनाशक, दुःखशामक, पुष्टि-श्री-बल को बढ़ाने वाला है; सिद्धिदायक, कीर्तिवर्धक, कान्तिप्रद तथा कलियुग के पापों से मुक्त करने वाला है।

श्लोक 22 (skanda.5.6.22)

तस्मात्सर्वप्रयत्नेन भस्मस्नानं समाहिताः। कुर्वंतो मानवा दांता दीक्षिताः संयतेंद्रियाः

tasmātsarvaprayatnena bhasmasnānaṁ samāhitāḥ| kurvaṁto mānavā dāṁtā dīkṣitāḥ saṁyateṁdriyāḥ

इसलिए समाहितचित्त, दान्त, दीक्षित तथा संयतेन्द्रिय मनुष्यों को सर्वप्रयत्न से भस्मस्नान करना चाहिए।

श्लोक 23 (skanda.5.6.23)

सर्वे कमंडलुधराः सर्वे रुद्राक्षधारिणः। अनिष्टदर्शनालाप संगत्या परिवर्जिताः

sarve kamaṁḍaludharāḥ sarve rudrākṣadhāriṇaḥ| aniṣṭadarśanālāpa saṁgatyā parivarjitāḥ

सभी कमण्डलुधारी, सभी रुद्राक्षधारी, अनिष्ट दर्शन, वार्तालाप और संगति से रहित हुए।

श्लोक 24 (skanda.5.6.24)

एवं व्रतधराः सर्वे वने तस्मिन्महेश्वरम्। आराधयंस्तमीशानं व्रतेनैव उमाधवम्

evaṁ vratadharāḥ sarve vane tasminmaheśvaram| ārādhayaṁstamīśānaṁ vratenaiva umādhavam

इस प्रकार व्रतधारी सभी देवताओं ने उस वन में उस व्रत के द्वारा ही उमापति ईशान महेश्वर की आराधना की।

श्लोक 25 (skanda.5.6.25)

भक्त्या परमया युक्ता विधिना परमेण च। कालेन महता ध्यानादेवं ज्ञात्वा मनोगतम्

bhaktyā paramayā yuktā vidhinā parameṇa ca| kālena mahatā dhyānādevaṁ jñātvā manogatam

परम भक्ति तथा सर्वोत्तम विधि से युक्त होकर, दीर्घकाल तक ध्यान द्वारा—इस प्रकार उनके मन की बात जानकर...

श्लोक 26 (skanda.5.6.26)

रुद्रध्यानाग्निनिर्दग्धकल्मषाश्च श्रियान्विताः। तदा हत्वाऽसुरं शंभुः प्रत्यक्षो भगवानभूत्

rudradhyānāgninirdagdhakalmaṣāśca śriyānvitāḥ| tadā hatvā'suraṁ śaṁbhuḥ pratyakṣo bhagavānabhūt

रुद्रध्यान की अग्नि से जिनके पाप भस्म हो चुके थे, वे श्रीसंपन्न हो गए—तब असुर का वध कर भगवान् शम्भु उनके समक्ष प्रत्यक्ष हो गए।

श्लोक 27 (skanda.5.6.27)

सनत्कुमार उवाच। ब्रह्मदत्तं वरं देवाः सर्वे शर्वानुभाविताः। समचीकरन्प्रत्युक्ता ब्रह्मापीशानभावितः

sanatkumāra uvāca| brahmadattaṁ varaṁ devāḥ sarve śarvānubhāvitāḥ| samacīkaranpratyuktā brahmāpīśānabhāvitaḥ

सनत्कुमार ने कहा—शर्व की भावना से युक्त सभी देवताओं ने ब्रह्मा द्वारा दिए गए वर को, उत्तर पाकर, सत्य कर दिखाया; ब्रह्मा भी ईशान की भावना से युक्त हो गए।

श्लोक 28 (skanda.5.6.28)

गते वर्षसहस्रे स दिव्ये देवेश्वरेश्वरः। जातानुकंपो देवानां दीपो दर्शनमेयिवान्

gate varṣasahasre sa divye deveśvareśvaraḥ| jātānukaṁpo devānāṁ dīpo darśanameyivān

सहस्र दिव्य वर्ष बीत जाने पर, देवेश्वरेश्वर वे भगवान् देवताओं पर करुणा उत्पन्न होने से, प्रकाशमान होकर उन्हें दर्शन देने आए।

श्लोक 29 (skanda.5.6.29)

गणैर्नानाविधैः सार्धं नानाभूषणभूषितैः। सुदर्पोद्भूतदर्पघ्रैघोरैर्घोरविघातिभिः

gaṇairnānāvidhaiḥ sārdhaṁ nānābhūṣaṇabhūṣitaiḥ| sudarpodbhūtadarpaghraighorairghoravighātibhiḥ

अनेक प्रकार के, नाना आभूषणों से सुसज्जित, महाभिमान से उत्पन्न दर्प का नाश करने वाले, घोर तथा घोर विनाशक गणों के साथ...

श्लोक 30 (skanda.5.6.30)

कामरूपैरकामैश्च सर्वकामसमन्वितैः। करींद्रकरटाटोपपाटनैः सिंहदेहिभिः

kāmarūpairakāmaiśca sarvakāmasamanvitaiḥ| karīṁdrakaraṭāṭopapāṭanaiḥ siṁhadehibhiḥ

...इच्छानुसार अथवा निराकार रूप धारण करने वाले, सभी कामनाओं से युक्त; मदमत्त गजराजों की सूँड़ों को उखाड़ फेंकने वाले, सिंह के समान देहवाले...

श्लोक 31 (skanda.5.6.31)

अणिमादि गुणैर्दिव्यैर्योगैश्वर्यादिनामभिः। व्यालोलकेशरशनादंष्ट्राकटकटोद्भवैः

aṇimādi guṇairdivyairyogaiśvaryādināmabhiḥ| vyālolakeśaraśanādaṁṣṭrākaṭakaṭodbhavaiḥ

...अणिमा आदि दिव्य गुणों से युक्त, योगैश्वर्य आदि नामों वाले; हिलते केश-मेखला-दाढ़ों तथा कटकट की ध्वनि उत्पन्न करने वाले...

श्लोक 32 (skanda.5.6.32)

व्याघ्रव्यालाननै रौद्रैः काककंकवटैस्तथा

vyāghravyālānanai raudraiḥ kākakaṁkavaṭaistathā

...व्याघ्र और सर्प के समान भयंकर मुखों वाले, तथा कौवे, बगुले और गिद्ध के समान मुखों वाले भी।

श्लोक 33 (skanda.5.6.33)

अरूपैः समरूपैश्च सुरूपैर्बहुरूपकैः। एकद्वित्रिशिरोभिश्च बहुशीर्षैरशीर्षकैः

arūpaiḥ samarūpaiśca surūpairbahurūpakaiḥ| ekadvitriśirobhiśca bahuśīrṣairaśīrṣakaiḥ

अरूप और समरूप, सुरूप और बहुरूप; एक, दो अथवा तीन शिरों वाले, बहुशीर्ष तथा शीर्षरहित भी।

श्लोक 34 (skanda.5.6.34)

एकद्वित्रिशिखैश्चैव नानारूपविराजितैः। बहुनेत्रैरनेत्रैश्च एकद्वित्रिविलो चनैः

ekadvitriśikhaiścaiva nānārūpavirājitaiḥ| bahunetrairanetraiśca ekadvitrivilo canaiḥ

एक, दो अथवा तीन शिखाओं वाले, नाना रूपों से सुशोभित; बहुनेत्र तथा नेत्ररहित, एक-दो-तीन नेत्रों वाले भी।

श्लोक 35 (skanda.5.6.35)

एककर्णैर्द्विकर्णैश्च बहुकर्णैर्विकर्णकैः। एकद्वित्रिसुनासैश्च बहुनासैरनासिकैः

ekakarṇairdvikarṇaiśca bahukarṇairvikarṇakaiḥ| ekadvitrisunāsaiśca bahunāsairanāsikaiḥ

एक कान, दो कान, बहुकान अथवा विकर्ण कानों वाले; एक-दो-तीन सुन्दर नासिकाओं वाले, बहुनासिका तथा नासिकारहित भी।

श्लोक 36 (skanda.5.6.36)

एकजंघैर्द्विजंघैश्च बहुजंघैरजंघकैः। एक पादैर्द्विपादैश्च बहुपादैरपादकैः

ekajaṁghairdvijaṁghaiśca bahujaṁghairajaṁghakaiḥ| eka pādairdvipādaiśca bahupādairapādakaiḥ

एक जंघा, दो जंघा, बहुजंघा अथवा जंघारहित; एक पाद, दो पाद, बहुपाद अथवा पादरहित भी।

श्लोक 37 (skanda.5.6.37)

गौरश्यामैः श्यामगौरैरसितैः कर्बुरैस्तथा। भुजंगहारवलयैः कृतयज्ञोपवीतकैः

gauraśyāmaiḥ śyāmagaurairasitaiḥ karburaistathā| bhujaṁgahāravalayaiḥ kṛtayajñopavītakaiḥ

गौर-श्याम, श्याम-गौर, कृष्ण तथा चितकबरे वर्णों वाले; सर्पों को हार-कंकण बनाए, सर्पों का ही यज्ञोपवीत धारण किए हुए।

श्लोक 38 (skanda.5.6.38)

शूलासिपट्टिश धरैर्भुशुंडीपीरघायुधैः। चक्रक्रकचकोदंडकांडदंडास्त्रपाणिभिः

śūlāsipaṭṭiśa dharairbhuśuṁḍīpīraghāyudhaiḥ| cakrakrakacakodaṁḍakāṁḍadaṁḍāstrapāṇibhiḥ

त्रिशूल, खड्ग और पट्टिश धारण करने वाले, भुशुण्डी और पीरघा आयुध लिए हुए; चक्र, आरा, धनुष-बाण तथा दण्डास्त्र हाथों में लिए हुए।

श्लोक 39 (skanda.5.6.39)

गदामुद्गरपाषाणमुशलायुधहस्तकैः। वज्रशक्त्यशनिप्रासकुंतकर्तृक धारिभिः

gadāmudgarapāṣāṇamuśalāyudhahastakaiḥ| vajraśaktyaśaniprāsakuṁtakartṛka dhāribhiḥ

गदा, मुद्गर, पाषाण और मूसल आयुधों को हाथों में लिए हुए; वज्र, शक्ति, अशनि, प्रास, कुन्त और कर्तृका धारण किए हुए।

श्लोक 40 (skanda.5.6.40)

भंभाभेरीर्वादयद्भिर्वीणापणववेणुकान्। मृदंगविमलाढक्काकाहलानकदुंदुभीन्

bhaṁbhābherīrvādayadbhirvīṇāpaṇavaveṇukān| mṛdaṁgavimalāḍhakkākāhalānakaduṁdubhīn

कोई भाँभा और भेरी बजाते हुए, वीणा, पणव और वेणु बजाते; मृदंग, स्वच्छ ढक्का, काहल, आनक और दुन्दुभि भी बजाते हुए।

श्लोक 41 (skanda.5.6.41)

हुडंकाशृंगिकाद्यानि नानावाद्यानि वादकैः। एवं नानाविधै रौद्रैर्भीमैर्भीमपराक्रमैः

huḍaṁkāśṛṁgikādyāni nānāvādyāni vādakaiḥ| evaṁ nānāvidhai raudrairbhīmairbhīmaparākramaiḥ

हुडंका, शृंगिका आदि नाना वाद्य बजाते हुए; इस प्रकार अनेक प्रकार के रौद्र, भीषण, भीमपराक्रमी गणों सहित...

श्लोक 42 (skanda.5.6.42)

गणेश्वरैः सुदुर्द्धर्षैर्वृतः सूर्यो ग्रहैरिव। आविर्भूतो महादेवः स्वगणैः परिवारितः। तं पश्य तां तदा व्यास ब्रह्मादीनां दिवौकसाम्

gaṇeśvaraiḥ sudurddharṣairvṛtaḥ sūryo grahairiva| āvirbhūto mahādevaḥ svagaṇaiḥ parivāritaḥ| taṁ paśya tāṁ tadā vyāsa brahmādīnāṁ divaukasām

...अत्यन्त दुर्धर्ष गणेश्वरों से घिरे, ग्रहों से घिरे सूर्य के समान, अपने गणों से परिवृत महादेव प्रकट हुए—हे व्यास, ब्रह्मा आदि देवताओं की उस समय की दशा को देखो।

श्लोक 43 (skanda.5.6.43)

अथ ब्रह्मादयो देवा दृष्ट्वाग्रे गणनायकम्। तेजसाध्यासितास्तस्य बभूवुर्भ्रांतचेतसः

atha brahmādayo devā dṛṣṭvāgre gaṇanāyakam| tejasādhyāsitāstasya babhūvurbhrāṁtacetasaḥ

तब ब्रह्मा आदि देवता पहले गणनायक को देखकर उनके तेज से अभिभूत होकर भ्रमितचित्त हो गए।

श्लोक 44 (skanda.5.6.44)

ततोऽवलंब्य ते धैर्यं दृष्ट्वा देवं यथाविधि। षडंगवेदयोगेन हृष्टचित्तवपुर्धराः

tato'valaṁbya te dhairyaṁ dṛṣṭvā devaṁ yathāvidhi| ṣaḍaṁgavedayogena hṛṣṭacittavapurdharāḥ

तत्पश्चात् धैर्य धारण कर, यथाविधि उस देव को देखकर, षडंगवेद के योग से उनका चित्त और शरीर हर्षित हो उठे।

श्लोक 45 (skanda.5.6.45)

शिरोगतैरंजलिभिः पादेभ्यश्च महीं गतैः। तुष्टुवुः सृष्टिसंहार स्थितिकर्तारमीश्वरम्

śirogatairaṁjalibhiḥ pādebhyaśca mahīṁ gataiḥ| tuṣṭuvuḥ sṛṣṭisaṁhāra sthitikartāramīśvaram

शिर पर अंजलि जोड़े हुए तथा चरणों से पृथ्वी का स्पर्श करते हुए, उन्होंने सृष्टि-संहार-स्थिति के कर्ता ईश्वर की स्तुति की।

श्लोक 46 (skanda.5.6.46)

देवा ऊचुः। नमः शिवाय शांताय सगणाय सनंदिने। वृषासनाय सौम्याय शूलशक्तिधराय ते

devā ūcuḥ| namaḥ śivāya śāṁtāya sagaṇāya sanaṁdine| vṛṣāsanāya saumyāya śūlaśaktidharāya te

देवताओं ने कहा—शान्त, गणसहित, नन्दीसहित, वृषभासन, सौम्य, शूल-शक्तिधारी शिव को नमस्कार है।

श्लोक 47 (skanda.5.6.47)

नमो दिक्चर्मवस्त्राय शुचये तीव्रतेजसे। ब्रह्मणे ब्रह्मदेहाय ब्रह्मणा योजिताय च

namo dikcarmavastrāya śucaye tīvratejase| brahmaṇe brahmadehāya brahmaṇā yojitāya ca

दिशाओं और चर्म को वस्त्र बनाने वाले, पवित्र, तीव्रतेजस्वी को नमस्कार; ब्रह्मस्वरूप, ब्रह्मदेह तथा ब्रह्मा से युक्त उन्हें नमस्कार।

श्लोक 48 (skanda.5.6.48)

नमोंधकविनाशाय परेशाय नमोनमः। रुद्राय पंच वक्त्राय सर्वरोगापहारिणे

namoṁdhakavināśāya pareśāya namonamaḥ| rudrāya paṁca vaktrāya sarvarogāpahāriṇe

अन्धकनाशक, परमेश्वर को बारम्बार नमस्कार; पंचमुख रुद्र, सर्वरोगनाशक को नमस्कार।

श्लोक 49 (skanda.5.6.49)

गिरिशाय सुरेशाय ईशानाय नमोनमः। भीमोग्रादिस्वरूपाय विजयाय नमोनमः

giriśāya sureśāya īśānāya namonamaḥ| bhīmogrādisvarūpāya vijayāya namonamaḥ

गिरिश, सुरेश, ईशान को बारम्बार नमस्कार; भीम-उग्र आदि स्वरूपों वाले, विजयी को बारम्बार नमस्कार।

श्लोक 50 (skanda.5.6.50)

सुरासुराधिपतये यतीनां पतये नमः। चंडाय चंडदंडाय वरखट्वांगदंडिने

surāsurādhipataye yatīnāṁ pataye namaḥ| caṁḍāya caṁḍadaṁḍāya varakhaṭvāṁgadaṁḍine

सुरासुरों के अधिपति, यतियों के पति को नमस्कार; चण्ड, चण्डदण्डधारी, वर खट्वांगदण्डधारी को नमस्कार।

श्लोक 51 (skanda.5.6.51)

विरूपाक्षशुभाख्याय विश्वरूपाय वै नमः। शांताय च मनोज्ञाय त्रिनेत्राय नमोनमः

virūpākṣaśubhākhyāya viśvarūpāya vai namaḥ| śāṁtāya ca manojñāya trinetrāya namonamaḥ

विरूपाक्ष नाम से शुभ, विश्वरूप को नमस्कार; शान्त, मनोज्ञ, त्रिनेत्र को बारम्बार नमस्कार।

श्लोक 52 (skanda.5.6.52)

वेधसे विश्वरूपाय दैत्यसंहारिणे नमः। भक्तानुकंपिनेऽत्यर्थं रुद्रज्ञानपराय च

vedhase viśvarūpāya daityasaṁhāriṇe namaḥ| bhaktānukaṁpine'tyarthaṁ rudrajñānaparāya ca

विधाता, विश्वरूप, दैत्यसंहारक को नमस्कार; भक्तों पर अत्यन्त करुणा करने वाले, रुद्रज्ञान में तत्पर उन्हें नमस्कार।

श्लोक 53 (skanda.5.6.53)

विरूपाय सुरूपाय रूपाणां शतधारिणे। पंचास्याय शुभास्याय चन्द्रास्याय नमोनमः

virūpāya surūpāya rūpāṇāṁ śatadhāriṇe| paṁcāsyāya śubhāsyāya candrāsyāya namonamaḥ

विरूप, सुरूप, सौ रूपों को धारण करने वाले को नमस्कार; पंचमुख, शुभमुख, चन्द्रमुख को बारम्बार नमस्कार।

श्लोक 54 (skanda.5.6.54)

वरदाय वराहाय सुकूर्माय नमोनमः

varadāya varāhāya sukūrmāya namonamaḥ

वरदाता, वराह, सुन्दर कूर्म को बारम्बार नमस्कार।

श्लोक 55 (skanda.5.6.55)

त्रिनेत्र त्राणमस्माकं त्रिपुरघ्न विधीयताम्। वाङ्मनःकायभावैस्त्वां प्रपन्नानां महेश्वर

trinetra trāṇamasmākaṁ tripuraghna vidhīyatām| vāṅmanaḥkāyabhāvaistvāṁ prapannānāṁ maheśvara

'हे त्रिनेत्र, हे त्रिपुरघ्न, हमारी रक्षा कीजिए; हे महेश्वर, हम वाणी, मन और शरीर के भाव से आपके शरणागत हैं।'

श्लोक 56 (skanda.5.6.56)

सनत्कुमार उवाच। एवं स्तुतस्तदा देवैर्विरिंच्याद्यैस्तथा हरः। शरीराणि विलोक्येशः कृशान्यथ दिवौकसाम्

sanatkumāra uvāca| evaṁ stutastadā devairviriṁcyādyaistathā haraḥ| śarīrāṇi vilokyeśaḥ kṛśānyatha divaukasām

सनत्कुमार ने कहा—इस प्रकार ब्रह्मा आदि देवताओं द्वारा स्तुति किए जाने पर हर ने तब देवताओं के कृशकाय शरीरों को देखकर...

श्लोक 57 (skanda.5.6.57)

दिव्यप्रतापधारेण त्रिवेधेनांतरात्मना

divyapratāpadhāreṇa trivedhenāṁtarātmanā

...दिव्य प्रताप को त्रिविध रूप से धारण करने वाली अन्तरात्मा से...

श्लोक 58 (skanda.5.6.58)

आराधनं समीक्ष्याह ब्रह्मादीनां सुरेश्वरः। साधुसाधु महाभागाः शश्वद्व्रतमुपासितम्

ārādhanaṁ samīkṣyāha brahmādīnāṁ sureśvaraḥ| sādhusādhu mahābhāgāḥ śaśvadvratamupāsitam

...ब्रह्मा आदि की आराधना देखकर सुरेश्वर ने कहा—'साधु, साधु, हे महाभाग्यशाली, तुमने निरन्तर व्रत का पालन किया है।'

श्लोक 59 (skanda.5.6.59)

दिव्येनानेन विधिना भृशमाराधितो ह्यहम्। भवद्भिः श्रद्धयात्यर्थं मम दर्शनकांक्षया

divyenānena vidhinā bhṛśamārādhito hyaham| bhavadbhiḥ śraddhayātyarthaṁ mama darśanakāṁkṣayā

'इस दिव्य विधि से मैं तुम लोगों द्वारा अत्यन्त श्रद्धापूर्वक, मेरे दर्शन की कामना से भलीभाँति आराधित हुआ हूँ।'

श्लोक 60 (skanda.5.6.60)

व्रतस्था मां हि पश्यंति मानुषा देवता अपि। यदि यच्च प्रयच्छामि कांश्चिद्वो हि वराञ्छुभान्

vratasthā māṁ hi paśyaṁti mānuṣā devatā api| yadi yacca prayacchāmi kāṁścidvo hi varāñchubhān

'व्रतस्थ मनुष्य और देवता भी मुझे इसी प्रकार देखते हैं; इसलिए मैं तुममें से जिन्हें जो भी शुभ वर दूँ...'

श्लोक 61 (skanda.5.6.61)

एकैकशो द्वित्रिशो वा समस्तेभ्यः समेन वः। सर्वकामप्रसिद्ध्यर्थं दास्याम्येनं वरं हि वः

ekaikaśo dvitriśo vā samastebhyaḥ samena vaḥ| sarvakāmaprasiddhyarthaṁ dāsyāmyenaṁ varaṁ hi vaḥ

'...एक-एक को, दो-तीन को, अथवा सबको समान रूप से, तुम्हारी सभी कामनाओं की सिद्धि के लिए मैं यह वर दूँगा।'

श्लोक 62 (skanda.5.6.62)

हिताय भवतां चाहमागामुज्जयिनीं प्रति। क्षिप्तं कपालं च मया किं पुनर्भद्रमस्तु वः

hitāya bhavatāṁ cāhamāgāmujjayinīṁ prati| kṣiptaṁ kapālaṁ ca mayā kiṁ punarbhadramastu vaḥ

'और तुम्हारे हित के लिए ही मैं यहाँ उज्जयिनी की ओर आया हूँ; तथा कपाल भी मेरे द्वारा फेंका गया था—तुम्हारा और भी कल्याण हो।'

श्लोक 63 (skanda.5.6.63)

देवा ऊचुः। किं कृतं हितमस्माकं कपालं क्षिपता त्वया

devā ūcuḥ| kiṁ kṛtaṁ hitamasmākaṁ kapālaṁ kṣipatā tvayā

देवताओं ने कहा—'आपके द्वारा कपाल फेंके जाने से हमारा क्या हित हुआ?'

श्लोक 64 (skanda.5.6.64)

किमर्थं कंपिता भूमिस्त्रैलोक्यं व्याकुलीकृतम्। नैतन्निरर्थकं देव कथ्यतामत्र कारणम्

kimarthaṁ kaṁpitā bhūmistrailokyaṁ vyākulīkṛtam| naitannirarthakaṁ deva kathyatāmatra kāraṇam

'पृथ्वी क्यों कम्पित हुई और त्रैलोक्य व्याकुल क्यों हुआ? हे देव, यह निरर्थक नहीं हो सकता; इसका कारण बताइए।'

श्लोक 65 (skanda.5.6.65)

महादेव उवाच। युष्मद्धितार्थमेतद्वै भयं विनिहितं कृतम्। देवतानां तु रक्षार्थं श्रूयतामत्र कारणम्

mahādeva uvāca| yuṣmaddhitārthametadvai bhayaṁ vinihitaṁ kṛtam| devatānāṁ tu rakṣārthaṁ śrūyatāmatra kāraṇam

महादेव ने कहा—'यह तुम्हारे ही हित के लिए किया गया भय उत्पन्न किया गया था; देवताओं की रक्षा के लिए ही—इसका कारण सुनो।'

श्लोक 66 (skanda.5.6.66)

असुरो द्रोहणोनाम बलवान्योगमायिकः। अवस्थितस्त्ववष्टभ्य रसातलतला श्रयम्

asuro drohaṇonāma balavānyogamāyikaḥ| avasthitastvavaṣṭabhya rasātalatalā śrayam

'द्रोहण नामक एक बलवान्, योगमायाधारी असुर, रसातल के आश्रय को पकड़कर वहाँ स्थित था।'

श्लोक 67 (skanda.5.6.67)

तस्य दैत्यस्य बलिनो दैत्याः परपुरंजयाः। युष्माञ्ज्ञात्वा तपस्थांश्चाप्यभ्यगुर्बहवो हि ते

tasya daityasya balino daityāḥ parapuraṁjayāḥ| yuṣmāñjñātvā tapasthāṁścāpyabhyagurbahavo hi te

'उस बलवान् दैत्य के अनेक शत्रुनगरविजयी दैत्य, तुम्हें तपस्यारत जानकर, वहाँ आ पहुँचे।'

श्लोक 68 (skanda.5.6.68)

सेंद्रान्निहंतुमिच्छंतो माया प्रच्छन्नचारकाः। पुरीं कनकशृंगाढ्यामेनामधि कुशस्थलीम्। समुद्ययुः सुरान्हंतुमुद्यता उद्यतायुधाः

seṁdrānnihaṁtumicchaṁto māyā pracchannacārakāḥ| purīṁ kanakaśṛṁgāḍhyāmenāmadhi kuśasthalīm| samudyayuḥ surānhaṁtumudyatā udyatāyudhāḥ

'इन्द्र सहित तुम सबको मारने की इच्छा से, मायाजनित छद्मवेश धारण किए हुए, वे शस्त्र उठाए, देवताओं का वध करने को उद्यत होकर, इस स्वर्णशिखरयुक्त कुशस्थली नगरी की ओर बढ़ आए।'

श्लोक 69 (skanda.5.6.69)

तेषां कपालपातेन भूमिनिष्कंपनेन च। शब्देन चातिघोरेण देहात्प्राणा विनिर्ययुः

teṣāṁ kapālapātena bhūminiṣkaṁpanena ca| śabdena cātighoreṇa dehātprāṇā viniryayuḥ

'कपाल के गिरने से, पृथ्वी के अत्यन्त कम्पन से, तथा उस अत्यन्त भीषण शब्द से, उनके प्राण शरीर से निकल गए।'

श्लोक 70 (skanda.5.6.70)

लोकस्थितिविनाशाथ तेषामासीत्समुद्यमः। राज्यैश्वर्येण दर्पिष्ठास्तेन ते निहता मया

lokasthitivināśātha teṣāmāsītsamudyamaḥ| rājyaiśvaryeṇa darpiṣṭhāstena te nihatā mayā

'वे लोकस्थिति का विनाश करने के लिए उद्यत हुए थे; राज्य के ऐश्वर्य से अत्यन्त गर्वित उन्हें मैंने इस प्रकार मार डाला।'

श्लोक 71 (skanda.5.6.71)

देवा ऊचुः। विश्वस्तानां पुनश्चैवमेव चानुग्रहः कृतः। देवानुग्रहकर्ता त्वं गुणस्मृतिनिषेवितः

devā ūcuḥ| viśvastānāṁ punaścaivameva cānugrahaḥ kṛtaḥ| devānugrahakartā tvaṁ guṇasmṛtiniṣevitaḥ

देवताओं ने कहा—'इस प्रकार आपने विश्वास करने वालों पर पुनः अनुग्रह किया है; आप देवताओं पर अनुग्रह करने वाले हैं, आपके गुणों का स्मरण ही आपकी सेवा है।'

श्लोक 72 (skanda.5.6.72)

दिव्यदृष्टिभिरत्यर्थं यशोऽर्थं भीम नंदिताः। इत्युक्त्वा प्रणतान्देवानुत्थाप्योचे पुनर्भवः

divyadṛṣṭibhiratyarthaṁ yaśo'rthaṁ bhīma naṁditāḥ| ityuktvā praṇatāndevānutthāpyoce punarbhavaḥ

'हे भीम, दिव्य दृष्टि से अत्यन्त आनन्दित हुए हम यश हेतु...'—ऐसा कहकर, प्रणत देवताओं को उठाकर भव ने पुनः कहा।

श्लोक 73 (skanda.5.6.73)

शिव उवाच। परिचर्याभिसंयुक्तं नित्यमुग्रनिषेवितम्। ध्यानसाधननिष्पन्नं यदन्येषां न विद्यते

śiva uvāca| paricaryābhisaṁyuktaṁ nityamugraniṣevitam| dhyānasādhananiṣpannaṁ yadanyeṣāṁ na vidyate

शिव ने कहा—'जो सेवा से युक्त, नित्य उग्र साधकों द्वारा सेवित, ध्यान-साधना से सिद्ध होता है, जो अन्यों के लिए उपलब्ध नहीं है...'

श्लोक 74 (skanda.5.6.74)

मनोवाक्कायभावेन दुष्करं दुश्चरं तपः। अनेन तपसा युक्ताः कष्टेन दुःसहेन च

manovākkāyabhāvena duṣkaraṁ duścaraṁ tapaḥ| anena tapasā yuktāḥ kaṣṭena duḥsahena ca

'...मन, वाणी और शरीर के भाव से अत्यन्त दुष्कर और दुश्चर तपस्या; इस तपस्या से युक्त, कठिन और दुस्सह कष्ट के द्वारा...'

श्लोक 75 (skanda.5.6.75)

महता तनुसाध्येन बहुकालार्जितेन वः। समंतादभिवर्धेतां युष्मत्तेजस्तपोऽपि च

mahatā tanusādhyena bahukālārjitena vaḥ| samaṁtādabhivardhetāṁ yuṣmattejastapo'pi ca

'...महान्, शरीर द्वारा साध्य, तुमने दीर्घकाल तक अर्जित किया है—तुम्हारा तेज और तपस्या सब ओर से बढ़ती रहे।'

श्लोक 76 (skanda.5.6.76)

सनत्कुमार उवाच। इत्युक्ता देवदेवेन देवा ब्रह्मपुरोगमाः। ऊचुरुन्नाम्य वक्त्राणि स्थिता जानुभिरीश्वरम्

sanatkumāra uvāca| ityuktā devadevena devā brahmapurogamāḥ| ūcurunnāmya vaktrāṇi sthitā jānubhirīśvaram

सनत्कुमार ने कहा—देवाधिदेव द्वारा इस प्रकार कहे जाने पर, ब्रह्मा आदि देवताओं ने मुख उठाकर, घुटनों के बल खड़े होकर, ईश्वर से कहा।

श्लोक 77 (skanda.5.6.77)

देवा ऊचुः। प्राणदस्त्वं कारणस्त्वं तपसां देव दृश्यसे। तदस्माकं प्रवृत्तानां मानुषाणां वरप्रद

devā ūcuḥ| prāṇadastvaṁ kāraṇastvaṁ tapasāṁ deva dṛśyase| tadasmākaṁ pravṛttānāṁ mānuṣāṇāṁ varaprada

देवताओं ने कहा—'आप ही प्राणदाता हैं, आप ही कारण हैं, हे देव, तपस्वियों को दर्शन देने वाले हैं; तो मनुष्यों के समान तत्पर हुए हमें भी वर प्रदान कीजिए।'

श्लोक 78 (skanda.5.6.78)

रक्षां कुरुष्व देवेश भक्तानामभयंकर

rakṣāṁ kuruṣva deveśa bhaktānāmabhayaṁkara

'हे देवेश, हे भक्तों का भय हरने वाले, हमारी रक्षा कीजिए।'

श्लोक 79 (skanda.5.6.79)

ईश्वर उवाच। यत्नेन विधिना दत्तं सुव्यक्तं दर्शनं हि वः। सुदुर्लभान्यपि पुनर्दास्यामि वो वरान्बहून्

īśvara uvāca| yatnena vidhinā dattaṁ suvyaktaṁ darśanaṁ hi vaḥ| sudurlabhānyapi punardāsyāmi vo varānbahūn

ईश्वर ने कहा—'यत्नपूर्वक विधिवत् तुम्हें स्पष्ट दर्शन तो दे ही दिया गया है; मैं तुम्हें पुनः अनेक अत्यन्त दुर्लभ वर भी प्रदान करूँगा।'

श्लोक 80 (skanda.5.6.80)

एवमुक्ते भगवता ब्रह्मा वचनमब्रवीत्। देवानामग्रतः स्थित्वा श्रुतशब्दोद्भवं भवम्

evamukte bhagavatā brahmā vacanamabravīt| devānāmagrataḥ sthitvā śrutaśabdodbhavaṁ bhavam

भगवान् के इस प्रकार कहने पर, ब्रह्मा ने देवताओं के आगे खड़े होकर, स्तुतिशब्द से प्रकट हुए भव से यह वचन कहा।

श्लोक 81 (skanda.5.6.81)

प्राप्ता वयं च भगवन्सुपर्याप्तो महावरः। जायतां नः सदैश्वर्यं वासस्थानमथाक्षयम्

prāptā vayaṁ ca bhagavansuparyāpto mahāvaraḥ| jāyatāṁ naḥ sadaiśvaryaṁ vāsasthānamathākṣayam

'हे भगवन्, हमें यह पर्याप्त महावर प्राप्त हो गया है; हमारा सदा ऐश्वर्य बना रहे, तथा हमारा वासस्थान अक्षय हो।'

श्लोक 82 (skanda.5.6.82)

शिव उवाच। लोकेऽस्मिन्मम ये भक्ता मया विनिहताश्च ये। नैवं ते दुर्गतिं यांति लभंते सुमतिं पराम्

śiva uvāca| loke'sminmama ye bhaktā mayā vinihatāśca ye| naivaṁ te durgatiṁ yāṁti labhaṁte sumatiṁ parām

शिव ने कहा—'इस लोक में जो मेरे भक्त हैं, तथा जो मेरे द्वारा मारे गए हैं—वे इस प्रकार दुर्गति को प्राप्त नहीं होते, अपितु परम सुमति को प्राप्त करते हैं।'

श्लोक 83 (skanda.5.6.83)

सार्धं तत्र जटाजूटैः शिरोभिः शूलपाणयः। भांति मद्वामपार्श्वस्था इमे ते दारुणा गणाः

sārdhaṁ tatra jaṭājūṭaiḥ śirobhiḥ śūlapāṇayaḥ| bhāṁti madvāmapārśvasthā ime te dāruṇā gaṇāḥ

'वहाँ जटाजूटधारी शिरों वाले, शूलपाणि, वे मेरे वामपार्श्व में स्थित होकर शोभायमान होते हैं—यही वे भयंकर गण हैं।'

श्लोक 84 (skanda.5.6.84)

येषां विनिग्रहार्थाय युष्मत्संबोधनाय च। सविकारं मया क्षिप्तं कपालं धरणीतले

yeṣāṁ vinigrahārthāya yuṣmatsaṁbodhanāya ca| savikāraṁ mayā kṣiptaṁ kapālaṁ dharaṇītale

'उनके निग्रह के लिए तथा तुम्हें सचेत करने के लिए ही मैंने विकार सहित उस कपाल को पृथ्वीतल पर फेंका था।'

श्लोक 85 (skanda.5.6.85)

कृतो मेऽनुग्रहस्तेषां भक्तानां भक्तिमिच्छताम्। वनेऽस्मिन्नित्यवासो मे वृक्षैरभ्यर्थितस्य च

kṛto me'nugrahasteṣāṁ bhaktānāṁ bhaktimicchatām| vane'sminnityavāso me vṛkṣairabhyarthitasya ca

'भक्ति चाहने वाले उन भक्तों पर मैंने अनुग्रह किया है; तथा इस वन में मेरे नित्य निवास की प्रार्थना करने वाले वृक्षों पर भी।'

श्लोक 86 (skanda.5.6.86)

महाकालवने देवा आगतस्य ममानघाः। तपस्यतां च भवतां महाकालवनं ततः

mahākālavane devā āgatasya mamānaghāḥ| tapasyatāṁ ca bhavatāṁ mahākālavanaṁ tataḥ

'हे निष्पाप देवो, महाकालवन में आए हुए मेरे, तथा यहाँ तपस्या करने वाले तुम्हारे कारण—तत्पश्चात् यह महाकालवन कहलाएगा।'

श्लोक 87 (skanda.5.6.87)

नामद्वययुतं गुह्यं लोके ख्यातं भविष्यति। गुह्यं वनं श्मशानं च क्षेत्राणां प्रवरं महत्

nāmadvayayutaṁ guhyaṁ loke khyātaṁ bhaviṣyati| guhyaṁ vanaṁ śmaśānaṁ ca kṣetrāṇāṁ pravaraṁ mahat

'दो नामों से युक्त यह गुह्य स्थान लोक में विख्यात होगा: गुह्य वन तथा महान् स्मशान—क्षेत्रों में श्रेष्ठ और महान्।'

श्लोक 88 (skanda.5.6.88)

कपालव्रतचर्या च मया ह्येषा प्रकीर्तिता। कपालपात्रे भुंजानः कपालव्रतभूषणः

kapālavratacaryā ca mayā hyeṣā prakīrtitā| kapālapātre bhuṁjānaḥ kapālavratabhūṣaṇaḥ

'और मेरे द्वारा यह कपालव्रत की चर्या भी बताई गई है: कपालपात्र में भोजन करना, कपालव्रत के आभूषण से युक्त होना...'

श्लोक 89 (skanda.5.6.89)

कपालपाणिः संतुष्टो भिक्षा व्रतसमन्वितः। श्मशाननिलयो रौद्रो व्रतोन्मत्तविमूढधीः

kapālapāṇiḥ saṁtuṣṭo bhikṣā vratasamanvitaḥ| śmaśānanilayo raudro vratonmattavimūḍhadhīḥ

'...कपालपाणि, संतुष्ट, भिक्षाव्रत से युक्त; स्मशाननिवासी, रौद्र, व्रत से उन्मत्त-सी विमूढ बुद्धिवाला।'

श्लोक 90 (skanda.5.6.90)

नंदितः सर्वभूतेषु प्रियाप्रियसमः सदा। भस्मभूषितसर्वांगो ज्ञानी चैव विशेषतः

naṁditaḥ sarvabhūteṣu priyāpriyasamaḥ sadā| bhasmabhūṣitasarvāṁgo jñānī caiva viśeṣataḥ

'सभी प्राणियों में आनन्दित, प्रिय-अप्रिय के प्रति सदा समभाव रखने वाला; सर्वांग भस्म से विभूषित तथा विशेष रूप से ज्ञानी।'

श्लोक 91 (skanda.5.6.91)

जितेंद्रियोऽसर्वसंगो मृद्भस्मोदकसंग्रही। नित्ययुक्तः सदाव्यापी जापी जितवरासनः

jiteṁdriyo'sarvasaṁgo mṛdbhasmodakasaṁgrahī| nityayuktaḥ sadāvyāpī jāpī jitavarāsanaḥ

'जितेन्द्रिय, सर्वसंगरहित, मिट्टी-भस्म-जल का स्वयं संग्रह करने वाला; नित्ययुक्त, सदाव्यापी, जपशील, श्रेष्ठ आसन में स्थित।'

श्लोक 92 (skanda.5.6.92)

पुण्यतीर्थाश्रमोपेतः स्वरे देवे समाहितः। लोकातीतं परं ज्ञानं महापाशुपतं व्रतम्

puṇyatīrthāśramopetaḥ svare deve samāhitaḥ| lokātītaṁ paraṁ jñānaṁ mahāpāśupataṁ vratam

'पुण्य तीर्थों और आश्रमों में रहने वाला, अपने स्वर में देव में समाहित; यह महापाशुपत व्रत लोकातीत परम ज्ञान है।'

श्लोक 93 (skanda.5.6.93)

कपालव्रतमास्थाय पुरा चीर्णं मया स्वयम्। कपालं परमं गुह्यं पवित्रं पापनाशनम्

kapālavratamāsthāya purā cīrṇaṁ mayā svayam| kapālaṁ paramaṁ guhyaṁ pavitraṁ pāpanāśanam

'पूर्वकाल में स्वयं मेरे द्वारा आचरित इस कपालव्रत को अपनाकर—यह कपाल परम गुह्य, पवित्र तथा पापनाशक है।'

श्लोक 94 (skanda.5.6.94)

कपालव्रतमेतद्धि दुर्धरं परमाद्भुतम्। अत्यंतमुत्कटं रौद्रमघोरं लोमहर्षणम्

kapālavratametaddhi durdharaṁ paramādbhutam| atyaṁtamutkaṭaṁ raudramaghoraṁ lomaharṣaṇam

'यह कपालव्रत अत्यन्त दुर्धर, परम अद्भुत, अत्यन्त उत्कट, रौद्र, अघोर तथा रोमांचकारी है।'

श्लोक 95 (skanda.5.6.95)

महाव्रतं द्विषन्मोहात्पापेनैव स्थितो नरः। न मुच्यते स पापेन जन्मकोटिशतैरपि

mahāvrataṁ dviṣanmohātpāpenaiva sthito naraḥ| na mucyate sa pāpena janmakoṭiśatairapi

'जो मनुष्य मोहवश इस महाव्रत से द्वेष करता है और पापपूर्वक स्थित रहता है, वह करोड़ों जन्मों में भी उस पाप से मुक्त नहीं होता।'

श्लोक 96 (skanda.5.6.96)

महापाशुपतं तस्मान्न हन्यान्न च दूषयेत्। एतस्मिन्निहते तस्मात्कोटिर्भवति घातिता

mahāpāśupataṁ tasmānna hanyānna ca dūṣayet| etasminnihate tasmātkoṭirbhavati ghātitā

'इसलिए महापाशुपत का हनन या दूषण नहीं करना चाहिए; क्योंकि इसके नष्ट होने पर मानो करोड़ों का वध हो जाता है।'

श्लोक 97 (skanda.5.6.97)

एवं महाव्रतं यस्तु भोजयेच्छ्रद्धयान्वितः। तस्य भुक्ता भवेत्कोटिर्विप्राणां वेदपाठिनाम्

evaṁ mahāvrataṁ yastu bhojayecchraddhayānvitaḥ| tasya bhuktā bhavetkoṭirviprāṇāṁ vedapāṭhinām

'और जो श्रद्धायुक्त होकर इस महाव्रती को भोजन कराता है, उसे करोड़ों वेदपाठी ब्राह्मणों को भोजन कराने का फल प्राप्त होता है।'

श्लोक 98 (skanda.5.6.98)

कपालपूरणीं भिक्षां यतीनां यः प्रयच्छति। विमुक्तः सर्व पापेभ्यो नासौ दुर्गतिमाप्नुयात्

kapālapūraṇīṁ bhikṣāṁ yatīnāṁ yaḥ prayacchati| vimuktaḥ sarva pāpebhyo nāsau durgatimāpnuyāt

'जो यतियों के कपाल को भरने योग्य भिक्षा देता है, वह समस्त पापों से मुक्त होकर दुर्गति को प्राप्त नहीं होता।'

श्लोक 99 (skanda.5.6.99)

कपाले भोजनं श्रेष्ठं मार्गोऽयं ब्रह्मसंभवः। वदंति लोके वेदेषु पूजितं देवदानवैः

kapāle bhojanaṁ śreṣṭhaṁ mārgo'yaṁ brahmasaṁbhavaḥ| vadaṁti loke vedeṣu pūjitaṁ devadānavaiḥ

'कपाल में भोजन करना श्रेष्ठ कहा गया है; यह मार्ग ब्रह्मा से उत्पन्न है; लोक और वेदों में इसे कहा गया है, और देव-दानव इसे पूजते हैं।'

श्लोक 100 (skanda.5.6.100)

धारयिष्यंति ये विप्राः कपालं भूतमोहनम्। मम तुल्यास्तु ते ब्रह्मन्विचरंति महीतले

dhārayiṣyaṁti ye viprāḥ kapālaṁ bhūtamohanam| mama tulyāstu te brahmanvicaraṁti mahītale

'हे ब्रह्मन्, जो ब्राह्मण भूतों को भी मोहित करने वाले उस कपाल को धारण करेंगे, वे मेरे समान होकर पृथ्वी पर विचरण करेंगे।'

श्लोक 101 (skanda.5.6.101)

जपैकनिरता धीराः कपालकृतभूषणाः। महापाशुपता लोके रुद्राः संसारतारकाः

japaikaniratā dhīrāḥ kapālakṛtabhūṣaṇāḥ| mahāpāśupatā loke rudrāḥ saṁsāratārakāḥ

'धीर, केवल जप में तत्पर, कपाल से बने आभूषणों से सुसज्जित; लोक में महापाशुपत रुद्रस्वरूप हैं, जो संसार-सागर से पार उतारने वाले हैं।'

श्लोक 102 (skanda.5.6.102)

धर्माधर्मविमुक्ताश्च कृत्याकृत्यविवर्जिताः। दीक्षया ज्ञानयोगेन प्राणिनस्तारयंति ते

dharmādharmavimuktāśca kṛtyākṛtyavivarjitāḥ| dīkṣayā jñānayogena prāṇinastārayaṁti te

'धर्म-अधर्म दोनों से मुक्त, कृत्य-अकृत्य से रहित; वे दीक्षा और ज्ञानयोग के द्वारा प्राणियों को पार उतारते हैं।'

श्लोक 103 (skanda.5.6.103)

यानि तीर्थानि लोकेऽस्मिन्यज्ञकोटिशतानि च। विशुद्धस्य विज्ञानस्य कलां नार्हंति षोडशीम्

yāni tīrthāni loke'sminyajñakoṭiśatāni ca| viśuddhasya vijñānasya kalāṁ nārhaṁti ṣoḍaśīm

'इस लोक में जो भी तीर्थ हैं, और करोड़ों यज्ञ हैं—वे विशुद्ध ज्ञान की सोलहवीं कला के भी बराबर नहीं हैं।'

श्लोक 104 (skanda.5.6.104)

यथाहं सर्वदेवानां संपूज्यो वै पितामह। तथैव सर्वयोगेभ्यः संपूज्योऽयं महाव्रती

yathāhaṁ sarvadevānāṁ saṁpūjyo vai pitāmaha| tathaiva sarvayogebhyaḥ saṁpūjyo'yaṁ mahāvratī

'हे पितामह, जैसे मैं समस्त देवताओं द्वारा पूज्य हूँ, वैसे ही यह महाव्रती समस्त योगियों द्वारा पूज्य है।'

श्लोक 105 (skanda.5.6.105)

संसारबन्धमोक्षार्थं शिवगुह्यमिदं व्रतम्। यदेतत्सर्वधर्मेण अपुनर्भवकारणम्

saṁsārabandhamokṣārthaṁ śivaguhyamidaṁ vratam| yadetatsarvadharmeṇa apunarbhavakāraṇam

'संसार-बन्धन से मुक्ति के लिए यह शिव का गुह्य व्रत है; यह सर्वधर्मयुक्त होने से पुनर्जन्म से मुक्ति का कारण है।'

श्लोक 106 (skanda.5.6.106)

कपालव्रतमादाय यस्त्यजेदजिते न्द्रियः। रौरवं स प्रयात्याशु प्रणीतो यमकिंकरैः

kapālavratamādāya yastyajedajite ndriyaḥ| rauravaṁ sa prayātyāśu praṇīto yamakiṁkaraiḥ

'जो कपालव्रत ग्रहण कर, इन्द्रियों को जीते बिना ही उसे त्याग देता है, वह यमदूतों द्वारा ले जाया जाकर शीघ्र रौरव नरक में जाता है।'

श्लोक 107 (skanda.5.6.107)

आलापयति भावेन न तु कर्म करोति यः। सरागचित्तः शृंगारी न च धर्मप्रियंकरः

ālāpayati bhāvena na tu karma karoti yaḥ| sarāgacittaḥ śṛṁgārī na ca dharmapriyaṁkaraḥ

'जो केवल भावुकतावश बातें करता है पर तदनुसार आचरण नहीं करता, जिसका चित्त रागयुक्त है, जो शृंगारप्रिय है और धर्मप्रिय नहीं है...'

श्लोक 108 (skanda.5.6.108)

एकत्र भोजी मिष्टाशी कैतवेन प्रियस्तथा। कुग्रामनगरे वासी कृषिवाणिज्यसेवकः

ekatra bhojī miṣṭāśī kaitavena priyastathā| kugrāmanagare vāsī kṛṣivāṇijyasevakaḥ

'...जो अकेला भोजन करता है, मिष्टभोजी है, कपटपूर्वक प्रिय बनता है, हीन ग्राम या नगर में निवास करता है, कृषि-व्यापार अथवा सेवा में लगा रहता है...'

श्लोक 109 (skanda.5.6.109)

इत्यादिदुष्टदोषश्च तस्य संभाषणादपि। नरो नरकगामी स्याद्यतो मद्व्रतदूषकः

ityādiduṣṭadoṣaśca tasya saṁbhāṣaṇādapi| naro narakagāmī syādyato madvratadūṣakaḥ

'...ऐसे और इस प्रकार के अन्य दोष, यहाँ तक कि ऐसे व्यक्ति से बातचीत करना भी, मनुष्य को नरकगामी बना देता है, क्योंकि वह मेरे व्रत को दूषित करने वाला है।'

श्लोक 110 (skanda.5.6.110)

दृष्ट्वा च शिष्टमथ महाव्रतधरो नरः। न स्पृशेदंगमंगेन स्पृष्ट्वा स्नायात्तु चांबुभिः

dṛṣṭvā ca śiṣṭamatha mahāvratadharo naraḥ| na spṛśedaṁgamaṁgena spṛṣṭvā snāyāttu cāṁbubhiḥ

सदाचारी व्यक्ति को देखकर भी महाव्रतधारी पुरुष को अंग से अंग नहीं छूना चाहिए; यदि स्पर्श हो जाए, तो जल से स्नान करना चाहिए।

श्लोक 111 (skanda.5.6.111)

एवं च सर्वमाख्यातं कपालस्य च मोक्षणम्। यथा मयात्र निक्षिप्तमज्ञानेन हतं स्वयम्

evaṁ ca sarvamākhyātaṁ kapālasya ca mokṣaṇam| yathā mayātra nikṣiptamajñānena hataṁ svayam

इस प्रकार सब कुछ बताया गया, तथा कपाल के मोक्षण [विसर्जन] का वृत्तान्त भी—जैसे मेरे द्वारा यहाँ वह फेंका गया, और अज्ञानवश उससे स्वयं पृथ्वी आहत हुई।

श्लोक 112 (skanda.5.6.112)

सनत्कुमार उवाच। एवमुक्त्वा स भगवान्ब्रह्माद्यैरमरैः सह। क्षेत्रं निवासयामास यथावत्कथयामि ते

sanatkumāra uvāca| evamuktvā sa bhagavānbrahmādyairamaraiḥ saha| kṣetraṁ nivāsayāmāsa yathāvatkathayāmi te

सनत्कुमार ने कहा—इस प्रकार कहकर भगवान् ने ब्रह्मा आदि देवताओं सहित उस क्षेत्र को बसाया; मैं तुम्हें यथावत् बताता हूँ।

श्लोक 113 (skanda.5.6.113)

आद्यमेततत्स्मशानं च पठ्यते मुनिसत्तमैः। महाकालवनं व्यास यत्र सन्निहितो हरः

ādyametatatsmaśānaṁ ca paṭhyate munisattamaiḥ| mahākālavanaṁ vyāsa yatra sannihito haraḥ

यह आद्य स्मशान महामुनियों द्वारा महाकालवन के नाम से पठित है, हे व्यास, जहाँ हर सन्निहित हैं।

श्लोक 114 (skanda.5.6.114)

अनुग्रहस्य भुवनं भूमिभागो न संशयः। अनुग्रहार्थं भूतानां क्षेत्रांतर्मृत्युधर्मिणाम्

anugrahasya bhuvanaṁ bhūmibhāgo na saṁśayaḥ| anugrahārthaṁ bhūtānāṁ kṣetrāṁtarmṛtyudharmiṇām

यह निःसंदेह अनुग्रह का ही भूभाग है, उस क्षेत्र के भीतर के मृत्युधर्मी प्राणियों पर अनुग्रह के लिए।

श्लोक 115 (skanda.5.6.115)

सुवर्णवज्रपर्यंकवेदिका च महीकृता। विचित्रकुसुमारत्नैः कारिता सर्वशोभना

suvarṇavajraparyaṁkavedikā ca mahīkṛtā| vicitrakusumāratnaiḥ kāritā sarvaśobhanā

स्वर्ण-वज्रमय पर्यंक-वेदिका पृथ्वी पर बनाई गई; वह विचित्र पुष्पों और रत्नों से सुसज्जित, सर्वथा सुशोभित की गई।

श्लोक 116 (skanda.5.6.116)

स्वर्णवज्रांकिततला श्रेष्ठा हरितशाद्वला। त्रिंशच्चत्वारिंशपूर्णाः कलशाः कोणसंस्थिताः

svarṇavajrāṁkitatalā śreṣṭhā haritaśādvalā| triṁśaccatvāriṁśapūrṇāḥ kalaśāḥ koṇasaṁsthitāḥ

स्वर्ण-वज्र से अंकित तल वाली वह श्रेष्ठ वेदिका हरित दूर्वा से आच्छादित थी; उसके कोणों पर तीस-चालीस पूर्ण कलश स्थापित थे।

श्लोक 117 (skanda.5.6.117)

द्वाराणि तत्र चत्वारि प्रवर्णानि तपंति च। कुम्भाः शोभंति तत्रस्थाः उदिता भास्करा इव

dvārāṇi tatra catvāri pravarṇāni tapaṁti ca| kumbhāḥ śobhaṁti tatrasthāḥ uditā bhāskarā iva

वहाँ चार द्वार नाना वर्णों से दैदीप्यमान थे; वहाँ स्थित कलश उगते हुए सूर्यों के समान शोभायमान थे।

श्लोक 118 (skanda.5.6.118)

रमते तत्र भगवान्वनानामुत्तमे वने। सनंदिदेवगणपः कालदंडादिसंयुतः

ramate tatra bhagavānvanānāmuttame vane| sanaṁdidevagaṇapaḥ kāladaṁḍādisaṁyutaḥ

वहाँ भगवान् समस्त वनों में श्रेष्ठ उस वन में, नन्दी, गणपों तथा कालदण्ड आदि से युक्त होकर, रमण करते हैं।

श्लोक 119 (skanda.5.6.119)

एतत्कृतयुगे सर्वं प्रत्यक्षं दृश्यते वने। त्रेतायां धर्मनिरतास्तापसा ब्रह्मचारिणः

etatkṛtayuge sarvaṁ pratyakṣaṁ dṛśyate vane| tretāyāṁ dharmaniratāstāpasā brahmacāriṇaḥ

यह सब कृतयुग में उस वन में प्रत्यक्ष दिखाई देता है; त्रेता में धर्मनिरत तपस्वी ब्रह्मचारी...

श्लोक 120 (skanda.5.6.120)

द्वापरे धर्मशीला ये श्रुतविज्ञानशालिनः। कलौ तु शुद्धविज्ञानशालिनः शंकरं हरम्

dvāpare dharmaśīlā ye śrutavijñānaśālinaḥ| kalau tu śuddhavijñānaśālinaḥ śaṁkaraṁ haram

द्वापर में धर्मशील, श्रुतविज्ञानशालिनः लोग; परन्तु कलियुग में केवल शुद्ध विज्ञान से युक्त लोग ही...

श्लोक 121 (skanda.5.6.121)

तपोधिकाः प्रपश्यंति देवदेवं महेश्वरम्। महाकालवने नित्यं शूलपट्टिशधारिणम्

tapodhikāḥ prapaśyaṁti devadevaṁ maheśvaram| mahākālavane nityaṁ śūlapaṭṭiśadhāriṇam

...अत्यधिक तपस्वी होकर देवाधिदेव महेश्वर को महाकालवन में सदा त्रिशूल-पट्टिशधारी रूप में देखते हैं।

श्लोक 122 (skanda.5.6.122)

एतत्ते तथ्यमाख्यातं लोकानुग्रहकारकम्। सहितानुक्रमेणात्र मन्त्रैश्च विधिपूर्वकम्

etatte tathyamākhyātaṁ lokānugrahakārakam| sahitānukrameṇātra mantraiśca vidhipūrvakam

यह सत्य तुम्हें बताया गया, जो लोक पर अनुग्रह करने वाला है; यहाँ यथाक्रम, मन्त्रों सहित, विधिपूर्वक कहा गया।

श्लोक 123 (skanda.5.6.123)

समर्चयंति ये विप्रा भक्त्या शंभुमहापदम्। वसंतीह समीपं ते महाकालानुभाविताः

samarcayaṁti ye viprā bhaktyā śaṁbhumahāpadam| vasaṁtīha samīpaṁ te mahākālānubhāvitāḥ

जो ब्राह्मण भक्तिपूर्वक यथाक्रम शम्भु के इस महापद की पूजा करते हैं, वे महाकाल से अनुगृहीत होकर यहीं समीप में निवास करते हैं।

श्लोक 124 (skanda.5.6.124)

पठति य इह लोके तस्य संस्थानमेतत्प्रथितगुणगणौघैरर्चितं दोषहं तत्। शुभमतिरभिषिक्तः सोऽमरैरर्च्यमानो व्रजति हरपुरं यः संशृणोत्येकचित्तः

paṭhati ya iha loke tasya saṁsthānametatprathitaguṇagaṇaughairarcitaṁ doṣahaṁ tat| śubhamatirabhiṣiktaḥ so'marairarcyamāno vrajati harapuraṁ yaḥ saṁśṛṇotyekacittaḥ

जो इस लोक में इस वृत्तान्त को पढ़ता है, जो विख्यात गुणसमूहों से पूजित तथा दोषनाशक है; वह शुभमति पुरुष अभिषिक्त होकर देवताओं द्वारा पूजित होता है, और जो एकचित्त होकर इसे श्रवण करता है, वह हरपुर को प्राप्त करता है।