रामेश्वर एवं पुष्कर माहात्म्य

श्लोक 1 (skanda.7.111.1)

ईश्वर उवाच। ततो गच्छेन्महादेवि पुष्करारण्यमुत्तमम्। तस्मादीशानकोणस्थं धनुषां षष्टिभिः स्थितम्॥

īśvara uvāca| tato gacchenmahādevi puṣkarāraṇyamuttamam| tasmādīśānakoṇasthaṃ dhanuṣāṃ ṣaṣṭibhiḥ sthitam||

ईश्वर ने कहा—हे महादेवि, उसके पश्चात् उत्तम पुष्कर-अरण्य की ओर जाना चाहिए, जो उससे ईशान कोण में साठ धनुष की दूरी पर स्थित है।

श्लोक 2 (skanda.7.111.2)

तत्र कुण्डं महादेवि ह्यष्टपुष्करसंज्ञितम्। सर्व पापहरं देवि दुष्प्राप्यमकृतात्मभिः॥

tatra kuṇḍaṃ mahādevi hyaṣṭapuṣkarasaṃjñitam| sarva pāpaharaṃ devi duṣprāpyamakṛtātmabhiḥ||

हे महादेवि, वहाँ अष्टपुष्कर नामक एक कुण्ड है, जो सब पापों का हरण करने वाला है और असंयतचित्त पुरुषों के लिए दुष्प्राप्य है।

श्लोक 3 (skanda.7.111.3)

तत्र कुण्डसमीपे तु पुरा रामेशधीमता। स्थापितं तन्महालिङ्गं रामेश्वर इति स्मृतम्॥

tatra kuṇḍasamīpe tu purā rāmeśadhīmatā| sthāpitaṃ tanmahāliṅgaṃ rāmeśvara iti smṛtam||

उस कुण्ड के समीप ही, प्राचीन काल में बुद्धिमान् रामेश (श्रीराम) के द्वारा वह महालिंग स्थापित किया गया, जो रामेश्वर के नाम से प्रसिद्ध हुआ।

श्लोक 4 (skanda.7.111.4)

तस्य पूजनमात्रेण मुच्यते ब्रह्महत्यया॥

tasya pūjanamātreṇa mucyate brahmahatyayā||

उसकी पूजा मात्र से ही मनुष्य ब्रह्महत्या के पाप से मुक्त हो जाता है।

श्लोक 5 (skanda.7.111.5)

श्रीदेव्युवाच। भगवन्विस्तराद्ब्रूहि रामेश्वरसमुद्भवम्। कथं तत्रागमद्रामः ससीतश्च सलक्ष्मणः॥

śrīdevyuvāca| bhagavanvistarādbrūhi rāmeśvarasamudbhavam| kathaṃ tatrāgamadrāmaḥ sasītaśca salakṣmaṇaḥ||

श्रीदेवी ने कहा—हे भगवन्, रामेश्वर की उत्पत्ति का विस्तार से वर्णन कीजिए। श्रीराम सीता और लक्ष्मण के साथ वहाँ किस प्रकार आए?

श्लोक 6 (skanda.7.111.6)

कथं प्रतिष्ठितं लिङ्गं पुष्करे पापतस्करे। एतद्विस्तरतो ब्रूहि फलं माहात्म्यसंयुतम्॥

kathaṃ pratiṣṭhitaṃ liṅgaṃ puṣkare pāpataskare| etadvistarato brūhi phalaṃ māhātmyasaṃyutam||

पापों को हरने वाले पुष्कर में वह लिंग किस प्रकार प्रतिष्ठित हुआ? इसका फल सहित माहात्म्य मुझे विस्तार से बताइए।

श्लोक 7 (skanda.7.111.7)

ईश्वर उवाच। चतुर्विंशयुगे रामो वसिष्ठेन पुरोधसा। पुरा रावणनाशार्थं जज्ञे दशरथात्मजः॥

īśvara uvāca| caturviṃśayuge rāmo vasiṣṭhena purodhasā| purā rāvaṇanāśārthaṃ jajñe daśarathātmajaḥ||

ईश्वर ने कहा—चौबीसवें युग में, पुरोहित वसिष्ठ के द्वारा, रावण के विनाश के लिए, दशरथ के पुत्र के रूप में राम पूर्वकाल में उत्पन्न हुए।

श्लोक 8 (skanda.7.111.8)

ततः कालान्तरे देवि ऋषिशापान्महातपाः। ययौ दाशरथी रामः ससीतः सहलक्ष्मणः॥

tataḥ kālāntare devi ṛṣiśāpānmahātapāḥ| yayau dāśarathī rāmaḥ sasītaḥ sahalakṣmaṇaḥ||

हे देवि, तत्पश्चात् कालान्तर में एक ऋषि के शाप के कारण महातपस्वी दशरथनन्दन राम सीता और लक्ष्मण के साथ चल पड़े।

श्लोक 9 (skanda.7.111.9)

वनवासाय निष्क्रांतो दिव्यैर्ब्रह्मर्षिभिर्वृतः। ततो यात्राप्रसंगेन प्रभासं क्षेत्रमागतः॥

vanavāsāya niṣkrāṃto divyairbrahmarṣibhirvṛtaḥ| tato yātrāprasaṃgena prabhāsaṃ kṣetramāgataḥ||

वे दिव्य ब्रह्मर्षियों से घिरे हुए वनवास के लिए निकले; और यात्रा के प्रसंग में प्रभासक्षेत्र में आ पहुँचे।

श्लोक 10 (skanda.7.111.10)

तं देशं तु समासाद्य सुश्रांतो निषसाद ह। अस्तं गते ततः सूर्ये पर्णान्यास्तीर्य भूतले॥

taṃ deśaṃ tu samāsādya suśrāṃto niṣasāda ha| astaṃ gate tataḥ sūrye parṇānyāstīrya bhūtale||

उस स्थान पर पहुँचकर अत्यन्त थके हुए वे बैठ गए; और सूर्यास्त होने पर भूतल पर पत्ते बिछाकर—

श्लोक 11 (skanda.7.111.11)

सुष्वापाथ निशाशेषे ददृशे पितरं स्वकम्। स्वप्ने दशरथं देवि सौम्यरूपं महाप्रभम्॥

suṣvāpātha niśāśeṣe dadṛśe pitaraṃ svakam| svapne daśarathaṃ devi saumyarūpaṃ mahāprabham||

वे सो गए; रात्रि के अन्त भाग में उन्होंने स्वप्न में अपने पिता दशरथ को सौम्य रूप और महान् तेज से युक्त देखा।

श्लोक 12 (skanda.7.111.12)

प्रातरुत्थाय तत्सर्वं ब्राह्मणेभ्यो न्यवेदयत्। यथा दशरथः स्वप्ने दृष्टस्तेन महात्मना॥

prātarutthāya tatsarvaṃ brāhmaṇebhyo nyavedayat| yathā daśarathaḥ svapne dṛṣṭastena mahātmanā||

प्रातःकाल उठकर उन महात्मा ने ब्राह्मणों को वह सब निवेदन किया, जैसे उन्होंने स्वप्न में दशरथ को देखा था।

श्लोक 13 (skanda.7.111.13)

ब्राह्मणा ऊचुः। वृद्धिकामाश्च पितरो वरदास्तव राघव। दर्शनं हि प्रयच्छंति स्वप्नान्ते हि स्ववंशजे॥

brāhmaṇā ūcuḥ| vṛddhikāmāśca pitaro varadāstava rāghava| darśanaṃ hi prayacchaṃti svapnānte hi svavaṃśaje||

ब्राह्मणों ने कहा—हे राघव, तुम्हारे पितर वृद्धि की कामना करने वाले और वरदायक हैं; वे अपने ही वंशज को स्वप्न के अन्त में दर्शन देते हैं।

श्लोक 14 (skanda.7.111.14)

एतत्तीर्थं महापुण्यं सुगुप्तं शार्ङ्गधन्वनः। पुष्करेति समाख्यातं श्राद्धमत्र प्रदीयताम्॥

etattīrthaṃ mahāpuṇyaṃ suguptaṃ śārṅgadhanvanaḥ| puṣkareti samākhyātaṃ śrāddhamatra pradīyatām||

यह महापुण्य तीर्थ शार्ङ्गधन्वा (विष्णु) का सुरक्षित स्थान है, जो पुष्कर के नाम से प्रसिद्ध है; यहाँ श्राद्ध किया जाना चाहिए।

श्लोक 15 (skanda.7.111.15)

नूनं दशरथो राजा तीर्थे चास्मिन्समीहते। त्वया दत्तं शुभं पिण्डं ततः स दर्शनं गतः॥

nūnaṃ daśaratho rājā tīrthe cāsminsamīhate| tvayā dattaṃ śubhaṃ piṇḍaṃ tataḥ sa darśanaṃ gataḥ||

निश्चय ही राजा दशरथ इस तीर्थ में कुछ चाहते हैं; तुम्हारे द्वारा दिया गया शुभ पिण्ड पाकर ही वे दर्शन देने आए।

श्लोक 16 (skanda.7.111.16)

ईश्वर उवाच। तेषां तद्वचनं श्रुत्वा रामो राजीवलोचनः। निमंत्रयामास तदा श्राद्धार्हान्ब्राह्मणाञ्छुभान्॥

īśvara uvāca| teṣāṃ tadvacanaṃ śrutvā rāmo rājīvalocanaḥ| nimaṃtrayāmāsa tadā śrāddhārhānbrāhmaṇāñchubhān||

ईश्वर ने कहा—उनका वह वचन सुनकर कमलनयन राम ने तब श्राद्ध के योग्य शुभ ब्राह्मणों को आमन्त्रित किया।

श्लोक 17 (skanda.7.111.17)

अब्रवील्लक्ष्मणं पार्श्वे स्थितं विनतकंधरम्। फलार्थं व्रज सौमित्रे श्राद्धार्थं त्वरयाऽन्वितः॥

abravīllakṣmaṇaṃ pārśve sthitaṃ vinatakaṃdharam| phalārthaṃ vraja saumitre śrāddhārthaṃ tvarayā'nvitaḥ||

उन्होंने पास खड़े, विनम्र भाव से सिर झुकाए लक्ष्मण से कहा—हे सौमित्र, श्राद्ध के लिए फल लाने हेतु शीघ्रता के साथ जाओ।

श्लोक 18 (skanda.7.111.18)

स तथेति प्रतिज्ञाय जगाम रघुनंदनः। आनयामास शीघ्रं स फलानि विविधानि च॥

sa tatheti pratijñāya jagāma raghunaṃdanaḥ| ānayāmāsa śīghraṃ sa phalāni vividhāni ca||

'ऐसा ही होगा' यह स्वीकार करके रघुनन्दन (लक्ष्मण) चले गए, और शीघ्र ही वे नाना प्रकार के फल ले आए।

श्लोक 19 (skanda.7.111.19)

बिल्वानि च कपित्थानि तिन्दुकानि च भूरिशः। बदराणि करीराणि करमर्दानि च प्रिये॥

bilvāni ca kapitthāni tindukāni ca bhūriśaḥ| badarāṇi karīrāṇi karamardāni ca priye||

हे प्रिये, बेल, कैथ और तेंदू के फल बहुतायत से, तथा बेर, करील और करौंदे भी—

श्लोक 20 (skanda.7.111.20)

चिर्भटानि परूषाणि मातुलिंगानि वै तथा। नालिकेराणि शुभ्राणि इंगुदीसंभवानि च॥

cirbhaṭāni parūṣāṇi mātuliṃgāni vai tathā| nālikerāṇi śubhrāṇi iṃgudīsaṃbhavāni ca||

ककड़ी के फल, फालसे, तथा बिजौरे भी, और शुभ्र नारियल तथा इंगुदी वृक्ष से उत्पन्न फल भी लाए।

श्लोक 21 (skanda.7.111.21)

अथैतानि पपाचाशु सीता जनकनंदिनी। ततस्तु कुतपे काले स्नात्वा वल्कलभृच्छुचिः॥

athaitāni papācāśu sītā janakanaṃdinī| tatastu kutape kāle snātvā valkalabhṛcchuciḥ||

तब जनकनन्दिनी सीता ने शीघ्र ही इन्हें पकाया; फिर कुतप काल में वल्कल धारण किए हुए पवित्र राम ने स्नान करके—

श्लोक 22 (skanda.7.111.22)

ब्राह्मणानानयामास श्राद्धार्हान्द्विजसत्तमान्। गालवो देवलो रैभ्यो यवक्रीतोऽथ पर्वतः॥

brāhmaṇānānayāmāsa śrāddhārhāndvijasattamān| gālavo devalo raibhyo yavakrīto'tha parvataḥ||

श्राद्ध के योग्य श्रेष्ठ द्विज ब्राह्मणों को बुलवाया—गालव, देवल, रैभ्य, यवक्रीत तथा पर्वत,

श्लोक 23 (skanda.7.111.23)

भरद्वाजो वसिष्ठश्च जावालिर्गौतमो भृगुः। एते चान्ये च बहवो ब्राह्मणा वेदपारगाः॥

bharadvājo vasiṣṭhaśca jāvālirgautamo bhṛguḥ| ete cānye ca bahavo brāhmaṇā vedapāragāḥ||

भरद्वाज, वसिष्ठ, जावालि, गौतम, भृगु—ये और वेद के पारगामी अन्य बहुत से ब्राह्मण भी,

श्लोक 24 (skanda.7.111.24)

श्राद्धार्थं तस्य संप्राप्ता रामस्याक्लिष्टकर्मणः। एतस्मिन्नेव काले तु रामः सीतामभाषत॥

śrāddhārthaṃ tasya saṃprāptā rāmasyākliṣṭakarmaṇaḥ| etasminneva kāle tu rāmaḥ sītāmabhāṣata||

अक्लिष्ट कर्म वाले उस राम के श्राद्ध के लिए वहाँ एकत्र हुए। इसी समय राम ने सीता से कहा—

श्लोक 25 (skanda.7.111.25)

एहि वैदेहि विप्राणां देहि पादावनेजनम्। एतच्छ्रुत्वाऽथ सा सीता प्रविष्टा वृक्षमध्यतः॥

ehi vaidehi viprāṇāṃ dehi pādāvanejanam| etacchrutvā'tha sā sītā praviṣṭā vṛkṣamadhyataḥ||

हे वैदेही, आओ और ब्राह्मणों के चरण धोने का जल दो। यह सुनकर सीता वृक्षों के बीच जा घुसीं—

श्लोक 26 (skanda.7.111.26)

गुल्मैराच्छाद्य चात्मानं रामस्यादर्शने स्थिता। मुहुर्मुहुर्यदा रामः सीतासीतामभाषत॥

gulmairācchādya cātmānaṃ rāmasyādarśane sthitā| muhurmuhuryadā rāmaḥ sītāsītāmabhāṣata||

और झाड़ियों से अपने को ढककर राम की दृष्टि से ओझल होकर खड़ी हो गईं। जब राम बार-बार 'सीता, सीता' पुकारने लगे,

श्लोक 27 (skanda.7.111.27)

ज्ञात्वा तां लक्ष्मणो नष्टां कोपाविष्टं च राघवम्। स्वयमेव तदा चक्रे ब्राह्मणार्ह प्रतिक्रियाम्॥

jñātvā tāṃ lakṣmaṇo naṣṭāṃ kopāviṣṭaṃ ca rāghavam| svayameva tadā cakre brāhmaṇārha pratikriyām||

उन्हें छिपी हुई तथा राघव को क्रोध से भरा जानकर, लक्ष्मण ने स्वयं ही ब्राह्मणों के योग्य चरण-प्रक्षालन आदि कार्य कर दिया।

श्लोक 28 (skanda.7.111.28)

अथ भुक्तेषु विप्रेषु कृत पिंडप्रदानके। आगता जानकी सीता यत्र रामो व्यवस्थितः॥

atha bhukteṣu vipreṣu kṛta piṃḍapradānake| āgatā jānakī sītā yatra rāmo vyavasthitaḥ||

फिर ब्राह्मणों के भोजन कर लेने और पिण्डदान हो जाने के बाद, जानकी सीता वहाँ आईं जहाँ राम विराजमान थे।

श्लोक 29 (skanda.7.111.29)

तां दृष्ट्वा परुषैर्वाक्यैर्भर्त्सयामास राघवः। धिग्धिक्पापे द्विजांस्त्यक्त्वा पितृकृत्यमहोदयम्। क्व गताऽसि च मां हित्वा श्राद्धकाले ह्युपस्थिते॥

tāṃ dṛṣṭvā paruṣairvākyairbhartsayāmāsa rāghavaḥ| dhigdhikpāpe dvijāṃstyaktvā pitṛkṛtyamahodayam| kva gatā'si ca māṃ hitvā śrāddhakāle hyupasthite||

उन्हें देखकर राघव ने कठोर वचनों से उन्हें डाँटा—'धिक्कार है, धिक्कार है, हे पापिनी! द्विजों को और पितृकार्य के इस महोत्सव को छोड़कर, श्राद्धकाल उपस्थित होने पर भी मुझे छोड़कर तुम कहाँ चली गई थीं?'

श्लोक 30 (skanda.7.111.30)

ईश्वर उवाच। तस्य तद्वचनं श्रुत्वा भयभीता च जानकी॥

īśvara uvāca| tasya tadvacanaṃ śrutvā bhayabhītā ca jānakī||

ईश्वर ने कहा—उनका वह वचन सुनकर भय से भीत जानकी—

श्लोक 31 (skanda.7.111.31)

कृताञ्जलिपुटा भूत्वा वेपमाना ह्यभाषत। मा कोपं कुरु कल्याण मा मां निर्भर्त्सय प्रभो॥

kṛtāñjalipuṭā bhūtvā vepamānā hyabhāṣata| mā kopaṃ kuru kalyāṇa mā māṃ nirbhartsaya prabho||

हाथ जोड़कर, काँपते हुए बोलीं—'हे कल्याण! क्रोध मत करो; हे प्रभो! मुझे मत डाँटो।

श्लोक 32 (skanda.7.111.32)

शृणु यस्माद्विभोऽन्यत्र गता त्यक्त्वा तवान्तिकम्। दृष्टस्तत्र पिता मेऽद्य तथा चैव पितामहः॥

śṛṇu yasmādvibho'nyatra gatā tyaktvā tavāntikam| dṛṣṭastatra pitā me'dya tathā caiva pitāmahaḥ||

हे विभो, सुनो, किस कारण से मैं तुम्हारे समीप को छोड़कर अन्यत्र चली गई थी—वहाँ मैंने आज अपने पिता को तथा पितामह को भी देखा,

श्लोक 33 (skanda.7.111.33)

तस्य पूर्वतरश्चापि तथा मातामहादयः। अंगेषु ब्राह्मणेन्द्राणामाक्रान्तास्ते पृथक्पृथक्॥

tasya pūrvataraścāpi tathā mātāmahādayaḥ| aṃgeṣu brāhmaṇendrāṇāmākrāntāste pṛthakpṛthak||

और उनसे भी पूर्ववर्ती पूर्वज तथा मातामह आदि—वे सब पृथक्-पृथक् उन श्रेष्ठ ब्राह्मणों के शरीरों में समाविष्ट थे।

श्लोक 34 (skanda.7.111.34)

ततो लज्जा समभवत्तत्र मे रघुनन्दन। पित्रा तत्र महाबाहो मनोज्ञानि शुभानि च॥

tato lajjā samabhavattatra me raghunandana| pitrā tatra mahābāho manojñāni śubhāni ca||

हे रघुनन्दन, इसलिए मुझे वहाँ लज्जा हुई। हे महाबाहो, वहाँ पिता के द्वारा मनोहर और शुभ,

श्लोक 35 (skanda.7.111.35)

भक्ष्याणि भक्षितान्येव यानि वै गुणवन्ति च। स कथं सुकषायाणि क्षाराणि कटुकानि च। भक्षयिष्यति राजेन्द्र ततो मे दुःखमाविशत्॥

bhakṣyāṇi bhakṣitānyeva yāni vai guṇavanti ca| sa kathaṃ sukaṣāyāṇi kṣārāṇi kaṭukāni ca| bhakṣayiṣyati rājendra tato me duḥkhamāviśat||

और गुणयुक्त भोज्य पदार्थ ही खाए गए थे—हे राजेन्द्र, वे फिर कसैले, खारे और कड़वे पदार्थों को कैसे खाएँगे? इसी विचार से मुझे दुःख हुआ।

श्लोक 36 (skanda.7.111.36)

एतस्मात्कारणान्नष्टा लज्जयाऽहं रघूद्वह। दृष्ट्वा श्वशुरवर्गं स्वं तस्मात्कोपं परित्यज॥

etasmātkāraṇānnaṣṭā lajjayā'haṃ raghūdvaha| dṛṣṭvā śvaśuravargaṃ svaṃ tasmātkopaṃ parityaja||

हे रघुकुलश्रेष्ठ, इसी कारण अपने श्वसुर-वर्ग को देखकर लज्जावश मैं वहाँ से छिप गई; इसलिए क्रोध त्याग दो।

श्लोक 37 (skanda.7.111.37)

तस्यास्तद्वचनं श्रुत्वा विस्मितो राघवोऽभवत्। विशेषेण ददौ तस्मिञ्छ्राद्धं तीर्थे तु पुष्करे॥

tasyāstadvacanaṃ śrutvā vismito rāghavo'bhavat| viśeṣeṇa dadau tasmiñchrāddhaṃ tīrthe tu puṣkare||

उसका वह वचन सुनकर राघव को बड़ा विस्मय हुआ; उन्होंने विशेष रूप से उस पुष्कर तीर्थ में श्राद्ध सम्पन्न किया।

श्लोक 38 (skanda.7.111.38)

तत्र पुष्करसान्निध्ये दक्षिणे धनुषां त्रये। लिंगं प्रतिष्ठयामास रामेश्वरमिति श्रुतम्॥

tatra puṣkarasānnidhye dakṣiṇe dhanuṣāṃ traye| liṃgaṃ pratiṣṭhayāmāsa rāmeśvaramiti śrutam||

वहाँ पुष्कर के समीप, दक्षिण दिशा में तीन धनुष की दूरी पर, उन्होंने वह लिंग प्रतिष्ठित किया, जो रामेश्वर के नाम से प्रसिद्ध हुआ।

श्लोक 39 (skanda.7.111.39)

यस्तं पूजयते भक्त्या गन्धपुष्पादिभिः क्रमात्। स प्राप्नोति परं स्थानं य्रत्र देवो जनार्दनः॥

yastaṃ pūjayate bhaktyā gandhapuṣpādibhiḥ kramāt| sa prāpnoti paraṃ sthānaṃ yratra devo janārdanaḥ||

जो भक्तिपूर्वक क्रमशः गन्ध, पुष्प आदि से उसकी पूजा करता है, वह उस परम स्थान को प्राप्त करता है, जहाँ भगवान् जनार्दन विराजमान हैं।

श्लोक 40 (skanda.7.111.40)

किमत्र बहुनोक्तेन द्वादश्यां यत्प्रदापयेत्। न तत्र परिसंख्यानं त्रिषु लोकेषु विद्यते॥

kimatra bahunoktena dvādaśyāṃ yatpradāpayet| na tatra parisaṃkhyānaṃ triṣu lokeṣu vidyate||

यहाँ अधिक कहने से क्या लाभ—द्वादशी को जो कुछ दान किया जाता है, उसकी गणना तीनों लोकों में सम्भव नहीं है।

श्लोक 41 (skanda.7.111.41)

शुक्रांगारकसंयुक्ता चतुर्थी या भवेत्क्वचित्। षष्ठी वात्र वरारोहे तत्र श्राद्धे महत्फलम्॥

śukrāṃgārakasaṃyuktā caturthī yā bhavetkvacit| ṣaṣṭhī vātra varārohe tatra śrāddhe mahatphalam||

हे वरारोहे, यदि कभी शुक्रवार या मंगलवार से युक्त चतुर्थी अथवा षष्ठी तिथि हो, तो वहाँ किए गए श्राद्ध का महान् फल होता है।

श्लोक 42 (skanda.7.111.42)

यावद्द्वादशवर्षाणि पितरश्च पितामहाः। तर्पिता नान्यमिच्छन्ति पुष्करे स्वकुलोद्भवे॥

yāvaddvādaśavarṣāṇi pitaraśca pitāmahāḥ| tarpitā nānyamicchanti puṣkare svakulodbhave||

बारह वर्षों तक पितर और पितामह अपने ही कुल में उत्पन्न पुरुष के द्वारा पुष्कर में तृप्त किए जाने पर अन्य किसी की इच्छा नहीं करते।

श्लोक 43 (skanda.7.111.43)

तत्र यो वाजिनं दद्यात्सम्यग्भक्तिसमन्वितः। अश्वमेधस्य यज्ञस्य फलं प्राप्नोति मानवः॥

tatra yo vājinaṃ dadyātsamyagbhaktisamanvitaḥ| aśvamedhasya yajñasya phalaṃ prāpnoti mānavaḥ||

जो वहाँ सम्यक् भक्तिपूर्वक घोड़े का दान करता है, वह मनुष्य अश्वमेध यज्ञ का फल प्राप्त करता है।

श्लोक 44 (skanda.7.111.44)

इति ते कथितं सम्यङ्माहात्म्यं पापनाशनम्। रामेश्वरस्य देवस्य पुष्करस्य च भामिनि॥

iti te kathitaṃ samyaṅmāhātmyaṃ pāpanāśanam| rāmeśvarasya devasya puṣkarasya ca bhāmini||

हे भामिनि, इस प्रकार तुम्हें देव रामेश्वर तथा पुष्कर का यह पापनाशक माहात्म्य सम्यक् रूप से कहा गया।