जानकीश्वर माहात्म्य

श्लोक 1 (skanda.7.113.1)

ईश्वर उवाच। ततो गच्छेन्महादेवि जानकीश्वरमुत्तमम्। रामेशान्नैऋते भागे धनुस्त्रिंशकसंस्थितम्॥

īśvara uvāca| tato gacchenmahādevi jānakīśvaramuttamam| rāmeśānnaiṛte bhāge dhanustriṃśakasaṃsthitam||

ईश्वर ने कहा—हे महादेवि, उसके पश्चात् उत्तम जानकीश्वर की ओर जाना चाहिए, जो रामेश्वर से नैऋत्य दिशा में तीस धनुष की दूरी पर स्थित है।

श्लोक 2 (skanda.7.113.2)

पापघ्नं सर्वजंतूनां जानक्याऽऽराधितं पुरा। प्रतिष्ठितं विशेषेण सम्यगाराध्यशंकरम्॥

pāpaghnaṃ sarvajaṃtūnāṃ jānakyā''rādhitaṃ purā| pratiṣṭhitaṃ viśeṣeṇa samyagārādhyaśaṃkaram||

यह सब प्राणियों के पाप का नाश करने वाला है; प्राचीन काल में जानकी ने शंकर की भलीभाँति आराधना करके इसे विशेष रूप से प्रतिष्ठित किया था।

श्लोक 3 (skanda.7.113.3)

पूर्वं तस्यैव लिंगस्य वसिष्ठेशेति नाम वै। तत्पश्चाज्जानकीशेति त्रेतायां प्रथितं क्षितौ॥

pūrvaṃ tasyaiva liṃgasya vasiṣṭheśeti nāma vai| tatpaścājjānakīśeti tretāyāṃ prathitaṃ kṣitau||

पहले उसी लिंग का नाम वसिष्ठेश था; तत्पश्चात् त्रेतायुग में वह पृथ्वी पर जानकीश के नाम से प्रसिद्ध हुआ।

श्लोक 4 (skanda.7.113.4)

ततः षष्टिसहस्राणि वालखिल्या महर्षयः। तत्र सिद्धिमनुप्राप्तास्तेन सिद्धेश्वरेति च॥

tataḥ ṣaṣṭisahasrāṇi vālakhilyā maharṣayaḥ| tatra siddhimanuprāptāstena siddheśvareti ca||

फिर साठ हजार वालखिल्य महर्षियों ने वहाँ सिद्धि प्राप्त की; इसीलिए वह सिद्धेश्वर भी कहलाया।

श्लोक 5 (skanda.7.113.5)

ख्यातं कलौ महादेवि युगलिंगं महाप्रभम्। तद्दृष्ट्वा मुच्यते पापैर्दुःखदौर्भाग्यसंभवैः॥

khyātaṃ kalau mahādevi yugaliṃgaṃ mahāprabham| taddṛṣṭvā mucyate pāpairduḥkhadaurbhāgyasaṃbhavaiḥ||

हे महादेवि, कलियुग में यह महातेजस्वी युगलिंग प्रसिद्ध हुआ; इसके दर्शन मात्र से मनुष्य दुःख और दुर्भाग्य से उत्पन्न पापों से मुक्त हो जाता है।

श्लोक 6 (skanda.7.113.6)

यस्तं पूजयते भक्त्या नारी वा पुरुषोऽपि वा। संस्नाप्य विधिवद्भक्त्या स मुक्तः पातकैर्भवेत्॥

yastaṃ pūjayate bhaktyā nārī vā puruṣo'pi vā| saṃsnāpya vidhivadbhaktyā sa muktaḥ pātakairbhavet||

जो भी—स्त्री हो या पुरुष—भक्तिपूर्वक इसकी पूजा करता है, विधिपूर्वक भक्ति से इसे स्नान कराकर, वह पापों से मुक्त हो जाता है।

श्लोक 7 (skanda.7.113.7)

स्नात्वा च पुष्करे तीर्थे यस्तल्लिगं प्रपूजयेत्। नियतो नियताहारो मासमेकं निरन्तरम्॥

snātvā ca puṣkare tīrthe yastalligaṃ prapūjayet| niyato niyatāhāro māsamekaṃ nirantaram||

और जो पुष्कर तीर्थ में स्नान करके, नियमपूर्वक और नियमित आहार लेते हुए, निरन्तर एक मास तक उस लिंग की पूजा करता है,

श्लोक 8 (skanda.7.113.8)

दिनेदिने भवेत्तस्य वाजिमेधाधिकं फलम्। माघे मासि तृतीयायां या नारी तं प्रपूजयेत्। तदन्वयेऽपि दौर्भाग्यं दुःखं शोकश्च नो भवेत्॥

dinedine bhavettasya vājimedhādhikaṃ phalam| māghe māsi tṛtīyāyāṃ yā nārī taṃ prapūjayet| tadanvaye'pi daurbhāgyaṃ duḥkhaṃ śokaśca no bhavet||

उसे प्रतिदिन अश्वमेध यज्ञ से भी अधिक फल प्राप्त होता है। माघ मास की तृतीया को जो स्त्री इसकी पूजा करती है, उसके वंश में भी दुर्भाग्य, दुःख और शोक नहीं होता।

श्लोक 9 (skanda.7.113.9)

इति ते कथितं देवि माहात्म्यं पापनाशनम्। श्रुतं हरति पापानि सौभाग्यं संप्रयच्छति॥

iti te kathitaṃ devi māhātmyaṃ pāpanāśanam| śrutaṃ harati pāpāni saubhāgyaṃ saṃprayacchati||

हे देवि, इस प्रकार तुम्हें यह पापनाशक माहात्म्य कहा गया; इसे सुनने मात्र से पाप दूर होते हैं और सौभाग्य प्राप्त होता है।