वामनस्वामी माहात्म्य

श्लोक 1 (skanda.7.114.1)

ईश्वर उवाच। ततो गच्छेन्महादेवि विष्णुं पापप्रणाशनम्। वामनस्वामिनामानं सर्वपातकनाशनम्॥

īśvara uvāca| tato gacchenmahādevi viṣṇuṃ pāpapraṇāśanam| vāmanasvāmināmānaṃ sarvapātakanāśanam||

ईश्वर ने कहा—हे महादेवि, उसके पश्चात् पापों का नाश करने वाले विष्णु की ओर जाना चाहिए, जो वामनस्वामी नाम से सब पातकों का नाशक हैं।

श्लोक 2 (skanda.7.114.2)

पुष्करान्नैर्ऋते भागे धनुर्विशतिभिः स्मृतम्। यदा बद्धो बलिर्देवि विष्णुना प्रभविष्णुना॥

puṣkarānnairṛte bhāge dhanurviśatibhiḥ smṛtam| yadā baddho balirdevi viṣṇunā prabhaviṣṇunā||

यह पुष्कर से नैऋत्य दिशा में बीस धनुष की दूरी पर स्थित बताया गया है। हे देवि, जब सर्वशक्तिमान् विष्णु ने बलि को बाँधा,

श्लोक 3 (skanda.7.114.3)

तदा तत्र पदं न्यस्तं दक्षिणं विश्वरूपिणा। द्वितीयं मेरुशृंगे तु तृतीयं गगने प्रिये॥

tadā tatra padaṃ nyastaṃ dakṣiṇaṃ viśvarūpiṇā| dvitīyaṃ meruśṛṃge tu tṛtīyaṃ gagane priye||

तब वहाँ विश्वरूप धारण करने वाले भगवान् ने अपना दाहिना चरण रखा; हे प्रिये, दूसरा चरण मेरु के शिखर पर और तीसरा आकाश में रखा।

श्लोक 4 (skanda.7.114.4)

यावदूर्ध्वं चोत्क्षिपति तावद्भिन्नं सुदूरतः। पादाग्रेण तु ब्रह्माण्डं निष्क्रान्तं सलिलं ततः॥

yāvadūrdhvaṃ cotkṣipati tāvadbhinnaṃ sudūrataḥ| pādāgreṇa tu brahmāṇḍaṃ niṣkrāntaṃ salilaṃ tataḥ||

जितना ऊपर उन्होंने चरण उठाया, उतनी ही दूर तक ब्रह्माण्ड का आवरण भिन्न हो गया; तब उनके चरणाग्र से जल बाहर निकल आया।

श्लोक 5 (skanda.7.114.5)

ततः स्वजानुमात्रेण संप्राप्तं पृथिवीतले। ततो विष्णुपदी गंगा प्रसिद्धिमगमत्क्षितौ॥

tataḥ svajānumātreṇa saṃprāptaṃ pṛthivītale| tato viṣṇupadī gaṃgā prasiddhimagamatkṣitau||

फिर वह जल उनके घुटने तक की ऊँचाई से पृथ्वीतल पर पहुँचा; तभी से विष्णुपदी गंगा पृथ्वी पर प्रसिद्धि को प्राप्त हुई।

श्लोक 6 (skanda.7.114.6)

पूर्वं सा पुष्करे प्राप्ता पुष्करात्सा महानदी। पुष्करं कथ्यते व्योम पुष्करं कथ्यते जलम्। तेन तत्पुष्करं ख्यातं संनिधानं प्रजापतेः॥

pūrvaṃ sā puṣkare prāptā puṣkarātsā mahānadī| puṣkaraṃ kathyate vyoma puṣkaraṃ kathyate jalam| tena tatpuṣkaraṃ khyātaṃ saṃnidhānaṃ prajāpateḥ||

वह महानदी सर्वप्रथम पुष्कर में उतरी और पुष्कर से ही प्रवाहित हुई; 'पुष्कर' आकाश को भी कहा जाता है और 'पुष्कर' जल को भी कहा जाता है; इसीलिए वह प्रजापति का सान्निध्य-स्थल पुष्कर के नाम से विख्यात हुआ।

श्लोक 7 (skanda.7.114.7)

तत्र स्नानं नरः कृत्वा यः पश्यति हरेः पदम्। स याति परमं स्थानं यत्र देवो हरिः स्वयम्॥

tatra snānaṃ naraḥ kṛtvā yaḥ paśyati hareḥ padam| sa yāti paramaṃ sthānaṃ yatra devo hariḥ svayam||

जो मनुष्य वहाँ स्नान करके हरि के चरण-चिह्न का दर्शन करता है, वह उस परम स्थान को प्राप्त होता है जहाँ स्वयं भगवान् हरि निवास करते हैं।

श्लोक 8 (skanda.7.114.8)

तत्र पिंडप्रदानेन तृप्तिः स्यात्कोटिवार्षिकी। पितॄणां च वरारोहे ह्येतदाह हरिः स्वयम्॥

tatra piṃḍapradānena tṛptiḥ syātkoṭivārṣikī| pitṝṇāṃ ca varārohe hyetadāha hariḥ svayam||

हे वरारोहे, वहाँ पिण्डदान करने से पितरों को करोड़ों वर्षों तक तृप्ति प्राप्त होती है—यह स्वयं भगवान् हरि ने कहा है।

श्लोक 9 (skanda.7.114.9)

अत्र गाथा पुरा गीता वसिष्ठेन महर्षिणा। वामनस्वामिनं दृष्ट्वा तां शृणुष्व समाहिता॥

atra gāthā purā gītā vasiṣṭhena maharṣiṇā| vāmanasvāminaṃ dṛṣṭvā tāṃ śṛṇuṣva samāhitā||

यहाँ पूर्वकाल में महर्षि वसिष्ठ ने वामनस्वामी का दर्शन करके एक गाथा गाई थी; उसे एकाग्रचित्त होकर सुनो।

श्लोक 10 (skanda.7.114.10)

स्नात्वा तु पुष्करे तीर्थे दृष्ट्वा विष्णुपदं ततः। अपि कृत्वा महत्पापं किमतः परितप्यते॥

snātvā tu puṣkare tīrthe dṛṣṭvā viṣṇupadaṃ tataḥ| api kṛtvā mahatpāpaṃ kimataḥ paritapyate||

'पुष्कर तीर्थ में स्नान करके और फिर विष्णु के चरण-चिह्न का दर्शन करके, महापाप करने वाला भी अब इससे क्यों संतप्त हो?'

श्लोक 11 (skanda.7.114.11)

यस्तत्रोपानहौ दद्याद्ब्राह्मणाय यतव्रतः। स यानवरमारूढो विष्णुलोके महीयते॥

yastatropānahau dadyādbrāhmaṇāya yatavrataḥ| sa yānavaramārūḍho viṣṇuloke mahīyate||

जो व्रतनिष्ठ पुरुष वहाँ किसी ब्राह्मण को खड़ाऊँ दान करता है, वह उत्तम वाहन पर आरूढ़ होकर विष्णुलोक में पूजित होता है।