जामदग्न्येश्वरमाहात्म्यवर्णनम्

श्लोक 1 (skanda.7.121.1)

ईश्वर उवाच। ततो गच्छेन्महादेवि रामेश्वरमनुत्तमम्। जामदग्न्येन रामेण स्वयं तत्र प्रतिष्ठितम्

īśvara uvāca| tato gacchenmahādevi rāmeśvaramanuttamam| jāmadagnyena rāmeṇa svayaṁ tatra pratiṣṭhitam

ईश्वर ने कहा—हे महादेवि, तत्पश्चात् उस अनुपम रामेश्वर के पास जाना चाहिए, जहाँ जमदग्नि के पुत्र परशुराम ने स्वयं लिंग की प्रतिष्ठा की थी।

श्लोक 2 (skanda.7.121.2)

गोपीश्वराच्च वायव्ये धनुषां त्रिंशकेऽन्तरे। स्थितं महाप्रभावं हि लिंगं पातकनाशनम्

gopīśvarācca vāyavye dhanuṣāṁ triṁśake'ntare| sthitaṁ mahāprabhāvaṁ hi liṁgaṁ pātakanāśanam

गोपीश्वर से वायव्य दिशा में तीस धनुष की दूरी पर वह महाप्रभावशाली, पापनाशक लिंग स्थित है।

श्लोक 3 (skanda.7.121.3)

यदा रामेण देवेशि जमदग्निसुतेन वै। कृतो मातृवधो घोरः पितुराज्ञानुवर्तिना

yadā rāmeṇa deveśi jamadagnisutena vai| kṛto mātṛvadho ghoraḥ piturājñānuvartinā

हे देवेशि, जब जमदग्नि के पुत्र राम ने पिता की आज्ञा का पालन करते हुए अपनी माता का वह भीषण वध किया,

श्लोक 4 (skanda.7.121.4)

तदा मनसि संतापं कृत्वा निर्वेदमागतः। ततः प्रसन्नतां यातो जमदग्निर्महातपाः

tadā manasi saṁtāpaṁ kṛtvā nirvedamāgataḥ| tataḥ prasannatāṁ yāto jamadagnirmahātapāḥ

तब उसके मन में संताप उत्पन्न हुआ और वह वैराग्य को प्राप्त हुआ; तत्पश्चात् महान् तपस्वी जमदग्नि प्रसन्न हुए।

श्लोक 5 (skanda.7.121.5)

ददौ वरं ततस्तुष्टो रेणुकायाश्च जीवितम्। एवं यद्यपि सा तत्र जीविता वरवर्णिनी

dadau varaṁ tatastuṣṭo reṇukāyāśca jīvitam| evaṁ yadyapi sā tatra jīvitā varavarṇinī

प्रसन्न होकर उन्होंने उसे वर दिया और रेणुका को जीवन प्रदान किया; इस प्रकार यद्यपि वह सुन्दरी माता वहाँ पुनर्जीवित हो गई,

श्लोक 6 (skanda.7.121.6)

तथापि सघृणो देवि जामदग्न्यो महाप्रभः। प्रभासं क्षेत्रमासाद्य तपश्चक्रे ततोऽद्भुतम्

tathāpi saghṛṇo devi jāmadagnyo mahāprabhaḥ| prabhāsaṁ kṣetramāsādya tapaścakre tato'dbhutam

तथापि हे देवि, अत्यंत तेजस्वी परशुराम पश्चात्ताप से युक्त होकर प्रभासक्षेत्र को प्राप्त हुए और वहाँ अद्भुत तप किया।

श्लोक 7 (skanda.7.121.7)

प्रतिष्ठाप्य महादेवं शंकरं लोकशंकरम्। दिव्यं वर्षशतं साग्रं ततस्तुष्टो महेश्वरः

pratiṣṭhāpya mahādevaṁ śaṁkaraṁ lokaśaṁkaram| divyaṁ varṣaśataṁ sāgraṁ tatastuṣṭo maheśvaraḥ

लोक का कल्याण करने वाले महादेव शंकर की प्रतिष्ठा कर, सौ से भी अधिक दिव्य वर्षों तक तप करने पर महेश्वर प्रसन्न हुए।

श्लोक 8 (skanda.7.121.8)

ददौ तस्येप्सितं सर्वं स्वयं तत्रैव संस्थितः। ततः कृतार्थतां प्राप्तो जामदग्न्यो महाऋषिः

dadau tasyepsitaṁ sarvaṁ svayaṁ tatraiva saṁsthitaḥ| tataḥ kṛtārthatāṁ prāpto jāmadagnyo mahāṛṣiḥ

महेश्वर ने स्वयं वहीं स्थित होकर उसे उसकी समस्त इच्छित वस्तुएँ प्रदान कीं; तब महर्षि परशुराम कृतार्थ हो गए।

श्लोक 9 (skanda.7.121.9)

त्रिःसप्तकृत्वः पृथिवीं जित्वा हत्वा च क्षत्रियान्। कृत्वा पंचनदं तत्र कुरुक्षेत्रे महामनाः

triḥsaptakṛtvaḥ pṛthivīṁ jitvā hatvā ca kṣatriyān| kṛtvā paṁcanadaṁ tatra kurukṣetre mahāmanāḥ

महामना परशुराम ने इक्कीस बार पृथ्वी को जीतकर तथा क्षत्रियों का वध कर कुरुक्षेत्र में पंचनद बनाए,

श्लोक 10 (skanda.7.121.10)

रक्तैः संपूर्णतां नीत्वा क्षत्रियाणां वरानने। आनृण्यं समनुप्राप्तः पितॄणां यो महाबलः

raktaiḥ saṁpūrṇatāṁ nītvā kṣatriyāṇāṁ varānane| ānṛṇyaṁ samanuprāptaḥ pitṝṇāṁ yo mahābalaḥ

हे वरानने, क्षत्रियों के रक्त से उन्हें परिपूर्ण कर, महाबली परशुराम ने पितरों के प्रति अपने ऋण से मुक्ति प्राप्त की।

श्लोक 11 (skanda.7.121.11)

एवं क्षत्त्रान्तकं कृत्वा दत्त्वा विप्रेषु मेदिनीम्। कृतार्थतामनुप्राप्तस्त्रैलोक्ये ख्यातपौरुषः

evaṁ kṣattrāntakaṁ kṛtvā dattvā vipreṣu medinīm| kṛtārthatāmanuprāptastrailokye khyātapauruṣaḥ

इस प्रकार क्षत्रियों का अंत कर तथा पृथ्वी ब्राह्मणों को दान में देकर, त्रैलोक्य में विख्यात पराक्रमी परशुराम कृतार्थता को प्राप्त हुए।

श्लोक 12 (skanda.7.121.12)

तेन तत्स्थापितं लिंगं क्षेत्रे प्राभासिके शुभे। यस्तं पूजयते भक्त्या पापयुक्तोऽपि मानवः। स मुक्तः पातकैः सर्वैर्याति लोकमुमापतेः

tena tatsthāpitaṁ liṁgaṁ kṣetre prābhāsike śubhe| yastaṁ pūjayate bhaktyā pāpayukto'pi mānavaḥ| sa muktaḥ pātakaiḥ sarvairyāti lokamumāpateḥ

उन्होंने ही उस शुभ प्राभासिक क्षेत्र में यह लिंग स्थापित किया; जो पापयुक्त मनुष्य भी भक्तिपूर्वक इसकी पूजा करता है, वह समस्त पापों से मुक्त होकर उमापति के लोक को जाता है।

श्लोक 13 (skanda.7.121.13)

ज्येष्ठकृष्णचतुर्दश्यां जागृयात्तत्र यो नरः। सोऽश्वमेधफलं प्राप्य मोदते दिवि देववत्

jyeṣṭhakṛṣṇacaturdaśyāṁ jāgṛyāttatra yo naraḥ| so'śvamedhaphalaṁ prāpya modate divi devavat

ज्येष्ठ मास की कृष्ण चतुर्दशी को जो मनुष्य वहाँ जागरण करता है, वह अश्वमेध यज्ञ का फल पाकर देवता के समान स्वर्ग में आनंदित होता है।