महाकालीमाहात्म्यवर्णनम्

श्लोक 1 (skanda.7.133.1)

ईश्वर उवाच। तत्रैव संस्थिता देवि महाकालीति विश्रुता। अधः स्थिते महापीठे पातालविवरान्विते

īśvara uvāca| tatraiva saṁsthitā devi mahākālīti viśrutā| adhaḥ sthite mahāpīṭhe pātālavivarānvite

ईश्वर ने कहा—वहीं महाकाली नाम से विख्यात देवी स्थित हैं, जो उस महापीठ के नीचे, पाताल के विवर से युक्त स्थान में विराजमान हैं।

श्लोक 2 (skanda.7.133.2)

सर्वदुःखप्रशमनी सर्वशत्रुक्षयंकरी। पूजनीया विधानेन कृष्णाष्टम्यां महानिशि। गन्धैः पुष्पैस्तथा धूपैः क्रव्यैर्बलिभिरेव च

sarvaduḥkhapraśamanī sarvaśatrukṣayaṁkarī| pūjanīyā vidhānena kṛṣṇāṣṭamyāṁ mahāniśi| gandhaiḥ puṣpaistathā dhūpaiḥ kravyairbalibhireva ca

वह समस्त दुःखों को शांत करने वाली तथा सब शत्रुओं का नाश करने वाली हैं; कृष्ण अष्टमी की महानिशा में विधिपूर्वक गन्ध, पुष्प, धूप तथा बलि और मांस-भोग से उनकी पूजा करनी चाहिए।

श्लोक 3 (skanda.7.133.3)

फलतृतीयां नारी च कुर्याद्वै तत्र भाविता। वर्षमेकं सिते पक्षे देवीं पूज्य विधानतः। फलानि ब्राह्मणे देयान्येव नूनं विधानतः

phalatṛtīyāṁ nārī ca kuryādvai tatra bhāvitā| varṣamekaṁ site pakṣe devīṁ pūjya vidhānataḥ| phalāni brāhmaṇe deyānyeva nūnaṁ vidhānataḥ

भावभरी स्त्री वहाँ फलतृतीया का व्रत करे; एक वर्ष तक शुक्ल पक्ष में विधिपूर्वक देवी की पूजा कर, वह फल निश्चय ही ब्राह्मण को विधिपूर्वक दान करे।

श्लोक 4 (skanda.7.133.4)

एतानि वर्जयेन्नक्ते ह्यन्नानि सुरसुन्दरि। निष्पावा आढकी मुद्गा माषाश्चैव कुलित्थकाः

etāni varjayennakte hyannāni surasundari| niṣpāvā āḍhakī mudgā māṣāścaiva kulitthakāḥ

हे सुरसुंदरि, रात्रि के भोजन में इन अन्नों का त्याग करना चाहिए — सेम, अरहर, मूंग, उड़द, तथा कुलथी।

श्लोक 5 (skanda.7.133.5)

मसूरा राजमाषाश्च गोधूमास्त्रिपुटास्तथा। चणका वर्तला वापि मकुष्ठाश्चैवमादयः

masūrā rājamāṣāśca godhūmāstripuṭāstathā| caṇakā vartalā vāpi makuṣṭhāścaivamādayaḥ

मसूर, राजमाष, गेहूँ, त्रिपुट, चना, वर्तल, तथा मकुष्ठ आदि भी।

श्लोक 6 (skanda.7.133.6)

न भक्ष्यास्तावत्ते देवि यावद्गौरीव्रतं चरेत्। तस्याः पुण्यफलं वक्ष्ये कथ्यमानं शृणुष्व मे

na bhakṣyāstāvatte devi yāvadgaurīvrataṁ caret| tasyāḥ puṇyaphalaṁ vakṣye kathyamānaṁ śṛṇuṣva me

हे देवि, जब तक वह गौरीव्रत का पालन करे, तब तक ये उसके लिए अभक्ष्य हैं। अब मैं उस व्रत का पुण्यफल बताता हूँ, कहते हुए सुनो।

श्लोक 7 (skanda.7.133.7)

धनं धान्यं गृहे तस्या न कदाचित्क्षयं व्रजेत्। दुःखिता दुर्भगा दीना सप्त जन्मानि नो भवेत्

dhanaṁ dhānyaṁ gṛhe tasyā na kadācitkṣayaṁ vrajet| duḥkhitā durbhagā dīnā sapta janmāni no bhavet

उसके घर में धन-धान्य कभी क्षय को प्राप्त नहीं होता; वह सात जन्मों तक दुःखी, दुर्भाग्यशाली, या दीन नहीं बनती।

श्लोक 8 (skanda.7.133.8)

महाकालीव्रतं प्रोक्तं देव्या माहात्म्यसंयुतम्। कृतं पातकनाशाय सर्वकामसमृद्धये

mahākālīvrataṁ proktaṁ devyā māhātmyasaṁyutam| kṛtaṁ pātakanāśāya sarvakāmasamṛddhaye

इस प्रकार महाकाली का यह व्रत, देवी के माहात्म्य से युक्त, बताया गया, जो पापनाश तथा सब कामनाओं की समृद्धि के लिए किया जाता है।

श्लोक 9 (skanda.7.133.9)

एवं देवि समाख्यातं महाकालीमहोदयम्। क्षेत्रपीठं महादेवि मन्त्रसिद्धिप्रदायकम्

evaṁ devi samākhyātaṁ mahākālīmahodayam| kṣetrapīṭhaṁ mahādevi mantrasiddhipradāyakam

हे देवि, इस प्रकार महाकाली के इस महोदय का वर्णन किया गया; हे महादेवि, यह क्षेत्रपीठ मंत्रसिद्धि प्रदान करने वाला है।

श्लोक 10 (skanda.7.133.10)

आश्वयुक्छुक्लपक्षे तु नवम्यां तत्र जागृयात्। पीठे पूजाबलिं दत्त्वा मन्त्रं कामं जपन्निशि। सौम्यचित्तः समाप्नोति वांछितां सिद्धिमुत्तमाम्

āśvayukchuklapakṣe tu navamyāṁ tatra jāgṛyāt| pīṭhe pūjābaliṁ dattvā mantraṁ kāmaṁ japanniśi| saumyacittaḥ samāpnoti vāṁchitāṁ siddhimuttamām

आश्विन मास के शुक्ल पक्ष की नवमी को वहाँ जागरण करना चाहिए; उस पीठ में पूजा तथा बलि अर्पित कर, रात्रि में इच्छानुसार मंत्र का जप करते हुए, शांतचित्त व्यक्ति वांछित उत्तम सिद्धि को प्राप्त करता है।