कुण्डलकूपमाहात्म्यवर्णनम्

श्लोक 1 (skanda.7.148.1)

ईश्वर उवाच। ततो गच्छेन्महादेवि कूपं कुंडलसंभवम्। तस्यैव चोत्तरे भागे ब्रह्मकुण्डसमीपतः

īśvara uvāca| tato gacchenmahādevi kūpaṁ kuṁḍalasaṁbhavam| tasyaiva cottare bhāge brahmakuṇḍasamīpataḥ

ईश्वर ने कहा—हे महादेवि, तदनन्तर कुण्डल से सम्बन्धित उस कूप के पास जाना चाहिए, जो उसी स्थान के उत्तर भाग में, ब्रह्मकुण्ड के समीप है।

श्लोक 2 (skanda.7.148.2)

यत्र सिद्धो महादेवि रूपकुंडलहारकः। तत्र स्नात्वा नरो देवि मुच्येत्स्तेयकृतादघात्

yatra siddho mahādevi rūpakuṁḍalahārakaḥ| tatra snātvā naro devi mucyetsteyakṛtādaghāt

हे महादेवि, जहाँ सुन्दर कुण्डल चुराने वाला व्यक्ति सिद्धि को प्राप्त हुआ था, वहाँ स्नान करके मनुष्य चोरी से किये गये पाप से मुक्त हो जाता है।

श्लोक 3 (skanda.7.148.3)

सप्त जन्मानि देवेशि न तस्यान्वयसंभवः। चौरः कश्चिद्भवेत्क्रूरस्तत्र स्नानप्रभावतः

sapta janmāni deveśi na tasyānvayasaṁbhavaḥ| cauraḥ kaścidbhavetkrūrastatra snānaprabhāvataḥ

हे देवेशि, वहाँ स्नान के प्रभाव से सात जन्मों तक उसके वंश में कोई क्रूर चोर उत्पन्न नहीं होता।

श्लोक 4 (skanda.7.148.4)

शिवरात्र्यां विशेषेण पिंडदानादिकां क्रियाम्। कुर्याच्छस्त्रहतानां च पापिनां तत्र मुक्तये

śivarātryāṁ viśeṣeṇa piṁḍadānādikāṁ kriyām| kuryācchastrahatānāṁ ca pāpināṁ tatra muktaye

शिवरात्रि के दिन विशेष रूप से पिण्डदान आदि क्रिया करनी चाहिए, जिससे शस्त्र से मारे गये पापियों की भी वहाँ मुक्ति हो जाती है।

श्लोक 5 (skanda.7.148.5)

देव्युवाच। कथं कुण्डलरूपं तु पृथिव्यां ख्यातिमागतम्। एतत्कथय मे देव विस्तराद्वदतां वर

devyuvāca| kathaṁ kuṇḍalarūpaṁ tu pṛthivyāṁ khyātimāgatam| etatkathaya me deva vistarādvadatāṁ vara

देवी ने कहा—हे देव, यह कुण्डल का रूप किस प्रकार पृथ्वी पर प्रसिद्धि को प्राप्त हुआ? हे वक्ताओं में श्रेष्ठ, मुझे यह विस्तार से बताइए।

श्लोक 6 (skanda.7.148.6)

ईश्वर उवाच। शृणु देवि महापुण्यां कथां पापप्रणाशनीम्। यां श्रुत्वा मुच्यते पापान्नरो जन्मशतार्जितात्

īśvara uvāca| śṛṇu devi mahāpuṇyāṁ kathāṁ pāpapraṇāśanīm| yāṁ śrutvā mucyate pāpānnaro janmaśatārjitāt

ईश्वर ने कहा—हे देवि, यह महापुण्यमयी, पापनाशिनी कथा सुनो, जिसे सुनकर मनुष्य सौ जन्मों में उपार्जित पापों से मुक्त हो जाता है।

श्लोक 7 (skanda.7.148.7)

प्रभासक्षेत्रमाहात्म्याच्छिवरात्र्यामुपोषितः। आसीत्सुदर्शनो राजा पृथिव्यामेकराट् सुधीः

prabhāsakṣetramāhātmyācchivarātryāmupoṣitaḥ| āsītsudarśano rājā pṛthivyāmekarāṭ sudhīḥ

प्रभासक्षेत्र की महिमा से शिवरात्रि को उपवास करते हुए, पृथ्वी पर सुदर्शन नामक एक बुद्धिमान् एकच्छत्र राजा था।

श्लोक 8 (skanda.7.148.8)

धन्यो हि स धनाढ्यश्च प्रजां यत्नैरपालयत्। राज्यं तस्य सुसंपन्नं ब्राह्मणैरुपशोभितम्। समृद्धमृद्धिसंयुक्तं विटतस्करवर्जितम्

dhanyo hi sa dhanāḍhyaśca prajāṁ yatnairapālayat| rājyaṁ tasya susaṁpannaṁ brāhmaṇairupaśobhitam| samṛddhamṛddhisaṁyuktaṁ viṭataskaravarjitam

वह धन्य और धनाढ्य था, और अपनी प्रजा का प्रयत्नपूर्वक पालन करता था; उसका राज्य सुसम्पन्न, ब्राह्मणों से सुशोभित, समृद्धियुक्त, तथा विट और चोरों से रहित था।

श्लोक 9 (skanda.7.148.9)

तस्मिञ्जनपदे रम्ये पुरी भगवती शुभा। चातुर्वर्ण्यसमायुक्ता पुरप्राकारमंडिता

tasmiñjanapade ramye purī bhagavatī śubhā| cāturvarṇyasamāyuktā puraprākāramaṁḍitā

उस रमणीय जनपद में एक शुभ, ऐश्वर्यशालिनी नगरी थी, जो चारों वर्णों से युक्त तथा नगर-प्राकार से सुशोभित थी।

श्लोक 10 (skanda.7.148.10)

तस्मिन्पुरवरे रम्ये राज्यं निहतकण्टकम्। करोति बान्धवैः सार्द्धमृद्धियुक्तः सुदर्शनः। हिरण्यदत्तस्य सुतो जातो गांधारकन्यया

tasminpuravare ramye rājyaṁ nihatakaṇṭakam| karoti bāndhavaiḥ sārddhamṛddhiyuktaḥ sudarśanaḥ| hiraṇyadattasya suto jāto gāṁdhārakanyayā

उस रमणीय श्रेष्ठ नगर में, ऐश्वर्ययुक्त सुदर्शन अपने बान्धवों के साथ निष्कण्टक राज्य करता था; वह हिरण्यदत्त का पुत्र था, जो गान्धार की राजकन्या से उत्पन्न हुआ था।

श्लोक 11 (skanda.7.148.11)

तस्य भार्या प्रिया साध्वी भर्तृव्रतपरायणा। सुनंदा नामविख्याता काशिराजसुता शुभा

tasya bhāryā priyā sādhvī bhartṛvrataparāyaṇā| sunaṁdā nāmavikhyātā kāśirājasutā śubhā

उसकी प्रिय पत्नी, पतिव्रत में तत्पर, साध्वी, सुनन्दा नाम से विख्यात, काशिराज की शुभ पुत्री थी।

श्लोक 12 (skanda.7.148.12)

तया सार्धं हि राजेन्द्रो भोगान्स बुभुजे सदा। भुंजमानस्य भोगान्वै चिरकालो गतस्तदा

tayā sārdhaṁ hi rājendro bhogānsa bubhuje sadā| bhuṁjamānasya bhogānvai cirakālo gatastadā

उस राजेन्द्र ने उसके साथ सदा भोगों का उपभोग किया; इस प्रकार भोग भोगते हुए उसका दीर्घकाल व्यतीत हो गया।

श्लोक 13 (skanda.7.148.13)

अकरोत्स महायज्ञान्ददौ दानानि भूरिशः। एवं कालो गतस्तस्य भार्यया सह सुव्रते

akarotsa mahāyajñāndadau dānāni bhūriśaḥ| evaṁ kālo gatastasya bhāryayā saha suvrate

उसने महायज्ञ किये और प्रचुर दान दिये; हे सुव्रते, इस प्रकार उसका समय अपनी पत्नी के साथ बीता।

श्लोक 14 (skanda.7.148.14)

कदाचिन्माघमासे तु शिवरात्र्यां वरानने। सस्मार पूर्वजातिं स भार्यामाहूय चाब्रवीत्

kadācinmāghamāse tu śivarātryāṁ varānane| sasmāra pūrvajātiṁ sa bhāryāmāhūya cābravīt

एक बार माघ मास में शिवरात्रि के दिन, हे वरानने, उसे अपने पूर्वजन्म का स्मरण हो आया, और उसने अपनी पत्नी को बुलाकर कहा—

श्लोक 15 (skanda.7.148.15)

सुदर्शन उवाच। शिवरात्रिव्रतं देवि मया कार्यं वरानने। व्रतस्यास्य प्रभावेन प्राप्तं राज्यं मया किल

sudarśana uvāca| śivarātrivrataṁ devi mayā kāryaṁ varānane| vratasyāsya prabhāvena prāptaṁ rājyaṁ mayā kila

सुदर्शन ने कहा—हे देवि, हे वरानने, मुझे शिवरात्रि व्रत अवश्य करना चाहिए; इसी व्रत के प्रभाव से मैंने यह राज्य प्राप्त किया है।

श्लोक 16 (skanda.7.148.16)

राज्ञ्युवाच। महान्प्रभावो राजेन्द्र एवमुक्तं त्वया मम। एतन्मे कारणं ब्रूहि आश्चर्यं हृदि वर्तते

rājñyuvāca| mahānprabhāvo rājendra evamuktaṁ tvayā mama| etanme kāraṇaṁ brūhi āścaryaṁ hṛdi vartate

रानी ने कहा—हे राजेन्द्र, आपने मुझसे इस प्रकार कहा कि इसका प्रभाव महान् है; इसका कारण मुझे बताइए, मेरे हृदय में आश्चर्य बना हुआ है।

श्लोक 17 (skanda.7.148.17)

राजोवाच। शृणु तीर्थस्य माहात्म्यं शिवरात्रिमुपोषणात्। तस्मिञ्छिवपुरे रम्ये स्वर्गद्वारे सुशोभने

rājovāca| śṛṇu tīrthasya māhātmyaṁ śivarātrimupoṣaṇāt| tasmiñchivapure ramye svargadvāre suśobhane

राजा ने कहा—शिवरात्रि के उपवास से प्राप्त उस तीर्थ की महिमा सुनो, उस रमणीय, सुशोभित स्वर्ग-द्वार शिवपुरी में—

श्लोक 18 (skanda.7.148.18)

आदितीर्थे प्रभासे तु कामिके तीर्थ उत्तमे

āditīrthe prabhāse tu kāmike tīrtha uttame

अर्थात् आदितीर्थ प्रभास में, जो कामनाओं को पूर्ण करने वाला उत्तम तीर्थ है।

श्लोक 19 (skanda.7.148.19)

ऋद्धियुक्ते पुरे तस्मिन्नित्यं धर्मानुसेविते। शिवरात्र्यां गतो राज्ञि तिथीनामुत्तमा तिथिः

ṛddhiyukte pure tasminnityaṁ dharmānusevite| śivarātryāṁ gato rājñi tithīnāmuttamā tithiḥ

हे रानी, उस ऐश्वर्ययुक्त, सदा धर्म का पालन करने वाली नगरी में जब शिवरात्रि आई, जो समस्त तिथियों में उत्तम है,

श्लोक 20 (skanda.7.148.20)

मानवास्तत्र ये केचित्पुरराष्ट्रनिवासिनः। तत्रागता वरारोहे शिवरात्र्यामुपोषितुम्

mānavāstatra ye kecitpurarāṣṭranivāsinaḥ| tatrāgatā varārohe śivarātryāmupoṣitum

हे वरारोहे, नगर और राष्ट्र में रहने वाले जो भी लोग थे, वे सब शिवरात्रि का व्रत करने के लिए वहाँ आये।

श्लोक 21 (skanda.7.148.21)

धननामा वणिक्कश्चित्तत्रैव वसते सदा। धनाढ्यः स तु धर्मात्मा सदा धर्मपरायणः

dhananāmā vaṇikkaścittatraiva vasate sadā| dhanāḍhyaḥ sa tu dharmātmā sadā dharmaparāyaṇaḥ

धन नामक एक वैश्य सदा वहीं निवास करता था; वह धनाढ्य, धर्मात्मा तथा सदा धर्मपरायण था।

श्लोक 22 (skanda.7.148.22)

स भार्यासहितस्तत्र शिवरात्रिमुपोषितः। तस्य भार्याऽभवत्साध्वी रूपयौवनसंवृता

sa bhāryāsahitastatra śivarātrimupoṣitaḥ| tasya bhāryā'bhavatsādhvī rūpayauvanasaṁvṛtā

वह अपनी पत्नी सहित वहाँ शिवरात्रि का व्रत कर रहा था; उसकी पत्नी साध्वी थी और रूप एवं यौवन से सम्पन्न थी,

श्लोक 23 (skanda.7.148.23)

प्रचलन्मेखलाहारा सर्वाभरणभूषिता। स तया भार्यया सार्धं कामक्रोधविवर्जितः

pracalanmekhalāhārā sarvābharaṇabhūṣitā| sa tayā bhāryayā sārdhaṁ kāmakrodhavivarjitaḥ

वह चलती हुई मेखला और हार धारण किये, समस्त आभूषणों से विभूषित थी; वह उस पत्नी के साथ काम और क्रोध से रहित होकर,

श्लोक 24 (skanda.7.148.24)

प्रभासस्याग्रतो भूत्वा स्नातः शुक्लांबरः शुचिः। यथोक्तेन विधानेन भक्त्या निद्राविवर्जितः

prabhāsasyāgrato bhūtvā snātaḥ śuklāṁbaraḥ śuciḥ| yathoktena vidhānena bhaktyā nidrāvivarjitaḥ

प्रभास के समक्ष उपस्थित होकर, स्नात, श्वेतवस्त्रधारी तथा शुद्ध होकर, विधिपूर्वक भक्तिसहित निद्रारहित होकर वहाँ रहा।

श्लोक 25 (skanda.7.148.25)

तत्राहं चौररूपेण पापः स्तैन्यं समाश्रितः। सच्छूद्राणां कुले जातो देवब्राह्मणपूजकः

tatrāhaṁ caurarūpeṇa pāpaḥ stainyaṁ samāśritaḥ| sacchūdrāṇāṁ kule jāto devabrāhmaṇapūjakaḥ

वहाँ मैं, चोर के रूप में, पापी होकर चोरी का आश्रय लिये हुए था—यद्यपि मैं सत्शूद्रों के कुल में जन्मा तथा देवताओं और ब्राह्मणों का पूजक था,

श्लोक 26 (skanda.7.148.26)

पूर्वकर्मानुसंयोगाद्विकर्मणि रतः सदा। तस्यां रात्र्यामहं तत्र जनमध्ये तु संस्थितः

pūrvakarmānusaṁyogādvikarmaṇi rataḥ sadā| tasyāṁ rātryāmahaṁ tatra janamadhye tu saṁsthitaḥ

पूर्वकृत कर्मों के संयोग से मैं सदा निषिद्ध कर्म में रत रहा; उस रात्रि में मैं वहाँ जनसमूह के बीच खड़ा था,

श्लोक 27 (skanda.7.148.27)

कुण्डलीनः स्थितस्तत्र रंध्रापेक्षी वरानने। वणिजस्तस्य भार्यायाश्छिद्रान्वेषणतत्परः

kuṇḍalīnaḥ sthitastatra raṁdhrāpekṣī varānane| vaṇijastasya bhāryāyāśchidrānveṣaṇatatparaḥ

हे वरानने, वहाँ मैं दुबका हुआ खड़ा था, अवसर की प्रतीक्षा करते हुए, उस वैश्य की पत्नी में छिद्र ढूँढ़ने में तत्पर था।

श्लोक 28 (skanda.7.148.28)

सा रात्रिर्जाग्रतस्तस्य गता मे विजने तथा। गीतनृत्यादिनिर्घोषैर्वेदमंगलपाटकैः

sā rātrirjāgratastasya gatā me vijane tathā| gītanṛtyādinirghoṣairvedamaṁgalapāṭakaiḥ

वह रात्रि मेरी जागृत अवस्था में एकान्त में इस प्रकार बीती—गीत-नृत्य आदि की ध्वनियों तथा वेद-मंगलपाठकों के शब्दों के बीच,

श्लोक 29 (skanda.7.148.29)

तालशब्दैस्तथा बन्धैः पुस्तकानां च वाचकैः। एवं रात्र्यां तु शेषायां यावत्तिष्ठति तत्र वै

tālaśabdaistathā baṁdhaiḥ pustakānāṁ ca vācakaiḥ| evaṁ rātryāṁ tu śeṣāyāṁ yāvattiṣṭhati tatra vai

तथा ताल के शब्दों, छन्दबद्ध रचनाओं तथा ग्रन्थ-वाचकों के बीच; इस प्रकार शेष रात्रि में जब तक वह वहाँ खड़ी रही,

श्लोक 30 (skanda.7.148.30)

निरोधेन समायुक्ता पीड्यमाना शुचिस्मिता। धनिभार्या निरोधार्ता देवागाराद्बहिर्गता

nirodhena samāyuktā pīḍyamānā śucismitā| dhanibhāryā nirodhārtā devāgārādbahirgatā

शरीर की आवश्यकता से पीड़ित होकर, वह सुन्दर-हास्य वाली धनी की पत्नी, उस पीड़ा से व्याकुल होकर देवालय से बाहर निकली।

श्लोक 31 (skanda.7.148.31)

तस्याः कर्णौ त्रोटयित्वा पुप्लुवेऽहं जले स्थितः। ततः कोलाहलस्तत्र कृतस्तत्पुरवासिभिः

tasyāḥ karṇau troṭayitvā pupluve'haṁ jale sthitaḥ| tataḥ kolāhalastatra kṛtastatpuravāsibhiḥ

उसके दोनों कान तोड़कर [कुण्डल उतारकर] मैंने जल में कूदकर छिप गया; तब वहाँ नगरवासियों ने कोलाहल मचाया।

श्लोक 32 (skanda.7.148.32)

श्रुत्वा कोलाहलं शब्दं कर्णत्रोटनजं तदा। धाविता रक्षकास्तत्र राजशासनकारकाः

śrutvā kolāhalaṁ śabdaṁ karṇatroṭanajaṁ tadā| dhāvitā rakṣakāstatra rājaśāsanakārakāḥ

कानों के टूटने से उत्पन्न उस कोलाहल की ध्वनि सुनकर, राजा की आज्ञा का पालन करने वाले रक्षक वहाँ दौड़े आये।

श्लोक 33 (skanda.7.148.33)

तैरहं शस्त्रहस्तैश्च उल्काहस्तैः समंततः। निरीक्षितोऽथ न प्राप्तं सुवर्णं मन्मुखे स्थितम्

tairahaṁ śastrahastaiśca ulkāhastaiḥ samaṁtataḥ| nirīkṣito'tha na prāptaṁ suvarṇaṁ manmukhe sthitam

शस्त्र और मशाल हाथों में लिये उन लोगों ने मुझे चारों ओर से खोजा; किन्तु मेरे मुख में रखा हुआ सोना उन्हें नहीं मिला।

श्लोक 34 (skanda.7.148.34)

खड्गेन तीक्ष्णधारेण छित्त्वा शीर्षं तदा मम। उल्काहस्ता निरीक्षन्तो नापश्यन्स्वर्णमण्वपि

khaḍgena tīkṣṇadhāreṇa chittvā śīrṣaṁ tadā mama| ulkāhastā nirīkṣanto nāpaśyansvarṇamaṇvapi

तीक्ष्णधार तलवार से तब मेरा सिर काटकर, हाथों में मशाल लिये देखते हुए भी उन्हें सोने का एक कण भी नहीं दिखा।

श्लोक 35 (skanda.7.148.35)

हित्वा मां ते गताः सर्वे गत्वा राज्ञे न्यवेदयन्। न किञ्चित्तत्र संप्राप्तं हतोऽस्माभिश्च तत्क्षणात्

hitvā māṁ te gatāḥ sarve gatvā rājñe nyavedayan| na kiñcittatra saṁprāptaṁ hato'smābhiśca tatkṣaṇāt

मुझे छोड़कर वे सब चले गये, और राजा के पास जाकर निवेदन किया—'कुछ भी नहीं मिला, और उसे हमने उसी क्षण मार डाला।'

श्लोक 36 (skanda.7.148.36)

कथयित्वा तु ते सर्वे यथादेशं गताः पुनः। ततो वै बन्धुना तत्र भयभीतेन चेतसा

kathayitvā tu te sarve yathādeśaṁ gatāḥ punaḥ| tato vai bandhunā tatra bhayabhītena cetasā

यह कहकर वे सब पुनः अपने-अपने स्थान को चले गये; तब भय से आतंकित चित्तवाले किसी बन्धु ने वहाँ,

श्लोक 37 (skanda.7.148.37)

निखातं मम तत्रैव शिरः कायेन संयुतम्। खातं कृत्वा प्रिये तत्र ब्रह्मतीर्थस्य चोत्तरे

nikhātaṁ mama tatraiva śiraḥ kāyena saṁyutam| khātaṁ kṛtvā priye tatra brahmatīrthasya cottare

हे प्रिये, वहीं ब्रह्मतीर्थ के उत्तर में गड्ढा खोदकर मेरा सिर शरीर सहित गाड़ दिया गया।

श्लोक 38 (skanda.7.148.38)

पिहितोऽहं तु तत्रैव प्रभासे तीर्थ उत्तमे। शिवरात्रिप्रभावेन तज्जातिस्मरतां गतः

pihito'haṁ tu tatraiva prabhāse tīrtha uttame| śivarātriprabhāvena tajjātismaratāṁ gataḥ

मैं उसी उत्तम तीर्थ प्रभास में गाड़ा गया; और शिवरात्रि के प्रभाव से मुझे उस पूर्वजन्म का स्मरण हो आया है।

श्लोक 39 (skanda.7.148.39)

राज्यं निष्कण्टकं प्राप्तं समृद्धं वरवर्णिनि। एतत्प्रभासमाहात्म्यं शिवरात्रेरुपोषणात्। एतत्फलं मया लब्धं गत्वा तस्मादुपोषये

rājyaṁ niṣkaṇṭakaṁ prāptaṁ samṛddhaṁ varavarṇini| etatprabhāsamāhātmyaṁ śivarātreruposaṇāt| etatphalaṁ mayā labdhaṁ gatvā tasmādupoṣaye

हे वरवर्णिनि, मुझे निष्कण्टक तथा समृद्ध राज्य प्राप्त हुआ है—यह शिवरात्रि के उपवास से प्राप्त प्रभास की महिमा है; यह फल मैंने प्राप्त किया है, अतः चलो वहाँ जाकर उपवास करें।

श्लोक 40 (skanda.7.148.40)

राज्ञ्युवाच। गच्छावस्तत्र यत्रैव कपालं पतितं तव। स्फोटिते च कपाले च हिरण्यं दृश्यते यदि। प्रत्ययो मे भवेत्पश्चात्तव वाक्यं न संशयः

rājñyuvāca| gacchāvastatra yatraiva kapālaṁ patitaṁ tava| sphoṭite ca kapāle ca hiraṇyaṁ dṛśyate yadi| pratyayo me bhavetpaścāttava vākyaṁ na saṁśayaḥ

रानी ने कहा—चलिए वहीं चलें, जहाँ आपकी खोपड़ी गिरी थी; यदि खोपड़ी को फोड़ने पर स्वर्ण दिखाई दे, तो मुझे विश्वास हो जाएगा, और आपके वचन में फिर कोई संशय न रहेगा।

श्लोक 41 (skanda.7.148.41)

राजोवाच। कल्पं हि तिष्ठते चास्थि यावद्भूमिविपर्ययः। उत्तिष्ठ व्रज भद्रं ते प्रभासं क्षेत्रमुत्तमम्

rājovāca| kalpaṁ hi tiṣṭhate cāsthi yāvadbhūmiviparyayaḥ| uttiṣṭha vraja bhadraṁ te prabhāsaṁ kṣetramuttamam

राजा ने कहा—हड्डी तो कल्प भर, अर्थात् पृथ्वी के प्रलय होने तक, ज्यों की त्यों बनी रहती है। उठो, तुम्हारा कल्याण हो, उस उत्तम प्रभासक्षेत्र को चलें।

श्लोक 42 (skanda.7.148.42)

तस्य तद्वचनं श्रुत्वा यद्राज्ञा समुदीरितम्। गमनाय मतिं चक्रे शिवरात्र्या उपोषणे

tasya tadvacanaṁ śrutvā yadrājñā samudīritam| gamanāya matiṁ cakre śivarātryā upoṣaṇe

राजा द्वारा कहे गये उन वचनों को सुनकर, उसने शिवरात्रि व्रत के लिए वहाँ जाने का निश्चय किया।

श्लोक 43 (skanda.7.148.43)

ततोऽश्वैर्जवनैर्युक्तं रथं हेमविभूषितम्। आस्थाय सह पत्न्या च प्रभासं क्षेत्रमेयिवान्

tato'śvairjavanairyuktaṁ rathaṁ hemavibhūṣitam| āsthāya saha patnyā ca prabhāsaṁ kṣetrameyivān

तब वेगवान् अश्वों से युक्त, स्वर्ण से विभूषित रथ पर चढ़कर वह अपनी पत्नी सहित प्रभासक्षेत्र को गया।

श्लोक 44 (skanda.7.148.44)

व्रतं कृत्वा प्रभासे तु यथोक्तं वरवर्णिनि। ब्रह्मतीर्थे समागत्य उद्धृत्य सकलं ततः

vrataṁ kṛtvā prabhāse tu yathoktaṁ varavarṇini| brahmatīrthe samāgatya uddhṛtya sakalaṁ tataḥ

हे वरवर्णिनि, प्रभास में विधिपूर्वक व्रत करके, ब्रह्मतीर्थ में पहुँचकर, तदनन्तर सम्पूर्ण अवशेष को खोदकर निकाला,

श्लोक 45 (skanda.7.148.45)

हिरण्यं दर्शयामास स्फोटयित्वा शवं स्वयम्

hiraṇyaṁ darśayāmāsa sphoṭayitvā śavaṁ svayam

उसने स्वयं शव को फोड़कर स्वर्ण दिखाया।

श्लोक 46 (skanda.7.148.46)

ईश्वर उवाच। जातसंप्रत्यया भार्या तस्य राज्ञो बभूव ह। जगाम परमं स्थानं यत्र कल्याणमुत्तमम्

īśvara uvāca| jātasaṁpratyayā bhāryā tasya rājño babhūva ha| jagāma paramaṁ sthānaṁ yatra kalyāṇamuttamam

ईश्वर ने कहा—उस राजा की पत्नी को इस प्रकार विश्वास उत्पन्न हुआ, और वह उस परम स्थान को गई, जहाँ उत्तम कल्याण है।

श्लोक 47 (skanda.7.148.47)

जनोऽपि विस्मितः सर्वो दृष्ट्वा चित्रं तदद्भुतम्

jano'pi vismitaḥ sarvo dṛṣṭvā citraṁ tadadbhutam

वह अद्भुत आश्चर्य देखकर समस्त जनसमूह भी चकित हो गया।

श्लोक 48 (skanda.7.148.48)

नदी चित्रपथा नाम तत्रोत्पन्ना वरानने। चित्रादित्यस्य पूर्वेण ब्रह्मतीर्थस्य चोत्तरे

nadī citrapathā nāma tatrotpannā varānane| citrādityasya pūrveṇa brahmatīrthasya cottare

हे वरानने, वहीं चित्रपथा नामक नदी उत्पन्न हुई, जो चित्रादित्य के पूर्व में तथा ब्रह्मतीर्थ के उत्तर में है।

श्लोक 49 (skanda.7.148.49)

तस्यां तत्तिष्ठते तत्र सर्वपापप्रणाशनम्

tasyāṁ tattiṣṭhate tatra sarvapāpapraṇāśanam

वह समस्त पापों का नाश करने वाला तीर्थ उसी में वहाँ स्थित है।

श्लोक 50 (skanda.7.148.50)

श्रावणे मासि संप्राप्ते तस्मिन्कूपे विधानतः। यः स्नानं कुरुते देवि श्राद्धं तत्र विशेषतः

śrāvaṇe māsi saṁprāpte tasminkūpe vidhānataḥ| yaḥ snānaṁ kurute devi śrāddhaṁ tatra viśeṣataḥ

श्रावण मास आने पर जो मनुष्य उस कूप में विधिपूर्वक स्नान करता है, और विशेष रूप से वहाँ श्राद्ध करता है,

श्लोक 51 (skanda.7.148.51)

चित्रादित्यं तु संपूज्य शिवलोके महीयते

citrādityaṁ tu saṁpūjya śivaloke mahīyate

और चित्रादित्य की पूजा करके, वह शिवलोक में महिमामण्डित होता है।

श्लोक 52 (skanda.7.148.52)

एतत्ते कथितं सर्वं शिवरात्र्या महत्फलम्। भुक्तिमुक्तिप्रदं पुण्यं सर्वपापप्रणाशनम्

etatte kathitaṁ sarvaṁ śivarātryā mahatphalam| bhuktimuktipradaṁ puṇyaṁ sarvapāpapraṇāśanam

यह तुम्हें शिवरात्रि का सम्पूर्ण महाफल बताया गया, जो भोग और मोक्ष दोनों को देने वाला, पुण्यकारी तथा समस्त पापों का नाश करने वाला है।

श्लोक 53 (skanda.7.148.53)

य इदं पठते नित्यं शृणुयाद्वापि मानवः। सर्वपापविनिर्मुक्तो रुद्रलोके महीयते

ya idaṁ paṭhate nityaṁ śṛṇuyādvāpi mānavaḥ| sarvapāpavinirmukto rudraloke mahīyate

जो मनुष्य इसे नित्य पढ़ता है अथवा सुनता भी है, वह समस्त पापों से मुक्त होकर रुद्रलोक में महिमामण्डित होता है।