नारदेश्वरभैरवमाहात्म्यवर्णनम्

श्लोक 1 (skanda.7.152.1)

ईश्वर उवाच। तृतीयो भैरवः प्रोक्तश्चतुर्थं भैरवं शृणु। ब्रह्मेशात्पश्चिमे भागे धनुषां त्रितये स्थितम्

īśvara uvāca| tṛtīyo bhairavaḥ proktaścaturthaṁ bhairavaṁ śṛṇu| brahmeśātpaścime bhāge dhanuṣāṁ tritaye sthitam

ईश्वर ने कहा—तीसरे भैरव का वर्णन किया जा चुका; अब चौथे भैरव के विषय में सुनो, जो ब्रह्मेश से पश्चिम भाग में तीन धनुष की दूरी पर स्थित है,

श्लोक 2 (skanda.7.152.2)

सर्वपापप्रशमनं सर्वकामप्रदं नृणाम्। नारदेश्वरनामानं स्थापितं नारदेन वै

sarvapāpapraśamanaṁ sarvakāmapradaṁ nṛṇām| nāradeśvaranāmānaṁ sthāpitaṁ nāradena vai

जो समस्त पापों को शान्त करने वाला तथा मनुष्यों की समस्त कामनाओं को देने वाला है—नारदेश्वर नामक यह लिंग नारद द्वारा ही स्थापित किया गया था।

श्लोक 3 (skanda.7.152.3)

ब्रह्मलोके स्थितः पूर्वं नारदो भगवानृषिः। तत्र दृष्ट्वा महावीणां दिव्यां तंत्र्ययुतैर्युताम्

brahmaloke sthitaḥ pūrvaṁ nārado bhagavānṛṣiḥ| tatra dṛṣṭvā mahāvīṇāṁ divyāṁ taṁtryayutairyutām

पहले ब्रह्मलोक में स्थित भगवान् ऋषि नारद ने वहाँ एक दिव्य महावीणा देखी, जो दस हजार तारों से युक्त थी,

श्लोक 4 (skanda.7.152.4)

सरस्वत्या विनिर्मुक्तां ब्रह्मलोके महाप्रभाम्। तेनासौ कौतुकाविष्टो वादयामास तां तदा

sarasvatyā vinirmuktāṁ brahmaloke mahāprabhām| tenāsau kautukāviṣṭo vādayāmāsa tāṁ tadā

जिसे सरस्वती ने ब्रह्मलोक में रख छोड़ा था और जो अत्यन्त तेजस्वी थी; उसे देखकर कौतूहल से भरकर उसने तब उसे बजाया।

श्लोक 5 (skanda.7.152.5)

तंत्रीभ्यो वाद्यमानाभ्यो ब्राह्मणाः पतिता भुवि। सप्त स्वरास्ते विख्याता मूर्च्छिताः षड्जकादयः

taṁtrībhyo vādyamānābhyo brāhmaṇāḥ patitā bhuvi| sapta svarāste vikhyātā mūrcchitāḥ ṣaḍjakādayaḥ

जैसे ही तारों को बजाया गया, ब्राह्मण भूमि पर गिर पड़े—वे विख्यात सप्त स्वर, षड्ज आदि, मूर्च्छित होकर गिर गये।

श्लोक 6 (skanda.7.152.6)

तान्दृष्ट्वा विस्मयाविष्टो मुक्त्वा वीणां प्रयत्नतः। पप्रच्छ देवं ब्रह्माणं किमिदं कौतुकं विभो

tāndṛṣṭvā vismayāviṣṭo muktvā vīṇāṁ prayatnataḥ| papraccha devaṁ brahmāṇaṁ kimidaṁ kautukaṁ vibho

उन्हें देखकर विस्मय से भरकर, प्रयत्नपूर्वक वीणा को त्यागकर, उसने देव ब्रह्मा से पूछा—हे विभो, यह क्या कौतुक है?

श्लोक 7 (skanda.7.152.7)

वाद्यमानासु तन्त्रीषु पतिता ब्राह्मणा भुवि। क एते ब्राह्मणा देव किं मृता इव शेरते

vādyamānāsu tantrīṣu patitā brāhmaṇā bhuvi| ka ete brāhmaṇā deva kiṁ mṛtā iva śerate

तारों को बजाते ही ब्राह्मण भूमि पर गिर पड़े; हे देव, ये ब्राह्मण कौन हैं? क्या ये मृत के समान पड़े हैं?

श्लोक 8 (skanda.7.152.8)

ब्रह्मोवाच। एते स्वरा महाभाग मूर्च्छिताः पतिता भुवि। अज्ञानवादनेनैव पापं जातं तवाधुना

brahmovāca| ete svarā mahābhāga mūrcchitāḥ patitā bhuvi| ajñānavādanenaiva pāpaṁ jātaṁ tavādhunā

ब्रह्मा ने कहा—हे महाभाग, ये मूर्च्छित होकर भूमि पर गिरे हुए स्वर हैं; अज्ञानपूर्वक बजाने से ही अभी तुम्हें पाप उत्पन्न हो गया है।

श्लोक 9 (skanda.7.152.9)

सप्तब्राह्मणविध्वंसपातकं ते समागतम्। तस्माच्छीघ्रं व्रज मुने प्रभासं क्षेत्रमुत्तमम्

saptabrāhmaṇavidhvaṁsapātakaṁ te samāgatam| tasmācchīghraṁ vraja mune prabhāsaṁ kṣetramuttamam

तुम्हें सात ब्राह्मणों के विनाश का पाप लग गया है; अतः हे मुने, शीघ्र ही उस उत्तम प्रभासक्षेत्र को जाओ।

श्लोक 10 (skanda.7.152.10)

समाराधय देवेशं सर्वपापविशुद्धये। इत्युक्तो नारदस्तत्र संतप्य च मुहुर्मुहुः

samārādhaya deveśaṁ sarvapāpaviśuddhaye| ityukto nāradastatra saṁtapya ca muhurmuhuḥ

वहाँ समस्त पापों की शुद्धि के लिए देवेश की आराधना करो। इस प्रकार कहे जाने पर नारद वहाँ बार-बार संतप्त होकर,

श्लोक 11 (skanda.7.152.11)

कृत्वा विषादं बहुशः प्रभासं क्षेत्रमागतः। तत्रैव ब्रह्मकुण्डं तु समासाद्य प्रयत्नतः

kṛtvā viṣādaṁ bahuśaḥ prabhāsaṁ kṣetramāgataḥ| tatraiva brahmakuṇḍaṁ tu samāsādya prayatnataḥ

और बार-बार विषाद करके प्रभासक्षेत्र में आया; वहीं प्रयत्नपूर्वक ब्रह्मकुण्ड तक पहुँचकर,

श्लोक 12 (skanda.7.152.12)

भैरवं पूजयामास दिव्याब्दानां शतं प्रिये। ततो निष्कल्मषो भूत्वा गीतज्ञश्चाभवत्तथा

bhairavaṁ pūjayāmāsa divyābdānāṁ śataṁ priye| tato niṣkalmaṣo bhūtvā gītajñaścābhavattathā

हे प्रिये, उसने सौ दिव्य वर्षों तक भैरव की पूजा की; तत्पश्चात् निष्कलंक होकर वह संगीत का ज्ञाता भी बन गया।

श्लोक 13 (skanda.7.152.13)

ततः प्रभृति तल्लिंगं नारदेश्वरभैरवम्। ख्यातं लोके महादेवि सर्वपातकनाशनम्

tataḥ prabhṛti talliṁgaṁ nāradeśvarabhairavam| khyātaṁ loke mahādevi sarvapātakanāśanam

तभी से वह लिंग नारदेश्वरभैरव नाम से, हे महादेवि, संसार में समस्त पापों का नाश करने वाला प्रसिद्ध हुआ।

श्लोक 14 (skanda.7.152.14)

अज्ञानाद्वादयेद्यस्तु वीणां चैव तथा स्वरान्। स तत्पातकशुद्ध्यर्थं तत्र गच्छेन्महेश्वरि

ajñānādvādayedyastu vīṇāṁ caiva tathā svarān| sa tatpātakaśuddhyarthaṁ tatra gacchenmaheśvari

हे महेश्वरि, जो अज्ञानवश वीणा तथा स्वरों को बजाए, उसे उस पाप की शुद्धि के लिए वहाँ जाना चाहिए।

श्लोक 15 (skanda.7.152.15)

माघे मासि जिताहारस्त्रिकालं योऽर्चयेत्ततः। नारदेशं भैरवं स स्वर्गरामामनोहरः

māghe māsi jitāhārastrikālaṁ yo'rcayettataḥ| nāradeśaṁ bhairavaṁ sa svargarāmāmanoharaḥ

जो मनुष्य माघ मास में आहार को वश में रखते हुए त्रिकाल नारदेश भैरव की पूजा करता है, वह स्वर्ग की अप्सराओं के लिए भी मनोहर बन जाता है।