अनंगेश्वरमाहात्म्यवर्णनम्

श्लोक 1 (skanda.7.158.1)

ईश्वर उवाच। ततो गच्छेन्महादेवि अनंगेश्वरमुत्तमम्। रत्नेश्वरादग्रतःस्थं धनुषान्तरमास्थितम्

īśvara uvāca| tato gacchenmahādevi anaṁgeśvaramuttamam| ratneśvarādagrataḥsthaṁ dhanuṣāntaramāsthitam

ईश्वर ने कहा—हे महादेवि, तदनन्तर उस उत्तम अनंगेश्वर के पास जाना चाहिए, जो रत्नेश्वर के आगे एक धनुष की दूरी पर स्थित है।

श्लोक 2 (skanda.7.158.2)

स्थापितं कामदेवेन तल्लिंगं विष्णुसूनुना। ज्ञात्वा तद्वैष्णवं स्थानं कलौ पातकनाशनम्

sthāpitaṁ kāmadevena talliṅgaṁ viṣṇusūnunā| jñātvā tadvaiṣṇavaṁ sthānaṁ kalau pātakanāśanam

विष्णु के पुत्र कामदेव ने उस वैष्णव स्थान को जानकर वह लिंग वहाँ स्थापित किया, जो कलियुग में पाप का नाश करने वाला है।

श्लोक 3 (skanda.7.158.3)

तं दृष्ट्वा पूजयित्वा तु कामदेवसमो भवेत्। स्वर्गविद्याधरीणां च जायते चित्तमोहकः

taṁ dṛṣṭvā pūjayitvā tu kāmadevasamo bhavet| svargavidyādharīṇāṁ ca jāyate cittamohakaḥ

उसका दर्शन और पूजन करने वाला मनुष्य कामदेव के समान हो जाता है और स्वर्ग की विद्याधरियों के मन को भी मोहित करने वाला बन जाता है।

श्लोक 4 (skanda.7.158.4)

तस्यान्वयेऽपि न भवेत्कुरूपो दुर्भगोऽपि वा

tasyānvaye'pi na bhavetkurūpo durbhago'pi vā

उसके कुल में भी कोई कुरूप अथवा अभागा उत्पन्न नहीं होता।

श्लोक 5 (skanda.7.158.5)

तत्रानंगत्रयोदश्यां व्रतेन वरवर्णिनि। विशेषाराधनं तत्र जन्मसाफल्यकारणम्

tatrānaṁgatrayodaśyāṁ vratena varavarṇini| viśeṣārādhanaṁ tatra janmasāphalyakāraṇam

हे वरवर्णिनि, वहाँ अनंग-त्रयोदशी को व्रत सहित विशेष आराधना करना जन्म की सफलता का कारण है।

श्लोक 6 (skanda.7.158.6)

शय्यादानं तु दातव्यं तत्र विप्राय शीलिने। विशेषाद्विष्णुभक्ताय सम्यग्यात्राफलं लभेत्

śayyādānaṁ tu dātavyaṁ tatra viprāya śīline| viśeṣādviṣṇubhaktāya samyagyātrāphalaṁ labhet

वहाँ सुशील ब्राह्मण को, विशेषतः विष्णुभक्त को शय्यादान करना चाहिए; ऐसा करने से यात्रा का सम्यक् फल प्राप्त होता है।