अनन्तेश्वरमाहात्म्यवर्णनम्

श्लोक 1 (skanda.7.161.1)

ईश्वर उवाच। ततो गच्छेन्महादेवि तस्य दक्षिणतः स्थितम्। ईशाने लक्ष्मणेशाच्च धनुषां षोडशे प्रिये

īśvara uvāca| tato gacchenmahādevi tasya dakṣiṇataḥ sthitam| īśāne lakṣmaṇeśācca dhanuṣāṁ ṣoḍaśe priye

ईश्वर ने कहा—हे महादेवि, तदनन्तर उससे दक्षिण दिशा में स्थित, हे प्रिये, लक्ष्मणेश से ईशान दिशा में सोलह धनुष की दूरी पर स्थित लिंग के पास जाना चाहिए।

श्लोक 2 (skanda.7.161.2)

अनन्तेश्वरनामानमनन्तेन प्रतिष्ठितम्। नागराजेन देवेशि ज्ञात्वा क्षेत्रं तु पावनम्

ananteśvaranāmānamanantena pratiṣṭhitam| nāgarājena deveśi jñātvā kṣetraṁ tu pāvanam

हे देवेशि, नागराज अनन्त ने इस पवित्र क्षेत्र को जानकर अनन्तेश्वर नामक उस लिंग की प्रतिष्ठा की।

श्लोक 3 (skanda.7.161.3)

यस्तु तं पूजयेद्देवि पंचम्यां फाल्गुने सिते। पञ्चोपचारविधिना जिताहारो जितेन्द्रियः

yastu taṁ pūjayeddevi paṁcamyāṁ phālgune site| pañcopacāravidhinā jitāhāro jitendriyaḥ

हे देवि, जो फाल्गुन मास के शुक्ल पक्ष की पंचमी को संयमित आहार और जितेन्द्रिय होकर पंचोपचार-विधि से उसकी पूजा करता है,

श्लोक 4 (skanda.7.161.4)

न तं दशंति फणिनो दश वर्षाणि पंच च। विषं न क्रमते देवि देहे त्वचरमेव वा

na taṁ daśaṁti phaṇino daśa varṣāṇi paṁca ca| viṣaṁ na kramate devi dehe tvacarameva vā

उसे पन्द्रह वर्षों तक सर्प नहीं डसते, और हे देवि, उसके शरीर में स्थावर या जंगम विष नहीं फैलता।

श्लोक 5 (skanda.7.161.5)

तस्मात्तं पूजयेद्यत्नात्पंचम्यां च विशेषतः

tasmāttaṁ pūjayedyatnātpaṁcamyāṁ ca viśeṣataḥ

अतः यत्नपूर्वक, विशेषतः पंचमी को, उसकी पूजा करनी चाहिए।

श्लोक 6 (skanda.7.161.6)

तत्रानंतव्रतं कार्यं मधुपायससंयुतम्। पायसं मधुसंयुक्तं देयं विप्राय भोजनम्

tatrānaṁtavrataṁ kāryaṁ madhupāyasasaṁyutam| pāyasaṁ madhusaṁyuktaṁ deyaṁ viprāya bhojanam

वहाँ मधुमिश्रित खीर के साथ अनन्तव्रत करना चाहिए; मधु मिली हुई वह खीर ब्राह्मण को भोजन के रूप में देनी चाहिए।