वैवस्वतेश्वरमाहात्म्यवर्णनम्

श्लोक 1 (skanda.7.169.1)

ईश्वर उवाच। ततो गच्छेन्महादेवि लिंगं वैवस्वतेश्वरम्। देव्या दक्षिणदिग्भागे धनुस्त्रिंशकसंस्थितम्

īśvara uvāca| tato gacchenmahādevi liṅgaṁ vaivasvateśvaram| devyā dakṣiṇadigbhāge dhanustriṁśakasaṁsthitam

ईश्वर ने कहा—हे महादेवि, तदनन्तर देवी (शालकटंकटा) से दक्षिण दिशा में तीस धनुष की दूरी पर स्थित वैवस्वतेश्वर लिंग के पास जाना चाहिए।

श्लोक 2 (skanda.7.169.2)

वैवस्वतेन मनुना स्थापितं सर्वकामदम्। तत्समीपे देवखातं तिष्ठते तु महाद्भुतम्

vaivasvatena manunā sthāpitaṁ sarvakāmadam| tatsamīpe devakhātaṁ tiṣṭhate tu mahādbhutam

वैवस्वत मनु द्वारा स्थापित वह लिंग सब कामनाओं को देने वाला है; उसके समीप महान् आश्चर्यजनक देवखात (देवताओं द्वारा खोदा गया जलाशय) स्थित है।

श्लोक 3 (skanda.7.169.3)

स्नात्वा तत्र वरारोहे यस्तं पूजयते नरः। पञ्चोपचारैर्विधिना भक्तिप्रह्वो जितेन्द्रियः। जपेदघोरविधिना स्तोत्रं सिद्धिं स चाप्नुयात्

snātvā tatra varārohe yastaṁ pūjayate naraḥ| pañcopacārairvidhinā bhaktiprahvo jitendriyaḥ| japedaghoravidhinā stotraṁ siddhiṁ sa cāpnuyāt

हे वरारोहे, वहाँ स्नान कर जो मनुष्य विधिपूर्वक पंचोपचार से भक्तिनत और जितेन्द्रिय होकर उसकी पूजा करता है, तथा अघोर-विधि से स्तोत्र का जप करता है, वह सिद्धि को प्राप्त करता है।