त्रिसंगममाहात्म्यवर्णनम्

श्लोक 1 (skanda.7.183.1)

ततो गच्छेन्महादेवि मिश्रतीर्थमनुत्तमम्। त्रिसंगमेति विख्यातं सौरं तीर्थमनुत्तमम्

tato gacchenmahādevi miśratīrthamanuttamam| trisaṁgameti vikhyātaṁ sauraṁ tīrthamanuttamam

इसके पश्चात् हे महादेवि, उस अनुपम मिश्रतीर्थ के पास जाना चाहिए, जो त्रिसंगम नाम से विख्यात, सूर्य से सम्बद्ध अनुपम तीर्थ है।

श्लोक 2 (skanda.7.183.2)

सरस्वती हिरण्या च समुद्रश्चैव भामिनि। त्रयाणां संगमो यत्र दुष्प्राप्यो दैवतैरपि

sarasvatī hiraṇyā ca samudraścaiva bhāmini| trayāṇāṁ saṁgamo yatra duṣprāpyo daivatairapi

हे भामिनि, सरस्वती, हिरण्या और समुद्र—इन तीनों का संगम जहाँ है, वह देवताओं के लिए भी दुर्लभ है।

श्लोक 3 (skanda.7.183.3)

सर्वेषां तत्र तीर्थानां प्रधानं तीर्थमुत्तमम्। सूर्यपर्वणि संप्राप्ते कुरुक्षेत्राद्विशिष्यते

sarveṣāṁ tatra tīrthānāṁ pradhānaṁ tīrthamuttamam| sūryaparvaṇi saṁprāpte kurukṣetrādviśiṣyate

वह समस्त तीर्थों में प्रधान और उत्तम तीर्थ है; सूर्य-पर्व के आने पर यह कुरुक्षेत्र से भी विशिष्ट हो जाता है।

श्लोक 4 (skanda.7.183.4)

स्नानं दानं जपस्तत्र सर्वं कोटिगुणं भवेत्

snānaṁ dānaṁ japastatra sarvaṁ koṭiguṇaṁ bhavet

वहाँ स्नान, दान और जप—ये सब करोड़ गुना फलदायी हो जाते हैं।

श्लोक 5 (skanda.7.183.5)

मंकीश्वरान्महादेवि यावल्लिंगं कृतस्मरम्। एतस्मिन्नन्तरे देवि तीर्थानां दशकोटयः

maṁkīśvarānmahādevi yāvalliṁgaṁ kṛtasmaram| etasminnantare devi tīrthānāṁ daśakoṭayaḥ

हे महादेवि, मंकीश्वर से लेकर कृतस्मर लिंग तक, इस अन्तराल में, हे देवि, दस करोड़ तीर्थ स्थित हैं।

श्लोक 6 (skanda.7.183.6)

कृमिकीटपतंगाश्च श्वपचा वा नराधमाः। सोऽपि स्वर्गमवाप्नोति किं पुनर्भावितात्मवान्

kṛmikīṭapataṁgāśca śvapacā vā narādhamāḥ| so'pi svargamavāpnoti kiṁ punarbhāvitātmavān

कृमि, कीट, पतंग तथा चाण्डाल जैसे अधम मनुष्य भी वहाँ स्वर्ग को प्राप्त करते हैं, फिर पवित्र-हृदय पुरुष की तो बात ही क्या!

श्लोक 7 (skanda.7.183.7)

तत्र पीतानि वस्त्राणि काञ्चनं सुरभिस्तथा। ब्राह्मणाय प्रदातव्या सम्यग्यात्राफलेप्सुभिः

tatra pītāni vastrāṇi kāñcanaṁ surabhistathā| brāhmaṇāya pradātavyā samyagyātrāphalepsubhiḥ

यात्रा के पूर्ण फल की इच्छा रखने वालों को वहाँ पीले वस्त्र, स्वर्ण तथा गौ ब्राह्मण को देने चाहिए।

श्लोक 8 (skanda.7.183.8)

कृष्णपक्षे चतुर्दश्यां स्नात्वा यस्तर्पयेत्पितॄन्। तर्पिताः पितरस्तेन यावच्चन्द्रार्कतारकम्

kṛṣṇapakṣe caturdaśyāṁ snātvā yastarpayetpitṝn| tarpitāḥ pitarastena yāvaccandrārkatārakam

कृष्ण पक्ष की चतुर्दशी को स्नान कर जो पितरों का तर्पण करता है, उसके द्वारा पितर तब तक तृप्त रहते हैं जब तक चन्द्र, सूर्य और तारे रहते हैं।

श्लोक 9 (skanda.7.183.9)

एतत्त्रिसंगमं देवि महापातकनाशनम्। दुर्लभं त्रिषु लोकेषु वैशाख्यां तु विशेषतः

etattrisaṁgamaṁ devi mahāpātakanāśanam| durlabhaṁ triṣu lokeṣu vaiśākhyāṁ tu viśeṣataḥ

यह त्रिसंगम, हे देवि, महान् पापों का नाश करने वाला है, जो तीनों लोकों में दुर्लभ है, विशेषकर वैशाख मास में।

श्लोक 10 (skanda.7.183.10)

वृषोत्सर्गो विशेषेण तत्र कार्यो नरोत्तमैः। सर्वपापविनाशाय पितॄणां प्रीतये प्रिये

vṛṣotsargo viśeṣeṇa tatra kāryo narottamaiḥ| sarvapāpavināśāya pitṝṇāṁ prītaye priye

हे प्रिये, वहाँ श्रेष्ठ पुरुषों को समस्त पापों के नाश तथा पितरों की प्रसन्नता के लिए विशेषरूप से वृषोत्सर्ग (बछड़ा-मुक्ति संस्कार) करना चाहिए।