मंकीश्वरमाहात्म्यवर्णनम्

श्लोक 1 (skanda.7.184.1)

ततो गच्छेन्महादेवि मंकीश्वरमनुत्तमम्। त्रिसंगमसमीपस्थं सर्वपातकनाशनम्

tato gacchenmahādevi maṁkīśvaramanuttamam| trisaṁgamasamīpasthaṁ sarvapātakanāśanam

इसके पश्चात् हे महादेवि, उस अनुपम मंकीश्वर के पास जाना चाहिए, जो त्रिसंगम के समीप स्थित तथा समस्त पापों का नाश करने वाला है।

श्लोक 2 (skanda.7.184.2)

मंकीनाम ऋषिः पूर्वमासीत्स तपतां वरः। स च ज्ञात्वा महाक्षेत्रं प्रभासं शंकरप्रियम्

maṁkīnāma ṛṣiḥ pūrvamāsītsa tapatāṁ varaḥ| sa ca jñātvā mahākṣetraṁ prabhāsaṁ śaṁkarapriyam

पूर्वकाल में मंकी नामक एक ऋषि थे, जो तपस्वियों में श्रेष्ठ थे। उन्होंने शंकर को प्रिय उस महाक्षेत्र प्रभास को जानकर,

श्लोक 3 (skanda.7.184.3)

अतपद्वै तपो घोरं कन्दमूलफलाशनः। वर्षाणामयुतं साग्रं प्रतिष्ठाप्य महेश्वरम्

atapadvai tapo ghoraṁ kandamūlaphalāśanaḥ| varṣāṇāmayutaṁ sāgraṁ pratiṣṭhāpya maheśvaram

उन्होंने कन्द-मूल-फल का आहार करते हुए महेश्वर की प्रतिष्ठा कर, कुछ अधिक दस सहस्र वर्षों तक घोर तप किया।

श्लोक 4 (skanda.7.184.4)

ततस्तुष्टो महादेवो ददौ प्रीतो वरं तदा। स वव्रे यदि तुष्टोऽसि अस्मिन्स्थाने स्थितो भव

tatastuṣṭo mahādevo dadau prīto varaṁ tadā| sa vavre yadi tuṣṭo'si asminsthāne sthito bhava

तब प्रसन्न होकर महादेव ने प्रीतिपूर्वक उन्हें वर दिया; उन्होंने यह वर माँगा—यदि आप प्रसन्न हैं तो इसी स्थान पर स्थित रहें।

श्लोक 5 (skanda.7.184.5)

मन्नामांकितलिंगस्तु वस कल्पायुतायुतम्। एवमस्त्वित्यथेत्युक्त्वा तत्रैवान्तरधीयत

mannāmāṁkitaliṁgastu vasa kalpāyutāyutam| evamastvityathetyuktvā tatraivāntaradhīyata

'मेरे नाम से अंकित लिंग के रूप में दस सहस्र कल्पों तक यहाँ निवास करो।' 'एवमस्तु' कहकर वे वहीं अन्तर्धान हो गये।

श्लोक 6 (skanda.7.184.6)

तदाप्रभृति तल्लिंगं मंकीश्वरमिति श्रुतम्। माघे मासे त्रयोदश्यां चतुर्दश्यामथापि वा

tadāprabhṛti talliṁgaṁ maṁkīśvaramiti śrutam| māghe māse trayodaśyāṁ caturdaśyāmathāpi vā

तभी से वह लिंग मंकीश्वर नाम से प्रसिद्ध हुआ। माघ मास की त्रयोदशी को, अथवा चतुर्दशी को भी,

श्लोक 7 (skanda.7.184.7)

पूज्याः पंचोपचारेण प्राप्नुयादीप्सितं फलम्। गोदानं तत्र वै देयं सम्यग्यात्राफलेप्सुभिः

pūjyāḥ pañcopacāreṇa prāpnuyādīpsitaṁ phalam| godānaṁ tatra vai deyaṁ samyagyātrāphalepsubhiḥ

पंचोपचार से पूजा करने पर मनुष्य इच्छित फल प्राप्त करता है; यात्रा के पूर्ण फल की इच्छा रखने वालों को वहाँ गोदान करना चाहिए।