श्रीविष्ण्ववतारवर्णनम्

श्लोक 1 (skanda.7.19.1)

देव्युवाच। यद्येवं सकलश्चंद्रः कथं न विधृतस्त्वया। अन्तभावे कलानां तत्कारणं कथय प्रभो

devyuvāca| yadyevaṁ sakalaścaṁdraḥ kathaṁ na vidhṛtastvayā| antabhāve kalānāṁ tatkāraṇaṁ kathaya prabho

देवी ने कहा—हे प्रभो! यदि इस प्रकार चंद्रमा समस्त कलाओं सहित है, तो आप उसे उस पूर्ण रूप में धारण क्यों नहीं करते? कलाओं के क्षय होने का कारण बताइए।

श्लोक 2 (skanda.7.19.2)

ईश्वर उवाच। अमा षोडशभेदेन देवि प्रोक्ता महाकला। संस्थिता परमा माया देहिनां देह धारिणी

īśvara uvāca| amā ṣoḍaśabhedena devi proktā mahākalā| saṁsthitā paramā māyā dehināṁ deha dhāriṇī

ईश्वर ने कहा—हे देवी! अमावस्या को उसके सोलह भेदों सहित महाकला कहा गया है; वही परम माया है जो देहधारियों के शरीर को धारण करने वाली है।

श्लोक 3 (skanda.7.19.3)

अमादिपौर्णमास्यंता या एव शशिनः कलाः। तिथयस्ताः समाख्याताः षोडशैव प्रकीर्तिताः

amādipaurṇamāsyaṁtā yā eva śaśinaḥ kalāḥ| tithayastāḥ samākhyātāḥ ṣoḍaśaiva prakīrtitāḥ

अमावस्या से लेकर पूर्णिमा तक जो चंद्रमा की कलाएँ हैं, वे ही तिथियाँ कही जाती हैं; वे सोलह ही प्रकीर्तित हैं।

श्लोक 4 (skanda.7.19.4)

अमा सूक्ष्मा परा शक्तिः सा त्वं देवि प्रकीर्तिता। प्रलयोत्पत्तियोगेन स्थिताः कालक्रमोदिताः

amā sūkṣmā parā śaktiḥ sā tvaṁ devi prakīrtitā| pralayotpattiyogena sthitāḥ kālakramoditāḥ

अमावस्या ही सूक्ष्म परा शक्ति है, वह तुम्हीं हो, हे देवी, ऐसा कहा गया है; प्रलय और उत्पत्ति के योग से वे कालक्रम से उदित हुई कलाएँ स्थित हैं।

श्लोक 5 (skanda.7.19.5)

षोडशैव स्वरा ये तु आद्याः सृष्टयंतकाः प्रिये। कालस्यावयवास्ते च विज्ञेयाः कालवेदिभिः

ṣoḍaśaiva svarā ye tu ādyāḥ sṛṣṭayaṁtakāḥ priye| kālasyāvayavāste ca vijñeyāḥ kālavedibhiḥ

हे प्रिये! जो सोलह स्वर हैं, वे ही सृष्टि के आदि और अंत करने वाले हैं; कालवेत्ताओं द्वारा वे काल के अवयव के रूप में जानने योग्य हैं।

श्लोक 6 (skanda.7.19.6)

त्रुटिर्लवो निमेषश्च कला काष्ठा मुहूर्तकम्। रात्र्यहःपक्षमासाश्च अयनं वत्सरं युगम्

truṭirlavo nimeṣaśca kalā kāṣṭhā muhūrtakam| rātryahaḥpakṣamāsāśca ayanaṁ vatsaraṁ yugam

त्रुटि, लव, निमेष, कला, काष्ठा, मुहूर्त; रात्रि, दिन, पक्ष, मास, अयन, वर्ष और युग—

श्लोक 7 (skanda.7.19.7)

मन्वतरं तथा कल्पं महाकल्पं च षोडश। कला विसर्जनी या तु जीवमाश्रित्य वर्तते

manvataraṁ tathā kalpaṁ mahākalpaṁ ca ṣoḍaśa| kalā visarjanī yā tu jīvamāśritya vartate

—मन्वंतर, कल्प तथा महाकल्प—ये सोलह हैं। और जो विसर्जिनी कला जीव का आश्रय लेकर स्थित रहती है...

श्लोक 8 (skanda.7.19.8)

सा सृजत्यखिलं विश्वं विषुवद्वयसंयुतम्। तथा संवरणी या तु विश्वं संहरते प्रिये। नेत्रपाताच्चतुर्भागस्त्रुटिकालो निगद्यते। तस्माच्च द्विगुणं विद्धि निमिषं तन्महेश्वरि

sā sṛjatyakhilaṁ viśvaṁ viṣuvadvayasaṁyutam| tathā saṁvaraṇī yā tu viśvaṁ saṁharate priye| netrapātāccaturbhāgastruṭikālo nigadyate| tasmācca dviguṇaṁ viddhi nimiṣaṁ tanmaheśvari

वही कला संपूर्ण विश्व को दोनों विषुवत् सहित उत्पन्न करती है; और हे प्रिये! वैसे ही संवरणी कला है जिससे वह विश्व का संहार करती है। नेत्र के एक बार झपकने के चतुर्थांश को त्रुटि नामक काल कहा गया है; और हे महेश्वरि! उससे दुगुने को निमेष जानो।

श्लोक 9 (skanda.7.19.9)

निमिषैस्त्रिंशद्भिः काष्ठा ताभिर्विंशतिभिः कला। विंशतिकलो मुहूर्तः स्याद्दिनं पंचदशैस्तु तैः

nimiṣaistriṁśadbhiḥ kāṣṭhā tābhirviṁśatibhiḥ kalā| viṁśatikalo muhūrtaḥ syāddinaṁ paṁcadaśaistu taiḥ

तीस निमेषों से एक काष्ठा बनती है; बीस काष्ठाओं से एक कला बनती है। बीस कलाओं का एक मुहूर्त होता है, और पंद्रह मुहूर्तों से एक दिन होता है।

श्लोक 10 (skanda.7.19.10)

दिनमाना निशा ज्ञेया अहोरात्रं द्वयाद्भवेत्। तैः पंचदशभिः पक्षो द्विपक्षो मास उच्यते

dinamānā niśā jñeyā ahorātraṁ dvayādbhavet| taiḥ paṁcadaśabhiḥ pakṣo dvipakṣo māsa ucyate

रात्रि को भी दिन के बराबर मान का जानना चाहिए; इन दोनों से अहोरात्र होता है। पंद्रह अहोरात्रों से एक पक्ष होता है, और दो पक्षों को मास कहा जाता है।

श्लोक 11 (skanda.7.19.11)

मासैश्चैवायनं षड्भिर्वर्षं स्यादयनद्वये। चत्वारिंशच्च लक्षाणि लक्षाणां त्रितयं पुनः

māsaiścaivāyanaṁ ṣaḍbhirvarṣaṁ syādayanadvaye| catvāriṁśacca lakṣāṇi lakṣāṇāṁ tritayaṁ punaḥ

छह मासों से एक अयन होता है; दो अयनों से एक वर्ष होता है। चालीस लाख और पुनः तीन लाख...

श्लोक 12 (skanda.7.19.12)

विंशतिश्च सहस्राणि ज्ञेयं सौरं चतुर्युगम्। चतुर्युगैकसप्तत्या मन्वंतरमुदाहृतम्

viṁśatiśca sahasrāṇi jñeyaṁ sauraṁ caturyugam| caturyugaikasaptatyā manvaṁtaramudāhṛtam

...और बीस हजार—इस प्रकार सौर चतुर्युग जानना चाहिए। इकहत्तर चतुर्युगों से एक मन्वंतर कहा गया है।

श्लोक 13 (skanda.7.19.13)

ऐंद्रमेतद्भवेदायुः समासांतं च कीर्तितम्। चतुर्दशेन्द्रैः प्रलीनैः कल्पं ब्रह्मदिनं भवेत्

aiṁdrametadbhavedāyuḥ samāsāṁtaṁ ca kīrtitam| caturdaśendraiḥ pralīnaiḥ kalpaṁ brahmadinaṁ bhavet

यही, संक्षेप में, एक इंद्र की आयु कही गई है। चौदह इंद्रों के व्यतीत होने पर एक कल्प, अर्थात् ब्रह्मा का एक दिन, होता है।

श्लोक 14 (skanda.7.19.14)

रात्रिश्च तावती चैव चतुर्युगसहस्रिका। अनेन दिनमानेन शताब्दं जीवति प्रिये

rātriśca tāvatī caiva caturyugasahasrikā| anena dinamānena śatābdaṁ jīvati priye

और रात्रि भी उतनी ही, अर्थात् एक सहस्र चतुर्युग की होती है; हे प्रिये! इसी दिन-मान से वे सौ वर्ष तक जीवित रहते हैं।

श्लोक 15 (skanda.7.19.15)

ममैव निमिषार्द्धेन सहस्राणि चतुर्द्दश। विनश्यंति ततो विष्णोरसंख्याताः पितामहाः

mamaiva nimiṣārddhena sahasrāṇi caturddaśa| vinaśyaṁti tato viṣṇorasaṁkhyātāḥ pitāmahāḥ

मेरी आधी पलक झपकने में ही चौदह हजार तथा विष्णु के असंख्य पितामह नष्ट हो जाते हैं।

श्लोक 16 (skanda.7.19.16)

एवं क्रमेण देवेशि समुत्पन्नमिदं जगत्। शशिसूर्यविभागेन चित्ररूपमनंतकम्

evaṁ krameṇa deveśi samutpannamidaṁ jagat| śaśisūryavibhāgena citrarūpamanaṁtakam

हे देवेशि! इस प्रकार क्रमशः यह जगत् उत्पन्न हुआ है—चंद्र और सूर्य के विभाजन द्वारा अनंत और चित्र-विचित्र रूपों वाला।

श्लोक 17 (skanda.7.19.17)

कला देवि यदाद्यंतमनादिमजमव्ययम्। तदान्वितः शशी तस्यामधोमुखमवस्थितः

kalā devi yadādyaṁtamanādimajamavyayam| tadānvitaḥ śaśī tasyāmadhomukhamavasthitaḥ

हे देवी! वह कला अनादि, अजन्मा और अव्यय है, आदि-अंत रहित है; उससे युक्त होकर चंद्रमा उसमें अधोमुख होकर स्थित रहता है।

श्लोक 18 (skanda.7.19.18)

एवं क्षयोदयं ज्ञेयं चंद्रार्काभ्यामवस्थितम्। सृष्टिक्रमं मया प्रोक्तं संहारमधुना शृणु

evaṁ kṣayodayaṁ jñeyaṁ caṁdrārkābhyāmavasthitam| sṛṣṭikramaṁ mayā proktaṁ saṁhāramadhunā śṛṇu

इस प्रकार चंद्र और सूर्य द्वारा स्थापित क्षय और उदय को जानना चाहिए। मैंने सृष्टि का क्रम बता दिया; अब संहार सुनो।

श्लोक 19 (skanda.7.19.19)

महाकल्पं हतं कल्पैः कल्पं मन्वंतरैर्हतम्। मासं पक्षाहतं कृत्वा तं चाहोरात्रिभाजितम्

mahākalpaṁ hataṁ kalpaiḥ kalpaṁ manvaṁtarairhatam| māsaṁ pakṣāhataṁ kṛtvā taṁ cāhorātribhājitam

महाकल्प को कल्पों से गुणा करके, कल्प को मन्वंतरों से गुणा करके; मास को पक्षों से गुणा कर उसे अहोरात्र से विभाजित करके—

श्लोक 20 (skanda.7.19.20)

अहोरात्रं मुहूर्तेन मुहूर्तं तु कलाहतम्। कलां काष्ठा हतां कृत्वा काष्ठां निमिषभाजिताम्

ahorātraṁ muhūrtena muhūrtaṁ tu kalāhatam| kalāṁ kāṣṭhā hatāṁ kṛtvā kāṣṭhāṁ nimiṣabhājitām

—अहोरात्र को मुहूर्त से, मुहूर्त को कला से गुणा करके; कला को काष्ठा से गुणा करके, काष्ठा को निमेष से विभाजित करके—

श्लोक 21 (skanda.7.19.21)

निमिषं च लवैर्हत्वा लवं त्रुटिविभाजितम्। तदतीतं प्रशांतं च निर्विकारमलक्षणम्

nimiṣaṁ ca lavairhatvā lavaṁ truṭivibhājitam| tadatītaṁ praśāṁtaṁ ca nirvikāramalakṣaṇam

—और निमेष को लवों से गुणा कर, लव को त्रुटि से विभाजित करके—उस तत्त्व तक पहुँचते हैं जो इस सबसे परे, अत्यंत शांत, निर्विकार और लक्षणरहित है।

श्लोक 22 (skanda.7.19.22)

तस्य चेयं परा माया कला शिरसि धारिता। सा शक्तिर्देवदेवस्य विश्वाकारा परा प्रिये। मोहयित्वा तु संतानं संसारयति पार्वति

tasya ceyaṁ parā māyā kalā śirasi dhāritā| sā śaktirdevadevasya viśvākārā parā priye| mohayitvā tu saṁtānaṁ saṁsārayati pārvati

उस परब्रह्म की ही यह परा माया मेरे शिर पर कला रूप में धारित है; हे प्रिये! वही देवाधिदेव की शक्ति है, विश्व के आकार वाली और परम है; हे पार्वती! वह संतति को मोहित करके संसार में डालती है।

श्लोक 23 (skanda.7.19.23)

एवमेतज्जगद्देवि उत्पत्तिस्थितिलक्षणम्। यत्रैवोत्पद्यते कृत्स्नं पुनस्तत्रैव लीयते

evametajjagaddevi utpattisthitilakṣaṇam| yatraivotpadyate kṛtsnaṁ punastatraiva līyate

हे देवी! इस प्रकार यह जगत् उत्पत्ति और स्थिति के लक्षण वाला है; जहाँ से यह संपूर्ण उत्पन्न होता है, वहीं पुनः लीन हो जाता है।

श्लोक 24 (skanda.7.19.24)

सेयं मायामयी शक्तिः शुद्धाशुद्धस्वरूपिणी। चंद्ररूपा स्थिता सा तु तव देवि प्रकाशयेत्

seyaṁ māyāmayī śaktiḥ śuddhāśuddhasvarūpiṇī| caṁdrarūpā sthitā sā tu tava devi prakāśayet

यही माया-रूपिणी शक्ति, शुद्ध-अशुद्ध स्वरूप वाली, चंद्र-रूप में स्थित है; हे देवी! वही तुम्हारे लिए प्रकाशित करती है।

श्लोक 25 (skanda.7.19.25)

देव्युवाच। पंचाग्निनोपसन्तप्ता वर्षकोटीरनेकधा। तत्तपः सफलं जातं मेऽद्य देव जगत्पते

devyuvāca| paṁcāgninopasantaptā varṣakoṭīranekadhā| tattapaḥ saphalaṁ jātaṁ me'dya deva jagatpate

देवी ने कहा—हे जगत्पते देव! यद्यपि मैं अनेक प्रकार से करोड़ों वर्षों तक पंचाग्नि से संतप्त हुई, तथापि आज मेरी वह तपस्या सफल हुई।

श्लोक 26 (skanda.7.19.26)

सृष्टियोगो मया ज्ञातः संहारश्च महेश्वर। चन्द्रोत्पत्तिस्वरूपं च कलामानं तथैव च

sṛṣṭiyogo mayā jñātaḥ saṁhāraśca maheśvara| candrotpattisvarūpaṁ ca kalāmānaṁ tathaiva ca

हे महेश्वर! अब मैंने सृष्टि और संहार का योग जान लिया है, तथा चंद्रमा की उत्पत्ति का स्वरूप और कलाओं का मान भी जान लिया है।

श्लोक 27 (skanda.7.19.27)

अधुना मम देवेश सन्देहो हृदि संस्थितः। कौतूहलं परं देव कथयस्व महेश्वर

adhunā mama deveśa sandeho hṛdi saṁsthitaḥ| kautūhalaṁ paraṁ deva kathayasva maheśvara

हे देवेश! अब मेरे हृदय में एक संदेह स्थित है; हे महेश्वर देव! मेरी परम जिज्ञासा को शांत कीजिए।

श्लोक 28 (skanda.7.19.28)

अमृतादेव संभूतः सर्वाह्लादकरः शशी। प्रियश्च तव देवेश वल्लभश्चंद्रमास्तथा

amṛtādeva saṁbhūtaḥ sarvāhlādakaraḥ śaśī| priyaśca tava deveśa vallabhaścaṁdramāstathā

चंद्रमा अमृत से ही उत्पन्न हुआ, सबको आह्लाद देने वाला है; हे देवेश! वह आपका प्रिय और वल्लभ चंद्रमा भी है।

श्लोक 29 (skanda.7.19.29)

चंद्रे च चदि इत्येष ह्लादने धातुरिष्यते। शुक्लत्वे चापतत्त्वे च मया त्वेष विभाव्यते

caṁdre ca cadi ityeṣa hlādane dhāturiṣyate| śuklatve cāpatattve ca mayā tveṣa vibhāvyate

"चंद्र" शब्द में "चद्" धातु आह्लाद के अर्थ में मानी जाती है; मेरे द्वारा यह शुक्लत्व (श्वेतता) तथा क्षयशीलता—दोनों अर्थों में भी समझी जाती है।

श्लोक 30 (skanda.7.19.30)

सर्वौषधीनामधिपः पितॄणां प्रीणनं परम्। तदाश्रयश्च त्वद्भक्तस्त्व त्सेवातत्परः शशी

sarvauṣadhīnāmadhipaḥ pitṝṇāṁ prīṇanaṁ param| tadāśrayaśca tvadbhaktastva tsevātatparaḥ śaśī

वह समस्त औषधियों का स्वामी है, पितरों को परम तृप्ति देने वाला है; और उसी का आश्रय लेकर चंद्रमा आपका भक्त और आपकी सेवा में सदा तत्पर रहता है।

श्लोक 31 (skanda.7.19.31)

तथापि सकलंकोऽयं कौतुकं कुरुते मम। देवि ब्रह्मांडसंघट्टमालामंडितशेखरः

tathāpi sakalaṁko'yaṁ kautukaṁ kurute mama| devi brahmāṁḍasaṁghaṭṭamālāmaṁḍitaśekharaḥ

हे देवी! फिर भी यह चंद्रमा कलंकित है, यद्यपि उसका शिखर ब्रह्मांडों के समूह से बनी माला से सुशोभित है—यह मेरे लिए एक कौतुक है।

श्लोक 32 (skanda.7.19.32)

शीर्षे तव निविष्टस्य कष्टं चंद्रस्य चेद्यदि। तर्हि नाथ न शोच्या वै संसारे दुःखभागिनः

śīrṣe tava niviṣṭasya kaṣṭaṁ caṁdrasya cedyadi| tarhi nātha na śocyā vai saṁsāre duḥkhabhāginaḥ

हे नाथ! यदि आपके शिर पर स्थित चंद्रमा को भी कष्ट है, तो फिर संसार में दुःख भोगने वाले शोक के योग्य नहीं हैं।

श्लोक 33 (skanda.7.19.33)

न चास्ति त्रिषु लोकेषु न चैतत्संभविष्यति। यत्र शक्तो भवत्कर्तुं दुःखस्यास्य च संक्षयम्

na cāsti triṣu lokeṣu na caitatsaṁbhaviṣyati| yatra śakto bhavatkartuṁ duḥkhasyāsya ca saṁkṣayam

तीनों लोकों में ऐसा कुछ नहीं है, न होगा, जिसे करने में आप समर्थ न हों—अतः इस दुःख का भी नाश कीजिए।

श्लोक 34 (skanda.7.19.34)

सर्वेषां वर्तते शंका यथा मम महेश्वर। उत्पन्नं कारणं किंतद्येन सोमस्य लांछनम्

sarveṣāṁ vartate śaṁkā yathā mama maheśvara| utpannaṁ kāraṇaṁ kiṁtadyena somasya lāṁchanam

हे महेश्वर! जैसी मेरी शंका है, वैसी ही सबकी है—वह कौन-सा कारण उत्पन्न हुआ जिससे चंद्रमा को यह कलंक लगा?

श्लोक 35 (skanda.7.19.35)

किमेतत्कारणं देव कथयस्व महेश्वर। अमृते संभवो यस्य कथं तस्यापि लांछनम्

kimetatkāraṇaṁ deva kathayasva maheśvara| amṛte saṁbhavo yasya kathaṁ tasyāpi lāṁchanam

हे देव! यह क्या कारण है? हे महेश्वर! बताइए। जिसकी उत्पत्ति अमृत से हुई, उसे भी कलंक कैसे लगा?

श्लोक 36 (skanda.7.19.36)

प्रियश्च तव देवेश लांछनं चापि तिष्ठति। कौतूहलं परं देव तत्त्वं मे वक्तुमर्हसि

priyaśca tava deveśa lāṁchanaṁ cāpi tiṣṭhati| kautūhalaṁ paraṁ deva tattvaṁ me vaktumarhasi

हे देवेश! वह आपका प्रिय है, फिर भी उसका कलंक बना हुआ है। हे देव! यह मेरी परम जिज्ञासा है, आप मुझे इसका तत्त्व बताने योग्य हैं।

श्लोक 37 (skanda.7.19.37)

एवमुक्तः स पार्वत्या देवदेवो महेश्वरः। उवाच परमप्रीतः प्रेम्णा शैलसुतां प्रभुः

evamuktaḥ sa pārvatyā devadevo maheśvaraḥ| uvāca paramaprītaḥ premṇā śailasutāṁ prabhuḥ

पार्वती द्वारा इस प्रकार पूछे जाने पर देवाधिदेव महेश्वर प्रभु अत्यंत प्रसन्न होकर प्रेमपूर्वक पर्वतसुता से बोले।

श्लोक 38 (skanda.7.19.38)

ईश्वर उवाच। किं ते देवि महाशंकाद्योत्पन्ना वरवर्णिनि। ममोपरि न कर्त्तव्या निरुद्विग्ना भव प्रिये। पितुस्तव प्रभावेन लांछनं शशिनोऽभवत्

īśvara uvāca| kiṁ te devi mahāśaṁkādyotpannā varavarṇini| mamopari na karttavyā nirudvignā bhava priye| pitustava prabhāvena lāṁchanaṁ śaśino'bhavat

ईश्वर ने कहा—हे वरवर्णिनी देवी! तुझमें यह महाशंका क्यों उत्पन्न हुई? यह मुझ पर आक्षेप के रूप में नहीं करनी चाहिए; हे प्रिये! निश्चिंत हो जाओ। तुम्हारे पिता के प्रभाव से ही चंद्रमा को यह कलंक लगा था।

श्लोक 39 (skanda.7.19.39)

भावित्वात्कर्मणो देवि दक्षस्याज्ञाव्यतिक्रमात्। समं वर्त्तस्व भार्याभिरित्युक्तः शशलांछनः

bhāvitvātkarmaṇo devi dakṣasyājñāvyatikramāt| samaṁ varttasva bhāryābhirityuktaḥ śaśalāṁchanaḥ

हे देवी! कर्म की नियति के कारण, दक्ष की आज्ञा का उल्लंघन करने से—शशांक (चंद्रमा) को "अपनी सभी पत्नियों के साथ समान व्यवहार करो" ऐसा कहे जाने पर भी...

श्लोक 40 (skanda.7.19.40)

तद्वाक्यमन्यथा चक्रे ततः शप्तः शशी प्रिये। इदं पृष्टं तु यद्देवि त्वया लांछनकारणम्

tadvākyamanyathā cakre tataḥ śaptaḥ śaśī priye| idaṁ pṛṣṭaṁ tu yaddevi tvayā lāṁchanakāraṇam

...उस वचन को उलट दिया, अर्थात् उसकी अवज्ञा की; इसी कारण, हे प्रिये! चंद्रमा शापित हुआ। हे देवी! यही वह कारण है जो तुमने कलंक के विषय में पूछा था।

श्लोक 41 (skanda.7.19.41)

कल्पेकल्पे पृथग्भावं कारणैरस्ति भामिनि। असंख्यातं च तद्वक्तुं शक्यं नैव मया प्रिये

kalpekalpe pṛthagbhāvaṁ kāraṇairasti bhāmini| asaṁkhyātaṁ ca tadvaktuṁ śakyaṁ naiva mayā priye

हे भामिनि! प्रत्येक कल्प में यह भिन्न-भिन्न कारणों से पृथक् रूप से होता है; और हे प्रिये! वह असंख्य है, मेरे लिए उसे कहना संभव ही नहीं है।

श्लोक 42 (skanda.7.19.42)

असंख्येयाश्चन्द्रमसः संभवंति पुनःपुनः। विनश्यंति च देवेशि सर्वमन्वन्तरान्तरम्

asaṁkhyeyāścandramasaḥ saṁbhavaṁti punaḥpunaḥ| vinaśyaṁti ca deveśi sarvamanvantarāntaram

हे देवेशि! असंख्य चंद्रमा बार-बार उत्पन्न होते हैं और प्रत्येक मन्वंतर के अंतराल में नष्ट भी होते हैं।

श्लोक 43 (skanda.7.19.43)

असंख्याताश्च कल्पाख्या असंख्याताः पितामहाः। हरयश्चाप्यसंख्याता एक एव महेश्वरः

asaṁkhyātāśca kalpākhyā asaṁkhyātāḥ pitāmahāḥ| harayaścāpyasaṁkhyātā eka eva maheśvaraḥ

कल्प नामधारी असंख्य हैं, पितामह (ब्रह्मा) असंख्य हैं; हरि (विष्णु) भी असंख्य हैं—केवल महेश्वर ही एक हैं।

श्लोक 44 (skanda.7.19.44)

कोटिकोट्ययुतान्यत्र ब्रह्माण्डानि मम प्रिये। जलबुद्बुदवद्देवि संजातानि तु लीलया

koṭikoṭyayutānyatra brahmāṇḍāni mama priye| jalabudbudavaddevi saṁjātāni tu līlayā

हे प्रिये! यहाँ मेरे करोड़ों-करोड़ों ब्रह्मांड, हे देवी, जल के बुलबुलों के समान, मात्र लीला से उत्पन्न हुए हैं।

श्लोक 45 (skanda.7.19.45)

तत्रतत्र चतुर्वक्त्रा ब्रह्माणो हरयो भवाः। सृष्टाः प्रधानेन तदा लब्धा शंभोस्तु संनिधिः

tatratatra caturvaktrā brahmāṇo harayo bhavāḥ| sṛṣṭāḥ pradhānena tadā labdhā śaṁbhostu saṁnidhiḥ

उन-उन सबमें चतुर्मुख ब्रह्मा, विष्णु तथा शिव प्रधान (प्रकृति) द्वारा सृजे जाते हैं; और तब वे शंभु का सान्निध्य प्राप्त करते हैं।

श्लोक 46 (skanda.7.19.46)

लयं चैव तथान्योन्यमाद्यंतं प्रकरोति च। सर्गसंहारसंस्थानां कर्त्ता देवो महेश्वरः

layaṁ caiva tathānyonyamādyaṁtaṁ prakaroti ca| sargasaṁhārasaṁsthānāṁ karttā devo maheśvaraḥ

और वे एक-दूसरे के आदि तथा अंत को भी करते हैं; सृष्टि, संहार और स्थिति के कर्ता देव महेश्वर ही हैं।

श्लोक 47 (skanda.7.19.47)

सर्गे च रजसा पृक्तः सत्त्वस्थः परिपालने। प्रतिसर्गे तमोयुक्तः सोऽहं देवि त्रिधा स्थितः

sarge ca rajasā pṛktaḥ sattvasthaḥ paripālane| pratisarge tamoyuktaḥ so'haṁ devi tridhā sthitaḥ

सृष्टि में रज से युक्त, पालन में सत्त्व में स्थित, और प्रलय में तम से युक्त—हे देवी! मैं इस प्रकार तीन रूपों में स्थित हूँ।

श्लोक 48 (skanda.7.19.48)

तस्मान्माहेश्वरो ब्रह्मा ब्रह्मणोऽधिपतिः शिवः। सदाशिवो भवेद्विष्णुर्ब्रह्मा सर्वात्मको ह्यतः

tasmānmāheśvaro brahmā brahmaṇo'dhipatiḥ śivaḥ| sadāśivo bhavedviṣṇurbrahmā sarvātmako hyataḥ

अतः ब्रह्मा माहेश्वर-स्वरूप है, शिव ब्रह्मा के अधिपति हैं; विष्णु सदाशिव-रूप हैं; इस प्रकार ब्रह्मा सर्वात्मक है।

श्लोक 49 (skanda.7.19.49)

स एव भगवान्रुद्रो विष्णुर्विश्व जगत्प्रभुः। अस्मिन्नण्डे त्विमेलोका अन्तर्विश्वमिदंजगत्

sa eva bhagavānrudro viṣṇurviśva jagatprabhuḥ| asminnaṇḍe tvimelokā antarviśvamidaṁjagat

वही भगवान् रुद्र और विष्णु हैं, संपूर्ण चराचर जगत् के स्वामी; और इस एक ब्रह्मांड में ही ये सब लोक हैं—यह संपूर्ण विश्व उसी के भीतर है।

श्लोक 50 (skanda.7.19.50)

चन्द्रसूर्यग्रहा देवि ब्रह्माण्डेऽस्मिन्मनस्विनि। संख्यातुं नैव शक्यन्ते ये भविष्यंति ये गताः

candrasūryagrahā devi brahmāṇḍe'sminmanasvini| saṁkhyātuṁ naiva śakyante ye bhaviṣyaṁti ye gatāḥ

हे मनस्विनी देवी! इस एक ब्रह्मांड में जो चंद्र, सूर्य और ग्रह हुए और होने वाले हैं, वे गिने ही नहीं जा सकते।

श्लोक 51 (skanda.7.19.51)

अस्मिन्वाराहकल्पे तु वर्तमाने मनस्विनि। षडतीता महादेवि रोहिणीपतयः पुरा

asminvārāhakalpe tu vartamāne manasvini| ṣaḍatītā mahādevi rohiṇīpatayaḥ purā

हे मनस्विनी महादेवी! इस वर्तमान वाराहकल्प में इससे पूर्व छह रोहिणीपति (चंद्रमा) व्यतीत हो चुके हैं।

श्लोक 52 (skanda.7.19.52)

सप्तमोऽयं महादेवि वर्ततेऽमृतसंभवः। दक्षशापेन यो देवि संक्षीणो दृश्यतेऽधुना

saptamo'yaṁ mahādevi vartate'mṛtasaṁbhavaḥ| dakṣaśāpena yo devi saṁkṣīṇo dṛśyate'dhunā

हे महादेवी! यह सातवाँ चंद्रमा है, जो अमृत से उत्पन्न होकर अभी विद्यमान है; हे देवी! दक्ष के शाप से यही अब क्षीण होता हुआ दिखाई देता है।

श्लोक 53 (skanda.7.19.53)

अथ द्वितीये संप्राप्ते परार्द्धे चैव वेधसः। तस्य त्रिंशत्तिमे कल्पे पितृ कल्पेति विश्रुते

atha dvitīye saṁprāpte parārddhe caiva vedhasaḥ| tasya triṁśattime kalpe pitṛ kalpeti viśrute

अब जब ब्रह्मा के दूसरे परार्ध का समय आया, उसके तीसवें कल्प में, जो 'पितृकल्प' के नाम से प्रसिद्ध है...

श्लोक 54 (skanda.7.19.54)

स्वायंभुवेंऽतरे प्राप्ते तस्यादौ त्वं सती किल। तस्मिन्काले महादेवि योभूद्दक्षः पिता तव

svāyaṁbhuveṁ'tare prāpte tasyādau tvaṁ satī kila| tasminkāle mahādevi yobhūddakṣaḥ pitā tava

...और जब स्वायंभुव मन्वंतर आया, उसके आरंभ में तुम ही निश्चय सती थीं; हे महादेवी! उस समय जो तुम्हारे पिता थे, वे दक्ष थे।

श्लोक 55 (skanda.7.19.55)

प्राणात्प्रजापतेर्जन्म तस्य दक्षस्य कीर्तितम्। अस्मिन्मन्वन्तरे देवि दक्षः प्राचेतसोऽभवत्

prāṇātprajāpaterjanma tasya dakṣasya kīrtitam| asminmanvantare devi dakṣaḥ prācetaso'bhavat

उस दक्ष का जन्म प्रजापति के प्राण से कहा गया है; परंतु हे देवी! इस मन्वंतर में दक्ष प्राचेतस (प्रचेताओं के पुत्र) हुए।

श्लोक 56 (skanda.7.19.56)

अंगुष्ठाद्दक्षिणाद्दक्षो भविष्यत्यधुना प्रिये। युगेयुगे भवन्त्येते सर्वे दक्षादयो द्विजाः

aṁguṣṭhāddakṣiṇāddakṣo bhaviṣyatyadhunā priye| yugeyuge bhavantyete sarve dakṣādayo dvijāḥ

हे प्रिये! अब दक्ष दाहिने अंगूठे से उत्पन्न होंगे; युग-युग में ये सभी द्विज—दक्ष आदि—उत्पन्न होते रहते हैं।

श्लोक 57 (skanda.7.19.57)

पुनश्चैव विनश्यन्ति विद्वांस्तत्र न मुह्यति। तस्यापमानात्त्वं देवि देहं तत्यक्थ वै पुरा

punaścaiva vinaśyanti vidvāṁstatra na muhyati| tasyāpamānāttvaṁ devi dehaṁ tatyaktha vai purā

और वे पुनः नष्ट भी हो जाते हैं; इसमें विद्वान् व्यक्ति मोहित नहीं होता। हे देवी! उसी दक्ष के अपमान के कारण तुमने पूर्वकाल में अपना शरीर त्याग दिया था।

श्लोक 58 (skanda.7.19.58)

तावद्वियुक्तोऽहं देवि त्वया मुक्तोऽभवं पुरा। यावद्वराहकल्पस्य चाक्षुषस्यान्तरं प्रिये

tāvadviyukto'haṁ devi tvayā mukto'bhavaṁ purā| yāvadvarāhakalpasya cākṣuṣasyāntaraṁ priye

हे देवी! मैं उतने समय तक तुमसे वियुक्त रहा—पूर्वकाल में मुक्त हो गया था—जब तक हे प्रिये! वाराहकल्प के चाक्षुष मन्वंतर तक का अंतराल रहा।

श्लोक 59 (skanda.7.19.59)

एकविंशो मनुश्चायं कल्पे वाराहसंज्ञके। कल्पेकल्पे महादेवि भवेन्नामान्तरं तव

ekaviṁśo manuścāyaṁ kalpe vārāhasaṁjñake| kalpekalpe mahādevi bhavennāmāntaraṁ tava

और वाराह नामक इस कल्प में यह इक्कीसवाँ मनु है; हे महादेवी! प्रत्येक कल्प में तुम्हारा नाम बदलता रहता है।

श्लोक 60 (skanda.7.19.60)

अस्मिन्कल्पे तु वाराहे हिमवत्तपसार्ज्जिते। संभूता पार्वती देवि चाक्षुषस्यांतरे गते

asminkalpe tu vārāhe himavattapasārjjite| saṁbhūtā pārvatī devi cākṣuṣasyāṁtare gate

परंतु इस वाराहकल्प में, हिमवान् की तपस्या से अर्जित होकर, हे देवी! चाक्षुष मन्वंतर बीत जाने पर तुम पार्वती के रूप में उत्पन्न हुईं।

श्लोक 61 (skanda.7.19.61)

ब्रह्मणो दिनमेकं तु षण्मासेन तवावधिः। त्वं वियुक्ता मया सार्द्धं दक्षकोपेन भामिनि

brahmaṇo dinamekaṁ tu ṣaṇmāsena tavāvadhiḥ| tvaṁ viyuktā mayā sārddhaṁ dakṣakopena bhāmini

यह ब्रह्मा का मात्र एक दिन था; हे भामिनि! दक्ष के क्रोध के कारण मुझसे वियुक्त हुई तुम्हारी अवधि छह मास ही थी।

श्लोक 62 (skanda.7.19.62)

तव क्रोधेन ये शप्ता ऋषयो वै मया पुरा। तेऽपि देवि त्वया सार्द्धं जाता वैवस्वतेंतरे

tava krodhena ye śaptā ṛṣayo vai mayā purā| te'pi devi tvayā sārddhaṁ jātā vaivasvateṁtare

तुम्हारे क्रोध के कारण मैंने जिन ऋषियों को पूर्वकाल में शापित किया था, हे देवी! वे भी तुम्हारे साथ ही वैवस्वत मन्वंतर में उत्पन्न हुए।

श्लोक 63 (skanda.7.19.63)

भृगुरंगिरा मरीचिस्तु पुलस्त्यः पुलहः क्रतुः। अत्रिश्चैव वसिष्ठश्च अष्टौ ते ब्रह्मणः सुताः

bhṛguraṁgirā marīcistu pulastyaḥ pulahaḥ kratuḥ| atriścaiva vasiṣṭhaśca aṣṭau te brahmaṇaḥ sutāḥ

भृगु, अंगिरा, मरीचि, पुलस्त्य, पुलह, क्रतु, अत्रि और वसिष्ठ—ये आठ ब्रह्मा के पुत्र हैं।

श्लोक 64 (skanda.7.19.64)

दक्षस्य यज्ञे ते शप्ताः पूर्वं स्वायंभुवेन्तरे। जाता देवि पुनस्ते वै कल्पेस्मिंश्चाक्षुषे गते

dakṣasya yajñe te śaptāḥ pūrvaṁ svāyaṁbhuventare| jātā devi punaste vai kalpesmiṁścākṣuṣe gate

उन्हें पूर्वकाल में स्वायंभुव मन्वंतर में दक्ष के यज्ञ में शापित किया गया था; हे देवी! वे इसी कल्प में, चाक्षुष मन्वंतर बीत जाने पर, पुनः उत्पन्न हुए।

श्लोक 65 (skanda.7.19.65)

देवस्य महतो यज्ञे वारुणीं बिभ्रतस्तनुम्। ब्रह्मणो जुह्वतः शुक्रमग्नौ पूर्वं प्रजेप्सया

devasya mahato yajñe vāruṇīṁ bibhratastanum| brahmaṇo juhvataḥ śukramagnau pūrvaṁ prajepsayā

उस महान् देवयज्ञ में, वारुणी (जलमयी) देह धारण किए हुए ब्रह्मा द्वारा, संतान की इच्छा से पूर्वकाल में अग्नि में वीर्य की आहुति दिए जाने पर—

श्लोक 66 (skanda.7.19.66)

ऋषयो जज्ञिरे पूर्वं सूर्यबिंबसमप्रभाः। पितुस्तव समीपं ते वरणाय तव प्रिये। प्रस्थापिता मया पूर्वं तत्त्वं जानासि सुव्रते

ṛṣayo jajñire pūrvaṁ sūryabiṁbasamaprabhāḥ| pitustava samīpaṁ te varaṇāya tava priye| prasthāpitā mayā pūrvaṁ tattvaṁ jānāsi suvrate

—तब सूर्यमंडल के समान तेजस्वी उन ऋषियों का जन्म हुआ। हे प्रिये! उन्हें मैंने पूर्वकाल में तुम्हारे वरण के निमित्त तुम्हारे पिता के समीप भेजा था—हे सुव्रते! यह तत्त्व तुम जानती ही हो।

श्लोक 67 (skanda.7.19.67)

अथ किं बहुनोक्तेन वच्मि ते प्रश्नमुत्तमम्। द्वितीये तु परार्द्धेऽस्मिन्वर्त्तमाने च वेधसः

atha kiṁ bahunoktena vacmi te praśnamuttamam| dvitīye tu parārddhe'sminvarttamāne ca vedhasaḥ

अब अधिक कहने से क्या लाभ? मैं तुम्हें तुम्हारे उत्तम प्रश्न का उत्तर देता हूँ। ब्रह्मा के इस वर्तमान द्वितीय परार्ध में...

श्लोक 68 (skanda.7.19.68)

श्वेतकल्पात्समारभ्य यावद्वाराहगोचरम्। समतीताश्च ये चन्द्रास्ताञ्छृणुष्व वरानने

śvetakalpātsamārabhya yāvadvārāhagocaram| samatītāśca ye candrāstāñchṛṇuṣva varānane

...श्वेतकल्प से आरंभ कर वाराहकल्प तक जो चंद्रमा व्यतीत हो चुके हैं, हे वरानने! उन्हें सुनो।

श्लोक 69 (skanda.7.19.69)

चतुःशतानि देवेशि षड्विंशत्यधिकानि तु। गतानि शीतरश्मीनां सप्तविंशोऽधुना प्रिये

catuḥśatāni deveśi ṣaḍviṁśatyadhikāni tu| gatāni śītaraśmīnāṁ saptaviṁśo'dhunā priye

हे देवेशि! चार सौ छब्बीस चंद्रमा व्यतीत हो चुके हैं; हे प्रिये! अब यह सत्ताईसवाँ चंद्रमा है।

श्लोक 70 (skanda.7.19.70)

वैवस्वतेंऽतरे प्राप्ते यश्चायं वर्ततेऽधुना। त्रेतायुगे तु दशमे दत्तात्रेयपुरःसरः

vaivasvateṁ'tare prāpte yaścāyaṁ vartate'dhunā| tretāyuge tu daśame dattātreyapuraḥsaraḥ

और जो यह अब वैवस्वत मन्वंतर आने पर विद्यमान है—दसवें त्रेतायुग में दत्तात्रेय के अग्रगामी होकर...

श्लोक 71 (skanda.7.19.71)

संजातो रोहिणीनाथो योऽधुना वर्त्तते प्रिये। तस्योत्पत्तिप्रसंगेन विष्णोर्मानुषसंभवान्

saṁjāto rohiṇīnātho yo'dhunā varttate priye| tasyotpattiprasaṁgena viṣṇormānuṣasaṁbhavān

...रोहिणी के वह स्वामी उत्पन्न हुए, हे प्रिये! जो अब विद्यमान हैं। उन्हीं की उत्पत्ति के प्रसंग से मैं विष्णु के मानव-जन्मों के विषय में बताता हूँ।

श्लोक 72 (skanda.7.19.72)

देहावतारान्वक्ष्यामि प्रारंभात्प्रथमान्प्रिये। पञ्चमः पंचदश्यां स त्रेतायां तु बभूव ह

dehāvatārānvakṣyāmi prāraṁbhātprathamānpriye| pañcamaḥ paṁcadaśyāṁ sa tretāyāṁ tu babhūva ha

हे प्रिये! मैं आरंभ से लेकर प्रथम अवतारों के विषय में बताऊँगा। पाँचवाँ अवतार पंद्रहवें त्रेतायुग में हुआ।

श्लोक 73 (skanda.7.19.73)

मांधाता चक्रवर्त्तित्वे तस्योतथ्यपुरःसरः। एकोनविंशत्रेतायां सर्वक्षत्रांतकोऽभवत्

māṁdhātā cakravarttitve tasyotathyapuraḥsaraḥ| ekonaviṁśatretāyāṁ sarvakṣatrāṁtako'bhavat

मांधाता के चक्रवर्तित्व में, उतथ्य के अग्रगामी होकर [वे अवतरित हुए]। उन्नीसवें त्रेतायुग में वे संपूर्ण क्षत्रियों का अंत करने वाले हुए।

श्लोक 74 (skanda.7.19.74)

जामदग्न्यस्तथा षष्ठो विश्वामित्रपुरःसरः। चतुर्विंशे युगे रामो वसिष्ठेन पुरोधसा

jāmadagnyastathā ṣaṣṭho viśvāmitrapuraḥsaraḥ| caturviṁśe yuge rāmo vasiṣṭhena purodhasā

और छठा जमदग्नि-पुत्र (परशुराम) हुआ, विश्वामित्र के अग्रगामी होने पर; चौबीसवें युग में राम, वसिष्ठ के पुरोहित होने पर—

श्लोक 75 (skanda.7.19.75)

सप्तमो रावणस्यार्थे जज्ञे दशरथात्मजः। अष्टमे द्वापरे विष्णुरष्टाविंशे पराशरात्

saptamo rāvaṇasyārthe jajñe daśarathātmajaḥ| aṣṭame dvāpare viṣṇuraṣṭāviṁśe parāśarāt

—सातवाँ अवतार दशरथ-पुत्र के रूप में रावण के निमित्त उत्पन्न हुआ। आठवें अवतार में, अट्ठाईसवें द्वापर में विष्णु पराशर से...

श्लोक 76 (skanda.7.19.76)

वेदव्यासस्ततो जज्ञे जातूकर्ण्यपुरःसरः। तत्रैव नवमो विष्णुरदितेः कश्यपात्मजः

vedavyāsastato jajñe jātūkarṇyapuraḥsaraḥ| tatraiva navamo viṣṇuraditeḥ kaśyapātmajaḥ

...वेदव्यास के रूप में जन्मे, जातूकर्ण्य के अग्रगामी होने पर। उसी में नवें विष्णु अदिति से, कश्यप के पुत्र के रूप में उत्पन्न हुए।

श्लोक 77 (skanda.7.19.77)

देवक्यां वसुदेवात्तु ब्रह्मगर्गपुरःसरः। एकविंशतमस्यास्य द्वापरस्यांशसंक्षये। नष्टे धर्मे तदा जज्ञे विष्णुर्वृष्णिकुले स्वयम्

devakyāṁ vasudevāttu brahmagargapuraḥsaraḥ| ekaviṁśatamasyāsya dvāparasyāṁśasaṁkṣaye| naṣṭe dharme tadā jajñe viṣṇurvṛṣṇikule svayam

देवकी में वसुदेव से, गर्ग के अग्रगामी होने पर—इस इक्कीसवें द्वापर के अंश-क्षय के समय, जब धर्म नष्ट हो गया था, तब विष्णु स्वयं वृष्णिकुल में उत्पन्न हुए।

श्लोक 78 (skanda.7.19.78)

कर्तुं धर्मव्यवस्थानमसुराणां प्रणाशनः। पूर्वजन्मनि विष्णुः स प्रमतिर्नाम वीर्यवान्

kartuṁ dharmavyavasthānamasurāṇāṁ praṇāśanaḥ| pūrvajanmani viṣṇuḥ sa pramatirnāma vīryavān

—धर्म की व्यवस्था करने के लिए, असुरों का नाश करने वाले के रूप में। वह विष्णु पूर्वजन्म में प्रमति नामक पराक्रमी थे।

श्लोक 79 (skanda.7.19.79)

गोत्रेण वै चंद्रमसः संध्यामिश्रे भविष्यति। कल्किर्विष्णुयशानाम पाराशर्यप्रतापवान्

gotreṇa vai caṁdramasaḥ saṁdhyāmiśre bhaviṣyati| kalkirviṣṇuyaśānāma pārāśaryapratāpavān

चंद्रवंश में ही, संध्या-मिश्रित काल में वे उत्पन्न होंगे—कल्कि, विष्णुयश नाम वाले, पराशर के समान प्रतापी।

श्लोक 80 (skanda.7.19.80)

दशमो भाव्यसंभूतो याज्ञवल्क्यपुरःसरः। अनुकर्षश्च वै सेनां हस्त्यश्वरथसंकुलाम्

daśamo bhāvyasaṁbhūto yājñavalkyapuraḥsaraḥ| anukarṣaśca vai senāṁ hastyaśvarathasaṁkulām

दसवाँ अवतार, जो भविष्य में उत्पन्न होगा, याज्ञवल्क्य के अग्रगामी होने पर, हाथी-घोड़े-रथों से भरी सेना का संचालन करेगा।

श्लोक 81 (skanda.7.19.81)

प्रगृहीतायुधैर्विप्रैर्भृशं शतसहस्रशः। निःशेषाञ्छूद्रराज्ञस्तांस्तदा स तु करिष्यति

pragṛhītāyudhairviprairbhṛśaṁ śatasahasraśaḥ| niḥśeṣāñchūdrarājñastāṁstadā sa tu kariṣyati

शस्त्रधारी ब्राह्मणों सहित, लाखों की संख्या में, वह तब उन शूद्र राजाओं को पूर्णतः नष्ट कर देगा।

श्लोक 82 (skanda.7.19.82)

पाखंडान्म्लेच्छजातींश्च दस्यूंश्चैव सहस्रशः। नात्यर्थं धार्मिका ये च ब्रह्मब्रह्मद्विषः क्वचित्

pākhaṁḍānmlecchajātīṁśca dasyūṁścaiva sahasraśaḥ| nātyarthaṁ dhārmikā ye ca brahmabrahmadviṣaḥ kvacit

वह पाखंडियों, म्लेच्छ जातियों तथा डाकुओं को सहस्रों की संख्या में नष्ट करेगा, तथा उन्हें भी जो वास्तव में धार्मिक नहीं हैं और जो कहीं भी ब्रह्म तथा ब्राह्मणों से द्वेष रखते हैं।

श्लोक 83 (skanda.7.19.83)

प्रवृत्तचक्रो बलवाञ्च्छूराणामंतको बली। अदृश्यः सर्वभूतानां पृथिवीं विचरिष्यति

pravṛttacakro balavāñcchūrāṇāmaṁtako balī| adṛśyaḥ sarvabhūtānāṁ pṛthivīṁ vicariṣyati

चक्र को प्रवृत्त किए हुए, बलवान्, शूरवीरों का भी अंत करने वाला, बलशाली, समस्त प्राणियों के लिए अदृश्य होकर वह पृथ्वी पर विचरण करेगा।

श्लोक 84 (skanda.7.19.84)

मानवस्य तु सोंऽशेन देवस्य भुवि वै प्रभुः। क्षपयित्वा तु तान्सर्वान्भाविनार्थेन नोदितान्। गंगायमुनयोर्मध्ये निष्ठां प्राप्स्यति सानुगः

mānavasya tu soṁ'śena devasya bhuvi vai prabhuḥ| kṣapayitvā tu tānsarvānbhāvinārthena noditān| gaṁgāyamunayormadhye niṣṭhāṁ prāpsyati sānugaḥ

मानव देव के अंश रूप में पृथ्वी पर प्रभु होकर, भावी नियति से प्रेरित उन सबका नाश करके, वह अपने अनुयायियों सहित गंगा-यमुना के मध्य निष्ठा को प्राप्त करेगा।

श्लोक 85 (skanda.7.19.85)

ततो व्यतीते कल्कौ तु सामात्ये सहसैनिके। नृपेष्वपि च नष्टेषु तदात्वप्रहराः प्रजाः

tato vyatīte kalkau tu sāmātye sahasainike| nṛpeṣvapi ca naṣṭeṣu tadātvapraharāḥ prajāḥ

इसके पश्चात् कल्कि के, अपने मंत्रियों और सेना सहित, व्यतीत हो जाने पर, तथा राजाओं के भी नष्ट हो जाने पर, उस समय प्रजा असहाय हो जाएगी।

श्लोक 86 (skanda.7.19.86)

रक्षणे विनिवृत्ते च हत्वा चान्योन्यमाहवे। परस्परहतास्ताश्च निराक्रंदाः सुदुःखिताः

rakṣaṇe vinivṛtte ca hatvā cānyonyamāhave| parasparahatāstāśca nirākraṁdāḥ suduḥkhitāḥ

और रक्षा के समाप्त हो जाने पर, तथा युद्ध में एक-दूसरे को मारकर, वे परस्पर आहत, निराश्रित और अत्यंत दुःखी हो जाएँगे।

श्लोक 87 (skanda.7.19.87)

क्षीणे कलियुगे चास्मिन्दशवर्षसहस्रके। स संध्यांशे तु निःशेषे कृतं वै प्रतिपत्स्यति

kṣīṇe kaliyuge cāsmindaśavarṣasahasrake| sa saṁdhyāṁśe tu niḥśeṣe kṛtaṁ vai pratipatsyati

और इस दस सहस्र वर्ष वाले कलियुग के क्षीण हो जाने पर, तथा उसके संध्यांश के पूर्णतः समाप्त हो जाने पर, कृतयुग पुनः आरंभ हो जाएगा।

श्लोक 88 (skanda.7.19.88)

यदा चंद्रश्च सूर्यश्च तथा तिष्यबृहस्पती। एकराशौ समेष्यंति प्रपत्स्यति तदा कृतम्

yadā caṁdraśca sūryaśca tathā tiṣyabṛhaspatī| ekarāśau sameṣyaṁti prapatsyati tadā kṛtam

जब चंद्रमा, सूर्य, तथा तिष्य (पुष्य नक्षत्र) और बृहस्पति एक ही राशि में मिलेंगे, तब कृतयुग का प्रारंभ होगा।

श्लोक 89 (skanda.7.19.89)

अभिजिन्नाम नक्षत्रं जयंतीनाम शर्वरी। मुहूर्तो विजयो नाम यत्र जातो जनार्द्दनः

abhijinnāma nakṣatraṁ jayaṁtīnāma śarvarī| muhūrto vijayo nāma yatra jāto janārddanaḥ

अभिजित् नामक नक्षत्र, जयंती नामक रात्रि, विजय नामक मुहूर्त—इसी में जनार्दन (कृष्ण) का जन्म हुआ था।

श्लोक 90 (skanda.7.19.90)

देव्युवाच। नोक्तं यथावदखिलं भृगुशापविचेष्टितम्। पूर्वावतारान्मे ब्रूहि नोक्तपूर्वान्महेश्वर

devyuvāca| noktaṁ yathāvadakhilaṁ bhṛguśāpaviceṣṭitam| pūrvāvatārānme brūhi noktapūrvānmaheśvara

देवी ने कहा—भृगु के शाप की चेष्टा का संपूर्ण वृत्तांत यथावत् नहीं कहा गया। हे महेश्वर! मुझे उन पूर्व अवतारों के विषय में बताइए जो अभी तक नहीं कहे गए।

श्लोक 91 (skanda.7.19.91)

ईश्वर उवाच। यदा तु पृथिवी व्याप्ता दानवैर्बलवत्तरैः। ततः प्रभृति शापेन भृगुनैमित्तिकेन ह

īśvara uvāca| yadā tu pṛthivī vyāptā dānavairbalavattaraiḥ| tataḥ prabhṛti śāpena bhṛgunaimittikena ha

ईश्वर ने कहा—जब पृथ्वी अत्यंत बलशाली दानवों से व्याप्त हो गई, तब उसी समय से, भृगु के निमित्त-रूप शाप के कारण—

श्लोक 92 (skanda.7.19.92)

जज्ञे पुनःपुनर्विष्णुः कर्त्तुं धर्मव्यवस्थितिम्। धर्मान्नारायणः साध्यः संभूतश्चाक्षुषेंतरे

jajñe punaḥpunarviṣṇuḥ karttuṁ dharmavyavasthitim| dharmānnārāyaṇaḥ sādhyaḥ saṁbhūtaścākṣuṣeṁtare

—विष्णु धर्म की व्यवस्था स्थापित करने के लिए बार-बार जन्म लेते रहे; धर्म से सिद्ध होने वाले नारायण चाक्षुष मन्वंतर में उत्पन्न हुए।

श्लोक 93 (skanda.7.19.93)

यज्ञं प्रवर्तयामास स च वैवस्वतेंऽतरे। प्रादुर्भावे तदा तस्य ब्रह्मा चासीत्पुरोहितः

yajñaṁ pravartayāmāsa sa ca vaivasvateṁ'tare| prādurbhāve tadā tasya brahmā cāsītpurohitaḥ

और उन्होंने वैवस्वत मन्वंतर में यज्ञ का प्रवर्तन किया; उनके उस प्रादुर्भाव के समय ब्रह्मा ही पुरोहित थे।

श्लोक 94 (skanda.7.19.94)

चतुर्थ्यां तु युगाख्यायामापन्नेषु सुरेष्विह। संभूतः स समुद्रात्तु हिरण्यकशिपोर्वधे

caturthyāṁ tu yugākhyāyāmāpanneṣu sureṣviha| saṁbhūtaḥ sa samudrāttu hiraṇyakaśiporvadhe

चतुर्थ युग में, जब यहाँ देवता संकट में पड़ गए, तब वे समुद्र से उत्पन्न हुए, हिरण्यकशिपु के वध के लिए।

श्लोक 95 (skanda.7.19.95)

द्वितीयो नरसिंहोऽभूद्रुद्रस्तस्य पुरःसरः। लोकेषु बलिसंस्थेषु त्रेतायां सप्तमे युगे

dvitīyo narasiṁho'bhūdrudrastasya puraḥsaraḥ| lokeṣu balisaṁstheṣu tretāyāṁ saptame yuge

दूसरा अवतार नृसिंह हुआ, रुद्र के अग्रगामी होने पर; जब लोक बलि के अधीन थे, सातवें त्रेतायुग में—

श्लोक 96 (skanda.7.19.96)

दैत्यैस्त्रैलोक्य आक्रांते तृतीयो वामनोभवत्। संक्षिप्यात्मानमंगेषु बृहस्पतिपुरःसरः

daityaistrailokya ākrāṁte tṛtīyo vāmanobhavat| saṁkṣipyātmānamaṁgeṣu bṛhaspatipuraḥsaraḥ

—जब त्रैलोक्य दैत्यों से आक्रांत हो गया, तब तीसरा अवतार वामन हुआ, अपने अंगों में स्वयं को संकुचित करके, बृहस्पति के अग्रगामी होने पर।

श्लोक 97 (skanda.7.19.97)

त्रेतायुगे तु दशमे दत्तात्रेयो बभूव ह। नष्टे धर्मे चतुर्थांशे मार्कंडेयपुरःसरः। एते दिव्यावतारा वै मानुष्ये कथिताः पुरा

tretāyuge tu daśame dattātreyo babhūva ha| naṣṭe dharme caturthāṁśe mārkaṁḍeyapuraḥsaraḥ| ete divyāvatārā vai mānuṣye kathitāḥ purā

दसवें त्रेतायुग में दत्तात्रेय हुए; जब धर्म का चतुर्थांश नष्ट हो गया था, मार्कंडेय के अग्रगामी होने पर। ये सभी दिव्य अवतार मनुष्यों में पहले ही कहे जा चुके हैं।