जलप्रभासमाहात्म्यवर्णनम्

श्लोक 1 (skanda.7.196.1)

ईश्वर उवाच। ततो गच्छेन्महादेवि प्रभासं जलसंस्थितम्। वृद्धप्रभासाद्दक्षिणतो नातिदूरे व्यवस्थितम्

īśvara uvāca| tato gacchenmahādevi prabhāsaṁ jalasaṁsthitam| vṛddhaprabhāsāddakṣiṇato nātidūre vyavasthitam

ईश्वर ने कहा—हे महादेवि, तदनन्तर जल में स्थित उस प्रभास की ओर जाना चाहिए, जो वृद्धप्रभास से दक्षिण दिशा में न अधिक दूर पर स्थित है।

श्लोक 2 (skanda.7.196.2)

तस्यैव देवि देवस्य शृणु माहात्म्यमुत्तमम्

tasyaiva devi devasya śṛṇu māhātmyamuttamam

हे देवि, उसी देव का यह उत्तम माहात्म्य सुनो।

श्लोक 3 (skanda.7.196.3)

जामदग्न्येन रामेण यदा क्षत्त्रवधः कृतः। तदाऽस्य परमा जाता घृणा मनसि भामिनि

jāmadagnyena rāmeṇa yadā kṣattravadhaḥ kṛtaḥ| tadā'sya paramā jātā ghṛṇā manasi bhāmini

जब जमदग्नि-पुत्र राम ने क्षत्रियों का वध किया, तब, हे भामिनि, उनके मन में परम ग्लानि उत्पन्न हुई।

श्लोक 4 (skanda.7.196.4)

ततस्त्वाराधयामास महादेवं सुरेश्वरम्। उग्रं तपः समास्थाय बहून्वर्षगणान्प्रिये

tatastvārādhayāmāsa mahādevaṁ sureśvaram| ugraṁ tapaḥ samāsthāya bahūnvarṣagaṇānpriye

तब उसने महादेव सुरेश्वर की आराधना की, हे प्रिये, अनेक वर्षों तक उग्र तप में स्थित रहकर।

श्लोक 5 (skanda.7.196.5)

ततस्तुष्टो महादेवस्तस्य प्रत्यक्षतां गतः। अब्रवीद्वरदस्तेऽहं वरं वरय सुव्रत

tatastuṣṭo mahādevastasya pratyakṣatāṁ gataḥ| abravīdvaradaste'haṁ varaṁ varaya suvrata

तब प्रसन्न होकर महादेव उसके समक्ष प्रत्यक्ष हुए और बोले—हे सुव्रत, मैं तुम्हें वर देने वाला हूँ, वर माँगो।

श्लोक 6 (skanda.7.196.6)

राम उवाच। यदि तुष्टोऽसि मे देव यदि देयो वरो मम। दर्शयस्व स्वकं लिंगं यज्ञे वज्रेण छादितम्

rāma uvāca| yadi tuṣṭo'si me deva yadi deyo varo mama| darśayasva svakaṁ liṅgaṁ yajñe vajreṇa chāditam

राम ने कहा—हे देव, यदि आप मुझ पर प्रसन्न हैं और यदि मुझे वर देना चाहते हैं, तो यज्ञ में वज्र से ढके गए अपने लिंग का मुझे दर्शन कराइए।

श्लोक 7 (skanda.7.196.7)

घृणा मे महती जाता हत्वेमान्क्षत्रियान्बहून्। दर्शनात्तव लिंगस्य येन मे नश्यते घृणा

ghṛṇā me mahatī jātā hatvemānkṣatriyānbahūn| darśanāttava liṅgasya yena me naśyate ghṛṇā

इन अनेक क्षत्रियों का वध करके मुझे महान ग्लानि उत्पन्न हुई है; आपके लिंग के दर्शन से यह ग्लानि मेरी नष्ट हो जाए।

श्लोक 8 (skanda.7.196.8)

तथा मे पातकं सर्वं प्रसादात्तव शंकर

tathā me pātakaṁ sarvaṁ prasādāttava śaṅkara

हे शंकर, आपकी कृपा से मेरे समस्त पाप भी उसी प्रकार नष्ट हो जाएँ।

श्लोक 9 (skanda.7.196.9)

शंकर उवाच। मम लिंगं सहस्राक्ष उत्थितं तु पुनःपुनः। वज्रेणाच्छादयत्येव भयेन महता वृतः

śaṅkara uvāca| mama liṅgaṁ sahasrākṣa utthitaṁ tu punaḥpunaḥ| vajreṇācchādayatyeva bhayena mahatā vṛtaḥ

शंकर ने कहा—जब-जब मेरा लिंग उठता है, तब-तब सहस्राक्ष (इन्द्र) महान भय से घिरा हुआ उसे वज्र से ढक देता है।

श्लोक 10 (skanda.7.196.10)

न तेऽहं दर्शनं यास्ये लिंगरूपी कदाचन

na te'haṁ darśanaṁ yāsye liṅgarūpī kadācana

इसलिए मैं कभी भी लिंगरूप में तुम्हें दर्शन नहीं दूँगा।

श्लोक 11 (skanda.7.196.11)

यन्मां वदसि घृणया वृतोऽहं पातकेन तु। तत्तेऽहं नाशयिष्यामि स्पर्शनात्तु द्विजोत्तम

yanmāṁ vadasi ghṛṇayā vṛto'haṁ pātakena tu| tatte'haṁ nāśayiṣyāmi sparśanāttu dvijottama

किन्तु हे द्विजोत्तम, तुम ग्लानि से घिरे हो और पाप से युक्त हो, यह जो तुमने कहा—उसे मैं स्पर्श मात्र से नष्ट कर दूँगा।

श्लोक 12 (skanda.7.196.12)

अस्मिञ्जलाश्रये पुण्ये जलमध्ये महामते। उत्थास्यति महालिंगं तस्य त्वं दर्शनं कुरु

asmiñjalāśraye puṇye jalamadhye mahāmate| utthāsyati mahāliṅgaṁ tasya tvaṁ darśanaṁ kuru

हे महामते, इस पवित्र जलाश्रय में, जल के मध्य में, एक महालिंग प्रकट होगा; उसका तुम दर्शन करो।

श्लोक 13 (skanda.7.196.13)

गमिष्यति घृणा सर्वा निष्पापस्त्वं भविष्यसि। उक्त्वैवमुदतिष्ठच्च जलमध्याद्वरानने

gamiṣyati ghṛṇā sarvā niṣpāpastvaṁ bhaviṣyasi| uktvaivamudatiṣṭhacca jalamadhyādvarānane

तुम्हारी सारी ग्लानि दूर हो जाएगी और तुम निष्पाप हो जाओगे। हे वरानने, यह कहकर वह जल के मध्य से उठ खड़ा हुआ।

श्लोक 14 (skanda.7.196.14)

जलप्रभासनामास्य ततो जातं धरातले। तस्यालं स्पर्शनाद्देवि शिवलोकं व्रजेन्नरः

jalaprabhāsanāmāsya tato jātaṁ dharātale| tasyālaṁ sparśanāddevi śivalokaṁ vrajennaraḥ

इस प्रकार पृथ्वीतल पर उसका नाम जलप्रभास हुआ; हे देवि, उसका स्पर्शमात्र मनुष्य को शिवलोक प्राप्त कराने में पर्याप्त है।

श्लोक 15 (skanda.7.196.15)

एकं भोजयते योऽत्र ब्राह्मणं शंसितव्रतम्। भोजितोऽहं भवेत्तेन सपत्नीको न संशयः

ekaṁ bhojayate yo'tra brāhmaṇaṁ śaṁsitavratam| bhojito'haṁ bhavettena sapatnīko na saṁśayaḥ

जो यहाँ एक व्रतनिष्ठ ब्राह्मण को भोजन कराता है, उसके द्वारा मैं अपनी पत्नी सहित भोजन कराया गया मानता हूँ, इसमें कोई संशय नहीं।

श्लोक 16 (skanda.7.196.16)

एषा जलप्रभासस्य संभूतिस्ते मयोदिता। श्रुता पापोपशमनी सर्वकामफलप्रदा

eṣā jalaprabhāsasya saṁbhūtiste mayoditā| śrutā pāpopaśamanī sarvakāmaphalapradā

यह जलप्रभास की उत्पत्ति-कथा मैंने तुम्हें सुनाई; इसे सुनने मात्र से पापों का शमन होता है और यह समस्त कामनाओं का फल देने वाली है।