मेघेश्वरमाहात्म्यवर्णनम्

श्लोक 1 (skanda.7.226.1)

ईश्वर उवाच। तस्यैव पूर्वभागे तु नैर्ऋते पापमोचनात्। मेघेश्वरेति विख्यातं सर्वपातकनाशनम्

īśvara uvāca| tasyaiva pūrvabhāge tu nairṛte pāpamocanāt| megheśvareti vikhyātaṁ sarvapātakanāśanam

ईश्वर ने कहा—उसी के पूर्व भाग में, पापमोचन से नैर्ऋत्य दिशा में, मेघेश्वर नाम से विख्यात तथा समस्त पापों का नाश करने वाला लिंग है।

श्लोक 2 (skanda.7.226.2)

अनावृष्टिभये जाते शांतिं तत्रैव कारयेत्। वारुणीं विप्रमुख्यैस्तु भावयेदुदकैर्महीम्

anāvṛṣṭibhaye jāte śāṁtiṁ tatraiva kārayet| vāruṇīṁ vipramukhyaistu bhāvayedudakairmahīm

जब अनावृष्टि का भय उत्पन्न हो, तब वहीं शान्ति-कर्म करना चाहिए; तथा प्रमुख ब्राह्मणों के साथ वारुणी विधि से पृथ्वी को जल से सिञ्चित करना चाहिए।

श्लोक 3 (skanda.7.226.3)

मेघैः प्रतिष्ठितं लिंगं यत्र नित्यं प्रपूज्यते। अनावृष्टिभयं किंचिन्न च तत्र प्रजायते

meghaiḥ pratiṣṭhitaṁ liṅgaṁ yatra nityaṁ prapūjyate| anāvṛṣṭibhayaṁ kiṁcinna ca tatra prajāyate

जहाँ मेघों द्वारा प्रतिष्ठित उस लिंग की नित्य पूजा की जाती है, वहाँ अनावृष्टि का किंचिन्मात्र भी भय उत्पन्न नहीं होता।