संगमेश्वर माहात्म्य वर्णन

श्लोक 1 (skanda.7.249.1)

ईश्वर उवाच। ततो गच्छेन्महादेवि देवं वै संगमेश्वरम्। गोलक्षमिति विख्यातं सर्वपातकनाशनम्

īśvara uvāca| tato gacchenmahādevi devaṁ vai saṁgameśvaram| golakṣamiti vikhyātaṁ sarvapātakanāśanam

ईश्वर ने कहा—हे महादेवी, इसके पश्चात् संगमेश्वर देव के पास जाना चाहिए, जो 'गोलक्ष' नाम से प्रसिद्ध हैं और समस्त पापों का नाश करने वाले हैं।

श्लोक 2 (skanda.7.249.2)

तस्यैव पश्चिमे भागे सर्वकामफलप्रदम्। ऋषिरुद्दालकोनाम पुरा ह्यासीन्महातपाः

tasyaiva paścime bhāge sarvakāmaphalapradam| ṛṣiruddālako nāma purā hyāsīnmahātapāḥ

उसी के पश्चिम भाग में, समस्त कामनाओं का फल देने वाले स्थान पर, प्राचीन काल में उद्दालक नामक एक महातपस्वी ऋषि रहते थे।

श्लोक 3 (skanda.7.249.3)

स पुरा संगमं प्राप्य सर्वपापप्रणाशनम्। सरस्वत्याश्च पिंगायास्तपस्तेपे सुरेश्वरि

sa purā saṁgamaṁ prāpya sarvapāpapraṇāśanam| sarasvatyāśca piṁgāyāstapastepe sureśvari

हे सुरेश्वरि, उन्होंने पूर्वकाल में सरस्वती और पिंगा के संगम पर, जो समस्त पापों का नाश करने वाला है, पहुँचकर तपस्या की थी।

श्लोक 4 (skanda.7.249.4)

ततस्तपस्यतस्तस्य तपो रौद्रं महात्मनः। पुरतो ह्युत्थितं लिंगं भक्त्या युक्तस्य सुन्दरि

tatastapasyatastasya tapo raudraṁ mahātmanaḥ| purato hyutthitaṁ liṅgaṁ bhaktyā yuktasya sundari

हे सुंदरि, जब वह महात्मा भक्तिपूर्वक घोर तपस्या कर रहे थे, तब उनके सामने एक लिंग प्रकट हो उठा।

श्लोक 5 (skanda.7.249.5)

एतस्मिन्नेव काले तु वागुवाचाशरीरिणी। उद्दालक महाबाहो शृणुष्वैतद्वचो मम

etasminneva kāle tu vāguvācāśarīriṇī| uddālaka mahābāho śṛṇuṣvaitadvaco mama

उसी समय एक अशरीरिणी वाणी ने कहा—'हे महाबाहु उद्दालक, मेरा यह वचन सुनो।'

श्लोक 6 (skanda.7.249.6)

अद्यप्रभृति वासोऽत्र मम नित्यं भविष्यति। यस्मादत्र समुत्पन्नं संगमे लिंगमुत्तमम्। संगमेश्वरमित्येव नाम चास्य भविष्यति

adyaprabhṛti vāso'tra mama nityaṁ bhaviṣyati| yasmādatra samutpannaṁ saṁgame liṅgamuttamam| saṁgameśvaramityeva nāma cāsya bhaviṣyati

'आज से यहाँ मेरा नित्य निवास होगा। चूँकि यह उत्तम लिंग संगम पर प्रकट हुआ है, इसलिए इसका नाम संगमेश्वर ही होगा।'

श्लोक 7 (skanda.7.249.7)

येत्र स्नानं नराः कृत्वा संगमे लोकविश्रुते। संगमेश्वरमीक्षन्ते ते यांति परमां गतिम्

yetra snānaṁ narāḥ kṛtvā saṁgame lokaviśrute| saṁgameśvaramīkṣante te yāṁti paramāṁ gatim

जो मनुष्य इस लोकविख्यात संगम में स्नान करके संगमेश्वर का दर्शन करते हैं, वे परम गति को प्राप्त होते हैं।

श्लोक 8 (skanda.7.249.8)

ईश्वर उवाच। ततस्तं पूजयामास दिवारात्रमतंद्रितः। ततो देहावसानेऽसौ गतो यत्र महेश्वरः

īśvara uvāca| tatastaṁ pūjayāmāsa divārātramataṁdritaḥ| tato dehāvasāne'sau gato yatra maheśvaraḥ

ईश्वर ने कहा—तब उद्दालक ने अनथक होकर दिन-रात उसकी पूजा की; और देह के अंत में वे उस परम स्थान को प्राप्त हुए जहाँ भगवान महेश्वर विराजते हैं।